| ᠨᠠᠴᠢᠨᠱᠤᠩᠬᠤᠷ ᠪᠤᠯ ᠤᠷᠳᠤᠰ ᠬᠤᠳᠠ ᠶᠢᠨ ᠤᠳᠤᠭ ᠤᠨ ᠡᠮᠤᠨᠡᠳᠤ ᠬᠤᠰᠢᠭᠤᠨ ᠤ ᠱᠠᠩᠬᠠᠢ ᠶᠢᠨ ᠰᠦᠮᠠ | ᠪᠠᠯᠭᠠᠰᠤ ᠶᠢᠨ ᠮᠠᠩᠬᠠᠳᠤ ᠭᠠᠴᠠᠭᠠ ᠪᠠᠷ ᠨᠤᠳᠤᠭ ᠲᠠᠢ ᠵᠠᠯᠠᠭᠤ ᠭᠠᠷ ᠤᠷᠠᠯᠢᠭᠴᠢᠨ ᠶᠤᠮ᠃ ᠳᠠᠷᠠ ᠦᠪᠡᠷ ᠤᠨ | ᠰᠤᠳᠤᠯᠬᠤ᠂ ᠤᠷᠤᠯᠳᠤᠬᠤ ᠳᠤᠷᠠ ᠪᠠᠬᠠ ᠳᠤ ᠪᠠᠨ ᠬᠦᠳᠤᠯᠦᠭᠳᠡᠨ᠂ ᠦᠨᠳᠤᠰᠤᠳᠠᠨ ᠤ ᠤᠨᠴᠠᠯᠢᠭ ᠲᠠᠢ ᠮᠤᠳᠤᠨ | ᠤᠷᠠᠯᠠᠯ ᠤᠨ ᠪᠦᠳᠤᠬᠡᠭᠳᠡᠬᠦᠨ ᠢᠶᠠᠷ ᠢᠶᠠᠨ ᠤᠯᠠᠨ ᠤ ᠬᠦᠷᠢᠶᠡᠯᠡᠯ ᠢ ᠤᠯᠵᠤ ᠶᠠᠪᠤᠨᠠ᠃ | 2006 ᠤᠨ ᠳᠤ ᠨᠠᠴᠢᠨᠱᠤᠩᠬᠤᠷ ᠤᠨ ᠮᠦᠮᠤ ᠨᠢ ᠬᠦᠨᠳᠤ ᠡᠪᠡᠤᠨᠴᠢᠨ ᠳᠤ ᠨᠡᠷᠪᠡᠭᠳᠡᠭᠰᠡᠨ ᠠᠴᠠ ᠠᠵᠤ | ᠠᠮᠢᠳᠤᠷᠠᠯ ᠨᠢ ᠬᠦᠴᠢᠷᠳᠠᠵᠤ᠂ ᠠᠩᠬᠠ ᠳᠤᠮᠳᠠᠳᠤ ᠪᠠᠨ ᠠᠷᠠᠢ ᠬᠡᠵᠤ ᠳᠡᠬᠦᠰᠬᠡᠮᠡᠭᠴᠡ ︽ᠪᠠᠭᠰᠢ ᠠᠪᠠᠭᠠ︾ | ︵ᠳᠡᠬᠦᠨ ᠤ ᠭᠤᠷᠪᠠᠳᠤᠭᠠᠷ ᠠᠪᠠᠭᠠ ᠶᠠᠨ ᠨᠠᠶᠠᠨᠳᠠᠢ ᠪᠠᠭᠰᠢ︶ ᠶᠢᠨ ᠢᠶᠠᠨ ᠬᠠᠪᠰᠤᠷᠤᠯᠭᠠ ᠪᠠᠷ ᠱᠠᠨᠳᠦ᠋ᠩ ᠮᠤᠵᠢ ᠶᠢᠨ | ᠴᠢᠩᠳᠤᠤ ᠶᠢᠨ ᠠᠵᠢᠯ ᠮᠡᠷᠬᠡᠵᠢᠯ ᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ 4 ᠵᠢᠯ ᠰᠤᠷᠤᠯᠴᠠᠵᠤ᠂ ᠬᠠᠷᠢᠵᠤ ᠢᠷᠡᠭᠰᠡᠨ ᠤ | ᠳᠠᠷᠠᠭᠠ ᠳ᠋ᠦᠩᠱᠧᠩ ᠬᠤᠳᠠ ᠶᠢᠨ ᠵᠢᠤᠢ ᠶᠤᠸᠠᠨ ᠦᠨᠳᠤᠰᠤᠳᠠᠨ ᠤ ᠵᠠᠰᠠᠯ ᠴᠢᠮᠡᠭᠯᠡᠯ ᠤᠨ ᠭᠠᠵᠠᠷ ᠲᠤ ᠮᠤᠳᠤᠨ | ᠮᠠᠲ᠋ᠧᠷᠢᠶᠡᠯ ᠡᠰᠬᠡᠬᠦ᠂ ᠵᠦᠰᠤᠬᠦ᠂ ᠱᠦᠷᠬᠦᠬᠡᠬᠦ ᠮᠡᠳᠤ ᠶᠢᠨ ᠬᠠᠮᠤᠭ ᠤᠨ ᠲᠦᠬᠦᠮ ᠮᠤᠳᠤᠨ ᠤ ᠠᠵᠢᠯ ᠢ ᠬᠢᠵᠤ | ᠪᠠᠶᠢᠭᠰᠠᠨ ᠢᠶᠠᠨ 2008 ᠤᠨ ᠳᠤ ᠤᠳᠤᠭ ᠤᠨ ᠡᠮᠤᠨᠡᠳᠤ ᠬᠤᠰᠢᠭᠤᠨ ᠤ ᠠᠵᠢᠯ ᠮᠡᠷᠬᠡᠵᠢᠯ ᠤᠨ ᠳᠤᠮᠳᠠᠳᠤ | ᠰᠤᠷᠭᠠᠭᠤᠯᠢ ᠶᠢᠨ ᠭᠠᠷ ᠤᠷᠠᠯᠠᠯ ᠤᠨ ᠪᠠᠭᠰᠢ ᠣᠣᠨᠬᠤᠨᠪᠢᠯᠢᠭ᠌ ᠲᠠᠢ ᠬᠠᠮᠳᠤ ᠮᠤᠳᠤᠨ ᠤᠷᠠᠯᠠᠯ ᠢ ᠰᠢᠰᠲ᠋ᠧᠮ ᠲᠠᠢ | ᠰᠤᠷᠬᠤ ᠶᠢᠨ ᠳᠠᠭᠠᠤ ᠬᠢᠵᠤ ᠪᠦᠳᠤᠬᠡᠵᠡᠢ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠳᠠᠷᠠ ᠺᠤᠮᠫᠢᠦ᠋ᠲ᠋ᠧᠷ ᠳᠡᠬᠡᠷᠡ ᠲᠦᠰᠤᠪᠯᠡᠨ | ᠵᠢᠷᠤᠭᠯᠠᠬᠤ ᠮᠡᠷᠬᠡᠵᠢᠯ ᠢ ᠳᠤᠰᠬᠠᠢ ᠪᠡᠬᠡᠵᠢᠩ ᠳᠤ ᠤᠴᠢᠵᠤ ᠭᠤᠷᠪᠠᠨ ᠰᠠᠷᠠ ᠭᠠᠷᠤᠢ ᠰᠤᠷᠤᠯᠴᠠᠵᠤ ᠢᠷᠡᠬᠡᠤᠨ | ᠰᠠᠶᠢᠯᠬᠦ᠂ ᠵᠢᠷᠤᠬᠤ᠂ ᠰᠢᠳᠠᠭᠠᠬᠤ ᠵᠡᠷᠬᠡ ᠶᠢ ᠴᠦᠮ ᠮᠠᠰᠢᠨ ᠢᠶᠠᠷ ᠰᠢᠢᠤᠨᠪᠤᠷᠢᠯᠡᠳᠡᠭ ᠳᠤᠮᠤ ᠮᠠᠰᠢᠨ ᠲᠦᠬᠦᠬᠡᠷᠤᠮᠵᠢ | ᠶᠢ ᠪᠦᠷᠢᠯᠳᠤᠬᠦᠯᠤᠨ ᠠᠪᠴᠤ᠂ ᠤᠳᠤᠭ ᠤᠨ ᠡᠮᠤᠨᠡᠳᠤ ᠬᠤᠰᠢᠭᠤᠨ ᠤ ᠰᠤᠶᠤᠯ ᠤᠨ ᠠᠵᠤ ᠤᠶᠢᠯᠡᠰ ᠤᠨ | ᠬᠦᠷᠢᠶᠡᠯᠡᠩ ᠳᠤ ᠬᠡᠷ ᠲᠦᠷᠢᠶᠡᠰᠤᠯᠡᠨ ᠦᠪᠡᠷ ᠤᠨ ᠬᠡᠰᠡᠨ ᠭᠠᠷ ᠤᠷᠠᠯᠠᠯ ᠤᠨ ᠺᠤᠮᠫᠠᠨᠢ ᠨᠡᠬᠡᠬᠡᠵᠤ᠂ ᠠᠷᠪᠠᠨ ᠬᠡᠳᠤᠨ | ᠱᠠᠪᠢ ᠠᠵᠢᠯᠳᠠᠨ ᠲᠠᠢ ᠪᠠᠨ ᠭᠤᠤᠯᠳᠠᠭᠤ ᠬᠤᠷᠢᠮ ᠨᠠᠶᠢᠷ ᠤᠨ ᠵᠠᠰᠠᠯ ᠴᠢᠮᠡᠭᠯᠡᠯ᠂ ᠬᠡᠷ ᠪᠠᠶᠢᠰᠢᠩ ᠵᠠᠰᠠᠵᠤ ᠴᠢᠮᠡᠬᠦ | ᠵᠡᠷᠬᠡ ᠠᠵᠢᠯ ᠡᠷᠬᠢᠯᠡᠵᠡᠢ᠃ | ︽ᠲᠦᠮᠡᠨ ᠬᠡᠷᠡᠭ ᠤᠨ ᠲᠦᠷᠤᠬᠦᠤ ᠠᠯᠬᠤᠮ ᠨᠢ ᠬᠦᠴᠢᠷ︾ ᠬᠡᠭᠴᠢ ᠪᠠᠷ ᠠᠩᠬᠠᠨ ᠤ ᠦᠶᠡᠰ ᠲᠤ᠂ ᠳᠡᠬᠦᠨ | ᠤ ᠬᠢᠵᠤ ᠭᠠᠷᠭᠠᠭᠰᠡᠨ ᠮᠤᠳᠤᠨ ᠪᠦᠳᠤᠬᠡᠭᠳᠡᠬᠦᠨ ᠨᠢ ᠬᠠᠭᠠᠷᠠᠬᠤ᠂ ᠰᠠᠯᠪᠠᠷᠠᠬᠤ᠂ ᠭᠠᠵᠢᠬᠤ ᠦᠵᠡᠭᠳᠡᠯ ᠵᠦᠩᠳᠡᠬᠡᠨ | ᠭᠠᠷᠳᠠᠭ ᠪᠠᠶᠢᠪᠠ᠂ ᠬᠡᠪᠡᠴᠤ ᠨᠠᠴᠢᠨᠱᠤᠩᠬᠤᠷ ᠵᠤᠷᠢᠭ ᠮᠤᠬᠤᠷᠠᠭᠰᠡᠨ ᠦᠬᠡᠢ᠃ ᠠᠬᠢᠨ ᠳᠠᠬᠢᠨ ᠲᠦᠰᠤᠪᠯᠡᠨ ᠵᠢᠷᠤᠵᠤ᠂ | ᠳᠠᠰᠤᠷᠠᠯᠳᠠ ᠦᠬᠡᠢ ᠭᠠᠳᠠᠭᠰᠢ ᠭᠠᠷᠴᠤ ᠰᠤᠷᠤᠯᠴᠠᠬᠤ ᠪᠠ ᠴᠢᠨᠠᠷ ᠰᠠᠶᠢᠳᠠᠢ ᠮᠤᠳᠤᠨ ᠮᠠᠲ᠋ᠧᠷᠢᠶᠡᠯ ᠤᠷᠤᠭᠤᠯᠬᠤ ᠪᠠᠷ | ᠳᠠᠮᠵᠢᠨ ᠡᠳᠡᠬᠡᠷ ᠬᠦᠷᠤᠯᠴᠡᠬᠦ ᠦᠬᠡᠢ ᠳᠠᠯᠠ ᠪᠠᠨ ᠮᠠᠰᠢ ᠲᠦᠷᠬᠡᠨ ᠢᠶᠠᠷ ᠰᠠᠶᠢᠵᠢᠷᠠᠭᠤᠯᠤᠭᠰᠡᠨ ᠢᠶᠠᠷ ᠳᠠᠷᠠ ᠡᠨᠡ | ᠠᠵᠢᠯ ᠳᠤ ᠪᠠᠨ ᠤᠯᠠᠮ ᠪᠠᠭ᠋ᠠᠳᠠᠢ ᠪᠤᠯᠵᠤ᠂ ᠦᠷᠯᠤᠬᠡ ᠦᠳᠡᠰᠢ ᠶᠢᠨ ᠴᠠᠭ ᠢ ᠵᠠᠪᠳᠤᠨ ᠬᠡᠷᠡᠭᠯᠡᠭᠴᠢᠤᠨ ᠤᠨ | ᠵᠠᠬᠢᠶᠠᠯᠠᠭᠰᠡᠨ ᠵᠤᠶᠢᠯᠡᠰ ᠢ ᠱᠠᠭᠠᠷᠳᠠᠯᠭᠠ ᠶᠤᠰᠤᠭᠠᠷ ᠪᠡᠶᠡᠯᠡᠬᠦᠯᠵᠤ ᠶᠠᠭᠠᠷᠠᠨᠠ᠃ ᠡᠳᠤᠬᠡ ᠳᠡᠬᠦᠨ ᠤ ᠵᠢᠷᠤᠵᠤ | ᠲᠦᠰᠤᠪᠯᠡᠨ᠂ ᠤᠷᠠᠯᠠᠵᠤ ᠪᠦᠳᠤᠬᠡᠭᠰᠡᠨ ᠮᠤᠩᠭᠤᠯ ᠬᠡ ᠤᠭᠠᠯᠵᠠ ᠲᠠᠢ ᠦᠨᠳᠤᠰᠤᠳᠠᠨ ᠤ ᠤᠨᠴᠠᠯᠢᠭ ᠲᠠᠢ ᠮᠤᠳᠤᠨ | ᠤᠷᠠᠯᠠᠯ ᠤᠨ ᠵᠤᠶᠢᠯᠡᠰ ᠲᠤ᠂ ᠡᠵᠡᠨ ᠰᠠᠩ᠂ ᠡᠯᠳᠡᠪ ᠬᠡᠯᠪᠡᠷᠢ ᠶᠢᠨ ᠬᠤᠭᠤᠯᠠᠨ ᠰᠢᠷᠡᠭᠡ᠂ ᠰᠠᠨᠳᠠᠯᠢ᠂ ᠫᠢᠯᠡ ᠪᠠᠭᠪᠤᠷ᠂ | ᠳᠡᠪᠰᠢ᠂ ᠠᠶᠠᠭᠠᠨ ᠬᠤᠷᠭᠤ᠂ ᠪᠢᠴᠢᠭ ᠤᠨ ᠰᠢᠷᠡᠭᠡ᠂ ᠨᠤᠮ ᠤᠨ ᠬᠤᠷᠭᠤ ᠵᠡᠷᠬᠡ ᠬᠡᠷ ᠤᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠠᠴᠠ | ᠭᠠᠳᠠᠨᠠ ᠪᠤᠷᠬᠠᠨ ᠤ ᠬᠦᠩᠭᠠᠷᠠᠪᠠ᠂ ᠬᠡᠷᠡᠮ ᠬᠠᠨᠠ᠂ ᠬᠡᠷ ᠤᠨ ᠭᠠᠳᠠᠨᠠᠬᠢ ᠬᠡᠶᠢᠮᠤᠷᠢ ᠶᠢᠨ ᠰᠠᠩ ᠤᠨ ᠰᠦᠷᠤ ᠵᠡᠷᠬᠡ | 60 ᠭᠠᠷᠤᠢ ᠲᠦᠷᠤᠯ ᠵᠦᠢᠯ ᠳᠤ ᠬᠦᠷᠴᠤ᠂ ᠳ᠋ᠠᠩ ᠭᠠᠭᠴᠠ ᠬᠠᠨᠵᠤᠨ ᠤ ᠰᠢᠷᠡᠭᠡ ᠨᠢ ᠴᠤ 20 ᠬᠡᠳᠤᠨ ᠵᠦᠢᠯ | ᠪᠠᠶᠢᠳᠠᠭ᠃ | ᠨᠠᠴᠢᠨᠱᠤᠩᠬᠤᠷ ᠭᠠᠷ ᠳᠠᠳᠠᠭᠤ ᠶᠠᠪᠤᠭᠰᠠᠨ ᠴᠠᠭ ᠲᠤ ᠳᠡᠬᠦᠨ ᠢ ᠬᠠᠪᠰᠤᠷᠴᠤ ᠳᠡᠮᠵᠢᠵᠤ ᠶᠠᠪᠤᠭᠰᠡᠨ ᠬᠦᠮᠤᠰ | ᠤᠨ ᠢᠶᠠᠨ ᠠᠴᠢ ᠡᠨᠡᠷᠢᠯ ᠢ ᠬᠡᠵᠢᠶᠡᠳᠠ ᠰᠡᠤᠨᠬᠢᠯ ᠳᠤ ᠪᠠᠨ ᠪᠤᠳᠤᠵᠤ᠂ ᠬᠠᠶᠢᠷᠠ ᠳᠠᠯᠠᠷᠬᠠᠯ ᠤᠨ ᠬᠦᠴᠤᠨ ᠢᠶᠠᠷ | ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠵᠦᠭᠯᠡᠬᠦᠷ ᠪᠤᠯᠭᠠᠵᠤ ᠶᠠᠪᠤᠳᠠᠭ ᠪᠤᠳᠢ ᠰᠡᠤᠨᠬᠢᠯᠳᠠᠨ ᠤ ᠨᠢᠬᠡ ᠨᠢ ᠪᠢᠯᠡ᠃ 2021 ᠤᠨ | ᠠᠴᠠ ᠨᠠᠴᠢᠨᠱᠤᠩᠬᠤᠷ ᠠᠭᠤᠳᠠᠮ ᠰᠠᠷᠠᠭᠤᠯ ᠬᠦᠳᠡᠭᠡ ᠨᠤᠳᠤᠭ ᠲᠤ ᠪᠠᠨ ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠡᠷᠬᠢᠯᠡᠬᠦ ᠶᠢᠨ | ᠳᠠᠭᠠᠤ ᠮᠤᠳᠤᠨ ᠤᠷᠠᠯᠠᠯ ᠤᠨ ᠠᠵᠢᠯ ᠢᠶᠠᠨ ᠦᠷᠬᠦᠯᠵᠢᠯᠡᠨ ᠬᠢᠵᠤ᠂ ᠵᠢᠯ ᠤᠨ ᠤᠷᠤᠯᠭᠠ ᠪᠠᠨ 20 ᠲᠦᠮᠡᠨ | ᠲᠦᠬᠦᠷᠢᠭ ᠨᠡᠮᠡᠭᠳᠡᠬᠦᠯᠤᠨ᠂ ᠨᠠᠩ ᠤᠯᠠᠨ ᠰᠢᠯᠢᠳᠡᠭ ᠪᠦᠳᠤᠬᠡᠯ ᠤᠳ ᠢᠶᠠᠷ ᠠᠮᠢᠳᠤᠷᠠᠯ ᠢᠶᠠᠨ ᠴᠢᠮᠡᠭᠯᠡᠵᠤ ᠶᠠᠪᠤᠨᠠ᠃ | |