ᠲᠡᠮᠡᠭᠡᠨ ᠤ ᠪᠦᠬᠦ ᠶᠢᠨ ᠨᠡᠷᠡᠶᠢᠳᠦᠯ ᠤᠨ ᠲᠤᠬᠠᠢ |
| ᠮᠦ᠊᠂ ᠨᠠᠷᠠᠨᠮᠠᠨᠳᠤᠬᠤ | | ᠲᠡᠮᠡᠭᠡ ᠪᠤᠯ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠨᠢᠭᠡ ᠮᠦᠨ᠃ ᠲᠡᠮᠡᠭᠡ ᠨᠢ ᠦᠬᠡᠷ ᠲᠠᠢ ᠠᠳᠠᠯᠢᠬᠠᠨ ᠰᠦ ᠮᠢᠬᠠᠨ ᠤ ᠭᠠᠷᠤᠯᠳᠠ ᠲᠠᠢ᠂ ᠬᠤᠨᠢ ᠢᠮᠠᠭᠠ ᠲᠠᠢ | ᠠᠳᠠᠯᠢᠬᠠᠨ ᠨᠤᠤᠰᠤ ᠨᠤᠤᠯᠤᠭᠤᠷ ᠤᠨ ᠦᠢᠯᠡᠳᠭᠦᠨ ᠲᠠᠢ᠂ ᠠᠳᠤᠭᠤ ᠲᠠᠢ ᠠᠳᠠᠯᠢᠬᠠᠨ ᠡᠳ᠋ᠯᠡᠭᠡ ᠬᠡᠷᠡᠭᠯᠡᠭᠡᠨ ᠤ ᠴᠢᠳᠠᠪᠤᠷᠢ ᠲᠠᠢ᠂ ᠪᠤᠰᠤᠳ ᠲᠦᠷᠪᠡᠨ ᠬᠤᠰᠢᠭᠤ | ᠮᠠᠯ ᠤᠨ ᠤᠨᠴᠠᠯᠢᠭ ᠢ ᠪᠡᠶᠡ ᠳᠤ ᠪᠠᠨ ᠡᠪᠯᠢᠭ ᠲᠤᠬᠢᠳᠠᠢ ᠬᠠᠳᠠᠭᠠᠯᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠠᠷᠪᠠᠨ ᠬᠤᠶᠠᠷ ᠵᠢᠯ ᠢ ᠨᠢᠭᠡ ᠪᠡᠶᠡ ᠳᠤ ᠪᠠᠨ ᠪᠦᠷᠢᠳᠦᠭᠦᠯᠵᠤ᠂ | ᠠᠰ ᠤᠨ ᠪᠡᠶᠡ ᠪᠠᠨ ᠭᠤᠶᠢᠳᠠ ᠰᠠᠶᠢᠬᠠᠨ ᠴᠢᠮᠡᠭᠰᠡᠨ ᠠᠮᠢᠳᠠᠨ ᠪᠢᠯᠡ᠃ ᠡᠶᠢᠮᠦ ᠠᠴᠠ ᠬᠦᠮᠦᠰ ᠲᠡᠮᠡᠭᠡ ᠶᠢ ︽ᠬᠦᠭᠡᠷᠦᠭᠦᠨ ᠬᠤᠨᠢᠨ ᠤ ᠲᠤᠯᠤᠭᠠᠢ ᠲᠠᠢ᠂ ᠬᠦᠬᠡ | ᠬᠤᠯᠤᠭᠠᠨᠠ ᠶᠢᠨ ᠨᠢᠳᠦ ᠲᠠᠢ᠂ ᠠᠪᠤᠷᠭᠤ ᠯᠤᠤ ᠶᠢᠨ ᠮᠠᠩᠨᠠᠢ ᠲᠠᠢ᠂ ᠠᠭᠤᠯᠠ ᠶᠢᠨ ᠪᠠᠷᠰ ᠤᠨ ᠴᠢᠬᠢ ᠲᠠᠢ᠂ ᠤᠷᠠᠨ ᠲᠠᠤᠯᠠᠢ ᠶᠢᠨ ᠤᠷᠤᠭᠤᠯ ᠲᠠᠢ᠂ ᠤᠷᠳᠤ | ᠮᠤᠭᠠᠢ ᠶᠢᠨ ᠬᠦᠵᠦᠭᠦᠦ ᠲᠠᠢ᠂ ᠲᠠᠷᠭᠤᠨ ᠭᠠᠭ᠋ᠠᠢ ᠶᠢᠨ ᠲᠠᠰᠢᠶᠠ ᠲᠠᠢ᠂ ᠲᠠᠷᠯᠠᠨ ᠦᠭᠡᠷ ᠤᠨ ᠲᠤᠭᠤᠷᠠᠢ ᠲᠠᠢ᠂ ᠲᠠᠭᠠᠨ ᠮᠤᠷᠢᠨ ᠤ ᠭᠡᠳᠡᠰᠦ ᠲᠠᠢ᠂ ᠲᠠᠶᠢᠭᠠᠨ | ᠨᠤᠬᠠᠢ ᠶᠢᠨ ᠬᠤᠨᠳᠤᠯᠠᠢ ᠲᠠᠢ᠂ ᠰᠤᠷᠭᠤᠭ ᠰᠠᠮᠵᠠ ᠶᠢᠨ ᠦᠰᠦ ᠲᠠᠢ᠂ ᠱᠤᠪᠤᠭᠤᠷ ᠲᠠᠬᠢᠶᠠᠨ ᠤ ᠴᠡᠭᠡᠵᠢ ᠲᠠᠢ︾ ᠭᠡᠵᠤ ᠵᠦᠢᠷᠯᠡᠨ ᠮᠠᠭᠳᠠᠳᠠᠭ ᠪᠢᠯᠡ᠃ | ᠲᠡᠮᠡᠭᠡ ᠭᠤᠤᠯᠳᠠᠭᠤ ᠭᠠᠩ ᠬᠠᠭᠤᠷᠠᠢ ᠡᠯᠡᠰᠦᠨ ᠴᠦᠯ᠂ ᠭᠤᠪᠢ ᠭᠠᠵᠠᠷ ᠢᠶᠠᠷ ᠲᠠᠷᠬᠠᠵᠤ᠂ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠡᠨᠡ ᠤᠷᠴᠢᠨ ᠠᠬᠤᠢ ᠶᠢ ᠨᠡᠯᠢᠶᠡᠳ | ᠤᠷᠤᠢ ᠨᠡᠭᠡᠭᠡᠨ ᠠᠰᠢᠭᠯᠠᠭᠰᠠᠨ ᠠᠴᠠ ᠲᠡᠮᠡᠭᠡ ᠶᠢ ᠭᠡᠷ ᠤᠨ ᠲᠡᠵᠢᠭᠡᠪᠦᠷᠢ ᠪᠤᠯᠭᠠᠨ ᠭᠠᠷᠰᠢᠭᠤᠯᠤᠭᠰᠠᠨ ᠨᠢ ᠪᠤᠰᠤᠳ ᠲᠦᠷᠦᠯ ᠤᠨ ᠮᠠᠯ ᠠᠴᠠ ᠨᠡᠯᠢᠶᠡᠳ ᠬᠤᠵᠢᠭᠤ | ᠪᠤᠯᠤᠭᠰᠠᠨ ᠪᠠᠶᠢᠵᠠᠢ᠃ | ᠲᠡᠮᠡᠭᠡ ᠬᠦᠨᠳᠦ ᠡᠳ᠋ᠯᠡᠭᠡ ᠳᠤ ᠵᠤᠬᠢᠴᠠᠭᠰᠠᠨ ᠬᠦᠳᠡᠷ ᠪᠦᠳᠦᠭᠦᠨ ᠪᠡᠶᠡ ᠲᠠᠢ᠂ ᠠᠯᠤᠰ ᠤᠨ ᠠᠶᠠᠨ ᠳᠤ ᠲᠠᠭᠠᠭᠠᠮᠠᠭᠠᠢ᠂ ᠡᠯᠡᠰᠦ ᠭᠤᠪᠢ ᠳᠤ ᠶᠠᠪᠤᠬᠤ ᠳᠤ | ᠵᠤᠬᠢᠴᠠᠭᠰᠠᠨ ᠫᠠᠯᠠᠭᠠᠷ ᠲᠤᠮᠤ ᠲᠠᠪᠠᠭ ᠲᠠᠢ ᠪᠦᠭᠡᠳ ᠰᠢᠮᠡ ᠲᠡᠵᠢᠭᠡᠯ ᠢ ᠬᠤᠷᠢᠶᠠᠨ ᠬᠠᠳᠠᠭᠠᠯᠠᠳᠠᠭ ᠬᠤᠶᠠᠷ ᠲᠤᠮᠤ ᠪᠦᠬᠦ ᠲᠠᠢ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠪᠤᠰᠤᠳ ᠮᠠᠯ | ᠠᠴᠠ ᠤᠨᠴᠠᠯᠢᠭᠳᠠᠳᠠᠭ ᠠᠴᠠ ᠬᠦᠮᠦᠰ ᠲᠡᠮᠡᠭᠡ ᠶᠢ ︽ᠭᠤᠪᠢ ᠶᠢᠨ ᠤᠩᠭᠤᠴᠠ︾ ᠭᠡᠵᠤ ᠴᠤᠯᠠᠯᠠᠳᠠᠭ᠃ | ᠠᠳᠡ ᠪᠢ ᠲᠡᠮᠡᠭᠡᠨ ᠤ ᠪᠦᠬᠦ ᠶᠢᠨ ᠤᠯᠠᠨ ᠶᠠᠩᠵᠤ ᠶᠢᠨ ᠨᠡᠷᠡᠶᠢᠳᠦᠯ ᠤᠨ ᠲᠤᠬᠠᠢ ᠲᠤᠪᠴᠢ ᠦᠭᠦᠯᠡᠶᠡ᠃ | ᠲᠡᠮᠡᠭᠡᠨ ᠤ ᠪᠦᠬᠦ ᠭᠡᠳᠡᠭ ᠨᠢ ᠲᠡᠮᠡᠭᠡᠨ ᠤ ᠨᠢᠷᠤᠭᠤᠨ ᠲᠡᠭᠡᠷᠡᠬᠢ ᠰᠢᠮᠡ ᠲᠡᠵᠢᠭᠡᠯ ᠢ ᠨᠦᠭᠡᠴᠡᠯᠡᠬᠦ ᠦᠢᠯᠡᠳᠦᠯ ᠪᠦᠬᠦᠢ ᠬᠡᠷᠡᠭᠯᠡᠳᠡᠭ ᠱᠤᠪᠤᠭᠤᠷ ᠡᠷᠬᠡᠳᠡᠨ ᠢ | ᠬᠡᠯᠡᠳᠡᠭ᠃ ᠬᠦᠮᠦᠰ ᠲᠡᠮᠡᠭᠡᠨ ᠤ ᠪᠦᠬᠦ ᠶᠢᠨ ᠠᠳᠠᠯᠢ ᠪᠤᠰᠤ ᠬᠡᠯᠪᠡᠷᠢ ᠪᠠᠶᠢᠳᠠᠯ ᠢ ᠨᠢ ᠦᠨᠳᠦᠰᠦᠯᠡᠵᠤ ᠤᠯᠠᠨ ᠲᠦᠷᠦᠯ ᠬᠤᠪᠢᠶᠠᠳᠠᠭ᠃ | ᠴᠠᠭᠠᠨ ᠲᠤᠯᠤᠭᠠᠢ ᠶᠢᠨ ᠲᠡᠰ ᠲᠠᠷᠠᠭᠠᠯᠠᠯ ᠢᠶᠠᠷ ᠲᠤᠤᠷᠠ ᠮᠡᠳᠦ ᠵᠢᠬᠰᠠᠭᠠᠪᠠᠯ᠄ | ᠠᠯᠴᠠᠩ ᠪᠦᠬᠦᠳᠦ᠄ ᠬᠤᠶᠠᠷ ᠪᠦᠬᠦ ᠶᠢᠨ ᠲᠡᠭᠡᠷᠡᠬᠢ ᠵᠠᠢ ᠨᠢ ᠶᠡᠭᠡ᠂ ᠲᠤᠤᠷᠠᠬᠢ ᠵᠠᠢ ᠨᠢ ᠪᠠᠭᠠ ᠲᠡᠮᠡᠭᠡ᠃ | ᠠᠶᠠᠰ ᠪᠦᠬᠦᠳᠦ᠄ ᠬᠤᠶᠠᠷ ᠪᠦᠬᠦ ᠨᠢ ᠨᠢᠭᠡ ᠲᠡᠶᠢᠰᠢ ᠪᠠᠨ ᠨᠤᠭᠤᠷᠬᠠᠢ ᠲᠡᠮᠡᠭᠡ᠃ | ᠠᠶᠠᠰ ᠰᠡᠷᠪᠡᠭᠡ᠄ ᠬᠤᠶᠠᠷ ᠪᠦᠬᠦᠨ ᠤ ᠦᠵᠦᠭᠦᠷ ᠨᠢ ᠨᠢᠭᠡ ᠲᠡᠶᠢᠰᠢ ᠪᠠᠨ ᠲᠦᠯᠭᠡᠬᠡᠨ ᠮᠤᠷᠤᠢ ᠲᠡᠮᠡᠭᠡ᠃ | ᠠᠶᠠᠰ ᠰᠢᠷᠡᠭᠡ᠄ ᠬᠤᠶᠠᠷ ᠪᠦᠬᠦ ᠨᠢ ᠪᠤᠰᠤᠭᠠ ᠪᠤᠯᠪᠠᠴᠤ ᠪᠦᠬᠦᠨ ᠤ ᠲᠤᠭ ᠨᠢ ᠨᠢᠭᠡ ᠲᠡᠶᠢᠰᠢ ᠪᠠᠨ ᠦᠯᠦ ᠮᠡᠳᠡᠭᠳᠡᠮᠡ ᠲᠠᠷᠤᠤ ᠲᠡᠮᠡᠭᠡ᠃ | ᠤᠭᠵᠤᠮ ᠪᠦᠬᠦᠳᠦ᠄ ᠨᠠᠷᠢᠨ ᠪᠦᠭᠡᠳ ᠪᠤᠭᠤᠨᠢ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠤᠴᠤᠩ ᠪᠦᠬᠦᠳᠦ᠄ ᠬᠤᠶᠢᠰᠢ ᠪᠠᠨ ᠭᠡᠳᠡᠭᠡᠷ ᠮᠤᠷᠤᠢ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠤᠶᠢᠳᠠᠨ ᠪᠦᠬᠦᠳᠦ᠄ ᠬᠤᠶᠠᠷ ᠪᠦᠬᠦᠨ ᠤ ᠬᠤᠭᠤᠷᠤᠨᠳᠤᠬᠢ ᠵᠠᠢ ᠨᠢ ᠤᠶᠢᠷᠠᠬᠠᠨ ᠲᠡᠮᠡᠭᠡ᠃ | ᠨᠠᠭᠠᠯᠳᠤᠩᠬᠠᠢ ᠪᠦᠬᠦᠳᠦ᠄ ᠪᠦᠬᠦ ᠨᠢ ᠲᠠᠯᠤ ᠬᠠᠪᠢᠷᠭᠠᠨ ᠲᠡᠭᠡᠷᠡ ᠪᠠᠨ ᠨᠠᠭᠠᠯᠳᠤᠵᠤ ᠤᠨᠠᠭᠰᠠᠨ ᠲᠡᠮᠡᠭᠡ᠃ | ᠪᠤᠷᠤᠭᠤ ᠠᠶᠠᠰ᠄ ᠬᠤᠶᠠᠷ ᠪᠦᠬᠦ ᠨᠢ ᠪᠤᠷᠤᠭᠤ ᠲᠡᠶᠢᠰᠢ ᠪᠠᠨ ᠨᠤᠭᠤᠷᠬᠠᠢ ᠲᠡᠮᠡᠭᠡ᠃ | ᠪᠤᠷᠤᠭᠤ ᠭᠡᠶᠡᠭᠦᠦ᠄ ᠬᠤᠶᠠᠷ ᠪᠦᠬᠦ ᠨᠢ ᠪᠤᠷᠤᠭᠤ ᠲᠡᠶᠢᠰᠢ ᠪᠠᠨ ᠵᠢᠭᠠᠬᠠᠨ ᠮᠤᠷᠤᠢ ᠲᠡᠮᠡᠭᠡ᠃ | ᠪᠤᠷᠤᠭᠤ ᠰᠡᠷᠪᠡᠭᠡ᠄ ᠬᠤᠶᠠᠷ ᠪᠦᠬᠦᠨ ᠤ ᠦᠵᠦᠭᠦᠷ ᠨᠢ ᠪᠤᠷᠤᠭᠤ ᠲᠡᠶᠢᠰᠢ ᠪᠠᠨ ᠲᠦᠯᠭᠡᠬᠡᠨ ᠮᠤᠷᠤᠢ ᠲᠡᠮᠡᠭᠡ᠃ | ᠪᠤᠷᠤᠭᠤ ᠰᠢᠷᠡᠭᠡ᠄ ᠪᠦᠬᠦᠨ ᠤ ᠲᠤᠭ ᠨᠢ ᠴᠦᠮ ᠪᠤᠷᠤᠭᠤ ᠲᠡᠶᠢᠰᠢ ᠪᠠᠨ ᠲᠠᠷᠤᠤ ᠪᠠᠶᠢᠳᠠᠭ ᠲᠡᠮᠡᠭᠡ᠃ | ᠪᠤᠷᠤᠭᠤ ᠰᠤᠯᠪᠢ᠄ ᠡᠮᠦᠨᠡ ᠪᠦᠬᠦ ᠨᠢ ᠪᠤᠷᠤᠭᠤ ᠲᠡᠶᠢᠰᠢ᠂ ᠬᠤᠶᠢᠳᠤ ᠪᠦᠬᠦ ᠨᠢ ᠵᠦᠪ ᠲᠡᠶᠢᠰᠢ ᠨᠤᠭᠤᠷᠠᠭᠰᠠᠨ ᠲᠡᠮᠡᠭᠡ᠃ | ᠪᠤᠷᠤᠭᠤ ᠰᠤᠶᠤᠭᠠ᠄ ᠡᠮᠦᠨᠡ ᠪᠦᠬᠦ ᠨᠢ ᠰᠢᠷᠡᠭᠡ᠂ ᠬᠤᠶᠢᠳᠤ ᠪᠦᠬᠦ ᠨᠢ ᠪᠤᠷᠤᠭᠤ ᠲᠡᠶᠢᠰᠢ ᠨᠤᠭᠤᠷᠬᠠᠢ ᠲᠡᠮᠡᠭᠡ᠃ | ᠪᠤᠷᠤᠭᠤ ᠲᠠᠷᠠᠭᠠᠷ᠄ ᠬᠤᠶᠠᠷ ᠪᠦᠬᠦ ᠨᠢ ᠪᠤᠷᠤᠭᠤ ᠲᠡᠶᠢᠰᠢ ᠪᠠᠨ ᠪᠠᠭ᠋ᠠᠨ ᠬᠠᠵᠠᠶᠢᠭᠰᠠᠨ ᠲᠡᠮᠡᠭᠡ᠃ | ᠪᠤᠷᠤᠭᠤ ᠲᠠᠷᠤᠤ᠄ ᠪᠦᠬᠦ ᠨᠢ ᠴᠦᠮ ᠪᠤᠷᠤᠭᠤ ᠲᠡᠶᠢᠰᠢ ᠪᠠᠨ ᠲᠠᠷᠤᠤ ᠪᠤᠯᠤᠭᠰᠠᠨ ᠲᠡᠮᠡᠭᠡ᠃ | ᠪᠦᠳᠦᠭᠦᠨ ᠪᠦᠬᠦᠳᠦ᠄ ᠤᠨᠴᠠᠭᠠᠢ ᠲᠤᠮᠤ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠬᠠᠨᠠᠨ ᠰᠡᠷᠪᠡᠭᠡ᠄ ᠬᠤᠶᠠᠷ ᠪᠦᠬᠦᠨ ᠤ ᠦᠵᠦᠭᠦᠷ ᠨᠢ ᠬᠠᠵᠠᠭᠤᠰᠢ ᠪᠠᠨ ᠲᠦᠯᠭᠡᠬᠡᠨ ᠮᠤᠷᠤᠢ ᠲᠡᠮᠡᠭᠡ᠃ | ᠬᠠᠩᠭᠠᠢ ᠪᠦᠬᠦᠳᠦ᠄ ᠬᠤᠶᠠᠷ ᠪᠦᠬᠦ ᠶᠢᠨ ᠬᠤᠭᠤᠷᠤᠨᠳᠤᠬᠢ ᠵᠠᠢ ᠨᠢ ᠶᠡᠭᠡ ᠲᠡᠮᠡᠭᠡ᠃ | ᠬᠡᠢ ᠪᠦᠬᠦᠳᠦ᠄ ᠪᠦᠬᠦ ᠨᠢ ᠲᠠᠯᠤ ᠬᠠᠪᠢᠷᠭᠠᠨ ᠠᠴᠠ ᠪᠠᠨ ᠲᠤᠩ ᠵᠢᠭᠠᠬᠠᠨ ᠵᠠᠢ ᠲᠠᠢ ᠪᠠᠶᠢᠭᠠ ᠲᠡᠮᠡᠭᠡ᠃ | ᠬᠤᠶᠢᠳᠤ ᠪᠦᠬᠦ ᠰᠢᠷᠡᠭᠡ᠄ ᠬᠤᠶᠢᠳᠤ ᠪᠦᠬᠦ ᠨᠢ ᠰᠢᠷᠡᠭᠡ᠂ ᠡᠮᠦᠨᠡ ᠪᠦᠬᠦ ᠨᠢ ᠲᠠᠷᠤᠤ ᠲᠡᠮᠡᠭᠡ᠃ | ᠬᠤᠯᠪᠤᠭᠠ ᠪᠦᠬᠦᠳᠦ᠄ ᠬᠤᠶᠠᠷ ᠪᠦᠬᠦᠨ ᠤ ᠦᠵᠦᠭᠦᠷ ᠨᠢ ᠦᠭᠡᠳᠡ ᠦᠭᠡᠳᠡ ᠠᠴᠠ ᠪᠠᠨ ᠬᠠᠵᠠᠶᠢᠭᠰᠠᠨ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠬᠤᠭᠤᠷᠬᠠᠢ ᠪᠦᠬᠦᠳᠦ᠄ ᠪᠦᠬᠦ ᠨᠢ ᠤᠭ ᠪᠤᠶᠤ ᠲᠤᠮᠳᠠᠭᠤᠷ ᠢᠶᠠᠨ ᠭᠡᠮᠳᠦᠭᠰᠡᠨ ᠠᠴᠠ ᠪᠤᠰᠬᠤ ᠦᠭᠡᠢ ᠪᠤᠯᠤᠭᠰᠠᠨ ᠲᠡᠮᠡᠭᠡ᠃ | ᠮᠠᠰᠢᠨ ᠪᠦᠬᠦᠳᠦ᠄ ᠡᠮᠦᠨᠡ ᠪᠦᠬᠦᠨ ᠤ ᠦᠵᠦᠭᠦᠷ ᠨᠢ ᠤᠷᠤᠭᠰᠢ ᠪᠠᠨ ᠮᠤᠷᠤᠢ ᠲᠡᠮᠡᠭᠡ᠃ | ᠮᠤᠬᠤᠷ ᠪᠦᠬᠦᠳᠦ᠄ ᠪᠦᠬᠦ ᠶᠢᠨ ᠵᠠᠯᠠᠭᠠ ᠨᠢ ᠤᠬᠤᠷ ᠲᠡᠮᠡᠭᠡ᠃ | ᠮᠤᠳᠤᠨ ᠪᠦᠬᠦᠳᠦ᠄ ᠬᠡᠳᠦᠢ ᠡᠴᠡᠪᠡᠴᠤ ᠬᠡᠵᠢᠶᠡᠳᠡ ᠤᠨᠠᠳᠠᠭ ᠦᠭᠡᠢ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠮᠦᠬᠦᠨ ᠪᠦᠬᠦᠳᠦ᠄ ᠵᠠᠯᠠᠭᠠ ᠨᠢ ᠮᠦᠭᠦ ᠠᠳᠠᠯᠢ ᠵᠦᠭ ᠪᠦᠷᠢ ᠳᠤ ᠤᠨᠠᠭᠰᠠᠨ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠯᠡᠭ ᠪᠦᠬᠦᠳᠦ᠄ ᠬᠡᠳᠦᠢ ᠲᠠᠷᠭᠤᠯᠠᠪᠠᠴᠤ ᠪᠤᠰᠳᠠᠭ ᠦᠭᠡᠢ ᠪᠦᠳᠦᠭᠦᠨ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠰᠠᠯᠬᠢᠨ ᠪᠦᠬᠦᠳᠦ᠄ ᠰᠢᠷᠡᠭᠡᠯᠡᠭᠰᠡᠨ ᠪᠤᠯᠪᠠᠴᠤ ᠲᠠᠷᠭᠤ ᠭᠦᠢᠴᠡᠭᠡᠳᠦᠢ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠰᠡᠭᠰᠡᠭᠡᠷ ᠪᠦᠬᠦᠳᠦ᠄ ᠪᠦᠬᠦ ᠶᠢᠨ ᠵᠠᠯᠠᠭᠠ ᠨᠢ ᠤᠷᠳᠤ ᠰᠠᠬᠤᠯᠢᠭ ᠮᠦᠷᠳᠡᠭᠡᠨ ᠰᠠᠭᠰᠠᠶᠢᠭᠰᠠᠨ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠰᠢᠳᠠᠷᠠ ᠪᠦᠬᠦᠳᠦ᠄ ᠦᠨᠳᠦᠷ᠂ ᠪᠦᠭᠡᠷᠡᠩᠬᠡᠢ᠂ ᠰᠠᠴᠠᠭᠤ ᠪᠦᠭᠡᠳ ᠭᠤᠶᠤ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠰᠢᠷᠡᠭᠡ ᠪᠦᠭᠦᠳᠦ᠄ ᠬᠤᠶᠠᠷ ᠪᠦᠬᠦ ᠨᠢ ᠡᠭᠴᠡ ᠪᠤᠰᠤᠭᠠ ᠲᠡᠮᠡᠭᠡ᠃ | ᠰᠤᠭᠰᠠᠭᠠᠷ ᠪᠦᠬᠦᠳᠦ᠄ ᠪᠦᠬᠦ ᠨᠢ ᠨᠠᠷᠢᠨ ᠤᠬᠤᠷ᠂ ᠵᠠᠯᠠᠭᠠ ᠨᠢ ᠰᠠᠬᠤᠯᠢᠭ ᠲᠡᠮᠡᠭᠡ᠃ | ᠰᠤᠯᠪᠢ ᠪᠦᠬᠦᠳᠦ᠄ ᠬᠤᠶᠠᠷ ᠪᠦᠬᠦ ᠨᠢ ᠬᠤᠶᠠᠷ ᠲᠡᠶᠢᠰᠢ ᠪᠠᠨ ᠨᠤᠭᠤᠷᠬᠠᠢ ᠲᠡᠮᠡᠭᠡ᠃ | ᠰᠤᠯᠪᠢ ᠭᠡᠶᠡᠭᠦᠦ᠄ ᠬᠤᠶᠠᠷ ᠪᠦᠬᠦ ᠨᠢ ᠬᠤᠶᠠᠷ ᠲᠡᠶᠢᠰᠢ ᠪᠠᠨ ᠵᠢᠭᠠᠬᠠᠨ ᠮᠤᠷᠤᠢ ᠲᠡᠮᠡᠭᠡ᠃ | ᠰᠤᠯᠪᠢ ᠰᠡᠷᠪᠡᠭᠡ᠄ ᠬᠤᠶᠠᠷ ᠪᠦᠬᠦᠨ ᠤ ᠦᠵᠦᠭᠦᠷ ᠨᠢ ᠬᠤᠶᠠᠷ ᠲᠡᠶᠢᠰᠢ ᠪᠠᠨ ᠲᠦᠯᠭᠡᠬᠡᠨ ᠮᠤᠷᠤᠢ ᠲᠡᠮᠡᠭᠡ᠃ | ᠰᠤᠯᠪᠢ ᠰᠢᠷᠡᠭᠡ᠄ ᠪᠦᠬᠦᠨ ᠤ ᠲᠤᠭ ᠨᠢ ᠬᠤᠶᠠᠷ ᠲᠡᠶᠢᠰᠢ ᠪᠠᠨ ᠲᠠᠷᠤᠤ ᠲᠡᠮᠡᠭᠡ᠃ | ᠰᠤᠯᠪᠢ ᠲᠠᠷᠤᠤ᠄ ᠬᠤᠶᠠᠷ ᠪᠦᠬᠦ ᠨᠢ ᠬᠤᠶᠠᠷ ᠲᠡᠶᠢᠰᠢ ᠪᠠᠨ ᠲᠠᠷᠤᠤ ᠪᠤᠯᠤᠭᠰᠠᠨ ᠲᠡᠮᠡᠭᠡ᠃ | ᠰᠤᠵᠤᠩ ᠪᠦᠬᠦᠳᠦ᠄ ᠨᠠᠷᠢᠨ ᠦᠨᠳᠦᠷ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠰᠤᠶᠤᠭᠠ ᠪᠦᠬᠦᠳᠦ᠄ ᠡᠮᠦᠨᠡ ᠪᠦᠬᠦ ᠨᠢ ᠰᠢᠷᠡᠭᠡ᠂ ᠬᠤᠶᠢᠳᠤ ᠪᠦᠬᠦ ᠨᠢ ᠨᠤᠭᠤᠷᠬᠠᠢ ᠲᠡᠮᠡᠭᠡ᠃ | ᠰᠤᠶᠤᠭᠠ ᠭᠡᠶᠡᠭᠦᠦ᠄ ᠡᠮᠦᠨᠡ ᠪᠦᠬᠦ ᠨᠢ ᠰᠢᠷᠡᠭᠡ᠂ ᠬᠤᠶᠢᠳᠤ ᠪᠦᠬᠦ ᠨᠢ ᠵᠢᠭᠠᠬᠠᠨ ᠮᠤᠷᠤᠢ ᠲᠡᠮᠡᠭᠡ᠃ | ᠰᠤᠶᠤᠭᠠ ᠰᠡᠷᠪᠡᠭᠡ᠄ ᠡᠮᠦᠨᠡ ᠪᠦᠬᠦ ᠨᠢ ᠰᠢᠷᠡᠭᠡ᠂ ᠬᠤᠶᠢᠳᠤ ᠪᠦᠬᠦ ᠨᠢ ᠬᠠᠵᠠᠭᠤᠰᠢ ᠪᠠᠨ ᠲᠦᠯᠭᠡᠬᠡᠨ ᠮᠤᠷᠤᠢ ᠲᠡᠮᠡᠭᠡ᠃ | ᠰᠤᠶᠤᠭᠠ ᠰᠢᠷᠡᠭᠡ᠄ ᠰᠢᠷᠡᠭᠡ ᠪᠦᠬᠦ ᠲᠠᠢ ᠪᠤᠯᠪᠠᠴᠤ ᠬᠤᠶᠢᠳᠤ ᠪᠦᠬᠦ ᠨᠢ ᠨᠠᠮ ᠰᠢᠭ᠋ ᠪᠤᠶᠤ ᠪᠦᠬᠦᠨ ᠤ ᠲᠤᠭ ᠨᠢ ᠲᠠᠷᠤᠤ ᠲᠡᠮᠡᠭᠡ᠃ | ᠰᠤᠶᠤᠭᠠ ᠰᠤᠯᠪᠢ᠄ ᠡᠮᠦᠨᠡ ᠪᠦᠬᠦ ᠨᠢ ᠲᠡᠭᠡᠷᠡ᠂ ᠬᠤᠶᠢᠳᠤ ᠪᠦᠬᠦ ᠨᠢ ᠲᠤᠤᠷᠠ ᠰᠤᠯᠪᠢ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠰᠤᠶᠤᠭᠠ ᠲᠠᠷᠤᠤ᠄ ᠬᠤᠶᠢᠳᠤ ᠪᠦᠬᠦ ᠨᠢ ᠲᠠᠷᠤᠤ ᠰᠢᠭ᠋ ᠰᠤᠶᠤᠭᠠ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠰᠤᠪᠤᠷᠭᠠᠨ ᠪᠦᠬᠦᠳᠦ᠄ ᠪᠦᠳᠦᠭᠦᠨ ᠮᠦᠷᠳᠡᠭᠡᠨ ᠦᠨᠳᠦᠷ᠂ ᠡᠭᠴᠡ ᠪᠤᠰᠤᠭᠠ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠱᠠᠮᠠᠨ ᠪᠦᠬᠦᠳᠦ᠄ ᠬᠤᠶᠠᠷ ᠪᠦᠬᠦᠨ ᠤ ᠦᠵᠦᠭᠦᠷ ᠨᠢ ᠴᠦᠮ ᠤᠷᠤᠭᠰᠢ ᠪᠠᠨ ᠮᠤᠷᠤᠢ ᠲᠡᠮᠡᠭᠡ᠃ | ᠱᠤᠪᠳᠤᠩ ᠪᠦᠬᠦᠳᠦ᠄ ᠪᠦᠬᠦ ᠨᠢ ᠦᠵᠦᠭᠦᠷ ᠦᠭᠡᠳᠡ ᠪᠠᠨ ᠨᠠᠷᠢᠨ ᠪᠦᠭᠡᠳ ᠵᠠᠯᠠᠭᠠ ᠨᠢ ᠪᠠᠭᠠ ᠲᠡᠮᠡᠭᠡ᠃ | ᠲᠠᠰᠤᠷᠬᠠᠢ ᠪᠦᠬᠦᠳᠦ᠄ ᠲᠤᠮᠳᠠᠭᠤᠷ ᠢᠶᠠᠨ ᠨᠠᠷᠢᠬᠠᠨ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠲᠠᠳᠠᠩᠬᠠᠢ ᠪᠦᠬᠦᠳᠦ᠄ ᠪᠦᠬᠦᠨ ᠤ ᠨᠢᠭᠡ ᠬᠠᠵᠠᠭᠤ ᠶᠢᠨ ᠠᠷᠠᠰᠤ ᠨᠢ ᠭᠡᠮᠳᠦᠭᠰᠡᠨ ᠠᠴᠠ ᠪᠤᠯᠵᠤ ᠬᠡᠳᠦᠢ ᠲᠠᠷᠭᠤᠯᠠᠪᠠᠴᠤ ᠰᠢᠷᠡᠭᠡᠯᠡᠳᠡᠭ ᠦᠭᠡᠢ ᠪᠦᠬᠦ ᠲᠠᠢ | ᠲᠡᠮᠡᠭᠡ᠃ | ᠲᠤᠯᠤᠮᠤᠨ ᠪᠦᠬᠦᠳᠦ᠄ ᠬᠡᠳᠦᠢ ᠲᠠᠷᠭᠤᠯᠠᠪᠠᠴᠤ ᠪᠤᠰᠳᠠᠭ ᠦᠭᠡᠢ ᠤᠷᠳᠤ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠲᠠᠯᠢᠭᠠᠷ ᠪᠦᠬᠦᠳᠦ᠄ ᠰᠤᠯᠪᠢ ᠤᠨᠠᠭᠰᠠᠨ ᠤᠷᠳᠤ ᠪᠦᠳᠦᠭᠦᠨ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠲᠠᠷᠠᠭᠠᠷ ᠠᠶᠠᠰ᠄ ᠪᠦᠬᠦ ᠨᠢ ᠨᠢᠭᠡ ᠲᠡᠶᠢᠰᠢ ᠪᠠᠨ ᠪᠠᠭ᠋ᠠᠨ ᠬᠠᠵᠠᠶᠢᠭᠰᠠᠨ ᠲᠡᠮᠡᠭᠡ᠃ | ᠲᠠᠷᠠᠭᠠᠷ ᠪᠦᠬᠦᠳᠦ᠄ ᠪᠦᠬᠦ ᠨᠢ ᠪᠠᠭ᠋ᠠᠨ ᠬᠠᠵᠠᠶᠢᠭᠰᠠᠨ ᠲᠡᠮᠡᠭᠡ᠃ | ᠲᠠᠷᠠᠭᠠᠷ ᠰᠤᠯᠪᠢ᠄ ᠬᠤᠶᠠᠷ ᠪᠦᠬᠦ ᠨᠢ ᠬᠤᠶᠠᠷ ᠲᠡᠶᠢᠰᠢ ᠪᠠᠨ ᠪᠠᠭ᠋ᠠᠨ ᠬᠠᠵᠠᠶᠢᠭᠰᠠᠨ ᠲᠡᠮᠡᠭᠡ᠃ | ᠲᠠᠷᠠᠭᠠᠷ ᠰᠤᠶᠤᠭᠠ᠄ ᠡᠮᠦᠨᠡ ᠪᠦᠬᠦ ᠨᠢ ᠰᠢᠷᠡᠭᠡ᠂ ᠬᠤᠶᠢᠳᠤ ᠪᠦᠬᠦ ᠨᠢ ᠪᠠᠭ᠋ᠠᠨ ᠬᠠᠵᠠᠶᠢᠭᠰᠠᠨ ᠲᠡᠮᠡᠭᠡ᠃ | ᠲᠠᠷᠤᠤ ᠠᠶᠠᠰ᠄ ᠪᠦᠬᠦ ᠨᠢ ᠴᠦᠮ ᠨᠢᠭᠡ ᠲᠡᠶᠢᠰᠢ ᠪᠠᠨ ᠲᠠᠷᠤᠤ ᠪᠤᠯᠤᠭᠰᠠᠨ ᠲᠡᠮᠡᠭᠡ᠃ | ᠲᠠᠷᠤᠤ ᠪᠦᠬᠦᠳᠦ᠄ ᠪᠦᠬᠦ ᠨᠢ ᠬᠠᠵᠠᠭᠤᠰᠢ ᠪᠠᠨ ᠬᠠᠵᠠᠶᠢᠵᠤ᠂ ᠪᠦᠬᠦᠨ ᠤ ᠦᠵᠦᠭᠦᠷ ᠨᠢ ᠤᠨᠵᠢᠭᠤ ᠪᠤᠯᠤᠭᠰᠠᠨ ᠲᠡᠮᠡᠭᠡ᠃ | ᠲᠡᠭᠡᠷᠡ ᠠᠶᠠᠰ᠄ ᠰᠢᠷᠡᠭᠡᠯᠡᠬᠦ ᠰᠢᠬᠠᠭᠰᠠᠨ ᠠᠶᠠᠰ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠲᠡᠭᠡᠷᠡ ᠰᠤᠯᠪᠢ᠄ ᠰᠢᠷᠡᠭᠡᠯᠡᠬᠦ ᠰᠢᠬᠠᠭᠰᠠᠨ ᠰᠤᠯᠪᠢ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠲᠡᠭᠡᠷᠡ ᠰᠤᠶᠤᠭᠠ᠄ ᠡᠮᠦᠨᠡ ᠪᠦᠬᠦ ᠨᠢ ᠰᠢᠷᠡᠭᠡ᠂ ᠬᠤᠶᠢᠳᠤ ᠪᠦᠬᠦ ᠨᠢ ᠰᠢᠷᠡᠭᠡᠯᠡᠬᠦ ᠰᠢᠬᠠᠭᠰᠠᠨ ᠲᠡᠮᠡᠭᠡ᠃ | ᠲᠤᠤᠷᠠ ᠠᠶᠠᠰ᠄ ᠲᠠᠷᠤᠤ ᠪᠦᠬᠦᠳᠦ ᠪᠡ ᠬᠡᠢ ᠪᠦᠬᠦᠳᠦ ᠶᠢᠨ ᠬᠤᠭᠤᠷᠤᠨᠳᠤ ᠪᠠᠶᠢᠭᠠ ᠠᠶᠠᠰ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠲᠤᠤᠷᠠ ᠰᠤᠯᠪᠢ᠄ ᠲᠠᠷᠤᠤ ᠪᠦᠬᠦᠳᠦ ᠪᠠ ᠬᠡᠢ ᠪᠦᠬᠦᠳᠦ ᠶᠢᠨ ᠬᠤᠭᠤᠷᠤᠨᠳᠤ ᠪᠠᠶᠢᠭᠠ ᠰᠤᠯᠪᠢ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ | ᠲᠤᠤᠷᠠ ᠰᠤᠶᠤᠭᠠ᠄ ᠡᠮᠦᠨᠡ ᠪᠦᠬᠦ ᠨᠢ ᠰᠢᠷᠡᠭᠡ᠂ ᠬᠤᠶᠢᠳᠤ ᠪᠦᠬᠦ ᠨᠢ ᠲᠠᠷᠤᠤ ᠪᠦᠬᠦᠳᠦ ᠪᠠ ᠬᠡᠢ ᠪᠦᠬᠦᠳᠦ ᠶᠢᠨ ᠬᠤᠭᠤᠷᠤᠨᠳᠤ ᠪᠠᠶᠢᠭᠠ ᠲᠡᠮᠡᠭᠡ᠃ | ᠲᠤᠭ ᠰᠢᠷᠡᠭᠡ᠄ ᠬᠤᠶᠠᠷ ᠪᠦᠬᠦ ᠨᠢ ᠪᠤᠰᠤᠭᠠ ᠮᠦᠷᠳᠡᠭᠡᠨ ᠪᠦᠬᠦᠨ ᠤ ᠰᠠᠴᠤᠭ ᠨᠢ ᠡᠭᠴᠡ ᠪᠤᠰᠤᠭᠠ ᠲᠡᠮᠡᠭᠡ᠃ | ᠴᠠᠯᠠᠭᠠᠢ ᠪᠦᠬᠦᠳᠦ᠄ ᠬᠤᠶᠠᠷ ᠪᠦᠬᠦᠨ ᠤ ᠦᠵᠦᠭᠦᠷ ᠨᠢ ᠡᠮᠦᠨᠡᠰᠢ ᠬᠤᠶᠢᠰᠢ ᠪᠠᠨ ᠮᠤᠷᠤᠶᠢᠭᠰᠠᠨ ᠪᠦᠬᠦ ᠲᠠᠢ ᠲᠡᠮᠡᠭᠡ᠃ ᠡᠭᠦᠨ ᠢ ᠪᠠᠰᠠ ᠶᠤᠸᠠᠮᠪᠤᠤ | ᠪᠦᠬᠦᠳᠦ ᠭᠡᠳᠡᠭ᠃ | ᠵᠠᠯᠠᠭᠠ ᠲᠠᠷᠤᠤ᠄ ᠰᠢᠷᠡᠭᠡ ᠪᠦᠬᠦ ᠲᠠᠢ ᠪᠤᠯᠪᠠᠴᠤ ᠪᠦᠬᠦᠨ ᠤ ᠲᠤᠭ ᠨᠤᠤᠰᠤ ᠨᠢ ᠲᠦᠯᠭᠡᠬᠡᠨ ᠲᠠᠷᠤᠤ ᠲᠡᠮᠡᠭᠡ᠃ | ᠵᠦᠪ ᠠᠶᠠᠰ᠄ ᠬᠤᠶᠠᠷ ᠪᠦᠬᠦ ᠨᠢ ᠵᠦᠪ ᠲᠡᠶᠢᠰᠢ ᠪᠠᠨ ᠨᠤᠭᠤᠷᠬᠠᠢ ᠲᠡᠮᠡᠭᠡ᠃ | ᠵᠦᠪ ᠭᠡᠶᠡᠭᠦᠦ᠄ ᠬᠤᠶᠠᠷ ᠪᠦᠬᠦ ᠨᠢ ᠵᠦᠪ ᠲᠡᠶᠢᠰᠢ ᠪᠠᠨ ᠵᠢᠭᠠᠬᠠᠨ ᠮᠤᠷᠤᠢ ᠲᠡᠮᠡᠭᠡ᠃ | ᠵᠦᠪ ᠰᠡᠷᠪᠡᠭᠡ᠄ ᠬᠤᠶᠠᠷ ᠪᠦᠬᠦᠨ ᠤ ᠦᠵᠦᠭᠦᠷ ᠨᠢ ᠵᠦᠪ ᠲᠡᠶᠢᠰᠢ ᠪᠠᠨ ᠲᠦᠯᠭᠡᠬᠡᠨ ᠮᠤᠷᠤᠢ ᠲᠡᠮᠡᠭᠡ᠃ | ᠵᠦᠪ ᠰᠢᠷᠡᠭᠡ᠄ ᠪᠦᠬᠦᠨ ᠤ ᠲᠤᠭ ᠨᠢ ᠴᠦᠮ ᠵᠦᠪ ᠲᠡᠶᠢᠰᠢ ᠪᠠᠨ ᠲᠠᠷᠤᠤ ᠪᠠᠶᠢᠳᠠᠭ ᠲᠡᠮᠡᠭᠡ᠃ | ᠵᠦᠪ ᠰᠤᠯᠪᠢ᠄ ᠡᠮᠦᠨᠡ ᠪᠦᠬᠦ ᠨᠢ ᠵᠦᠪ ᠲᠡᠶᠢᠰᠢ᠂ ᠬᠤᠶᠢᠳᠤ ᠪᠦᠬᠦ ᠨᠢ ᠪᠤᠷᠤᠭᠤ ᠲᠡᠶᠢᠰᠢ ᠨᠤᠭᠤᠷᠠᠭᠰᠠᠨ ᠲᠡᠮᠡᠭᠡ᠃ | ᠵᠦᠪ ᠰᠤᠶᠤᠭᠠ᠄ ᠡᠮᠦᠨᠡ ᠪᠦᠬᠦ ᠨᠢ ᠰᠢᠷᠡᠭᠡ᠂ ᠬᠤᠶᠢᠳᠤ ᠪᠦᠬᠦ ᠨᠢ ᠵᠦᠪ ᠲᠡᠶᠢᠰᠢ ᠨᠤᠭᠤᠷᠬᠠᠢ ᠲᠡᠮᠡᠭᠡ᠃ | ᠵᠦᠪ ᠲᠠᠷᠠᠭᠠᠷ᠄ ᠬᠤᠶᠠᠷ ᠪᠦᠬᠦ ᠨᠢ ᠵᠦᠪ ᠲᠡᠶᠢᠰᠢ ᠪᠠᠨ ᠪᠠᠭ᠋ᠠᠨ ᠬᠠᠵᠠᠶᠢᠭᠰᠠᠨ ᠲᠡᠮᠡᠭᠡ᠃ | ᠵᠦᠪ ᠲᠠᠷᠤᠤ᠄ ᠪᠦᠬᠦ ᠨᠢ ᠴᠦᠮ ᠵᠦᠪ ᠲᠡᠶᠢᠰᠢ ᠪᠠᠨ ᠲᠠᠷᠤᠤ ᠪᠤᠯᠤᠭᠰᠠᠨ ᠲᠡᠮᠡᠭᠡ᠃ | ᠶᠠᠪᠴᠢᠭᠠᠷ ᠪᠦᠬᠦᠳᠦ᠄ ᠬᠤᠶᠠᠷ ᠪᠦᠬᠦ ᠨᠢ ᠨᠠᠭᠠᠯᠳᠤᠩᠬᠠᠢ ᠮᠦᠷᠳᠡᠭᠡᠨ ᠬᠠᠯᠢᠰᠤ ᠪᠤᠯᠳᠠᠯᠠ ᠡᠴᠡᠭᠰᠡᠨ ᠲᠡᠮᠡᠭᠡ᠃ | ᠶᠤᠸᠠᠮᠪᠤᠤ ᠪᠦᠬᠦᠳᠦ᠄ ᠴᠠᠯᠠᠭᠠᠢ ᠪᠦᠬᠦᠳᠦ ᠲᠠᠢ ᠠᠳᠠᠯᠢ᠃ | |