| ᠡᠵᠡᠨ ᠲᠠᠢ ᠡᠬᠡ ᠤᠷᠤᠨ | ᠳ᠋᠊᠂ ᠪᠠᠶᠠᠨᠪᠠᠳᠠᠷᠠᠬᠤ | | | ᠨᠡᠬᠦᠳᠡᠯ ᠤᠨ ᠬᠢᠨᠢ ᠰᠢᠪᠠᠭᠤᠳ ᠴᠦ ᠤᠬᠢᠯᠠᠨ ᠬᠤᠷᠭᠤᠳᠠᠭᠰᠠᠭᠠᠷ ᠪᠤᠴᠠᠳᠠᠭ | ᠨᠢᠬᠡᠨ ᠭᠠᠵᠠᠷ ᠪᠠᠶᠢᠳᠠᠭ ᠶᠤᠮ ᠡ | ᠨᠠᠷᠠ ᠪᠠᠷ ᠢᠶᠠᠨ ᠨᠤᠳᠤᠭ ᠢᠶᠠᠨ ᠡᠷᠭᠦᠵᠤ᠂ ᠬᠠᠯᠠᠭᠤᠨ ᠴᠢᠰᠦ ᠪᠠᠨ ᠵᠤᠷᠢᠭᠤᠯᠳᠠᠭ | ᠨᠢᠩᠵᠢᠨ ᠠᠷᠠᠳ ᠪᠠᠶᠢᠳᠠᠭ ᠶᠤᠮ ᠡ | ᠨᠡᠭᠡᠢ ᠳᠤ ᠦᠰᠭᠡᠭᠰᠡᠨ ᠬᠦᠦ ᠪᠠᠨ ᠲᠠᠯᠠᠭᠡᠢ ᠲᠦᠷᠦᠭᠡᠯᠡᠬᠦᠯᠵᠤ ᠮᠤᠷᠳᠠᠭᠤᠯᠳᠠᠭ | ᠡᠵᠢ ᠬᠦᠮᠦᠨ ᠪᠠᠶᠢᠳᠠᠭ ᠶᠤᠮ ᠡ | ᠨᠠᠷᠠ ᠪᠠᠨ ᠤᠷᠬᠢᠭᠰᠠᠨ ᠤᠯᠤᠰ ᠤᠳ ᠴᠦ ᠰᠦᠨᠡᠰᠦ ᠪᠠᠨ ᠲᠠᠭᠠᠵᠤ ᠲᠦᠷᠦᠳᠡᠭ | ᠡᠭᠡ ᠤᠷᠤᠨ ᠪᠠᠶᠢᠳᠠᠭ ᠶᠤᠮ ᠡ | | ᠡᠶᠢᠮᠤ ᠡᠭᠡ ᠤᠷᠤᠨ ᠲᠠᠢ ᠬᠦᠮᠦᠨ ᠬᠤᠷᠸᠠ ᠳᠤ ᠤᠯᠠᠨ ᠪᠠᠶᠢᠬᠤ ᠦᠭᠡᠢ | ᠡᠵᠡᠨ ᠦᠭᠡᠢ ᠨᠤᠳᠤᠭ ᠤᠰᠤ ᠲᠡᠯᠡᠭᠡᠢ ᠳᠤ ᠨᠢᠭᠡ ᠴᠦ ᠪᠠᠶᠢᠬᠤ ᠦᠭᠡᠢ | | ᠬᠤᠨᠳᠠᠭᠠᠨ ᠳᠤ ᠰᠠᠷᠬᠤᠳ ᠮᠡᠯᠮᠡᠯᠵᠡᠬᠦ ᠳᠤ ᠲᠡᠭᠷᠢ ᠳᠡᠭᠡᠨ ᠢᠳᠠᠮᠯᠠᠵᠤ ᠠᠮᠰᠠᠳᠠᠭ | ᠰᠠᠨᠠᠭᠠ ᠲᠠᠶᠢᠪᠤᠭᠤ ᠠᠪᠤ ᠪᠠᠶᠢᠳᠠᠭ | ᠬᠤᠯᠠ ᠠᠴᠠ ᠬᠦᠦ ᠨᠢ ᠬᠠᠷᠢᠬᠤ ᠳᠤ ᠡᠯᠢᠭᠡᠨ ᠳᠡᠭᠡᠨ ᠲᠡᠪᠡᠷᠢᠵᠤ ᠦᠨᠦᠰᠳᠡᠭ | ᠰᠠᠮᠠᠭᠠᠨ ᠪᠤᠭᠤᠷᠦᠯ ᠡᠵᠢ ᠪᠠᠶᠢᠳᠠᠭ | ᠭᠡᠰᠢᠭ ᠢ ᠨᠢ ᠦᠯᠡᠳᠡᠭᠡᠭᠰᠡᠨ ᠮᠤᠷᠢ ᠨᠢ ᠬᠦᠯᠦᠰᠤ ᠪᠠᠨ ᠦᠨᠦᠷᠯᠡᠨ ᠬᠠᠷᠢᠵᠤ ᠢᠷᠡᠳᠡᠭ | ᠵᠦᠩ ᠰᠤᠪᠢᠩ ᠤᠨ ᠵᠢᠮ ᠪᠠᠶᠢᠳᠠᠭ | ᠬᠡᠶᠢᠴᠢᠨ ᠳᠤ ᠴᠭᠠᠨᠳᠠᠢ ᠪᠠᠨ ᠠᠮᠰᠠᠭᠤᠯᠤᠨ ᠬᠤᠶᠢᠮᠤᠷ ᠲᠠᠭᠠᠨ ᠵᠠᠯᠠᠵᠤ ᠰᠠᠭᠤᠯᠭᠠᠳᠠᠭ | ᠴᠢᠩ ᠦᠨᠡᠨ ᠤ ᠰᠡᠳᠬᠢᠯ ᠪᠠᠶᠢᠳᠠᠭ | | | ᠡᠶᠢᠮᠤ ᠡᠭᠡ ᠤᠷᠤᠨ ᠲᠠᠢ ᠬᠦᠮᠦᠨ ᠬᠤᠷᠸᠠ ᠳᠤ ᠤᠯᠠᠨ ᠪᠠᠶᠢᠬᠤ ᠦᠭᠡᠢ | ᠡᠵᠡᠨ ᠦᠭᠡᠢ ᠨᠤᠳᠤᠭ ᠤᠰᠤ ᠲᠡᠯᠡᠭᠡᠢ ᠳᠤ ᠨᠢᠭᠡ ᠴᠦ ᠪᠠᠶᠢᠬᠤ ᠦᠭᠡᠢ | | | ᠬᠦᠢ ᠶᠢ ᠮᠢᠨᠢ ᠮᠠᠨᠴᠤᠶᠢᠯᠠᠵᠤ ᠪᠠᠶᠢᠳᠠᠭ ᠢᠶᠠᠷ ᠪᠢ ᠬᠤᠯᠠᠳᠠᠵᠤ ᠴᠢᠳᠠᠬᠤ ᠦᠭᠡᠢ | ᠬᠦᠰᠡᠯ ᠤᠨ ᠮᠢᠨᠢ ᠠᠷᠭᠠᠮᠵᠢᠶᠠ ᠶᠤᠮ | ᠬᠦᠷᠦᠩᠭᠡ ᠬᠤᠭᠰᠢᠯ ᠮᠢᠨᠢ ᠪᠠᠷᠠᠭᠳᠠᠭᠰᠠᠨ ᠴᠦ ᠪᠢ ᠬᠤᠳᠠᠯᠳᠤᠵᠤ ᠴᠢᠳᠠᠬᠤ ᠦᠭᠡᠢ | ᠬᠦᠦ ᠳᠤ ᠪᠠᠨ ᠵᠢᠭᠠᠬᠤ ᠦᠪ ᠶᠤᠮ | ᠠᠯᠳᠠᠭᠠ ᠤᠨᠤᠭᠠ ᠬᠤᠶᠠᠷ ᠢᠶᠠᠷ ᠢᠶᠠᠨ ᠴᠢᠮᠠ ᠪᠢ ᠪᠤᠷᠳᠠᠭᠯᠠᠬᠤ ᠦᠭᠡᠢ | ᠠᠯᠳᠠ ᠪᠡᠶᠡ ᠮᠢᠨᠢ ᠮᠢᠨᠤᠬᠢ ᠪᠢᠯᠡ | ᠠᠯᠢ ᠨᠢᠭᠡ ᠡᠳᠦᠷ ᠴᠢ ᠶᠡᠬᠦᠷᠡᠪᠡᠯ ᠪᠢ ᠠᠮᠢᠳᠤᠷᠠᠬᠤ ᠪᠠᠷ ᠲᠡᠯᠴᠢᠯᠡᠬᠦ ᠦᠭᠡᠢ | ᠠᠮᠢ ᠨᠠᠰᠤ ᠮᠢᠨᠢ ᠴᠢᠨᠤᠬᠢ ᠪᠢᠯᠡ | | | ᠡᠶᠢᠮᠤ ᠡᠭᠡ ᠤᠷᠤᠨ ᠲᠠᠢ ᠬᠦᠮᠦᠨ ᠬᠤᠷᠸᠠ ᠳᠤ ᠤᠯᠠᠨ ᠪᠠᠶᠢᠬᠤ ᠦᠭᠡᠢ | ᠡᠵᠡᠨ ᠦᠭᠡᠢ ᠨᠤᠳᠤᠭ ᠤᠰᠤ ᠲᠡᠯᠡᠭᠡᠢ ᠳᠤ ᠨᠢᠭᠡ ᠴᠦ ᠪᠠᠶᠢᠬᠤ ᠦᠭᠡᠢ | |