| ᠠᠴᠢᠲᠦ ᠪᠠᠭᠰᠢ ᠶᠢᠨ ᠭᠡᠭᠡᠨ ᠳᠤᠷᠠᠰᠬᠠᠯ ᠳᠤ | —— ᠮᠦᠩᠬᠡᠬᠤᠷᠸᠠ | | ᠠᠴᠢᠲᠤ ᠪᠠᠭᠰᠢ ᠮᠢᠨᠢ ᠰᠠᠪᠠ ᠪᠠᠷ ᠪᠢᠯᠬᠠᠮᠠ ᠮᠡᠳᠡᠯᠭᠡ ᠲᠠᠢ ᠶᠢᠨ ᠤᠴᠢᠷ ᠰᠠᠶᠢᠴᠤᠤᠯ ᠤᠯᠠᠨ ᠳᠤ ᠪᠠᠨ ᠰᠢᠨᠠᠭᠠ ᠪᠠᠷ ᠲᠦᠭᠡᠭᠡᠭᠡᠳ ᠲᠤᠨᠳᠠᠷᠠᠰᠢ ᠦᠭᠡᠢ | ᠮᠡᠳᠡᠯᠭᠡ ᠶᠢᠨ ᠰᠠᠩ ᠲᠠᠢ ᠶᠤᠮ ᠡ︕ ᠠᠰᠠᠷᠠᠯᠲᠤ ᠠᠪᠤ ᠶᠢᠨ ᠬᠠᠶᠢᠷᠠ᠂ ᠬᠠᠨ ᠠᠭᠤᠯᠠ ᠶᠢᠨ ᠲᠦᠰᠢᠭ ᠮᠡᠲᠦ ᠪᠠᠶᠢᠳᠠᠭ ᠢ ᠡᠷᠬᠢᠨ ᠡᠷᠬᠢᠨ ᠰᠠᠨᠠᠳᠠᠭ ᠬᠦᠮᠦᠰ | ᠵᠦᠩᠳᠡᠭᠡᠨ ᠪᠠᠶᠢᠬᠤ ᠶᠢ ᠦᠬᠦᠯᠡᠬᠦ ᠶᠠᠭᠤᠨ︕ | ᠤᠯᠤᠰ ᠢᠷᠭᠡᠳ ᠤᠨ ᠢᠶᠠᠨ ᠤᠶᠤᠨ ᠰᠠᠨᠠᠭᠠᠨ ᠤ ᠬᠤᠭᠤᠰᠤᠨ ᠢ ᠨᠦᠬᠦᠵᠦ᠂ ᠤᠶᠤᠨ ᠢᠶᠠᠷ ᠬᠦᠭᠵᠢᠬᠦ ᠳᠠᠪᠴᠠᠩ ᠤᠨ ᠭᠡᠷᠡᠯᠲᠤ ᠴᠠᠮᠬᠠᠭ ᠨᠢ ᠪᠤᠯᠵᠤ᠂ | ᠦᠢᠯᠡᠰ ᠤᠨ ᠰᠠᠶᠢᠬᠠᠨ ᠢ ᠨᠠᠰᠤᠨ ᠳᠤᠷᠰᠢᠳᠠ ᠪᠠᠨ ᠬᠢᠯᠠᠷᠠᠭᠤᠯᠤᠨ ᠪᠠᠶᠢᠵᠤ᠂ ᠤᠶᠢᠯᠵᠤ ᠪᠤᠴᠠᠯᠬᠤ ᠰᠢᠨᠲᠠᠷᠠᠰᠢ ᠦᠭᠡᠢ ᠵᠤᠷᠢᠭ ᠰᠠᠨᠠᠭᠠᠨ ᠤ ᠬᠦᠴᠦᠨ ᠢᠶᠠᠷ ᠢᠶᠠᠨ | ᠳᠠᠶᠠᠭᠠᠷ ᠤᠯᠠᠨ ᠳᠤ ᠪᠠᠨ ᠬᠦᠨᠳᠦᠳᠭᠡᠭᠳᠡᠳᠡᠭ ᠰᠠᠨ᠃ ︽ᠮᠤᠩᠬᠠᠭ ᠤᠨ ᠴᠦᠯ ᠢ ᠮᠤᠷᠢ ᠪᠠᠷ ᠪᠢᠰᠢ᠂ ᠨᠤᠮ ᠢᠶᠠᠷ ᠲᠤᠭᠤᠯᠳᠠᠭ︾ ᠭᠡᠵᠦ ᠨᠢᠭᠡᠨ ᠡᠷᠲᠡᠮᠳᠡᠨ ᠤ | ᠶᠠᠷᠢᠭᠰᠠᠨ ᠦᠭᠡ ᠪᠤᠳᠤᠭᠳᠠᠨᠠ᠃ ᠨᠠᠰᠤᠨ ᠳᠤᠷᠰᠢᠳᠠ ᠨᠤᠮ ᠪᠢᠴᠢᠭ ᠤᠨ ᠲᠤᠭᠤᠰᠤᠨ ᠳᠤ ᠪᠡᠶᠡ ᠰᠡᠳᠬᠢᠯ ᠢᠶᠠᠨ ᠴᠢᠯᠡᠭᠡᠵᠦ᠂ ᠤᠷᠴᠢᠯᠠᠩ ᠳᠡᠯᠡᠬᠡᠢ ᠶᠢᠨ ᠡᠵᠡᠨ | ᠬᠦᠮᠦᠨ ᠰᠢᠭ ᠨᠢᠷᠤᠭᠤ ᠭᠡᠳᠡᠭᠡᠷ ᠶᠠᠪᠤᠵᠤ ᠠᠮᠢᠳᠤᠷᠠᠬᠤᠢ ᠶᠢᠨ ᠦᠨᠡ ᠴᠠᠨᠠ ᠪᠠᠨ ᠬᠦᠨ ᠠᠴᠠ ᠬᠦᠨ ᠠᠭᠤᠲᠠᠯᠠᠵᠤ ᠴᠢᠳᠠᠭᠰᠠᠨ ᠢ ᠨᠢ ᠥᠪᠡᠷ ᠤᠨ ᠡᠷᠭᠡ ᠦᠭᠡᠢ | ᠭᠠᠶᠢᠬᠠᠨ ᠪᠢᠰᠢᠷᠡᠳᠡᠭ ᠰᠠᠨ᠃ | ᠪᠠᠭᠰᠢ ᠶᠢᠨ ᠢᠶᠠᠨ ᠲᠤᠬᠠᠢ ᠮᠠᠭᠲᠠᠵᠤ ᠮᠠᠯᠠᠭᠠᠢᠢᠳᠠᠬᠤ ᠶᠢᠨ ᠶᠤᠮ ᠪᠤᠯ ᠪᠠᠷᠠᠬᠤ ᠶᠢᠨ ᠤᠴᠢᠷ ᠦᠭᠡᠢ᠃ ᠮᠠᠭᠠᠳ ᠤᠳᠤ ᠨᠠᠰᠤ ᠪᠠᠭᠠ ᠴᠢᠰᠤ ᠰᠢᠩᠭᠡᠨ | ᠨᠠᠳᠠ ᠳᠤ ᠰᠡᠳᠭᠢᠯ ᠤᠨ ᠲᠡᠩᠭᠡᠭᠡ᠂ ᠰᠤᠶᠤᠯ ᠤᠨ ᠭᠡᠭᠡ᠂ ᠰᠤᠷᠭᠠᠮᠵᠢ ᠪᠦᠬᠦᠨ ᠢ ᠨᠢ ᠬᠦᠷᠲᠡᠵᠦ᠂ ᠶᠠᠭ ᠯᠠ ᠨᠢᠯᠬᠠ ᠬᠡᠦᠬᠡᠳ ᠰᠢᠭ ᠮᠦᠮᠦᠵᠦ ᠶᠠᠪᠤᠭᠰᠠᠨ ᠭᠡᠬᠦ ᠳᠤ | ᠢᠯᠡᠭᠦᠳᠡᠬᠦ ᠶᠠᠭᠤᠮᠠ ᠠᠯᠠᠭᠠ︕ | 2016 ᠤᠨ ᠤ 6 ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠪᠠᠷ ᠴᠠᠭᠠᠨᠠ ᠡᠭᠡᠴᠢ ᠶᠢᠨ ᠠᠯᠪᠠᠨ ᠭᠡᠷ ᠲᠤ ᠤᠴᠢᠵᠤ ᠤᠷᠳᠤᠰ ᠠᠷᠠᠳ ᠤᠨ ᠳᠠᠭᠤᠤ ᠶᠢᠨ | ᠰᠢᠩᠭᠡᠭᠡᠯᠲᠡ ᠶᠢ ᠵᠢᠭᠰᠠᠭᠠᠵᠤ ᠪᠠᠶᠢᠬᠤ ᠪᠠᠷ᠄ | — ᠴᠢ ᠰᠤᠨᠤᠮ ᠪᠠᠭᠰᠢ ᠶᠢᠨ ᠨᠤᠮ ᠤᠨ ᠠᠰᠠᠷ ᠲᠤ ᠤᠴᠢᠵᠤ ᠠᠵᠢᠯᠯᠠᠨᠠ ᠪᠠ︕ ᠤᠳᠤ ᠶᠠᠭ ᠴᠢᠮᠠ ᠰᠢᠭ᠋ ᠮᠡᠷᠬᠡᠵᠢᠯ ᠲᠠᠢ ᠵᠠᠯᠠᠭᠤ ᠬᠦᠮᠦᠨ ᠢ | ᠬᠠᠶᠢᠵᠤ ᠪᠠᠶᠢᠨᠠ︕ ᠡᠨᠡ ᠰᠠᠶᠢᠨ ᠲᠤᠬᠢᠶᠠᠯ ᠰᠢᠤ︕ | — ᠡᠨᠡ ᠬᠦᠮᠦᠨ ᠢ ᠪᠢ ᠲᠠᠨᠢᠬᠤ ᠴᠤ ᠦᠭᠡᠢ᠂ ᠶᠠᠮᠠᠷ ᠠᠵᠢᠯ ᠪᠠᠶᠢᠬᠤ ᠶᠢ ᠴᠤ ᠮᠡᠳᠡᠬᠦ ᠦᠭᠡᠢ᠂ ᠡ᠊ᠨᠳᠡ ᠴᠤ ᠦᠭᠡᠢ ᠲᠡᠨᠳᠡ ᠴᠤ ᠦᠭᠡᠢ ᠪᠤᠯᠪᠠᠯ | ᠬᠠᠶᠢᠷᠠᠨ ᠪᠠ︖ ᠬᠡᠳ ᠪᠠᠷᠢᠴᠠᠨ ᠪᠠᠲᠤᠲᠠᠢ ᠬᠠᠷᠢᠭᠤᠯᠲᠠ ᠬᠢᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ ᠤᠴᠢᠷ ᠶᠠᠭᠤᠨ ᠭᠡᠪᠡᠯ᠄ ᠪᠠᠭᠠ ᠳᠤ ᠪᠠᠨ ︽ᠤᠷᠳᠤᠰ ᠤᠨ ᠵᠠᠭᠤᠨ | ᠮᠡᠷᠭᠡᠳ︾ ᠠᠴᠠ ᠰᠡᠭᠦᠳᠡᠷ ᠢ ᠨᠢ ᠲᠠᠨᠢᠭᠰᠠᠨ ᠴᠤ ᠪᠢ ᠲᠠᠨᠢᠬᠤ ᠠᠴᠠ ᠪᠢᠰᠢ ᠨᠠᠮᠠ ᠶᠢ ᠲᠠᠨᠢᠬᠤ ᠤᠴᠢᠷ ᠴᠤ ᠦᠭᠡᠢ᠂ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠬᠤ ᠪᠠᠷ ᠵᠠᠮ | ᠳᠠᠭᠠᠷᠠᠵᠤ᠂ ᠮᠥᠮᠥ ᠲᠠᠢ ᠬᠠᠮᠲᠤ ᠢᠷᠡᠭᠡᠳ ︽ᠮᠢᠩᠭᠠᠨ ᠬᠠᠷᠢᠶᠠᠯ︾ ᠭᠡᠰᠡᠨ ᠨᠤᠮ ᠢ ᠠᠪᠴᠤ ᠳᠤᠤᠭᠠᠷᠬᠤ ᠪᠠᠶᠢᠲᠤᠭᠠᠢ ᠳᠠᠭᠤ ᠴᠤ ᠭᠠᠷᠴᠤ ᠴᠢᠳᠠᠭᠰᠠᠨ ᠦᠭᠡᠢ | ᠶᠠᠪᠤᠭᠰᠠᠨ︕ ᠥᠭᠡᠷᠡ ᠶᠠᠮᠠᠷ ᠴᠤ ᠤᠢᠢᠯᠠᠭᠠᠯᠲᠠ ᠦᠭᠡᠢ᠃ ᠤᠳᠤ ᠪᠠᠰᠠ ᠶᠠᠮᠠᠷ ᠶᠠ ᠨᠢᠭᠡ ᠪᠠᠶᠢᠭᠤᠯᠭᠠ ᠲᠦᠰᠢᠵᠤ ᠲᠦᠩᠭᠡᠭᠰᠡᠨ ᠠᠮᠢᠳᠤᠷᠠᠯ ᠭᠢᠵᠦ ᠪᠠᠶᠢᠭᠠ | ᠨᠠᠳᠠ ᠳᠤ ᠠᠯᠪᠠᠨ ᠤ ᠲᠤᠬᠠᠢ ᠰᠢᠯᠭᠠᠯᠲᠠ ᠦᠭᠡᠢ ᠪᠠᠷ ᠡᠶᠢᠰᠢ ᠲᠡᠶᠢᠰᠢ ᠳᠡᠯᠳᠡᠭᠡᠨᠡᠬᠦ ᠶᠢᠨ ᠪᠤᠳᠤᠯ ᠲᠤᠭᠲᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠯᠠ᠃ | — ᠲᠡᠷᠡ ᠶᠠᠮᠠᠷ ᠬᠠᠮᠢᠶᠠ ᠪᠠᠶᠢᠨᠠ᠂ ᠡᠳᠦᠷ ᠲᠤ ᠪᠠᠨ ᠦᠰᠦᠭ ᠪᠢᠴᠢᠭ᠂ ᠰᠤᠶᠤᠯ ᠤᠨ ᠠᠭᠤᠯᠭᠠ ᠲᠠᠢ ᠤᠷᠴᠢᠨ ᠳᠤ ᠠᠵᠢᠯᠯᠠᠬᠤ ᠭᠡᠭᠴᠢ ᠰᠠᠶᠢᠬᠠᠨ | ᠰᠢᠤ ᠳ᠋ᠠ᠂ ᠲᠡᠷᠡ ᠮᠥᠷᠲᠡᠭᠡᠨ ᠴᠢ ᠴᠤ ᠦᠪᠡᠷ ᠢᠶᠠᠨ ᠰᠤᠶᠤᠯ ᠳᠤ ᠪᠠᠬᠠ ᠲᠠᠢ ᠬᠡᠦᠬᠡᠳ ᠪᠤᠯᠬᠤᠷ ᠳᠤᠷᠠ ᠲᠠᠢ ᠠᠵᠢᠯ ᠢᠶᠠᠨ ᠬᠢᠨᠡ ᠭᠡᠭᠴᠢ ᠬᠡᠳᠦᠢ ᠵᠢᠷᠭᠠᠯ ᠲᠠᠢ | ᠪᠤᠢ︕ ᠴᠢ ᠨᠢᠭᠡ ᠵᠠᠪ ᠢᠶᠠᠨ ᠤᠯᠵᠤ ᠤᠴᠢᠵᠤ ᠶᠠᠷᠢᠯᠴᠠᠵᠤ ᠦᠵᠡᠭᠦᠢ︕ | ᠡᠭᠦᠨ ᠠᠴᠠ ᠬᠤᠶᠢᠰᠢ ᠴᠠᠭᠠᠨᠠ ᠡᠭᠡᠴᠢ ᠲᠠᠢ ᠤᠴᠠᠷᠠᠬᠤ ᠶᠢᠨ ᠪᠤᠯᠭᠠᠨ ᠰᠤᠨᠤᠮ ᠪᠠᠭᠰᠢ ᠲᠠᠢ ᠵᠤᠯᠭᠠᠵᠤ ᠶᠠᠷᠢᠯᠴᠠᠪᠠ ᠤᠤ ᠭᠡᠬᠦ ᠶᠤᠮ︕ ᠠᠷᠭᠠ | ᠪᠠᠷᠠᠭᠳᠠᠬᠤ ᠭᠡᠭᠴᠢ ᠭᠡᠴᠡᠭᠦᠦ᠃ ᠦᠭᠡᠢ ᠬᠡᠬᠦ ᠳᠤ ᠬᠦᠮᠦᠨ ᠤ ᠰᠠᠶᠢᠬᠠᠨ ᠰᠡᠳᠬᠢᠯ ᠢ ᠬᠦᠰᠡᠷᠳᠡᠭᠦᠯᠦᠨᠡ᠂ ᠵᠤᠯᠭᠠᠶᠡ ᠭᠡᠬᠦ ᠳᠤ ᠵᠤᠷᠢᠭ᠂ ᠢᠲᠡᠭᠡᠯ ᠪᠠᠰᠠ ᠬᠦᠷᠬᠦ | ᠦᠭᠡᠢ ᠪᠠᠶᠢᠯᠠ᠃ | ᠲᠤᠬᠢᠶᠠᠯ ᠢ ᠦᠪᠡᠷ ᠢᠶᠠᠨ ᠡᠵᠡᠮᠳᠡᠬᠦ ᠠᠴᠠ ᠪᠢᠰᠢ᠂ ᠦᠷᠦᠭᠡᠯ ᠠᠴᠠ ᠡᠵᠡᠮᠳᠡᠵᠦ ᠦᠭᠬᠦ ᠶᠢᠨ ᠤᠴᠢᠷ ᠭᠡᠪᠡᠯ ᠶᠠᠭ ᠦᠭᠡᠢ︕ ᠲᠡᠷᠡ ᠮᠥᠷᠲᠡᠭᠡᠨ ᠬᠠᠮᠤᠭ | ᠠᠮᠠᠷᠬᠠᠨ ᠠᠵᠢᠯ ᠤᠨ ᠨᠢᠭᠡ ᠨᠢ ᠬᠦᠮᠦᠨ ᠳᠤ ᠵᠦᠪᠯᠡᠮᠵᠢ ᠳᠤᠷᠠᠳᠬᠤ ᠪᠠᠶᠢᠯᠠ᠃ ᠡ᠊ᠨᠳᠡ ᠲᠡᠨᠳᠡ ᠠᠴᠠ ᠰᠤᠷᠠᠭᠯᠠᠬᠤ ᠪᠠᠷ ᠲᠤᠬᠢᠲᠠᠢ ᠵᠦᠭ ᠴᠢᠭ ᠭᠠᠷᠬᠤ ᠦᠭᠡ | ᠨᠢᠭᠡ ᠴᠤ ᠦᠭᠡᠢ ᠪᠠᠶᠢᠯᠠ᠃ ᠨᠢᠭᠡ ᠡᠳᠦᠷ ᠠᠳᠠᠩᠭᠠ ᠠᠬᠠ ᠲᠠᠢ ᠬᠠᠮᠲᠤ ᠬᠦᠳᠡᠭᠡ ᠪᠠᠭᠤᠵᠤ ᠪᠠᠶᠢᠬᠤ ᠪᠠᠷ ᠴᠠᠭᠠᠨᠠ ᠡᠭᠡᠴᠢ ᠤᠲᠠᠰᠤ ᠢᠷᠡᠵᠦ ᠰᠤᠨᠤᠮ | ᠪᠠᠭᠰᠢ ᠶᠢᠨ ᠲᠤᠬᠠᠢ ᠶᠠᠷᠢᠯᠴᠠᠵᠤ ᠪᠠᠶᠢᠬᠤ ᠶᠢ ᠠᠩᠬᠠᠷᠴᠤ ᠮᠡᠳᠡᠯᠡ᠃ ᠤᠲᠠᠰᠤ ᠪᠠᠨ ᠬᠠᠭᠠᠮᠠᠭᠴᠠ᠄ | — ᠰᠤᠨᠤᠮ ᠪᠠᠭᠰᠢ ᠶᠢᠨ ᠲᠡᠨᠳᠡ ᠬᠦᠮᠦᠨ ᠠᠪᠤᠨᠠ ᠭᠡᠵᠦ ᠪᠠᠶᠢᠨᠠ᠂ ᠴᠢ ᠬᠤᠷᠳᠤᠨ ᠶᠠᠪᠤ︕ ᠲᠡᠶᠢᠮᠦ ᠰᠠᠶᠢᠬᠠᠨ ᠭᠠᠵᠠᠷ ᠠᠵᠢᠯᠯᠠᠨᠠ ᠭᠡᠵᠦ ᠬᠡᠳᠦᠢ | ᠰᠠᠶᠢᠬᠠᠨ ᠪᠤᠢ︕ ᠳᠤᠷᠠᠲᠠᠢ ᠵᠦᠢᠯ ᠢᠶᠠᠨ ᠴᠤ ᠰᠤᠷᠴᠢᠬᠠᠨᠠ᠂ ᠶᠡᠭᠡ ᠶᠢ ᠪᠢᠰᠢ ᠴᠤ ᠬᠡᠰᠡᠨ ᠬᠡᠷᠡᠭᠲᠡᠢ ᠵᠦᠢᠯ ᠬᠢᠬᠦ ᠪᠤᠯᠤᠨᠠ︕ | — ᠦᠨᠡᠨ ᠲᠡᠶᠢᠮᠦ ᠶᠤᠮ ᠪᠤᠯ ᠪᠤᠳᠤᠯᠬᠢᠯᠠᠶᠠ︕ ᠬᠡᠳ ᠰᠠᠨᠠᠭᠠ ᠰᠢᠯᠤᠭᠤᠳᠠᠵᠤ ᠪᠤᠳᠤᠯ ᠲᠤᠭᠲᠠᠵᠤ ᠪᠢᠯᠡ᠃ ᠡᠳᠡᠭᠡᠷ ᠲᠠᠨᠢᠯ ᠪᠤᠰᠤ ᠮᠥᠷᠲᠡᠭᠡᠨ | ᠲᠠᠨᠢᠯ ᠬᠦᠮᠦᠨ ᠴᠤ ᠨᠠᠳᠠ ᠳᠤ ᠡᠭᠦᠨ ᠢ ᠢᠩᠬᠢᠵᠦ ᠰᠡᠳᠬᠢᠯ ᠲᠠᠯᠪᠢᠨ ᠬᠡᠯᠡᠬᠦ ᠨᠢ ᠯᠠᠪ ᠨᠢᠭᠡᠨ ᠤᠴᠢᠷ ᠲᠠᠢ᠃ ᠬᠦᠮᠦᠰ ᠠᠴᠠ ᠠᠰᠠᠭᠤᠭᠠᠳ ᠴᠤ ᠯᠠᠪᠲᠠᠭᠤᠨ | ᠪᠠᠲᠤᠲᠠᠢ ᠬᠠᠷᠢᠭᠤᠯᠲᠠ ᠤᠯᠳᠠᠭ ᠦᠭᠡᠢ ᠪᠠᠶᠢᠲᠠᠯᠠ ᠶᠠᠭ ᠰᠡᠳᠬᠢᠯ ᠤᠨ ᠤᠭ ᠠᠴᠠ ᠪᠠᠨ ᠢᠩᠬᠢᠵᠦ ᠬᠠᠯᠠᠮᠵᠢᠯᠠᠵᠤ ᠢᠳᠬᠠᠬᠤ ᠨᠢ ᠬᠡᠳᠦᠢ ᠰᠠᠶᠢᠬᠠᠨ ᠴᠠᠶᠢᠯᠭᠠᠨ | ᠰᠡᠳᠬᠢᠯ ᠲᠠᠢ ᠳᠡᠭᠦᠦ ᠨᠠᠷ ᠢᠶᠠᠨ ᠭᠡᠰᠡᠨ ᠬᠠᠶᠢᠷᠠ ᠪᠤᠢ ᠳ᠋ᠠ︕ ᠡᠨᠡ ᠬᠦ ᠰᠠᠨᠠᠭᠤᠯᠭᠠ ᠶᠢ ᠬᠦᠨᠳᠦᠳᠭᠡᠬᠦ ᠦᠭᠡᠢ ᠪᠠᠶᠢᠵᠤ ᠪᠤᠯᠬᠤ ᠦᠭᠡᠢ ᠰᠢᠦ︕ | 2016 ᠤᠨ ᠤ 7 ᠰᠠᠷᠠ ᠶᠢᠨ 3 ᠤ ᠦᠳᠡ ᠶᠢᠨ ᠬᠤᠶᠢᠨᠠ ᠠᠵᠢᠯ ᠠᠴᠠ ᠪᠠᠭᠤᠭᠰᠠᠨ ᠤ ᠳᠠᠷᠠᠭᠠ ᠲᠤᠰᠬᠠᠢ ᠰᠤᠨᠤᠮ ᠪᠠᠭᠰᠢ ᠳᠤ ᠵᠤᠯᠭᠠᠬᠤ ᠪᠠᠷ | ᠤᠴᠢᠯᠠ᠃ | — ᠠᠮᠤᠷ︕ ᠪᠠᠭᠰᠢ ᠰᠠᠶᠢᠨ ᠰᠠᠭᠤᠵᠤ ᠪᠠᠶᠢᠨᠠ ᠤᠤ︖ | — ᠰᠠᠶᠢᠨ᠂ ᠵᠠ᠂ ᠵᠢᠭᠠᠬᠠᠨ ᠵᠠᠯᠠᠭᠤ ᠶᠠᠭᠤᠨ ᠳᠤ ᠶᠠᠪᠤᠵᠤ ᠪᠠᠶᠢᠨᠠ︖ ᠨᠤᠮ ᠬᠤᠳᠠᠯᠳᠤᠵᠤ ᠠᠪᠬᠤ ᠪᠠᠷ ᠪᠤᠯ ᠳᠤᠤᠷᠠ ᠠᠶᠢᠯ ᠳᠤ ᠤᠴᠢ︕ ᠭᠡᠳ | ᠢᠰᠭᠡᠷᠴᠦ ᠬᠢᠳᠡᠭ ᠢᠶᠠᠨ ᠡᠬᠢᠯᠡᠭᠦᠯᠵᠦ ᠬᠢᠯᠡ᠃ | — ᠦᠭᠡᠢ ᠡ᠂ ᠴᠠᠭᠠᠨᠠ ᠡᠭᠡᠴᠢ ᠬᠡᠯᠡᠵᠦ ᠪᠠᠭᠰᠢ ᠲᠠᠨ ᠤ ᠡ᠊ᠨᠳᠡ ᠠᠵᠢᠯᠯᠠᠬᠤ ᠵᠠᠯᠠᠭᠤ ᠬᠦᠮᠦᠨ ᠢ ᠤᠯᠵᠤ ᠪᠠᠶᠢᠨᠠ ᠭᠡᠨᠡ᠃ ᠨᠠᠮᠠ ᠶᠢ ᠢᠷᠡᠵᠦ | ᠲᠠᠨ ᠲᠠᠢ ᠨᠢᠭᠡ ᠵᠤᠯᠭᠠᠭᠠᠳ ᠦᠵᠡᠬᠦᠢ ᠭᠡᠬᠦ ᠶᠤᠮ︕ | — ᠦ᠂ ᠵᠠ ᠡ᠊ᠨᠳᠡᠭᠡᠷᠡ ᠰᠠᠭᠤ︕ ᠴᠢᠨᠤ ᠨᠡᠷᠡ ᠬᠡᠨ ᠪᠠᠶᠢᠨᠠ︖ ᠤᠳᠤ ᠬᠠᠮᠢᠭᠠ ᠶᠠᠭᠤ ᠬᠢᠵᠦ ᠪᠠᠶᠢᠨᠠ︖ ᠭᠡᠷ ᠴᠢᠨᠢ ᠬᠠᠮᠢᠭᠠ ᠶᠢᠨ ᠬᠢ ᠪᠤᠢ︖ | ᠺᠤᠮᠫᠢᠦ᠋ᠲ᠋ᠧᠷ ᠬᠡᠷᠡᠭᠯᠡᠵᠦ ᠴᠢᠳᠠᠨᠠ ᠤᠤ︖ | — ᠨᠠᠮᠠ ᠶᠢ ᠮᠥᠩᠭᠡᠬᠤᠷᠸᠠ ᠭᠡᠳᠡᠭ᠂ ᠤᠳᠤ ᠡ᠊ᠨᠳᠡᠬᠢ ᠶᠢᠨ ᠤᠬᠠᠭᠤᠯᠬᠤ ᠬᠡᠯᠲᠡᠰ ᠲᠤ ᠠᠵᠢᠯᠯᠠᠵᠤ ᠪᠠᠶᠢᠨᠠ᠂ ᠪᠠᠶ᠋ᠬᠠᠤᠰᠤ ᠶᠢᠨ ᠤᠤᠭᠠᠯ᠂ ᠤᠳᠤ | ᠨᠠᠩᠰᠤ ᠪᠠᠯᠭᠠᠰᠤᠨ ᠳᠤ ᠰᠠᠭᠤᠵᠤ ᠪᠠᠶᠢᠨᠠ᠃ ᠺᠤᠮᠫᠢᠦ᠋ᠲ᠋ᠧᠷ ᠤᠨ ᠡᠩ ᠤᠨ ᠬᠡᠷᠡᠭᠯᠡᠬᠡᠨ ᠤ ᠵᠦᠢᠯ ᠢ ᠪᠤᠯ ᠴᠢᠳᠠᠨᠠ᠃ | — ᠮᠤᠩᠭᠤᠯ ᠦᠰᠦᠭ ᠴᠤᠬᠢᠬᠤ᠂ ᠪᠠᠷᠯᠠᠬᠤ ᠶᠢ ᠴᠢᠳᠠᠨᠠ ᠤᠤ︖ ᠨᠤᠮ ᠪᠢᠴᠢᠭ ᠤᠨ ᠠᠵᠢᠯ ᠳᠤ ᠳᠤᠷᠠᠲᠠᠢ ᠤᠤ︖ ᠵᠢᠯᠤᠭᠤᠴᠢ ᠶᠢᠨ ᠦᠨᠡᠮᠯᠠᠯ | ᠪᠠᠶᠢᠨᠠ ᠤᠤ︖ | — ᠡᠭᠦᠨ ᠢ ᠪᠤᠯ ᠴᠢᠳᠠᠨᠠ᠂ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠴᠤ ᠬᠢᠵᠦ ᠪᠠᠶᠢᠭᠰᠠᠨ᠃ ᠮᠤᠩᠭᠤᠯ ᠰᠤᠶᠦᠯ᠂ ᠨᠤᠮ ᠪᠢᠴᠢᠭ ᠤᠨ ᠬᠠᠮᠢᠶᠠ ᠲᠠᠢ ᠠᠵᠢᠯ ᠳᠤ | ᠪᠤᠯ ᠶᠡᠭᠡ ᠪᠠᠭ᠋ᠠᠲᠠᠢ᠂ ᠵᠢᠯᠤᠭᠤᠴᠢ ᠶᠢᠨ ᠦᠨᠡᠮᠯᠠᠯ ᠲᠠᠢ᠃ | — ᠴᠠᠭᠠᠨ ᠲᠤᠯᠤᠭᠠᠢ ᠶᠢ ᠰᠠᠶᠢᠨ ᠴᠢᠳᠠᠨᠠ ᠤᠤ︖ ᠳᠡᠰ ᠳᠠᠷᠠᠭᠠᠯᠠᠯ ᠢ ᠰᠠᠶᠢᠨ ᠮᠡᠳᠡᠨᠡ ᠤᠤ︖ ᠲᠠᠬᠢᠪᠠᠯ ᠡᠨᠡ ᠲᠠᠯᠠ ᠪᠠᠷ ᠬᠢ ᠠᠵᠢᠯ ᠢ ᠶᠠᠭᠤ | ᠭᠡᠵᠦ ᠪᠤᠳᠤᠳᠠᠭ ᠪᠤᠢ︖ | — ᠴᠠᠭᠠᠨ ᠲᠤᠯᠤᠭᠠᠢ ᠶᠢ ᠪᠤᠯ ᠰᠠᠶᠢᠨ ᠰᠤᠷᠤᠭᠰᠠᠨ᠂ ᠳᠡᠰ ᠳᠠᠷᠠᠭᠠᠯᠠᠯ ᠤᠨ ᠲᠠᠯᠠ ᠪᠠᠷ ᠴᠤ ᠠᠰᠠᠭᠤᠳᠠᠯ ᠦᠭᠡᠢ᠃ ᠡᠨᠡ ᠲᠠᠯᠠ ᠶᠢᠨ ᠠᠵᠢᠯ ᠳᠤ ᠪᠤᠯ | ᠪᠠᠭ᠋ᠠᠲᠠᠢ ᠪᠤᠯᠬᠤᠷ ᠬᠢᠵᠦ ᠪᠤᠯᠬᠤ ᠠᠵᠢᠯ ᠤᠨ ᠭᠠᠵᠠᠷ᠂ ᠨᠦᠬᠦᠴᠡᠯ ᠠᠬᠤᠢ ᠪᠠᠶᠢᠪᠠᠯ ᠬᠤᠶᠢᠰᠢ ᠰᠠᠭᠤᠬᠤ ᠶᠢᠨ ᠤᠴᠢᠷ ᠦᠭᠡᠢ᠂ ᠠᠮᠢ ᠲᠠᠯᠪᠢᠲᠠᠯᠠ ᠪᠠᠰᠠ ᠵᠢᠭᠠᠬᠠᠨ | ᠲᠡᠯᠴᠢᠯᠠᠳᠡᠭ ᠪᠠᠶᠢᠬᠤ ᠳᠤ ᠳᠤᠷᠠᠲᠠᠢ ᠠᠵᠢᠯ ᠢᠶᠠᠨ ᠬᠢᠬᠦ ᠶᠤᠮ ᠪᠤᠯ ᠦᠭᠡᠢ ᠭᠡᠬᠦ ᠶᠢᠨ ᠤᠴᠢᠷ ᠦᠭᠡᠢ ᠰᠢᠤ ᠳ᠋ᠠ︕ | — ᠵᠠ᠂ ᠰᠠᠶᠢᠬᠠᠨ ᠰᠡᠳᠬᠢᠳᠡᠭ ᠪᠤᠯᠤᠮᠠᠷ ᠵᠠᠯᠠᠭᠤ ᠪᠠᠶᠢᠨᠠ︕ ᠪᠢ ᠤᠳᠤ ᠬᠠᠷᠢᠵᠤ ᠪᠤᠳᠠᠭᠠ ᠪᠠᠨ ᠢᠳᠡᠶᠡ᠂ ᠦᠭᠡᠷᠡ ᠤᠴᠢᠷ ᠪᠠᠶᠢᠨᠠ ᠤᠤ︖ | — ᠦᠭᠡᠢ᠂ ᠵᠠ ᠲᠡᠭᠡᠪᠡᠯ ᠪᠢ ᠤᠷᠢᠳ ᠢᠶᠠᠷ ᠶᠠᠪᠤᠯᠠ᠂ ᠰᠠᠶᠢᠨ ᠰᠠᠭᠤᠵᠤ ᠪᠠᠶᠢᠭᠠᠷᠠᠢ︕ ᠭᠡᠳ ᠬᠦᠳᠡᠯᠦᠯᠠ᠃ | ᠨᠤᠮ ᠤᠨ ᠠᠰᠠᠷ ᠠᠴᠠ ᠭᠠᠷᠴᠤ ᠢᠷᠡᠭᠡᠳ ᠵᠢᠷᠦᠭᠡ ᠳᠦᠭᠳᠦᠭᠡᠨᠡᠵᠦ ᠰᠠᠨᠳᠤᠷᠴᠤ ᠪᠠᠯᠠᠳᠠᠭᠰᠠᠨ ᠦᠭᠡᠢ ᠪᠠᠷ ᠦᠩᠭᠡᠷᠡᠭᠡᠭᠰᠡᠨ ᠢᠶᠠᠨ ᠪᠤᠳᠤᠭᠠᠳ ᠶᠡᠭᠡ | ᠭᠠᠶᠢᠬᠠᠯᠠ᠃ ᠤᠴᠢᠵᠤ ᠵᠤᠯᠭᠠᠬᠤ ᠠᠴᠠ ᠪᠠᠨ ᠬᠦᠷᠲᠡᠯᠡ ᠵᠢᠷᠦᠭᠡᠰᠢᠶᠡᠵᠦ ᠪᠠᠶᠢᠭᠰᠠᠨ ᠬᠦᠮᠦᠨ ᠶᠠᠭᠠᠬᠢᠭᠠᠳ ᠨᠢᠭᠤᠷᠳᠠᠵᠤ ᠶᠠᠷᠢᠯᠴᠠᠭᠰᠠᠨ ᠨᠢ ᠰᠠᠨᠠᠭᠰᠠᠨ ᠠᠴᠠ | ᠦᠰᠦᠳ ᠦᠭᠡᠷᠡ ᠶᠠᠪᠤᠳᠠᠯ ᠪᠤᠯᠴᠢᠬᠠᠪᠠ︖ ᠲᠡᠷᠡ ᠮᠦᠷᠳᠡᠭᠡᠨ ᠨᠠᠳᠠ ᠲᠠᠢ ᠰᠤᠨᠢᠭᠤᠴᠢᠯᠠᠭᠰᠠᠨ᠂ ᠳᠤᠳᠤᠨᠤᠰᠤᠭ ᠢᠶᠠᠷ ᠬᠠᠷᠢᠯᠴᠠᠳᠠᠭ ᠪᠤᠢ︖ ᠨᠠᠰᠤ ᠪᠠᠭᠠ | ᠴᠢᠰᠤ ᠰᠢᠩᠬᠡᠨ ᠨᠠᠳᠠ ᠲᠠᠢ ᠢᠩᠬᠢᠵᠤ ᠬᠠᠷᠢᠯᠴᠠᠭᠰᠠᠨ ᠨᠠᠰᠤᠲᠠᠢ ᠬᠦᠮᠦᠨ ᠦᠭᠡᠷᠡ ᠦᠭᠡᠢ ᠰᠢᠤ ᠳ᠋ᠠ︕ ᠲᠡᠷᠡ ᠮᠦᠷᠳᠡᠭᠡᠨ ᠶᠠᠮᠠᠷ ᠴᠤ ᠦᠷᠡ ᠳ᠋ᠦᠩ ᠦᠭᠡᠢ ᠪᠠᠷ | ᠶᠠᠷᠢᠯᠴᠠᠭᠠ ᠲᠡᠭᠦᠰᠦᠭᠰᠡᠨ ᠪᠠᠶᠢᠯᠠ᠃ ᠶᠠᠳᠠᠵᠤ ᠤᠬᠤᠴᠢᠯᠠᠵᠤ ᠠᠰᠠᠭᠤᠬᠤ ᠪᠠᠨ ᠴᠤ ᠮᠠᠷᠲᠠᠭᠰᠠᠨ ᠶᠤᠮ ᠤᠤ ᠪᠤᠳᠤᠵᠤ ᠴᠤ ᠤᠯᠤᠭᠰᠠᠨ ᠦᠭᠡᠢ ᠪᠠᠷ ᠦᠩᠭᠡᠷᠡᠭᠰᠡᠨ | ᠪᠠᠶᠢᠯᠠ᠃ ᠵᠠ ᠬᠤᠪᠢ ᠮᠡᠳᠡᠵᠢ ᠭᠡᠳ ᠪᠤᠴᠠᠯᠠ᠃ | ᠡᠷᠳᠡᠯᠡᠵᠤ ᠢᠷᠡᠬᠡᠤᠨ ᠡᠳᠦᠷ ᠤᠨ ᠲᠡᠮᠲᠡᠭᠯᠡᠯ ᠢᠶᠠᠨ ᠨᠦᠬᠦᠵᠦ ᠪᠢᠴᠢᠶᠡ ᠭᠡᠵᠦ ᠪᠠᠶᠢᠳᠠᠷ ᠳᠠᠷᠤᠭᠠ ᠠᠯᠪᠠᠨ ᠭᠡᠷ ᠲᠤ ᠮᠢᠨᠢ ᠢᠷᠡᠭᠡᠳ ᠵᠤᠭᠰᠤᠴᠢᠬᠠᠭᠰᠠᠨ | ᠪᠠᠶᠢᠯᠠ᠃ ᠰᠠᠨᠳᠤᠷᠤᠭᠰᠠᠨ ᠪᠢ ᠬᠤᠷᠳᠤᠨ ᠪᠤᠰᠴᠤ ᠵᠤᠭᠰᠤᠯᠠ᠃ | — ᠴᠢ ᠮᠢᠨᠤ ᠠᠯᠪᠠᠨ ᠭᠡᠷ ᠲᠤ ᠢᠷᠡᠭᠡᠲᠡᠭᠡ ᠡ︕ | — ᠵᠠ ᠭᠡᠳ ᠬᠤᠶᠢᠨᠠ ᠠᠴᠠ ᠨᠢ ᠱᠠᠯᠠᠮᠠᠭ ᠬᠦᠳᠡᠯᠬᠦ ᠳᠤ ᠪᠠᠨ᠂ ᠠᠵᠢᠯᠯᠠᠬᠤ ᠴᠠᠭ ᠠᠴᠠ ᠡᠷᠲᠡ ᠢᠷᠡᠳᠡᠭ ᠦᠭᠡᠢ ᠳᠠᠷᠤᠭᠠ ᠦᠨᠦᠳᠦᠷ ᠶᠠᠭᠠᠬᠢᠭᠠᠳ | ᠡᠷᠲᠡ ᠢᠷᠡᠴᠢᠭᠡᠪᠠ︖ ᠪᠠᠷᠤᠭ ᠨᠠᠳᠠ ᠪᠠᠷ ᠴᠠᠢ ᠤᠰᠤ ᠪᠡᠯᠡᠳᠭᠡᠬᠦᠯᠬᠦ ᠪᠠᠷ ᠪᠤᠯᠤᠯᠠ ᠪᠠ ᠭᠡᠳ ᠤᠴᠢᠯᠠ᠃ | — ᠨᠠᠭᠠᠰᠢ ᠪᠠᠨ ᠢᠷᠡ᠂ ᠬᠠᠮᠢᠶᠠ ᠦᠭᠡᠢ᠃ ᠴᠢ ᠰᠤᠨᠤᠮ ᠪᠠᠭᠰᠢ ᠲᠠᠢ ᠲᠠᠨᠢᠯᠴᠠᠳᠠᠭ ᠤᠤ︖ | — ᠨᠢᠭᠡ ᠤᠳᠠᠭᠠ ᠤᠴᠠᠷᠠᠵᠤ ᠪᠠᠭᠠ ᠶᠠᠷᠢᠯᠴᠠᠵᠤ ᠦᠩᠭᠡᠷᠡᠭᠰᠡᠨ᠂ ᠦᠭᠡᠷᠡ ᠬᠠᠷᠢᠴᠠᠭᠠ ᠡᠨᠡ ᠲᠡᠷᠡ ᠪᠠᠶᠢᠬᠤ ᠦᠭᠡᠢ᠃ | — ᠦᠨᠦ ᠦᠷᠯᠦᠭᠡ ᠨᠠᠷᠠ ᠭᠠᠷᠬᠤ ᠶᠢᠨ ᠦᠶᠡ ᠪᠠᠷ ᠨᠠᠳᠠ ᠳᠤ ᠤᠲᠠᠰᠤ ᠢᠷᠡᠬᠦᠯᠵᠦ ᠳᠠᠭᠤᠳᠠᠪᠠ᠃ ᠤᠴᠢᠬᠤᠯᠠᠷ ᠴᠢᠮᠠ ᠶᠢ ᠮᠠᠨ ᠤ | ᠪᠠᠶᠢᠭᠤᠯᠭᠠ ᠠᠴᠠ ᠵᠢᠭᠡᠯᠡᠵᠦ ᠠᠵᠢᠯ ᠬᠢᠯᠭᠡᠨᠡ ᠭᠡᠨᠡ︕ ᠨᠠᠰᠤᠲᠠᠢ ᠪᠠᠭᠰᠢ ᠭᠤᠶᠤᠵᠤ ᠪᠠᠶᠢᠬᠤ ᠪᠠᠷ ᠪᠢ ᠦᠭᠡᠢ ᠭᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ᠂ ᠴᠢ ᠤᠳᠤ | ᠦᠪᠡᠷ ᠤᠨ ᠪᠠᠶᠢᠳᠠᠯ ᠪᠠ ᠠᠵᠢᠯ ᠢᠶᠠᠨ ᠪᠤᠳᠤᠯᠬᠢᠯᠠᠵᠤ ᠰᠢᠢᠳᠪᠦᠷᠢ ᠭᠠᠷᠭᠠ ᠪᠠ︕ | — ᠪᠢ ᠤᠳᠤ ᠶᠠᠭᠠᠬᠢᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠢ ᠪᠠᠶᠢᠨᠠ᠂ ᠰᠢᠨᠡᠬᠡᠨ ᠠᠵᠢᠯ ᠳᠤ ᠤᠷᠤᠭᠰᠠᠨ ᠪᠤᠯᠬᠤᠷ ᠳᠠᠷᠠ ᠤᠯᠠᠨ ᠤᠴᠢᠷ ᠢ ᠨᠢ ᠮᠡᠳᠡᠬᠦ ᠦᠭᠡᠢ᠂ | ᠪᠠᠶᠢᠰᠬᠢᠵᠦ ᠪᠠᠶᠢᠭᠠᠳ ᠰᠢᠢᠳᠪᠦᠷᠢ ᠭᠠᠷᠭᠠᠶᠠ ᠭᠡᠯᠡ᠃ | ᠤᠬᠠᠭᠠᠨ ᠲᠦᠬᠦᠬᠡ ᠨᠢ ᠤᠯᠳᠠᠬᠤ ᠦᠬᠡᠢ ᠶᠠᠭᠤᠮᠠ ᠪᠤᠯᠴᠢᠬᠠᠯᠠ᠃ ᠶᠠᠮᠠᠷ ᠪᠤᠯᠤᠯᠠ ᠭᠡᠳ ᠬᠦᠯᠢᠶᠡᠵᠦ ᠪᠠᠶᠢᠬᠤ ᠯᠠ ᠬᠡᠷᠡᠭ᠃ ᠨᠠᠳᠠ ᠪᠠᠷ ᠠᠵᠢᠯ ᠢᠶᠠᠨ | ᠬᠢᠯᠭᠡᠨᠡ ᠭᠡᠵᠦ ᠬᠡᠯᠡᠭᠰᠡᠨ ᠤᠴᠢᠷ ᠦᠭᠡᠢ᠂ ᠳᠠᠷᠠ ᠮᠦᠷᠳᠡᠬᠡᠨ ᠰᠢᠭᠤᠳ ᠳᠠᠷᠤᠭᠠ ᠲᠠᠢ ᠮᠢᠨᠢ ᠬᠠᠷᠢᠯᠴᠠᠵᠤ ᠡᠨᠡ ᠪᠦᠬᠦᠨ ᠢ ᠰᠢᠢᠳᠪᠦᠷᠢᠯᠡᠴᠢᠭᠡᠳᠡᠭ ᠡᠨᠡ ᠴᠤᠬᠤᠮ | ᠶᠠᠮᠠᠷ ᠬᠦᠮᠦᠨ ᠪᠤᠯᠴᠢᠬᠠᠪᠠ︖ ᠰᠤᠷᠠᠭ ᠠᠴᠠ ᠰᠤᠨᠤᠰᠬᠤ ᠳᠤ ᠯᠠ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠭᠰᠠᠨ ᠠᠬᠠᠮᠠᠳ ᠺᠠᠳ᠋ᠷ᠂ ᠰᠤᠶᠤᠯ ᠤᠨ ᠵᠢᠳᠬᠦᠯᠲᠡᠨ ᠭᠡᠵᠦ ᠯᠠ | ᠪᠠᠶᠢᠭᠰᠠᠨ︕ ᠦᠭᠡᠢ ᠶᠡᠷᠦ ᠨᠢ ᠪᠢ ᠬᠤᠶᠠᠷ ᠤᠨ ᠬᠤᠭᠤᠷᠤᠨᠳᠤ ᠬᠠᠮᠢᠭᠠ ᠴᠦ ᠦᠬᠡᠢ ᠪᠤᠯᠴᠢᠬᠠᠬᠤ ᠪᠢᠰᠢ ᠪᠠ ᠬᠡᠮᠡᠨ ᠤᠯᠠᠨ ᠲᠠᠪᠤᠨ ᠢ ᠪᠤᠳᠤᠵᠤ ᠮᠡᠯᠡᠷᠡᠵᠦ | ᠪᠠᠶᠢᠲᠠᠯᠠ ᠤᠳᠠᠰᠤ ᠳᠤᠤᠭᠠᠷᠪᠠ᠃ | — ᠬᠤᠷᠸᠠ ᠶᠤ᠋︖ ᠴᠢ ᠦᠴᠦᠭᠡᠳᠦᠷ ᠶᠠᠪᠤᠬᠤ ᠳᠤ ᠪᠠᠨ ᠤᠲᠠᠰᠤᠨ ᠳ᠋ᠤᠭᠠᠷ ᠢᠶᠠᠨ ᠴᠤ ᠦᠯᠡᠳᠡᠭᠡᠭᠰᠡᠨ ᠦᠭᠡᠢ᠂ ᠶᠠᠮᠠᠷ ᠵᠤᠪᠠᠯᠠᠩ ᠲᠠᠢ ᠶᠤᠮ︖ | ᠪᠢ ᠴᠢᠨᠤ ᠤᠲᠠᠰᠤᠨ ᠳ᠋ᠤᠭᠠᠷ ᠢ ᠦᠢᠯᠡ ᠪᠠᠨ ᠦᠵᠡᠵᠦ ᠤᠯᠤᠯᠠ ᠰᠢᠤ︕ ᠴᠢ ᠤᠳᠤ ᠬᠠᠮᠢᠭᠠ ᠪᠠᠶᠢᠨᠠ︖ | — ᠪᠢ ᠠᠯᠪᠠᠨ ᠭᠡᠷ ᠲᠤ ᠪᠠᠨ ᠪᠠᠶᠢᠨᠠ ᠭᠡᠳ ᠭᠠᠶᠢᠬᠠᠴᠢᠬᠠᠪᠠ︕ ᠡᠨᠡ ᠶᠠᠮᠠᠷ ᠬᠦᠮᠦᠨ ᠪᠤᠯᠴᠢᠬᠠᠪᠠ︖ ᠴᠤᠬᠤᠮ ᠨᠠᠮᠠ ᠳᠤ ᠤᠲᠠᠰᠤ ᠠᠪᠴᠤ | ᠪᠠᠶᠢᠬᠤ ᠶᠤᠮ ᠤᠤ ᠡᠰᠡᠭᠦᠯᠡ ᠬᠦᠮᠦᠨ ᠠᠨᠳᠠᠭᠤᠷᠠᠵᠤ ᠪᠠᠶᠢᠬᠤ ᠶᠤᠮ ᠤᠤ︖ ᠭᠡᠵᠦ ᠪᠤᠳᠤᠪᠠ᠃ | — ᠪᠢ ᠰᠤᠨᠤᠮ ᠪᠠᠶᠢᠨᠠ᠃ ᠳᠠᠷᠤᠭᠠ ᠲᠠᠢ ᠴᠢᠨᠢ ᠬᠡᠯᠡᠯᠴᠡᠵᠦ ᠤᠯᠤᠯᠴᠠᠭᠰᠠᠨ᠃ ᠴᠢ ᠤᠳᠤ ᠲᠡᠨᠳᠡ ᠪᠠᠨ ᠠᠵᠢᠯᠯᠠᠬᠤ ᠬᠡᠷᠡᠭ ᠦᠭᠡᠢ᠂ ᠰᠢᠭᠤᠳ | ᠡ᠊ᠨᠳᠡ ᠢᠷᠡᠵᠦ ᠠᠵᠢᠯᠯᠠ︕ ᠪᠤᠰᠤᠳ ᠢ ᠨᠢ ᠬᠠᠮᠢᠶᠠᠷᠤᠭᠰᠠᠨ ᠤ ᠬᠡᠷᠡᠭ ᠦᠭᠡᠢ︕ | — ᠦ ᠵᠠ᠂ ᠮᠡᠳᠡᠯᠡ᠂ ᠲᠡᠭᠡᠪᠡᠯ ᠪᠢ ᠵᠢᠭᠠᠬᠠᠨ ᠵᠤᠭ ᠬᠢᠵᠦ ᠪᠠᠶᠢᠭᠠᠳ ᠤᠴᠢᠶᠡ︕ | — ᠬᠦᠢ︕ ᠵᠢᠭᠠᠬᠠᠨ ᠵᠤᠭ ᠬᠢᠵᠦ ᠪᠠᠢ ᠭᠡᠵᠦ ᠬᠡᠳᠦᠢ ᠤᠳᠠᠬᠤ ᠶᠤᠮ ᠠ︖ ᠴᠤᠬᠤᠮ ᠠᠷᠪᠠᠨ ᠮᠢᠨᠦ᠋ᠲ ᠶᠤᠮ ᠤᠤ ᠨᠢᠭᠡ ᠴᠠᠭ ᠶᠤᠮ ᠦᠦ︖ | — ᠬᠠᠭᠠᠰ ᠴᠠᠭ︕ ᠡ᠊ᠨᠳᠡᠬᠢ ᠶᠢᠨ ᠬᠦᠮᠦᠰ ᠲᠤ ᠪᠠᠨ ᠮᠡᠳᠡᠭᠳᠡᠴᠢᠬᠡᠬᠡᠤᠨ ᠤᠴᠢᠶᠠ︕ | — ᠦ ᠵᠠ︕ ᠭᠡᠳ ᠤᠲᠠᠰᠤ ᠪᠠᠨ ᠬᠠᠭᠠᠴᠢᠬᠠᠯᠠ᠃ | ᠳᠠᠷᠤᠭᠠ ᠶᠢᠨ ᠠᠯᠪᠠᠨ ᠭᠡᠷ ᠲᠤ ᠲᠠᠬᠢᠨ ᠤᠷᠤᠯᠠ᠃ ᠶᠠᠭᠤ ᠬᠡᠵᠦ ᠬᠡᠯᠡᠬᠦ ᠪᠠᠨ ᠴᠤ ᠪᠤᠳᠤᠵᠤ ᠤᠯᠤᠭᠰᠠᠨ ᠦᠭᠡᠢ᠃ ᠰᠢᠭᠤᠳ ᠯᠠ ᠨᠠᠰᠤᠲᠠᠢ ᠬᠦᠮᠦᠨ | ᠨᠠᠳᠠ ᠳᠤ ᠤᠲᠠᠰᠤ ᠢᠷᠡᠬᠦᠯᠵᠦ ᠳᠠᠭᠤᠳᠠᠵᠤ ᠪᠠᠶᠢᠨᠠ᠂ ᠪᠢ ᠤᠴᠢᠵᠤ ᠶᠠᠷᠢᠯᠴᠠᠭᠠᠳ ᠪᠠᠶᠢᠳᠠᠯ ᠢᠶᠠᠨ ᠲᠤᠭᠲᠠᠭᠠᠶᠠ ᠭᠡᠬᠦ ᠳᠤ ᠲᠤᠯᠤᠭᠠᠢ ᠲᠤᠬᠢᠯᠠ᠃ | ᠬᠠᠭᠠᠰ ᠴᠠᠭ ᠭᠡᠳ ᠬᠡᠯᠡᠴᠢᠬᠡᠭᠰᠡᠨ ᠬᠤᠶᠢᠨᠠ ᠦᠭᠡᠨ ᠳᠤ ᠪᠠᠨ ᠬᠦᠷᠦᠨᠡ ᠭᠡᠵᠦ ᠨᠤᠮ ᠤᠨ ᠠᠰᠠᠷ ᠵᠦᠭ ᠬᠤᠷᠳᠤᠨ ᠬᠤᠷᠳᠤᠨ ᠠᠯᠬᠤᠯᠠᠯᠠ᠃ | ᠠᠮᠢᠰᠬᠤᠭᠠ ᠪᠠᠨ ᠴᠤ ᠳᠤᠭᠳᠠᠭᠠᠭᠰᠠᠨ ᠦᠬᠡᠢ ᠪᠠᠷ ᠰᠢᠭᠤᠳ ᠰᠤᠨᠤᠮ ᠪᠠᠭᠰᠢ ᠶᠢᠨ ᠠᠵᠢᠯᠯᠠᠬᠤ ᠠᠰᠠᠷ ᠲᠤ ᠤᠷᠤᠯᠠ᠃ | — ᠠ ᠶᠠ᠂ ᠴᠢᠮᠠ ᠶᠢ ᠴᠤᠬᠤᠮ ᠬᠦᠯᠢᠶᠡᠯᠡ᠂ ᠡᠳᠦᠢ ᠤᠳᠠᠳᠠᠭ ᠭᠡᠭᠴᠢ ᠶᠠᠮᠠᠷ ᠤᠬᠠᠭᠠᠨ ᠲᠠᠢ ᠶᠤᠮ︖ ᠤᠳᠤ ᠮᠢᠨᠤ ᠡ᠊ᠨᠳᠡ ᠠᠵᠢᠯᠯᠠ︕ ᠲᠡᠷᠡ | ᠠᠯᠪᠠᠨ ᠰᠢᠷᠡᠭᠡ ᠴᠢᠨᠤ ᠠᠵᠢᠯᠯᠠᠬᠤ ᠤᠷᠤ︕ ᠴᠢ ᠤᠳᠤ ᠬᠤᠷᠳᠤᠨ ᠠᠵᠢᠯ ᠤᠯᠵᠤ ᠬᠢ᠂ ᠡᠨᠡ ᠤᠷᠳᠤᠰ ᠠᠷᠠᠳ ᠤᠨ ᠳᠠᠭᠤᠤ ᠶᠢ ᠤᠷᠴᠢᠭᠤᠯᠵᠤ ᠪᠠᠶᠢᠨᠠ᠂ | ᠡᠭᠦᠨ ᠤ ᠡᠬᠡ ᠪᠢᠴᠢᠭ ᠢ ᠬᠤᠷᠳᠤᠨ ᠭᠠᠷᠭᠠ︕ ᠪᠢ ᠬᠢᠨᠠᠵᠤ ᠦᠵᠡᠶᠡ︕ | — ᠵᠠ︕ ᠭᠡᠳ ᠺᠤᠮᠫᠢᠦ᠋ᠲ᠋ᠧᠷ ᠢ ᠨᠢ ᠨᠡᠭᠡᠭᠡᠵᠦ ᠠᠵᠢᠯᠯᠠᠬᠤ ᠪᠠᠷ ᠪᠡᠯᠡᠳᠭᠡᠯᠡ︕ ᠳᠤᠷᠠ ᠲᠠᠢ ᠠᠵᠢᠯ ᠰᠤᠨᠤᠰᠳᠠᠯᠠ᠂ ᠬᠡᠶᠡ ᠬᠦᠮᠦᠨ ᠤ ᠶᠠᠭᠤᠮᠠᠨ ᠳᠤ | ᠰᠢᠭᠤᠳ ᠭᠠᠷ ᠤᠷᠤᠨᠠ ᠭᠡᠭᠴᠢ ᠬᠡᠴᠡᠭᠦᠦ ᠠᠵᠢᠯ ᠪᠠᠶᠢᠯᠠ᠃ | ᠡᠶᠢᠮᠦ ᠲᠠᠨᠢᠯ ᠪᠤᠰᠤ ᠮᠦᠷᠳᠡᠭᠡᠨ ᠰᠠᠶᠢᠨ ᠲᠠᠨᠢᠯ ᠰᠢᠭ᠋ ᠪᠤᠯᠤᠭᠰᠠᠨ᠂ ᠲᠠᠪᠢ ᠶᠢᠨ ᠤᠬᠠᠭᠠ ᠬᠤᠷᠢᠨ ᠲᠠᠪᠤ ᠶᠢᠨ ᠬᠦᠴᠦ ᠪᠦᠷᠢᠳᠦᠭᠰᠡᠨ ᠬᠤᠶᠠᠷ ᠨᠢᠭᠡ | ᠭᠡᠷ ᠲᠤ ᠥᠷᠯᠦᠭᠡ ᠦᠳᠡᠰᠢ ᠲᠠᠢ ᠤᠷᠤᠯᠳᠤᠨ ︽ᠮᠤᠩᠭᠤᠯ ᠬᠢᠲᠠᠳ ᠬᠠᠷᠢᠴᠠᠭᠤᠯᠤᠭᠰᠠᠨ ᠤᠷᠳᠤᠰ ᠠᠷᠠᠳ ᠤᠨ ᠮᠢᠩᠭᠠᠨ ᠳᠠᠭᠤᠤ︾ ᠭᠡᠬᠦ ᠨᠤᠮ ᠢ ᠬᠢᠵᠦ ᠪᠢᠯᠡ᠃ | ᠪᠢ ᠺᠤᠮᠫᠢᠦ᠋ᠲ᠋ᠧᠷ ᠤᠨ ᠮᠡᠷᠭᠡᠵᠢᠯ ᠢᠶᠠᠷ ᠨᠤᠲ ᠬᠢᠬᠦ ᠵᠢᠴᠢ ᠨᠤᠮ ᠤᠨ ᠡᠯᠡ ᠬᠡᠪ ᠤᠨ ᠬᠡᠮᠵᠢᠶᠡ ᠶᠢ ᠲᠠᠭᠠᠷᠠᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠠᠴᠠ ᠪᠤᠯᠵᠤ᠂ ᠪᠠᠭᠰᠢ ᠲᠤᠰᠬᠠᠢ | ᠨᠠᠮᠠ ᠶᠢ ᠬᠦᠬᠡᠬᠤᠲᠠ ᠳᠤ ᠳᠠᠭᠠᠭᠤᠯᠤᠨ ᠤᠴᠢᠵᠤ᠂ ᠮᠡᠷᠭᠡᠵᠢᠯ ᠤᠨ ᠬᠦᠮᠦᠨ ᠢᠶᠠᠷ ᠵᠢᠭᠠᠯᠭᠠᠵᠤ ᠪᠢᠯᠡ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠠᠵᠢᠯᠯᠠᠬᠤ ᠳᠤᠮᠳᠠ ᠪᠠᠨ | ᠮᠡᠷᠭᠡᠵᠢᠯ ᠢᠶᠠᠨ ᠳᠡᠭᠡᠭᠰᠢᠯᠡᠭᠦᠯᠬᠦ ᠪᠠᠷ ᠤᠯᠠᠮ ᠢᠳᠡᠪᠬᠢᠯᠡᠳᠡᠭ ᠪᠤᠯᠵᠠᠢ᠃ ᠨᠤᠮ ᠪᠢᠴᠢᠭ ᠤᠨ ᠲᠠᠯᠠ ᠪᠠᠷ ᠠᠵᠢᠯᠯᠠᠳᠠᠭ ᠡᠯᠡ ᠬᠦᠷᠢᠶᠡ ᠴᠠᠷᠠᠭᠠᠨ ᠤ ᠪᠠᠭᠰᠢ ᠠᠴᠠ | ᠵᠦᠪᠯᠡᠮᠵᠢ ᠠᠪᠬᠤ᠂ ᠰᠦᠯᠵᠢᠶᠡ ᠠᠴᠠ ᠬᠠᠶᠢᠵᠤ ᠪᠤᠯᠪᠠᠰᠤᠷᠠᠯ ᠢᠶᠠᠷ ᠪᠠᠲᠤᠳᠬᠠᠬᠤ᠂ ᠵᠦᠬᠡᠯᠡᠨ ᠲᠤᠨᠤᠭ ᠬᠤᠳᠠᠯᠳᠤᠨ ᠠᠪᠬᠤ ᠮᠡᠲᠦ ᠶᠢᠨ ᠠᠷᠭᠠ ᠪᠠᠷᠢᠯ ᠢᠶᠠᠷ | ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠪᠠᠨ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠠᠵᠢᠯ ᠤᠨ ᠴᠢᠨᠠᠷ ᠴᠢᠨᠰᠠᠭᠠ ᠪᠤᠯᠤᠨ ᠬᠤᠷᠳᠤᠴᠠ ᠪᠠᠨ ᠲᠦᠷᠭᠡᠳᠬᠡᠨ᠂ ᠪᠠᠭᠰᠢ ᠳᠤ ᠬᠢᠭᠡᠳ ᠪᠠᠷᠠᠬᠤ ᠦᠭᠡᠢ | ᠠᠵᠢᠯ ᠤᠨ ᠤᠪᠤᠭᠠᠷᠠᠯ ᠢ ᠠᠪᠴᠢᠷᠠᠵᠤ ᠪᠢᠯᠡ᠃ ᠪᠤᠳᠤᠪᠠᠯ ᠦᠲᠡᠯᠦᠭᠡ ᠨᠠᠰᠤᠨ ᠤ ᠬᠦᠮᠦᠨ ᠳᠤ ᠬᠢᠭᠡᠳ ᠪᠠᠷᠠᠬᠤ ᠦᠭᠡᠢ ᠠᠵᠢᠯ ᠤᠪᠤᠭᠠᠷᠠᠨᠠ ᠭᠡᠳᠡᠭ ᠢ | ᠤᠢᠢᠯᠠᠭᠠᠬᠤ ᠳᠤ ᠪᠡᠷᠭᠡ ᠡ᠃ ᠭᠡᠬᠦ ᠳᠤ᠂ ᠪᠠᠭᠰᠢ ᠳᠤ ᠮᠢᠨᠢ ᠬᠢᠬᠦ ᠠᠵᠢᠯ ᠲᠠᠢ ᠪᠠᠶᠢᠬᠤ ᠪᠠᠷ ᠶᠡᠭᠡ ᠪᠠᠶᠠᠷᠲᠠᠢ ᠪᠠᠶᠢᠳᠠᠭ ᠰᠠᠨ᠃ ᠤᠴᠢᠷ ᠶᠠᠭᠤᠨ ᠭᠡᠪᠡᠯ ᠪᠠᠭᠰᠢ ᠮᠢᠨᠢ | ᠬᠠᠤᠯᠢ ᠳᠤ ᠲᠤᠭᠲᠠᠭᠰᠠᠨ ᠠᠮᠠᠷᠠᠯᠲᠠ᠂ ᠵᠢᠯ ᠴᠠᠭᠠᠨ ᠰᠠᠷᠠ ᠳᠤ ᠪᠠᠨ ᠴᠤ ᠠᠵᠢᠯ ᠤᠨ ᠪᠠᠶᠢᠷᠢ ᠪᠠᠨ ᠰᠠᠬᠢᠵᠤ᠂ ᠡᠳᠦᠷ ᠲᠤᠵᠢ ᠲᠡᠭ ᠴᠠᠭ ᠬᠦᠷᠲᠡᠯᠡ ᠨᠤᠮ ᠤᠨ | ᠠᠰᠠᠷ ᠲᠤ ᠪᠠᠨ ᠳ᠋ᠧᠩ ᠭᠡᠷᠡᠯᠲᠦᠭᠦᠯᠦᠨ ᠠᠵᠢᠯᠯᠠᠵᠤ ᠪᠠᠶᠢᠳᠠᠭ ᠰᠢᠨᠲᠠᠰᠤ ᠴᠢᠩᠭᠠ ᠬᠦᠮᠦᠨ ᠪᠢᠯᠡ᠃ ᠡᠨᠡ ᠦᠶᠡ ᠳᠤ ᠪᠠᠭᠰᠢ ᠶᠢ ᠲᠠᠭᠠᠨ ᠠᠵᠢᠯᠯᠠᠳᠠᠭ ᠨᠢ ᠪᠠ᠊ · | ᠬᠠᠰᠴᠢᠯᠠᠭᠤ᠂ ᠨᠠᠷᠠᠨᠴᠢᠮᠡᠭ ᠪᠢᠳᠠ ᠭᠤᠷᠪᠠᠭᠤᠯᠠ ᠪᠠᠶᠢᠯᠠ᠃ ᠪᠠᠭᠰᠢ ᠮᠢᠨᠤ ᠪᠠᠷᠯᠠᠭᠰᠠᠨ ᠢ ᠬᠢᠨᠠᠵᠤ᠂ ᠪᠠ᠊ · ᠬᠠᠰᠴᠢᠯᠠᠭᠤ ᠪᠠᠭᠰᠢ ︽ᠨᠤᠲᠤᠭ ᠤᠨ ᠦᠭᠡᠰ ᠤᠨ ᠲᠤᠯᠢ︾ | ᠪᠠᠨ ᠹᠠᠩ ᠵᠧᠩ ᠪᠠᠷᠯᠠᠯ ᠤᠨ ᠰᠢᠰᠲ᠋ᠧᠮ ᠳᠤ ᠤᠷᠤᠭᠤᠯᠵᠤ ᠪᠠᠶᠢᠯᠠ᠃ ᠡᠨᠡ ᠰᠤᠨᠢᠨ ᠪᠠᠷᠯᠠᠯ ᠤᠨ ᠰᠢᠰᠲ᠋ᠧᠮ ᠢ ᠪᠠ᠊ · ᠬᠠᠰᠴᠢᠯᠠᠭᠤ ᠪᠠᠭᠰᠢ ᠠᠴᠠ ᠠᠯᠳᠠᠭ | ᠤᠨᠤᠭ ᠢᠶᠠᠷ ᠠᠰᠠᠭᠤᠬᠤ᠂ ᠬᠢᠭᠰᠡᠨ ᠢ ᠨᠢ ᠠᠵᠢᠭᠯᠠᠬᠤ᠂ ᠦᠪᠡᠷ ᠢᠶᠠᠨ ᠲᠤᠷᠰᠢᠬᠤ ᠶᠢᠨ ᠬᠦᠴᠦᠨ ᠳᠤ ᠠᠩᠬᠠ ᠠᠯᠬᠤᠮ ᠡᠵᠡᠮᠰᠢᠵᠦ ᠠᠪᠤᠭᠰᠠᠨ ᠶᠤᠮ᠃ ᠡᠨᠡ ᠨᠢ | ᠬᠤᠶᠢᠰᠢᠳᠠ ᠶᠢᠨ ᠠᠵᠢᠯ ᠳᠤ ᠶᠡᠭᠡ ᠤᠯᠠᠨ ᠳᠦᠬᠦᠮ ᠲᠠᠯᠠ ᠪᠠ ᠠᠵᠤ ᠠᠬᠤᠢ ᠳᠤ ᠨᠡᠮᠡᠷᠢ ᠬᠠᠨᠳᠢᠪ ᠪᠤᠯᠤᠭᠰᠠᠨ ᠢ ᠦᠬᠦᠯᠡᠬᠦ ᠶᠠᠭᠤᠨ︕ | 2016 ᠤᠨ ᠤ 9 ᠰᠠᠷᠠ ᠶᠢᠨ 28 ᠳᠤ ᠪᠠᠭᠰᠢ 83 ᠨᠠᠰᠤᠨ ᠪᠠᠶᠠᠷ ᠢᠶᠠᠨ ᠬᠢᠬᠦ ᠶᠢᠨ ᠳᠠᠭᠠᠤ ᠵ᠊ · ᠮᠠᠭᠰᠤᠷᠵᠠᠪ᠂ ᠨᠠᠷᠠᠨᠮᠠᠨᠳᠤᠬᠤ ᠬᠤᠶᠠᠷ ᠪᠠᠭᠰᠢ ᠶᠢᠨ | ᠪᠢᠴᠢᠭᠰᠡᠨ ︽ᠳᠡᠭᠷᠢᠯᠢᠭ ᠰᠤᠶᠤᠯ ᠤᠨ ᠪᠠᠷᠢᠯᠭᠠᠴᠢᠨ — ᠰᠤᠨᠤᠮ︾ ᠭᠡᠬᠦ ᠨᠤᠮ ᠤᠨ ᠲᠠᠷᠬᠠᠭᠠᠯᠲᠠ ᠶᠢᠨ ᠶᠤᠰᠤᠯᠠᠯ ᠢ ᠬᠢᠵᠤ᠂ ᠡᠯᠡ ᠭᠠᠵᠠᠷ ᠠᠴᠠ ᠢᠷᠡᠭᠰᠡᠨ | ᠡᠷᠳᠡᠮᠲᠡᠨ ᠪᠠᠭᠰᠢ ᠨᠠᠷ ᠰᠤᠨᠤᠮ ᠪᠠᠭᠰᠢ ᠶᠢᠨ ᠲᠤᠬᠠᠢ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠪᠤᠯᠵᠤ᠂ ᠲᠤᠰᠬᠠᠢ ᠦᠬᠦᠯᠡᠯ ᠢᠶᠠᠨ ᠤᠩᠰᠢᠭᠰᠠᠨ ᠢᠶᠠᠷ ᠤᠯᠠᠨ ᠤᠯᠠᠨ | ᠪᠦᠲᠦᠭᠡᠯ ᠲᠤᠭᠤᠷᠪᠢᠯ᠂ ᠢᠷᠠᠭᠤ ᠠᠯᠳᠠᠷ ᠲᠠᠢ ᠦᠢᠯᠡ ᠠᠵᠢᠯᠯᠠᠭᠠ ᠠᠴᠠ ᠨᠢ ᠤᠢᠢᠯᠠᠭᠠᠵᠤ ᠪᠢᠯᠡ᠃ ᠠᠶᠢᠯ ᠤᠨ ᠴᠢᠩᠨᠡᠬᠦᠷ ᠠᠶᠢᠮᠠᠭ ᠢᠶᠠᠷ ᠭᠡᠵᠦ ᠡᠨᠡ ᠳ᠋ᠠ︕ | ᠮᠠᠨᠤᠰ ᠤᠨ ᠨᠢᠳᠦ ᠶᠢ ᠨᠡᠭᠡᠭᠡᠬᠦ ᠶᠢᠨ ᠲᠦᠯᠦᠭᠡ᠂ 2017 ᠤᠨ ᠤ 1 ᠰᠠᠷᠠ ᠶᠢᠨ 4 ᠠᠴᠠ ᠡᠬᠢᠯᠡᠨ ᠪᠠ᠊ · ᠬᠠᠰᠴᠢᠯᠠᠭᠤ ᠪᠠᠭᠰᠢ᠂ ᠨᠠᠷᠠᠨᠴᠢᠮᠡᠭ ᠪᠢᠳᠠ | ᠭᠤᠷᠪᠠᠭᠤᠯᠠ ᠳᠤ ᠲᠦᠪᠡᠳ ᠦᠰᠦᠭ ᠤᠨ ᠴᠠᠭᠠᠨ ᠲᠤᠯᠤᠭᠠᠢ ᠵᠢᠭᠠᠵᠤ ᠲᠠᠨᠢᠭᠤᠯᠤᠭᠠᠳ ᠲᠤᠯᠢ ᠪᠢᠴᠢᠭ ᠠᠴᠠ ᠦᠰᠦᠭ ᠡᠷᠢᠬᠦ᠂ ᠭᠡᠰᠡᠭ ᠦᠭᠡᠰ ᠢ ᠤᠩᠰᠢᠵᠤ | ᠴᠢᠳᠠᠬᠤ ᠪᠤᠯᠭᠠᠵᠠᠢ᠃ ᠢᠩᠬᠢᠵᠦ ᠬᠢᠳᠡᠭ ᠨᠢ ᠮᠦᠨ ᠴᠤ ᠬᠤᠯᠠᠴᠢ ᠪᠤᠳᠤᠯ ᠲᠠᠢ ᠪᠠᠶᠢᠵᠠᠢ᠃ ᠵᠢᠭᠠᠵᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ︽ᠮᠤᠩᠭᠤᠯ ᠲᠦᠪᠡᠳ ᠬᠢᠲᠠᠳ | ᠬᠠᠪᠰᠤᠷᠭᠠᠭᠰᠠᠨ ᠮᠤᠩᠭᠤᠯ ᠬᠦᠮᠦᠨ ᠤ ᠲᠦᠪᠡᠳ ᠨᠡᠷᠡ︾ ᠭᠡᠬᠦ ᠨᠤᠮ ᠢ ᠨᠠᠳᠠ ᠪᠠᠷ ᠪᠢᠴᠢᠭᠦᠯᠵᠦ᠂ ᠪᠠᠭᠰᠢ ᠵᠢᠭᠠᠨ ᠵᠢᠯᠤᠭᠤᠳᠬᠤ ᠪᠠ ᠮᠠᠲ᠋ᠧᠷᠢᠶᠠᠯ ᠠᠰᠢᠭᠯᠠᠨ ᠨᠤᠮ | ᠪᠤᠯᠭᠠᠬᠤ ᠶᠠᠪᠤᠴᠠ ᠶᠢ ᠵᠢᠭᠠᠵᠠᠢ᠃ ᠡᠨᠡ ᠨᠤᠮ ᠢ ᠪᠢᠴᠢᠬᠦ ᠳᠤ ᠪᠦᠷ ᠠᠵᠢᠯ ᠠᠴᠠ ᠭᠠᠳᠠᠭᠤᠷ ᠴᠠᠭ ᠢᠶᠠᠨ ᠠᠰᠢᠭᠯᠠᠵᠠᠢ᠃ ᠤᠴᠢᠷ ᠨᠢ ︽ᠮᠤᠩᠭᠤᠯ ᠬᠢᠲᠠᠳ | ᠬᠠᠷᠢᠴᠠᠭᠤᠯᠤᠭᠰᠠᠨ ᠤᠷᠳᠤᠰ ᠠᠷᠠᠳ ᠤᠨ ᠮᠢᠩᠭᠠᠨ ᠳᠠᠭᠤᠤ︾ ᠭᠡᠭᠦ ᠨᠤᠮ ᠢ ᠪᠠᠷᠯᠠᠵᠤ ᠪᠦᠷᠢᠨᠰᠢᠭᠦᠯᠬᠦ ᠳᠤ ᠯᠤᠳᠤ ᠬᠦᠳᠡᠯᠮᠦᠷᠢ᠂ ᠴᠠᠭ ᠵᠠᠷᠤᠴᠠᠭᠤᠯᠳᠠᠭ ᠠᠴᠠ | ᠪᠤᠯᠤᠭᠰᠠᠨ ᠶᠤᠮ᠃ ᠠᠵᠢᠯ ᠤᠨ ᠴᠠᠭ ᠲᠤ ᠪᠦᠬᠦ ᠬᠦᠴᠦ ᠪᠠᠨ ᠰᠢᠪᠬᠠᠨ ᠬᠢᠳᠡᠭ ᠮᠦᠷᠳᠡᠭᠡᠨ ᠠᠵᠢᠯᠯᠠᠵᠤ ᠪᠠᠶᠢᠬᠤ ᠦᠶᠡ ᠳᠤ ᠪᠠᠨ ᠦᠬᠡ ᠪᠠᠷᠤᠭ ᠶᠠᠷᠢᠯᠴᠠᠳᠠᠭ | ᠦᠭᠡᠢ᠃ ᠢᠩᠬᠢᠵᠤ ᠠᠵᠢᠯᠯᠠᠵᠤ ᠪᠠᠶᠢᠭᠰᠠᠨ ᠴᠤ ᠭᠤᠷᠪᠠᠨ ᠵᠢᠯ ᠳᠤ ᠪᠠᠷᠠᠬᠤ ᠶᠤᠮ ᠪᠢᠰᠢ᠃ ᠲᠡᠭᠦᠰᠬᠡᠯ ᠨᠢ ᠦᠵᠡᠭᠳᠡᠬᠦ ᠦᠭᠡᠢ ᠠᠵᠢᠯ ᠳᠤ ᠵᠤᠷᠢᠭ ᠮᠤᠬᠤᠵᠤ ᠶᠠᠭ | ᠰᠢᠨᠠᠷᠠᠭᠰᠠᠨ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠭᠰᠠᠨ ᠴᠤ ᠪᠠᠭᠰᠢ ᠳᠤ ᠪᠠᠨ ᠮᠡᠳᠡᠭᠳᠡᠬᠦ ᠪᠠᠨ ᠬᠢᠴᠢᠶᠡᠵᠦ ᠪᠠᠶᠢᠯᠠ᠃ | — ᠴᠢ ᠨᠢᠭᠡ ᠬᠦᠮᠦᠨ ᠤᠯ ᠪᠠ︕ ᠪᠤᠯᠪᠠᠯ ᠴᠢᠮᠠ ᠠᠴᠠ ᠨᠠᠰᠤ ᠪᠠᠷ ᠪᠠᠭᠠ᠂ ᠴᠢᠨᠤ ᠬᠢᠷᠢ ᠠᠵᠢᠯ ᠤᠨ ᠴᠢᠳᠠᠪᠤᠷᠢ ᠲᠠᠢ ᠪᠤᠯ ᠪᠤᠯᠤᠨᠠ︕ | — ᠶᠠᠭᠠᠬᠢᠭᠠᠳ ᠨᠠᠰᠤ ᠪᠠᠷ ᠪᠠᠭᠠ ᠶᠢ ᠨᠢ ᠤᠯᠳᠠᠭ ᠪᠤᠢ︖ | — ᠴᠢᠮᠠ ᠠᠴᠠ ᠨᠠᠰᠤ ᠪᠠᠷ ᠪᠠᠭᠠ ᠪᠤᠯ ᠴᠢ ᠵᠢᠭᠠᠵᠤ ᠲᠤᠬᠢᠬᠤ ᠳᠤ ᠠᠮᠠᠷ᠂ ᠨᠠᠳᠠ ᠳᠤ ᠴᠠᠭ ᠠᠷᠪᠢᠯᠠᠨᠠ ᠪᠠ︕ ᠮᠥᠨ ᠴᠤ ᠵᠠᠯᠠᠭᠤ ᠨᠢᠭᠡ | ᠦᠶᠡ ᠶᠢᠨ ᠬᠦᠮᠦᠰ ᠢ ᠪᠤᠯᠪᠠᠰᠤᠷᠠᠭᠤᠯᠤᠨ ᠭᠠᠷᠭᠠᠬᠤ ᠴᠢᠬᠤᠯᠠ ᠲᠠᠢ ᠰᠢᠤ︕ | ᠦᠨᠳᠦᠰᠦᠲᠡᠨ ᠤ ᠪᠠᠨ ᠰᠤᠶᠤᠯ ᠤᠨ ᠤᠯᠠᠮᠵᠢᠯᠠᠯ ᠢ ᠦᠪᠡᠷ ᠤᠨ ᠬᠦᠴᠦᠨ ᠴᠢᠳᠠᠯ᠂ ᠠᠵᠤ ᠠᠬᠤᠢ ᠪᠠᠷ ᠢᠶᠠᠨ ᠳᠤᠯᠭᠠᠭᠤᠷᠢᠯᠠᠵᠤ᠂ ᠦᠷᠦᠭᠡᠯ ᠤᠨ | ᠬᠡᠦᠬᠡᠳ ᠢ ᠦᠪᠡᠷ ᠤᠨ ᠠᠴᠢᠷ ᠲᠠᠢ ᠠᠳᠠᠯᠢ ᠪᠠᠷ ᠬᠦᠮᠤᠵᠢᠬᠦᠯᠵᠤ᠂ ᠤᠯᠤᠰ ᠦᠨᠳᠦᠰᠦᠲᠡᠨ ᠳᠤ ᠪᠠᠨ ᠦᠢᠯᠡᠴᠢᠯᠡᠭᠦᠯᠦᠨᠡ ᠭᠡᠳᠡᠭ ᠬᠡᠳᠦᠢ ᠬᠤᠯᠠ ᠶᠢᠨ ᠪᠤᠳᠤᠯ᠂ | ᠬᠡᠭᠡᠷᠡᠭᠰᠡᠨ ᠤᠬᠠᠭᠠᠨ ᠲᠠᠢ ᠬᠦᠮᠤᠨ ᠪᠤᠢ︕ ᠪᠢᠰᠢᠷᠡᠭᠦ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠰᠢᠤ︕ ᠪᠢ ᠴᠦ ᠬᠡᠰᠡᠨ ᠰᠠᠨᠠᠭᠠᠨ ᠳᠤ ᠪᠠᠨ ᠬᠦᠷᠬᠦ ᠵᠤᠷᠢᠯᠭᠠ ᠪᠠᠷ | ᠡᠷᠢᠵᠤ ᠰᠤᠷᠠᠭᠯᠠᠵᠤ ᠪᠠᠶᠢᠭᠠᠤᠨ 2017 ᠤᠨ ᠤ 10 ᠰᠠᠷᠠ ᠳᠤ ᠭᠠᠩᠰᠦ᠋ᠭᠡ ᠶᠢ ᠪᠠᠭᠰᠢ ᠲᠠᠢ ᠵᠤᠯᠭᠠᠭᠤᠯᠤᠭᠰᠠᠨ ᠳᠤ ᠨᠠᠲᠠ ᠲᠠᠢ ᠬᠠᠮᠲᠤ ᠠᠵᠢᠯᠯᠠᠬᠤ ᠶᠢ | ᠵᠦᠪᠰᠢᠶᠡᠷᠡᠨ᠂ ᠪᠢᠳᠠ ᠬᠤᠶᠠᠭᠤᠯᠠ ᠪᠠᠨ ᠠᠵᠢᠯ ᠤᠶᠢᠯᠡᠰ ᠲᠤ ᠪᠠᠨ ᠮᠠᠬᠠᠷᠠᠨ ᠴᠢᠷᠮᠠᠶᠢᠵᠤ᠂ ᠰᠠᠶᠢᠨ ᠲᠠᠢ ᠲᠠᠯᠠ ᠪᠠᠨ ᠬᠤᠪᠢᠶᠠᠯᠴᠠᠨ ᠲᠤᠲᠠᠭᠲᠠᠯ ᠲᠠᠢ ᠲᠠᠯᠠ ᠪᠠᠨ | ᠨᠦᠬᠦᠵᠦ᠂ ᠪᠠᠭᠰᠢ ᠶᠢᠨ ᠵᠢᠭᠠᠨ ᠵᠢᠯᠤᠭᠤᠳᠤᠯᠭᠠ ᠪᠠᠷ ᠡᠷᠴᠢᠮ ᠲᠠᠢ ᠠᠵᠢᠯᠯᠠᠵᠤ᠂ 2018 ᠤᠨ ᠤ 8 ᠰᠠᠷᠠ ᠳᠤ ᠠᠵᠢᠯ ᠢᠶᠠᠨ ᠪᠠᠷᠤᠭ ᠳᠠᠭᠤᠰᠬᠠᠨ ᠪᠠᠶᠢᠬᠤ | ᠦᠶᠡᠰ ᠪᠠᠭᠰᠢ ᠠᠵᠢᠯᠯᠠᠬᠤ ᠪᠠᠷ ᠰᠢᠷᠡᠭᠡᠨ ᠳᠤ ᠪᠠᠨ ᠰᠠᠭᠤᠭᠠᠳ ᠪᠤᠳᠤᠯ ᠪᠤᠯᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠭᠡᠨᠡᠳᠲᠡ ᠮᠠᠨ ᠤ ᠬᠤᠶᠠᠷ ᠤᠨ ᠵᠦᠭ ᠪᠡᠶᠡ ᠡᠷᠬᠢᠵᠦ᠄ | — ᠤᠳᠤ ᠠᠵᠢᠯ ᠶᠠ ᠰᠡᠭᠦᠯ ᠰᠢᠪᠲᠤᠷᠤᠯᠠ︕ ᠬᠡᠳᠦᠬᠦᠯᠡ ᠵᠦᠭᠡᠷ ᠴᠠᠭᠠᠨ ᠪᠤᠳᠠᠭᠠ ᠪᠠᠷᠠᠭᠠᠳ ᠪᠠᠶᠢᠵᠤ ᠪᠤᠯᠬᠤ ᠦᠭᠡᠢ ᠪᠠ︕ ᠠᠶᠠ ᠵᠢᠭᠠᠬᠠᠨ | ᠤᠷᠦ᠋ᠢᠲᠠᠴᠢᠬᠠᠯᠠ᠂ ᠪᠢ ᠤᠳᠤ ᠨᠢᠭᠡ ᠠᠵᠢᠯ ᠡᠬᠢᠯᠡᠭᠦᠯᠬᠦ ᠰᠠᠨᠠᠭᠠ ᠲᠠᠢ᠂ ᠲᠠᠨ ᠤ ᠬᠤᠶᠠᠷ ᠲᠤ ᠬᠢᠬᠦ ᠵᠤᠷᠢᠭ ᠪᠠᠶᠢᠨᠠ ᠦᠦ ᠦᠭᠡᠢ ᠦᠦ︖ | — ᠬᠢᠨᠡ︕ ᠨᠠᠳᠠ ᠳᠤ ᠪᠤᠯ ᠵᠤᠷᠢᠭ ᠪᠠᠶᠢᠨᠠ᠂ ᠶᠠᠭ ᠪᠤᠯᠬᠤ ᠦᠭᠡᠢ ᠪᠤᠯ ᠪᠢᠳᠠ ᠬᠦᠴᠦᠨ ᠢᠶᠠᠨ ᠭᠠᠷᠭᠠᠶᠠ᠂ ᠪᠠᠭᠰᠢ ᠵᠢᠭᠠᠨ ᠵᠢᠯᠤᠭᠤᠳᠤᠭᠠᠳ | ᠰᠠᠭᠤᠵᠤ ᠪᠠᠶᠢᠶᠠ ᠪᠤᠯᠤᠨᠠ︕ ᠭᠡᠬᠦ ᠳᠤ ᠭᠠᠩᠰᠦ᠋ᠬᠡ ᠴᠤ ᠲᠤᠯᠤᠭᠠᠢ ᠲᠤᠬᠢᠵᠤ ᠪᠠᠶᠢᠯᠠ᠃ | — ᠲᠠᠨᠤᠰ ᠲᠠᠷᠡ ᠸᠠᠩ ᠵᠤ᠋ ᠰᠢ ᠶᠢᠨ ᠪᠢᠴᠢᠭᠰᠡᠨ ︽新部首大字典︾ ᠭᠡᠳᠡᠭ ᠲᠤᠯᠢ ᠪᠢᠴᠢᠭ ᠢ ᠦᠵᠡᠵᠦ ᠦᠩᠭᠡᠷᠡᠪᠡ ᠦᠦ︖ | ᠡᠨᠡ ᠲᠤᠯᠢᠨ ᠳᠤ ᠤᠯᠳᠠᠳᠠᠭ ᠦᠭᠡᠢ ᠦᠰᠦᠭ ᠪᠦᠷ ᠪᠠᠶᠢᠨᠠ᠃ ᠡᠨᠡ ᠶᠡᠭᠡ ᠰᠠᠶᠢᠨ ᠲᠤᠯᠢ ᠰᠢᠤ᠃ ᠭᠡᠪᠡᠴᠤ ᠮᠠᠨ ᠤ ᠮᠤᠩᠭᠤᠯ ᠲᠤᠯᠢᠨ ᠳᠤ ᠡᠶᠢᠮᠦ ᠶᠠᠭᠤᠮᠠ | ᠪᠠᠶᠢᠬᠤ ᠦᠭᠡᠢ ᠰᠢᠤ᠃ ᠮᠢᠨᠤ ᠮᠡᠳᠡᠬᠦ ᠪᠠᠷ ᠬᠤᠶᠡᠷ ᠪᠠᠭᠰᠢ ᠡᠨᠡ ᠲᠠᠯᠠ ᠪᠠᠷ ᠠᠵᠢᠯᠯᠠᠭᠰᠠᠨ ᠪᠤᠯᠪᠠᠴᠤ ᠬᠢᠵᠦ ᠪᠠᠷᠠᠭᠰᠠᠨ ᠦᠭᠡᠢ ᠪᠠᠷ ᠨᠠᠰᠤ ᠪᠠᠷᠠᠭᠰᠠᠨ ᠶᠤᠮ᠃ | ᠲᠡᠷᠡ ᠮᠦᠷᠳᠡᠭᠡᠨ ᠵᠠᠯᠭᠠᠵᠤ ᠬᠢᠬᠦ ᠬᠦᠮᠦᠨ ᠢᠶᠠᠨ ᠰᠤᠩᠭᠤᠭᠰᠠᠨ ᠦᠭᠡᠢ᠃ ᠲᠡᠳᠡᠨ ᠪᠦᠷ ᠺᠠᠷᠲ ᠳᠡᠭᠡᠷᠡ ᠪᠢᠴᠢᠵᠡᠢ᠃ ᠲᠡᠷᠡ ᠨᠢᠭᠡᠨᠲᠡ ᠴᠠᠭ ᠠᠴᠠ ᠬᠤᠴᠤᠷᠤᠭᠰᠠᠨ | ᠠᠷᠭᠠ ᠪᠤᠯᠵᠠᠢ᠃ ᠪᠢ ᠤᠳᠤ ᠬᠢᠪᠡᠯ ᠺᠤᠮᠫᠢᠦ᠋ᠲ᠋ᠧᠷ ᠢ ᠠᠰᠢᠭᠯᠠᠬᠤ ᠴᠢᠬᠤᠯᠠᠲᠠᠢ ᠰᠢᠤ︕ | — ᠪᠠᠭᠰᠢ ᠤᠷᠢᠳ ᠬᠤᠵᠢᠳ ᠨᠡᠶᠢᠲᠡ ᠲᠠᠪᠤᠨ ᠲᠤᠯᠢ ᠨᠠᠶᠢᠷᠠᠭᠤᠯᠬᠤ ᠠᠵᠢᠯ ᠳᠤ ᠤᠷᠤᠯᠴᠠᠵᠤ᠂ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠬᠤᠶᠠᠷ ᠲᠤᠯᠢ ᠬᠢᠭᠰᠡᠨ | ᠪᠦᠭᠡᠳ ᠲᠠᠪᠢᠨ ᠬᠡᠳᠦᠨ ᠨᠤᠮ ᠪᠢᠴᠢᠭᠰᠡᠨ ᠬᠦᠮᠦᠨ᠃ ᠪᠠᠭᠰᠢ ᠡᠨᠡ ᠠᠵᠢᠯ ᠢ ᠲᠤᠯᠤᠭᠠᠢᠢᠯᠠᠨ ᠬᠢᠬᠦ ᠴᠠᠭ ᠨᠢ ᠨᠢᠭᠡᠨᠲᠡ ᠪᠤᠯᠤᠭᠰᠠᠨ ᠰᠢᠤ︕ | — ᠲᠠᠨ ᠤ ᠬᠤᠶᠠᠷ ᠪᠤᠳᠤᠵᠤ ᠪᠠᠢ ᠡ︕ ᠬᠦᠬᠡᠬᠤᠲᠠ ᠳᠤ ᠶᠠᠪᠤᠬᠤ ᠲᠠᠭᠠᠷᠠᠪᠠᠯ ᠪᠢ ᠶᠠᠮᠠᠷ ᠶᠠ ᠪᠡᠶᠡ ᠪᠠᠷ ᠢᠶᠠᠨ ᠶᠠᠪᠤᠵᠤ ᠬᠡᠳᠦᠨ ᠪᠠᠭᠰᠢ | ᠠᠵᠢᠯᠲᠠᠨ ᠲᠠᠢ ᠨᠢᠭᠤᠷᠳᠠᠨ ᠶᠠᠷᠢᠯᠴᠠᠭᠠᠳ ᠪᠤᠯᠤᠶᠡ︕ ᠭᠡᠳ ᠬᠡᠳᠦᠨ ᠲᠤᠯᠢ ᠬᠢᠳᠡᠭ ᠪᠠᠭᠰᠢ ᠨᠠᠷ ᠲᠠᠢ ᠨᠢᠬᠡᠤᠨ ᠨᠢᠬᠡ ᠪᠠᠷ ᠤᠲᠠᠰᠤ ᠠᠪᠴᠤ ᠶᠠᠷᠢᠯᠴᠠᠯᠠ᠃ | ᠳᠡᠷᠠ ᠡᠳᠦᠷ ᠠᠴᠠ ᠬᠤᠶᠢᠰᠢ ᠪᠠᠭᠰᠢ ᠲᠤᠯᠢ ᠨᠠᠶᠢᠷᠠᠭᠤᠯᠬᠤ ᠲᠤᠬᠠᠢ ᠤᠯᠠᠨ ᠲᠠᠯᠠ ᠶᠢᠨ ᠮᠠᠲ᠋ᠧᠷᠢᠶᠠᠯ ᠴᠤᠭᠯᠠᠭᠤᠯᠵᠤ᠂ ᠡᠯᠡ ᠬᠦᠷᠢᠶᠡ ᠴᠠᠷᠠᠭᠠᠨ ᠤ | ᠬᠦᠮᠦᠰ ᠲᠠᠢ ᠬᠠᠷᠢᠯᠴᠠᠵᠤ ᠪᠠᠶᠢᠬᠤ ᠳᠤ ᠪᠢᠳᠠ ᠬᠤᠶᠠᠭᠤᠯᠠ ︽ᠮᠤᠩᠭᠤᠯ ᠬᠢᠲᠠᠳ ᠬᠠᠷᠢᠴᠠᠭᠤᠯᠤᠭᠰᠠᠨ ᠤᠷᠳᠤᠰ ᠠᠷᠠᠳ ᠤᠨ ᠮᠢᠩᠭᠠᠨ ᠳᠠᠭᠤᠤ︾ ᠶᠢ ᠬᠡᠪᠯᠡᠯ ᠤᠨ | ᠬᠤᠷᠢᠶᠠᠨ ᠤ ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ ᠱᠠᠭᠠᠷᠳᠠᠯᠭᠠ ᠶᠤᠰᠤᠭᠠᠷ ᠵᠠᠰᠠᠵᠤ ᠪᠠᠷᠠᠭᠠᠪᠠ᠃ ᠠᠵᠢᠯ ᠳᠠᠭᠤᠰᠤᠭᠰᠠᠨ ᠠᠴᠠ ᠪᠠᠭᠰᠢ ᠪᠢᠳᠠ ᠭᠤᠷᠪᠠᠭᠤᠯᠠ ᠥᠪᠥᠷ | ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠳᠤ ᠤᠴᠢᠵᠤ ᠬᠡᠪᠯᠡᠬᠦᠯᠬᠦ ᠠᠵᠢᠯ ᠢ ᠲᠤᠬᠢᠷᠠᠭᠠᠬᠤ ᠪᠠ ᠨᠠᠶᠢᠷᠠᠭᠤᠯᠬᠤ ᠪᠠᠷ ᠵᠤᠷᠢᠭ ᠰᠢᠭᠤᠳᠤᠭᠰᠠᠨ ᠳᠤᠯᠢ ᠪᠢᠴᠢᠭ | ᠤᠨ ᠲᠤᠬᠠᠢ ᠡᠯᠡ ᠪᠠᠭᠰᠢ ᠨᠠᠷ ᠲᠠᠢ ᠨᠢᠭᠤᠷᠳᠠᠨ ᠶᠠᠷᠢᠯᠴᠠᠬᠤ ᠪᠠᠷ ᠪᠤᠯᠪᠠ᠃ ᠡᠨᠡ ᠦᠶᠡ ᠶᠠᠭ ᠰᠠᠶᠢᠬᠠᠨ ᠨᠠᠮᠤᠷ ᠤᠨ ᠰᠡᠭᠦᠯᠴᠢ ᠪᠤᠯᠵᠤ ᠪᠠᠶᠢᠭᠰᠠᠨ ᠪᠢᠯᠡ᠃ | ︽ᠮᠤᠩᠭᠤᠯ ᠬᠢᠲᠠᠳ ᠬᠠᠷᠢᠴᠠᠭᠤᠯᠤᠭᠰᠠᠨ ᠤᠷᠳᠤᠰ ᠠᠷᠠᠳ ᠤᠨ ᠮᠢᠩᠭᠠᠨ ᠳᠠᠭᠤᠤ︾ ᠬᠡᠬᠦ ᠨᠤᠮ ᠢᠶᠠᠨ ᠬᠡᠪᠯᠡᠭᠦᠯᠬᠦ ᠠᠵᠢᠯ ᠤᠷᠤᠭᠰᠢᠲᠠᠢ ᠪᠤᠯᠤᠭᠰᠠᠨ | ᠮᠦᠷᠳᠡᠬᠡᠨ ᠪᠠᠭᠰᠢ ᠪᠢᠳᠠᠨ ᠢ ᠳᠠᠭᠠᠭᠤᠯᠤᠨ ᠰᠠᠴᠤᠷᠠᠯᠲᠤ ᠡᠷᠬᠢᠯᠡᠭᠴᠢ᠂ ᠭᠤᠨᠴᠤᠭᠰᠦ᠋ᠷᠦᠩ᠂ ᠰᠦᠮᠪᠦᠷᠪᠠᠲᠤ᠂ ᠴᠢ᠊ · ᠰᠡᠴᠡᠨ᠂ ᠪᠡᠰᠦᠲᠡᠢ ᠬᠠᠰᠪᠢᠯᠢᠭ᠌ ᠵᠡᠷᠭᠡ | ᠪᠠᠭᠰᠢ ᠨᠠᠷ ᠲᠤ ᠵᠤᠯᠭᠠᠵᠤ ᠳᠤᠯᠢ ᠪᠢᠴᠢᠭ ᠨᠠᠶᠢᠷᠠᠭᠤᠯᠬᠤ ᠲᠦᠰᠦᠪ ᠲᠦᠯᠦᠪᠯᠡᠭᠡ᠂ ᠦᠨᠡ ᠴᠠᠨᠠ ᠪᠠᠨ ᠲᠠᠨᠢᠯᠴᠠᠭᠤᠯᠤᠨ ᠵᠦᠪᠯᠡᠮᠵᠢ ᠠᠪᠬᠤ ᠳᠤ ᠪᠦᠬᠦᠳᠡᠭᠡᠷ ᠰᠠᠨᠠᠯ | ᠨᠢᠭᠡᠲᠡᠢ ᠪᠠᠷ ᠳᠡᠮᠵᠢᠵᠦ᠂ ᠤᠳᠤ ᠦᠪᠦᠷ ᠮᠤᠩᠭᠤᠯ ᠳᠤ ᠡᠭᠦᠨ ᠢ ᠬᠦᠳᠡᠯᠭᠡᠵᠦ ᠬᠢᠬᠦ ᠵᠤᠷᠢᠭ ᠲᠠᠢ ᠬᠦᠮᠦᠨ ᠵᠦᠪᠬᠡᠨ ᠪᠠᠭᠰᠢ ᠯᠠ ᠦᠯᠡᠳᠡᠵᠦ ᠪᠠᠶᠢᠨᠠ ᠬᠡᠵᠤ | ᠬᠦᠴᠤᠨ ᠦᠭᠴᠤ ᠵᠤᠷᠢᠭ ᠨᠡᠮᠡᠵᠤ ᠪᠢᠯᠡ᠃ | — ᠪᠢ ᠡᠶᠢᠮᠦ ᠨᠢᠭᠡ ᠲᠤᠯᠢ ᠪᠢᠴᠢᠭ ᠨᠠᠶᠢᠷᠠᠭᠤᠯᠬᠤ ᠠᠵᠢᠯ ᠢ ᠪᠤᠯ ᠡᠬᠢᠯᠡᠭᠦᠯᠦᠭᠡᠳ ᠬᠢᠬᠦ ᠨᠢ ᠴᠤ ᠬᠢᠴᠢᠭᠡᠬᠦ︕ ᠦᠬᠦᠬᠦ ᠳᠤ ᠪᠠᠨ ᠦᠭᠡᠷ ᠫᠤᠤ | ᠲᠠᠯᠪᠢᠪᠠ ᠭᠡᠭᠴᠢ ᠶᠢ ᠪᠢ ᠪᠠᠰᠠ ᠨᠢᠭᠡ ᠨᠢ ᠪᠤᠯᠬᠤ ᠶᠠ︕ ᠲᠡᠨᠤᠰ ᠢᠩᠬᠢᠵᠦ ᠵᠦᠬᠡᠷ ᠠᠮᠠ ᠪᠢᠯᠡᠬᠦᠳᠡᠬᠦ ᠶᠤᠮ ᠪᠤᠯ ᠶᠠᠮᠠᠷ ᠬᠡᠷᠡᠭ ᠪᠠᠶᠢᠨᠠ︕ ᠪᠤᠳᠠᠳᠠᠢ ᠪᠠᠷ | ᠳᠡᠮᠵᠢᠬᠦ ᠤᠬᠠᠭᠠᠨ ᠢ ᠪᠠᠰᠠ ᠬᠢᠬᠦ ᠴᠢᠬᠤᠯᠠᠲᠠᠢ︕ | — ᠪᠠᠭᠰᠢ ᠤᠷᠢᠳ ᠢᠶᠠᠷ ᠡᠭᠢᠯᠡᠭᠦᠯᠦᠨ ᠬᠢᠵᠦ ᠪᠠᠢ︕ ᠠᠶᠠᠨᠳᠠᠭᠠᠨ ᠤᠬᠠᠭᠠᠨ ᠭᠠᠷᠬᠤ ᠶᠤᠮ︕ ᠨᠢᠭᠡ ᠬᠡᠰᠡᠭ ᠬᠢᠭᠡᠳ ᠭᠠᠷᠬᠤ ᠳᠤ ᠵᠢᠱᠢᠭ ᠡᠨᠡ | ᠲᠡᠷᠡ ᠶᠠ ᠭᠠᠷᠤᠭᠠᠳ ᠢᠷᠡᠴᠢᠭᠡᠬᠦ︕ ᠳᠠᠷᠠ ᠦᠶᠡ ᠳᠤ ᠲᠠᠬᠢᠨ ᠵᠦᠪᠯᠡᠶᠡ ᠭᠡᠵᠦ ᠬᠡᠳᠦᠨ ᠪᠠᠭᠰᠢ ᠰᠠᠨᠠᠯ ᠨᠢᠭᠡᠲᠡᠢ ᠬᠡᠯᠡᠪᠡ᠃ | ᠵᠦᠭ ᠢᠶᠠᠨ ᠤᠯᠵᠤ ᠪᠤᠳᠤᠯ ᠢᠶᠠᠨ ᠲᠤᠭᠲᠠᠭᠠᠭᠰᠠᠨ ᠪᠢᠳᠠ ᠭᠤᠷᠪᠠᠭᠤᠯᠠ ᠪᠤᠴᠠᠬᠤ ᠵᠠᠮ ᠢᠶᠠᠨ ᠡᠯᠭᠦᠵᠡᠢ᠃ ᠬᠠᠷᠢᠵᠤ ᠢᠷᠡᠭᠡᠳ ᠦᠨᠦ ᠨᠡᠷᠡ ᠦᠭᠡᠢ᠂ ᠭᠠᠷᠴᠠᠭ | ᠦᠭᠡᠢ ᠲᠤᠯᠢ ᠪᠢᠴᠢᠭ ᠲᠤ ᠨᠡᠷᠡ ᠮᠢᠨᠳᠠᠭ ᠵᠢᠱᠢᠭ ᠡᠨᠡ ᠲᠡᠷᠡ ᠭᠡᠳ ᠶᠠᠭᠠᠷᠠᠪᠠ᠃ ᠪᠢᠳᠠ ᠬᠤᠶᠠᠷ ᠪᠠᠭᠰᠢ ᠪᠠᠨ ᠬᠠᠪᠰᠤᠷᠤᠨ ᠲᠤᠯᠢ ᠪᠢᠴᠢᠭ ᠨᠠᠶᠢᠷᠠᠭᠤᠯᠬᠤ | ᠪᠡᠯᠡᠳᠭᠡᠯ ᠢᠶᠠᠨ ᠬᠢᠵᠦ ᠡᠬᠢᠯᠡᠬᠦ ᠳᠤ ᠪᠠᠨ ︽ᠮᠤᠩᠭᠤᠯ ᠦᠭᠡ ᠶᠢᠨ ᠳᠠᠯᠠᠢ︾ ︵ᠲᠦᠷ ᠲᠤᠭᠲᠠᠭᠰᠠᠨ ᠨᠡᠷᠡ︶ ᠭᠡᠬᠦ ᠭᠠᠷᠴᠠᠭ ᠠᠪᠴᠤ᠂ ᠺᠤᠮᠫᠢᠦ᠋ᠲ᠋ᠧᠷ ᠪᠠᠷᠯᠠᠯ ᠢ | ᠶᠠᠭᠠᠬᠢᠵᠦ ᠬᠢᠬᠦ᠂ ᠶᠡᠷᠦᠩᠬᠡᠢ ᠡᠬᠡ ᠵᠢᠱᠢᠭ ᠢᠶᠠᠨ ᠶᠠᠭᠠᠬᠢᠵᠦ ᠲᠤᠭᠲᠠᠭᠠᠬᠤ ᠵᠡᠷᠭᠡ ᠠᠵᠢᠯ ᠤᠳ ᠢ ᠬᠢᠵᠦ ᠪᠠᠶᠢᠭᠠᠳ ᠵᠢᠯ ᠤᠨ ᠡᠴᠦᠰ ᠪᠤᠯᠭᠠᠵᠠᠢ᠃ | 2019 ᠤᠨ ᠤ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠳᠦᠷᠪᠡᠨ ᠤ ᠦᠷᠯᠦᠭᠡ ᠪᠠᠭᠰᠢ ᠨᠠᠳᠠ ᠳᠤ ᠤᠲᠠᠰᠤ ᠢᠷᠡᠭᠦᠯᠵᠤ ᠠᠵᠢᠯᠯᠠᠬᠤ ᠶᠢ ᠱᠠᠭᠠᠷᠳᠠᠪᠠ᠃ | ᠤᠴᠢᠷ ᠶᠠᠭᠤᠨ ᠭᠡᠪᠡᠯ ︽ᠮᠤᠩᠭᠤᠯ ᠦᠭᠡ ᠶᠢᠨ ᠳᠠᠯᠠᠢ︾ ᠶᠢᠨ ᠵᠢᠱᠢᠭ ᠢ ᠪᠦᠷᠢᠨᠰᠢᠭᠦᠯᠬᠦ ᠮᠦᠷᠳᠡᠭᠡᠨ 50 ᠤᠷᠴᠢᠮ ᠨᠢᠭᠤᠷ ᠤᠨ ᠬᠡᠪ ᠵᠠᠭᠪᠤᠷ ᠢ ᠭᠠᠷᠭᠠᠬᠤ | ᠴᠢᠬᠤᠯᠠ ᠲᠠᠢ᠃ ᠢᠩᠬᠢᠮᠡᠨᠵᠢᠨ ᠪᠢᠳᠠ ᠨᠢᠳᠦᠨ ᠳᠤ ᠦᠵᠡᠭᠳᠡᠬᠦ ᠶᠠᠭᠤᠮᠠ ᠪᠠᠨ ᠪᠠᠷᠢᠵᠤ ᠲᠡᠳᠡᠨ ᠲᠠᠢ ᠶᠠᠷᠢᠯᠴᠠᠵᠤ ᠰᠠᠭᠤᠷᠢ ᠪᠠᠨ ᠭᠠᠷᠭᠠᠬᠤ ᠴᠢᠬᠤᠯᠠ ᠲᠠᠢ᠃ | ᠦᠳᠡ ᠪᠤᠯᠬᠤ ᠳᠤ ᠪᠢ ᠨᠤᠮ ᠤᠨ ᠠᠰᠠᠷ ᠲᠤ ᠪᠠᠨ ᠠᠵᠢᠯᠯᠠᠬᠤ ᠪᠠᠷ ᠢᠷᠡᠬᠦ ᠳᠤ ᠪᠠᠭᠰᠢ ᠠᠯᠪᠠᠨ ᠭᠡᠷ ᠲᠤ ᠪᠠᠨ ᠰᠠᠭᠤᠵᠤ᠂ ᠨᠠᠳᠠ ᠳᠤ ᠨᠤᠤᠷᠠᠭ ᠭᠠᠷᠭᠠᠵᠤ ᠪᠠᠶᠢᠯᠠ᠃ | ᠪᠢᠳᠠ ᠬᠤᠶᠠᠷ ᠠᠵᠢᠯᠯᠠᠵᠤ ᠰᠢᠨᠡ ᠶᠢᠨ ᠳᠤᠯᠤᠭᠠᠨ ᠪᠤᠯᠬᠤ ᠳᠤ ᠭᠠᠩᠰᠦ᠋ᠭᠡ ᠢᠷᠡᠵᠦ ᠬᠠᠮᠵᠢᠯᠴᠠᠨ ᠴᠠᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠲᠠᠪᠤᠨ ᠪᠤᠯᠬᠤ ᠳᠤ | ᠦᠨᠳᠦᠰᠤᠨ ᠳᠤ ᠪᠠᠨ ᠪᠠᠷᠠᠭᠠᠪᠠ᠃ ᠪᠠᠭᠰᠢ ᠴᠤ ᠤᠯᠵᠤ ᠠᠪᠤᠨᠠ ᠭᠡᠰᠡᠨ ᠵᠦᠢᠯ ᠢᠶᠠᠨ ᠤᠯᠤᠭᠰᠠᠨ ᠪᠤᠯᠬᠤᠷ ᠶᠡᠭᠡ ᠪᠠᠶᠠᠷᠲᠠᠢ ᠪᠠᠶᠢᠯᠠ᠃ ᠴᠠᠭᠠᠨ ᠰᠠᠷᠠ ᠶᠢᠨ | ᠠᠷᠪᠠᠨ ᠳᠤᠯᠤᠭᠠᠨ ᠳᠤ ᠠᠯᠲᠠᠨᠪᠤᠤ ᠡᠷᠬᠢᠯᠡᠭᠴᠢ ᠲᠠᠢ ᠬᠠᠮᠲᠤ ᠪᠢᠳᠠ ᠬᠦᠬᠡᠬᠤᠲᠠ ᠶᠢ ᠴᠢᠭᠯᠡᠪᠡ᠃ ᠡᠨᠡ ᠤᠳᠠᠭᠠ ᠪᠢᠳᠠ ᠨᠢᠭᠡᠨᠲᠡ ᠵᠢᠩᠬᠢᠨᠢ ᠪᠠᠷ ᠠᠵᠢᠯ ᠳᠤ ᠪᠠᠨ | ᠤᠷᠤᠭᠰᠠᠨ ᠢᠶᠠᠨ ᠮᠡᠳᠡᠭᠳᠡᠵᠦ᠂ ᠪᠤᠳᠠᠲᠠᠢ ᠬᠢᠭᠰᠡᠨ ᠵᠦᠢᠯ ᠢᠶᠠᠨ ᠦᠵᠡᠬᠦᠯᠦᠨ ᠶᠠᠷᠢᠯᠴᠠᠵᠤ ᠪᠠᠶᠢᠭᠠᠳ ︽ᠮᠤᠩᠭᠤᠯ ᠦᠭᠡ ᠶᠢᠨ ᠪᠦᠷᠢᠨ ᠲᠤᠯᠢ︾ ᠭᠡᠬᠦ ᠭᠠᠷᠴᠠᠭ | ᠲᠤᠭᠲᠠᠭᠠᠬᠤ ᠶᠢᠨ ᠳᠠᠭᠠᠤ ᠲᠤᠯᠢ ᠪᠢᠴᠢᠭ ᠨᠠᠶᠢᠷᠠᠭᠤᠯᠬᠤ ᠠᠵᠢᠯ ᠤᠨ ᠲᠤᠬᠠᠢ ᠪᠠᠰᠠ ᠨᠢᠭᠡ ᠨᠡᠭᠡᠭᠡᠯᠲᠡ ᠶᠢᠨ ᠶᠤᠰᠤᠯᠠᠯ ᠬᠢᠬᠦ ᠪᠠᠷ ᠵᠦᠪᠳᠡᠵᠦ᠂ 3 ᠰᠠᠷᠠ ᠶᠢᠨ 9 ᠳᠤ | ᠨᠡᠭᠡᠭᠡᠯᠲᠡ ᠶᠢᠨ ᠶᠤᠰᠤᠯᠠᠯ ᠢᠶᠠᠨ ᠤᠲᠤᠭ ᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨ ᠳᠤ ᠪᠠᠨ ᠬᠢᠬᠦ ᠪᠠᠷ ᠪᠤᠯᠵᠤᠪᠠ᠃ | — ᠤᠳᠤ ᠬᠤᠶᠠᠭᠤᠯᠠ ᠨᠢᠭᠡ ᠭᠠᠵᠠᠷ ᠤᠴᠢᠶᠠ︕ ᠴᠢᠮᠠᠳᠤ ᠬᠡᠯᠡᠵᠦ ᠪᠠᠶᠢᠭᠰᠠᠨ ᠨᠢᠳᠤᠨ ᠰᠢᠯ ᠲᠠᠭᠠᠷᠠᠭᠤᠯᠳᠠᠭ ᠭᠠᠵᠠᠷ ᠤᠴᠢᠶᠠ︕ ᠮᠢᠨᠤ ᠨᠢᠳᠦ | ᠤᠳᠤ ᠶᠠᠭ ᠤᠯᠢᠭ ᠲᠠᠢ ᠦᠵᠡᠵᠦ ᠳᠡᠶᠢᠯᠬᠦ ᠦᠭᠡᠢ ᠪᠤᠯᠴᠢᠬᠠᠯᠠ᠃ ᠨᠢᠳᠤᠨ ᠰᠢᠯ ᠵᠡᠭᠦᠵᠦ ᠪᠠᠶᠢᠯᠠ ᠭᠡᠳ ᠵᠠᠷᠢᠮ ᠳᠤ ᠪᠠᠨ ᠶᠠᠭᠤ ᠶᠠ ᠤᠯᠵᠤ ᠦᠵᠡᠬᠦ ᠦᠭᠡᠢ︕ | ᠲᠡᠨᠲᠡ ᠨᠢᠭᠡ ᠰᠠᠶᠢᠨ ᠰᠢᠯ ᠪᠠᠶᠢᠨᠠ ᠭᠡᠰᠡᠨ᠂ ᠲᠧᠯᠸᠢᠰ ᠳᠡᠭᠡᠷᠡ ᠵᠢᠶᠠᠩ ᠳ᠋ᠠ ᠸᠧᠢ ᠶᠢᠨ ᠵᠠᠷᠯᠠᠭᠰᠠᠨ ᠰᠢᠯ ᠰᠢᠤ︕ | — ᠦ︕ ᠲᠡᠷᠡ ᠭᠠᠵᠠᠷ ᠢ ᠪᠢ ᠮᠡᠳᠡᠨᠡ᠂ ᠶᠠᠭ ᠪᠠᠭᠰᠢ ᠶᠢᠨ ᠬᠡᠯᠡᠵᠦ ᠪᠠᠶᠢᠬᠤ ᠳᠡᠯᠭᠡᠬᠦᠷ ᠢ ᠪᠤᠯ ᠮᠡᠳᠡᠬᠦ ᠦᠭᠡᠢ᠃ ᠤᠴᠢᠪᠠᠯ ᠪᠠᠷᠤᠭ ᠤᠬᠠᠭᠠᠨ | ᠪᠠᠶᠢᠬᠤ︕ ᠭᠡᠳ ᠬᠦᠳᠡᠯᠦᠯᠡ᠃ | ᠤᠴᠢᠭᠰᠠᠨ ᠴᠢᠨᠢ ᠳᠡᠯᠭᠡᠬᠦᠷ ᠤᠨ ᠬᠦᠮᠦᠨ ᠨᠢ ᠮᠦᠷᠭᠦᠭᠰᠡᠨ ᠲᠤᠬᠢᠭᠰᠠᠨ ᠲᠠᠢ ᠶᠡᠭᠡ ᠬᠠᠯᠠᠭᠤᠮᠰᠤᠭ︕ ᠨᠠᠰᠤᠲᠠᠢ ᠨᠠᠰᠤ ᠦᠭᠡᠢ ᠪᠢᠳᠠ ᠬᠤᠶᠠᠷ ᠢ ᠨᠢᠭᠡᠨ | ᠵᠡᠷᠭᠡ ᠬᠦᠨᠳᠦᠯᠡᠵᠦ ᠠᠪᠤᠭᠠᠳ ᠪᠠᠭᠰᠢ ᠶᠢᠨ ᠨᠢᠳᠦ ᠶᠢ ᠰᠢᠯᠭᠠᠯᠠ︕ ᠰᠢᠯᠭᠠᠭᠰᠠᠨ ᠳ᠋ᠦᠩ ᠢᠶᠠᠨ ᠦᠨᠳᠦᠰᠦᠯᠡᠭᠡᠳ ᠰᠢᠯ ᠢᠶᠠᠨ ᠳᠠᠨᠢᠯᠴᠠᠭᠤᠯᠬᠤ ᠳᠤ ᠳᠦᠷᠪᠠᠨ | ᠮᠢᠩᠭᠠᠨ ᠲᠦᠭᠦᠷᠢᠭ ᠠᠴᠠ ᠬᠤᠶᠠᠷ ᠲᠦᠮᠡᠨ ᠲᠠᠪᠤᠨ ᠮᠢᠩᠭᠠᠨ ᠲᠦᠭᠦᠷᠢᠭ ᠬᠦᠷᠲᠡᠯᠡ ᠬᠡᠳᠤᠨ ᠳᠡᠰ ᠤᠨ ᠬᠢ ᠪᠠᠶᠢᠯᠠ᠃ | — ᠴᠢ ᠦᠵᠡᠪᠡᠯ ᠬᠡᠳᠦᠢ ᠵᠤᠭᠤᠰᠤᠨ ᠤ ᠰᠢᠯ ᠢ ᠠᠪᠤᠪᠠᠯ ᠵᠤᠬᠢᠬᠤ ᠶᠤᠮ ᠪᠠᠶᠢᠨᠠ︖ | — ᠮᠢᠨᠤ ᠦᠵᠡᠬᠦ ᠪᠠᠷ ᠵᠢᠷᠭᠤᠭᠠᠨ ᠮᠢᠩᠭᠠᠨ ᠤ ᠲᠡᠷᠡ ᠰᠢᠯ ᠢ ᠠᠪᠤᠪᠠᠯ ᠪᠤᠯᠴᠢᠬᠠᠨᠠ᠂ ᠲᠡᠷᠡ ᠶᠠ ᠶᠡᠭᠡ ᠦᠨᠡ ᠲᠠᠢ ᠪᠠᠶᠢᠨᠠ ᠰᠢᠤ ᠭᠡᠬᠦ ᠳᠤ | ᠦᠢᠯᠡᠴᠢᠯᠡᠭᠴᠢ᠄ | — ᠦᠨᠡ ᠦᠭᠡᠢ ᠰᠢᠤ︕ ᠮᠠᠨ ᠤ ᠬᠠᠮᠤᠭ ᠰᠠᠶᠢᠨ ᠰᠢᠯ ᠬᠤᠶᠠᠷ ᠲᠦᠮᠡᠨ ᠲᠠᠪᠤᠨ ᠮᠢᠩᠭᠠᠨ ᠤ ᠬᠢ ᠴᠤ ᠪᠠᠶᠢᠨᠠ ᠰᠢᠤ︕ ᠳᠡᠰ ᠦᠰᠬᠦ | ᠲᠤᠰᠤᠮ ᠦᠢᠯᠡᠳᠦᠯ ᠨᠢ ᠨᠡᠩ ᠰᠠᠶᠢᠨ᠂ ᠨᠢᠳᠤ ᠶᠢ ᠴᠢᠨᠢ ᠪᠠᠰᠠ ᠬᠠᠮᠠᠭᠠᠯᠠᠴᠢᠬᠠᠨᠠ︕ ᠬᠡᠵᠤ ᠲᠤᠬᠢᠷᠠᠭᠤᠯᠤᠭᠰᠠᠨ ᠰᠢᠯ ᠢᠶᠠᠨ ᠠᠪᠴᠢᠷᠠᠵᠤ ᠵᠡᠭᠦᠯᠭᠡᠯᠡ᠃ | — ᠨᠠᠳᠠ ᠳᠤ ᠤᠳᠤ ᠨᠢᠳᠤ ᠬᠠᠮᠠᠭᠠᠯᠠᠬᠤ ᠨᠢ ᠴᠢᠬᠤᠯᠠ ᠪᠢᠰᠢ︕ ᠰᠠᠶᠢᠨ ᠤᠯᠵᠤ ᠦᠵᠡᠬᠦ ᠨᠢ ᠴᠢᠬᠤᠯᠠ ᠰᠢᠤ︕ ᠶᠠᠮᠠᠷ ᠡᠶᠢᠮᠦ ᠤᠬᠠᠭᠠᠨ ᠢ ᠨᠢ | ᠤᠯᠳᠠᠭ ᠦᠭᠡᠢ ᠬᠦᠮᠦᠨ ᠪᠤᠢ ᠠ︕ | — ᠨᠢᠳᠦ ᠪᠠᠨ ᠬᠠᠮᠠᠭᠠᠯᠠᠬᠤ ᠦᠭᠡᠢ ᠪᠤᠯᠬᠤ ᠦᠭᠡᠢ ᠰᠢᠤ︕ ᠡᠨᠡ ᠰᠢᠯ ᠨᠢᠳᠦ ᠬᠠᠮᠠᠭᠠᠯᠠᠬᠤ ᠨᠢ ᠲᠦᠮᠡ ᠨᠠᠢᠮᠠᠨ ᠮᠢᠩᠭᠠᠨ ᠤ ᠬᠢ ᠳᠤ ᠬᠦᠷᠬᠦ ᠦᠭᠡᠢ | ᠰᠢᠤ︕ | — ᠲᠡᠷᠡ ᠲᠦᠮᠡ ᠨᠠᠢᠮᠠᠨ ᠮᠢᠩᠭᠠᠨ ᠤ ᠰᠢᠯ ᠢᠶᠠᠷ ᠤᠯᠵᠤ ᠦᠵᠡᠬᠦ ᠨᠢ ᠡᠭᠦᠨ ᠠᠴᠠ ᠲᠤᠳᠤ ᠦᠦ︖ | — ᠲᠤᠳᠤ ᠡ︕ ᠲᠡᠷᠡ ᠮᠦᠷᠳᠡᠭᠡᠨ ᠡᠭᠦᠨ ᠠᠴᠠ ᠴᠢᠨᠠᠷ ᠨᠢ ᠴᠤ ᠰᠠᠶᠢᠨ᠂ ᠲᠡᠷᠡ ᠬᠠᠮᠤᠭ ᠦᠨᠡ ᠲᠠᠢ ᠬᠤᠶᠠᠷ ᠲᠦᠮᠡᠨ ᠲᠠᠪᠤᠨ ᠮᠢᠩᠭᠠᠨ ᠤ ᠰᠢᠯ ᠢ | ᠲᠠᠭᠠᠷᠠᠭᠤᠯᠪᠠᠯ ᠬᠤᠶᠢᠰᠢᠳᠠ ᠶᠠᠮᠠᠷ ᠪᠤᠯᠤᠶᠠ ᠬᠠᠮᠢᠶᠠ ᠦᠭᠡᠢ᠂ ᠮᠠᠨ ᠤ ᠳᠡᠯᠭᠡᠭᠦᠷ ᠠᠴᠠ ᠰᠢᠯ ᠢ ᠴᠢᠨᠢ ᠦᠨᠡ ᠲᠦᠯᠦᠪᠦᠷᠢ ᠦᠭᠡᠢ ᠪᠠᠷ ᠲᠠᠭᠠᠷᠠᠭᠤᠯᠬᠤ ᠦᠭᠭᠦᠨᠡ᠃ | — ᠬᠤᠷᠸᠠ ᠡ︕ ᠲᠡᠷᠡ ᠬᠠᠮᠤᠭ ᠦᠨᠡᠲᠡᠢ ᠨᠢ ᠰᠠᠶᠢᠨ ᠭᠡᠵᠦ ᠬᠡᠯᠡᠵᠦ ᠪᠠᠶᠢᠬᠤ ᠳᠤ ᠲᠡᠭᠦᠨ ᠢ ᠠᠪᠤᠪᠠᠯ ᠳᠡᠬᠡᠷᠡ ᠪᠢᠰᠢ ᠤᠤ︖ | — ᠪᠠᠭᠰᠢ ᠶᠢᠨ ᠨᠢᠳᠦᠨ ᠬᠠᠷᠠᠯᠭᠠᠨ ᠤ ᠤᠴᠢᠷ ᠢ ᠰᠢᠢᠳᠪᠦᠷᠢᠯᠡᠬᠦ ᠨᠢ ᠵᠢᠷᠭᠤᠭᠠᠨ ᠮᠢᠩᠭᠠᠨ ᠤ ᠲᠡᠷᠡ ᠰᠢᠯ ᠪᠤᠯ ᠬᠦᠷᠴᠢᠭᠡᠨᠡ︕ ᠲᠡᠶᠢᠮᠦ ᠦᠨᠡᠲᠠᠢ | ᠰᠢᠯ ᠠᠪᠤᠭᠠᠳ ᠰᠤᠨᠢᠨ ᠬᠡᠷᠡᠭ ᠲᠤ ᠬᠦᠷᠬᠦ ᠦᠭᠡᠢ ᠪᠤᠯ ᠬᠠᠶᠢᠷᠠᠨ ᠪᠢᠰᠢ ᠦᠦ︖ | — ᠮᠡᠬᠡᠯᠡᠭᠳᠡᠬᠦ ᠶᠠ ᠤᠳᠤ ᠬᠡᠳᠦ᠋ᠢᠬᠡᠨ ᠮᠡᠬᠡᠯᠡᠭᠳᠡᠬᠦ ᠳ᠋ᠤᠤ︕ ᠲᠡᠷᠡ ᠬᠠᠮᠤᠭ ᠦᠨᠡᠲᠡᠢ ᠠᠴᠠ ᠨᠢ ᠠᠪᠤᠶᠠ ᠭᠡᠳ ᠵᠤᠭᠤᠰ ᠢᠶᠠᠨ ᠭᠠᠷᠭᠠᠯᠠ᠃ | ᠡᠨᠡ ᠰᠦᠨᠢ ᠬᠦᠬᠡᠬᠤᠲᠠ ᠳᠤ ᠬᠤᠨᠤᠭᠯᠠᠬᠤ ᠪᠠᠷ ᠪᠤᠯᠪᠠ᠃ ᠭᠠᠳᠠᠭᠰᠢ ᠭᠠᠷᠤᠭᠰᠠᠨ ᠬᠦᠮᠦᠨ ᠵᠠᠮ ᠳᠤ ᠪᠠᠨ ᠬᠤᠨᠤᠭ ᠲᠠᠯᠪᠢᠬᠤ ᠨᠢ ᠡᠩ ᠤᠨ ᠶᠠᠪᠤᠳᠠᠯ᠂ | ᠭᠠᠶᠢᠬᠠᠮᠠᠷ ᠤᠴᠢᠷ ᠦᠭᠡᠢ᠃ ᠭᠡᠲᠡᠯᠡ ᠨᠢᠭᠡ ᠨᠠᠰᠤᠨ ᠳᠤ ᠪᠠᠨ ᠲᠠᠯᠠ ᠦᠩᠭᠡ ᠲᠠᠢ ᠶᠠᠪᠤᠭᠰᠠᠨ ᠪᠠᠭᠰᠢ ᠮᠢᠨᠢ ︽ᠮᠤᠩᠭᠤᠯ ᠦᠭᠡ ᠶᠢᠨ ᠪᠦᠷᠢᠨ ᠲᠤᠯᠢ︾ ᠶᠢ | ᠰᠡᠲᠦᠵᠦ ᠨᠠᠶᠢᠷᠠᠭᠤᠯᠬᠤ ᠠᠴᠠ ᠡᠬᠢᠯᠡᠨ ᠵᠠᠷᠤᠳᠠᠯ ᠮᠦᠩᠬᠦ ᠪᠠᠨ ᠶᠡᠭᠡ ᠪᠠᠷ ᠠᠷᠪᠢᠯᠠᠵᠤ᠂ ᠲᠤᠯᠢ ᠪᠢᠴᠢᠭ ᠨᠠᠶᠢᠷᠠᠭᠤᠯᠬᠤ ᠳᠤ ᠮᠦᠩᠬᠦ ᠵᠤᠭᠤᠰ ᠶᠡᠭᠡ ᠬᠡᠷᠡᠭᠲᠡᠢ ᠬᠡᠮᠡᠨ | ᠨᠦᠭᠡᠴᠡᠯᠡᠳᠡᠭ ᠪᠤᠯᠤᠭᠰᠠᠨ ᠨᠢ ᠶᠤᠮ᠃ ᠭᠠᠳᠠᠭᠰᠢ ᠲᠤᠲᠤᠭᠰᠢ ᠶᠠᠪᠤᠬᠤ ᠳᠤ ᠰᠦᠢᠳᠬᠡᠯ ᠦᠭᠡᠢ ᠵᠠᠮ ᠢ ᠬᠠᠶᠢᠵᠤ᠂ ᠬᠤᠨᠤᠵᠤ ᠰᠠᠭᠤᠬᠤ ᠳᠤ ᠪᠠᠨ ᠴᠤ ᠬᠠᠮᠤᠭ | ᠬᠦᠩᠬᠡᠨ ᠠᠴᠠ ᠨᠢ ᠰᠤᠩᠭᠤᠨ᠂ ᠢᠳᠡᠵᠤ ᠤᠤᠭᠤᠬᠤ ᠪᠠᠨ ᠴᠤ ᠬᠡᠮᠨᠡᠵᠤ᠂ ᠠᠷᠪᠢᠯᠠᠵᠤ ᠪᠤᠯᠬᠤ ᠵᠦᠢᠯ ᠳᠤ ᠴᠦᠮ ᠭᠠᠷ ᠳᠠᠳᠠᠳᠠᠭ ᠪᠤᠯᠤᠯᠠ᠃ ᠭᠠᠩᠰᠦ᠋ᠬᠡ | ᠪᠠᠭᠰᠢ ᠲᠠᠢ ᠬᠠᠮᠲᠤ ᠬᠤᠨᠤᠭᠯᠠᠵᠤ ᠪᠢ ᠨᠠᠶᠢᠵᠠ ᠶᠢᠨ ᠳᠤ ᠪᠠᠨ ᠬᠤᠨᠤᠭ ᠲᠠᠯᠪᠢᠬᠤ ᠪᠠᠷ ᠲᠤᠬᠢᠷᠠᠵᠠᠢ᠃ ᠦᠳᠡᠰᠢ ᠨᠢ ᠦᠶᠡ ᠬᠤᠷᠠᠭ ᠤᠨ ᠬᠡᠳᠤᠨ ᠨᠠᠶᠢᠵᠠ ᠲᠠᠢ ᠪᠠᠨ | ᠬᠠᠮᠲᠤ ᠶᠠᠷᠢᠯᠴᠠᠵᠤ ᠪᠠᠶᠢᠬᠤ ᠳᠤ ᠨᠢᠭᠡ ᠨᠢ᠄ | — ᠴᠢ ᠲᠡᠶᠢᠮᠦ ᠨᠠᠰᠤ ᠪᠤᠯᠤᠭᠰᠠᠨ ᠬᠦᠮᠦᠨ ᠢ ᠳᠠᠭᠠᠵᠤ ᠭᠠᠳᠠᠭᠰᠢ ᠲᠤᠲᠤᠭᠰᠢ ᠶᠠᠪᠤᠭᠠᠳ ᠠᠶᠤᠬᠤ ᠦᠭᠡᠢ ᠪᠠᠶᠢᠨᠠ ᠦᠦ︖ ᠳᠠᠬᠢᠪᠠᠯ ᠴᠢ ᠦᠭᠡᠷᠡ | ᠶᠠᠭᠤ ᠶᠢ ᠬᠢᠵᠦ ᠪᠤᠯᠬᠤ ᠦᠭᠡᠢ ᠪᠤᠢ︖ ᠵᠠᠪᠠᠯ ᠴᠡᠶᠢᠮᠤ ᠨᠠᠰᠤᠲᠠᠢ ᠬᠦᠮᠦᠨ ᠢ ᠳᠠᠭᠠᠵᠤ ᠠᠵᠢᠯ ᠬᠢᠳᠡᠭ ᠨᠢ︖ | — ᠪᠠᠭᠰᠢ ᠮᠢᠨᠢ ᠮᠤᠩᠭᠤᠯ ᠰᠤᠶᠤᠯ ᠤᠨ ᠲᠦᠯᠦᠭᠡ ᠨᠠᠰᠤ ᠪᠠᠷ ᠢᠶᠠᠨ ᠵᠢᠤᠨᠬᠦᠵᠤ᠂ ᠰᠤᠶᠤᠯ ᠢᠶᠠᠨ ᠬᠡᠵᠤ ᠪᠠᠶᠢᠭᠠ ᠬᠡᠨ ᠨᠢᠭᠡᠨ ᠢ ᠨᠢᠭᠡᠨ ᠠᠳᠠᠯᠢᠬᠠᠨ | ᠬᠦᠨᠳᠦᠳᠭᠡᠳᠡᠭ᠃ ᠲᠡᠷᠡ ᠮᠦᠷᠳᠡᠭᠡᠨ ᠤᠳᠤ ᠲᠡᠯᠡᠬᠡᠢ ᠳᠤ ᠦᠭᠡᠢ ︽ᠮᠤᠩᠭᠤᠯ ᠦᠭᠡ ᠶᠢᠨ ᠪᠦᠷᠢᠨ ᠲᠤᠯᠢ︾ ᠶᠢ ᠨᠠᠶᠢᠷᠠᠭᠤᠯᠵᠤ ᠪᠠᠶᠢᠨᠠ︕ ᠦᠭᠡᠷᠡ ᠡᠭᠦᠨ ᠢ | ᠡᠬᠢᠯᠡᠭᠦᠯᠵᠦ ᠬᠢᠬᠦ ᠵᠤᠷᠢᠭ ᠲᠠᠢ᠂ ᠳᠤᠷᠰᠢᠯᠭᠠ ᠲᠠᠢ ᠬᠦᠮᠤᠨ ᠬᠡᠨ ᠪᠠᠶᠢᠨᠠ ᠤᠤ︖ ᠡᠶᠢᠮᠦ ᠴᠢᠳᠠᠯᠲᠠᠢ ᠬᠦᠮᠦᠨ ᠢ ᠳᠠᠭᠠᠵᠤ᠂ ᠰᠤᠷᠴᠤ ᠬᠢᠵᠤ ᠶᠠᠪᠤᠨᠠ ᠬᠡᠭᠴᠢ | ᠴᠠᠭᠯᠠᠰᠢ ᠦᠬᠡᠢ ᠵᠠᠪᠰᠢᠶᠠᠨ᠂ ᠶᠠᠭᠤ ᠬᠡᠵᠤ ᠵᠠᠶᠢᠯᠠᠬᠤ ᠪᠢᠯᠡ︖ | — ᠡᠶᠢᠮᠦ ᠰᠠᠶᠢᠬᠠᠨ ᠶᠠᠭᠤᠮᠠ ᠬᠢᠵᠦ ᠪᠠᠶᠢᠬᠤ ᠶᠤᠮ ᠦᠦ︖ ᠪᠢ ᠴᠢᠨᠢ ᠴᠢᠮᠠ ᠶᠢ ᠵᠦᠬᠡᠷ ᠠᠰᠠᠷᠠᠵᠤ ᠶᠠᠪᠤᠵᠤ ᠪᠠᠶᠢᠨᠠ ᠭᠡᠵᠦ ᠪᠤᠳᠤᠯᠠ ᠰᠢᠤ︕ | ᠡᠪ ᠦᠭᠡᠢ ᠪᠤᠯᠤᠯᠠ︕ | — ᠳᠠᠷᠠ ᠬᠠᠮᠢᠶᠠ ᠦᠭᠡᠢ᠂ ᠤᠳᠠᠯ ᠦᠭᠡᠢ ︽ᠮᠤᠩᠭᠤᠯ ᠦᠭᠡ ᠶᠢᠨ ᠪᠦᠷᠢᠨ ᠲᠤᠯᠢ︾ ᠶᠢ ᠨᠠᠶᠢᠷᠠᠭᠤᠯᠬᠤ ᠨᠡᠭᠡᠭᠡᠯᠲᠡ ᠶᠢᠨ ᠶᠤᠰᠤᠯᠠᠯ ᠢ ᠬᠢᠬᠦ | ᠪᠤᠯᠤᠨᠠ᠂ ᠳᠡᠬᠡᠬᠦ ᠳᠤ ᠨᠠᠶᠢᠬᠡᠮ ᠳᠠᠶᠠᠭᠠᠷ ᠲᠤ ᠮᠡᠳᠡᠷᠡᠭᠳᠡᠬᠦ ᠶᠤᠮ ᠡ︕ | ᠳᠤᠯᠢ ᠪᠢᠴᠢᠭ ᠨᠠᠶᠢᠷᠠᠭᠤᠯᠵᠤ ᠪᠢᠴᠢᠬᠦ ᠨᠡᠭᠡᠭᠡᠯᠲᠡ ᠶᠢᠨ ᠶᠤᠰᠤᠯᠠᠯ ᠢ ᠤᠲᠤᠭ ᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨ ᠤ ᠨᠢᠭᠡᠳᠦᠮᠡᠯ ᠹᠷᠤᠨᠲ ᠤᠨ ᠬᠡᠯᠲᠡᠰ ᠤᠨ | ᠳᠠᠷᠤᠭᠠ ᠲᠤᠳᠢ ᠡᠷᠬᠢᠯᠡᠵᠦ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠦᠨᠳᠦᠰᠦᠲᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ ᠤᠨ ᠳᠡᠳ᠋ ᠡᠷᠬᠢᠯᠡᠭᠴᠢ ᠰᠠᠴᠤᠷᠠᠯᠲᠤ᠂ ᠦᠪᠦᠷ ᠮᠤᠩᠭᠤᠯ ᠤᠨ | ᠬᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠤ ᠳᠠᠷᠤᠭᠠ ᠵᠢᠷᠤᠮᠲᠤ᠂ ︽ᠮᠤᠩᠭᠤᠯ ᠬᠡᠯᠡ ᠪᠢᠴᠢᠭ︾ ᠰᠡᠳᠬᠦᠯ ᠤᠨ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ ᠯᠤᠪᠰᠠᠩᠳᠤᠩᠷᠤᠪ᠂ ᠲᠤᠯᠢ ᠪᠢᠴᠢᠭ | ᠨᠠᠶᠢᠷᠠᠭᠤᠯᠬᠤ ᠬᠡᠯᠲᠡᠰ ᠤᠨ ᠡᠷᠬᠢᠯᠡᠭᠴᠢ ᠸᠠᠩ ᠱᠤ᠋ ᠴᠢᠨ᠂ ᠬᠤᠳᠠ ᠶᠢᠨ ᠦᠨᠳᠤᠰᠤᠳᠠᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ ᠤᠨ ᠳᠡᠳ᠋ ᠡᠷᠬᠢᠯᠡᠭᠴᠢ ᠮᠦᠩᠬᠡᠴᠡᠴᠡᠭ ᠵᠡᠷᠭᠡ | ᠬᠠᠮᠢᠶᠠ ᠪᠦᠬᠦᠢ ᠤᠳᠤᠷᠢᠳᠤᠯᠭᠠ᠂ ᠡᠷᠳᠡᠮᠲᠡᠨ ᠪᠠᠭᠰᠢ ᠨᠠᠷ ᠮᠤᠷᠢᠯᠠᠨ ᠰᠠᠭᠠᠲᠠᠵᠤ ᠡᠷᠬᠢᠮ ᠨᠠᠨᠳᠢᠨ ᠰᠠᠨᠠᠯ ᠵᠦᠪᠯᠡᠯᠬᠡ ᠪᠠᠨ ᠳᠤᠷᠠᠤᠨᠴᠠᠢ᠃ ᠢᠩᠬᠢᠵᠤ ᠮᠠᠨ ᠤ ᠲᠤᠯᠢ | ᠪᠢᠴᠢᠭ ᠨᠠᠶᠢᠷᠠᠭᠤᠯᠬᠤ ᠠᠵᠢᠯ ᠵᠢᠩᠬᠢᠨᠢ ᠪᠠᠷ ᠡᠭᠦᠳᠡ ᠪᠠᠨ ᠨᠡᠭᠡᠭᠡᠵᠦ ᠡᠷᠦᠭᠡ ᠪᠠᠨ ᠰᠡᠭᠦᠭᠰᠡᠨ ᠶᠤᠮ᠃ ᠪᠠᠭᠰᠢ ᠠᠴᠠ ᠲᠦᠮᠡᠨ ᠳᠠᠪᠬᠤᠷ ᠠᠰᠠᠷ ᠪᠠᠶᠢᠪᠠᠴᠤ | ᠰᠠᠭᠤᠷᠢ ᠨᠢ ᠴᠢᠬᠤᠯᠠ ᠰᠢᠤ︕ ᠡᠨᠡ ᠨᠡᠭᠡᠭᠡᠯᠲᠡ ᠶᠢᠨ ᠶᠤᠰᠤᠯᠠᠯ ᠢ ᠬᠢᠭᠰᠡᠨ ᠪᠤᠯᠬᠤᠷ ᠬᠤᠶᠢᠰᠢᠳᠠ ᠶᠢᠨ ᠠᠵᠢᠯ ᠢᠯᠭᠤᠮ ᠤᠷᠤᠭᠰᠢᠲᠠᠢ ᠶᠠᠪᠤᠭᠳᠠᠵᠤ ᠴᠢᠳᠠᠨᠠ | ᠭᠡᠯᠡ︕ | ᠶᠤᠰᠤᠯᠠᠯ ᠤᠨ ᠳᠠᠷᠠᠭᠠ ᠪᠢᠳᠠᠨ ᠴᠤ ᠤᠷᠮᠡ ᠲᠡᠭᠦᠯᠳᠡᠷ ᠠᠵᠢᠯ ᠳᠤ ᠪᠠᠨ ᠤᠷᠤᠵᠤ᠂ ᠤᠲᠤᠭ ᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨ ᠤ ᠤᠷᠴᠢᠭᠤᠯᠭᠠ ᠶᠢᠨ | ᠲᠦᠪ ᠤᠨ ᠪᠠᠲᠤᠴᠢᠯᠠᠭᠤ ᠪᠠᠭᠰᠢ ᠶᠢ ᠤᠷᠢᠵᠤ᠂ ᠬᠢᠨᠠᠬᠤ ᠠᠵᠢᠯ ᠢ ᠲᠤᠬᠢᠷᠠᠭᠠᠬᠤ ᠶᠢᠨ ᠬᠠᠮᠲᠤ ᠨᠡᠶᠢᠭᠡᠮ ᠠᠴᠠ ᠰᠢᠯᠢᠳᠡᠭ ᠵᠠᠯᠠᠭᠤᠴᠤᠳ ᠢ ᠡᠯᠰᠡᠵᠤ᠂ ᠤᠲᠤᠭ ᠤᠨ | ᠡᠮᠦᠨᠡᠲᠤ ᠬᠤᠰᠢᠭᠤᠨ ᠤ ᠬᠠᠮᠢᠶᠠ ᠪᠦᠬᠦᠢ ᠤᠳᠤᠷᠢᠳᠤᠯᠭᠠ ᠶᠢᠨ ᠳᠡᠮᠵᠢᠯᠭᠡ ᠪᠠᠷ ᠠᠯᠪᠠᠯᠠᠬᠤ ᠺᠤᠮᠫᠢᠦ᠋ᠲ᠋ᠧᠷ᠂ ᠴᠠᠯᠢᠩ ᠮᠦᠩᠬᠦᠨ ᠤ ᠠᠰᠠᠭᠤᠳᠠᠯ ᠢ ᠴᠤ ᠰᠢᠢᠳᠪᠦᠷᠢᠯᠡᠨ | ᠳᠡᠮᠵᠢᠭᠰᠡᠨ ᠶᠤᠮ᠃ ᠡᠭᠦᠨ ᠤ ᠳᠠᠭᠠᠤ ᠮᠤᠩᠭᠤᠯ ᠰᠤᠹᠲ ᠮᠡᠷᠭᠡᠵᠢᠯ ᠢᠶᠠᠷ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠵᠠᠩᠬᠢ ᠮᠡᠷᠭᠡᠵᠢᠯ ᠤᠨ ᠭᠠᠷᠮᠠᠭᠠᠢ ᠴᠢᠳᠠᠪᠤᠷᠢᠲᠠᠨ ᠤᠷᠬᠤᠨ | ᠺᠤᠮᠫᠠᠨᠢ ᠶᠢᠨ ᠤᠷᠬᠢᠯ ᠵᠠᠬᠢᠷᠤᠯ᠂ ᠠᠴᠢᠲᠠᠢ ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ ᠤᠨ ᠺᠤᠮᠫᠠᠨᠢ ᠶᠢᠨ ᠪᠠᠶ᠋ᠬᠠᠭᠤᠯᠠ ᠵᠠᠬᠢᠷᠤᠯ ᠵᠡᠷᠭᠡ ᠬᠦᠮᠦᠰ ᠤᠨ ᠬᠠᠯᠠᠭᠤᠨ ᠳᠡᠮᠵᠢᠯᠬᠡ ᠶᠢ | ᠤᠯᠤᠭᠰᠠᠨ ᠶᠤᠮ᠃ 2019 ᠤᠨ ᠤ ᠵᠢᠯ ᠤᠨ ᠡᠴᠦᠰ ᠪᠤᠯᠬᠤ ᠳᠤ ᠪᠢᠳᠠ ᠰᠠᠭᠤᠷᠢ ᠠᠵᠢᠯ ᠢᠶᠠᠨ ᠦᠨᠳᠦᠰᠦᠨ ᠳᠤ ᠪᠠᠨ ᠳᠠᠭᠤᠰᠬᠠᠵᠤ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠪᠠᠭᠰᠢ | ᠲᠤᠬᠢᠶᠠᠯ ᠲᠠᠭᠠᠷᠠᠪᠠᠯ ᠬᠦᠬᠡᠬᠤᠲᠠ ᠳᠤ ᠤᠴᠢᠵᠤ ᠪᠠᠶᠢᠳᠠᠯ ᠢᠶᠠᠨ ᠬᠠᠷᠢᠭᠤ ᠮᠡᠳᠡᠭᠦᠯᠦᠨ ᠠᠵᠢᠯ ᠤᠨ ᠠᠮᠵᠢᠯᠲᠠ ᠪᠠᠨ ᠦᠵᠡᠭᠦᠯᠦᠨᠡ ᠭᠡᠵᠦ ᠲᠦᠯᠦᠪᠯᠡᠵᠦ ᠪᠠᠶᠢᠭᠰᠠᠨ | ᠶᠤᠮ᠃ ᠰᠠᠶᠢᠨ ᠶᠠᠪᠤᠳᠠᠯ ᠤᠨ ᠴᠠᠭ ᠬᠦᠭ ᠲᠠᠭᠠᠷᠠᠬᠤ ᠶᠢᠨ ᠰᠠᠶᠢᠬᠠᠨ ᠢ ᠦᠬᠦᠯᠡᠬᠦ ᠶᠠᠭᠤᠨ ᠪᠠᠶᠢᠬᠤ ᠳ᠋ᠠ︕ ᠶᠠᠭ ᠰᠠᠶᠢᠬᠠᠨ ᠦᠭᠡᠯᠵᠢᠨ ᠰᠠᠷᠠ ᠶᠢᠨ ᠬᠤᠷᠢᠨ | ᠬᠤᠶᠠᠷ ᠤᠨ ᠥᠷᠯᠦᠭᠡ ︽ᠮᠤᠩᠭᠤᠯ ᠬᠢᠲᠠᠳ ᠬᠠᠷᠢᠴᠠᠭᠤᠯᠤᠭᠰᠠᠨ ᠤᠷᠳᠤᠰ ᠠᠷᠠᠳ ᠤᠨ ᠮᠢᠩᠭᠠᠨ ᠳᠠᠭᠤᠤ︾ ᠶᠢ ᠬᠡᠪᠯᠡᠵᠦ ᠳᠠᠭᠤᠰᠤᠯᠠ ᠭᠡᠰᠡᠨ ᠴᠢᠮᠡᠭᠡ ᠤᠯᠵᠡᠢ᠃ | | 2020 ᠤᠨ ᠤ 1 ᠰᠠᠷᠠ ᠶᠢᠨ 17 ︵ᠰᠢᠷᠠᠭᠴᠢᠨ ᠭᠠᠭ᠋ᠠᠢ ᠵᠢᠯ ᠤᠨ ᠦᠭᠡᠯᠵᠢᠨ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ︶ ᠳᠤ ᠪᠢᠳᠠ ᠭᠤᠷᠪᠠᠭᠤᠯᠠ | ᠬᠦᠬᠡᠬᠤᠲᠠ ᠶᠢ ᠵᠤᠷᠢᠯᠠ᠃ ᠡᠨᠡ ᠰᠢᠨᠡ ᠬᠠᠭᠤᠴᠢᠨ ᠤ ᠵᠠᠭᠠᠭ ᠵᠠᠪᠰᠠᠷ ᠢᠶᠠᠷ ᠭᠠᠳᠠᠭᠰᠢ ᠲᠤᠲᠤᠭᠰᠢ ᠶᠠᠪᠤᠳᠠᠭ ᠶᠠᠮᠠᠷ ᠬᠦᠮᠦᠰ ᠶᠤᠮ ᠭᠡᠵᠦ ᠵᠠᠮ ᠳᠤ ᠲᠠᠭᠠᠷᠠᠭᠰᠠᠨ | ᠤᠯᠠᠨ ᠤ ᠰᠢᠭᠦᠮᠵᠢᠯᠡᠯ᠂ ᠱᠤᠭ ᠪᠤᠯᠵᠤ ᠪᠠᠶᠢᠳᠠᠭ ᠤᠨ ᠤᠴᠢᠷ ᠭᠡᠪᠡᠯ ᠬᠡᠪᠯᠡᠬᠦ ᠦᠢᠯᠡᠳᠪᠦᠷᠢ ᠬᠤᠶᠠᠷ ᠬᠤᠨᠤᠭ ᠠᠴᠠ ᠴᠠᠭᠠᠨ ᠰᠠᠷᠠ ᠶᠢᠨ ᠴᠢᠯᠦᠭᠡ ᠲᠠᠯᠪᠢᠨᠠ᠃ | ᠲᠡᠭᠡᠬᠦᠯᠡᠷ ᠪᠢᠳᠠ ᠡᠨᠡ ᠴᠠᠭ ᠢ ᠠᠮᠵᠢᠬᠤ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠤᠯᠤᠭᠰᠠᠨ ᠶᠤᠮ᠃ ᠴᠠᠭᠠᠨ ᠰᠠᠷᠠ ᠦᠩᠭᠡᠷᠡᠭᠡᠳ ᠠᠪᠤᠨᠡ ᠭᠡᠬᠦᠯᠡᠷ ᠪᠠᠷᠤᠭ ᠰᠠᠷᠠ | ᠰᠢᠬᠠᠮ ᠬᠦᠯᠢᠶᠡᠬᠦ ᠮᠦᠷᠳᠡᠭᠡᠨ ᠬᠢᠵᠢᠭ ᠡᠪᠡᠳᠴᠢᠨ ᠤ ᠲᠤᠬᠠᠢ ᠬᠡᠯᠡᠯᠴᠡᠵᠦ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠭᠡᠨᠡᠳᠲᠡ ᠶᠢᠨ ᠪᠠᠶᠢᠳᠠᠯ ᠭᠠᠷᠴᠤ ᠨᠤᠮ ᠢᠶᠠᠨ ᠠᠪᠬᠤ ᠴᠠᠭ | ᠬᠡᠳᠡᠷᠬᠡᠯᠡᠬᠦ ᠠᠴᠠ ᠪᠤᠯᠭᠤᠮᠵᠢᠯᠠᠵᠤ ᠪᠢᠯᠡ᠃ ᠨᠤᠮ ᠢᠶᠠᠨ ᠲᠠᠲᠠᠵᠤ ᠬᠠᠷᠢᠬᠤ ᠤᠴᠢᠷ ᠢᠶᠠᠨ ᠰᠢᠢᠳᠪᠦᠷᠢᠯᠡᠭᠡᠳ ᠪᠠᠰᠦᠲᠡᠢ ᠬᠠᠰᠪᠢᠯᠢᠭ᠌᠂ ᠸᠠᠩ ᠱᠤ᠋ ᠴᠢᠨ ᠵᠡᠷᠭᠡ ᠪᠠᠭᠰᠢ | ᠨᠠᠷ ᠲᠤ ᠠᠵᠢᠯ ᠤᠨ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠲᠡ ᠪᠠᠨ ᠬᠢᠵᠦ᠂ ︽ᠮᠤᠩᠭᠤᠯ ᠦᠭᠡ ᠶᠢᠨ ᠪᠦᠷᠢᠨ ᠲᠤᠯᠢ︾ ᠨᠠᠶᠢᠷᠠᠭᠤᠯᠬᠤ ᠶᠠᠪᠤᠴᠠ ᠳᠤ ᠳᠤᠯᠭᠠᠷᠠᠵᠤ ᠪᠠᠶᠢᠭᠠ | ᠮᠠᠳᠠᠭ ᠲᠠᠢ ᠵᠦᠢᠯ ᠢᠶᠠᠨ ᠶᠠᠷᠢᠯᠴᠠᠬᠤ ᠶᠢᠨ ᠬᠠᠮᠲᠤ ︽ᠮᠤᠩᠭᠤᠯ ᠵᠦᠪ ᠪᠢᠴᠢᠯᠭᠡ ᠶᠢᠨ ᠲᠤᠯᠢ︾ ︵ᠨᠡᠮᠡᠨ ᠵᠠᠰᠠᠭᠰᠠᠨ ᠳᠡᠪᠲᠡᠷ︶ ᠳᠤ ᠢᠯᠡᠷᠡᠭᠦᠯᠦᠭᠰᠡᠨ | ᠠᠰᠠᠭᠤᠳᠠᠯ ᠢᠶᠠᠨ ᠲᠤᠰᠬᠠᠵᠠᠢ᠃ ᠤᠴᠢᠷ ᠨᠢ ᠤᠳᠠᠯ ᠦᠭᠡᠢ ᠲᠤᠰ ᠲᠤᠯᠢ ᠪᠢᠴᠢᠭ ᠲᠤ ᠵᠠᠰᠠᠪᠤᠷᠢ ᠤᠷᠤᠭᠤᠯᠤᠨ ᠴᠢᠨᠠᠷᠯᠢᠭ ᠬᠡᠪᠯᠡᠬᠦᠯᠬᠦ ᠡᠭᠦᠳᠡᠨ ᠠᠴᠠ ᠬᠠᠷᠢᠯᠴᠠᠨ | ᠨᠢᠭᠡ ᠨᠢᠭᠡᠨ ᠤ ᠪᠠᠨ ᠠᠵᠢᠯ ᠢ ᠳᠡᠮᠵᠢᠵᠦ ᠪᠠᠶᠢᠭᠠ ᠨᠢ ᠡᠨᠡ ᠪᠢᠯᠡ᠃ | ᠰᠢᠯ ᠵᠡᠭᠦᠭᠡᠳ ᠬᠤᠷᠢ ᠬᠤᠨᠤᠭᠰᠠᠨ ᠦᠭᠡᠢ ᠪᠠᠷ ᠰᠠᠶ᠋ᠢᠬᠢ ᠦᠨᠡᠲᠡᠢ ᠰᠢᠯ ᠶᠠᠭ ᠬᠡᠷᠡᠭ ᠦᠭᠡᠢ ᠪᠤᠯᠴᠢᠬᠠᠯᠠ᠃ ᠪᠠᠷᠤᠭ ᠨᠢᠭᠡ ᠮᠡᠭᠡᠯᠡᠭᠳᠡᠴᠢᠭᠡᠯᠡ︕ | ᠬᠦᠬᠡᠬᠤᠲᠠ ᠤᠷᠤᠪᠠᠯ ᠰᠠᠶ᠋ᠢᠬᠢ ᠰᠢᠯ ᠤᠨ ᠳᠡᠯᠭᠡᠬᠦᠷ ᠲᠤ ᠤᠴᠢᠵᠤ ᠲᠠᠬᠢᠵᠤ ᠨᠢᠭᠡ ᠰᠤᠯᠢᠭᠤᠯᠤᠶᠠ ᠭᠡᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠡᠨᠡ ᠤᠳᠠᠭᠠ ᠨᠢᠳᠤᠨ ᠰᠢᠯ ᠤᠨ | ᠳᠡᠯᠭᠡᠭᠦᠷ ᠲᠤ ᠲᠠᠬᠢᠨ ᠤᠴᠢᠯᠠ᠃ | — ᠨᠢᠳᠦ ᠪᠠᠨ ᠬᠡᠷᠡᠭᠯᠡᠵᠤ ᠦᠵᠡᠬᠦ ᠶᠢᠨ ᠲᠦᠯᠦᠭᠡ ᠠᠪᠤᠭᠰᠠᠨ ᠰᠢᠯ ᠶᠠᠮᠠᠷ ᠶᠠ ᠬᠡᠷᠡᠭ ᠦᠭᠡᠢ᠂ ᠪᠢ ᠬᠠᠮᠠᠭᠠᠯᠠᠳᠠᠭ ᠢ ᠨᠢ ᠠᠪᠬᠤ ᠦᠭᠡᠢ᠂ | ᠦᠵᠡᠳᠡᠭ ᠢ ᠨᠢ ᠠᠪᠤᠶᠠ︕ | — ᠪᠢ ᠨᠢᠭᠡ ᠪᠠᠶᠢᠴᠠᠭᠠᠵᠤ ᠦᠵᠡᠶᠡ ᠠ︕ | — ᠲᠠᠨ ᠤ ᠨᠢᠳᠤ ᠨᠢᠭᠡᠨᠲᠡ ᠬᠦᠭᠰᠢᠷᠡᠭᠡᠳ ᠡᠭᠦᠨ ᠠᠴᠠ ᠳᠤᠳᠤ ᠦᠵᠡᠬᠦ ᠪᠤᠯᠤᠮᠵᠢ ᠦᠭᠡᠢ ᠪᠤᠯᠤᠭᠰᠠᠨ᠂ ᠤᠳᠤ ᠶᠢᠨ ᠡᠨᠡ ᠪᠠᠶᠢᠳᠠᠯ ᠢᠶᠠᠷ ᠰᠠᠶᠢᠨ | ᠬᠠᠮᠠᠭᠠᠯᠠᠬᠤ ᠯᠠ ᠴᠢᠬᠤᠯᠠᠲᠠᠢ᠃ ᠦᠭᠡᠢ ᠪᠤᠯ ᠡᠭᠦᠨ ᠤ ᠬᠢᠷᠢ ᠴᠤ ᠦᠵᠡᠵᠦ ᠳᠡᠶᠢᠯᠬᠦ ᠦᠭᠡᠢ ᠪᠤᠯᠴᠢᠬᠠᠪᠠᠯ ᠬᠡᠳᠦᠢ ᠬᠠᠶᠢᠷᠠᠨ ᠪᠤᠢ︖ | — ᠵᠠ᠂ ᠴᠢ ᠦᠵᠡᠭᠦᠢ︕ ᠳᠡᠭᠡᠷᠡ ᠤᠳᠠᠭᠠ ᠴᠢᠨᠤ ᠬᠡᠯᠡᠭᠰᠡᠨ ᠢᠶᠠᠷ ᠬᠦᠩᠭᠡᠨ ᠰᠢᠭ ᠢ ᠨᠢ ᠠᠪᠤᠭᠰᠠᠨ ᠪᠤᠯ ᠲᠠᠭᠠᠷᠠᠬᠤ ᠪᠠᠶᠢᠵᠠᠢ︕ ᠤᠳᠤ ᠶᠠᠪᠤᠶᠠ | ᠭᠡᠳ ᠨᠢᠷᠤᠭᠤ ᠪᠠᠨ ᠡᠭᠦᠷᠴᠦ ᠢᠰᠭᠡᠷᠦᠭᠡᠳ ᠳᠡᠯᠭᠡᠭᠦᠷ ᠠᠴᠠ ᠭᠠᠷᠤᠭᠰᠠᠨ ᠶᠤᠮ᠃ | ᠨᠢᠭᠡ ᠮᠡᠳᠡᠬᠦ ᠳᠤ ᠪᠠᠭᠰᠢ ᠲᠠᠢ ᠬᠠᠮᠲᠤ ᠠᠵᠢᠯ ᠠᠮᠢᠳᠤᠷᠠᠯ ᠢᠶᠠᠨ ᠬᠢᠬᠡᠳ ᠳᠦᠷᠪᠡᠨ ᠵᠢᠯ ᠤᠨ ᠨᠢᠭᠤᠷ ᠢ ᠦᠵᠡᠵᠡᠢ᠃ ᠡᠳᠡᠭᠡᠷ ᠴᠠᠭ ᠮᠦᠴᠡ ᠳᠤ | ᠬᠠᠮᠲᠤ ᠳᠤ ᠪᠠᠨ ᠢᠨᠢᠶᠡᠯᠴᠡᠵᠤ ᠬᠦᠬᠡᠷᠤᠯᠳᠤᠵᠤ᠂ ᠴᠤᠤᠬᠢᠯᠴᠠᠵᠤ ᠶᠤᠷᠬᠢᠯᠴᠠᠵᠤ ᠪᠠᠶᠢᠭᠰᠠᠨ ᠴᠤ ᠬᠢᠨᠡ ᠭᠡᠵᠦ ᠰᠠᠨᠠᠭᠰᠠᠨ ᠵᠦᠢᠯ ᠢᠶᠠᠨ ᠭᠦᠢᠴᠡᠳᠭᠡᠵᠦ ᠰᠡᠳᠬᠢᠯ | ᠬᠠᠩᠭᠠᠯᠤᠭᠤᠨ ᠶᠠᠪᠤᠵᠡᠢ᠃ ᠡᠨᠡ ᠨᠢ ᠪᠠᠭᠰᠢ ᠱᠠᠪᠢ ᠶᠢᠨ ᠬᠤᠭᠤᠷᠤᠨᠳᠤᠬᠢ ᠦᠶᠡ ᠵᠠᠭᠠᠭ ᠤᠨ ᠡᠷᠡᠭᠡ ᠵᠢᠷᠤᠭᠠ ᠶᠢ ᠦᠬᠡᠶᠢᠰᠬᠡᠵᠤ᠂ ᠰᠠᠨᠠᠭᠰᠠᠨ ᠪᠤᠳᠤᠭᠰᠠᠨ ᠢᠶᠠᠨ | ᠰᠢᠭᠤᠳ ᠰᠤᠯᠢᠯᠴᠠᠬᠤ ᠪᠤᠯᠭᠠᠵᠠᠢ᠃ ᠡᠨᠡ ᠦᠶᠡᠰ ᠪᠤᠯᠬᠤ ᠳᠤ ᠬᠢᠨᠡ ᠭᠡᠵᠦ ᠰᠠᠨᠠᠭᠰᠠᠨ ᠵᠦᠢᠯ ᠢᠶᠠᠨ ᠬᠢᠬᠦ ᠳᠤ ᠶᠤᠰᠤᠲᠠᠢ ᠲᠠᠪᠢ ᠶᠢᠨ ᠤᠬᠠᠭᠠ ᠬᠤᠷᠢᠨ ᠲᠠᠪᠤ ᠶᠢᠨ | ᠬᠦᠴᠦ ᠪᠦᠷᠢᠳᠦᠭᠰᠡᠨ ᠡᠩᠨᠡᠭᠡ ᠭᠡᠵᠦ ᠪᠤᠯᠬᠤ ᠶᠤᠮ᠃ ᠪᠠᠭᠰᠢ ᠶᠢᠨ ᠬᠠᠷᠠᠴᠠ᠂ ᠬᠦᠳᠡᠯᠬᠦ ᠠᠬᠤᠢ ᠪᠠᠶᠢᠳᠠᠯ ᠠᠴᠠ ᠨᠢ ᠶᠠᠭᠤ ᠬᠢᠬᠦ᠂ ᠶᠠᠭᠤ ᠰᠠᠨᠠᠵᠤ ᠪᠠᠶᠢᠬᠤ ᠶᠢ ᠨᠢ | ᠭᠠᠳᠠᠷᠯᠠᠬᠤ ᠪᠤᠯᠤᠭᠰᠠᠨ ᠤ ᠳᠡᠭᠡᠷᠡ ᠠᠮᠢᠳᠤᠷᠠᠯ ᠳᠤ ᠪᠠᠨ ᠨᠠᠳᠠ ᠠᠴᠠ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ ᠬᠡᠮᠵᠢᠶᠡᠨ ᠳᠤ ᠬᠦᠷᠴᠡᠢ᠃ | ᠨᠠᠰᠤᠲᠠᠢ ᠪᠤᠯᠤᠭᠰᠠᠨ ᠬᠦᠮᠦᠨ ᠶᠡᠭᠡ ᠭᠠᠭᠴᠠᠭᠠᠷᠳᠠᠳᠠᠭ ᠶᠤᠮ ᠪᠠᠶᠢᠨᠠ᠃ ᠵᠤᠨ ᠤ ᠠᠭᠤᠷ ᠤᠷᠤᠬᠤ ᠦᠶᠡ ᠪᠠᠷ᠂ ᠦᠳᠡ ᠶᠢᠨ ᠬᠤᠶᠢᠨᠠ ᠠᠵᠢᠯ ᠢᠶᠠᠨ | ᠪᠠᠷᠠᠭᠠᠭᠠᠳ ᠨᠤᠮ ᠤᠨ ᠠᠰᠠᠷ ᠠᠴᠠ ᠪᠠᠭᠤᠬᠤ ᠳᠤ ᠪᠠᠭᠰᠢ ᠠᠰᠠᠷ ᠤᠨ ᠭᠠᠳᠠᠨᠠ ᠱᠠᠲᠤᠨ ᠳᠡᠭᠡᠷᠡ ᠰᠡᠭᠦᠳᠡᠷᠯᠡᠵᠦ ᠵᠡᠭᠡᠯᠢ ᠶᠢᠨ ᠵᠤᠷᠴᠢᠬᠴᠢᠳ ᠢ ᠭᠠᠶᠢᠬᠠᠨ ᠰᠠᠭᠤᠵᠤ | ᠪᠠᠶᠢᠪᠠ᠃ ᠬᠠᠵᠠᠭᠤ ᠳᠤ ᠨᠢ ᠢᠷᠡᠵᠦ ᠰᠠᠭᠤᠬᠤᠯᠠᠷ᠄ | — ᠬᠠᠷᠢᠵᠤ ᠪᠤᠳᠠᠭᠠ ᠪᠠᠨ ᠴᠢᠨᠠᠬᠤ ᠦᠭᠡᠢ ᠶᠤᠮ ᠦᠦ︖ ᠴᠢ ᠴᠢᠨᠢ ᠡᠷᠡᠭᠲᠡᠢ ᠭᠡᠷ ᠤᠨ ᠡᠵᠡᠭᠲᠡᠢ ᠭᠡᠳᠡᠭ ᠸᠠ︖ ᠭᠡᠳ ᠰᠢᠩᠬᠡᠨ ᠬᠤᠭᠤᠯᠠᠢ ᠪᠠᠷ | ᠢᠨᠢᠶᠡᠵᠦ ᠪᠠᠶᠢᠯᠠ᠃ | — ᠦᠭᠡᠢ ᠯᠠ᠂ ᠴᠠᠭ ᠡᠷᠲᠡ ᠪᠠᠶᠢᠨᠠ᠂ ᠡ᠊ᠨᠳᠡ ᠪᠠᠭᠰᠢ ᠲᠠᠢ ᠶᠠᠷᠢᠯᠴᠠᠵᠤ ᠰᠠᠭᠤᠭᠠᠳ ᠡᠬᠡᠨᠡᠷ ᠠᠵᠢᠯ ᠠᠴᠠ ᠪᠠᠨ ᠪᠠᠭᠤᠬᠤ ᠶᠢ ᠨᠢ ᠬᠦᠯᠢᠶᠡᠶᠡ᠃ | — ᠠᠶ ᠶᠠ︕ ᠲᠡᠷᠡ ︽ᠵᠢᠷᠠ ᠶᠢᠨ ᠡᠭᠦᠰᠬᠡᠯ ᠲᠡᠭᠦᠰᠭᠡᠯ︾ ᠭᠡᠰᠡᠨ ᠨᠤᠮ ᠳᠤ ᠨᠢᠭᠡ ᠬᠦᠰᠦᠨᠦᠭ ᠪᠠᠶᠢᠬᠤ᠂ ᠲᠡᠭᠦᠨ ᠤ ᠲᠤᠳᠤᠷᠠ ᠨᠢᠭᠡ ᠬᠦᠮᠦᠨ ᠤ | ᠲᠤᠬᠠᠢ ᠠᠰᠠᠭᠤᠭᠠᠳ ᠦᠭᠭᠦᠶᠡ ᠭᠡᠰᠡᠨ ᠴᠢᠨᠢ ᠠᠰᠠᠭᠤᠬᠤ ᠬᠦᠮᠦᠨ ᠶᠡ ᠤᠯᠳᠠᠳᠠᠭ ᠴᠤ ᠦᠭᠡᠢ᠂ ᠭᠡᠴᠡᠭᠦᠦ ᠪᠠᠶᠢᠨᠠ ᠰᠢᠤ︕ | — ᠶᠠᠭᠠᠬᠢᠴᠢᠬᠠᠪᠠ︖ ᠵᠢᠷᠠ ᠨᠤᠲᠤᠭ ᠤᠨ ᠬᠦᠮᠦᠨ ᠪᠠᠶᠢᠬᠤ ᠯᠠ ᠪᠠ ᠳ᠋ᠠ︕ ᠨᠠᠰᠤᠲᠠᠢ ᠬᠦᠮᠦᠨ ᠢ ᠤᠯᠵᠤ ᠠᠰᠠᠭᠤᠪᠠᠯ ᠮᠡᠳᠡᠴᠢᠭᠡᠬᠦ ᠪᠢᠰᠢ ᠦᠦ︖ | | — ᠠᠢ︕ ᠴᠢ ᠨᠢᠭᠡ ᠶᠠᠭᠤᠮᠠ ᠶᠢ ᠮᠡᠳᠡᠵᠦ ᠠᠪ︕ ᠨᠢᠭᠡ ᠦᠶᠡ ᠶᠢᠨ ᠬᠦᠮᠦᠨ ᠦᠬᠦᠭᠡᠳ ᠪᠠᠷᠠᠭᠳᠠᠬᠤ ᠳᠤ ᠦᠯᠡᠳᠡᠭᠰᠡᠨ ᠨᠢᠭᠡ ᠨᠢ ᠶᠡᠭᠡ | ᠭᠠᠭᠴᠠᠭᠠᠷᠳᠠᠨᠠ︕ ᠶᠠᠷᠢᠯᠴᠠᠬᠤ ᠦᠭᠡ ᠴᠤ ᠦᠭᠡᠢ ᠪᠤᠯᠴᠢᠬᠠᠨᠠ᠂ ᠦᠭᠡ ᠬᠠᠮᠠᠷ ᠶᠠ ᠨᠡᠶᠢᠯᠡᠵᠦ ᠢᠷᠡᠬᠦ ᠶᠤᠮ ᠪᠢᠰᠢ ᠪᠠᠶᠢᠨᠠ︕ ᠨᠠᠳᠠ ᠠᠴᠠ ᠵᠢᠭᠠᠬᠠᠨ ᠪᠠᠭᠠ | ᠰᠢᠭ᠋ ᠨᠢᠭᠡᠨ ᠠᠴᠠ ᠨᠢ ᠠᠰᠠᠭᠤᠬᠤ ᠳᠤ ᠮᠡᠳᠡᠳᠡᠭ ᠬᠦᠮᠦᠨ ᠦᠭᠡᠢ︕ | — ᠤᠳᠤ ᠪᠤᠯᠤᠭᠰᠠᠨ ᠬᠤᠶᠢᠨᠠ ᠲᠡᠭᠦᠨ ᠳᠤ ᠠᠷᠭᠠ ᠪᠠᠶᠢᠬᠤ ᠦᠭᠡᠢ︕ ᠤᠳᠤ ᠴᠤ ᠶᠡᠭᠡ ᠵᠦᠭᠡᠷ ᠪᠠᠶᠢᠨᠠ ᠰᠢᠳᠠ︕ ᠭᠠᠯ ᠨᠠᠰᠤᠨ ᠳᠤ ᠪᠠᠨ | ᠪᠠᠶᠢᠬᠤ ᠵᠠᠯᠠᠭᠤᠴᠤᠳ ᠤᠨ ᠳᠤᠮᠳᠠ ᠬᠦᠭᠡᠷᠴᠦ ᠨᠠᠰᠤ ᠪᠠᠨ ᠮᠠᠷᠲᠠᠴᠢᠬᠠᠭᠰᠠᠨ᠂ ᠦᠪᠡᠷ ᠤᠨ ᠰᠠᠨᠠᠭᠰᠠᠨ ᠵᠦᠢᠯᠡᠰ ᠢᠶᠠᠨ ᠬᠢᠵᠦ ᠪᠠᠶᠢᠬᠤ ᠳᠤ ᠰᠡᠳᠬᠢᠯ ᠳᠦᠬᠦᠷᠡᠩ | ᠪᠠᠶᠢᠬᠤ ᠨᠢ ᠲᠠᠭᠠᠷᠠᠨᠠ ᠰᠢᠤ︕ | — ᠠᠢ︕ ᠴᠢᠨᠤ ᠢᠩᠬᠢᠵᠦ ᠬᠡᠯᠡᠵᠦ ᠪᠠᠶᠢᠬᠤ ᠨᠢ ᠴᠤ ᠰᠠᠶᠢᠨ ᠰᠠᠨᠠᠭᠠ︕ ᠡᠭᠦᠨ ᠢ ᠪᠢ ᠮᠡᠳᠡᠵᠦ ᠪᠠᠶᠢᠨᠠ︕ 85 ᠦᠩᠭᠡᠷᠡᠭᠰᠡᠭᠡᠷ ᠪᠡᠶᠡ | ᠮᠠᠭᠤᠳᠠᠭᠠᠳ ᠴᠠᠭᠠᠨᠠ ᠪᠠᠨ ᠭᠤᠷᠢ ᠦᠭᠡᠢ ᠪᠤᠯᠴᠢᠬᠠᠯᠠ᠃ ᠤᠳᠤ ᠬᠡᠳᠦᠢ ᠳᠡᠰᠬᠦ ᠳ᠋ᠤᠤ︕ ᠪᠢ ᠠᠮᠢᠳᠤ ᠪᠠᠶᠢᠬᠤᠯᠠᠷ ᠴᠢ ᠪᠡᠯᠡᠨ ᠠᠰᠠᠭᠤᠬᠤ ᠬᠦᠮᠦᠨ ᠲᠠᠢ ᠪᠠᠶᠢᠨᠠ | ᠭᠡᠵᠦ ᠪᠤᠳᠤᠵᠤ ᠪᠠᠶᠢᠨᠠ ᠪᠠ︕ ᠪᠢ ᠶᠠᠮᠠᠷ ᠮᠦᠩᠭᠡᠷᠡᠬᠦ ᠴᠤ ᠪᠢᠰᠢ᠂ ᠨᠢᠭᠡ ᠡᠳᠦᠷ ᠦᠭᠡᠢ ᠪᠤᠯᠴᠢᠬᠠᠪᠠᠯ ᠴᠢᠮᠠ ᠳᠤ ᠠᠰᠠᠭᠤᠵᠤ ᠰᠤᠷᠠᠭᠠᠳ ᠦᠭᠬᠦ ᠬᠦᠮᠦᠨ ᠶᠡ | ᠳᠡᠮᠡᠢ ᠬᠡᠳᠦ ᠦᠭᠡᠢ ᠪᠤᠯᠴᠢᠬᠠᠬᠤ︕ ᠮᠠᠨᠤᠰ ᠤᠨ ᠦᠶᠡ᠂ ᠳᠤᠤᠷᠠᠳᠤ ᠦᠶᠡ ᠶᠢᠨ ᠬᠢᠨ ᠪᠠᠷᠤᠭ ᠶᠠᠪᠤᠭᠠᠳ ᠪᠠᠷᠠᠭᠳᠠᠴᠢᠬᠠᠨᠠ︕ ᠤᠳᠠᠯ ᠦᠭᠡᠢ ᠰᠢᠲᠦ ᠨᠢ | ᠰᠡᠲᠡᠷᠡᠬᠦ ᠬᠦᠮᠦᠰ ᠨᠤᠲᠤᠭ ᠲᠤ ᠪᠠᠨ ᠦᠯᠡᠳᠡᠬᠦ ᠨᠢ ᠴᠦᠭᠡᠷᠡᠬᠦ ᠪᠠᠶᠢᠬᠤ︕ ᠡᠨᠡ ᠦᠶᠡ ᠳᠤ ᠴᠢᠮᠠ ᠳᠤ ᠳᠤᠰᠠ ᠪᠤᠯᠬᠤ ᠨᠢ ᠡᠳᠡᠭᠡᠷ ᠨᠤᠮ ᠮᠠᠲ᠋ᠧᠷᠢᠶᠠᠯ ᠰᠢᠤ︕ | ᠠᠢ︕ | ᠪᠢ ᠲᠡᠷᠡ ᠳᠤᠤᠷᠠ ᠨᠢ ᠮᠡᠯ ᠭᠠᠶᠢᠬᠠᠵᠤ ᠪᠤᠳᠤᠯ ᠪᠤᠯᠤᠨ ᠰᠠᠭᠤᠯᠠ᠃ ᠦᠪᠡᠷ ᠤᠨ ᠭᠠᠭᠴᠠᠭᠠᠷᠳᠠᠯ ᠢᠶᠠᠨ ᠪᠤᠳᠤᠭᠰᠠᠨ ᠪᠢᠰᠢ ᠬᠠᠷᠢᠨ ᠬᠤᠶᠢᠴᠢ | ᠦᠶᠡ ᠶᠢᠨ ᠬᠢᠨ ᠳᠤ ᠲᠠᠭᠠᠷᠠᠵᠤ ᠮᠡᠳᠡᠬᠦ ᠠᠰᠠᠭᠤᠳᠠᠯ ᠢ ᠪᠤᠳᠤᠯᠬᠢᠯᠠᠵᠤ ᠤᠷᠢᠳᠴᠢᠯᠠᠨ ᠭᠠᠭᠴᠠᠭᠠᠷᠳᠠᠭᠰᠠᠨ ᠪᠠᠶᠢᠬᠤ ᠰᠢᠨᠵᠢ ᠲᠠᠢ᠃ ᠶᠠᠮᠠᠷ ᠬᠤᠯᠠ ᠶᠢᠨ ᠬᠠᠷᠠᠴᠠ ᠪᠤᠢ | ︕ ᠵᠠᠯᠠᠭᠤ ᠦᠶᠡ ᠶᠢᠨ ᠨᠤᠮ ᠪᠢᠴᠢᠭ ᠤᠨ ᠲᠠᠯᠠ ᠪᠠᠷ ᠠᠵᠢᠯ ᠬᠢᠭᠰᠡᠨ ᠬᠦᠮᠦᠰ ᠲᠤ ᠬᠢᠵᠦ ᠳᠡᠶᠢᠯᠬᠦ ᠪᠦᠬᠦᠨ ᠢᠶᠠᠨ ᠬᠢᠵᠦ ᠦᠯᠡᠳᠡᠭᠡᠶᠡ ᠭᠡᠰᠡᠨ ᠠᠯᠤᠰ ᠬᠤᠯᠠ ᠶᠢᠨ | ᠪᠤᠳᠤᠯ ᠪᠠᠶᠢᠵᠠᠢ᠃ ᠡᠭᠦᠨ ᠢ ᠡᠷᠳᠡ ᠨᠢᠭᠡᠨ ᠡᠳᠦᠷ ᠪᠤᠳᠤᠵᠤ ᠤᠯᠤᠭᠰᠠᠨ ᠪᠤᠯ ᠢᠯᠡᠭᠦᠦ ᠬᠦᠴᠦ ᠤᠬᠠᠭᠠᠨ ᠢᠶᠠᠨ ᠭᠠᠷᠭᠠᠵᠤ ᠡᠭᠦᠨ ᠠᠴᠠ ᠢᠯᠡᠬᠦᠦ ᠶᠢ ᠬᠢᠵᠦ | ᠪᠤᠯᠬᠤ ᠪᠦᠬᠦᠨ ᠢ ᠱᠠᠯᠠᠪᠳᠠᠭᠤᠯᠤᠭᠰᠠᠨ ᠪᠠᠶᠢᠪᠠᠯ ᠵᠤᠬᠢᠬᠤ ᠪᠠᠶᠢᠵᠠᠢ᠃ ᠪᠠᠭᠰᠢ ᠶᠢᠨ ᠪᠠᠶᠢᠬᠤ ᠴᠠᠭ ᠢ ᠠᠰᠢᠭᠯᠠᠨ ᠨᠡᠩ ᠢᠯᠡᠭᠦᠦ ᠴᠢᠷᠮᠠᠶᠢᠬᠤ ᠯᠠ ᠬᠡᠷᠡᠭᠲᠡᠢ ᠶᠤᠮ | ᠪᠠᠶᠢᠨᠠ︕ | — ᠴᠢ ᠨᠢᠭᠡ ᠶᠡᠭᠡ ᠪᠤᠳᠤᠯ ᠪᠤᠯᠤᠭᠰᠠᠨ ᠤ ᠬᠡᠷᠡᠭ ᠦᠭᠡᠢ︕ ᠮᠢᠨᠤ ᠡᠨᠡ ᠪᠡᠶᠡ ᠶᠢᠨ ᠪᠠᠶᠢᠳᠠᠯ ᠢᠶᠠᠷ ᠲᠤᠯᠢ ᠪᠢᠴᠢᠭ ᠢᠶᠠᠨ ᠬᠢᠵᠦ ᠪᠠᠷᠠᠭᠠᠵᠤ ᠳᠡᠶᠢᠯᠬᠦ | ᠮᠠᠶ᠋ᠢᠭ ᠦᠭᠡᠢ ᠪᠤᠯᠴᠢᠬᠠᠯᠠ᠃ ᠤᠳᠠᠯ ᠦᠭᠡᠢ ᠲᠠᠨᠤᠰ ᠢ ᠲᠤᠰᠬᠠᠢ ᠬᠦᠬᠡᠬᠤᠲᠠ ᠳᠤ ᠳᠠᠭᠠᠭᠤᠯᠤᠨ ᠶᠠᠪᠤᠵᠤ ᠵᠠᠮ ᠢ ᠨᠢ ᠳᠡᠪᠢᠰᠴᠦ ᠲᠠᠯᠪᠢᠬᠤ ᠦᠭᠡᠢ ᠪᠤᠯᠬᠤ ᠦᠭᠡᠢ᠃ | ᠪᠠᠲᠤᠴᠢᠯᠠᠭᠤ᠂ ᠭᠠᠩᠰᠦ᠋ᠬᠡ ᠲᠠᠨ ᠤ ᠭᠤᠷᠪᠠ ᠢᠯᠡᠭᠦᠦ ᠬᠦᠴᠦ ᠭᠠᠷᠴᠤ ᠵᠠᠯᠠᠭᠤᠴᠤᠳ ᠢᠶᠠᠨ ᠳᠠᠭᠠᠭᠤᠯᠤᠨ ᠬᠢᠬᠦ ᠴᠢᠬᠤᠯᠠᠲᠠᠢ ᠪᠤᠯᠤᠯᠠ︕ ᠮᠢᠨᠤ ᠲᠠᠷᠢᠬᠢ ᠶᠠ | ᠬᠦᠷᠬᠦ ᠦᠭᠡᠢ ᠪᠤᠯᠴᠢᠬᠠᠯᠠ︕ ᠲᠠᠷᠠᠭᠠ ᠵᠢᠯ ᠤᠨ ᠰᠢᠨᠡ ᠶᠢᠨ ᠨᠢᠭᠡᠨ ᠠᠴᠠ ᠪᠢ ᠲᠠᠨᠤᠰ ᠤᠨ ᠬᠢᠵᠦ ᠪᠠᠶᠢᠭᠠ ᠳᠤ ᠭᠠᠷ ᠳᠦᠷᠦᠬᠦ ᠦᠭᠡᠢ ᠯᠠ︕ ᠵᠦᠪ | ᠶᠠᠭᠤᠮᠠ ᠶᠢ ᠪᠤᠷᠤᠭᠤ ᠪᠠᠷ ᠵᠠᠰᠠᠳᠠᠭ ᠦᠵᠡᠭᠳᠡᠯ ᠵᠦᠩᠳᠡᠭᠡᠨ ᠭᠠᠷᠳᠠᠭ ᠪᠤᠯᠤᠯᠠ᠃ ᠢᠩᠬᠢᠵᠦ ᠪᠤᠯᠬᠤ ᠦᠭᠡᠢ ᠰᠢᠤ᠂ ᠡᠨᠡ ᠴᠢᠨᠢ ᠲᠤᠯᠢ ᠪᠢᠴᠢᠭ ᠰᠢᠤ︕ | — ᠪᠠᠭᠰᠢ ᠲᠡᠶᠢᠮᠦ ᠤᠯᠠᠨ ᠢ ᠪᠤᠳᠤᠵᠤ ᠪᠡᠶᠡ ᠰᠡᠳᠬᠢᠯ ᠢᠶᠠᠨ ᠵᠤᠪᠠᠭᠠᠭᠠᠳ ᠶᠠᠭᠤ ᠬᠢᠨᠡ ᠳ᠋ᠠ︕ ᠮᠠᠨᠤᠰ ᠴᠠᠭ ᠵᠠᠢ ᠪᠠᠨ ᠰᠢᠬᠠᠨ ᠢᠯᠡᠭᠦᠦ ᠰᠠᠶᠢᠨ | ᠠᠵᠢᠯᠯᠠᠬᠤ ᠪᠠᠨ ᠪᠠᠲᠤᠯᠠᠪᠠᠯ ᠪᠠᠷᠠᠭᠠᠴᠢᠬᠠᠨᠠ᠃ ᠪᠠᠭᠰᠢ ᠰᠠᠨᠠᠭᠠ ᠠᠮᠤᠷ ᠬᠢᠨᠠᠵᠤ ᠶᠡᠷᠦᠩᠬᠡᠢ ᠵᠢᠯᠤᠭᠤᠳᠤᠯᠭᠠ ᠪᠠᠨ ᠬᠢᠴᠢᠬᠡᠭᠰᠡᠨ ᠰᠠᠭᠤᠨᠠ ᠰᠢᠤ ᠳ᠋ᠠ︕ ᠬᠡᠳ | ᠬᠤᠶᠠᠭᠤᠯᠠ ᠪᠠᠨ ᠭᠡᠰᠡᠭ ᠳᠠᠭᠤ ᠦᠭᠡᠢ ᠰᠠᠭᠤᠵᠤ ᠪᠠᠶᠢᠬᠤᠯᠠᠷ ᠡᠬᠡᠨᠡᠷ ᠢᠷᠡᠵᠦ ᠪᠢᠳᠠ ᠬᠤᠶᠠᠭᠤᠯᠠ ᠭᠡᠷ ᠵᠦᠭ ᠢᠶᠠᠨ ᠶᠠᠪᠤᠯᠠ᠃ | ᠤᠯᠤᠰ ᠤᠨ ᠪᠠᠶᠠᠷ ᠤᠨ ᠴᠢᠯᠦᠭᠡᠨ ᠤ ᠳᠡᠷᠡᠭᠠᠬᠠᠨ ᠤ ᠤᠴᠢᠷ ᠪᠢᠯᠡ᠃ ᠦᠪᠦᠷ ᠮᠤᠩᠭᠤᠯ ᠤᠨ ᠲᠧᠯᠸᠢᠰ ᠬᠤᠷᠢᠶᠠᠨ ᠤ ᠰᠤᠶᠤᠯ ᠡᠷᠳᠡᠨᠢ | ᠲᠡᠯᠭᠡᠴᠡ ᠶᠢᠨ ᠬᠢᠨ ᠪᠠᠭᠰᠢ ᠶᠢ ᠰᠤᠷᠪᠤᠯᠵᠢᠯᠠᠨ ᠲᠤᠰᠬᠠᠢ ᠹᠢᠯᠢᠮ ᠬᠢᠬᠦ ᠰᠠᠨᠠᠭᠠ ᠲᠠᠢ ᠭᠡᠵᠦ ᠤᠲᠠᠰᠤ ᠢᠷᠡᠭᠦᠯᠦᠭᠰᠡᠨ ᠢ ᠪᠠᠭᠰᠢ ᠳᠤ ᠳᠠᠮᠵᠢᠭᠤᠯᠪᠠ᠃ | — ᠬᠡᠵᠢᠶᠡ ᠢᠷᠡᠨᠡ ᠭᠡᠨᠡ︖ ᠬᠡᠳᠦᠢ ᠤᠳᠠᠭᠠᠨ ᠴᠠᠭ ᠵᠠᠷᠤᠴᠠᠭᠤᠯᠬᠤ ᠪᠤᠢ︖ | — ᠬᠤᠶᠠᠷ ᠡᠳᠦᠷ ᠠᠴᠠ ᠢᠷᠡᠨᠡ︕ ᠨᠡᠶᠢᠲᠡ ᠪᠠᠷᠤᠭ ᠭᠤᠷᠪᠠᠨ ᠡᠳᠦᠷ ᠪᠤᠯᠬᠤ ᠪᠠᠶᠢᠳᠠᠯ ᠲᠠᠢ ᠭᠡᠵᠡᠢ᠃ | — ᠴᠢ ᠤᠳᠤ ᠮᠡᠳᠡᠵᠦ ᠪᠠᠶᠢᠨᠠ ᠦᠦ ᠦᠭᠡᠢ ᠦᠦ︖ ᠤᠤᠯ ᠳᠤ ᠪᠠᠨ ᠪᠢ ᠴᠠᠭ ᠢ ᠡᠳᠦᠷ ᠢᠶᠠᠷ ᠲᠤᠭᠠᠴᠠᠳᠠᠭ ᠪᠠᠶᠢᠯᠠ᠂ ᠤᠳᠤ ᠪᠢ ᠴᠠᠭ ᠢ ᠮᠢᠨᠦ᠋ᠲ | ᠢᠶᠠᠷ ᠲᠤᠭᠠᠯᠠᠵᠤ ᠪᠠᠶᠢᠨᠠ ᠰᠢᠤ︕ ᠪᠠᠰᠠ ᠭᠤᠷᠪᠠᠨ ᠡᠳᠦᠷ ᠭᠡᠨᠡ᠂ ᠶᠠᠮᠠᠷ ᠡᠴᠢᠭᠡ ᠪᠠᠨ ᠬᠢᠬᠦ ᠶᠤᠮ︖ | — ᠡᠨᠡ ᠤᠳᠠᠭᠠ ᠪᠤᠰᠤᠳ ᠰᠤᠷᠪᠤᠯᠵᠢᠯᠠᠭᠠ ᠲᠠᠢ ᠠᠳᠠᠯᠢ ᠦᠭᠡᠢ᠃ ᠪᠠᠭᠰᠢ ᠳᠤ ᠲᠤᠰᠬᠠᠢ ᠹᠢᠯᠢᠮ ᠬᠢᠵᠦ ᠨᠡᠪᠲᠡᠷᠡᠭᠦᠯᠭᠡ ᠬᠢᠨᠡ ᠭᠡᠵᠦ ᠪᠠᠶᠢᠨᠠ᠃ | ᠡᠭᠦᠨ ᠢ ᠬᠦᠯᠢᠶᠠᠨ ᠠᠪᠬᠤ ᠬᠡᠷᠡᠭᠲᠡᠢ᠂ ᠪᠠᠭᠰᠢ ᠶᠢᠨ ᠡᠬᠢᠯᠡᠭᠦᠯᠦᠨ ᠬᠢᠭᠰᠡᠨ ᠲᠤᠯᠢ ᠪᠢᠴᠢᠭ ᠢᠶᠠᠨ ᠨᠡᠶᠢᠭᠡᠮ ᠨᠡᠶᠢᠲᠡ ᠳᠤ ᠪᠠᠰᠠ ᠨᠢᠭᠡ ᠤᠳᠠᠭᠠ ᠮᠡᠳᠡᠭᠡᠯᠡᠯ | ᠬᠦᠷᠭᠡᠴᠢᠬᠡᠬᠦ ᠪᠢᠰᠢ ᠦᠦ︖ | — ᠦ︕ ᠵᠠ ᠲᠡᠭᠡᠪᠡᠯ ᠴᠢ ᠲᠤᠬᠢᠷᠠᠭᠠ ᠪᠠ︕ ᠭᠡᠳ ᠱᠠᠪᠢ ᠨᠠᠷ ᠤᠨ ᠠᠵᠢᠯᠯᠠᠬᠤ ᠭᠡᠷ ᠵᠦᠭ ᠬᠡᠯᠳᠤᠷᠢᠬᠢᠯᠡᠯᠡ᠃ ᠴᠠᠭ ᠢ ᠢᠩᠬᠢᠵᠦ ᠲᠤᠭᠠᠴᠠᠯᠠᠨ | ᠴᠢᠷᠮᠠᠶᠢᠳᠠᠭ ᠪᠠᠭᠰᠢ ᠳᠤ ︽ᠰᠤᠶᠤᠯ ᠡᠷᠳᠡᠨᠢ︾ ᠳᠡᠯᠭᠡᠴᠡ ᠶᠢᠨ ᠬᠢᠨ ᠨᠢᠭᠡᠨ ᠰᠠᠶᠢᠨ ᠴᠢᠨᠠᠷᠵᠢᠭᠤᠨ ᠪᠦᠲᠦᠭᠡᠯ ᠢ ᠦᠢᠯᠡᠳᠦᠭᠰᠡᠨ ᠶᠤᠮ᠃ | ᠳᠡᠬᠦᠨ ᠠᠴᠠ ᠬᠤᠶᠢᠰᠢ ᠳᠡᠮᠡᠢ ᠤᠳᠠᠭᠰᠠᠨ ᠴᠤ ᠦᠭᠡᠢ᠂ ᠳᠠᠷᠤᠢ 2020 ᠤᠨ ᠤ 5 ᠰᠠᠷᠠ ᠶᠢᠨ 9 ᠤ ᠦᠳᠡ ᠶᠢᠨ ᠬᠤᠶᠢᠨᠠ ᠮᠠᠨ ᠳᠤ ᠵᠢᠭᠠᠪᠤᠷᠢ | ᠪᠠᠭᠤᠯᠭᠠᠯᠠ᠄ ᠵᠠ︕ ᠪᠠᠲᠤᠴᠢᠯᠠᠭᠤ᠂ ᠬᠤᠷᠸᠠ᠂ ᠰᠦᠭᠡ ᠲᠠ ᠭᠤᠷᠪᠠ ᠶᠠᠭᠤᠮᠠ ᠪᠠᠨ ᠪᠡᠯᠡᠳᠬᠡ︕ ᠮᠠᠷᠭᠠᠰᠢ ᠬᠦᠬᠡᠬᠤᠲᠠ ᠳᠤ ᠶᠠᠪᠤᠶᠠ︕ ᠮᠠᠨ ᠤ | ᠳᠦᠷᠪᠡᠭᠦᠯᠡ ᠶᠠᠪᠤᠨᠠ︕ ᠲᠠᠨ ᠤ ᠬᠡᠳᠤᠬᠦᠯᠡ ᠭᠡᠷ ᠢᠶᠠᠨ ᠮᠠᠨᠠᠵᠤ ᠪᠠᠢ︕ ᠬᠦᠮᠦᠨ ᠢᠷᠡᠪᠡᠯ ᠶᠠᠮᠠᠷ ᠶᠠ ᠬᠤᠭᠤᠰᠤᠨ ᠶᠠᠪᠤᠭᠤᠯᠬᠤ ᠦᠭᠡᠢ ᠪᠠᠷ ᠠᠵᠢᠯᠯᠠᠵᠤ | ᠬᠢᠳᠡᠭ ᠢᠶᠠᠨ ᠬᠢᠵᠦ ᠪᠠᠢ︕ ᠪᠢᠲᠡᠬᠡᠢ ᠵᠦᠬᠡᠷ ᠰᠠᠭᠤ︕ | ᠲᠡᠷᠭᠡᠨ ᠳᠤ ᠭᠠᠷᠤᠭᠠᠳ ᠪᠠᠭᠰᠢ᠄ | — ᠦᠤᠰᠢᠨ ᠬᠤᠰᠢᠭᠤ ᠪᠠᠷ ᠶᠠᠪᠤᠨᠠ︕ ᠵᠠᠮ ᠳᠤ ᠪᠠᠨ ᠮᠦᠩᠬᠡᠳᠠᠯᠠᠢ ᠶᠢᠨ ︽ᠮᠤᠩᠭᠤᠯ ᠲᠤᠯᠢ ᠪᠢᠴᠢᠭ ᠤᠨ ᠬᠦᠷᠢᠶᠡᠯᠡᠩ︾ ᠳᠤ ᠤᠴᠢᠵᠤ ᠲᠠᠨᠤᠰ ᠢ | ᠲᠠᠨᠢᠯᠴᠠᠭᠤᠯᠤᠨ᠂ ᠮᠠᠨ ᠳᠤ ᠭᠡᠷᠡᠭ ᠲᠠᠢ ᠮᠠᠨᠤᠰ ᠤᠨ ᠭᠠᠷ ᠲᠤ ᠪᠠᠶᠢᠬᠤ ᠦᠭᠡᠢ ᠲᠤᠯᠢ ᠪᠢᠴᠢᠭ ᠪᠠᠶᠢᠬᠤ ᠡᠰᠡᠬᠦ ᠶᠢ ᠦᠵᠡᠵᠦ᠂ ᠬᠡᠷᠪᠡ ᠪᠠᠶᠢᠪᠠᠯ ᠶᠠᠭᠠᠬᠢᠵᠤ | ᠠᠰᠢᠭᠯᠠᠨ ᠵᠠᠷᠤᠬᠤ ᠤᠬᠠᠭᠠᠨ ᠢᠶᠠᠨ ᠬᠢᠬᠦ ᠴᠢᠬᠤᠯᠠᠲᠠᠢ︕ ᠲᠡᠨᠳᠡ ᠦᠳᠡᠯᠡᠭᠡᠳ ᠰᠢᠭᠤᠳ ᠬᠦᠬᠡᠬᠤᠳᠠ ᠳᠤ ᠤᠴᠢᠵᠤ ᠠᠮᠠᠷᠠᠨᠠ︕ | — ᠵᠠ᠂ ᠪᠤᠯᠤᠨᠠ ᠭᠡᠳ ᠲᠡᠷᠭᠡ ᠪᠠᠨ ᠵᠢᠯᠤᠭᠤᠳᠤᠯᠠ᠃ ᠶᠡᠷᠦ ᠳᠤ ᠪᠠᠨ ᠦᠤᠰᠢᠨ ᠬᠤᠰᠢᠭᠤ ᠪᠠᠷ ᠶᠠᠪᠤᠳᠠᠭ ᠦᠭᠡᠢ ᠪᠠᠭᠰᠢ ᠦᠨᠦᠳᠦᠷ ᠦᠤᠰᠢᠨ | ᠬᠤᠰᠢᠭᠤ ᠪᠠᠷ ᠶᠠᠪᠤᠨᠠ ᠭᠡᠰᠡᠨ ᠨᠢ ᠡᠶᠢᠮᠦ ᠵᠤᠷᠢᠯᠭᠠ ᠲᠠᠢ ᠪᠠᠶᠢᠵᠠᠢ᠃ ᠳᠡᠭᠡᠷᠡ ᠤᠳᠠᠭᠠ ᠨᠠᠳᠠ ᠳᠤ ᠬᠡᠯᠡᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠪᠠᠷᠤᠭ ᠡᠨᠡ ᠤᠳᠠᠭᠠ ᠬᠢᠵᠦ | ᠪᠠᠶᠢᠬᠤ ᠰᠢᠨᠵᠢ ᠲᠠᠢ ᠪᠤᠯᠤᠯᠠ᠃ ᠶᠠᠮᠠᠷ ᠪᠤᠯᠤᠭᠰᠠᠨ ᠴᠤ ᠪᠠᠭᠰᠢ ᠶᠢᠨ ᠰᠠᠨᠠᠭᠰᠠᠨ ᠵᠦᠢᠯ ᠢ ᠬᠢᠵᠦ ᠲᠠᠯᠪᠢᠬᠤ ᠯᠠ ᠴᠢᠬᠤᠯᠠ ᠪᠤᠯᠵᠠᠢ︕ | — ᠵᠠ᠂ ᠠᠮᠤᠷ︕ ᠪᠠᠭᠰᠢ ᠱᠠᠪᠢ ᠨᠠᠷ ᠲᠠᠢ ᠪᠠᠨ ᠰᠠᠶᠢᠨ ᠮᠤᠷᠢᠯᠠᠨ ᠰᠠᠭᠠᠲᠠᠪᠠ ᠦᠦ︖ | — ᠰᠠᠶᠢᠨ᠂ ᠰᠠᠶᠢᠨ᠂ ᠴᠢ ᠨᠢᠭᠡ ᠬᠠᠩᠬᠢ ᠰᠢᠭ᠋ ᠶᠠᠭᠤᠮᠠ ᠬᠢᠵᠦ ᠪᠠᠶᠢᠬᠤ ᠪᠠᠷ ᠬᠡᠯᠡᠵᠦ ᠪᠠᠶᠢᠭᠰᠠᠨ᠂ ᠦᠨᠦᠳᠦᠷ ᠪᠢᠳᠠᠨᠤᠰ ᠵᠠᠮ ᠲᠠᠭᠠᠷᠠᠭᠠᠳ | ᠬᠦᠯ ᠢᠶᠠᠷ ᠲᠠᠭᠠᠷᠢᠭᠠᠳ ᠦᠵᠡᠭᠡᠳ ᠶᠠᠪᠤᠶᠠ ᠭᠡᠰᠡᠨ ᠶᠤᠮ︕ | — ᠬᠠᠩᠬᠢ ᠭᠡᠵᠦ ᠶᠠᠭᠤ ᠪᠠᠶᠢᠬᠤ ᠪᠤᠢ︕ ᠬᠢᠨᠡ ᠭᠡᠰᠡᠨ ᠢᠶᠠᠨ ᠵᠤᠷᠢᠵᠤ ᠯᠠ ᠪᠠᠶᠢᠭᠠ ᠭᠡᠷᠡᠭ ᠰᠢᠤ︕ ᠭᠡᠳ ᠪᠢᠳᠠᠨ ᠢ ᠲᠤᠲᠤᠭᠰᠢ ᠵᠠᠯᠠᠯᠠ᠃ | — ᠵᠠ᠂ ᠮᠠᠨ ᠤ ᠵᠠᠯᠠᠭᠤᠴᠤᠳ ᠰᠠᠶᠢᠨ ᠦᠵᠡ᠂ ᠨᠠᠳᠠ ᠳᠤ ᠨᠢᠭᠡ ᠰᠠᠨᠳᠠᠯᠢ ᠠᠪᠤᠭᠠᠳ ᠢᠷᠡ᠂ ᠪᠢ ᠵᠢᠭᠠᠬᠠᠨ ᠰᠠᠭᠤᠶᠠ︕ | ᠪᠢᠳᠠ ᠬᠡᠳᠦᠭᠦᠯᠡ ᠪᠠᠷᠤᠭ ᠨᠢᠭᠡ ᠴᠠᠭ ᠲᠤᠭᠤᠷᠢᠨ ᠦᠵᠡᠯᠡ᠃ ᠲᠡᠷᠡ ᠮᠦᠷᠳᠡᠭᠡᠨ ᠬᠢᠨᠠᠭᠤᠷ ᠦᠵᠡᠵᠦ ᠰᠡᠭᠦᠳᠡᠷᠯᠡᠨ᠂ ᠮᠠᠨ ᠳᠤ ᠪᠠᠶᠢᠬᠤ ᠦᠭᠡᠢ ᠲᠤᠯᠢ | ᠪᠢᠴᠢᠭ ᠢᠶᠠᠨ ᠪᠦᠷᠢᠳᠬᠡᠨ ᠪᠠᠭᠰᠢ ᠳᠤ ᠬᠡᠯᠡᠬᠡᠳ ᠦᠷᠭᠦᠯᠵᠢᠯᠡᠨ ᠰᠤᠨᠢᠷᠬᠠᠵᠤ ᠪᠠᠷᠠᠬᠤ ᠳᠤ ᠪᠠᠭᠰᠢ ᠮᠥᠩᠭᠡᠳᠠᠯᠠᠢ ᠪᠠᠭᠰᠢ ᠲᠠᠢ ᠡᠨᠡ ᠲᠡᠷᠡ ᠶᠢ ᠶᠠᠷᠢᠯᠴᠠᠨ ᠰᠠᠭᠤᠵᠤ | ᠪᠠᠶᠢᠯᠠ᠃ ᠮᠠᠨᠤᠰ ᠶᠠᠪᠤᠭᠠᠳ ᠶᠠᠭ ᠬᠠᠵᠠᠭᠤ ᠳᠤ ᠨᠢ ᠤᠴᠢᠬᠤᠯᠠᠷ᠄ | — ᠴᠢ ᠴᠠᠯᠢᠩ ᠮᠦᠩᠬᠦ ᠴᠤ ᠦᠭᠡᠢ ᠬᠦᠮᠦᠨ᠂ ᠡᠳᠡᠭᠡᠷ ᠢ ᠢᠩᠬᠢᠵᠦ ᠨᠢᠭᠡ ᠳᠤᠤᠷᠠ ᠴᠤᠭᠯᠠᠷᠠᠭᠤᠯᠤᠨᠠ ᠭᠡᠭᠴᠢ ᠠᠮᠠᠷᠬᠠᠨ ᠶᠠᠭᠤᠮᠠ ᠪᠢᠰᠢ᠂ | ᠪᠦᠷᠢᠯᠭᠡᠵᠦ ᠪᠠᠷᠠᠬᠤ ᠳᠤ ᠰᠠᠶ᠋ᠢ ᠰᠢᠤ᠃ ᠤᠭ ᠲᠤ ᠪᠠᠨ ᠪᠢ ᠴᠢᠨᠤ ᠲᠤᠯᠢ ᠪᠢᠴᠢᠭ ᠮᠢᠨᠤ ᠬᠢᠷᠢ ᠪᠠᠷᠤᠭ ᠪᠠᠶᠢᠬᠤ ᠦᠭᠡᠢ ᠭᠡᠵᠦ ᠪᠤᠳᠤᠯᠠ᠃ ᠪᠤᠷᠤᠭᠤᠳᠠᠭᠰᠠᠨ ᠶᠤᠮ | ᠪᠠᠶᠢᠨᠠ᠂ ᠪᠢ ᠬᠤᠳᠳᠤᠭ ᠤᠨ ᠮᠡᠯᠡᠬᠡᠢ ᠪᠠᠶᠢᠵᠠᠢ︕ | — ᠪᠠᠭᠰᠢ ᠲᠡᠭᠡᠵᠦ ᠪᠤᠳᠤᠭᠰᠠᠨ ᠤ ᠭᠡᠷᠡᠭ ᠦᠭᠡᠢ᠂ ᠪᠢ ᠴᠢᠨᠢ ᠲᠤᠰᠬᠠᠢ ᠡᠭᠦᠨ ᠳᠤ ᠬᠠᠨᠳᠤᠯᠭᠠ ᠲᠠᠢ ᠪᠤᠯᠬᠤᠷ ᠡᠶᠢᠮᠦ ᠯᠠ ᠰᠢᠤ ᠳ᠋ᠠ︕ | ᠪᠠᠭᠰᠢ ᠶᠢᠨ ᠬᠡᠯᠡᠬᠦ ᠲᠠᠭᠠᠷᠠᠨᠠ᠂ ᠡᠳᠡᠭᠡᠷ ᠢ ᠴᠤᠭᠯᠠᠭᠤᠯᠤᠨ ᠮᠦᠩᠬᠦ ᠲᠦᠭᠦᠷᠢᠭ ᠢᠶᠠᠨ ᠪᠠᠷᠠᠵᠤ ᠡ᠊ᠨᠳᠡ ᠲᠡᠨᠳᠡ ᠶᠠᠪᠤᠵᠤ ᠪᠠᠶᠢᠬᠤ ᠳᠤ ᠨᠠᠶᠢᠵᠠ ᠨᠦᠬᠦᠳ ᠲᠠᠢ ᠪᠠᠨ | ᠲᠠᠭᠠᠷᠠᠭᠠᠳ ᠪᠤᠳᠠᠭᠠ ᠢᠳᠡᠭᠦᠯᠦᠭᠡᠳ ᠶᠠᠪᠤᠭᠤᠯᠤᠶᠠ ᠭᠡᠬᠦ ᠳᠤ ᠴᠤ ᠪᠤᠯᠵᠤ ᠦᠭᠳᠡᠭ ᠦᠭᠡᠢ᠂ ᠨᠦᠬᠦᠳ ᠢᠶᠠᠨ ᠪᠠᠷᠠᠭᠰᠠᠨ ᠰᠢᠭ᠋ ᠬᠤᠪᠢᠨᠴᠢᠷ ᠬᠦᠮᠦᠨ ᠪᠤᠯᠤᠭᠰᠠᠨ | ᠰᠢᠭ᠋ ᠪᠤᠳᠤᠭᠳᠠᠭᠠᠳ ᠁ ᠭᠡᠳ ᠨᠢᠳᠦᠨ ᠠᠴᠠ ᠪᠠᠨ ᠨᠢᠯᠪᠤᠰᠤ ᠪᠦᠮᠪᠦᠷᠢᠭᠦᠯᠵᠦ ᠪᠠᠶᠢᠯᠠ᠃ | ᠪᠢᠳᠠ ᠬᠠᠮᠲᠤ ᠶᠢᠨ ᠰᠡᠭᠦᠳᠡᠷ ᠲᠠᠲᠠᠵᠤ ᠳᠤᠷᠠᠰᠬᠠᠯ ᠪᠤᠯᠭᠠᠭᠠᠳ ᠲᠡᠷᠭᠡᠨ ᠳᠤ ᠭᠠᠷᠴᠤ ᠵᠠᠮ ᠢᠶᠠᠨ ᠡᠯᠭᠦᠯᠡ᠃ ᠪᠠᠭᠰᠢ ᠪᠢᠳᠠᠨ ᠢ ᠬᠤᠶᠢᠰᠢᠳᠠ ᠡ᠊ᠨᠳᠡ ᠠᠴᠠ | ᠴᠢᠬᠤᠯᠠᠲᠠᠢ ᠮᠠᠲ᠋ᠧᠷᠢᠶᠠᠯ ᠢᠶᠠᠨ ᠤᠯᠵᠤ ᠬᠡᠷᠡᠭᠯᠡᠬᠦ ᠤᠴᠢᠷ ᠢ ᠰᠠᠶᠢᠬᠠᠨ ᠰᠢᠢᠳᠪᠦᠷᠢᠯᠡᠵᠦ ᠦᠭᠭᠦᠭᠰᠡᠨ ᠪᠦᠭᠡᠳ ᠪᠤᠯᠤᠮᠵᠢ ᠲᠠᠢ ᠪᠤᠯ ᠲᠠᠨᠤᠰ ᠴᠤ ᠬᠦᠴᠦᠨ ᠢᠶᠠᠨ | ᠭᠠᠷᠭᠠᠵᠤ ᠡᠭᠦᠨ ᠳᠤ ᠬᠠᠮ ᠳᠡᠮ ᠪᠤᠯᠵᠤ ᠪᠤᠯᠤᠨᠠ ᠰᠢᠤ ᠬᠡᠮᠡᠨ ᠨᠠᠶᠢᠳᠠᠯᠠ︕ | ᠨᠠᠷᠠ ᠵᠢᠷᠭᠠᠬᠤ ᠶᠢᠨ ᠦᠶᠡ ᠪᠠᠷ ᠪᠢᠳᠠ ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠤ ᠤᠢᠢᠷᠠᠯᠴᠠᠭᠠ ᠪᠠᠶᠢᠬᠤ ᠨᠢᠭᠡ ᠪᠠᠭᠤᠳᠠᠯ ᠳᠤ | ᠪᠠᠭᠤᠯᠠ᠃ ᠤᠷᠤᠨ ᠳᠡᠭᠡᠷᠡ ᠪᠠᠨ ᠱᠠᠬᠠᠢ ᠪᠠᠨ ᠴᠤ ᠲᠠᠶᠢᠯᠤᠭᠰᠠᠨ ᠦᠭᠡᠢ ᠪᠠᠷ ᠨᠢᠳᠤ ᠪᠠᠨ ᠠᠨᠢᠨ ᠬᠡᠪᠲᠡᠯᠠ᠃ | — ᠠᠶᠠ︕ ᠨᠢᠭᠡ ᠡᠷᠡ ᠬᠦᠮᠦᠨ ᠨᠢᠯᠪᠤᠰᠤ ᠪᠦᠮᠪᠦᠷᠢᠭᠦᠯᠬᠦ ᠭᠡᠭᠴᠢ ᠠᠮᠠᠷᠬᠠᠨ ᠬᠢᠳᠡᠯ ᠪᠢᠰᠢ ᠰᠢᠤ︕ ᠬᠡᠳᠦᠢ ᠴᠤ ᠬᠦᠴᠦ ᠬᠦᠳᠡᠯᠮᠦᠷᠢ ᠴᠢᠷᠮᠠᠶᠢᠯᠭᠠ | ᠭᠠᠷᠭᠠᠵᠤ ᠶᠠᠮᠠᠷ ᠶᠠᠮᠠᠷ ᠬᠦᠴᠢᠷ ᠲᠠᠭᠠᠷᠠᠳᠠᠭ ᠪᠠᠶᠢᠬᠤ ᠶᠤᠮ ᠪᠢᠯᠡ︕ ᠬᠦᠭᠡᠷᠦᠬᠦᠢ︕ ᠨᠢᠭᠡ ᠶᠠᠭᠤᠮᠠ ᠶᠢ ᠪᠦᠲᠦᠭᠡᠨᠡ ᠭᠡᠭᠴᠢ ᠠᠮᠠᠷᠬᠠᠨ ᠶᠠᠭᠤᠮᠠ ᠪᠢᠰᠢ ᠰᠢᠤ︕ | | — ᠬᠠᠷᠢᠨ ᠲᠡᠶᠢᠮᠦ ᠪᠠᠶᠢᠨᠠ᠃ ᠭᠠᠳᠠᠭᠠᠳᠤ ᠲᠤᠲᠤᠭᠠᠳᠤ ᠶᠢᠨ ᠤᠯᠠᠨ ᠬᠡᠯᠡᠨ ᠤ ᠤᠷᠴᠢᠭᠤᠯᠭᠠ ᠶᠢᠨ ᠬᠢ ᠴᠤ ᠪᠠᠶᠢᠨᠠ᠃ ᠪᠠᠭᠰᠢ ᠲᠡᠶᠢᠮᠦ ᠤᠯᠠᠨ ᠢ | ᠴᠤᠭᠯᠠᠭᠤᠯᠤᠨ᠂ ᠲᠡᠳᠦᠢ ᠤᠯᠠᠨ ᠨᠤᠮ ᠬᠡᠪᠯᠡᠭᠦᠯᠬᠦ ᠳᠤ ᠶᠠᠮᠠᠷ ᠪᠠᠶᠢᠪᠠ︖ | — ᠮᠢᠨᠤ ᠴᠤᠭᠯᠠᠭᠤᠯᠬᠤ ᠨᠢ ᠵᠢᠭᠠᠬᠠᠨ ᠤᠷᠦ᠋ᠢᠬᠠᠨ ᠰᠢᠭ᠋᠃ ᠲᠡᠷᠡ ᠦᠶᠡ ᠳᠤ ᠬᠡᠦᠬᠡᠳ ᠤᠯᠠᠨ᠂ ᠠᠮᠢᠳᠤᠷᠠᠯ ᠶᠠ ᠬᠦᠴᠢᠷ ᠲᠠᠢ᠃ ᠪᠢ ᠬᠤᠶᠠᠷ | ᠤᠳᠠᠭᠠ ᠲᠠᠮᠠᠬᠢ ᠪᠠᠨ ᠬᠠᠶᠠᠭᠰᠠᠨ ᠰᠢᠤ︕ ᠠᠩᠬᠠᠨ ᠤ ᠤᠳᠠᠭᠠ ᠲᠠᠮᠠᠬᠢ ᠪᠠᠨ ᠬᠠᠶᠠᠬᠤ ᠳᠤ ᠲᠠᠪᠤᠨ ᠡᠳᠦᠷ ᠪᠤᠯᠤᠭᠰᠠᠨ ᠶᠤᠮ ᠪᠠ᠃ ᠪᠤᠳᠤᠭᠳᠠᠬᠤ ᠪᠠᠨ ᠴᠤ | ᠪᠠᠶᠢᠯᠠ᠃ ᠬᠤᠰᠢᠭᠤ ᠬᠤᠪᠢᠶᠠᠭᠰᠠᠨ ᠤ ᠳᠠᠷᠠᠭᠠ ᠲᠠᠬᠢᠨ ᠲᠠᠮᠠᠬᠢ ᠲᠠᠲᠠᠵᠤ ᠡᠬᠢᠯᠡᠯᠡ᠃ ᠬᠡᠳᠦᠨ ᠵᠢᠯ ᠲᠠᠲᠠᠭᠰᠠᠨ ᠪᠠ᠂ ᠬᠡᠦᠬᠡᠳ ᠤᠳ ᠶᠡᠭᠡ ᠪᠤᠯᠤᠭᠰᠠᠨ ᠲᠠᠢ | ᠵᠠᠷᠤᠳᠠᠯ ᠶᠡᠬᠡᠳᠡᠭᠰᠡᠨ ᠲᠠᠢ ᠶᠠᠭ ᠪᠤᠯᠬᠤ ᠪᠠᠨ ᠪᠠᠶᠢᠯᠠ᠃ ᠲᠡᠭᠡᠬᠦ ᠳᠤ ᠲᠠᠮᠠᠬᠢ ᠪᠠᠨ ᠬᠠᠶᠠᠨᠠ ᠭᠡᠰᠡᠨ ᠴᠢᠨᠢ ᠪᠠᠶᠢᠨᠠ ᠦᠦ︖ ᠤᠳᠠᠬᠤ ᠦᠭᠡᠢ ᠰᠠᠰᠠ ᠪᠠᠨ | ᠲᠡᠮᠲᠡᠷᠢᠨᠡ᠂ ᠤᠳᠠᠬᠤ ᠦᠭᠡᠢ ᠰᠢᠷᠭᠤᠭᠤᠯ ᠢᠶᠠᠨ ᠲᠡᠲᠡᠨᠡ᠂ ᠠᠶ ᠶᠠ ᠦᠢᠯᠡ ᠦᠵᠡᠭᠰᠡᠨ ᠰᠢᠤ᠃ ᠶᠠᠭ ᠬᠠᠭᠠᠰ ᠰᠠᠷᠠ ᠪᠤᠯᠤᠮᠠᠨᠵᠢᠨ ᠰᠠᠶ᠋ᠢ ᠲᠡᠮᠲᠡᠷᠢᠬᠦ ᠪᠠᠨ | ᠠᠶᠠᠳᠠᠭᠰᠠᠨ ᠰᠢᠤ︕ ᠴᠤᠭᠯᠠᠭᠤᠯᠤᠭᠰᠠᠨ ᠪᠢᠴᠢᠭᠰᠡᠨ ᠵᠦᠢᠯ ᠢ ᠤᠳᠤ ᠨᠡᠶᠢᠭᠡᠮ ᠳᠠᠶᠠᠭᠠᠷ ᠪᠦᠷ ᠮᠡᠳᠡᠭᠰᠡᠨ ᠬᠡᠷᠡᠭ᠂ ᠶᠠᠭ ᠦᠨᠡᠨ ᠢᠶᠠᠷ ᠨᠢ ᠪᠢᠴᠢᠵᠦ ᠬᠡᠯᠡᠭᠰᠡᠨ | ᠪᠠᠶᠢᠨᠠ ᠯᠠᠢ︕ ᠵᠢᠭᠠᠬᠠᠨ ᠰᠠᠨᠳᠤᠷᠠᠭᠠᠭᠰᠠᠨ ᠨᠢ ᠲᠠᠮᠠᠬᠢ ᠪᠠᠨ ᠬᠠᠶᠠᠬᠤ ᠳᠤ ᠰᠢᠤ︕ ᠲᠠᠨᠤᠰ ᠶᠠᠮᠠᠷ ᠶᠠ ᠪᠢᠲᠡᠬᠡᠢ ᠲᠠᠮᠠᠬᠢ ᠲᠠᠲᠠᠵᠤ ᠰᠤᠷ︕ ᠠᠷᠢᠬᠢ ᠶᠢ ᠶᠠ | ᠬᠡᠮ ᠯᠠᠩ ᠲᠠᠢ ᠤᠤᠭᠤ︕ ᠪᠢᠲᠡᠬᠡᠢ ᠲᠡᠭᠦᠨ ᠳᠤ ᠤᠷᠤᠴᠢᠬᠠ︕ ᠲᠡᠭᠡᠪᠡᠯ ᠴᠤ ᠨᠢᠭᠡ ᠨᠠᠰᠤᠨ ᠪᠠᠷᠠᠭᠰᠠᠨ ᠭᠡᠷᠡᠭ ᠡ︕ ᠭᠡᠳ ᠬᠠᠮᠠᠷ ᠲᠠᠲᠠᠨ ᠤᠨᠲᠠᠯᠠ᠃ | ᠦᠳᠡᠰᠢ ᠰᠠᠶᠢᠬᠠᠨ ᠠᠮᠠᠷᠠᠭᠰᠠᠨ ᠪᠤᠯᠬᠤᠷ ᠪᠠᠭᠰᠢ ᠶᠢᠨ ᠴᠢᠷᠠᠢ ᠶᠡᠭᠡ ᠰᠠᠶᠢᠨ ᠪᠠᠶᠢᠯᠠ᠃ ᠥᠷᠯᠦᠭᠡ ᠴᠠᠢ ᠪᠠᠨ ᠤᠤᠭᠤᠭᠠᠳ ᠪᠢᠳᠠᠨ ᠢ ᠳᠠᠭᠠᠭᠤᠯᠤᠨ | ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠳᠤ ᠬᠦᠷᠦᠯᠡ᠃ | — ᠵᠠ ᠠᠮᠤᠷ︕ ᠪᠠᠭᠰᠢ ᠰᠠᠶᠢᠨ ᠢᠷᠡᠪᠠ ᠦᠦ︖ | — ᠰᠠᠶᠢᠨ ᠰᠠᠶᠢᠨ︕ ᠡᠨᠡ ᠵᠢᠯ ᠴᠢ ᠨᠤᠮ ᠤᠨ ᠤᠪᠤᠭᠠᠨ ᠳᠤ ᠪᠠᠨ ᠤᠴᠢᠵᠤ ᠲᠠᠬᠢᠯᠭᠠ ᠬᠢᠬᠦ ᠪᠤᠯ ᠦᠦ︖ ᠭᠡᠵᠦ ᠪᠡᠰᠦᠲᠡᠢ ᠬᠠᠰᠪᠢᠯᠢᠭ᠌ | ᠪᠠᠭᠰᠢ ᠠᠴᠠ ᠠᠰᠠᠭᠤᠬᠤ ᠳᠤ ︽ᠴᠤᠯᠮᠤᠨ︾ ᠰᠡᠳᠬᠦᠯ ᠤᠨ ᠨᠠᠶᠢᠷᠠᠭᠤᠯᠤᠭᠴᠢ ᠨᠠᠷ ᠪᠠᠭᠰᠢ ᠶᠢᠨ ᠵᠤᠭᠰᠤᠭᠰᠠᠨ ᠬᠡᠪ ᠨᠠᠮᠪᠠ᠂ ᠢᠰᠭᠡᠷᠴᠦ ᠲᠠᠯᠢᠭ ᠮᠠᠯᠢᠭ ᠭᠡᠵᠦ | ᠤᠷᠤᠵᠤ ᠢᠷᠡᠭᠰᠡᠨ ᠲᠠᠢ ᠨᠢ ᠳᠠᠭᠤᠷᠢᠶᠠᠵᠤ ᠢᠨᠢᠶᠡᠳᠦᠮ ᠱᠤᠭ ᠭᠠᠷᠭᠠᠵᠤ ᠪᠠᠶᠢᠯᠠ᠃ ᠡᠨᠡ ᠪᠤᠯ ᠨᠢᠭᠡ ᠨᠠᠰᠤᠨ ᠤ ᠬᠢ ᠨᠢ ᠵᠤᠷᠰᠢᠭᠰᠠᠨ ᠦᠵᠡᠭᠳᠡᠯ᠂ ᠤᠴᠢᠭᠰᠠᠨ | ᠭᠠᠵᠠᠷ ᠪᠤᠯᠭᠠᠨ ᠢᠨᠢᠶᠡᠳᠦ ᠴᠠᠯᠬᠢᠯᠠᠭᠤᠯᠤᠨ᠂ ᠶᠡᠭᠡ ᠪᠠᠭᠠ ᠭᠡᠰᠡᠨ ᠦᠭᠡᠢ ᠴᠦᠮ ᠡᠶᠡ ᠨᠠᠶᠢᠷ ᠲᠠᠢ ᠶᠠᠪᠤᠯᠴᠠᠳᠠᠭ ᠶᠤᠮ ᠳ᠋ᠠ︕ | — ᠲᠠᠨᠤᠰ ᠨᠠᠳᠠ ᠪᠠᠷ ᠱᠤᠭ ᠬᠢᠬᠦ ᠳᠤ ᠪᠠᠨ᠂ ᠡᠨᠡ ᠤᠳᠠᠭᠠ ᠪᠠᠷᠤᠭ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠱᠤᠭ ᠨᠢ ᠪᠤᠯᠤᠯᠠ ᠪᠠ︕ ᠤᠳᠤ ᠪᠢ ᠲᠠᠬᠢᠵᠦ | ᠲᠠᠨ ᠤ ᠡᠨᠡ ᠬᠦᠬᠡᠬᠤᠲᠠ ᠳᠤ ᠢᠷᠡᠬᠦ ᠦᠭᠡᠢ᠂ ᠪᠡᠶᠡ᠂ ᠲᠠᠷᠢᠬᠢ ᠶᠠ ᠪᠤᠯᠬᠤ ᠦᠭᠡᠢ ᠪᠤᠯᠤᠯᠠ︕ ᠬᠤᠶᠢᠰᠢᠳᠠ ᠶᠢᠨ ᠤᠴᠢᠷ ᠶᠠᠪᠤᠳᠠᠯ ᠢ ᠡᠨᠡ ᠤᠳᠠᠭᠠ | ᠳᠠᠭᠠᠭᠤᠯᠵᠤ ᠢᠷᠡᠭᠰᠡᠨ ᠡᠳᠡᠭᠡᠷ ᠲᠠᠨᠤᠰ ᠲᠠᠢ ᠬᠠᠷᠢᠯᠴᠠᠬᠤ︕ ᠪᠢ ᠨᠤᠭᠳᠦ᠋ᠢᠴᠢᠬᠠᠪᠠᠯ ᠲᠠᠨᠤᠰ ᠶᠠᠮᠠᠷ ᠶᠠ ᠨᠢᠭᠡ ᠴᠠᠭᠠᠷᠢᠭ ᠴᠡᠴᠡᠭ ᠬᠦᠷᠭᠡᠴᠢᠭᠡᠵᠦ ᠦᠦ︕ ᠬᠡᠮᠡᠨ | ᠢᠨᠢᠶᠡᠳᠦᠮ ᠱᠤᠭ ᠬᠢᠯᠡ᠃ | — ᠪᠠᠭᠰᠢ ᠶᠢᠨ ᠪᠡᠶᠡ ᠴᠢᠬᠢᠷᠠᠭ ᠪᠠᠶᠢᠨᠠ︕ ᠡᠨᠡ ᠲᠤᠯᠢ ᠪᠢᠴᠢᠭ ᠢᠶᠠᠨ ᠬᠢᠵᠦ ᠪᠠᠷᠡᠭᠠᠬᠤ ᠳᠤ ᠠᠰᠠᠭᠤᠳᠠᠯ ᠦᠭᠡᠢ︕ | — ᠦᠭᠡᠢ ᠰᠢᠤ︕ ᠴᠠᠭᠠᠨᠠ ᠪᠠᠨ ᠭᠤᠷᠢ ᠦᠭᠡᠢ ᠪᠤᠯᠴᠢᠬᠠᠯᠠ᠃ ᠲᠠᠷᠢᠬᠢ ᠶᠠ ᠬᠦᠷᠬᠦ ᠦᠭᠡᠢ᠂ ᠨᠢᠳᠦ ᠶᠠ ᠤᠯᠢᠭ ᠲᠠᠢ ᠦᠵᠡᠬᠦ ᠦᠭᠡᠢ᠂ ᠬᠢᠨᠠᠵᠤ | ᠵᠠᠰᠠᠵᠤ ᠪᠠᠶᠢᠲᠠᠷ ᠵᠦᠪ ᠢ ᠨᠢ ᠪᠤᠷᠤᠭᠤ ᠪᠤᠯᠭᠠᠭᠠᠳ ᠵᠠᠰᠠᠴᠢᠬᠠᠨᠠ᠃ ᠡᠨᠡ ᠪᠤᠯᠬᠤ ᠦᠭᠡᠢ ᠰᠢᠤ᠂ ᠬᠦᠮᠦᠨ ᠭᠡᠳᠡᠭ ᠴᠢᠨᠢ ᠪᠡᠶᠡ ᠪᠠᠨ ᠮᠡᠳᠡᠵᠦ ᠪᠠᠶᠢᠬᠤ ᠭᠡᠷᠡᠭᠲᠡᠢ︕ | ᠢᠩᠬᠢᠵᠦ ᠠᠵᠢᠯᠯᠠᠪᠠᠯ ᠭᠡᠳᠡᠷᠬᠦ ᠪᠠᠨ ᠯᠠᠭᠠᠷ ᠲᠠᠳᠠᠬᠤ ᠠᠴᠠ ᠪᠢᠰᠢ ᠬᠡᠷᠡᠭ ᠲᠤ ᠬᠦᠷᠴᠦ ᠳᠡᠶᠢᠯᠬᠦ ᠦᠭᠡᠢ ᠪᠤᠯᠴᠢᠬᠠᠨᠠ︕ ᠢᠩᠬᠢᠬᠦ ᠪᠠᠷ ᠢᠶᠠᠨ ᠨᠤᠮ ᠤᠨ | ᠠᠰᠠᠷ ᠲᠤ ᠪᠠᠨ ᠰᠠᠭᠤᠵᠤ ᠡᠳᠡᠨ ᠢ ᠶᠠᠮᠠᠷ ᠶᠠ ᠦᠬᠦᠲᠡᠯᠡ ᠪᠠᠨ ᠵᠢᠭᠠᠬᠠᠨ ᠵᠢᠯᠤᠭᠤᠳᠴᠤ᠂ ᠠᠰᠠᠭᠤᠬᠤ ᠳᠤ ᠬᠠᠵᠠᠭᠤ ᠳᠤ ᠨᠢ ᠪᠠᠶᠢᠵᠤ ᠪᠠᠶᠢᠪᠠᠯ ᠪᠠᠰᠠ ᠵᠢᠭᠠᠬᠠᠨ | ᠦᠢᠯᠡᠳᠦᠯ ᠢᠶᠠᠨ ᠭᠠᠷᠭᠠᠴᠢᠬᠠᠬᠤ︕ ᠪᠠᠷᠠᠭᠤᠨ ᠬᠤᠶᠢᠰᠢ ᠭᠤᠨᠦ᠋ᠢᠬᠤ ᠶᠢᠨ ᠤᠷᠢᠳ ᠢᠶᠠᠷ ᠶᠠᠮᠠᠷ ᠶᠠ ᠲᠠᠨᠤᠰ ᠲᠤ ᠦᠷᠭᠦᠯᠵᠢᠯᠡᠭᠦᠯᠦᠨ ᠬᠢᠬᠦ ᠵᠠᠯᠠᠭᠤᠴᠤᠳ ᠢᠶᠠᠨ | ᠲᠠᠨᠢᠯᠴᠠᠭᠤᠯᠤᠶᠠ︕ ᠦᠭᠡᠢ ᠪᠤᠯ ᠨᠢᠭᠡ ᠮᠡᠳᠡᠬᠦ ᠳᠤ ᠭᠤᠨᠦ᠋ᠢᠴᠢᠬᠠᠪᠠᠯ ᠡᠨᠡ ᠴᠢᠨᠢ ᠲᠠᠯᠠᠷᠠᠴᠢᠬᠠᠨᠠ ᠪᠠ ᠳ᠋ᠠ︕ ᠶᠠᠮᠠᠷ ᠶᠠ ᠡᠵᠡᠨ ᠲᠠᠢ ᠪᠤᠯᠴᠢᠬᠠᠪᠠᠯ ᠡᠨᠡ ᠴᠢᠨᠢ | ᠪᠠᠳᠤᠯᠠᠭᠠ ᠲᠠᠢ ᠪᠠ ᠳ᠋ᠠ︕ | — ᠡᠳᠡᠨᠦᠰ ᠤᠳᠤ ᠡᠶᠡ ᠠᠶᠠ ᠶᠢ ᠤᠯᠴᠢᠬᠠᠭᠰᠠᠨ ᠪᠠᠶᠢᠨᠠ ᠯᠠᠢ︕ ᠰᠠᠨᠠᠭᠠ ᠠᠮᠤᠷ ᠵᠢᠯᠤᠭᠤᠳᠤᠯᠭᠠ ᠪᠠᠨ ᠬᠢᠬᠦ ᠨᠢ ᠵᠦᠪ᠂ ᠤᠳᠤ ᠪᠡᠶᠡ ᠪᠠᠨ | ᠬᠠᠶᠢᠷᠠᠯᠠᠬᠤ ᠪᠤᠯᠤᠭᠰᠠᠨ ᠰᠢᠤ︕ ᠭᠡᠳ ᠸᠠᠩ ᠱᠤ᠋ ᠴᠢᠨ᠂ ᠠᠷᠢᠭᠤᠨᠲᠠᠨᠠ ᠵᠡᠷᠭᠡ ᠪᠠᠭᠰᠢ ᠶᠢ ᠤᠷᠢᠵᠤ ᠬᠤᠷᠠᠯ ᠳᠤ ᠤᠷᠤᠯᠴᠠᠭᠤᠯᠪᠠ᠃ ᠬᠠᠮᠤᠭ ᠤᠷᠢᠳ ᠢᠶᠠᠷ | ᠪᠢᠳᠠ ᠭᠤᠷᠪᠠᠭᠤᠯᠠ ᠶᠢ ᠲᠠᠨᠢᠯᠴᠠᠭᠤᠯᠤᠨ ᠬᠤᠶᠢᠰᠢᠳᠠ ᠶᠢᠨ ᠬᠠᠮᠵᠢᠯᠴᠠᠬᠤ ᠤᠴᠢᠷ ᠢ ᠨᠠᠶᠢᠳᠠᠵᠤ᠂ ᠳᠠᠷᠠᠭᠠ ᠨᠢ ᠪᠢᠳᠠᠨ ᠤ ᠬᠢᠵᠦ ᠪᠠᠶᠢᠭᠠ ︽ᠮᠤᠩᠭᠤᠯ ᠦᠭᠡ ᠶᠢᠨ | ᠪᠦᠷᠢᠨ ᠲᠤᠯᠢ︾ ᠳᠤ ᠠᠰᠢᠭᠯᠠᠵᠤ ᠪᠠᠶᠢᠭᠠ ᠠᠷᠭᠠ ᠬᠡᠯᠪᠡᠷᠢ᠂ ᠤᠴᠠᠷᠠᠭᠰᠠᠨ ᠠᠰᠠᠭᠤᠳᠠᠯ ᠢᠶᠠᠨ ᠶᠠᠷᠢᠯᠴᠠᠵᠤ ᠪᠢᠯᠡ᠃ ᠬᠠᠷᠢᠵᠤ ᠢᠷᠡᠭᠰᠡᠨ ᠤ ᠳᠠᠷᠠᠭᠠ ᠪᠢᠳᠠᠨ ᠨᠡᠩ | ᠰᠢᠷᠭᠠᠭᠤ ᠠᠵᠢᠯᠯᠠᠵᠤ᠂ ᠪᠠᠭᠰᠢ ᠶᠢᠨ ᠠᠮᠢᠳᠤ ᠰᠡᠷᠡᠭᠦᠨ ᠪᠠᠶᠢᠬᠤ ᠴᠠᠭ ᠢ ᠠᠮᠵᠢᠨ ᠨᠢᠭᠡ ᠲᠤᠯᠤᠭᠠᠢ ᠦᠭᠡ ᠶᠢ ᠴᠤ ᠬᠢᠨᠠᠭᠤᠯᠵᠤ ᠠᠮᠵᠢᠪᠠᠯ ᠠᠮᠠᠷ ᠦᠭᠡᠢ ᠰᠠᠶᠢᠨ | ᠠᠮᠵᠢᠯᠲᠠ ᠭᠡᠵᠦ ᠪᠦᠬᠦᠳᠡᠭᠡᠷ ᠶᠡᠭᠡ ᠴᠢᠷᠮᠠᠶᠢᠵᠤ ᠪᠠᠶᠢᠭᠰᠠᠨ ᠶᠤᠮ᠃ | ᠴᠢᠷᠮᠠᠶᠢᠯᠭᠠ ᠬᠦᠮᠦᠨ ᠢ ᠬᠦᠰᠡᠷᠳᠡᠭᠦᠯᠳᠡᠭ ᠦᠭᠡᠢ ᠭᠡᠭᠴᠢ ᠪᠠᠷ ᠪᠠᠭᠰᠢ ᠪᠠᠷ ᠲᠤᠯᠤᠭᠠᠢᠢᠯᠠᠭᠤᠯᠤᠭᠰᠠᠨ ︽ᠤᠷᠳᠤᠰ ᠤᠨ ᠬᠤᠤᠰ ᠬᠡᠯᠡᠨ ᠤ ᠲᠤᠯᠢ ᠪᠢᠴᠢᠭ ᠤᠨ | ᠰᠤᠳᠤᠯᠭᠠᠨ ᠤ ᠴᠢᠳᠠᠪᠤᠷᠢᠲᠠᠨ ᠤ ᠪᠦᠯᠬᠦᠮ︾ ᠨᠢ ᠤᠲᠤᠭ ᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨ ᠤ ︽2020 ᠤᠨ ᠤ ᠠᠵᠤ ᠦᠢᠯᠡᠰ ᠤᠨ ᠰᠢᠨᠡ ᠶᠢ ᠡᠭᠦᠳᠬᠦ | ᠴᠢᠳᠠᠪᠤᠷᠢᠲᠠᠨ ᠤ ᠪᠦᠯᠬᠦᠮ︾ ᠤᠨ ᠨᠢᠭᠡᠳᠦᠭᠡᠷ ᠳᠡᠰ ᠲᠤ ᠰᠢᠯᠭᠠᠷᠠᠵᠤ᠂ ᠪᠠᠭᠰᠢ ᠤᠲᠤᠭ ᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨ ᠤ ︽ᠴᠠᠬᠢᠷᠮᠠ ᠴᠢᠳᠠᠪᠤᠷᠢᠲᠠᠨ︾ ᠤ | ᠨᠢᠭᠡᠳᠦᠭᠡᠷ ᠳᠡᠰ ᠲᠤ ᠲᠤᠳᠤᠷᠠᠭᠰᠠᠨ ᠪᠢᠯᠡ᠃ | ᠨᠠᠰᠤᠲᠠᠢ ᠬᠦᠮᠦᠨ ᠦᠪᠡᠷ ᠤᠨ ᠪᠠᠶᠢᠳᠠᠯ ᠢᠶᠠᠨ ᠤᠷᠢᠳᠴᠢᠯᠠᠨ ᠮᠡᠳᠡᠴᠢᠭᠡᠳᠡᠭ ᠶᠤᠮ ᠪᠤᠯ ᠦᠦ︖ 2021 ᠤᠨ ᠤ 1 ᠰᠠᠷᠠ ᠶᠢᠨ 5 ᠠᠴᠠ ᠡᠬᠢᠯᠡᠨ ᠬᠡᠪ | ᠶᠤᠰᠤᠭᠠᠷ ᠠᠵᠢᠯᠯᠠᠵᠤ ᠳᠡᠶᠢᠯᠬᠦ ᠦᠭᠡᠢ ᠪᠤᠯᠤᠯᠠ᠃ ᠡᠨᠡ ᠦᠶᠡ ᠳᠤ ᠬᠡᠦᠬᠡᠳ ᠤᠳ ᠨᠢ ᠡᠮᠨᠡᠯᠭᠡ ᠳᠤ ᠪᠠᠶᠢᠴᠠᠭᠠᠯᠭᠠᠵᠤ ᠡᠮᠨᠡᠭᠦᠯᠦᠭᠰᠡᠨ ᠪᠤᠯᠪᠠᠴᠤ ᠠᠮᠢᠨ ᠳᠤ | ᠤᠷᠤᠬᠤ ᠡᠪᠡᠳᠴᠢᠨ ᠭᠡᠵᠦ ᠦᠭᠡᠢ᠃ ᠠᠭᠰᠠᠭᠠ ᠪᠤᠯᠤᠨ ᠲᠡᠷᠢᠬᠢ ᠴᠢᠰᠤᠨ ᠰᠤᠳᠠᠯ ᠳᠤ ᠲᠦᠭᠵᠢᠷᠡᠯ ᠲᠠᠢ ᠭᠡᠵᠦ ᠯᠠ ᠪᠠᠶᠢᠪᠠ᠃ ᠡᠨᠡ ᠡᠳᠦᠷ ᠠᠴᠠ ᠡᠬᠢᠯᠡᠨ | ᠮᠠᠨ ᠲᠠᠢ ᠬᠠᠮᠲᠤ ᠠᠵᠢᠯᠯᠠᠵᠤ ᠳᠡᠶᠢᠯᠦᠭᠰᠡᠨ ᠦᠭᠡᠢ᠃ ᠭᠡᠪᠡᠴᠤ ᠤᠭ ᠲᠤ ᠪᠠᠨ ᠬᠡᠯᠡᠵᠦ ᠪᠠᠶᠢᠭᠰᠠᠨ ᠦᠭᠡᠨ ᠳᠤ ᠪᠠᠨ ᠬᠦᠷᠦᠭᠰᠡᠨ ᠰᠢᠦ︕ ᠨᠤᠮ ᠤᠨ | ᠠᠰᠠᠷ ᠲᠤ ᠪᠠᠨ ᠬᠡᠪᠲᠡᠵᠦ ᠪᠢᠳᠠᠨ ᠢ ᠵᠢᠭᠠᠨ ᠵᠢᠯᠤᠭᠤᠳᠴᠤ᠂ ᠮᠡᠳᠡᠬᠦ ᠦᠭᠡᠢ ᠵᠦᠢᠯ ᠢᠶᠠᠨ ᠠᠰᠠᠭᠤᠬᠤ ᠳᠤ ᠤᠯᠬᠤ ᠮᠠᠲ᠋ᠧᠷᠢᠶᠠᠯ᠂ ᠮᠡᠳᠡᠬᠦ ᠵᠦᠢᠯ ᠢᠶᠠᠨ ᠬᠡᠯᠡᠵᠤ | ᠶᠠᠷᠢᠵᠤ ᠪᠠᠶᠢᠪᠠ᠃ ᠵᠢᠯ ᠤᠨ ᠨᠢᠭᠡ ᠨᠠᠭᠠᠳᠠᠭ ᠰᠡᠭᠦᠳᠡᠷ ᠲᠤ ᠪᠠᠨ 2020 ᠤᠨ ᠤ ᠬᠢ ᠳᠤ ᠵᠠᠪᠠᠯ ︽ᠴᠠᠬᠢᠷᠮᠠ ᠴᠢᠳᠠᠪᠤᠷᠢᠲᠠᠨ︾ ᠤ ᠱᠠᠩᠨᠠᠯ ᠲᠠᠢ ᠰᠡᠭᠦᠳᠡᠷ | ᠠᠪᠤᠨᠠ ᠭᠡᠵᠦ ᠬᠡᠪᠲᠡᠷᠢ ᠳᠤ ᠪᠠᠶᠢᠭᠰᠠᠨ ᠴᠤ ᠪᠠᠷᠢᠮᠲᠠᠯᠠᠯ ᠢᠶᠠᠨ ᠠᠯᠳᠠᠭᠠ ᠦᠭᠡᠢ᠃ | ᠬᠠᠩᠰᠢ ᠶᠢᠨ ᠴᠢᠯᠦᠭᠡ ᠲᠠᠯᠪᠢᠬᠤ ᠳᠤ ᠪᠠᠭᠰᠢ ᠭᠡᠷ ᠲᠤ ᠪᠠᠨ ᠬᠠᠷᠢᠨᠠ ᠭᠡᠰᠡᠨ ᠠᠴᠠ ᠬᠤᠶᠢᠰᠢ ᠲᠠᠬᠢᠵᠤ ᠨᠤᠮ ᠤᠨ ᠠᠰᠠᠷ ᠲᠤ ᠪᠠᠨ ᠭᠠᠷᠤᠭᠰᠠᠨ ᠦᠭᠡᠢ᠃ | ᠪᠡᠶᠡ ᠨᠢ ᠬᠠᠲᠠᠵᠤ ᠶᠠᠳᠠᠷᠠᠭᠰᠠᠨ ᠴᠤ ᠨᠠᠷᠠᠨ ᠳᠤ ᠭᠠᠷᠬᠤ ᠳᠤ ᠪᠠᠨ ᠵᠠᠪᠠᠯ ᠨᠤᠮ ᠤᠨ ᠠᠰᠠᠷ ᠤᠨ ᠳᠤᠤᠷᠠ ᠵᠢᠭᠠᠬᠠᠨ ᠰᠠᠭᠤᠵᠤ ᠪᠠᠶᠢᠭᠠᠳ ᠪᠤᠴᠠᠳᠠᠭ ᠪᠤᠯᠤᠯᠠ᠃ | ᠡᠷᠬᠢᠵᠦ ᠲᠤᠭᠤᠷᠢᠵᠤ ᠦᠵᠡᠬᠦ ᠪᠠᠷ ᠢᠷᠡᠭᠰᠡᠨ ᠬᠦᠮᠦᠨ ᠲᠠᠢ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠤᠨ ᠦᠭᠡ ᠬᠡᠯᠡᠬᠦ ᠪᠠᠨ ᠮᠠᠷᠳᠠᠭᠠ ᠦᠭᠡᠢ᠃ | — ᠪᠢ ᠪᠠᠷᠠᠭᠤᠨ ᠬᠤᠶᠢᠰᠢ ᠶᠠᠪᠤᠴᠢᠬᠠᠪᠠᠯ ᠶᠠᠮᠠᠷ ᠶᠠ ᠴᠠᠭᠠᠨ ᠵᠤᠭᠤᠰᠤᠨ ᠬᠢᠷᠢ ᠴᠠᠭᠠᠷᠢᠭ ᠴᠡᠴᠡᠭ ᠬᠦᠷᠭᠡᠴᠢᠭᠡ ᠳ᠋ᠠ︕ | — ᠴᠢ ᠪᠠᠷᠠᠭᠤᠨ ᠬᠤᠶᠢᠰᠢ ᠪᠠᠨ ᠶᠠᠪᠤᠭᠰᠠᠨ ᠦᠭᠡᠢ ᠪᠠᠷ ᠨᠠᠮᠠ ᠬᠦᠯᠢᠶᠡᠵᠦ ᠪᠠᠶᠢᠨᠠ ᠦᠦ︖ | — ᠪᠢ ᠴᠢᠨᠤ ᠤᠷᠢᠲᠠᠢ ᠶᠠᠪᠤᠵᠤ ᠵᠠᠮ ᠮᠦᠷ ᠢ ᠨᠢ ᠤᠯᠵᠤ ᠴᠢᠮᠠ ᠳᠤ ᠬᠠᠷᠢᠴᠠᠭᠠᠨ ᠤ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠵᠦ ᠪᠠᠶᠢᠶᠠ︕ | — ᠪᠢ ᠨᠢᠭᠡ ᠨᠠᠰᠤᠨ ᠠᠮᠢᠳᠤᠷᠠᠭᠠᠳ ᠦᠷᠲᠡᠭ ᠲᠤ ᠪᠠᠨ ᠬᠦᠷᠦᠭᠰᠡᠨ᠂ ᠤᠴᠢᠭᠠᠳ ᠴᠢᠮᠠ ᠬᠦᠯᠢᠶᠡᠵᠦ ᠪᠠᠶᠢᠶᠠ︕ ᠬᠡᠬᠦ ᠮᠡᠲᠦ ᠶᠢᠨ ᠲᠤᠭᠯᠠᠭᠠᠮ | ᠬᠢᠴᠢᠭᠡᠭᠰᠡᠨ ᠬᠡᠪᠲᠡᠲᠡᠭ᠃ ᠦᠬᠦᠯ ᠢ ᠵᠡᠭᠦᠨ ᠪᠠᠷᠠᠭᠤᠨ ᠭᠡᠷ ᠤᠨ ᠡᠭᠦᠳᠡᠨ ᠪᠤᠱᠤᠭᠠ ᠪᠠᠷ ᠠᠯᠬᠤᠵᠤ ᠤᠷᠤᠬᠤ ᠶᠢᠨ ᠲᠡᠳᠦᠢ ᠰᠠᠨᠠᠵᠤ ᠠᠶᠤᠩᠭᠤᠷᠢ ᠦᠭᠡᠢ ᠲᠠᠶᠢᠪᠤᠩ | ᠲᠤᠭᠲᠠᠭᠤᠨ ᠢᠶᠠᠷ ᠢᠶᠠᠨ ᠪᠠᠶᠢᠳᠠᠬ ᠪᠤᠯᠬᠤᠷ ᠰᠡᠳᠬᠢᠯ ᠳᠤ ᠶᠡᠭᠡ ᠲᠠᠭᠠᠲᠠᠶᠢᠬᠠᠨ ᠲᠦᠷᠦᠭᠳᠡᠯ ᠦᠭᠴᠦ ᠠᠶᠤᠵᠤ ᠰᠤᠴᠢᠷᠳᠠᠬᠤ ᠰᠡᠳᠬᠢᠯ ᠮᠢᠨᠢ ᠠᠶᠠᠨᠳᠠᠭᠠᠨ ᠨᠠᠮᠳᠠᠬᠤ | ᠪᠤᠯᠤᠭᠰᠠᠨ ᠢ ᠦᠪᠡᠷ ᠢᠶᠠᠨ ᠶᠡᠭᠡ ᠭᠠᠶᠢᠬᠠᠳᠠᠭ ᠪᠤᠯᠤᠯᠠ᠃ ᠪᠦᠬᠦ᠋ᠢᠯᠡ ᠨᠢᠭᠡ ᠨᠠᠰᠤᠨ ᠤ ᠠᠵᠢᠯ ᠢᠶᠠᠨ ᠶᠠᠭ ᠪᠦᠷᠢᠨ ᠬᠦᠢᠴᠡᠳ ᠪᠡᠶᠡᠯᠡᠭᠦᠯᠦᠭᠰᠡᠨ ᠰᠢᠭ᠂ ᠪᠦᠬᠦᠳᠡ | ᠤᠯᠠᠨ ᠤ ᠰᠡᠳᠬᠢᠯ ᠤᠨ ᠡᠮᠵᠡᠭᠯᠡᠯ ᠢ ᠤᠷᠢᠳ ᠠᠴᠠ ᠨᠢ ᠡᠬᠢᠯᠡᠨ ᠰᠡᠷᠭᠡᠶᠢᠯᠡᠭᠡ ᠬᠢᠭᠰᠡᠨ ᠰᠢᠭ᠂ ᠪᠦᠬᠦᠰᠢ ᠦᠭᠡᠢ ᠭᠠᠯ ᠤᠨ ᠴᠤᠭ ᠮᠡᠲᠦ ᠳᠤᠯᠠᠭᠠᠬᠠᠨ ᠢᠶᠠᠷ ᠢᠶᠠᠨ | ᠪᠠᠶᠢᠳᠠᠭ ᠰᠢᠭ᠋᠂ ᠪᠦᠷᠢᠯᠸᠠ ᠶᠢᠨ ᠬᠤᠪᠢᠯᠭᠠᠨ ᠢᠶᠠᠷ ᠲᠦᠮᠡᠨ ᠳᠤ ᠪᠠᠨ ᠰᠤᠶᠤᠷᠬᠠᠭᠳᠠᠭᠰᠠᠨ ᠰᠢᠭ᠋ ᠭᠡᠭᠡᠨ ᠳᠦᠷᠢ ᠶᠢ ᠱᠤᠭᠤᠨ ᠪᠦᠲᠦᠭᠡᠵᠡᠢ᠃ | 2021 ᠤᠨ ᠤ 6 ᠰᠠᠷᠠ ᠶᠢᠨ 28 ᠤ ᠦᠲᠡᠰᠢ ᠪᠠᠭᠰᠢ ᠦᠨᠡᠨ ᠤ ᠭᠠᠵᠠᠷ ᠲᠤ ᠪᠠᠨ ᠤᠳᠤᠯᠠ᠃ ᠬᠤᠶᠢᠨᠠ ᠠᠴᠠ ᠨᠢ ᠪᠤᠷᠬᠠᠨ ᠳᠡᠭᠷᠢ ᠶᠠᠭ ᠡᠮᠵᠡᠭᠯᠡᠨ | ᠮᠡᠭᠰᠢᠵᠦ ᠪᠠᠶᠢᠭᠠ ᠭᠡᠨ ᠨᠢᠭᠡᠨ ᠮᠡᠲᠦ ᠭᠡᠰᠡᠭᠬᠡᠨ ᠵᠠᠭᠤᠷᠠ ᠬᠤᠷᠠ ᠬᠠᠶᠢᠷᠠᠯᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠲᠦᠳᠡᠬᠡᠨ ᠴᠡᠯᠮᠡᠭᠰᠢᠯᠠ᠃ ᠪᠠᠭᠰᠢ ᠦᠨᠡᠬᠡᠷ ᠶᠡᠭᠡ ᠤᠲᠤ ᠲᠠᠢ | ᠬᠦᠮᠦᠨ ᠪᠠᠶᠢᠭᠰᠠᠨ ᠰᠠᠨᠵᠠᠢ᠃ ᠪᠠᠭᠰᠢ ᠲᠠᠢ ᠪᠠᠨ ᠤᠴᠠᠷᠠᠵᠤ ᠱᠠᠪᠢᠯᠠᠭᠰᠠᠨ ᠴᠠᠭ ᠮᠢᠨᠢ ᠪᠠᠰᠠ ᠵᠢᠭᠠᠬᠠᠨ ᠤᠷᠲᠤ ᠪᠠᠶᠢᠭᠰᠠᠨ ᠪᠤᠯ ᠬᠡᠳᠦᠢ ᠰᠠᠶᠢᠬᠠᠨ ᠪᠤᠢ︕ ᠡᠨᠡᠬᠡᠨ | ᠨᠠᠰᠤᠨ ᠳᠤ ᠮᠢᠨᠢ ᠬᠤᠪᠤᠷᠬᠠᠨ ᠳᠤᠬᠢᠶᠠᠭᠰᠠᠨ ᠬᠠᠮᠤᠭ ᠤᠨ ᠲᠤᠮᠤ ᠤᠯᠵᠠᠷᠬᠠᠯ᠂ ᠠᠵᠠ ᠪᠤᠶᠠᠨ ᠪᠠᠶᠢᠬᠤ ᠯᠠ ᠶᠤᠰᠤᠲᠠᠢ᠃ | ᠪᠠᠭᠰᠢ ᠮᠢᠨᠢ ᠪᠤᠷᠬᠠᠨ ᠪᠤᠯᠤᠭᠰᠠᠨ ᠪᠤᠯᠪᠠᠴᠤ᠂ ᠤᠯᠤᠰ ᠦᠨᠳᠦᠰᠦᠲᠡᠨ ᠳᠤ ᠪᠠᠨ ᠭᠡᠵᠦ ᠵᠤᠷᠢᠭᠤᠯᠤᠭᠰᠠᠨ ︽ᠮᠤᠩᠭᠤᠯ ᠦᠭᠡ ᠶᠢᠨ ᠪᠦᠷᠢᠨ ᠲᠤᠯᠢ︾ ᠶᠢ | ᠱᠠᠪᠢ ᠪᠤᠯᠤᠭᠰᠠᠨ ᠪᠢᠳᠠ ᠨᠠᠷ ᠵᠠᠬᠢᠶᠠᠰᠤ ᠶᠤᠰᠤᠭᠠᠷ ᠵᠠᠯᠭᠠᠵᠤ ᠬᠢᠭᠰᠡᠬᠡᠷ ᠪᠠᠶᠢᠨᠠ᠃ ᠢᠷᠡᠬᠦ ᠨᠢᠭᠡᠨ ᠡᠳᠤᠷ ︽ᠮᠤᠩᠭᠤᠯ ᠦᠭᠡ ᠶᠢᠨ ᠪᠦᠷᠢᠨ ᠲᠤᠯᠢ︾ ᠮᠡᠨᠳᠦᠯᠡᠵᠦ᠂ | ᠪᠠᠭᠰᠢ ᠮᠢᠨᠢ ᠪᠤᠷᠬᠠᠨ ᠤ ᠤᠷᠤᠨ ᠠᠴᠠ ᠰᠡᠤᠨᠬᠢᠯ ᠲᠡᠨᠢᠢᠨ ᠪᠠᠶᠠᠰᠬᠤ ᠪᠤᠯᠤᠭᠠᠰᠠᠢ︕ | |