| ᠮᠣᠩᠭᠤᠯᠴᠤᠳ ᠪᠣᠯ ᠡᠨᠡ ᠬᠦ ᠡᠷᠭᠡᠰ ᠭᠠᠷᠠᠭ ᠤᠨ ᠬᠠᠮᠤᠭ ᠤᠨ ᠰᠡᠭᠦᠯᠴᠢ ᠶᠢᠨ ᠨᠡᠭᠦᠳᠡᠯᠴᠢᠨ ᠥᠨᠳᠤᠰᠤᠲᠡᠨ ᠪᠢᠯᠡ᠃ ᠲᠡᠳᠡ ᠮᠠᠨᠢᠲᠦᠪ ᠠᠽᠢᠶᠠ ᠶᠢᠨ | ᠥᠷᠭᠡᠨ ᠠᠭᠤᠳᠠᠮ ᠨᠤᠲᠤᠭ ᠲᠤ ᠮᠠᠯ ᠰᠦᠷᠦᠭ ᠢᠶᠠᠨ ᠳᠣᠳᠤᠮᠳᠠᠨ ᠠᠷᠠᠴᠢᠯᠠᠵᠤ᠂ ᠲᠡᠭᠦᠨ ᠳᠤ ᠵᠤᠬᠢᠴᠠᠭᠤᠯᠤᠨ ᠪᠠᠶᠢᠩᠭᠤ ᠨᠡᠭᠦᠨ ᠰᠢᠯᠵᠢᠵᠦ᠂ ᠮᠠᠯ ᠮᠠᠯᠵᠢᠯ ᠢᠶᠠᠷ | ᠠᠮᠢᠵᠢᠷᠠᠭᠠ ᠪᠠᠨ ᠳᠡᠳᠬᠦᠵᠦ ᠶᠠᠪᠤᠳᠠᠭ ᠤᠨ ᠤᠴᠢᠷ ᠠᠴᠠ ᠮᠣᠩᠭᠤᠯᠴᠤᠳ ᠤᠨ ᠵᠢᠷᠦᠬᠡ ᠰᠡᠳᠭᠢᠯ ᠳᠤ ᠬᠤᠨᠤᠭᠰᠢᠨ ᠬᠠᠳᠠᠩᠰᠢᠭᠰᠠᠨ ︽ᠡᠬᠡ ᠨᠤᠲᠤᠭ︾ ᠭᠡᠳᠡᠭ ᠨᠢ | ᠥᠨᠦᠳᠦᠷ ᠤᠨ ᠲᠠ ᠪᠢᠳᠠᠨ ᠤ ᠦᠢᠯᠠᠭᠠᠯᠳᠠ ᠳᠤ ᠪᠠᠶᠢᠳᠠᠭ ᠡᠨᠡ ᠲᠣᠣᠷ ᠤᠨ ᠦᠵᠦᠭᠦᠷ ᠠᠴᠠ ᠲᠡᠷᠡ ᠲᠣᠣᠷ ᠤᠨ ᠵᠠᠬᠠ ᠬᠦᠷᠬᠦ ᠵᠠᠢ ᠶᠢ ᠬᠡᠯᠡᠬᠦ ᠪᠢᠰᠢ᠂ ᠬᠠᠷᠢᠨ ᠮᠠᠯ | ᠰᠦᠷᠦᠭ ᠢᠶᠠᠨ ᠲᠠᠭᠠᠨ ᠨᠡᠭᠦᠳᠡᠯᠯᠡᠬᠦ ᠶᠠᠪᠤᠴᠠ ᠳᠠᠭᠠᠨ ︽ᠡᠬᠡ ᠶᠢᠨ ᠬᠦᠢ ᠪᠠᠨ ᠲᠠᠯᠪᠢᠭᠰᠠᠨ ᠭᠠᠵᠠᠷ︾ ᠢ ︽ᠡᠬᠡ ᠨᠤᠲᠤᠭ︾ ᠬᠡᠮᠡᠨ ᠨᠡᠷᠡᠯᠡᠳᠡᠭ ᠶᠤᠮ᠃ ᠲᠡᠷᠡ ᠨᠢ | ᠪᠢᠳᠠᠨ ᠤ ᠬᠡᠯᠡᠳᠡᠭ ᠬᠦᠢ ᠶᠢᠨ ᠬᠤᠯᠪᠤᠭᠠ ᠲᠠᠢ ᠨᠤᠲᠤᠭ ᠪᠤᠯᠬᠤ ᠶᠤᠮ᠃ ᠮᠣᠩᠭᠤᠯᠴᠤᠳ ᠶᠡᠭᠡ ᠣᠯᠠᠨ ᠴᠡᠭᠡᠷ ᠶᠣᠰᠤᠨ ᠲᠠᠢ ᠭᠡᠳᠡᠭ ᠢ ᠬᠦᠮᠦᠰ ᠪᠦᠷ ᠮᠡᠳᠡᠨᠡ᠃ | ᠥᠨᠦ ᠪᠣᠯᠤᠭᠠᠳ ᠢᠷᠡᠬᠦ ᠳᠤ ᠣᠯᠠᠨ ᠠᠷᠪᠢᠨ ᠴᠡᠭᠡᠷ ᠶᠣᠰᠤ ᠨᠢ ᠪᠦᠷ ︽ᠶᠠᠷᠰᠢᠭ ᠤᠷᠰᠢᠭ︾ ᠤᠨ ᠨᠡᠷᠡ ᠡᠭᠦᠷᠦᠭᠡᠳ ᠪᠢᠳᠠᠨ ᠤ ᠠᠮᠢᠳᠤᠷᠠᠯ ᠳᠤ ᠭᠤᠯᠤᠭᠳᠠᠨ | ᠬᠤᠯᠠᠳᠠᠭᠰᠠᠭᠠᠷ ᠪᠠᠶᠢᠨᠡ᠃ ᠪᠢᠳᠠ ᠥᠪᠡᠷ ᠢ ᠪᠠᠨ ᠲᠠᠨᠢᠬᠤ ᠦᠭᠡᠢ ᠪᠣᠯᠲᠠᠯᠠ ᠥᠭᠡᠷᠡᠴᠢᠯᠡᠨ ᠰᠢᠨᠡᠴᠢᠯᠡᠭᠰᠡᠭᠡᠷ ᠪᠠᠶᠢᠨᠡ᠃ ᠡᠭᠦᠨ ᠳᠤ ︽ᠡᠬᠡ ᠨᠤᠲᠤᠭ︾ ᠪᠤᠶᠤ | ︽ᠬᠦᠢ ᠶᠢᠨ ᠬᠤᠯᠪᠤᠭᠠ ᠲᠠᠢ ᠨᠤᠲᠤᠭ︾ ᠭᠡᠳᠡᠭ ᠢ ᠴᠤᠬᠤᠮ ᠬᠡᠳᠦᠨ ᠬᠦᠮᠦᠨ ᠠᠵᠢᠭᠯᠠᠵᠤ ᠬᠡᠳᠦᠨ ᠬᠦᠮᠦᠨ ᠪᠠᠷᠢᠮᠲᠠᠯᠠᠵᠤ ᠶᠠᠪᠤᠭᠰᠠᠨ ᠪᠣᠯ︖ ᠨᠡᠭᠦᠳᠡᠯᠴᠢᠳ | ᠶᠡᠷᠦ ᠨᠢ ᠬᠡᠤᠭᠡᠳ ᠤᠨ ᠬᠦᠢ ᠪᠠᠨ ᠬᠥᠬᠡ ᠪᠠᠭᠤᠴᠠ ᠠᠴᠠ ᠦᠢᠷᠠᠬᠠᠨ ᠨᠠᠷᠠᠨ ᠡᠭᠡᠭ ᠲᠠᠯᠠ ᠶᠢᠨ ᠬᠢᠷᠠ ᠶᠢᠨ ᠪᠦᠰᠡᠯᠡᠭᠦᠷ ᠢᠶᠠᠷ ᠰᠢᠭ ᠲᠠᠯᠪᠢᠳᠠᠭ ᠵᠠᠩᠰᠢᠯ ᠲᠠᠢ | ᠪᠠᠶᠢᠵᠠᠢ᠃ ᠲᠡᠭᠡᠭᠡᠳ ᠨᠡᠭᠦᠵᠦ ᠪᠠᠭᠤᠵᠤ ᠶᠠᠪᠤᠬᠤ ᠳᠠᠭᠠᠨ ᠬᠦᠢ ᠲᠠᠯᠪᠢᠭᠰᠠᠨ ᠭᠠᠵᠠᠷ ᠲᠦᠳᠡᠭ ᠨᠣᠴᠤᠭᠠᠨ ᠬᠡᠤᠭᠡᠳ ᠢᠶᠠᠨ ᠤᠤᠬᠠᠶᠢᠯᠠᠭᠤᠯᠵᠤ᠂ ᠰᠦᠯᠳᠡ ᠶᠢ ᠨᠢ | ᠰᠡᠷᠭᠦᠭᠡᠵᠦ ᠡᠷᠴᠢᠮ ᠢ ᠨᠢ ᠴᠢᠩᠭᠠᠷᠠᠭᠤᠯᠳᠠᠭ ᠪᠦᠭᠡᠳ ᠬᠡᠤᠭᠡᠳ ᠶᠠᠭᠤ ᠨᠢᠭᠡᠨ ᠶᠠᠭᠤᠮᠠ ᠠᠴᠠ ᠠᠶᠤᠵᠤ ᠰᠣᠴᠢᠬᠤ ᠦᠶᠡᠰ ᠮᠦᠨ ᠬᠦᠢ ᠲᠠᠯᠪᠢᠭᠰᠠᠨ ᠭᠠᠵᠠᠷ ᠲᠤᠨᠢ | ᠣᠴᠢᠵᠤ ᠰᠦᠨᠡᠰᠦ ᠶᠢ ᠨᠢ ᠳᠠᠭᠤᠳᠠᠵᠤ ᠴᠤᠭ ᠵᠣᠯᠪᠤᠭᠠ ᠶᠢ ᠨᠢ ᠬᠤᠷᠦ᠋ᠢᠯᠠᠳᠠᠭ᠃ ᠮᠦᠨ ᠴᠦ ᠬᠡᠤᠭᠡᠳ ᠤᠨ ᠪᠡᠶᠡ ᠶᠠᠮᠠᠷ ᠨᠢᠭᠡᠨ ᠬᠡᠯᠪᠡᠷᠢ ᠶᠢᠨ ᠠᠷᠠᠰᠤᠨ ᠬᠠᠷᠰᠢᠯᠠᠯ | ᠪᠤᠶᠤ ᠢᠳᠡᠭᠡ ᠢᠯᠳᠦ ᠭᠠᠷᠬᠤ ᠳᠤ ᠲᠡᠷᠡ ᠬᠦ ᠨᠤᠲᠤᠭ ᠲᠤᠨᠢ ᠣᠴᠢᠵᠤ ᠰᠢᠷᠦᠢ ᠲᠡᠭᠡᠷᠠ ᠨᠢ ᠬᠦᠷᠪᠡᠭᠦᠯᠵᠦ ᠪᠠᠶᠢᠭᠠᠳ ᠡᠳᠡᠭᠡᠭᠡᠳᠡᠭ᠃ ᠮᠤᠩᠭᠤᠯᠴᠤᠳ ᠪᠠᠰᠠ | ᠤᠤᠯ ᠨᠢ ᠬᠠᠮᠢᠭᠠ ᠬᠤᠯᠠ ᠶᠠᠪᠤᠬᠤ ᠳᠤ ᠬᠦᠢ ᠲᠠᠯᠪᠢᠭᠰᠠᠨ ᠨᠤᠲᠤᠭ ᠤᠨ ᠰᠢᠷᠤᠢ ᠠᠴᠠ ᠬᠡᠳᠦᠨ ᠴᠢᠮᠬᠢ ᠠᠪᠴᠤ ᠶᠠᠪᠤᠭᠠᠳ ᠡᠷᠴᠢᠮ ᠮᠠᠭᠤᠲᠠᠵᠤ ᠰᠢᠷᠬᠠ ᠠᠪᠬᠤ | ᠦᠶᠡᠰ ᠲᠡᠭᠦᠨ ᠢᠶᠠᠨ ᠤᠰᠤᠨ ᠳᠤ ᠬᠢᠵᠦ ᠳᠣᠮᠨᠣᠨ ᠤᠤᠭᠤᠬᠤ ᠳᠣᠬᠢᠶᠠᠯᠳᠤᠯ ᠴᠤ ᠭᠠᠷᠳᠠᠭ ᠪᠠᠶᠢᠭᠰᠡᠨ᠃ ᠡᠨᠡ ᠨᠢ ᠶᠠᠭ ᠣᠳᠤ ᠴᠠᠭ ᠤᠨ ᠡᠮᠨᠡᠯᠭᠡ ᠳᠡᠭᠡᠷᠡ | ᠡᠬᠡ ᠶᠢᠨ ᠬᠦᠢ ᠶᠢ ᠨᠢ ᠳᠤᠰᠬᠠᠢ ᠬᠥᠯᠳᠡᠭᠡᠬᠦ ᠬᠤᠷᠭᠤ ᠬᠦᠯᠤᠰᠣᠯᠡᠨ ᠬᠥᠯᠳᠡᠭᠡᠵᠦ ᠬᠦᠨᠳᠦ ᠶᠡᠭᠡ ᠡᠮᠴᠢᠯᠡᠭᠡᠨ ᠳᠤ ᠬᠡᠷᠡᠭᠯᠡᠬᠦ ᠪᠠᠷ ᠦᠯᠡᠳᠡᠭᠡᠵᠦ ᠪᠠᠶᠢᠬᠤ ᠲᠠᠢ ᠠᠳᠠᠯᠢ | ᠲᠠᠯᠠ ᠪᠠᠶᠢᠬᠤ ᠪᠢᠰᠢ ᠤᠤ︖ ᠵᠥᠪᠬᠡᠨ ᠨᠢᠭᠡ ᠨᠢ ᠰᠢᠨᠡ ᠮᠠᠶ᠋ᠢᠭ ᠢᠶᠠᠷ ᠬᠠᠳᠠᠭᠠᠯᠠᠵᠤ᠂ ᠨᠦᠬᠦᠭᠡ ᠨᠢ ᠪᠠᠶᠢᠭᠠᠯᠢᠯᠢᠭ ᠠᠬᠤᠢ ᠳᠠᠭᠠᠨ ᠤᠯᠠᠮ ᠣᠯᠠᠨ ᠬᠡᠷᠡᠭᠴᠡᠭᠡᠨ ᠳᠤ | ᠦᠯᠡᠳᠡᠭᠡᠭᠰᠡᠨ ᠤᠴᠢᠷ ᠲᠡᠳᠦᠢ ᠪᠢᠰᠢ ᠤᠤ︖ ᠡᠨᠡ ᠲᠤᠬᠠᠢ ᠨᠢᠭᠡᠨ ᠡᠵᠢ ᠬᠥᠮᠤᠨ ᠤ ᠶᠠᠷᠢᠶᠠ ᠶᠢ ᠰᠠᠶᠢᠷᠡᠬᠦᠯᠪᠠᠯ᠄ ᠲᠡᠭᠦᠨ ᠤ ᠤᠤᠭᠠᠨ ᠬᠡᠤᠭᠡᠳ ᠨᠢ | ᠬᠥᠩᠭᠡᠵᠢᠭᠰᠡᠨ ᠤ ᠳᠠᠷᠠᠭᠠ ᠪᠦᠲᠦᠨ ᠵᠠᠭᠤᠨ ᠬᠤᠨᠤᠭ ᠪᠠᠭᠠᠰᠤ ᠠᠯᠳᠠᠵᠤ ᠵᠤᠪᠠᠭᠠᠭᠠᠳ ᠶᠠᠭᠠᠬᠢᠵᠤ ᠡᠮᠴᠢᠯᠡᠬᠦᠯᠤᠭ᠍ᠰᠠᠨ ᠪᠤᠯᠪᠠᠴᠤ ᠲᠤᠰᠠ ᠭᠠᠷᠤᠭᠰᠠᠨ ᠦᠭᠡᠢ᠃ | ᠲᠡᠭᠡᠭᠡᠳ ᠨᠤᠲᠤᠭ ᠤᠨ ᠨᠢᠭᠡ ᠬᠥᠭᠰᠢᠨ ᠡᠮᠴᠢ ᠠᠴᠠ ᠠᠰᠠᠭᠤᠬᠰᠠᠨ ᠳᠤ᠂ ᠲᠡᠷᠡ ᠨᠠᠰᠤᠲᠠᠨ ︽ᠬᠡᠤᠭᠡᠳ ᠤᠨ ᠢᠶᠠᠨ ᠬᠦᠢ ᠶᠢ ᠬᠠᠮᠢᠭᠠ ᠲᠠᠯᠪᠢᠭᠰᠠᠨ ᠪᠤᠢ ᠬᠡᠵᠤ | ᠠᠰᠠᠭᠤᠵᠤ ᠥᠩᠭᠡᠷᠡᠵᠡᠢ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠡᠨᠡ ᠡᠮᠡᠭᠲᠡᠢ ᠳᠠᠬᠢᠨ ᠬᠡᠤᠭᠡᠳ ᠲᠦᠷᠦᠬᠦ ᠳᠡᠭᠡᠨ ᠶᠠᠭᠤᠨ ᠤ ᠡᠮᠦᠨᠡ ᠬᠤᠶᠢᠳᠤᠬᠢ ᠶᠢ ᠨᠢ ᠠᠪᠴᠤ | ᠲᠤᠰᠬᠠᠶᠢᠯᠠᠨ ᠬᠥᠳᠡᠭᠡ ᠳᠡᠭᠡᠨ ᠠᠪᠠᠴᠢᠵᠤ ᠲᠠᠯᠪᠢᠳᠠᠭ ᠪᠣᠯᠤᠭᠰᠠᠨ ᠭᠡᠨᠡ᠃ ᠲᠡᠭᠦᠨ ᠤ ᠬᠡᠯᠡᠬᠦ ᠪᠠᠷ᠂ ᠤᠤᠭᠠᠨ ᠬᠡᠤᠭᠡᠳ ᠨᠢ ᠬᠤᠶᠠᠷ ᠳᠡᠭᠦᠦ ᠲᠠᠢ ᠪᠠᠨ | ᠠᠳᠠᠯᠢᠳᠬᠠᠪᠠᠯ᠂ ᠦᠷᠭᠦᠮᠡᠲᠡᠭᠡᠢ᠂ ᠰᠣᠴᠢᠮᠠᠬᠠᠢ᠂ ᠲᠣᠭᠲᠠᠪᠤᠷᠢ ᠦᠭᠡᠢ ᠪᠦᠭᠡᠳ ᠲᠡᠰᠪᠤᠷᠢ ᠳᠠᠭᠠᠭᠠᠴᠠ ᠪᠠᠷ ᠪᠦᠷ ᠨᠡᠯᠢᠶᠡᠳ ᠠᠨᠠᠢ ᠪᠠᠶᠢᠳᠠᠭ᠃ ᠬᠤᠶᠠᠷ ᠳᠡᠭᠦᠦ ᠨᠢ | ᠬᠠᠷᠢᠨ ᠲᠤᠩ ᠲᠣᠭᠲᠠᠭᠤᠨ᠂ ᠤᠬᠠᠭᠠᠯᠢᠭ ᠪᠠᠶᠢᠳᠠᠭ ᠪᠦᠭᠡᠳ ᠡᠪᠡᠳᠴᠢᠨ ᠲᠠᠬᠤᠯ ᠦᠭᠡᠢ ᠡᠷᠡᠭᠦᠯ ᠴᠢᠭᠢᠷᠠᠭ᠂ ᠴᠣᠪᠤᠭᠤ ᠳᠡᠭᠵᠢᠨ ᠪᠠᠶᠢᠳᠠᠭ ᠭᠡᠨᠡ᠃ ᠪᠢᠳᠠ | ᠣᠯᠠᠨ ᠠᠷᠪᠢᠨ ᠴᠡᠭᠡᠷ ᠶᠤᠰᠤ ᠶᠢ ᠤᠮᠳᠤᠭᠠᠶᠢᠯᠠᠨ ᠮᠠᠷᠲᠠᠭᠰᠠᠨ ᠪᠤᠯᠪᠠᠴᠤ ᠭᠠᠭᠴᠠ ᠣᠯᠳᠠᠬᠤ ᠬᠦᠢ ᠬᠤᠯᠪᠤᠬᠤ ᠶᠣᠰᠤᠨ ᠢ ᠬᠢᠴᠢᠶᠡᠵᠤ ᠪᠠᠶᠢᠪᠠᠯ ᠶᠠᠭᠠᠬᠢᠳᠠᠭ ᠪᠤᠯ︖ | ᠶᠡᠷᠦ ᠨᠢ ᠥᠨᠦᠳᠦᠷ ᠤᠨ ᠬᠡᠤᠭᠡᠳ ᠤᠳ ᠶᠡᠬᠡᠬᠡᠨ ᠬᠡᠪᠡᠷᠡᠭ ᠪᠣᠯᠤᠭᠰᠠᠨ ᠪᠠᠶᠢᠳᠠᠯ ᠳᠣᠣᠷᠠ ᠬᠦᠢ ᠶᠢᠨ ᠬᠤᠯᠪᠤᠭᠠ ᠶᠢ ᠨᠢ ᠬᠥᠬᠡ ᠪᠠᠭᠤᠴᠠ ᠳᠠᠭᠠᠨ ᠵᠠᠯᠠᠪᠠᠯ ᠶᠠᠮᠠᠷ | ᠪᠤᠯ︖ ᠬᠥᠬᠡ ᠲᠣᠯᠪᠤᠲᠤ ᠦᠷᠡᠰ ᠮᠠᠨᠢ ᠬᠦᠢ ᠪᠠᠨ ᠵᠦᠪ ᠵᠠᠯᠠᠵᠤ ᠬᠦᠳᠡᠷ ᠴᠢᠭᠢᠷᠠᠭ ᠪᠤᠯᠬᠤ ᠪᠣᠯᠲᠤᠭᠠᠢ︕ |