| ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠡᠬᠦᠰᠦᠯ ᠭᠠᠷᠤᠯ ᠪᠠ ᠲᠠᠮᠠᠭᠠ ᠰᠠᠶᠢᠯᠤᠮᠠᠯ ᠤᠨ ᠲᠤᠬᠠᠢ ᠦᠬᠦᠯᠡᠬᠦ ᠨᠢ | | ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ ᠤ ᠮᠤᠩᠭᠤᠯ ᠤᠷᠠᠨ | ᠪᠢᠴᠢᠯᠬᠡᠳᠡᠨ ᠤ ᠨᠡᠶᠢᠬᠡᠮᠯᠢᠭ ᠤᠨ ᠬᠡᠰᠢᠬᠦᠨ — ᠪᠤᠷᠵᠢᠬᠢᠨ ᠴᠠᠭᠠᠨᠰᠦ᠋ᠮᠪᠦᠷ | | | ᠮᠤᠩᠭᠤᠯ ᠦᠰᠦᠭ ᠤᠨ ᠪᠢᠴᠢᠯᠬᠡ ᠵᠦᠢ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠪᠠᠶᠠᠯᠢᠭ ᠦᠪ᠂ ᠤᠯᠠᠮᠵᠢᠯᠠᠯᠳᠦ ᠰᠤᠶᠤᠯ ᠤᠷᠠᠯᠢᠭ ᠤᠨ ᠴᠢᠬᠤᠯᠠ ᠪᠦᠷᠢᠯᠳᠦᠬᠦᠨ | ᠬᠡᠰᠡᠭ ᠪᠤᠯᠤᠨᠠ᠃ ᠡᠷᠡᠯᠬᠡᠭ ᠪᠠᠭᠠᠳᠤᠷᠯᠢᠭ᠂ ᠡᠬᠦᠳᠦᠨ ᠪᠦᠳᠦᠬᠡᠯᠴᠢ᠂ ᠰᠤᠳᠤᠨ ᠪᠢᠯᠢᠭᠳᠦ ᠡᠪᠦᠭᠡ ᠳᠡᠬᠡᠳᠦᠰ ᠮᠠᠨᠢ ᠮᠤᠩᠭᠤᠯ ᠦᠰᠦᠭ ᠤᠨ ᠰᠦᠭ ᠠᠪᠢᠶᠠᠰ ᠢ | ᠬᠦᠢᠴᠡᠳ ᠢᠯᠡᠷᠡᠬᠦᠯᠦᠨ ᠭᠠᠶᠢᠬᠠᠭᠤᠯᠤᠭᠰᠠᠨ ᠦᠪᠡᠷᠮᠢᠴᠡ ᠡᠳᠡᠬᠡᠳ᠂ ᠲᠦᠷᠢ ᠲᠦᠷᠬᠦ᠂ ᠭᠤᠶᠢᠳᠠ ᠬᠡᠯᠪᠡᠷᠢ᠂ ᠤᠷᠠᠯᠢᠭ ᠴᠤᠭᠴᠠᠰ ᠢᠶᠠᠷ ᠢᠶᠠᠨ ᠲᠠᠶᠠᠩ ᠲᠡᠯᠡᠬᠡᠢ | ᠳᠤ ᠰᠤᠯᠤᠩᠭᠠᠷᠠᠵᠦ᠂ ᠨᠡᠷᠡ ᠠᠯᠳᠠᠷ ᠢᠶᠠᠨ ᠲᠠᠭᠤᠷᠢᠰᠤᠭᠤᠯᠤᠨ ᠢᠷᠡᠭᠰᠡᠨ ᠳᠡᠤᠬᠡ ᠲᠠᠢ ᠪᠢᠯᠠ᠃ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠡᠬᠦᠰᠦᠯ | ᠭᠠᠷᠤᠯ ᠨᠢ ᠮᠤᠩᠭᠤᠯᠴᠤᠳ ᠤᠨ ᠦᠰᠦᠭ ᠪᠢᠴᠢᠭ ᠲᠠᠢ ᠪᠤᠯᠤᠭᠰᠠᠨ ᠲᠡᠤᠬᠡ ᠠᠴᠠ ᠡᠬᠢᠯᠡᠨ ᠲᠤᠳᠤᠷᠬᠠᠢ ᠮᠡᠳᠡᠵᠦ ᠪᠤᠯᠤᠨᠠ᠃ 13 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠤ | ᠦᠶᠡ ᠳᠤ ᠴᠢᠩᠬᠢᠰ ᠬᠠᠭᠠᠨ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ ᠤᠯᠠᠨ ᠮᠤᠩᠭᠤᠯᠵᠢᠭᠤᠨ ᠠᠶᠢᠮᠠᠭ ᠲᠦᠷᠦᠯ ᠢ ᠨᠢᠬᠡᠳᠬᠡᠵᠦ᠂ ᠬᠠᠮᠤᠭ ᠮᠤᠩᠭᠤᠯ ᠤᠨ ᠬᠠᠭᠠᠨ | ᠰᠠᠭᠤᠭᠰᠠᠨ ᠤ ᠲᠠᠷᠠᠭᠠ ᠮᠤᠩᠭᠤᠯᠴᠤᠳ ᠡᠬᠢᠯᠡᠵᠦ ᠦᠰᠦᠭ ᠪᠢᠴᠢᠭ ᠲᠠᠢ ᠪᠤᠯᠵᠠᠢ᠃ ᠬᠡᠬᠦ ᠳᠡᠭᠡᠨ ᠨᠠᠢᠮᠠᠨᠴᠤᠳ ᠤᠶᠢᠭᠤᠷ ᠦᠰᠦᠭ ᠢ ᠠᠰᠢᠭᠯᠠᠨ ᠠᠪᠴᠦ | ᠤᠶᠢᠭᠤᠷ ᠨᠢ ᠰᠤᠭᠳᠠ ᠠᠴᠠ ᠦᠰᠦᠭ ᠪᠢᠴᠢᠭ ᠢᠶᠠᠨ ᠵᠢᠬᠡᠯᠡᠨ ᠠᠪᠤᠭᠰᠠᠨ ᠳᠡᠤᠬᠡ ᠲᠠᠢ ᠪᠦᠬᠡᠳ ᠰᠤᠭᠳᠠ᠂ ᠤᠶᠢᠭᠤᠷ᠂ ᠮᠤᠩᠭᠤᠯ ᠦᠰᠦᠭ ᠪᠢᠴᠢᠭ ᠤᠨ | ᠡᠬᠦᠰᠦᠯ ᠰᠤᠷᠪᠤᠯᠵᠢ ᠶᠢᠨ ᠲᠠᠯᠠ ᠪᠠᠷ ᠨᠢᠭᠳᠠ ᠬᠠᠷᠢᠴᠠᠭᠠ ᠲᠠᠢ ᠪᠠᠶᠢᠳᠠᠭ ᠬᠡᠰᠡᠨ ᠢ ᠮᠡᠳᠡᠬᠦ ᠴᠢᠬᠤᠯᠠ ᠲᠠᠢ᠃ ᠲᠠᠮᠠᠭᠠ ᠨᠢ ᠲᠡᠤᠬᠡᠨ ᠠᠴᠠ ᠠᠪᠤᠭᠠᠳ ᠦᠰᠦᠭ | ᠪᠢᠴᠢᠭ ᠲᠠᠢ ᠵᠡᠷᠬᠡ ᠪᠠᠷ ᠬᠦᠭᠵᠢᠭᠰᠡᠨ ᠳᠡᠤᠬᠡ ᠲᠠᠢ ᠪᠢᠯᠠ᠃ ᠴᠢᠩᠬᠢᠰ ᠬᠠᠭᠠᠨ ᠨᠠᠢᠮᠠᠨ ᠠᠶᠢᠮᠠᠭ ᠢ ᠨᠢᠬᠡᠳᠬᠡᠨ ᠲᠠᠶᠢᠯᠠᠬᠤ ᠦᠶᠡᠰ ᠳᠠᠳᠠᠳᠤᠩᠭᠠ ᠶᠢ ᠪᠠᠷᠢᠵᠦ | ᠠᠪᠬᠤ ᠦᠶᠡᠰ ᠬᠦᠵᠦᠬᠦᠨ ᠳᠤᠨᠢ ᠲᠠᠮᠠᠭᠠ ᠵᠡᠬᠦᠵᠦ ᠪᠠᠶᠢᠭᠰᠠᠨ ᠢ ᠦᠵᠡᠬᠡᠳ ᠲᠠᠮᠠᠭᠠ ᠶᠢᠨ ᠲᠤᠬᠠᠢ ᠮᠠᠰᠢ ᠠᠩᠬᠠᠷᠴᠦ ᠦᠢᠯᠡᠳᠦᠯ᠂ ᠬᠡᠷᠡᠭᠴᠡᠭᠡ᠂ ᠡᠬᠦᠰᠦᠯ ᠭᠠᠷᠤᠯ | ᠤᠨ ᠲᠠᠯᠠ ᠪᠠᠷ ᠬᠦᠨ ᠰᠠᠭᠤᠭᠳᠠᠯ ᠲᠠᠢ ᠪᠤᠯᠵᠦ᠂ ᠡᠬᠦᠨ ᠤ ᠵᠡᠷᠬᠡ ᠪᠠᠷ ︽ᠪᠢᠯᠢᠭᠳᠦ ᠰᠢᠪᠠᠭᠤ︾ ᠨᠢᠬᠡᠨ ᠲᠤᠮᠤ ᠬᠠᠳᠠᠨ ᠳᠡᠬᠡᠷᠡ ᠰᠠᠭᠤᠭᠠᠳ ᠴᠢᠩᠬᠢᠰ᠂ ᠴᠢᠩᠬᠢᠰ | ᠬᠡᠵᠦ ᠲᠤᠤᠭᠠᠷᠳᠠᠭ ᠪᠤᠯᠬᠤᠷ ᠴᠢᠩᠬᠢᠰ ᠴᠡᠷᠢᠭ ᠢᠶᠠᠨ ᠲᠤᠮᠢᠯᠠᠵᠦ᠂ ᠳᠡᠷᠡ ᠬᠠᠳᠠ ᠶᠢ ᠬᠠᠭᠠᠯ ᠬᠡᠵᠦ ᠵᠠᠬᠢᠭᠰᠠᠨ ᠬᠡᠨᠡ᠃ ᠴᠡᠷᠢᠭ ᠨᠢ ᠵᠠᠬᠢᠶᠠ ᠶᠤᠰᠤᠭᠠᠷ ᠳᠡᠷᠡ | ᠬᠠᠳᠠ ᠶᠢ ᠬᠠᠭᠠᠯᠤᠭᠰᠠᠨ ᠴᠢᠨᠢ ᠲᠤᠳᠤᠷᠠ ᠠᠴᠠ ᠨᠢ ︽ᠬᠠᠰ ᠴᠢᠯᠠᠭᠤ︾ ︵玉石︶ ᠭᠠᠷᠴᠦ ᠢᠷᠡᠭᠰᠡᠨ ᠬᠡᠳᠡᠭ᠃ ᠢᠩᠬᠢᠬᠡᠳ ᠬᠠᠰ ᠬᠡᠰᠡᠨ ᠤᠬᠠᠭᠳᠠᠬᠤᠨ ᠢ | ᠮᠡᠳᠡᠵᠦ ᠬᠠᠰ ᠳᠡᠬᠡᠷᠡ ᠪᠠᠨ ᠲᠠᠮᠠᠭᠠ ᠰᠠᠶᠢᠯᠵᠤ ᠬᠠᠭᠠᠨ ᠤ ᠲᠠᠮᠠᠭᠠ ᠲᠠᠢ ᠪᠤᠯᠤᠭᠰᠠᠨ ᠬᠡᠳᠡᠭ ᠲᠤᠮᠤᠭ ᠶᠠᠷᠢᠶᠠ ᠨᠤᠮ ᠰᠤᠳᠤᠷ ᠲᠤ ᠲᠡᠮᠳᠡᠭᠯᠡᠭᠳᠡᠵᠦ ᠪᠠᠶᠢᠳᠠᠭ᠃ | ᠨᠢᠬᠡ᠂ ᠲᠠᠮᠠᠭᠠ | ᠲᠠᠮᠠᠭᠠ ᠬᠡᠳᠡᠭ ᠨᠢ ᠢᠮ ᠳᠡᠮᠳᠡᠭ ᠬᠡᠰᠡᠨ ᠤᠳᠬᠠ ᠲᠠᠢ ᠦᠬᠡ ᠪᠤᠯᠤᠨᠠ᠃ ᠮᠦᠨᠴᠦ ᠪᠡᠶᠡ ᠶᠢᠨ ᠤᠷᠤ ᠬᠡᠵᠦ ᠦᠵᠡᠳᠡᠭ᠃ ᠲᠠᠮᠠᠭᠠ ᠶᠢᠨ ᠶᠡᠷᠦᠩᠬᠡᠢ | ᠪᠦᠳᠦᠴᠡ ᠪᠠᠷ ᠨᠢ ᠦᠵᠡᠪᠡᠯ ᠪᠢᠴᠢᠬᠠᠨ ᠲᠡᠮᠦᠷᠯᠢᠭ ᠡᠳ᠋ ᠪᠤᠶᠤ ᠮᠤᠳᠦ᠂ ᠴᠢᠯᠠᠭᠤ᠂ ᠡᠪᠡᠷ ᠪᠠ ᠶᠠᠰᠦ᠂ ᠭᠤᠮ ᠤᠨ ᠳᠡᠬᠡᠷᠡ ᠲᠦᠬᠦᠷᠢᠭ ᠪᠤᠶᠤ ᠲᠦᠷᠪᠡᠯᠵᠢᠨ | ᠨᠢᠭᠤᠷ ᠭᠠᠷᠭᠠᠵᠦ ᠳᠡᠬᠡᠷᠡ ᠨᠢ ᠨᠡᠷᠡ ᠰᠡᠶᠢᠯᠦᠬᠡᠳ ᠬᠡᠷᠡᠴᠢ ᠪᠠᠳᠤᠯᠠᠭᠠ ᠪᠤᠯᠭᠠᠳᠠᠭ ᠳᠡᠮᠳᠡᠭ ᠪᠢᠯᠠ᠃ ᠲᠠᠮᠠᠭᠠ ᠶᠢᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠪᠠ ᠤᠨᠴᠠᠯᠢᠭ ᠢᠶᠠᠷ ᠨᠢ | ᠢᠯᠭᠠᠪᠠᠯ ᠠᠯᠪᠠᠨ ᠲᠠᠮᠠᠭᠠ᠂ ᠨᠡᠷᠡ ᠶᠢᠨ ᠲᠠᠮᠠᠭᠠ᠂ ᠮᠠᠯ ᠤᠨ ᠢᠮ ᠲᠠᠮᠠᠭᠠ᠂ ᠪᠤᠰᠤᠳ ᠡᠳ᠋ ᠪᠤᠳᠠᠰ ᠲᠤ ᠬᠡᠷᠡᠭᠯᠡᠬᠦ ᠲᠠᠮᠠᠭᠠ ᠬᠡᠵᠦ ᠤᠯᠠᠨ ᠵᠤᠶᠢᠯ ᠪᠠᠶᠢᠳᠠᠭ᠃ | ᠮᠤᠩᠭᠤᠯ ᠲᠠᠮᠠᠭᠠ ᠰᠡᠶᠢᠯᠦᠮᠡᠯ ᠨᠢ ᠮᠤᠩᠭᠤᠯ ᠦᠰᠦᠭ ᠪᠢᠴᠢᠭ ᠤᠨ ᠬᠦᠭᠵᠢᠨ ᠪᠤᠵᠠᠭᠠᠶᠢᠷᠠᠬᠤ ᠶᠢ ᠲᠠᠭᠠᠯᠳᠤᠨ ᠮᠠᠰᠢ ᠤᠷᠳᠦ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ ᠳᠡᠤᠬᠡ | ᠲᠠᠢ ᠪᠦᠬᠡᠳ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠲᠠᠮᠠᠭᠠ ᠨᠢ ᠵᠦᠪᠬᠡᠨ ᠬᠠᠭᠠᠨ ᠡᠵᠡᠨ᠂ ᠸᠠᠩ ᠬᠦᠩ ᠢᠵᠠᠭᠤᠷᠳᠠᠨ ᠵᠡᠷᠬᠡ ᠳᠡᠬᠡᠳᠦ ᠲᠠᠪᠬᠤᠷᠭᠠᠳᠠᠨ ᠤ ᠵᠡᠷᠬᠡ ᠬᠡᠷᠬᠢᠮ ᠢ | ᠲᠦᠯᠦᠬᠡᠯᠡᠬᠦᠯᠦᠭᠰᠡᠨ ᠬᠡᠷᠡᠴᠢ ᠳᠡᠮᠳᠡᠭ ᠪᠤᠯᠵᠦ ᠠᠯᠪᠠᠨ ᠲᠠᠮᠠᠭᠠ ᠪᠠᠷ ᠬᠡᠷᠡᠭᠯᠡᠭᠳᠡᠵᠦ ᠪᠠᠶᠢᠭᠰᠠᠨ ᠳᠡᠤᠬᠡ ᠲᠠᠢ᠃ ᠬᠡᠷᠡᠭᠴᠡᠬᠡᠨ ᠤ ᠲᠠᠯᠠ ᠠᠴᠠ ᠵᠠᠷᠯᠢᠭ ᠤᠨ ᠪᠢᠴᠢᠭ᠂ | ᠠᠯᠪᠠᠨ ᠵᠠᠬᠢᠳᠠᠯ᠂ ᠲᠠᠮᠠᠭᠠᠳᠦ ᠪᠢᠴᠢᠭ ᠢᠶᠠᠷ ᠠᠯᠢᠪᠠ ᠬᠡᠷᠡᠭ ᠵᠠᠷᠭᠤ᠂ ᠠᠯᠪᠠᠨ ᠤ ᠤᠴᠢᠷ ᠢ ᠬᠠᠤᠯᠢ ᠶᠤᠰᠤᠭᠠᠷ ᠬᠦᠢᠴᠡᠳᠬᠡᠵᠦ ᠪᠠᠶᠢᠵᠠᠢ᠃ ᠤᠳᠦ ᠶᠢᠨ ᠪᠢᠳᠡᠨ ᠤ | ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠲᠠᠮᠠᠭᠠ ᠨᠢ ᠪᠤᠰᠤᠳ ᠲᠠᠮᠠᠭᠠ ᠰᠡᠶᠢᠯᠤᠮᠠᠯ ᠠᠴᠠ ᠢᠯᠭᠠᠭᠠ ᠲᠠᠢ ᠪᠠᠶᠢᠳᠠᠭ ᠪᠦᠬᠡᠳ ᠡᠨᠡ ᠨᠢ ᠬᠢᠳᠠᠳ | ᠦᠨᠳᠦᠰᠦᠳᠡᠨ ᠤ ᠤᠷᠠᠨ ᠪᠢᠴᠢᠯᠬᠡ ᠠᠴᠠ ᠢᠷᠡᠯᠳᠡ ᠲᠠᠢ ᠬᠡᠵᠦ ᠦᠵᠡᠳᠡᠭ᠃ | ᠬᠤᠶᠠᠷ᠂ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠳᠤ ᠬᠡᠷᠡᠭᠯᠡᠬᠦ ᠲᠠᠮᠠᠭᠠ ᠶᠢᠨ ᠲᠦᠷᠦᠯ ᠵᠤᠶᠢᠯ | ᠲᠠᠮᠠᠭᠠ ᠪᠤᠯ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠵᠤᠬᠢᠮᠵᠢ ᠶᠢᠨ ᠴᠢᠬᠤᠯᠠ ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠪᠤᠯᠤᠨᠠ᠃ ᠨᠢᠬᠡᠨ ᠪᠦᠷᠢᠨ ᠪᠦᠳᠦᠨ ᠤᠷᠠᠨ ᠪᠢᠴᠢᠯᠬᠡ ᠶᠢᠨ | ᠪᠦᠳᠦᠬᠡᠯ ᠨᠢ ᠭᠤᠤᠯ ᠦᠰᠦᠭ᠂ ᠬᠠᠶᠠᠭᠠᠪᠤᠷᠢ᠂ ᠲᠠᠮᠠᠭᠠ ᠪᠠᠷ ᠪᠦᠷᠢᠯᠳᠦᠵᠦ᠂ ᠬᠠᠷᠢᠯᠴᠠᠨ ᠲᠦᠰᠢᠭᠯᠡᠯᠴᠡᠨ ᠰᠠᠯᠵᠦ ᠪᠤᠯᠤᠰᠢ ᠦᠬᠡᠢ ᠪᠦᠬᠦᠯᠢ ᠴᠤᠭᠴᠠ ᠪᠤᠯᠤᠨ | ᠪᠦᠷᠢᠯᠳᠦᠭᠰᠡᠨ ᠪᠠᠶᠢᠳᠠᠭ᠃ ᠠᠯᠳᠠᠷᠳᠦ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠰᠤ᠋ ᠱᠢ ︽ᠪᠢᠴᠢᠯᠬᠡ ᠡᠷᠬᠡᠪᠰᠢ ᠰᠦᠨᠡᠰᠦ ᠰᠦᠷ᠂ ᠶᠠᠰᠦ ᠮᠢᠬᠠ᠂ ᠴᠢᠰᠦ ᠪᠠᠶᠢᠬᠤ ᠬᠡᠷᠡᠭᠳᠠᠢ᠃ ᠠᠯᠢ | ᠨᠢᠬᠡ ᠨᠢ ᠲᠤᠳᠠᠪᠠᠯ ᠤᠷᠠᠨ ᠪᠢᠴᠢᠯᠬᠡ ᠪᠤᠰᠦ ᠪᠤᠯᠠᠢ︾ ᠬᠡᠵᠦ ᠶᠠᠷᠢᠵᠦ ᠦᠩᠬᠡᠷᠡᠭᠰᠡᠨ ᠪᠠᠶᠢᠳᠠᠭ᠃ ︽ᠰᠡᠳᠬᠢᠯ ᠲᠦᠪ ᠪᠤᠯᠪᠠᠰᠦ ᠪᠢᠷ ᠬᠢᠴᠢᠶᠡᠩᠬᠦᠢ︾ ︽ᠪᠢᠴᠢᠯᠬᠡ | ᠬᠦᠮᠦᠨ ᠤ ᠲᠤᠳᠤᠭᠠᠳᠦ ᠰᠡᠳᠬᠢᠯ ᠲᠠᠢ ᠨᠢᠭᠳᠠ ᠬᠤᠯᠪᠤᠭᠠᠳᠠᠢ ᠪᠠᠶᠢᠳᠠᠭ︾ ᠬᠡᠰᠡᠨ ᠠᠯᠳᠠᠷᠳᠦ ᠬᠦᠮᠦᠰ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠰᠤᠷᠭᠠᠯ ᠦᠬᠡ ᠠᠷᠪᠢᠨ ᠪᠠᠶᠢᠳᠠᠭ᠃ | ᠲᠠᠮᠠᠭᠠ ᠪᠤᠯ ᠪᠢᠳᠡᠨ ᠤ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠪᠦᠳᠦᠬᠡᠯ ᠳᠤ ︽ᠯᠤᠤ ᠵᠢᠷᠤᠵᠦ᠂ ᠨᠢᠳᠦ ᠶᠢ ᠠᠮᠢᠯᠠᠭᠤᠯᠬᠤ︾ ᠦᠢᠯᠡᠳᠦᠯ ᠦᠵᠡᠬᠦᠯᠳᠡᠭ᠃ ᠨᠢᠬᠡᠨ ᠤᠷᠠᠨ | ᠪᠢᠴᠢᠯᠬᠡᠴᠢ ᠶᠢᠨ ᠪᠦᠳᠦᠬᠡᠯ ᠳᠤ ᠴᠠᠭᠠᠨ ᠴᠠᠭᠠᠰᠦ᠂ ᠬᠠᠷᠠ ᠪᠡᠭᠡ᠂ ᠤᠯᠠᠭᠠᠨ ᠲᠠᠮᠠᠭᠠ ᠬᠡᠬᠦ ᠭᠤᠷᠪᠠᠨ ᠡᠯᠧᠮᠧᠨ᠋ᠲ ᠨᠢ ᠬᠠᠷᠢᠯᠴᠠᠨ ᠨᠦᠬᠦᠴᠡᠯᠳᠦᠬᠡᠳ | ᠤᠩᠰᠢᠭᠴᠢᠳ ᠲᠤ ᠨᠡᠩ ᠭᠤᠶᠢᠳᠠ ᠰᠠᠶᠢᠬᠠᠨ ᠤᠷᠠᠯᠢᠭ ᠤᠨ ᠬᠦᠷᠳᠡᠬᠡᠯ ᠤᠯᠭᠤᠳᠠᠭ᠃ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠪᠦᠳᠦᠬᠡᠯ ᠳᠤ ᠬᠡᠷᠡᠭᠯᠡᠬᠦ ᠲᠠᠮᠠᠭᠠ ᠶᠢ | ᠨᠡᠷᠡ ᠶᠢᠨ ᠲᠠᠮᠠᠭᠠ᠂ ᠬᠦᠳᠦᠯᠪᠤᠷᠢ ᠲᠠᠮᠠᠭᠠ᠂ ᠪᠦᠰᠡᠯᠡᠬᠦᠷ ᠲᠠᠮᠠᠭᠠ᠂ ᠲᠦᠷᠰᠦᠳᠦ ᠲᠠᠮᠠᠭᠠ ᠬᠡᠵᠦ ᠲᠦᠷᠪᠡᠨ ᠵᠤᠶᠢᠯ ᠳᠤ ᠬᠤᠪᠢᠶᠠᠳᠠᠭ᠃ | 1. ᠨᠡᠷᠡ ᠶᠢᠨ ᠲᠠᠮᠠᠭᠠ | ᠨᠡᠷᠡ ᠶᠢᠨ ᠲᠠᠮᠠᠭᠠ ᠬᠡᠳᠡᠭ ᠨᠢ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠤ ᠬᠤᠪᠢ ᠬᠦᠮᠦᠨ ᠤ ᠤᠪᠤᠭ ᠨᠡᠷᠡ ᠪᠦᠬᠦᠢ ᠲᠠᠮᠠᠭᠠ ᠶᠢ ᠵᠢᠭᠠᠵᠦ ᠪᠤᠢ᠃ ᠶᠠᠮᠠᠷᠪᠠ ᠨᠢᠬᠡᠨ ᠪᠦᠳᠦᠬᠡᠯ | ᠳᠤ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠲᠠᠮᠠᠭᠠ ᠰᠠᠶᠢᠯᠵᠦ ᠬᠡᠷᠡᠭᠯᠡᠬᠦ ᠳᠡᠭᠡᠨ ᠵᠠᠪᠠᠯ ᠪᠦᠬᠦᠯᠢ ᠨᠡᠷᠡ ᠪᠠᠨ ᠪᠢᠴᠢᠬᠦ ᠶᠢ ᠱᠠᠭᠠᠷᠳᠠᠳᠠᠭ᠃ ᠵᠠᠷᠢᠮ ᠲᠠᠮᠠᠭᠠ ᠰᠡᠶᠢᠯᠤᠮᠠᠯ ᠳᠤ ᠤᠪᠤᠭ | ᠢᠶᠠᠨ ᠪᠢᠴᠢᠵᠦ᠂ ᠲᠠᠷᠠᠭᠠ ᠨᠢ ᠨᠡᠷᠡ ᠪᠠᠨ ᠪᠢᠴᠢᠭᠰᠡᠨ ᠲᠠᠮᠠᠭᠠ ᠰᠡᠶᠢᠯᠤᠮᠠᠯ ᠴᠦ ᠠᠷᠪᠢᠨ ᠬᠠᠷᠠᠭᠳᠠᠳᠠᠭ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠵᠢᠱᠢᠶᠡᠯᠡᠪᠡᠯ ︽ᠪᠤᠷᠵᠢᠬᠢᠨ | ᠸᠠᠩᠴᠤᠭ︾᠂ ︽ ᠬᠠᠳᠠᠴᠢᠨ ᠪᠠᠶᠠᠷ︾᠂ ︽ᠴᠠᠬᠠᠷ ᠠᠮᠤᠭᠤᠯᠠᠩ︾ ᠬᠡᠬᠦ ᠮᠡᠳᠦ᠃ ᠵᠠᠷᠢᠮ ᠦᠶᠡ ᠳᠤ ︽ᠰᠢᠭᠤᠷᠭᠠᠨ︾᠂ ︽ᠡᠷᠢᠯᠴᠢᠨ︾᠂ ︽ᠲᠠᠩᠬᠢᠰ︾ | ᠬᠡᠬᠦ ᠪᠢᠷ ᠤᠨ ᠨᠡᠷᠡ ᠤᠷᠤᠭᠤᠯᠵᠦ ᠲᠠᠮᠠᠭᠠ ᠰᠡᠶᠢᠯᠵᠦ ᠬᠡᠷᠡᠭᠯᠡᠬᠦ ᠤᠴᠢᠷ ᠴᠦ ᠪᠤᠢ᠃ ᠨᠡᠷᠡ ᠶᠢᠨ ᠲᠠᠮᠠᠭᠠ ᠨᠢ ᠤᠨᠴᠠᠯᠢᠭ ᠢᠶᠠᠷ ᠢᠶᠠᠨ ᠤᠯᠠᠭᠠᠨ ᠦᠰᠦᠭᠳᠦ ︵ | ᠬᠦᠳᠦᠬᠦᠷ︶ ᠲᠠᠮᠠᠭᠠ ᠪᠠ ᠴᠠᠭᠠᠨ ᠦᠰᠦᠭᠳᠦ ︵ᠬᠤᠳᠤᠭᠤᠷ︶ ᠲᠠᠮᠠᠭᠠ ᠬᠡᠵᠦ ᠬᠤᠶᠠᠷ ᠵᠤᠶᠢᠯ ᠬᠤᠪᠢᠶᠠᠳᠠᠭ᠃ ᠤᠳᠤᠬᠠᠨ ᠳᠤ ᠦᠷᠬᠡᠨ ᠤᠯᠠᠨ ᠤᠷᠠᠨ | ᠪᠢᠴᠢᠯᠬᠡᠳᠡᠨ ᠤ ᠤᠷᠠᠨ ᠪᠦᠳᠦᠬᠡᠯ ᠠᠴᠠ ᠦᠵᠡᠪᠡᠯ ᠨᠢᠬᠡ ᠨᠡᠷᠡ ᠶᠢᠨ ᠲᠠᠮᠠᠭᠠ ᠲᠠᠢ᠂ ᠬᠤᠶᠠᠷ ᠨᠡᠷᠡ ᠶᠢᠨ ᠲᠠᠮᠠᠭᠠ ᠲᠠᠢ ᠪᠦᠳᠦᠬᠡᠯ ᠠᠷᠪᠢᠨ ᠬᠠᠷᠠᠭᠳᠠᠵᠦ ᠪᠤᠢ᠃ | ᠡᠨᠡ ᠨᠢ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠤ ᠦᠪᠡᠷ ᠤᠨ ᠲᠤᠷᠠ ᠰᠤᠨᠢᠷᠬᠠᠯ ᠪᠠ ᠤᠨᠴᠠᠯᠢᠭ᠂ ᠪᠦᠳᠦᠬᠡᠯ ᠤᠨ ᠢᠶᠠᠨ ᠬᠢᠨᠢ ᠵᠤᠬᠢᠶᠠᠮᠵᠢ ᠤᠨᠴᠠᠯᠢᠭ ᠲᠤ ᠲᠤᠬᠢᠷᠠᠭᠤᠯᠵᠦ | ᠲᠠᠷᠤᠭᠰᠠᠨ ᠨᠢ ᠶᠠᠷᠢᠶᠠᠨ ᠦᠬᠡᠢ᠃ ᠬᠡᠪᠡᠴᠦ ᠨᠢᠬᠡ ᠪᠦᠳᠦᠬᠡᠯ ᠳᠤ ᠬᠤᠶᠠᠷ ᠲᠠᠮᠠᠭᠠ ᠶᠢ ᠬᠡᠷᠡᠭᠯᠡᠬᠦ ᠦᠶᠡᠰ ᠲᠤ ᠬᠤᠶᠠᠷ ᠢ ᠨᠢ ᠪᠦᠷ ᠤᠯᠠᠭᠠᠨ ᠲᠠᠮᠠᠭᠠ ᠲᠠᠷᠤᠭᠰᠠᠨ | ᠪᠤᠶᠤ᠂ ᠬᠤᠶᠠᠭᠤᠯᠠ ᠶᠢ ᠨᠢ ᠴᠠᠭᠠᠨ ᠲᠠᠮᠠᠭᠠ ᠲᠠᠷᠤᠭᠰᠠᠨ ᠦᠵᠡᠭᠳᠡᠯ ᠬᠠᠶᠠ ᠬᠠᠷᠠᠭᠳᠠᠵᠦ ᠪᠠᠶᠢᠨᠠ᠃ ᠤᠳᠤᠬᠠᠨ ᠤ ᠤᠷᠠᠨ ᠪᠢᠴᠢᠯᠬᠡ ᠪᠠ ᠲᠠᠮᠠᠭᠠ ᠰᠡᠶᠢᠯᠦᠮᠡᠯ ᠤᠨ | ᠬᠦᠭᠵᠢᠯᠳᠡ ᠶᠢ ᠲᠠᠭᠠᠯᠳᠤᠭᠠᠳ᠂ ᠮᠠᠰᠢ ᠠᠷᠪᠢᠨ ᠰᠢᠨᠡ ᠰᠤᠷᠭᠤᠭ ᠰᠢᠨᠡ ᠪᠦᠳᠦᠬᠡᠯ ᠰᠢᠨᠡ ᠮᠠᠶ᠋ᠢᠭ ᠤᠨ ᠲᠠᠮᠠᠭᠠ ᠰᠡᠶᠢᠯᠤᠮᠠᠯ ᠴᠤᠯᠭᠤᠷᠠᠨ ᠭᠠᠷᠤᠭᠰᠠᠨ ᠪᠤᠯᠪᠠᠴᠦ | ᠵᠤᠬᠢᠮᠵᠢ ᠶᠢᠨ ᠲᠠᠯᠠ ᠪᠠᠷ ᠠᠩᠬᠠᠷᠤᠭᠤᠰᠢᠳᠠᠢ ᠠᠰᠠᠭᠤᠳᠠᠯ ᠨᠡᠯᠢᠶᠡᠳ ᠭᠠᠷᠤᠭᠠᠳ ᠪᠠᠶᠢᠨᠠ᠃ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠪᠠ᠂ ᠲᠠᠮᠠᠭᠠ ᠰᠡᠶᠢᠯᠦᠮᠡᠯ ᠨᠢ ᠬᠦᠷᠢᠶᠡ | ᠬᠡᠪᠴᠢᠶᠡ ᠪᠠᠷ ᠦᠷᠬᠡᠨ ᠠᠭᠤᠳᠠᠮ᠂ ᠡᠷᠬᠡ ᠴᠢᠯᠦᠬᠡᠳᠠᠢ ᠪᠠᠶᠢᠳᠠᠭ ᠪᠤᠯᠪᠠᠴᠦ᠂ ᠨᠢᠬᠡᠮᠦᠰᠦᠨ ᠲᠦᠷᠢᠮ ᠭᠤᠷᠢᠮ ᠦᠬᠡᠢ᠂ ᠠᠮᠠᠭᠠᠢ ᠵᠢᠯᠤᠭᠤ ᠦᠬᠡᠢ ᠪᠤᠯᠬᠤ ᠶᠢ | ᠡᠷᠬᠡᠪᠰᠢ ᠠᠩᠬᠠᠷᠬᠤ ᠴᠢᠬᠤᠯᠠ ᠲᠠᠢ᠃ ᠨᠡᠶᠢᠬᠡᠮ ᠤᠨ ᠠᠯᠢᠪᠠ ᠬᠡᠷᠡᠭ ᠪᠤᠳᠠᠰ᠂ ᠠᠮᠢᠳᠤᠷᠠᠯ ᠤᠨ ᠲᠤᠮᠳᠠᠬᠢ ᠵᠠᠩ ᠲᠠᠳᠬᠠᠯ᠂ ᠶᠤᠰᠦ ᠤᠴᠢᠷ ᠨᠢ ᠵᠠᠪᠠᠯ | ᠲᠤᠭᠳᠠᠭᠰᠠᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠪᠠ ᠵᠦᠢ ᠵᠤᠬᠢᠰᠳᠠᠢ ᠪᠠᠶᠢᠳᠠᠭ᠃ | ᠨᠢᠬᠡᠨ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠨᠢᠬᠡ ᠤᠳᠠᠭᠠᠨ ᠤ ᠬᠠᠮᠳᠦ ᠠᠴᠠ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠬᠤ ᠪᠤᠶᠤ | ᠡᠰᠡᠬᠦᠯᠡ ᠬᠤᠪᠢ ᠬᠦᠮᠦᠨ ᠤ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠦᠵᠡᠬᠦᠯᠬᠡ ᠬᠢᠬᠦ᠂ ᠴᠠᠭᠠᠰᠢᠯᠠᠪᠠᠯ ᠬᠤᠪᠢ ᠬᠦᠮᠦᠨ ᠤ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠨᠤᠮ ᠰᠤᠳᠤᠷ ᠭᠠᠷᠭᠠᠬᠤ | ᠦᠶᠡᠰ ᠡᠷᠬᠡᠪᠰᠢ ᠲᠤᠤᠷᠠᠬᠢ ᠮᠡᠳᠦ ᠬᠡᠳᠦᠨ ᠲᠠᠯᠠ ᠶᠢ ᠠᠩᠬᠠᠷᠪᠠᠯ ᠵᠤᠬᠢᠨᠠ᠃ ᠨᠢᠬᠡ ᠳᠤ᠂ ᠶᠠᠮᠠᠷᠪᠠ ᠨᠢᠬᠡᠨ ᠪᠦᠳᠦᠬᠡᠯ ᠢ ᠡᠬᠢᠨ ᠠᠴᠠ ᠨᠢ ᠠᠪᠤᠭᠠᠳ ᠲᠠᠭᠤᠰᠳᠠᠯᠠ | ︵ᠦᠭᠬᠦᠭᠳᠡᠭᠰᠡᠨ ᠱᠠᠭᠠᠷᠳᠠᠯᠭᠠ ᠪᠠᠭᠳᠠᠨᠠ︶ ᠴᠠᠭᠠᠰᠤᠨ ᠤ ᠪᠠᠨ ᠶᠡᠭᠡ ᠪᠠᠭᠠ ᠶᠢ ᠲᠤᠭᠳᠠᠭᠠᠵᠦ᠂ ᠭᠤᠤᠯ ᠦᠰᠦᠭ ᠤᠨ ᠠᠭᠤᠯᠭᠠ᠂ ᠦᠰᠦᠭ ᠤᠨ ᠶᠡᠭᠡ ᠪᠠᠭᠠ | ᠤᠯᠠᠨ ᠴᠦᠬᠡᠨ ᠢ ᠲᠤᠭᠳᠠᠭᠠᠬᠤ᠂ ᠬᠠᠶᠠᠭᠠᠪᠤᠷᠢ ᠳᠤ ᠪᠠᠨ ᠶᠠᠮᠠᠷ ᠠᠭᠤᠯᠭᠠ ᠪᠢᠴᠢᠬᠦ᠂ ᠬᠡᠳᠦᠨ ᠮᠦᠷ ᠪᠢᠴᠢᠬᠦ ᠪᠠᠨ ᠲᠤᠭᠳᠠᠭᠠᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠳᠠᠢ᠃ ᠭᠤᠷᠪᠠ | ᠳᠤ᠂ ᠬᠠᠶᠠᠭᠠᠪᠤᠷᠢ ᠪᠠᠨ ᠪᠢᠴᠢᠬᠦ ᠦᠶᠡᠰ ᠴᠠᠭᠠᠰᠤᠨ ᠤ ᠪᠠᠨ ᠤᠷᠤᠨ ᠵᠠᠢ᠂ ᠦᠨᠳᠦᠷ ᠪᠤᠭᠤᠨᠢ ᠶᠢ ᠡᠷᠬᠡᠪᠰᠢ ᠨᠠᠷᠢᠨ ᠨᠢᠮᠪᠠᠢ ᠲᠤᠭᠳᠠᠭᠠᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠳᠠᠢ᠃ | ᠡᠬᠦᠨ ᠳᠤ ᠲᠤᠮᠳᠠ ᠲᠠᠩᠬᠢᠮ ︵中堂︶ ᠤᠨ ᠪᠢᠴᠢᠬᠡᠰᠦ᠂ ᠡᠯᠬᠦᠬᠡ ᠪᠢᠴᠢᠬᠡᠰᠦ᠂ ᠬᠤᠤᠰ ᠤᠶᠠᠩᠭᠠ ᠶᠢᠨ ᠪᠢᠴᠢᠬᠡᠰᠦ᠂ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠪᠢᠴᠢᠬᠡᠰᠦ᠂ | ᠬᠦᠨᠳᠡᠯᠡᠨ ᠪᠢᠴᠢᠬᠡᠰᠦ ᠪᠠ ᠲᠡᠪᠢᠬᠦᠷ ᠬᠡᠯᠪᠡᠷᠢᠳᠦ ᠪᠢᠴᠢᠬᠡᠰᠦ ᠪᠠᠭᠳᠠᠨᠠ᠃ ᠲᠦᠷᠪᠡ ᠳᠤ᠂ ᠶᠠᠭᠤᠨ ᠤ ᠡᠮᠦᠨᠡ ᠡᠨᠡᠬᠦ ᠨᠡᠷᠡ ᠶᠢᠨ ᠲᠠᠮᠠᠭᠠ ᠶᠢ ᠨᠢᠬᠡ ᠲᠠᠷᠤᠬᠤ᠂ | ᠬᠤᠶᠠᠷ ᠲᠠᠷᠤᠬᠤ ᠠᠰᠠᠭᠤᠳᠠᠯ ᠢ ᠵᠠᠪᠠᠯ ᠵᠦᠪ ᠰᠢᠢᠳᠪᠤᠷᠢᠯᠡᠬᠦ ᠬᠡᠷᠡᠭᠳᠠᠢ᠃ ᠤᠷᠤᠨ ᠵᠠᠢ ᠨᠢ ᠬᠡᠳᠦᠷᠬᠡᠢ ᠰᠢᠬᠠᠭᠤ ᠪᠤᠯ ᠨᠢᠬᠡ ᠲᠠᠷᠤᠵᠦ ᠪᠤᠯᠤᠨᠠ᠂ ᠤᠷᠤᠨ ᠵᠠᠢ ᠨᠢ | ᠠᠭᠤᠵᠢᠮ ᠪᠤᠯ ᠬᠤᠶᠠᠷ ᠲᠠᠷᠤᠵᠦ ᠪᠤᠯᠤᠨᠠ᠃ ᠬᠡᠬᠦ ᠳᠤ ᠪᠠᠨ ᠭᠤᠤᠯ ᠦᠰᠦᠭ ᠤᠨ ᠬᠠᠮᠤᠭ ᠰᠡᠬᠦᠯᠴᠢ ᠶᠢᠨ ᠦᠰᠦᠭ ᠠᠴᠠ ᠲᠤᠤᠷᠠ ᠪᠤᠯᠬᠤ ᠶᠢ ᠵᠠᠪᠠᠯ ᠠᠩᠬᠠᠷᠬᠤ | ᠴᠢᠬᠤᠯᠠ ᠲᠠᠢ ᠪᠢᠯᠠ᠃ ᠬᠡᠷᠪᠡ ᠵᠠᠢ ᠵᠠᠪᠰᠠᠷ ᠨᠢ ᠪᠠᠭᠠ ᠪᠤᠯᠤᠭᠠᠳ ᠵᠤᠬᠢᠮᠵᠢ ᠮᠠᠭᠤᠳᠠᠢ ᠪᠤᠯ ᠬᠤᠶᠢᠨᠠ ᠬᠠᠶᠠᠭᠠᠪᠤᠷᠢ ᠶᠢᠨ ᠠᠷᠤ ᠳᠤᠨᠢ ᠤᠯᠠᠭᠠᠨ᠂ ᠴᠠᠭᠠᠨ ᠲᠠᠮᠠᠭᠠ | ᠪᠠᠨ ᠵᠡᠷᠬᠡᠴᠡᠬᠦᠯᠦᠨ ᠲᠠᠷᠤᠵᠦ ᠪᠤᠯᠤᠨᠠ᠃ ᠬᠡᠬᠦ ᠳᠡᠭᠡᠨ ᠲᠠᠮᠠᠭᠠ ᠶᠢᠨ ᠵᠠᠢ ᠶᠢ ᠨᠢ ᠵᠠᠪᠠᠯ ᠨᠢᠬᠡ ᠲᠠᠮᠠᠭᠠ ᠶᠢᠨ ᠵᠠᠢ ᠠᠴᠠ ᠳᠡᠬᠡᠭᠰᠢ ᠪᠠᠶᠢᠯᠭᠠᠬᠤ ᠬᠡᠷᠡᠭᠳᠠᠢ᠃ ︵ | 2— 3—4 ᠲᠠᠮᠠᠭᠠ ᠶᠢᠨ ᠵᠠᠢ ᠴᠦ ᠪᠤᠯᠤᠨᠠ︶ ᠲᠠᠮᠠᠭᠠ ᠲᠠᠷᠤᠬᠤ ᠳᠠᠭᠠᠨ ᠳᠡᠬᠡᠷᠡ ᠨᠢ ᠤᠯᠠᠭᠠᠨ ᠲᠠᠮᠠᠭᠠ ︵ᠬᠦᠳᠦᠬᠦᠷ︶ ᠪᠠᠨ ᠲᠠᠷᠤᠵᠦ᠂ ᠲᠤᠤᠷᠠ ᠨᠢ | ᠴᠠᠭᠠᠨ ᠲᠠᠮᠠᠭᠠ ︵ᠬᠤᠳᠤᠭᠤᠷ︶ ᠶᠢ ᠲᠠᠷᠤᠬᠤ ᠬᠡᠷᠡᠭᠳᠠᠢ᠃ ᠢᠩᠬᠢᠵᠦ ᠨᠡᠷᠡ ᠶᠢᠨ ᠳᠠᠮᠠᠭᠠᠨ ᠤ ᠤᠴᠢᠷ ᠢ ᠰᠢᠢᠳᠪᠤᠷᠢᠯᠡᠭᠰᠡᠨ ᠤ ᠰᠡᠬᠦᠯᠡᠷ ᠪᠦᠳᠦᠬᠡᠯ ᠤᠨ ᠢᠶᠠᠨ | ᠵᠤᠬᠢᠮᠵᠢ ᠶᠢ ᠠᠩᠬᠠᠷᠴᠦ ᠪᠤᠰᠤᠳ ᠲᠠᠮᠠᠭᠠ ᠲᠠᠷᠤᠬᠤ ᠤᠷᠤᠨ ᠵᠠᠢ ᠶᠢ ᠰᠤᠩᠭᠤᠬᠤ ᠬᠡᠷᠡᠭᠳᠠᠢ᠃ ᠨᠡᠷᠡ ᠶᠢᠨ ᠲᠠᠮᠠᠭᠠ ᠶᠢᠨ ᠬᠡᠯᠪᠡᠷᠢ ᠲᠦᠷᠰᠦ ᠠᠴᠠ ᠨᠢ ᠦᠵᠡᠪᠡᠯ | ᠤᠯᠠᠩᠬᠢ ᠳᠤ ᠪᠠᠨ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ ᠪᠠᠶᠢᠳᠠᠭ᠃ ᠲᠠᠮᠠᠭᠠ ᠶᠢᠨ ᠶᠡᠭᠡ ᠪᠠᠭᠠ ᠨᠢ ᠠᠳᠠᠯᠢ ᠪᠤᠰᠦ ᠪᠠᠶᠢᠳᠠᠭ ᠪᠦᠬᠡᠳ ᠬᠠᠮᠤᠭ ᠪᠠᠭᠠ ᠨᠢ 2cm᠂ | 2.5cm᠂ 3cm᠂ 3.5cm᠂ ᠶᠡᠭᠡ ᠨᠢ 6cm —10cm ᠤᠨ ᠬᠤᠭᠤᠷᠤᠨᠳᠦ ᠪᠠᠶᠢᠳᠠᠭ᠃ ᠤᠨᠴᠠᠭᠠᠢ ᠶᠡᠭᠡ ᠨᠢ ᠡᠬᠦᠨ ᠠᠴᠠ ᠶᠡᠭᠡ ᠪᠠᠶᠢᠭᠰᠠᠨ ᠴᠦ | ᠪᠤᠯᠤᠨᠠ᠃ ᠲᠠᠮᠠᠭᠠ ᠲᠠᠷᠤᠬᠤ ᠳᠤ ᠪᠠᠨ ᠴᠠᠭᠠᠰᠤᠨ ᠤ ᠪᠠᠨ ᠶᠡᠭᠡ ᠪᠠᠭᠠ᠂ ᠦᠰᠦᠭ ᠤᠨ ᠢᠶᠠᠨ ᠤᠯᠠᠨ ᠴᠦᠬᠡᠨ᠂ ᠪᠦᠳᠦᠬᠦᠨ ᠨᠠᠷᠢᠨ ᠢ ᠦᠵᠡᠵᠦ ᠪᠠᠶᠢᠭᠠᠳ | ᠵᠤᠬᠢᠰᠳᠠᠢ ᠲᠤᠬᠢᠷᠠᠭᠤᠯᠳᠠᠭ᠃ ᠲᠠᠮᠠᠭᠠ ᠰᠡᠶᠢᠯᠦᠮᠡᠯ ᠬᠢᠬᠦ ᠳᠤ ᠪᠠᠨ ᠵᠠᠪᠠᠯ ᠬᠠᠳᠠᠨ ᠳᠡᠬᠡᠷᠡ ᠰᠡᠶᠢᠯᠦᠨᠡ ᠬᠡᠰᠡᠨ ᠤᠴᠢᠷ ᠪᠢᠰᠢ᠂ ᠡᠪᠡᠷ᠂ ᠬᠠᠳᠠ᠂ ᠮᠤᠳᠦ᠂ ᠶᠠᠰᠦ | ᠵᠡᠷᠬᠡ ᠪᠦᠷ ᠪᠠᠶᠢᠵᠦ ᠪᠤᠯᠤᠨᠠ᠃ ᠬᠡᠬᠦ ᠳᠤ ᠪᠠᠨ ᠶᠡᠷᠦ ᠶᠢᠨ ᠠᠯᠪᠠᠨ ᠳᠤ ᠬᠡᠷᠡᠭᠯᠡᠬᠦ ᠲᠡᠮᠦᠷ ᠲᠠᠮᠠᠭᠠ ᠪᠤᠶᠤ ᠭᠤᠮ ᠲᠠᠮᠠᠭᠠ ᠶᠢ ᠬᠡᠷᠡᠭᠯᠡᠳᠡᠭ ᠦᠬᠡᠢ᠃ | 2. ᠬᠦᠳᠦᠯᠪᠤᠷᠢ ᠲᠠᠮᠠᠭᠠ | ᠬᠦᠳᠦᠯᠪᠤᠷᠢ ᠲᠠᠮᠠᠭᠠ ᠬᠡᠳᠡᠭ ᠨᠢ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠪᠦᠳᠦᠬᠡᠯ ᠤᠨ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠳᠡᠬᠡᠷᠡ ᠦᠨᠴᠦᠭ ᠳᠠᠬᠢ ᠨᠢᠬᠡᠳᠦᠬᠡᠷ ᠭᠤᠤᠯ ᠦᠰᠦᠭ ᠤᠨ | ᠡᠮᠦᠨᠡ ᠪᠤᠶᠤ ᠨᠢᠬᠡ ᠬᠤᠶᠠᠳᠤᠭᠠᠷ ᠦᠰᠦᠭ ᠤᠨ ᠲᠤᠮᠳᠠᠭᠤᠷ ᠨᠢ ᠲᠠᠷᠤᠳᠠᠭ ᠲᠠᠮᠠᠭᠠ ᠶᠢ ᠬᠦᠳᠦᠯᠪᠤᠷᠢ ᠲᠠᠮᠠᠭᠠ ᠬᠡᠳᠡᠭ᠃ ᠬᠦᠳᠦᠯᠪᠤᠷᠢ ᠬᠡᠳᠡᠭ ᠦᠬᠡ ᠶᠢᠨ | ᠤᠳᠬᠠ ᠪᠠᠷ ᠨᠢ ᠠᠪᠴᠦ ᠦᠵᠡᠭᠰᠡᠨ ᠴᠦ ᠬᠦᠳᠦᠯᠬᠦ ᠦᠢᠯᠡᠳᠦᠯ ᠢ ᠦᠵᠡᠬᠦᠯᠬᠦ ᠲᠤᠯᠠ ᠠᠯᠢᠪᠠ ᠶᠠᠭᠤᠮᠠᠨ ᠤ ᠡᠬᠢᠨ ᠳᠤ ᠨᠢ ᠪᠠᠶᠢᠬᠤ ᠶᠤᠰᠤᠳᠠᠢ᠃ ᠡᠶᠢᠮᠦ ᠠᠴᠠ | ᠵᠠᠪᠠᠯ ᠲᠤᠭᠳᠠᠭᠰᠠᠨ ᠭᠠᠵᠠᠷ ᠲᠤ ᠨᠢ ᠵᠤᠬᠢᠰᠳᠠᠢ ᠪᠠᠶᠢᠷᠢᠰᠢᠭᠤᠯᠵᠦ ᠲᠠᠷᠤᠬᠤ ᠬᠡᠷᠡᠭᠳᠠᠢ᠃ ᠰᠠᠨᠠᠭᠠ ᠲᠤᠷᠠ ᠪᠠᠷ ᠭᠠᠵᠠᠷ ᠪᠤᠯᠭᠠᠨ ᠳᠤ ᠲᠤᠷᠠ ᠪᠠᠷ ᠲᠠᠷᠤᠬᠤ ᠶᠢ | ᠴᠡᠬᠡᠷᠯᠡᠳᠡᠭ ᠶᠤᠮ᠃ | ᠤᠯᠤᠰ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠶᠠᠮᠤᠨ ᠠᠴᠠ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠰᠤᠷᠬᠤ ᠠᠭᠤᠯᠭᠠ ᠶᠢ ᠡᠯᠡ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠤᠨ | ᠰᠤᠷᠤᠭᠴᠢᠳ ᠤᠨ ᠰᠤᠷᠬᠤ ᠪᠢᠴᠢᠭ ᠲᠤ ᠤᠷᠤᠭᠤᠯᠤᠭᠰᠠᠨ ᠠᠴᠠ ᠨᠠᠭᠠᠰᠢ ᠨᠡᠶᠢᠬᠡᠮ ᠳᠡᠬᠡᠷᠡ ᠤᠷᠠᠨ ᠪᠢᠴᠢᠯᠬᠡ ᠪᠢᠴᠢᠬᠦ ᠬᠦᠮᠦᠨ ᠮᠠᠰᠢ ᠠᠷᠪᠢᠨ ᠪᠤᠯᠵᠦ᠂ ᠪᠠᠭᠠ | ᠰᠤᠷᠭᠠᠭᠤᠯᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠤᠨ ᠠᠴᠠ ᠡᠬᠢᠯᠡᠬᠡᠳ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠤᠶᠤᠳᠠᠨ ᠬᠦᠷᠳᠡᠯᠡ᠂ ᠴᠢᠨᠠᠭᠰᠢᠯᠠᠪᠠᠯ ᠨᠡᠶᠢᠬᠡᠮ ᠳᠡᠬᠡᠷᠡᠬᠢ ᠨᠢᠬᠡ ᠪᠦᠯᠦᠭ | ᠬᠦᠮᠦᠰ ᠡᠳᠦᠷ ᠢᠷᠡᠬᠦᠶᠡ ᠨᠡᠮᠡᠭᠳᠡᠭᠰᠡᠬᠡᠷ ᠪᠠᠶᠢᠨᠠ᠃ ᠡᠬᠦᠨ ᠤ ᠵᠡᠷᠬᠡ ᠪᠠᠷ ᠨᠢᠬᠡ ᠪᠦᠯᠦᠭ ᠤᠷᠠᠨ ᠮᠡᠷᠬᠡᠵᠢᠯ ᠲᠠᠢ᠂ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠲᠠᠢ ᠪᠠᠭᠰᠢ ᠨᠠᠷ | ᠴᠤᠯᠭᠤᠷᠠᠨ ᠭᠠᠷᠴᠦ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠲᠠᠯᠠ ᠪᠠᠷ ᠵᠢᠭᠠᠨ ᠰᠤᠷᠭᠠᠬᠤ ᠵᠢᠯᠤᠭᠤᠳᠤᠯᠭᠠ ᠬᠢᠵᠦ ᠪᠠᠶᠢᠨᠠ᠂ ᠬᠡᠪᠡᠴᠦ ᠵᠦᠪᠬᠡᠨ ᠪᠢᠴᠢᠬᠦ ᠶᠢ ᠴᠢᠬᠤᠯᠠᠴᠢᠯᠠᠭᠠᠳ᠂ | ᠵᠤᠬᠢᠮᠵᠢ ᠶᠢ ᠠᠩᠬᠠᠷᠬᠤ ᠦᠬᠡᠢ᠂ ᠪᠦᠳᠦᠬᠡᠯ ᠭᠠᠷᠭᠠᠬᠤ ᠶᠢ ᠬᠦᠬᠡᠬᠡᠴᠡᠯᠳᠦᠬᠡᠳ ᠴᠢᠨᠠᠷ ᠢ ᠪᠠᠳᠤᠯᠠᠬᠤ ᠦᠬᠡᠢ ᠠᠰᠠᠭᠤᠳᠠᠯ ᠤᠷᠤᠰᠢᠵᠦ ᠪᠠᠶᠢᠨᠠ᠃ ᠵᠢᠱᠢᠶᠡᠯᠡᠪᠡᠯ | ᠶᠠᠮᠠᠷᠪᠠ ᠨᠢᠬᠡᠨ ᠪᠠᠶᠢᠭᠤᠯᠭᠠ ᠨᠢᠬᠡᠴᠡ ᠠᠴᠠ ᠡᠷᠬᠢᠯᠡᠭᠰᠡᠨ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠪᠦᠳᠦᠬᠡᠯ ᠲᠤᠰᠢᠶᠠᠬᠤ ᠦᠶᠡᠰ ᠲᠠᠮᠠᠭᠠ ᠦᠬᠡᠢ ᠪᠦᠳᠦᠬᠡᠯ᠂ | ᠨᠡᠷᠡ ᠦᠬᠡᠢ ᠪᠦᠳᠦᠬᠡᠯ᠂ ᠲᠠᠮᠠᠭᠠ ᠲᠠᠷᠤᠭᠰᠠᠨ ᠪᠤᠯᠪᠠᠴᠦ ᠬᠠᠰᠢ ᠶᠠᠰᠢ᠂ ᠬᠠᠶᠠᠭᠠᠪᠤᠷᠢ ᠶᠢᠨ ᠳᠡᠬᠡᠷᠡ ᠲᠠᠯᠠ ᠳᠤ ᠨᠢ ᠨᠡᠷᠡ ᠶᠢᠨ ᠲᠠᠮᠠᠭᠠ ᠲᠠᠷᠤᠬᠤ᠂ ᠬᠦᠳᠦᠯᠪᠤᠷᠢ | ᠲᠠᠮᠠᠭᠠ ᠶᠢᠨ ᠤᠷᠤᠨ ᠳᠤᠨᠢ ᠨᠡᠷᠡ ᠶᠢᠨ ᠲᠠᠮᠠᠭᠠ ᠲᠠᠷᠤᠬᠤ᠂ ᠭᠤᠤᠯ ᠦᠰᠦᠭ ᠤᠨ ᠲᠤᠤᠷᠠ ᠨᠢ ᠨᠡᠷᠡ ᠶᠢᠨ ᠲᠠᠮᠠᠭᠠ ᠲᠠᠷᠤᠬᠤ᠂ ᠴᠢᠨᠠᠭᠰᠢᠯᠠᠪᠠᠯ ᠬᠤᠭᠤᠰᠤᠨ | ᠭᠠᠵᠠᠷ ᠪᠠᠶᠢᠪᠠᠯ ᠲᠠᠮᠠᠭᠠ ᠪᠦᠬᠦᠨ ᠢ ᠤᠯᠠᠶᠢᠯᠭᠠᠨ ᠲᠠᠷᠤᠬᠤ ᠦᠵᠡᠭᠳᠡᠯ ᠤᠷᠤᠰᠢᠵᠦ ᠪᠠᠶᠢᠨᠠ᠃ ᠡᠨᠡ ᠨᠢ ᠦᠵᠡᠮᠵᠢ ᠶᠢᠨ ᠲᠠᠯᠠ ᠪᠠᠷ ᠵᠤᠬᠢᠮᠵᠢ ᠦᠬᠡᠢ ᠪᠤᠯᠤᠭᠠᠳ | ᠪᠦᠳᠦᠬᠡᠯ ᠢᠶᠠᠨ ᠨᠦᠯᠦᠬᠡᠯᠡᠳᠡᠭ ᠦᠵᠡᠭᠳᠡᠯ ᠭᠠᠷᠳᠠᠭ ᠪᠠᠶᠢᠨᠠ᠃ ︽ᠨᠤᠮ ᠢ ᠲᠦᠮᠡᠨ ᠪᠤᠳᠢ ᠤᠩᠰᠢᠪᠠᠯ ᠪᠢᠷ ᠤᠨ ᠦᠵᠦᠬᠦᠷ ᠰᠢᠳᠢ ᠤᠷᠤᠰᠢᠮᠤᠢ︾ ᠬᠡᠰᠡᠨ | ᠮᠡᠷᠬᠡᠳ ᠤᠨ ᠦᠬᠡ ᠪᠠᠶᠢᠳᠠᠭ᠃ ᠨᠢᠬᠡᠨ ᠨᠡᠷᠡ ᠨᠢᠳᠡᠷ ᠲᠤ ᠪᠠᠨ ᠲᠡᠩᠴᠡᠭᠰᠡᠨ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠪᠤᠯᠤᠶᠠ ᠬᠡᠪᠡᠯ ᠡᠷᠬᠡᠪᠰᠢ ᠤᠷᠳᠦ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ | ᠬᠠᠳᠠᠭᠤ ᠴᠢᠩᠭᠠ ᠪᠤᠯᠪᠠᠰᠤᠷᠠᠯ ᠢ ᠦᠩᠬᠡᠷᠡᠮᠡᠨᠵᠢᠨ ᠰᠠᠶ᠋ᠢ ᠤᠨᠤᠯ ᠤᠨ ᠲᠠᠯᠠ ᠪᠠᠷ ᠪᠢᠴᠢᠯᠬᠡ ᠶᠢᠨ ᠲᠠᠯᠠ ᠪᠠᠷ ᠲᠢᠭ ᠬᠡᠯᠪᠡᠷᠢ ᠶᠢᠨ ᠲᠠᠯᠠ ᠪᠠᠷ ᠲᠠᠮᠠᠭᠠ ᠬᠡᠷᠡᠭᠯᠡᠬᠦ | ᠠᠷᠭᠠ ᠮᠡᠷᠬᠡᠵᠢᠯ ᠤᠨ ᠲᠠᠯᠠ ᠪᠠᠷ ᠨᠡᠪᠳᠡᠷᠬᠡᠢ ᠪᠤᠯᠤᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠳᠠᠢ᠃ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠪᠠ ᠮᠤᠩᠭᠤᠯ ᠲᠠᠮᠠᠭᠠ ᠰᠡᠶᠢᠯᠦᠮᠡᠯ ᠨᠢ ᠦᠨᠳᠦᠰᠦᠳᠡᠨ | ᠤ ᠰᠤᠶᠤᠯ ᠤᠨ ᠠᠴᠢᠶᠠᠯᠠᠭᠴᠢ᠂ ᠤᠷᠤᠨ ᠤ ᠪᠠ ᠤᠯᠤᠰ ᠤᠨ ᠪᠤᠳᠠᠰ ᠤᠨ ᠪᠤᠰᠦ ᠰᠤᠶᠤᠯ ᠤᠨ ᠦᠪ ᠮᠦᠨ᠃ ᠤᠷᠠᠨ ᠪᠢᠴᠢᠯᠬᠡ ᠶᠢ ᠪᠢᠴᠢᠬᠦ ᠵᠢᠨᠠᠯᠬᠤᠮ ᠲᠠᠷᠠᠭᠠ | ᠨᠢ ᠡᠷᠬᠡᠪᠰᠢ ᠪᠢᠴᠢᠭ ᠤᠨ ᠡᠯᠧᠮᠧᠨ᠋ᠲ ᠠᠴᠠ ᠭᠠᠷᠳᠠᠵᠦ ᠰᠤᠷᠴᠦ ᠰᠤᠳᠤᠯᠬᠤ ᠬᠡᠷᠡᠭᠳᠠᠢ᠃ ᠲᠠᠷᠠᠭᠠ ᠨᠢ ᠪᠤᠰᠤᠳ ᠨᠡᠷᠡᠳᠦ ᠬᠦᠮᠦᠰ ᠤᠨ ᠪᠢᠴᠢᠭᠰᠡᠨ ᠦᠰᠦᠭ ᠪᠢᠴᠢᠭ | ᠢ ᠲᠠᠭᠤᠷᠢᠶᠠᠨ ᠪᠢᠴᠢᠵᠦ᠂ ᠵᠠᠪᠠᠯ ᠬᠢᠴᠢᠶᠡᠩᠬᠦᠢ ᠲᠢᠭ ᠠᠴᠠ ᠡᠬᠢᠯᠡᠵᠦ᠂ ᠠᠯᠬᠤᠮ ᠠᠯᠬᠤᠮ ᠢᠶᠠᠷ ᠬᠦᠶᠦᠯᠬᠡᠨ᠂ ᠲᠠᠳᠠᠯᠠᠭᠠᠨ ᠲᠢᠭ ᠢ ᠪᠤᠯᠪᠠᠰᠤᠷᠠᠩᠭᠤᠢ ᠪᠢᠴᠢᠵᠦ | ᠪᠤᠯᠪᠠᠰᠤᠷᠠᠭᠰᠠᠨ ᠤ ᠰᠡᠬᠦᠯᠡᠷ᠂ ᠦᠪᠡᠷ ᠤᠨ ᠲᠤᠭᠳᠠᠭᠰᠠᠨ ᠦᠪᠡᠷᠮᠢᠴᠡ ᠲᠢᠭ ᠢ ᠪᠤᠢ ᠪᠤᠯᠭᠠᠳᠠᠭ᠃ ᠨᠢᠬᠡᠨ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠪᠤᠯᠤᠶᠠ ᠬᠡᠪᠡᠯ ᠵᠠᠪᠠᠯ ᠬᠦᠮᠦᠨ | ᠪᠤᠯᠬᠤ ᠶᠤᠰᠦ ᠤᠴᠢᠷ ᠢ ᠨᠡᠪᠳᠡᠷᠬᠡᠢ ᠤᠶᠢᠯᠠᠭᠠᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠳᠠᠢ᠃ ᠬᠦᠮᠦᠨ ᠪᠤᠯᠬᠤ ᠬᠡᠳᠡᠭ ᠨᠢ ᠨᠠᠮ ᠲᠦᠷᠦ ᠶᠢ ᠡᠰᠡᠷᠬᠦᠴᠡᠬᠦ ᠦᠬᠡᠢ᠂ ᠨᠡᠶᠢᠬᠡᠮ ᠳᠤ ᠲᠤᠷᠠ | ᠦᠬᠡᠶᠢᠴᠡᠬᠦ ᠦᠬᠡᠢ᠂ ᠬᠠᠤᠯᠢ ᠲᠦᠷᠢᠮ ᠢ ᠵᠦᠷᠢᠴᠡᠬᠦ ᠦᠬᠡᠢ᠂ ᠦᠪ ᠰᠤᠶᠤᠯ ᠳᠤ ᠪᠠᠨ ᠬᠠᠶᠢᠷᠠᠳᠠᠢ᠂ ᠡᠪᠦᠭᠡ ᠲᠡᠬᠡᠳᠦᠰ ᠢᠶᠠᠨ ᠬᠦᠨᠳᠦᠯᠡᠬᠦ᠂ ᠦᠨᠡᠨᠴᠢ ᠴᠠᠭᠠᠪᠤᠷᠢ᠂ | ᠭᠤᠤᠯᠴᠢ ᠰᠢᠳᠤᠷᠭᠤ᠂ ᠲᠠᠷᠤᠤ ᠬᠢᠴᠢᠶᠡᠩᠬᠦᠢ ᠪᠤᠰᠤᠳ ᠬᠦᠮᠦᠰ ᠢᠶᠠᠷ ᠲᠠᠭᠤᠷᠢᠶᠠᠯ ᠪᠤᠯᠭᠠᠵᠦ ᠦᠪᠡᠷ ᠤᠨ ᠪᠡᠶᠡ ᠪᠠᠨ ᠲᠠᠪᠳᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠶᠤᠰᠦ ᠤᠴᠢᠷ | ᠢ ᠵᠢᠭᠠᠵᠦ ᠪᠤᠢ᠃ ᠤᠳᠤᠬᠠᠨ ᠤ ᠪᠠᠶᠢᠳᠠᠯ ᠠᠴᠠ ᠦᠵᠡᠪᠡᠯ ᠴᠦᠬᠡᠨ ᠲᠤᠭᠠᠨ ᠤ ᠬᠦᠮᠦᠰ᠂ ᠬᠡᠳᠦᠬᠡᠨ ᠦᠰᠦᠭ ᠢ ᠨᠡᠯᠢᠶᠡᠳ ᠪᠤᠯᠪᠠᠰᠤᠷᠠᠩᠭᠤᠢ ᠪᠢᠴᠢᠬᠡᠳ ᠦᠪᠡᠷ | ᠢᠶᠠᠨ ᠰᠡᠳᠬᠢᠯ ᠬᠠᠨᠤᠵᠦ᠂ ᠪᠢ ᠪᠤᠯᠵᠦ ᠪᠠᠶᠢᠨᠠ ᠬᠡᠵᠦ ᠦᠵᠡᠳᠡᠭ᠃ ᠪᠠᠰᠠ ᠨᠢᠬᠡ ᠨᠢ ᠨᠢᠬᠡ ᠤᠳᠠᠭᠠᠨ ᠤ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠭᠠᠳ ᠡᠳᠦᠢ ᠲᠡᠳᠦᠢ | ᠠᠮᠵᠢᠯᠳᠠ ᠤᠯᠵᠦ᠂ ᠱᠠᠩᠨᠠᠯ ᠬᠦᠷᠳᠡᠪᠡᠯ ᠨᠡᠩ ᠴᠦ ᠰᠡᠳᠬᠢᠯ ᠬᠠᠨᠤᠵᠦ᠂ ᠪᠡᠶᠡ ᠪᠠᠨ ᠮᠠᠭᠳᠠᠵᠦ ᠪᠤᠰᠤᠳ ᠢ ᠵᠢᠮᠡᠯᠡᠬᠦ ᠦᠵᠡᠭᠳᠡᠯ ᠭᠠᠷᠳᠠᠭ᠃ ᠶᠡᠷᠦᠳᠡᠬᠡᠨ ᠤᠷᠠᠨ | ᠪᠢᠴᠢᠯᠬᠡ ᠳᠤ ᠰᠡᠳᠬᠢᠯ ᠬᠠᠨᠤᠬᠤ ᠦᠵᠡᠭᠳᠡᠯ ᠪᠤᠯ ᠬᠠᠮᠤᠭ ᠤᠨ ᠶᠡᠭᠡ ᠲᠠᠶᠢᠰᠤᠨ ᠬᠡᠵᠦ ᠦᠵᠡᠳᠡᠭ᠂ ᠦᠬᠡᠷᠡ ᠪᠠᠷ ᠬᠡᠯᠡᠪᠡᠯ ᠤᠷᠬᠢᠯ ᠳᠤ ᠪᠠᠨ ᠲᠤᠯᠵᠦ ᠳᠡᠬᠡᠭᠰᠢᠯᠡᠬᠦ | ᠵᠠᠮ ᠦᠬᠡᠢ ᠪᠤᠯᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ ᠠᠯᠳᠠᠷᠳᠦ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠬᠠᠸᠠᠩᠵᠠᠪ᠂ ᠨᠠᠶᠢᠷᠠᠯᠳᠦ ᠭᠤᠸᠠᠢ ᠵᠡᠷᠬᠡ ᠪᠤᠭᠤᠷᠤᠯᠴᠤᠳ ᠮᠢᠨᠢ ᠬᠡᠳᠦᠨ ᠠᠷᠪᠠᠨ ᠵᠢᠯ ᠢᠶᠠᠷ | ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠶᠤᠰᠦ ᠵᠢᠮᠠ ᠶᠢ ᠰᠤᠷᠴᠦ ᠰᠤᠳᠤᠯᠵᠦ᠂ ᠨᠠᠰᠦ ᠶᠢ ᠪᠠᠷᠠᠵᠦ ᠶᠠᠰᠦ ᠶᠢ ᠬᠡᠬᠡᠳᠡᠯᠡ ᠪᠠᠨ ᠤᠷᠤᠯᠳᠤᠭᠰᠠᠭᠠᠷ ᠢᠷᠡᠭᠰᠡᠨ ᠳᠡᠤᠬᠡ ᠲᠠᠢ ᠶᠤᠮ᠃ | ᠬᠡᠪᠡᠴᠦ ᠡᠳᠡᠬᠡᠷ ᠬᠦᠮᠦᠰ ᠰᠡᠳᠬᠢᠯ ᠬᠠᠨᠤᠭᠰᠠᠨ ᠦᠵᠡᠭᠳᠡᠯ ᠭᠠᠷᠤᠭᠰᠠᠨ ᠦᠬᠡᠢ ᠪᠦᠬᠡᠳ ᠮᠠᠰᠢ ᠠᠷᠪᠢᠨ ᠴᠤ᠋ ᠰᠢᠨᠡ ᠪᠦᠳᠦᠬᠡᠯ ᠢ ᠭᠠᠷᠭᠠᠭᠰᠠᠭᠠᠷ ᠢᠷᠡᠭᠰᠡᠨ ᠨᠢ | ᠦᠨᠡᠨ ᠲᠠᠢ ᠶᠤᠮ᠃ ᠡᠶᠢᠮᠦ ᠠᠴᠠ ᠨᠢᠬᠡᠨ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠪᠤᠯᠤᠶᠠ ᠬᠡᠪᠡᠯ ᠵᠠᠪᠠᠯ ᠡᠳᠡᠬᠡᠷ ᠤᠴᠢᠷ ᠢ ᠠᠩᠬᠠᠷᠬᠤ ᠴᠢᠬᠤᠯᠠ ᠲᠠᠢ ᠪᠤᠯᠤᠭᠠᠳ ᠪᠠᠶᠢᠨᠠ᠃ | ᠬᠦᠳᠦᠯᠪᠤᠷᠢ ᠲᠠᠮᠠᠭᠠ ᠶᠢ ᠲᠠᠷᠤᠬᠤ ᠦᠶᠡᠰ ᠭᠤᠤᠯ ᠦᠰᠦᠭ ᠤᠨ ᠪᠦᠬᠦ ᠦᠨᠳᠦᠷ ᠤᠨ ᠭᠤᠷᠪᠠᠨ ᠤ ᠬᠤᠶᠠᠷ ᠠᠴᠠ ᠳᠡᠬᠡᠭᠰᠢ ᠭᠠᠵᠠᠷ ᠲᠤ ᠲᠠᠷᠤᠬᠤ ᠶᠢ | ᠪᠠᠳᠤᠯᠠᠬᠤ ᠬᠡᠷᠡᠭᠳᠠᠢ᠃ ᠬᠡᠳᠦᠷᠬᠡᠢ ᠲᠤᠤᠷᠠ ᠲᠠᠷᠤᠬᠤ ᠪᠤᠶᠤ ᠪᠤᠰᠤᠳ ᠭᠠᠵᠠᠷ ᠲᠤ ᠲᠠᠷᠤᠵᠦ ᠪᠤᠯᠬᠤ ᠦᠬᠡᠢ᠃ ᠬᠦᠳᠦᠯᠪᠤᠷᠢ ᠲᠠᠮᠠᠭᠠ ᠲᠠᠷᠤᠬᠤ ᠦᠶᠡᠰ ᠪᠦᠳᠦᠬᠡᠯ | ᠤᠨ ᠢᠶᠠᠨ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠵᠦ ᠪᠠᠶᠢᠭᠠᠳ ᠲᠠᠷᠤᠬᠤ ᠬᠡᠷᠡᠭᠳᠠᠢ᠂ ᠪᠦᠳᠦᠬᠡᠯ ᠪᠦᠬᠦᠨ ᠵᠠᠪᠠᠯ ᠬᠦᠳᠦᠯᠪᠤᠷᠢ ᠲᠠᠮᠠᠭᠠ ᠲᠠᠷᠤᠨᠠ ᠬᠡᠰᠡᠨ ᠤᠴᠢᠷ ᠪᠢᠰᠢ᠂ | ᠬᠡᠷᠡᠭᠴᠡᠭᠡ ᠦᠬᠡᠢ ᠦᠶᠡᠰ ᠲᠠᠷᠤᠬᠤ ᠦᠬᠡᠢ ᠪᠠᠶᠢᠭᠰᠠᠨ ᠴᠦ ᠪᠤᠯᠤᠨᠠ᠃ ᠶᠡᠷᠦ ᠶᠢᠨ ᠪᠠᠶᠢᠳᠠᠯ ᠲᠤᠤᠷᠠ ᠵᠡᠬᠦᠨ ᠲᠠᠯᠠ ᠶᠢᠨ ᠬᠠᠶᠠᠭᠠᠪᠤᠷᠢ ᠶᠢᠨ ᠲᠤᠤᠷᠠ ᠲᠠᠯᠠ ᠳᠤ | ᠨᠡᠷᠡ ᠶᠢᠨ ᠲᠠᠮᠠᠭᠠ ᠶᠢ ᠬᠤᠶᠠᠷ ᠲᠠᠷᠤᠭᠰᠠᠨ ᠪᠤᠯ ᠡᠮᠦᠨᠡ ᠬᠠᠶᠠᠭᠠᠪᠤᠷᠢ ᠶᠢᠨ ᠠᠷᠤ ᠳᠤ᠂ ᠭᠤᠤᠯ ᠤᠨ ᠢᠶᠠᠨ ᠡᠮᠦᠨᠡ ᠨᠢ ᠬᠦᠳᠦᠯᠪᠤᠷᠢ ᠲᠠᠮᠠᠭᠠ ᠶᠢ ᠲᠠᠷᠤᠳᠠᠭ᠃ | ᠬᠦᠳᠦᠯᠪᠤᠷᠢ ᠲᠠᠮᠠᠭᠠ ᠶᠢ ᠨᠢᠬᠡ ᠭᠠᠵᠠᠷ ᠨᠢᠬᠡ ᠠᠴᠠ ᠢᠯᠡᠬᠦᠦ ᠲᠠᠷᠤᠳᠠᠭ ᠦᠬᠡᠢ᠃ ᠬᠦᠳᠦᠯᠪᠤᠷᠢ ᠲᠠᠮᠠᠭᠠ ᠶᠢᠨ ᠬᠡᠯᠪᠡᠷᠢ ᠲᠦᠷᠰᠦ ᠨᠢ ᠤᠷᠳᠦ ᠲᠦᠷᠪᠡᠯᠵᠢᠨ᠂ | ᠵᠤᠪᠠᠩ ᠭᠤᠷᠪᠠᠯᠵᠢᠨ᠂ ᠲᠤᠭᠤᠷᠢᠭ ᠬᠡᠯᠪᠡᠷᠢᠳᠠᠢ ᠪᠠᠶᠢᠳᠠᠭ ᠪᠦᠬᠡᠳ ᠶᠡᠷᠦᠩᠬᠡᠢ ᠳᠤ ᠪᠠᠨ ᠤᠯᠠᠭᠠᠨ ᠦᠩᠬᠡ ᠪᠠᠷ ᠭᠤᠤᠯ ᠪᠤᠯᠭᠠᠳᠠᠭ᠃ | 3. ᠪᠦᠰᠡᠯᠡᠬᠦᠷ ᠲᠠᠮᠠᠭᠠ | ᠪᠦᠰᠡᠯᠡᠬᠦᠷ ᠲᠠᠮᠠᠭᠠ ᠶᠢ ᠤᠯᠠᠩᠬᠢ ᠳᠤ ᠪᠠᠨ ᠪᠦᠳᠦᠬᠡᠯ ᠤᠨ ᠢᠶᠠᠨ ᠬᠡᠯᠪᠡᠷᠢ ᠪᠠᠶᠢᠳᠠᠯ ᠢ ᠦᠵᠡᠵᠦ ᠪᠠᠶᠢᠭᠠᠳ ᠠᠯᠢ ᠭᠠᠵᠠᠷ ᠨᠢ ᠬᠤᠭᠤᠰᠤᠨ ᠰᠢᠭ᠋ | ᠪᠤᠳᠤᠭᠳᠠᠪᠠᠯ ᠲᠠᠷᠤᠢ ᠬᠤᠭᠤᠰᠤᠨ ᠭᠠᠵᠠᠷ ᠢ ᠨᠦᠬᠦᠵᠦ ᠲᠠᠷᠤᠳᠠᠭ ᠪᠤᠯᠬᠤᠷ ᠦᠨᠴᠦᠭ ᠲᠠᠷᠤᠬᠤ ᠪᠤᠶᠤ ᠨᠦᠬᠦᠬᠦ ᠲᠠᠮᠠᠭᠠ ᠬᠡᠵᠦ ᠬᠡᠯᠡᠳᠡᠭ᠃ ᠦᠬᠡᠷᠡ ᠪᠠᠷ ᠬᠡᠯᠡᠪᠡᠯ | ᠨᠢᠬᠡ ᠪᠦᠳᠦᠬᠡᠯ ᠢ ᠪᠢᠴᠢᠵᠦ ᠪᠠᠷᠠᠭᠠᠳ ᠨᠡᠷᠡ ᠶᠢᠨ ᠲᠠᠮᠠᠭᠠ ᠪᠤᠶᠤ ᠬᠦᠳᠦᠯᠪᠤᠷᠢ ᠲᠠᠮᠠᠭᠠ ᠪᠠᠨ ᠲᠠᠷᠤᠵᠦ ᠲᠠᠭᠤᠰᠤᠭᠰᠠᠨ ᠤ ᠰᠡᠬᠦᠯᠡᠷ ᠪᠦᠳᠦᠬᠡᠯ ᠢᠶᠠᠨ ᠠᠬᠢᠨ | ᠲᠠᠬᠢᠨ ᠰᠢᠨᠵᠢᠵᠦ ᠦᠵᠡᠬᠡᠳ ᠵᠤᠬᠢᠮᠵᠢ ᠶᠢᠨ ᠲᠠᠯᠠ ᠪᠠᠷ ᠵᠤᠬᠢᠰ ᠦᠬᠡᠢ ᠰᠢᠭ᠋ ᠰᠠᠨᠠᠭᠳᠠᠵᠦ ᠶᠠᠮᠠᠷ ᠨᠢᠬᠡ ᠭᠠᠵᠠᠷ ᠨᠢ ᠬᠤᠭᠤᠰᠤᠨ ᠦᠵᠡᠭᠳᠡᠪᠡᠯ ᠨᠦᠬᠦᠵᠦ ᠲᠠᠷᠤᠵᠦ | ᠪᠤᠯᠤᠨᠠ᠃ ᠴᠢᠬᠤᠯᠠ ᠦᠬᠡᠢ ᠪᠤᠯ ᠲᠠᠷᠤᠬᠤ ᠦᠬᠡᠢ ᠴᠦ ᠪᠤᠯᠤᠨᠠ᠃ ᠲᠠᠮᠠᠭᠠ ᠶᠢᠨ ᠬᠡᠯᠪᠡᠷᠢ ᠶᠢᠨ ᠲᠠᠯᠠ ᠠᠴᠠ ᠦᠵᠡᠪᠡᠯ ᠪᠤᠰᠤᠳ ᠲᠠᠮᠠᠭᠠ ᠠᠴᠠ ᠵᠢᠭᠠᠬᠠᠨ ᠪᠠᠭᠠ | ᠰᠢᠭ᠋ ᠪᠠᠶᠢᠳᠠᠭ ᠪᠦᠬᠡᠳ ᠲᠤᠭᠤᠷᠢᠭ᠂ ᠤᠷᠳᠦ ᠲᠦᠷᠪᠡᠯᠵᠢᠨ ᠪᠤᠶᠤ ᠠᠮᠢᠳᠠᠨ ᠬᠦᠷᠦᠬᠡᠰᠦᠨ ᠤ ᠲᠦᠷᠰᠦ ᠬᠡᠯᠪᠡᠷᠢ ᠲᠠᠢ ᠪᠠᠶᠢᠵᠦ ᠪᠤᠯᠤᠨᠠ᠃ ᠠᠭᠤᠯᠭᠠ ᠶᠢᠨ ᠲᠠᠯᠠ | ᠪᠠᠷ ᠨᠤᠳᠤᠭ ᠤᠰᠤᠨ ᠤ ᠨᠡᠷᠡ ᠪᠤᠶᠤ ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠡᠷᠬᠡᠳᠡᠨ ᠤ ᠲᠦᠷᠰᠦ ᠪᠠᠷ ᠭᠤᠤᠯ ᠪᠤᠯᠭᠠᠳᠠᠭ᠃ ᠡᠨᠡ ᠨᠢ ᠪᠦᠳᠦᠬᠡᠯ ᠳᠤ ᠶᠡᠷᠦᠳᠡᠬᠡᠨ ᠴᠦᠬᠡᠨ | ᠬᠠᠷᠠᠭᠳᠠᠳᠠᠭ ᠨᠢᠬᠡ ᠵᠤᠶᠢᠯ ᠤᠨ ᠲᠠᠮᠠᠭᠠ ᠪᠤᠯᠤᠨᠠ᠃ ᠦᠩᠬᠡ ᠶᠢᠨ ᠲᠠᠯᠠ ᠪᠠᠷ ᠤᠯᠠᠭᠠᠨ ᠴᠠᠭᠠᠨ ᠪᠦᠷ ᠪᠠᠶᠢᠵᠦ ᠪᠤᠯᠤᠨᠠ᠃ | 4. ᠲᠦᠷᠰᠦᠳᠦ ᠲᠠᠮᠠᠭᠠ | ᠲᠦᠷᠰᠦᠳᠦ ᠲᠠᠮᠠᠭᠠ ᠶᠢᠨ ᠪᠤᠰᠤᠳ ᠠᠴᠠ ᠢᠯᠠᠭᠠᠭᠳᠠᠬᠤ ᠤᠨᠴᠠᠯᠢᠭ ᠨᠢ ᠦᠰᠦᠭ ᠪᠢᠴᠢᠭ ᠰᠡᠶᠢᠯᠳᠡᠭ ᠦᠬᠡᠢ᠂ ᠵᠦᠪᠬᠡᠨ ᠵᠢᠷᠤᠭ ᠪᠠ ᠠᠮᠢᠳᠠᠨ ᠤ ᠲᠦᠷᠰᠦ | ᠪᠠᠷ ᠢᠯᠡᠷᠡᠳᠡᠭ ᠨᠢᠬᠡ ᠵᠤᠶᠢᠯ ᠤᠨ ᠲᠠᠮᠠᠭᠠ ᠪᠤᠯᠤᠨᠠ᠃ ᠡᠬᠦᠨ ᠢ ᠪᠠᠰᠠ ᠵᠢᠷᠤᠭᠳᠦ ᠲᠠᠮᠠᠭᠠ ᠪᠠ ᠬᠦᠷᠦᠭᠳᠦ ᠲᠠᠮᠠᠭᠠ ᠬᠡᠵᠦ ᠨᠡᠷᠡᠯᠡᠳᠡᠭ᠃ ᠬᠡᠪᠡᠴᠦ ᠨᠠᠶᠠᠭᠠᠳ ᠤᠨ | ᠠᠴᠠ ᠨᠠᠰᠢ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠪᠠ ᠲᠠᠮᠠᠭᠠ ᠰᠡᠶᠢᠯᠦᠮᠡᠯ ᠤᠨ ᠲᠠᠯᠠ ᠪᠠᠷ ᠴᠤ᠋ ᠰᠢᠨᠡ ᠬᠤᠪᠢᠷᠠᠯᠳᠠ ᠭᠠᠷᠴᠦ᠂ ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠡᠷᠬᠡᠳᠡᠨ᠂ | ᠵᠢᠷᠤᠬᠠᠢ ᠶᠢᠨ ᠤᠬᠠᠭᠠᠨ ᠢᠶᠠᠷ ᠴᠠᠭ ᠲᠤᠭᠠᠯᠠᠯ᠂ ᠵᠢᠱᠢᠶᠡᠯᠡᠪᠡᠯ ᠬᠦᠬᠡ ᠯᠤᠤ᠂ ᠴᠠᠭᠠᠨ ᠪᠠᠷᠰ᠂ ᠤᠯᠠᠭᠠᠨ ᠱᠠᠭᠠᠵᠠᠭᠠᠢ᠂ ᠶᠠᠰᠤᠳᠦ ᠮᠡᠯᠡᠬᠡᠢ ᠵᠡᠷᠬᠡ ᠶᠢ ᠰᠡᠶᠢᠯᠵᠦ | ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠪᠤᠯ ᠡᠳᠦᠬᠡ ᠮᠠᠰᠢ ᠤᠯᠠᠨ ᠤᠷᠠᠨ ᠮᠡᠷᠬᠡᠵᠢᠯᠳᠡᠨ ᠤ ᠰᠢᠷᠭᠠᠭᠤ ᠰᠤᠳᠤᠯᠤᠯᠳᠠ ᠪᠠ ᠦᠢᠯᠡᠳᠦᠯᠬᠡ ᠪᠠᠷ ᠲᠠᠮᠵᠢᠭᠠᠳ ᠦᠪᠡᠷ ᠤᠨ ᠤᠷᠠᠨ | ᠪᠦᠳᠦᠬᠡᠯ ᠳᠤ ᠪᠠᠨ ᠦᠪᠡᠷ ᠤᠨ ᠲᠤᠷᠠ ᠰᠤᠨᠢᠷᠬᠠᠯ ᠲᠠᠢ᠂ ᠦᠪᠡᠷ ᠤᠨ ᠪᠠᠭ᠋ᠠᠷᠬᠠᠵᠦ ᠲᠤᠭᠤᠳᠠᠭ ᠵᠢᠷᠤᠭ᠂ ᠠᠮᠢᠳᠠᠨ ᠪᠠ ᠲᠦᠷᠰᠦ ᠵᠢᠴᠢ ᠪᠤᠰᠤᠳ ᠭᠤᠶᠢᠳᠠ | ᠰᠠᠶᠢᠬᠠᠨ ᠵᠢᠷᠤᠭ ᠲᠦᠷᠰᠦ ᠰᠡᠶᠢᠯᠵᠦ ᠬᠡᠷᠡᠭᠯᠡᠬᠦ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠤᠨᠴᠠᠭᠠᠶᠢᠯᠠᠨ ᠳᠤᠷᠠᠳᠤᠭᠤᠰᠢᠳᠠᠢ ᠨᠢ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠬᠦᠷᠢᠶᠡ ᠬᠡᠪᠴᠢᠶᠡ | ᠦᠷᠬᠡᠨ ᠳᠡᠯᠬᠡᠷ᠂ ᠡᠷᠬᠡ ᠴᠢᠯᠦᠬᠡᠳᠠᠢ᠂ ᠬᠢᠵᠠᠭᠠᠷᠯᠠᠭᠳᠠᠬᠤ ᠬᠦᠴᠦᠨ ᠢᠶᠠᠷ ᠪᠠᠭᠠ᠂ ᠤᠷᠠᠯᠢᠭ ᠤᠨ ᠬᠡᠪᠴᠢᠶᠡ ᠪᠠᠷ ᠦᠷᠬᠡᠨ ᠪᠠᠶᠢᠳᠠᠭ ᠨᠢᠬᠡ ᠵᠤᠶᠢᠯ ᠤᠨ ᠪᠢᠴᠢᠯᠬᠡ | ᠪᠤᠯᠬᠤᠷ ᠡᠬᠦᠨ ᠢᠶᠠᠷ ᠲᠠᠮᠵᠢᠨ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠤ ᠰᠢᠷᠭᠠᠭᠤ ᠰᠤᠳᠤᠯᠤᠯᠳᠠ᠂ ᠴᠦᠬᠦᠷᠡᠯ ᠦᠬᠡᠢ ᠰᠢᠨᠵᠢᠯᠠᠯᠳᠠ ᠪᠠᠷ ᠨᠡᠩ ᠭᠤᠶᠢᠳᠠ ᠰᠠᠶᠢᠬᠠᠨ ᠲᠠᠮᠠᠭᠠ | ᠰᠡᠶᠢᠯᠦᠮᠡᠯ ᠤᠨ ᠪᠦᠳᠦᠬᠡᠯ ᠭᠠᠷᠬᠤ ᠨᠢ ᠲᠠᠮᠵᠢᠭ ᠦᠬᠡᠢ ᠶᠤᠮ᠃ | 5. ᠲᠠᠮᠠᠭᠠ ᠲᠠᠷᠤᠬᠤ ᠶᠢᠨ ᠠᠯᠬᠤᠮ ᠲᠠᠷᠠᠭᠠ | ᠨᠢᠬᠡᠨ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠳᠤ ᠠᠪᠤᠭᠠᠳ ᠬᠡᠯᠡᠪᠡᠯ ᠨᠢᠬᠡ ᠪᠦᠳᠦᠬᠡᠯ ᠢᠶᠠᠨ ᠪᠢᠴᠢᠵᠦ ᠲᠠᠭᠤᠰᠬᠠᠭᠠᠳ ᠲᠠᠮᠠᠭᠠ ᠲᠠᠷᠤᠬᠤ ᠱᠠᠳᠤᠨ ᠳᠤ ᠪᠠᠨ ᠤᠷᠤᠬᠤ ᠦᠶᠡᠰ | ᠶᠠᠮᠠᠷ ᠲᠠᠮᠠᠭᠠ ᠶᠢ ᠬᠠᠮᠢᠭᠠ ᠠᠴᠠ ᠨᠢ ᠡᠬᠢᠯᠡᠬᠦᠯᠵᠦ ᠲᠠᠷᠤᠬᠤ ᠠᠰᠠᠭᠤᠳᠠᠯ ᠨᠢᠳᠦᠨ ᠡᠮᠦᠨᠡ ᠲᠤᠯᠭᠠᠷᠠᠨᠠ᠃ ᠨᠡᠷᠡ ᠶᠢᠨ ᠲᠠᠮᠠᠭᠠ ᠪᠤᠯ ᠶᠠᠮᠠᠷᠪᠠ ᠨᠢᠬᠡᠨ ᠪᠦᠳᠦᠬᠡᠯ | ᠳᠤ ᠲᠤᠳᠠᠭᠳᠠᠵᠦ ᠪᠤᠯᠤᠰᠢ ᠦᠬᠡᠢ ᠲᠠᠮᠠᠭᠠ ᠪᠤᠯᠬᠤᠷ ᠨᠢᠬᠡᠳᠦᠬᠡᠷ ᠠᠯᠬᠤᠮ ᠳᠤ ᠵᠠᠪᠠᠯ ᠨᠡᠷᠡ ᠶᠢᠨ ᠲᠠᠮᠠᠭᠠᠨ ᠤ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠤᠷᠢᠯᠡᠬᠦ ᠬᠡᠷᠡᠭᠳᠠᠢ᠃ ᠨᠢᠬᠡᠨ | ᠤᠷᠠᠨ ᠵᠢᠷᠤᠭᠴᠢᠨ ᠢᠶᠠᠷ ᠠᠪᠴᠦ ᠦᠵᠡᠭᠰᠡᠨ ᠴᠦ ᠬᠦᠮᠦᠨ ᠤ ᠲᠤᠯᠤᠭᠠᠢ ᠶᠢᠨ ᠬᠡᠰᠡᠭ ᠢ ᠵᠢᠷᠤᠬᠤ ᠦᠶᠡᠰ ᠵᠠᠪᠠᠯ ᠲᠤᠯᠤᠭᠠᠢ ᠶᠢᠨ ᠬᠡᠰᠡᠭ ᠤᠨ ᠪᠦᠬᠦᠯᠢ | ᠪᠦᠷᠢᠯᠳᠦᠬᠦᠨ ᠢ ᠪᠦᠷᠢᠨ ᠪᠦᠳᠦᠨ ᠪᠦᠳᠦᠬᠡᠬᠦ ᠬᠡᠷᠡᠭᠳᠠᠢ᠃ ᠴᠢᠬᠢ ᠦᠬᠡᠢ ᠪᠤᠶᠤ ᠨᠢᠳᠦ ᠦᠬᠡᠢ ᠪᠤᠯ ᠡᠨᠡᠬᠦ ᠵᠢᠷᠤᠭ ᠴᠢᠨᠢ ᠠᠮᠵᠢᠯᠳᠠ ᠳᠤ ᠬᠦᠷᠴᠦ ᠴᠢᠳᠠᠭᠰᠠᠨ | ᠦᠬᠡᠢ ᠳᠤ ᠬᠦᠷᠦᠨᠡ᠃ ᠮᠦᠨ ᠡᠬᠦᠨ ᠲᠠᠢ ᠠᠳᠠᠯᠢ ᠪᠠᠷ ᠤᠷᠢᠳᠠᠪᠡᠷ ᠨᠡᠷᠡ ᠶᠢᠨ ᠲᠠᠮᠠᠭᠠ ᠪᠠᠨ ᠲᠠᠷᠤᠭᠠᠳ ᠲᠠᠷᠠᠭᠠ ᠨᠢ ᠪᠤᠰᠤᠳ ᠲᠠᠮᠠᠭᠠᠨ ᠤ ᠠᠰᠠᠭᠤᠳᠠᠯ ᠢ | ᠰᠢᠢᠳᠪᠤᠷᠢᠯᠡᠬᠦ ᠬᠡᠷᠡᠭᠳᠠᠢ᠃ ᠨᠡᠩ ᠢᠯᠡᠩᠭᠤᠶᠠ ᠰᠢᠨᠡ ᠪᠢᠴᠢᠵᠦ ᠪᠠᠶᠢᠭᠠ ᠪᠢᠴᠢᠯᠬᠡᠳᠡᠨ ᠳᠤ ᠠᠪᠤᠭᠠᠳ ᠬᠡᠯᠡᠪᠡᠯ ᠡᠳᠡᠬᠡᠷ ᠠᠰᠠᠭᠤᠳᠠᠯ ᠨᠢ ᠮᠠᠰᠢ ᠴᠢᠬᠤᠯᠠ ᠪᠦᠬᠡᠳ | ᠦᠢᠯᠡᠳᠦᠯᠬᠡ ᠶᠢᠨ ᠲᠤᠮᠳᠠ ᠪᠤᠰᠤᠳ ᠤᠨ ᠰᠢᠯᠢᠳᠡᠭ ᠪᠦᠳᠦᠬᠡᠯ ᠪᠤᠶᠤ ᠦᠪᠡᠷ ᠤᠨ ᠲᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠪᠠᠨ ᠰᠠᠶᠢᠳᠤᠷ ᠬᠤᠷᠠᠮᠳᠤᠭᠤᠯᠬᠤ ᠬᠡᠷᠡᠭᠳᠠᠢ ᠪᠠᠶᠢᠳᠠᠭ᠃ | ᠢᠩᠬᠢᠪᠡᠯ ᠰᠠᠶ᠋ᠢ ᠠᠮᠵᠢᠯᠳᠠ ᠳᠤ ᠬᠦᠷᠴᠦ ᠴᠢᠳᠠᠳᠠᠭ᠂ ᠤᠷᠠᠨ ᠪᠢᠴᠢᠯᠬᠡ ᠬᠡᠳᠡᠭ ᠨᠢ ᠨᠢᠬᠡ ᠵᠤᠶᠢᠯ ᠤᠨ ᠤᠷᠠᠯᠢᠭ ᠪᠤᠯᠬᠤᠷ ᠵᠠᠪᠠᠯ ᠡᠨᠡᠬᠦ ᠵᠢᠮᠠ ᠶᠤᠰᠦ ᠶᠢ | ᠮᠡᠳᠡᠷᠡᠭᠰᠡᠨ ᠪᠠᠶᠢᠬᠤ ᠬᠡᠷᠡᠭᠳᠠᠢ᠃ ᠶᠠᠭᠠᠬᠢᠭᠰᠠᠨ ᠴᠦ ᠬᠠᠰᠢ ᠶᠠᠰᠢ᠂ ᠲᠤᠷᠠ ᠲᠠᠪᠠ ᠪᠠᠷ ᠢᠶᠠᠨ ᠪᠠᠶᠢᠵᠦ ᠪᠤᠯᠬᠤ ᠦᠬᠡᠢ᠃ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠵᠤᠬᠢᠮᠵᠢ ᠪᠤᠯ | ᠭᠤᠤᠯ ᠦᠰᠦᠭ᠂ ᠬᠠᠶᠠᠭᠠᠪᠤᠷᠢ᠂ ᠲᠠᠮᠠᠭᠠ ᠵᠡᠷᠬᠡ ᠭᠤᠷᠪᠠᠨ ᠬᠡᠰᠡᠭ ᠢᠶᠠᠷ ᠪᠦᠷᠢᠯᠳᠦᠳᠡᠭ ᠪᠦᠬᠡᠳ ᠡᠬᠦᠨ ᠢ ᠵᠤᠬᠢᠮᠵᠢ ᠶᠢᠨ ᠭᠤᠷᠪᠠᠨ ᠦᠨᠳᠦᠰᠦᠨ ᠪᠦᠷᠢᠯᠳᠦᠬᠦᠨ | ᠬᠡᠰᠡᠭ ᠬᠡᠳᠡᠭ᠃ ᠲᠠᠮᠠᠭᠠ ᠲᠠᠷᠤᠬᠤ ᠳᠤ ᠪᠠᠨ ᠲᠦᠪ ᠪᠢᠴᠢᠭᠰᠡᠨ ᠬᠢᠴᠢᠶᠡᠩᠬᠦᠢ ᠪᠢᠴᠢᠯᠬᠡ ᠳᠤ ᠰᠡᠶᠢᠯᠦᠭᠰᠡᠨ ᠲᠠᠮᠠᠭᠠ ᠨᠢ ᠢᠯᠠ ᠲᠤᠳᠦ᠂ ᠴᠡᠪᠡᠷ ᠲᠤᠬᠢᠯᠠᠭ ᠲᠠᠮᠠᠭᠠ | ᠶᠢ ᠬᠡᠷᠡᠭᠯᠡᠵᠦ᠂ ᠢᠳᠡᠷᠡᠬᠦᠨ ᠬᠦᠴᠦᠯᠢᠭ᠂ ᠬᠦᠶᠦᠯᠬᠡᠨ ᠪᠤᠶᠤ ᠲᠠᠳᠠᠯᠠᠭᠠᠨ ᠪᠢᠴᠢᠯᠬᠡ ᠳᠤ ᠡᠮᠳᠡᠷᠡᠵᠦ ᠲᠠᠰᠤᠷᠠᠭᠰᠠᠨ ᠤᠷᠠᠯᠢᠭ ᠤᠨ ᠴᠢᠨᠠᠷ ᠢᠶᠠᠷ ᠦᠨᠳᠦᠷ ᠲᠠᠮᠠᠭᠠ ᠶᠢ | ᠬᠡᠷᠡᠭᠯᠡᠳᠡᠭ ᠵᠤᠷᠰᠢᠯ ᠲᠠᠢ᠃ ᠬᠡᠪᠡᠴᠦ ᠲᠠᠮᠠᠭᠠ ᠰᠡᠶᠢᠯᠦᠮᠡᠯ ᠤᠨ ᠬᠦᠭᠵᠢᠯᠳᠡ ᠬᠤᠪᠢᠷᠠᠯᠳᠠ ᠠᠴᠠ ᠪᠤᠯᠤᠭᠠᠳ ᠲᠠᠮᠠᠭᠠ ᠬᠡᠷᠡᠭᠯᠡᠬᠦ ᠬᠦᠷᠢᠶᠡ ᠬᠡᠪᠴᠢᠶᠡ ᠪᠠᠷ ᠨᠡᠯᠢᠶᠡᠳ | ᠦᠷᠬᠡᠨ ᠳᠡᠯᠬᠡᠷ ᠪᠤᠯᠤᠭᠰᠠᠨ ᠨᠢ ᠢᠯᠡᠷᠬᠡᠢ ᠪᠠᠶᠢᠨᠠ᠃ | 6. ᠲᠠᠮᠠᠭᠠ ᠶᠢᠨ ᠪᠤᠳᠤᠭ ᠤᠨ ᠲᠤᠬᠠᠢ | ᠲᠠᠮᠠᠭᠠ ᠪᠤᠢ ᠪᠤᠯᠬᠤ ᠲᠠᠢ ᠵᠡᠷᠬᠡ ᠪᠤᠳᠤᠭ ᠲᠠᠭᠠᠯᠳᠤᠨ ᠭᠠᠷᠴᠦ ᠢᠷᠡᠭᠰᠡᠨ ᠨᠢ ᠢᠯᠡᠷᠬᠡᠢ ᠪᠠᠶᠢᠳᠠᠭ᠃ ᠲᠠᠮᠠᠭᠠ ᠶᠢ ᠬᠡᠷᠡᠭᠯᠡᠬᠦ ᠳᠤ ᠪᠤᠳᠤᠭ ᠬᠡᠷᠡᠭᠴᠡᠭᠡ ᠲᠠᠢ᠂ | ᠪᠤᠳᠤᠭ ᠢ ᠬᠡᠷᠡᠭᠯᠡᠬᠦ ᠳᠤ ᠲᠠᠮᠠᠭᠠ ᠲᠤᠳᠠᠭᠳᠠᠵᠦ ᠪᠤᠯᠤᠰᠢ ᠦᠬᠡᠢ᠂ ᠡᠶᠢᠮᠦ ᠨᠢᠬᠡᠨ ᠴᠢᠰᠦ ᠮᠢᠬᠠᠨ ᠤ ᠬᠠᠷᠢᠴᠠᠭᠠ ᠲᠠᠢ ᠪᠦᠬᠦᠯᠢ ᠴᠤᠭᠴᠠ ᠪᠤᠯᠤᠨ ᠪᠦᠷᠢᠯᠳᠦᠭᠰᠡᠨ | ᠪᠠᠶᠢᠳᠠᠭ᠃ ᠮᠤᠩᠭᠤᠯᠴᠤᠳ ᠠᠯᠢ ᠡᠷᠳᠡ ᠠᠴᠠ ᠦᠰᠦᠭ ᠪᠢᠴᠢᠭ ᠪᠤᠢ ᠪᠤᠯᠬᠤ ᠲᠠᠢ ᠵᠡᠷᠬᠡ ᠲᠠᠮᠠᠭᠠ ᠶᠢ ᠬᠡᠷᠡᠭᠯᠡᠵᠦ ᠡᠬᠢᠯᠡᠭᠰᠡᠨ ᠪᠠᠶᠢᠳᠠᠭ᠃ ᠵᠢᠱᠢᠶᠡ ᠨᠢ ᠬᠦᠶᠦᠭ | ᠬᠠᠭᠠᠨ ᠤ ᠲᠠᠮᠠᠭᠠ ᠵᠡᠷᠬᠡ ᠡᠬᠢᠨ ᠤ ᠦᠶᠡ ᠳᠤ ᠪᠠᠨ ᠨᠡᠷᠡ ᠶᠢᠨ ᠲᠠᠮᠠᠭᠠ ᠬᠡᠵᠦ ᠪᠠᠶᠢᠭᠰᠠᠨ ᠦᠬᠡᠢ ᠪᠦᠬᠡᠳ ᠵᠦᠪᠬᠡᠨ ᠬᠤᠷᠤᠭᠤ ᠲᠠᠷᠤᠬᠤ ᠴᠢᠨᠠᠭᠰᠢᠯᠠᠪᠠᠯ ᠲᠠᠮᠠᠭᠠᠨ | ᠪᠤᠳᠤᠭ ᠪᠠᠶᠢᠬᠤ ᠦᠬᠡᠢ ᠤᠷᠢᠳᠠᠯ ᠲᠤᠤᠷᠠ ᠬᠤᠷᠤᠭᠤ ᠪᠠᠨ ᠬᠠᠵᠠᠭᠠᠤᠨ ᠴᠢᠰᠦ ᠪᠠᠷ ᠢᠶᠠᠨ ᠲᠠᠷᠤᠭᠰᠠᠨ ᠦᠩᠬᠡᠷᠡᠯᠳᠡ ᠴᠦ ᠪᠠᠶᠢᠳᠠᠭ᠃ ᠲᠠᠮᠠᠭᠠ ᠬᠡᠳᠡᠭ ᠨᠢ ᠪᠡᠶᠡ | ᠶᠢᠨ ᠤᠷᠤ᠂ ᠪᠡᠶᠡ ᠶᠢᠨ ᠪᠠᠳᠤᠯᠠᠪᠤᠷᠢ ᠮᠦᠨ᠃ ᠰᠡᠬᠦᠯᠡᠷ ᠨᠢ ᠬᠤᠪᠢ ᠬᠦᠮᠦᠨ ᠤ ᠲᠠᠮᠠᠭᠠ ᠶᠢ ᠬᠡᠷᠡᠭᠯᠡᠬᠦ ᠪᠤᠯᠤᠭᠰᠠᠨ ᠪᠦᠬᠡᠳ ᠵᠢᠵᠢᠭ ᠲᠦᠷᠪᠡᠯᠵᠢᠨ ᠲᠠᠮᠠᠭᠠ ᠪᠠᠷ | ᠤᠷᠤᠯᠠᠭᠤᠯᠵᠦ᠂ ᠵᠠᠰᠠᠭ ᠶᠠᠮᠤᠨ᠂ ᠰᠦᠮᠡ ᠬᠡᠶᠢᠳ᠂ ᠳ᠋ᠠ ᠯᠠᠮᠠ ᠵᠡᠷᠬᠡ ᠬᠡᠷᠡᠭ ᠮᠡᠳᠡᠭᠴᠢ ᠨᠢ ᠪᠦᠳᠦᠬᠦᠨ ᠲᠠᠮᠠᠭᠠ ᠶᠢ ᠬᠡᠷᠡᠭᠯᠡᠵᠦ ᠲᠠᠮᠠᠭᠠ ᠪᠠᠨ ︽ᠨᠢᠰᠠ︾ ᠬᠡᠵᠦ | ᠨᠡᠷᠡᠯᠡᠵᠦ ᠪᠠᠶᠢᠵᠠᠢ᠃ ᠪᠤᠳᠤᠭ ᠢ ᠵᠤ᠋ ᠰᠠ ︵朱砂︶ ᠤᠯᠠᠭᠠᠨ ᠦᠩᠬᠡ ᠲᠠᠢ ᠨᠤᠨᠳᠠᠭ ᠵᠤᠶᠢᠯ ᠤᠨ ᠡᠮ ᠤᠨ ᠮᠠᠲ᠋ᠧᠷᠢᠶᠠᠯ᠂ ᠮᠤᠩᠭᠤᠯ ᠢᠶᠠᠷ ᠨᠢ ︵ ᠽᠤᠯᠭᠤᠳ︶ | ᠢ ᠡᠷᠢᠨᠳᠡ ︵蓖麻油︶ ᠶᠢᠨ ᠲᠤᠰᠤᠨ ᠳᠤ ᠨᠠᠶᠢᠷᠠᠭᠤᠯᠵᠦ ᠮᠢᠨᠳᠠᠰᠦ᠂ ᠡᠰᠡᠬᠦᠯᠡ ᠤᠯᠠ ᠡᠪᠡᠰᠦ ︵ᠬᠡᠳᠠ ᠴᠡᠬᠢᠭᠤᠷ ᠲᠤ ᠬᠡᠷᠡᠭᠯᠡᠬᠦ ᠡᠪᠡᠰᠦ︶᠂ ᠢᠮᠠᠭᠠᠨ | ᠨᠤᠤᠯᠤᠭᠤᠷ ᠲᠤ ᠬᠢᠵᠦ ᠬᠡᠷᠡᠭᠯᠡᠵᠦ ᠪᠠᠶᠢᠵᠠᠢ᠃ ᠤᠷᠠᠨ ᠪᠢᠴᠢᠯᠬᠡ ᠳᠤ ᠬᠡᠷᠡᠭᠯᠡᠬᠦ ᠲᠠᠮᠠᠭᠠ ᠶᠢᠨ ᠪᠦᠳᠦᠴᠡ ᠶᠢᠨ ᠲᠦᠷᠦᠯ ᠵᠤᠶᠢᠯ ᠤᠯᠠᠨ ᠪᠠᠶᠢᠳᠠᠭ ᠪᠤᠯᠬᠤᠷ ᠵᠠᠪᠠᠯ | ᠲᠠᠮᠠᠭᠠ ᠶᠢᠨ ᠴᠢᠨᠠᠷ ᠢ ᠪᠠᠳᠤᠯᠠᠵᠦ᠂ ᠪᠤᠳᠤᠭ ᠬᠡᠷᠡᠭᠯᠡᠬᠦ ᠳᠤ ᠪᠠᠨ ᠡᠷᠬᠡᠪᠰᠢ ᠰᠠᠶᠢᠨ ᠴᠢᠨᠠᠷ ᠢ ᠨᠢ ᠬᠡᠷᠡᠭᠯᠡᠬᠦ ᠬᠡᠷᠡᠭᠳᠠᠢ᠃ ᠤᠷᠠᠨ ᠪᠢᠴᠢᠯᠬᠡ ᠳᠤ ᠬᠡᠷᠡᠭᠯᠡᠬᠦ ᠲᠠᠮᠠᠭᠠ | ᠶᠢᠨ ᠪᠦᠳᠦᠴᠡ ᠶᠢᠨ ᠲᠦᠷᠦᠯ ᠵᠤᠶᠢᠯ ᠤᠯᠠᠨ ᠪᠤᠳᠤᠭ ᠬᠡᠷᠡᠭᠯᠡᠬᠦ ᠳᠤ ᠪᠠᠨ ᠡᠷᠬᠡᠪᠰᠢ ᠰᠠᠶᠢᠨ ᠴᠢᠨᠠᠷ ᠢ ᠨᠢ ᠬᠡᠷᠡᠭᠯᠡᠬᠦ ᠬᠡᠷᠡᠭᠳᠠᠢ᠃ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠪᠦᠳᠦᠬᠡᠯ | ᠳᠤ ᠲᠠᠮᠠᠭᠠ ᠬᠡᠷᠡᠭᠯᠡᠬᠦ ᠳᠤ ᠪᠠᠨ ᠶᠡᠷᠦ ᠶᠢᠨ ᠠᠯᠪᠠᠨ ᠳᠤ ᠬᠡᠷᠡᠭᠯᠡᠬᠦ ᠲᠡᠮᠦᠷ ᠰᠠᠪᠠ ᠲᠠᠢ ᠲᠠᠮᠠᠭᠠᠨ ᠲᠤᠰᠦ ᠶᠢ ᠬᠡᠷᠡᠭᠯᠡᠵᠦ ᠪᠤᠯᠬᠤ ᠦᠬᠡᠢ᠃ ︽ᠪᠢᠴᠢᠭ ᠤᠨ ᠬᠡᠷ ᠤᠨ | ᠲᠦᠷᠪᠡᠨ ᠡᠷᠳᠡᠨᠢ︾ ᠶᠢᠨ ᠳᠡᠯᠬᠡᠬᠦᠷ ᠲᠤ ᠪᠠᠶᠢᠭᠠ ᠱᠠᠭᠠᠵᠠᠩ ᠰᠠᠪᠠ ᠲᠠᠢ ᠪᠤᠳᠤᠭ ᠢ ᠬᠡᠷᠡᠭᠯᠡᠬᠦ ᠬᠡᠷᠡᠭᠳᠠᠢ᠃ ᠪᠤᠳᠤᠭ ᠤᠨ ᠲᠦᠷᠦᠯ ᠵᠤᠶᠢᠯ ᠳᠤ ᠤᠯᠠᠭᠠᠨ᠂ | ᠰᠢᠩᠬᠤᠨ ᠤᠯᠠᠭᠠᠨ᠂ ᠪᠤᠷᠤ᠂ ᠬᠦᠷᠡᠩ᠂ ᠬᠦᠬᠡ᠂ ᠨᠤᠭᠤᠭᠠᠨ᠂ ᠰᠢᠷᠠ᠂ ᠴᠠᠭᠠᠨ ᠵᠡᠷᠬᠡ ᠤᠯᠠᠨ ᠵᠤᠶᠢᠯ ᠤᠨ ᠦᠩᠬᠡ ᠪᠠᠶᠢᠳᠠᠭ᠃ ᠬᠡᠪᠡᠴᠦ ᠤᠯᠠᠩᠬᠢ ᠳᠤ ᠪᠠᠨ | ᠤᠯᠠᠭᠠᠨ᠂ ᠬᠦᠷᠡᠩ ᠦᠩᠬᠡ ᠶᠢ ᠵᠠᠷᠤᠬᠤ ᠨᠢ ᠤᠯᠠᠨ ᠪᠠᠶᠢᠳᠠᠭ᠃ ᠤᠨᠴᠠᠭᠠᠢ ᠪᠠᠶᠢᠳᠠᠯ ᠲᠤᠤᠷᠠ ᠰᠢᠷᠠ ᠤᠯᠠᠭᠠᠨ᠂ ᠬᠦᠬᠡ᠂ ᠰᠢᠷᠠ᠂ ᠨᠤᠭᠤᠭᠠᠨ ᠴᠠᠭᠠᠰᠤᠨ | ᠳᠡᠬᠡᠷᠡ ᠪᠦᠳᠦᠬᠡᠯ ᠪᠢᠴᠢᠬᠡᠳ ᠲᠠᠮᠠᠭᠠ ᠲᠠᠷᠤᠬᠤ ᠦᠶᠡᠰ ᠰᠢᠷᠠ ᠪᠤᠶᠤ ᠴᠠᠭᠠᠨ ᠪᠤᠳᠤᠭ ᠢ ᠵᠠᠷᠤᠬᠤ ᠨᠢ ᠵᠤᠬᠢᠰᠳᠠᠢ ᠪᠠᠶᠢᠳᠠᠭ᠂ ᠬᠡᠪᠡᠴᠦ ᠲᠠᠮᠠᠭᠠ ᠶᠢᠨ ᠲᠠᠷᠤᠳᠠᠰᠦ | ᠨᠢ ᠲᠤᠳᠦ ᠦᠬᠡᠢ᠂ ᠬᠠᠩᠭᠠᠮᠵᠢ ᠦᠬᠡᠢ ᠪᠤᠯ ᠰᠢᠷᠠ ᠪᠤᠶᠤ ᠴᠠᠭᠠᠨ ᠴᠠᠭᠠᠰᠤᠨ ᠳᠡᠬᠡᠷᠡ ᠤᠯᠠᠭᠠᠨ ᠲᠠᠮᠠᠭᠠ ᠪᠠᠨ ᠲᠠᠷᠤᠭᠠᠳ ᠪᠦᠳᠦᠬᠡᠯ ᠢᠶᠠᠨ ᠴᠠᠷᠳᠠᠬᠤ ᠦᠶᠡᠰ ᠲᠤ | ᠬᠠᠶᠢᠴᠢᠯᠠᠵᠦ ᠠᠪᠤᠭᠠᠳ ᠳᠡᠬᠡᠷᠡ ᠨᠢ ᠨᠠᠭᠠᠭᠰᠠᠨ ᠴᠦ ᠮᠠᠰᠢ ᠰᠠᠶᠢᠬᠠᠨ ᠭᠤᠶᠤ ᠪᠦᠳᠦᠬᠡᠯ ᠪᠤᠯᠳᠠᠭ᠃ ᠡᠨᠡ ᠨᠢ ᠢᠯᠡ ᠲᠤᠳᠦ ᠪᠦᠬᠡᠳ ᠲᠤᠶᠢᠯ ᠤᠨ ᠦᠵᠡᠮᠵᠢᠳᠠᠢ | ᠪᠠᠶᠢᠳᠠᠭ᠃ ᠲᠠᠮᠠᠭᠠᠨ ᠤ ᠪᠤᠳᠤᠭ ᠢᠶᠠᠨ ᠬᠡᠷᠡᠭᠯᠡᠵᠦ ᠪᠠᠷᠠᠭᠰᠠᠨ ᠤ ᠰᠡᠬᠦᠯᠡᠷ ᠲᠠᠷᠤᠢ ᠳᠤ ᠨᠢ ᠪᠤᠳᠤᠭ ᠤᠨ ᠰᠠᠪᠠᠨ ᠤ ᠪᠠᠨ ᠠᠮᠠᠰᠠᠷ ᠢ ᠨᠢ ᠲᠠᠭᠯᠠᠵᠦ ᠲᠠᠯᠪᠢᠬᠤ | ᠵᠤᠷᠰᠢᠯ ᠲᠠᠢ ᠪᠤᠯᠬᠤ ᠬᠡᠷᠡᠭᠳᠠᠢ᠃ ᠦᠬᠡᠢ ᠪᠤᠯ ᠬᠤᠭ ᠨᠤᠪᠰᠢ ᠪᠤᠵᠠᠷ ᠪᠤᠷᠳᠠᠭ ᠨᠠᠭᠠᠯᠳᠤᠵᠦ ᠲᠠᠮᠠᠭᠠ ᠶᠢᠨ ᠪᠤᠳᠤᠭ ᠨᠢ ᠬᠠᠳᠠᠬᠤ ᠪᠤᠶᠤ ᠪᠤᠵᠠᠷ ᠪᠤᠯᠬᠤ ᠠᠴᠠ | ᠰᠡᠷᠬᠡᠶᠢᠯᠡᠬᠦ ᠬᠡᠷᠡᠭᠳᠠᠢ᠃ | 7. ᠲᠠᠮᠠᠭᠠ ᠶᠢᠨ ᠲᠡᠪᠢᠰᠬᠡᠷ | ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠪᠦᠳᠦᠬᠡᠯ ᠤᠨ ᠴᠠᠭᠠᠰᠤᠨ ᠤ ᠲᠤᠤᠷᠠ ᠲᠡᠪᠢᠰᠳᠡᠭ ᠡᠳ᠋ ᠢ ᠲᠠᠮᠠᠭᠠᠨ ᠤ ᠲᠡᠪᠢᠰᠬᠡᠷ ᠬᠡᠳᠡᠭ᠃ ᠤᠳᠤᠬᠠᠨ ᠳᠤ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠤ | ᠪᠦᠳᠦᠬᠡᠯ ᠠᠴᠠ ᠰᠢᠨᠵᠢᠪᠡᠯ ᠪᠦᠳᠦᠬᠡᠯ ᠤᠨ ᠦᠰᠦᠭ ᠤᠨ ᠶᠡᠭᠡ ᠪᠠᠭᠠ᠂ ᠠᠭᠤᠯᠭᠠ᠂ ᠬᠠᠶᠠᠭᠠᠪᠤᠷᠢ ᠵᠢᠴᠢ ᠲᠠᠮᠠᠭᠠ ᠶᠢᠨ ᠤᠷᠤᠨ ᠵᠠᠢ ᠨᠢ ᠮᠠᠰᠢ ᠲᠤᠬᠢᠷᠠᠮᠵᠢᠳᠠᠢ | ᠪᠤᠯᠤᠭᠰᠠᠨ ᠪᠤᠯᠪᠠᠴᠦ ᠲᠠᠮᠠᠭᠠᠨ ᠤ ᠲᠠᠷᠤᠳᠠᠰᠦ ᠨᠢ ᠲᠤᠳᠦ ᠪᠤᠰᠦ᠂ ᠦᠨᠴᠦᠭ ᠪᠤᠯᠤᠩ ᠨᠢ ᠪᠠᠯᠠᠷᠬᠠᠢ᠂ ᠮᠤᠷᠤᠢ ᠬᠠᠵᠠᠭᠠᠢ ᠦᠵᠡᠭᠳᠡᠬᠦ ᠦᠵᠡᠭᠳᠡᠯ ᠦᠷᠬᠦᠯᠵᠢ | ᠭᠠᠷᠳᠠᠭ ᠪᠠᠶᠢᠨᠠ᠃ ᠡᠨᠡ ᠨᠢ ᠲᠠᠷᠤᠢ ᠲᠠᠮᠠᠭᠠᠨ ᠤ ᠲᠡᠪᠢᠰᠬᠡᠷ ᠨᠢ ᠲᠡᠭᠰᠢ ᠪᠤᠰᠦ᠂ ᠬᠤᠳᠤᠭᠤᠷ ᠬᠦᠳᠦᠬᠦᠷ᠂ ᠬᠡᠳᠦᠷᠬᠡᠢ ᠬᠠᠳᠠᠭᠤ ᠬᠠᠷᠢᠮᠠᠬᠠᠢ ᠴᠢᠨᠠᠷ ᠦᠬᠡᠢ ᠠᠴᠠ | ᠰᠢᠯᠳᠠᠭᠠᠯᠠᠭᠳᠠᠳᠠᠭ᠃ ᠪᠠᠰᠠ ᠨᠢᠬᠡ ᠰᠢᠯᠳᠠᠭᠠᠨ ᠨᠢ ᠲᠠᠮᠠᠭᠠᠨ ᠳᠤ ᠪᠠᠨ ᠲᠤᠰᠦ ᠢᠳᠡᠬᠦᠯᠵᠦ ᠴᠠᠤᠨᠬᠠᠭᠰᠡᠨ ᠦᠬᠡᠢ ᠠᠴᠠ ᠪᠤᠯᠵᠦ ᠡᠯᠤᠢ ᠬᠤᠯᠤᠢ ᠬᠤᠭᠤᠰᠤᠨ | ᠦᠵᠡᠭᠳᠡᠬᠦ ᠢᠯᠡᠷᠡᠯ ᠴᠦ ᠭᠠᠷᠳᠠᠭ᠃ ᠲᠠᠮᠠᠭᠠᠨ ᠤ ᠲᠡᠪᠢᠰᠬᠡᠷ ᠨᠢ ᠤᠯᠠᠨ ᠶᠠᠩᠵᠦ ᠪᠠᠶᠢᠳᠠᠭ ᠪᠦᠬᠡᠳ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠤ ᠦᠪᠡᠷ ᠦᠪᠡᠷ ᠤᠨ ᠲᠤᠷᠠ ᠰᠤᠨᠢᠷᠬᠠᠯ | ᠪᠠ ᠬᠡᠷᠡᠭᠯᠡᠵᠦ ᠰᠤᠷᠤᠭᠰᠠᠨ ᠵᠤᠷᠰᠢᠯ ᠢᠶᠠᠷ ᠢᠶᠠᠨ ᠵᠤᠬᠢᠰᠳᠠᠢ ᠲᠤᠬᠢᠷᠠᠭᠤᠯᠤᠨ ᠲᠠᠷᠤᠳᠠᠭ ᠪᠠᠶᠢᠨᠠ᠃ ᠤᠯᠠᠩᠬᠢ ᠳᠤ ᠪᠠᠨ ᠲᠠᠮᠠᠭᠠᠨ ᠤ ᠲᠡᠪᠢᠰᠬᠡᠷ ᠲᠤ ᠵᠦᠬᠡᠯᠡᠨ ᠰᠢᠭ᠋ | ᠨᠤᠮ ᠰᠤᠳᠤᠷ ᠪᠤᠶᠤ ᠡᠰᠡᠬᠦᠯᠡ ᠵᠦᠬᠡᠯᠡᠨ ᠪᠦᠬᠡᠳ ᠬᠠᠷᠢᠮᠠᠬᠠᠢ ᠴᠢᠨᠠᠷ ᠲᠠᠢ ᠲᠤᠰᠬᠠᠢ ᠵᠤᠷᠢᠭᠤᠯᠤᠭᠰᠠᠨ ᠭᠤᠮ ᠡᠳ᠋ ᠢ ᠬᠡᠷᠡᠭᠯᠡᠳᠡᠭ ᠶᠤᠮ᠃ ᠲᠠᠮᠠᠭᠠ ᠲᠠᠷᠤᠬᠤ ᠳᠤ | ᠪᠠᠨ ᠶᠠᠭᠤᠨ ᠤ ᠡᠮᠦᠨᠡ ᠲᠠᠮᠠᠭᠠᠨ ᠤ ᠴᠡᠪᠡᠷ ᠡᠰᠡᠬᠦ ᠶᠢ ᠪᠠᠶᠢᠴᠠᠭᠠᠵᠦ ᠦᠵᠡᠬᠦ ᠬᠡᠷᠡᠭᠳᠠᠢ᠃ ᠤᠷᠳᠦ ᠬᠤᠭᠤᠴᠠᠭᠠ ᠪᠠᠷ ᠬᠡᠷᠡᠭᠯᠡᠵᠦ ᠦᠩᠬᠡᠷᠡᠭᠰᠡᠨ ᠦᠬᠡᠢ ᠪᠤᠯᠤᠭᠠᠳ | ᠲᠠᠮᠠᠭᠠ ᠨᠢ ᠪᠤᠵᠠᠷ ᠪᠤᠶᠤ ᠪᠠᠯᠠᠷᠬᠠᠢ ᠪᠤᠯᠤᠭᠰᠠᠨ ᠪᠤᠯ ᠡᠷᠬᠡᠪᠰᠢ ᠪᠤᠯᠢᠶᠠᠨ ᠤᠰᠦ ᠪᠤᠶᠤ ᠴᠢᠶ᠋ᠢᠤ ᠲᠤᠰᠤᠨ ᠳᠤ ᠲᠡᠪᠳᠦᠬᠡᠵᠦ ᠱᠤᠸᠠᠵᠠ ᠪᠠᠷ ᠰᠠᠶᠢᠨ ᠤᠬᠢᠶᠠᠭᠰᠠᠨ ᠤ | ᠰᠡᠬᠦᠯᠡᠷ ᠴᠡᠪᠡᠷ ᠪᠦᠰ ᠪᠤᠶᠤ ᠵᠦᠬᠡᠯᠡᠨ ᠴᠠᠭᠠᠰᠦ ᠪᠠᠷ ᠰᠠᠶᠢᠨ ᠠᠷᠴᠢᠵᠦ ᠬᠠᠳᠠᠭᠠᠭᠰᠠᠨ ᠤ ᠲᠠᠷᠠᠭᠠ ᠲᠠᠷᠤᠬᠤ ᠬᠡᠷᠡᠭᠳᠠᠢ᠃ ᠲᠠᠮᠠᠭᠠ ᠲᠠᠷᠤᠬᠤ ᠦᠶᠡᠰ ᠪᠦᠳᠦᠬᠡᠯ | ᠢᠶᠠᠨ ᠪᠢᠴᠢᠭ ᠤᠨ ᠰᠢᠷᠡᠬᠡᠨ ᠳᠡᠬᠡᠷᠡ ᠪᠠᠨ ᠳᠡᠭᠰᠢ ᠰᠠᠶᠢᠬᠠᠨ ᠲᠠᠯᠪᠢᠭᠰᠠᠨ ᠤ ᠲᠠᠷᠠᠭᠠ᠂ ᠲᠤᠤᠷᠠ ᠨᠢ ᠲᠠᠪᠢᠰᠬᠡᠷ ᠢᠶᠠᠨ ᠲᠡᠪᠢᠰᠦᠬᠡᠳ ᠮᠤᠷᠤᠢ ᠵᠦᠷᠢᠬᠦᠦ ᠶᠢ | ᠠᠩᠬᠠᠷᠤᠭᠰᠠᠨ ᠤ ᠰᠡᠬᠦᠯᠡᠷ ︵ᠱᠤᠭᠤᠮ ᠢᠶᠠᠷ ᠬᠦᠩᠬᠡᠨ ᠰᠢᠭ᠋ ᠮᠦᠷ ᠭᠠᠷᠭᠠᠭᠰᠠᠨ ᠴᠦ ᠪᠤᠯᠤᠨᠠ︶ ᠵᠡᠬᠦᠨ ᠭᠠᠷ ᠢᠶᠠᠷ ᠢᠶᠠᠨ ᠴᠠᠭᠠᠰᠦ ᠪᠠᠨ ᠲᠠᠷᠤᠵᠦ᠂ ᠪᠠᠷᠠᠭᠤᠨ | ᠭᠠᠷ ᠢᠶᠠᠷ ᠢᠶᠠᠨ ᠲᠠᠮᠠᠭᠠ ᠪᠠᠨ ᠬᠦᠴᠦᠳᠠᠢ ᠰᠢᠭ᠋ ᠲᠠᠷᠤᠭᠠᠳ ︵ᠬᠡᠳᠦᠷᠬᠡᠢ ᠬᠦᠴᠦᠳᠠᠢ ᠪᠤᠯᠤᠭᠠᠳ ᠲᠠᠮᠠᠭᠠ ᠬᠦᠷᠪᠡᠬᠦ ᠦᠵᠡᠭᠳᠠᠯ ᠭᠠᠷᠳᠠᠭ︶ ᠠᠭᠠᠵᠢᠮ ᠢᠶᠠᠷ | ᠲᠠᠮᠠᠭᠠ ᠪᠠᠨ ᠡᠭᠴᠡ ᠳᠡᠬᠡᠭᠰᠢ ᠪᠠᠨ ᠬᠦᠩᠬᠡᠬᠡᠨ ᠰᠠᠯᠭᠠᠵᠦ ᠠᠪᠤᠨᠠ᠃ | ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠪᠦᠳᠦᠬᠡᠯ ᠳᠤ ᠳᠡᠬᠡᠷᠡ ᠲᠤᠷᠠᠳᠤᠭᠰᠠᠨ ᠲᠦᠷᠪᠡᠨ ᠵᠤᠶᠢᠯ ᠤᠨ ᠲᠠᠮᠠᠭᠠ ᠨᠢ ᠪᠦᠷ ᠭᠤᠤᠯ ᠦᠰᠦᠭ ᠲᠤ ᠪᠠᠨ | ᠦᠢᠯᠡᠴᠢᠯᠡᠳᠡᠭ ᠪᠦᠬᠡᠳ ᠵᠤᠬᠢᠶᠠᠮᠵᠢ ᠶᠢᠨ ᠲᠠᠯᠠ ᠪᠠᠷ ᠮᠠᠰᠢ ᠭᠤᠶᠢᠳᠠ ᠰᠠᠶᠢᠬᠠᠨ ᠬᠦᠷᠳᠡᠬᠡᠯ ᠢ ᠤᠯᠭᠤᠳᠠᠭ ᠨᠢᠬᠡ ᠵᠤᠶᠢᠯ ᠤᠨ ᠤᠷᠠᠯᠢᠭ ᠮᠦᠨ᠃ ᠲᠠᠮᠠᠭᠠ ᠶᠢ | ᠬᠡᠷᠡᠭᠯᠡᠬᠦ ᠨᠢ ᠤᠯᠠᠨ ᠴᠦᠬᠡᠨ ᠳᠤ ᠪᠠᠶᠢᠳᠠᠭ ᠪᠢᠰᠢ᠂ ᠬᠠᠷᠢᠨ ᠵᠤᠬᠢᠰᠳᠠᠢ ᠡᠰᠡᠬᠦ ᠶᠢ ᠴᠢᠬᠤᠯᠠᠴᠢᠯᠠᠳᠠᠭ᠃ ᠨᠡᠶᠢᠬᠡᠮ ᠤᠨ ᠬᠦᠭᠵᠢᠯᠳᠡ᠂ ᠴᠠᠭ ᠤᠨ ᠪᠠᠶᠢᠳᠠᠯ ᠲᠠᠢ | ᠵᠤᠬᠢᠴᠠᠨ ᠤᠷᠠᠨ ᠪᠢᠴᠢᠯᠬᠡ᠂ ᠲᠠᠮᠠᠭᠠ ᠰᠡᠶᠢᠯᠦᠮᠡᠯ ᠤᠨ ᠦᠨᠳᠦᠷ ᠲᠦᠷᠬᠡᠨ ᠬᠦᠭᠵᠢᠯᠳᠡ ᠶᠢ ᠲᠠᠭᠠᠯᠳᠤᠭᠠᠳ ᠡᠷᠳᠡᠮᠳᠠᠨ ᠮᠡᠷᠬᠡᠳ ᠤᠨ ᠭᠠᠷᠮᠠᠭᠠᠢ ᠰᠤᠳᠤᠯᠤᠯᠳᠠ | ᠪᠠᠷ ᠨᠡᠩ ᠰᠢᠨᠡ ᠰᠤᠷᠭᠤᠭ᠂ ᠭᠤᠶᠢᠳᠠ ᠰᠠᠶᠢᠬᠠᠨ ᠪᠦᠳᠦᠬᠡᠯ ᠭᠠᠷᠬᠤ ᠨᠢ ᠵᠠᠶᠢᠯᠠᠰᠢ ᠦᠬᠡᠢ᠃ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠦᠢᠯᠡᠰ ᠬᠦᠭᠵᠢᠨ ᠮᠠᠨᠳᠤᠬᠤ | ᠪᠤᠯᠳᠤᠭᠠᠢ︕ | | |