| | ᠬᠠᠭᠤᠷᠳᠠᠭᠰᠠᠨ ᠰᠠᠷᠮᠠᠭᠴᠢᠨ | | ᠴᠠᠬᠠᠷ ᠪᠠᠳᠤ | | Ⅰ | ᠲᠠᠪᠠᠭᠠᠨ ᠠᠷᠤ ᠶᠢᠨ ᠪᠠᠯᠳᠠᠨ ᠭᠤᠸᠠᠢ | ᠲᠠᠩᠴᠢ ᠰᠥᠷᠡᠭᠡᠢ ᠶᠠᠭᠠᠷᠠᠵᠤ ᠵᠠᠮᠨᠠᠨᠠ᠂ | ᠲᠠᠮᠵᠢᠭᠤᠷ ᠨᠠᠬᠢᠯᠵᠠᠭᠤᠯᠤᠨ ᠲᠥᠷᠭᠡᠯᠡᠨ ᠠᠯᠬᠤᠵᠤ | ᠲᠠᠭᠤᠤ ᠠᠶᠠᠯᠠᠴᠢᠬᠠᠭᠰᠠᠨ ᠬᠤᠷᠳᠤᠯᠠᠵᠤ ᠪᠠᠶᠢᠨᠠ᠃ | ᠬᠤᠶᠠᠷ ᠰᠠᠭᠰᠤ ᠲᠥᠭᠦᠷᠭᠡᠳᠡᠯᠡ ᠰᠠᠪᠠᠯᠠᠭᠰᠠᠨ | ᠬᠤᠯᠤᠰᠤᠨ ᠮᠠᠯᠠᠭᠠᠢ ᠰᠢᠨᠡᠭᠡᠨ ᠪᠠᠶᠢᠨᠠ᠂ | ᠬᠤᠰᠢᠭᠤ ᠤᠷᠤᠵᠤ ᠴᠤᠭᠯᠠᠭᠠ ᠵᠠᠬᠠ ᠳᠤ | ᠬᠤᠳᠠᠯᠳᠤᠬᠤ ᠰᠠᠨᠠᠭᠠ ᠲᠠᠢ ᠶᠠᠪᠤᠨᠠ ᠭᠡᠨᠡ᠃ | ᠰᠠᠶᠢᠷ ᠱᠠᠩᠳᠠ ᠶᠢᠨ ᠪᠤᠯᠠᠭ ᠲᠡᠭᠡᠷᠡ | ᠰᠠᠶᠢᠬᠠᠨ ᠤᠷᠭᠤᠭᠰᠠᠨ ᠵᠡᠭᠡᠰᠤ ᠪᠠᠶᠢᠵᠠᠢ᠂ | ᠰᠠᠮᠪᠠᠭᠠᠳᠠᠢ ᠡᠪᠥᠭᠡᠨ ᠬᠠᠳᠤᠵᠤ ᠠᠪᠤᠭᠠᠳ | ᠰᠠᠮᠠᠭᠠᠨ ᠬᠤᠶᠠᠭᠤᠯᠠ ᠪᠠᠨ ᠮᠠᠯᠠᠭᠠᠢ ᠭᠥᠷᠥᠵᠠᠢ᠃ | ᠠᠵᠢᠯᠴᠢ ᠭᠥᠮᠥᠨ ᠤ ᠲᠤᠬᠢ ᠭᠠᠷ ᠢᠶᠠᠷ | ᠠᠷᠭᠠ ᠥᠭᠡᠢ ᠭᠤᠴᠤ ᠮᠠᠯᠠᠭᠠᠢ ᠪᠥᠳᠥᠵᠠᠢ᠂ | ᠠᠪᠢᠶᠠᠰ ᠲᠠᠢ ᠡᠪᠥᠭᠡᠨ ᠰᠠᠶᠢᠬᠠᠨ ᠮᠠᠯᠠᠭᠠᠢ ᠪᠠᠷ ᠢᠶᠠᠨ | ᠠᠰᠢᠭ ᠤᠯᠬᠤ ᠶᠢᠨ ᠪᠤᠳᠤᠯᠭᠠ ᠴᠤᠬᠢᠵᠠᠢ᠃ | ᠪᠠᠯᠳᠠᠨ ᠡᠪᠥᠭᠡᠨ ᠢᠩᠬᠢᠵᠤ ᠰᠢᠢᠳᠥᠭᠡᠳ | ᠪᠠᠭ᠋ᠠᠨ ᠶᠠᠭᠠᠷᠠᠯᠳᠤᠭᠠᠳ ᠨᠡᠯᠢᠶᠡᠳ ᠢ ᠬᠢᠵᠠᠢ᠂ | ᠪᠠᠭ᠋ᠠᠷᠬᠠᠯ ᠪᠤᠯᠭᠠᠵᠤ ᠨᠢᠭᠡ ᠶᠢ ᠨᠢ ᠵᠡᠭᠦᠭᠡᠳ | ᠪᠠᠭᠠ ᠥᠳᠡ ᠳᠤ ᠭᠥᠳᠡᠯᠥᠭᠰᠡᠨ ᠶᠤᠮ ᠭᠡᠨᠡ᠃ | ᠥᠳᠡ ᠶᠢᠨ ᠨᠠᠷᠠᠨ ᠰᠢᠷᠠᠵᠤ ᠭᠡᠨᠡ | ᠡᠪᠥᠭᠡᠨ ᠭᠤᠸᠠᠢ ᠬᠠᠯᠠᠭᠤᠴᠠᠵᠤ ᠭᠡᠨᠡ᠂ | ᠤᠷᠭᠤᠭᠠ ᠮᠤᠳᠤ ᠲᠠᠭᠠᠷᠢᠯᠳᠤᠵᠤ ᠭᠡᠨᠡ | ᠥᠴᠥᠭᠡᠨ ᠠᠮᠠᠷᠠᠬᠤ ᠶᠢ ᠪᠤᠳᠤᠵᠤ ᠭᠡᠨᠡ᠃ | ᠪᠥᠭᠦᠯᠢ ᠰᠥᠨᠢ ᠭᠥᠷᠥᠭᠰᠡᠨ ᠶᠤᠮ ᠪᠠᠶᠢᠨᠠ | ᠪᠥᠳᠥᠨ ᠪᠡᠶᠡ ᠨᠢ ᠬᠠᠩᠬᠢᠨᠠᠭᠰᠠᠨ ᠪᠠᠶᠢᠯᠭᠦᠢ᠂ | ᠪᠥᠳᠥᠭᠦᠨ ᠮᠤᠳᠤ ᠲᠥᠰᠢᠭᠰᠡᠨ ᠬᠡᠪ ᠢᠶᠠᠷ | ᠪᠥᠷᠢᠶᠡ ᠥᠯᠢᠶᠡᠭᠦ ᠰᠢᠭ ᠬᠤᠷᠬᠢᠷᠠᠵᠤ ᠡᠬᠢᠯᠡᠵᠠᠢ᠃ | | Ⅱ | ᠰᠠᠭᠯᠠᠭᠠᠷ ᠮᠤᠳᠤᠨ ᠤᠷᠤᠢ ᠲᠡᠭᠡᠷᠡ | ᠰᠠᠷᠮᠠᠭᠴᠢᠨ ᠤ ᠡᠭᠦᠷ ᠪᠠᠶᠢᠭᠰᠠᠨ ᠪᠠᠶᠢᠨᠠ᠂ | ᠰᠠᠬᠠᠯ ᠤᠷᠭᠤᠭᠰᠠᠨ ᠭᠥᠭᠰᠢᠨ ᠰᠠᠮᠵᠠ | ᠰᠠᠯᠠᠭᠠᠨ ᠵᠠᠪᠰᠠᠷ ᠢᠶᠠᠷ ᠨᠢ ᠱᠠᠭᠠᠶᠢᠵᠤ ᠭᠡᠨᠡ᠃ | ᠰᠠᠪᠠᠭᠠ ᠥᠭᠡᠢ ᠵᠥᠢᠯ ᠢ ᠲᠠᠭᠤᠷᠢᠶᠠᠳᠠᠭ ᠨᠢ | ᠰᠠᠷᠮᠠᠭᠴᠢᠨ ᠪᠥᠭᠦᠨ ᠤ ᠠᠷᠠᠨᠰᠢᠨ ᠭᠡᠨᠡ᠂ | ᠰᠠᠬᠠᠯᠳᠤ ᠰᠠᠮᠵᠠ ᠤᠬᠤᠰᠬᠢᠨ ᠪᠠᠭᠤᠬᠤᠯᠠᠷ | ᠰᠠᠮᠵᠠᠨ ᠤ ᠵᠤᠯᠵᠠᠭᠠ ᠤᠳ ᠪᠥᠷ ᠲᠠᠭᠠᠵᠠᠢ᠃ | ᠤᠨᠳᠠᠩᠬᠠᠢ ᠡᠪᠥᠭᠡᠨ ᠤ ᠵᠡᠭᠦᠭᠰᠡᠨ ᠮᠠᠯᠠᠭᠠᠢ ᠶᠢ | ᠤᠴᠢᠷ ᠥᠭᠡᠢ ᠶᠡᠭᠡ ᠲᠤᠭᠤᠵᠤ ᠭᠡᠨᠡ᠂ | ︽ᠤᠪᠠᠶᠢᠨ ᠶᠠᠭᠤᠮᠠ ᠪᠠᠶᠢᠨᠠ ᠰᠢᠤ︕︾ ᠭᠡᠳ | ᠤᠯᠠᠭᠠᠨ ᠪᠤᠬᠤᠷᠳᠤ ᠤᠳ ᠱᠠᠭᠰᠢᠯᠳᠤᠵᠤ ᠭᠡᠨᠡ᠃ | ᠰᠠᠬᠠᠯ ᠲᠠᠢ ᠪᠡᠴᠢᠨ ᠤᠷᠤᠭᠰᠢ ᠲᠠᠪᠰᠢᠵᠤ | ᠰᠠᠪᠠᠨ ᠤ ᠤᠭᠤᠰᠤᠷ ᠢ ᠲᠠᠳᠠᠵᠤ ᠭᠡᠨᠡ᠂ | ᠰᠠᠶᠢᠬᠠᠨ ᠮᠠᠯᠠᠭᠠᠢ ᠶᠢ ᠪᠥᠷ ᠭᠠᠷᠭᠠᠵᠤ | ᠰᠠᠮᠵᠠ ᠪᠥᠭᠦᠨ ᠳᠤ ᠵᠡᠭᠦᠯᠭᠡᠵᠤ ᠭᠡᠨᠡ᠃ | ᠨᠤᠭᠤᠭᠠᠨ ᠵᠥᠯᠭᠡ ᠪᠠᠷ ᠮᠠᠯᠠᠭᠠᠢ ᠲᠠᠢ ᠰᠠᠮᠵᠠ ᠤᠳ | ᠨᠤᠴᠤᠯᠳᠤᠨ ᠭᠥᠭᠡᠭᠡᠴᠡᠯᠳᠤᠨ ᠲᠤᠭᠯᠠᠵᠤ ᠭᠡᠨᠡ᠂ | ᠨᠤᠶᠢᠷᠰᠤᠭᠰᠠᠨ ᠡᠪᠥᠭᠡᠨ ᠤ ᠵᠡᠭᠦᠳᠥ ᠶᠢ ᠰᠡᠷᠡᠭᠡᠳᠡᠯᠡ ᠨᠢ | ᠨᠤᠮ ᠰᠤᠷᠳᠠᠯ ᠥᠭᠡᠢ ᠪᠠᠷᠬᠢᠷᠠᠯᠳᠤᠵᠤ ᠭᠡᠨᠡ᠃ | | | Ⅲ | ᠰᠠᠶᠢᠬᠠᠨ ᠵᠡᠭᠦᠳᠤ ᠮᠠᠨᠠᠭᠰᠠᠨ ᠡᠪᠥᠭᠡᠨ | ᠱᠠᠵᠢᠬᠢᠨᠠᠬᠤ ᠲᠠᠭᠤᠨ ᠢᠶᠠᠷ ᠰᠡᠷᠢᠭᠰᠡᠨ ᠪᠠᠶᠢᠨᠠ᠂ | ᠰᠠᠭᠰᠤ ᠲᠠᠢ ᠪᠠᠶᠢᠭᠰᠠᠨ ᠮᠠᠯᠠᠭᠠᠢ ᠨᠤᠭᠤᠳ ᠨᠢ | ᠰᠠᠷᠮᠠᠭᠴᠢᠨ ᠤ ᠲᠤᠯᠤᠭᠠᠢ ᠳᠤ ᠨᠢᠵᠡᠭᠡᠳ ᠭᠡᠨᠡ᠃ | ᠪᠠᠯᠳᠠᠨ ᠡᠪᠥᠭᠡᠨ ᠨᠤᠶᠢᠷᠮᠤᠭ ᠬᠠᠷᠠᠭᠠᠳ | ᠪᠠᠴᠢᠮᠳᠠᠬᠤ ᠰᠤᠴᠢᠬᠤ ᠬᠤᠤᠰᠯᠠᠵᠤ ᠭᠡᠨᠡ᠂ | ᠪᠠᠴᠢ ᠲᠠᠢ ᠴᠢᠷᠠᠢ ᠭᠠᠷᠭᠠᠭᠰᠠᠨ ᠰᠠᠮᠵᠠ ᠤᠳ | ᠪᠠᠭᠠᠰᠢᠯᠠᠨ ᠠᠭᠠᠰᠢᠯᠠᠨ ᠲᠠᠪᠭᠡᠴᠡᠵᠤ ᠪᠠᠶᠢᠵᠠᠢ᠃ | ᠪᠤᠵᠠᠭᠠᠢ ᠶᠡᠭᠡ ᠰᠠᠨᠳᠤᠷᠤᠭᠰᠠᠨ ᠡᠪᠥᠭᠡᠨ | ᠪᠤᠰᠤᠮᠠᠭᠴᠠ ᠪᠠᠨ ᠤᠴᠢᠷ ᠢ ᠮᠡᠳᠡᠵᠤ ᠭᠡᠨᠡ᠂ | ᠪᠤᠯᠠᠢ ᠲᠠᠢ ᠰᠠᠷᠮᠠᠭᠴᠢᠨ ᠢ ᠪᠠᠷᠢᠵᠤ ᠠᠪᠬᠤ ᠪᠠᠷ | ᠪᠤᠳᠠᠷᠠᠭᠤᠯᠤᠨ ᠭᠥᠭᠡᠭᠡᠵᠤ ᠡᠬᠢᠯᠡᠭᠰᠡᠨ ᠭᠡᠨᠡ᠃ | ᠠᠭᠤᠷᠳᠠᠢ ᠡᠪᠥᠭᠡᠨ ᠢ ᠬᠠᠷᠠᠭᠰᠠᠨ ᠰᠠᠮᠵᠠ ᠤᠳ | ᠤᠳᠠᠨ ᠤ ᠮᠥᠴᠢᠷ ᠲᠡᠭᠡᠷᠡ ᠠᠪᠠᠷᠢᠨ ᠭᠠᠷᠴᠠᠢ᠂ | ᠤᠯᠠᠶᠢᠭᠰᠠᠨ ᠴᠢᠷᠠᠢ ᠶᠢ ᠨᠢ ᠥᠵᠡᠨ ᠱᠤᠭᠯᠠᠵᠤ | ᠤᠯᠠᠮ ᠪᠥᠷ ᠲᠥᠷᠰᠤ ᠥᠭᠡᠢ ᠠᠭᠠᠰᠢᠯᠠᠵᠠᠭᠠᠵᠠᠢ᠃ | ︽ᠬᠢᠳᠡᠯ ᠢᠶᠠᠨ ᠪᠠᠷᠠᠭᠰᠠᠨ ᠮᠤᠤᠰᠠᠶᠢᠨ ᠰᠠᠮᠵᠠ ᠤᠳ | ᠭᠡᠷᠡᠭ ᠬᠢᠭᠦ ᠥᠭᠡᠢ ᠪᠤᠯ ᠪᠤᠯᠬᠤ ᠥᠭᠡᠢ ᠪᠠᠶᠢᠨᠠᠤ︖ | ᠡᠪᠡᠰᠥᠨ ᠮᠠᠯᠠᠭᠠᠢ ᠶᠢ ᠮᠢᠨᠢ ᠪᠤᠴᠠᠭᠠᠵᠤ ᠥᠭ︕ | ᠡᠪᠥᠭᠡᠨ ᠭᠥᠮᠥᠨ ᠪᠢ ᠶᠠᠭᠠᠷᠠᠤ ᠪᠠᠶᠢᠨᠠ᠃︾ ᠭᠡᠳ | ᠰᠥᠪᠡᠭᠡ ᠪᠠᠨ ᠲᠤᠯᠤᠨ ᠵᠤᠭᠰᠤᠭᠠᠳ | ᠰᠥᠷᠡᠭᠡᠢ ᠲᠠᠭᠤ ᠪᠠᠷ ᠵᠠᠩᠨᠠᠬᠤᠯᠠᠷ ᠬᠠᠷᠢᠨ᠂ | ᠰᠤᠨᠵᠢᠵᠤ ᠰᠠᠭᠤᠭᠰᠠᠨ ᠰᠠᠮᠵᠠ ᠨᠤᠭᠤᠳ | ᠰᠤᠨᠢᠭᠤᠴᠢᠯᠠᠵᠤ ᠪᠠᠰᠠ ᠲᠠᠭᠤᠷᠢᠶᠠᠵᠤ ᠭᠡᠨᠡ᠃ | ᠲᠠᠮᠨᠠᠭᠤᠷᠴᠢᠨ ᠡᠪᠥᠭᠡᠨ ᠠᠷᠭᠠ ᠮᠤᠬᠤᠷᠳᠠᠵᠤ | ᠲᠠᠪᠰᠢᠭᠤᠷᠠᠭᠰᠠᠨ ᠰᠠᠮᠵᠠ ᠶᠢ ᠥᠵᠡᠨ ᠬᠤᠷᠤᠰᠴᠤ᠂ | ᠲᠠᠯᠢᠮᠳᠠᠭᠤᠯᠬᠤ ᠠᠷᠭᠠ ᠪᠤᠳᠤᠶᠠ ᠭᠡᠳ | ᠲᠠᠭᠤ ᠪᠠᠨ ᠬᠤᠷᠢᠶᠠᠵᠤ ᠭᠠᠵᠠᠷ ᠲᠡᠭᠡᠷᠡ ᠵᠠᠪᠢᠯᠠᠪᠠ᠃ | ᠪᠠᠯᠳᠠᠨ ᠡᠪᠥᠭᠡᠨ ᠤ ᠡᠳᠡᠭᠡᠳ ᠭᠥᠳᠡᠯᠥᠯ ᠢ | ᠪᠠᠷᠤᠭ ᠤᠨ ᠰᠠᠮᠵᠠ ᠲᠠᠭᠤᠷᠢᠶᠠᠵᠤ ᠴᠢᠳᠠᠯ ᠥᠭᠡᠢ᠂ | ᠪᠠᠷᠢᠴᠠ ᠪᠠᠨ ᠠᠯᠳᠠᠨ ᠤᠨᠠᠯ ᠵᠠᠪᠳᠤᠭᠰᠠᠨ ᠢ | ᠪᠠᠰᠢᠷ ᠲᠠᠢ ᠡᠪᠥᠭᠡᠨ ᠰᠡᠮ ᠠᠩᠭᠤᠴᠢᠯᠠᠵᠠᠢ᠃ | | Ⅳ | ᠠᠯᠢᠶᠠ ᠰᠠᠷᠮᠠᠭᠴᠢᠨ ᠤ ᠲᠥᠢᠳᠭᠡᠷ ᠵᠠᠩ ᠢ | ᠠᠪᠬᠠᠯᠵᠢᠳᠠᠢ ᠡᠪᠥᠭᠡᠨ ᠠᠵᠢᠵᠤ ᠰᠠᠭᠤᠬᠤ ᠳᠠᠭᠠᠨ᠂ | ᠠᠷᠭᠠ ᠨᠢᠭᠡ ᠶᠢ ᠪᠤᠯᠪᠠᠰᠤᠷᠠᠭᠤᠯᠵᠤ ᠤᠯᠤᠭᠠᠳ | ᠠᠮᠵᠢᠭᠤᠯᠵᠤ ᠲᠠᠯᠢᠮᠳᠠᠭᠤᠯᠬᠤ ᠪᠠᠷ ᠪᠤᠰᠴᠤ ᠵᠤᠭᠰᠤᠪᠠ᠃ | ᠬᠡᠭᠡᠨ ᠤᠬᠠᠭᠠᠨ ᠲᠠᠢ ᠮᠡᠷᠭᠡᠨ ᠡᠪᠥᠭᠡᠨ | ᠭᠡᠨᠡᠳᠳᠡ ᠮᠠᠯᠠᠭᠠᠢ ᠪᠠᠨ ᠠᠪᠴᠤ ᠰᠢᠳᠡᠭᠡᠳ᠂ | ᠬᠡᠨᠡᠭ ᠥᠭᠡᠢ ᠲᠤᠭᠳᠠᠭᠤᠨ ᠪᠠᠶᠢᠷᠢ ᠭᠠᠷᠭᠠᠨ | ᠭᠡᠮ ᠲᠠᠢ ᠰᠠᠮᠵᠠ ᠤᠳ ᠢ ᠰᠡᠮ ᠠᠵᠢᠪᠠ᠃ | ᠠᠬᠠᠯᠠᠭᠴᠢ ᠰᠠᠷᠮᠠᠭᠴᠢᠨ ᠶᠡᠭᠡᠯᠡ ᠮᠡᠳᠡᠮᠡᠭᠡᠶᠢᠷᠡᠵᠤ | ᠠᠮᠢᠨ ᠤ ᠮᠠᠯᠠᠭᠠᠢ ᠪᠠᠨ ᠠᠪᠴᠤ ᠰᠢᠳᠠᠭᠦ ᠳᠤ᠂ | ᠠᠵᠢᠭᠯᠠᠵᠤ ᠪᠠᠶᠢᠭᠰᠠᠨ ᠪᠤᠰᠤᠳ ᠨᠢ ᠴᠤ ᠲᠠᠭᠤᠷᠢᠶᠠᠵᠤ | ᠠᠷᠭᠠ ᠳᠤ ᠤᠨᠠᠨ ᠮᠠᠯᠠᠭᠠᠢ ᠪᠠᠨ ᠴᠤᠬᠢᠯᠠᠵᠠᠭᠠᠪᠠ᠃ | ᠰᠡᠴᠡᠨ ᠡᠪᠥᠭᠡᠨ ᠬᠠᠳᠠᠭᠠᠨᠠᠳᠠᠯᠠ ᠢᠨᠢᠶᠡᠵᠤ | ᠰᠡᠷᠢᠭᠦᠨ ᠮᠠᠯᠠᠭᠠᠢ ᠪᠠᠨ ᠴᠤᠭᠯᠠᠭᠤᠯᠵᠤ ᠠᠪᠤᠭᠠᠳ᠂ | ᠰᠡᠳᠬᠢᠯ ᠬᠠᠨᠤᠮᠵᠢᠳᠠᠢ ᠪᠠᠷ ᠨᠢᠭᠡ ᠶᠢ ᠨᠢ ᠵᠡᠭᠦᠵᠤ | ᠰᠡᠷᠵᠢᠬᠢᠨᠡᠭᠦ ᠵᠢᠪᠡᠷ ᠢᠶᠠᠷ ᠵᠠᠮ ᠢᠶᠠᠨ ᠭᠥᠭᠡᠭᠡᠪᠡ᠃ | ᠬᠠᠰᠢᠷ ᠡᠪᠥᠭᠡᠨ ᠤ ᠤᠷᠠᠨ ᠠᠷᠭᠠᠨ ᠳᠤ | ᠬᠠᠭᠤᠷᠳᠠᠵᠤ ᠭᠤᠩᠰᠤᠶᠢᠭᠰᠠᠨ ᠰᠥᠷᠥᠭ ᠰᠠᠮᠵᠠ᠂ | ᠬᠠᠮᠤᠭ ᠰᠠᠶᠢᠬᠠᠨ ︽ᠲᠤᠭᠯᠠᠭᠠᠮ︾ ᠢᠶᠠᠨ ᠠᠯᠳᠠᠵᠤ | ᠬᠠᠷᠠᠮᠰᠠᠯ ᠡᠪᠥᠷᠯᠡᠨ ᠬᠠᠷᠠᠵᠤ ᠬᠤᠴᠤᠷᠤᠯᠴᠠᠵᠠᠢ᠂᠂᠂᠂᠂᠂ | ︽ᠠᠮᠢᠳᠤ ᠭᠥᠮᠥᠨ ᠠᠷᠭᠠ ᠲᠠᠢ | ᠠᠷᠭᠠᠯ ᠤᠨ ᠭᠠᠯ ᠢᠯᠴᠢ ᠲᠠᠢ︾ ᠭᠡᠳᠡᠭ᠂ | ᠠᠷᠠᠳ ᠤᠨ ᠬᠠᠭᠤᠴᠢᠨ ᠥᠭᠡ ᠪᠤᠢ | ᠠᠯᠳᠠᠨ ᠠᠴᠠ ᠥᠨᠡᠳᠡᠢ ᠰᠤᠷᠭᠠᠯ ᠳ᠋ᠠ︕ | | | |