ᠤᠷᠳᠤᠰ ᠮᠤᠩᠭᠤᠯᠴᠤᠤᠨ ᠤᠨ ᠴᠠᠭᠠᠨ ᠢᠳᠡᠬᠡᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2023/6/12
     ᠤᠷᠳᠤᠰ ᠮᠤᠩᠭᠤᠯᠴᠤᠤᠨ ᠴᠠᠭᠠᠨ ᠢᠳᠡᠬᠡᠨ ᠢᠶᠠᠨ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠠᠴᠠ ᠤᠨᠳᠤᠷᠤᠨ ᠭᠠᠷᠤᠭᠰᠠᠨ ︽ᠠᠷᠢᠭᠤᠨ ᠴᠠᠭᠠᠨ ᠪᠤᠶᠠᠨ ᠤ ᠠᠮᠳᠠᠳᠤ ᠡᠷᠳᠡᠨᠢ  ᠶᠢᠨ ᠬᠦᠷᠤᠩᠬᠡ︾ ᠬᠡᠵᠤ ᠠᠯᠢᠪᠠ ᠢᠳᠡᠬᠡᠨ ᠤ ᠳᠡᠬᠡᠳᠤ ᠶᠢᠨ ᠳᠡᠬᠡᠳᠤ ᠢᠳᠡᠬᠡᠨ ᠢᠶᠠᠷ ᠬᠦᠨᠳᠤᠤᠨᠬᠡᠳᠡᠭ᠃     ᠡᠶᠢᠮᠤ ᠠᠴᠠ ᠬᠡᠷ ᠡᠷᠤᠬᠡ ᠳᠤ ᠬᠡᠶᠢᠴᠢᠨ ᠵᠤᠴᠢᠨ ᠢᠷᠡᠬᠦ ᠳᠤ ︽ᠴᠠᠶᠢᠯᠭᠠᠨ ᠰᠡᠤᠨᠬᠢᠯ ᠴᠠᠭᠠᠨ ᠪᠤᠶᠠᠨ ᠤ ᠳᠡᠬᠡᠵᠢ︾ ᠬᠡᠵᠤ ᠬᠠᠮᠤᠭ ᠤᠷᠢᠤᠨ ᠴᠠᠭᠠᠨ ᠢᠳᠡᠬᠡᠨ ᠢᠶᠠᠨ ᠡᠷᠬᠦᠨ ᠪᠠᠷᠢᠵᠤ ᠠᠮᠰᠠᠭᠤᠯᠳᠠᠭ᠃ ᠨᠠᠶᠢᠷ ᠬᠤᠷᠢᠮ ᠪᠠᠶᠠᠷ ᠴᠡᠩᠬᠡᠯ ᠪᠤᠯᠬᠤ ᠳᠤ ︽ᠰᠦ ᠰᠢᠭ ᠴᠠᠭᠠᠨ ᠰᠡᠤᠨᠬᠢᠯ ᠲᠠᠢ᠂ ᠰᠤᠮᠤ ᠰᠢᠭ᠋ ᠰᠢᠯᠤᠭᠤᠨ ᠵᠠᠩ ᠲᠠᠢ ᠪᠤᠯᠳᠤᠭᠠᠢ︾ ᠬᠡᠵᠤ ᠰᠢᠨ᠎ᠠ ᠪᠡᠷᠢ ᠬᠦᠷᠬᠡᠨ ᠳᠤ ᠪᠠᠨ ᠴᠠᠭᠠᠨ ᠢᠳᠡᠬᠡᠨ ᠠᠮᠰᠠᠭᠤᠯᠤᠨ ᠮᠢᠯᠢᠶᠠᠳᠠᠭ᠃ ᠪᠢᠴᠢᠬᠠᠨ ᠬᠡᠤᠬᠡᠤᠨ ᠢᠷᠡᠬᠦ ᠳᠤ ︽ᠳᠤᠰᠤᠨ ᠳᠡᠬᠡᠷ᠎ᠡ ᠳᠤᠭᠯᠠᠵᠤ᠂ ᠳᠤᠷᠭᠠᠨ ᠳᠡᠬᠡᠷ᠎ᠡ ᠦᠩᠬᠦᠷᠢᠬᠡᠷᠡᠢ︾ ᠬᠡᠵᠤ ᠠᠮᠠᠨ ᠳᠤ ᠨᠢ ᠴᠠᠭᠠᠨ ᠢᠳᠡᠬᠡᠨ ᠠᠮᠰᠠᠭᠤᠯᠤᠨ ᠵᠤᠯᠠᠢ ᠶᠢ ᠨᠢ ᠰᠢᠷ᠎ᠠ ᠳᠤᠰᠤ ᠪᠠᠷ ᠮᠢᠯᠢᠶᠠᠳᠠᠭ᠃ ᠠᠶᠠᠨ ᠳᠤ ᠮᠤᠷᠳᠠᠵᠤ᠂ ᠠᠪᠠ ᠳᠤ ᠶᠠᠪᠤᠬᠤ ᠬᠦᠮᠤᠨ ᠢ ︽ᠴᠠᠭᠠᠨ ᠢᠶᠠᠷ ᠨᠢ ᠶᠠᠪᠤᠭᠠᠤᠨ ᠰᠢᠯᠤᠭᠤᠨ ᠢᠶᠠᠷ ᠨᠢ ᠪᠤᠴᠠᠳᠤᠭᠠᠢ︕︾ ᠬᠡᠵᠤ ᠴᠠᠭᠠᠨ ᠢᠳᠡᠬᠡᠨ ᠠᠮᠰᠠᠭᠤᠯᠤᠨ ᠮᠤᠷᠳᠠᠭᠤᠯᠤᠭᠠᠤᠨ ᠴᠠᠭᠠᠨ ᠢᠳᠡᠬᠡᠨ ᠢᠶᠠᠷ ᠤᠭᠳᠤᠳᠠᠭ᠃ ᠰᠢᠨ᠎ᠠ ᠡᠷᠤᠬᠡ ᠬᠡᠷ ᠤᠨ ᠡᠬᠦᠳᠠ ᠬᠠᠭᠠᠯᠭ᠎ᠠ᠂ ᠰᠢᠨ᠎ᠠ ᠬᠤᠪᠴᠠᠰᠤᠨ ᠤ ᠵᠠᠭᠠᠮ᠎ᠠ ᠵᠠᠬ᠎ᠠ ᠶᠢ ︽ᠳᠤᠭᠤᠰᠤᠨ ᠳᠤ ᠬᠦᠷᠬᠦ ᠠᠴᠠ ᠳᠤᠰᠤᠨ ᠳᠤ ᠬᠦᠷ︕︾ ᠬᠡᠵᠤ ᠴᠠᠭᠠᠨ ᠢᠳᠡᠬᠡᠨ ᠢᠶᠠᠷ ᠮᠢᠯᠢᠶᠠᠳᠠᠭ ᠪᠦᠬᠡᠤᠨ ᠪᠠᠰᠠ ᠴᠢᠩᠬᠢᠰ ᠤᠨ ᠤᠩᠭᠤᠨ ᠤ ᠳᠠᠶᠢᠯᠭ᠎ᠠ᠂ ᠤᠪᠤᠭ᠎ᠠ ᠤᠩᠭᠤᠤᠨ ᠤᠨ ᠳᠠᠬᠢᠯᠭ᠎ᠠ᠂ ᠵᠤᠯᠠᠭ ᠵᠤᠰᠠᠯᠠᠩ ᠤᠨ ᠨᠠᠶᠢᠷ  ᠨᠠᠭᠠᠳᠤᠮ ᠳᠤ ᠰᠢᠨᠡᠬᠡᠨ ᠰᠠᠭᠠᠭᠰᠡᠨ ᠰᠦ ᠪᠠᠨ ᠮᠦᠩᠬᠦᠨ ᠠᠶᠠᠭᠠᠨ ᠳᠤ ᠬᠢᠵᠤ ᠮᠦᠩᠬᠡ ᠳᠡᠭᠷᠢ ᠳᠤ ᠦᠩᠬᠡᠳᠤ ᠳᠤᠷᠭᠠᠨ ᠬᠠᠳᠠᠭ ᠢᠶᠠᠨ ᠳᠡᠯᠬᠡᠵᠤ᠂ ᠢᠷᠤᠬᠡᠯ ᠮᠠᠭᠳᠠᠭᠠᠯ ᠢᠶᠠᠨ ᠤᠩᠰᠢᠵᠤ ᠰᠠᠴᠤᠯᠢ ᠪᠤᠯᠭᠠᠨ ᠡᠷᠬᠦᠳᠡᠭ᠃     ᠤᠷᠳᠤᠰ ᠮᠤᠩᠭᠤᠯᠴᠤᠤᠨ ᠠᠯᠢᠪᠠ ᠤᠶᠢᠯᠡᠰ ᠢ ᠪᠦᠷ ᠯᠠ ᠴᠠᠭᠠᠨ ᠢᠳᠡᠬᠡᠨ ᠢᠶᠠᠷ ᠡᠬᠢᠯᠡᠵᠤ᠂ ᠴᠠᠭᠠᠨ ᠢᠳᠡᠬᠡᠨ ᠢᠶᠠᠷ ᠳᠡᠬᠦᠰᠬᠡᠵᠤ᠂ ᠴᠠᠭᠠᠨ ᠢᠳᠡᠬᠡᠨ ᠰᠦ ᠰᠠᠭᠠᠯᠢ ᠶᠢ ᠬᠠᠮᠤᠭ ᠠᠴᠠ ᠶᠡᠭᠡ ᠬᠦᠨᠳᠤᠤᠨᠬᠡᠳᠡᠭ ᠪᠦᠬᠡᠤᠨ ᠰᠦ ᠰᠠᠭᠠᠯᠢ ᠶᠢ ᠬᠦᠨᠳᠤᠤᠨᠬᠡᠨ ᠦᠵᠡᠬᠦ ᠦᠬᠡᠢ ᠬᠦᠮᠤᠨ ᠢ ︽ᠪᠤᠶᠠᠨ ᠢᠶᠠᠨ ᠪᠠᠷᠠᠭᠰᠠᠨ ᠪᠠᠳᠢᠷᠴᠢ︾ ᠬᠡᠵᠤ ᠶᠡᠭᠡ ᠪᠠᠷ ᠮᠠᠭᠤᠤᠨᠬᠠᠨ ᠵᠢᠭᠰᠢᠳᠡᠭ᠃     ᠤᠷᠳᠤᠰ ᠮᠤᠩᠭᠤᠯᠴᠤᠤᠨ ᠴᠠᠭᠠᠨ ᠢᠳᠡᠬᠡᠨ ᠢᠶᠠᠨ ᠬᠡᠬᠦᠤ᠂ ᠦᠨᠢᠶ᠎ᠡ᠂ ᠢᠩᠬᠡ᠂ ᠬᠤᠨᠢ᠂ ᠢᠮᠠᠭ᠎ᠠ ᠶᠢᠨ ᠰᠦ ᠪᠠᠷ ᠬᠢᠳᠡᠭ᠃ ᠢᠩᠬᠢᠬᠦ ᠳᠤ ᠪᠠᠨ ᠬᠡᠬᠦᠤ ᠪᠤᠯᠤᠨ ᠬᠤᠨᠢᠨ ᠤ ᠰᠦ ᠶᠢ ᠪᠤᠯ ᠳᠡᠬᠡᠳᠤ ᠳᠡᠭᠷᠢ ᠪᠤᠷᠬᠠᠨ ᠰᠢᠳᠤᠬᠡᠨ ᠳᠤ ᠬᠦᠨᠳᠤᠤᠨᠬᠡᠨ ᠬᠡᠷᠡᠭᠯᠡᠵᠤ ᠳᠠᠶᠢᠯᠭ᠎ᠠ ᠳᠠᠬᠢᠯᠭ᠎ᠠ ᠶᠢᠨ ᠰᠠᠴᠤᠯᠢ ᠪᠤᠯᠭᠠᠨ ᠡᠷᠬᠦᠳᠡᠭ᠃ ᠬᠡᠷᠪᠡ ᠬᠡᠬᠦᠤ ᠬᠤᠨᠢᠨ ᠤ ᠰᠦ ᠦᠬᠡᠢ ᠪᠤᠯ ᠦᠨᠢᠶ᠎ᠡ ᠢᠮᠠᠭᠠᠨ ᠤ ᠰᠦ ᠪᠠᠷ ᠴᠤ ᠤᠷᠤᠯᠠᠭᠤᠯᠳᠠᠭ᠃     ᠤᠷᠳᠤᠰᠴᠤᠤᠨ ᠡᠯᠵᠢᠬᠡᠨ ᠰᠦ ᠶᠢ ᠦᠩᠬᠡᠷᠡᠭᠰᠡᠨ ᠳᠤ ᠵᠦᠪᠬᠡᠨ ᠨᠢᠭᠤᠷ ᠤᠨ ᠰᠡᠪᠬᠡ ᠳᠤ ᠲᠦᠷᠬᠢᠬᠦ ᠡᠮ ᠤᠨ ᠤᠷᠤᠨ ᠳᠤ ᠬᠡᠷᠡᠭᠯᠡᠵᠤ ᠪᠠᠶᠢᠪᠠ᠃ ᠤᠳᠤ ᠬᠠᠷᠢᠨ ᠰᠤᠪᠠᠭ ᠬᠠᠪᠤᠩ᠂ ᠤᠰᠤᠨ ᠬᠠᠪᠤᠩ ᠢ ᠠᠷᠢᠯᠭᠠᠬᠤ᠂ ᠬᠦᠢᠳᠡᠨ ᠵᠢᠩ ᠢᠶᠠᠷ ᠤᠯᠤᠭᠰᠠᠨ ᠠᠭᠰᠠᠭ᠎ᠠ ᠡᠪᠡᠤᠨᠴᠢᠨ ᠢ ᠵᠠᠰᠠᠬᠤ᠂ ᠪᠡᠶ᠎ᠡ ᠶᠢᠨ ᠳᠠᠮᠢᠷ ᠢ ᠨᠡᠮᠡᠭᠳᠡᠬᠦᠯᠵᠤ᠂ ᠪᠦᠬᠡᠷ᠎ᠡ ᠶᠢᠨ ᠳᠠᠮᠢᠷ ᠢ ᠨᠦᠬᠦᠵᠤ ᠢᠯᠴᠢ ᠶᠢ ᠡᠬᠦᠰᠬᠡᠬᠦ ᠳᠤ ᠬᠡᠷᠡᠭᠯᠡᠵᠤ ᠪᠠᠶᠢᠨ᠎ᠠ᠂ ᠪᠠᠰᠠ ᠴᠢᠰᠤ ᠬᠡᠷᠡᠬᠦ᠂ ᠳᠤᠯᠠᠢ᠂ ᠪᠠᠮ᠂ ᠦᠶ᠎ᠡ ᠬᠡᠰᠢᠬᠦᠤ ᠶᠢᠨ ᠰᠢᠷ᠎ᠠ ᠤᠰᠤᠨ ᠤ ᠦᠷᠪᠢᠰᠤᠯ ᠵᠡᠷᠬᠡ ᠶᠢ ᠵᠠᠰᠠᠬᠤ ᠳᠤ ᠬᠡᠷᠡᠭᠯᠡᠵᠤ ᠮᠠᠭᠤ ᠴᠢᠰᠤ ᠶᠢ ᠳᠠᠷᠬᠠᠭᠠᠵᠤ᠂ ᠬᠡᠢ ᠪᠤᠯᠤᠨ ᠤᠯᠤᠭᠠᠢ ᠶᠢᠨ ᠬᠡᠢ ᠶᠢ ᠳᠠᠷᠤᠵᠤ ᠴᠡᠷ ᠢ ᠬᠤᠪᠬᠤᠯᠤᠨ᠎ᠠ᠃     ᠤᠷᠳᠤᠰ ᠤᠨ ᠰᠠᠭᠠᠯᠢᠴᠢᠨ ᠪᠦᠰᠡᠬᠦᠶᠢᠴᠤᠤᠨ ᠰᠠᠭᠠᠯᠢ ᠶᠢᠨ ᠰᠠᠶᠢᠨ ᠤᠯᠠᠷᠢᠯ ᠬᠦᠷᠴᠤ ᠢᠷᠡᠯ᠎ᠡ ᠬᠡᠵᠤ ᠤᠷᠤᠨ ᠬᠡᠷ᠂ ᠮᠠᠯ ᠤᠨ ᠬᠤᠳᠠ᠂ ᠬᠦᠷᠢᠶ᠎ᠡ ᠬᠠᠰᠢᠶ᠎ᠠ  ᠪᠠᠨ ᠴᠡᠪᠡᠷᠯᠡᠨ᠂ ᠪᠡᠶ᠎ᠡ ᠪᠠᠨ ᠠᠷᠢᠭᠤᠤᠨᠬᠠᠨ᠂ ᠰᠠᠭᠠᠯᠢ ᠶᠢᠨ ᠰᠠᠪᠠ ᠰᠠᠭᠤᠯᠠᠭ᠎ᠠ ᠪᠠ ᠠᠯᠢᠪᠠ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢᠶᠠᠨ ᠴᠡᠪᠡᠷᠯᠡᠵᠤ᠂ ᠰᠠᠭᠠᠯᠢ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠡᠬᠢᠨ ᠠᠴᠠ ᠨᠢ ᠳᠠᠭᠤᠰᠳᠠᠯ᠎ᠠ ᠰᠠᠭᠤᠯᠠᠭ᠎ᠠ ᠰᠠᠪᠠ᠂ ᠪᠤᠳᠤᠩ ᠭᠠᠩ᠂ ᠰᠢᠬᠦᠬᠦᠷ᠂ ᠭᠠᠷ ᠢᠶᠠᠨ ᠦᠷᠬᠦᠯᠵᠢ ᠰᠠᠶᠢᠨ ᠤᠬᠢᠶᠠᠵᠤ ᠡᠷᠡᠬᠦᠯ ᠬᠠᠮᠠᠭᠠᠯᠠᠯ ᠤᠨ ᠤᠶᠢᠯᠡᠰ ᠢ ᠶᠡᠭᠡ ᠪᠠᠷ ᠡᠷᠬᠢᠮᠯᠡᠳᠡᠭ᠃ ᠬᠡᠷᠪᠡ ᠳᠠᠶᠢᠮᠤ ᠪᠢᠰᠢ ᠪᠤᠯ ᠴᠠᠭᠠᠨ ᠢᠳᠡᠬᠡᠨ ᠢ ᠠᠷᠢᠭᠤᠨ ᠴᠡᠪᠡᠷ ᠪᠤᠯᠪᠠᠰᠤᠷᠠᠭᠤᠯᠬᠤ ᠶᠢ ᠨᠦᠯᠤᠬᠡᠯᠡᠬᠦ ᠤᠴᠢᠷ ᠭᠠᠷᠳᠠᠭ᠃     ᠤᠷᠳᠤᠰ ᠮᠤᠩᠭᠤᠯᠴᠤᠤᠨ ᠤᠨ ᠰᠦ ᠰᠠᠭᠠᠯᠢ ᠶᠢᠨ ᠵᠦᠢᠯ ᠢ ᠶᠡᠷᠤᠩᠬᠡᠢ ᠳᠤ ᠪᠠᠨ ᠢᠳᠡᠬᠡᠨ ᠤ ᠵᠦᠢᠯ᠂ ᠤᠮᠳᠠᠭᠠᠨ ᠤ ᠵᠦᠢᠯ ᠬᠡᠵᠤ ᠬᠤᠶᠠᠷ ᠪᠦᠯᠦᠭ ᠢᠯᠭᠠᠵᠤ  ᠪᠤᠯᠪᠠᠰᠤᠷᠠᠭᠤᠯᠳᠠᠭ ᠶᠤᠮ᠃ ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠢᠮᠠᠭ᠎ᠠ ᠶᠢ ᠭᠤᠤᠯᠳᠠᠭᠤᠯᠤᠨ ᠰᠠᠭᠠᠵᠤ᠂ ᠵᠤᠨ ᠤ ᠤᠯᠠᠷᠢᠯ ᠳᠤ ᠬᠤᠨᠢ᠂ ᠨᠠᠮᠤᠷ ᠤᠨ ᠤᠯᠠᠷᠢᠯ  ᠳᠤ ᠦᠨᠢᠶ᠎ᠡ᠂ ᠡᠪᠤᠯ ᠤᠨ ᠤᠯᠠᠷᠢᠯ ᠳᠤ ᠢᠩᠬᠡ ᠶᠢ ᠭᠤᠤᠯᠳᠠᠭᠤᠯᠤᠨ ᠰᠠᠭᠠᠳᠠᠭ᠃
ᠢᠷᠡᠯᠲᠡ᠄ ᠤᠷᠳᠤᠰ ᠨᠤᠳᠤᠭ ᠤᠨ ᠢᠳᠡᠬᠡᠨ ᠤᠮᠳᠠᠭᠠᠨ