| ᠶᠡᠭᠡ ᠡᠷᠬᠡᠳᠤ ᠶᠢᠨ ᠤᠪᠤᠭᠠ ᠪᠤᠯ ᠤᠳᠤ ᠶᠢᠨ ᠤᠳᠤᠭ ᠬᠤᠰᠢᠭᠤᠨ ᠤ ᠠᠷᠠᠤᠨ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠲᠦᠪ ᠪᠠᠶᠢᠭᠠ ᠤᠯᠠᠭᠠᠨᠪᠠᠯᠭᠠᠰᠤᠨ ᠠᠴᠠ | ᠤᠷᠤᠭᠰᠢ ᠢᠬᠡᠷᠡᠯᠡᠨ ᠬᠠᠷᠠᠭᠳᠠᠬᠤ ᠬᠤᠶᠠᠷ ᠡᠷᠬᠡᠳᠤ ᠶᠢᠨ ᠪᠠᠷᠠᠭᠤᠨ ᠶᠡᠭᠡ ᠡᠷᠬᠡᠳᠤ ᠬᠠᠶᠢᠷᠬᠠᠨ ᠤ ᠤᠷᠤᠢ ᠳᠡᠬᠡᠷᠡ ᠪᠤᠢ᠃ ᠡᠨᠡ ᠨᠢ ᠬᠤᠶᠢᠳᠤ ᠳᠠᠯᠠ ᠨᠢ ᠪᠦᠷᠢᠳᠤ | ᠶᠢᠨ ᠴᠠᠶᠢᠳᠠᠮ᠂ ᠵᠡᠬᠦᠨ ᠳᠠᠯᠠ ᠨᠢ ᠬᠦᠬᠡ ᠡᠷᠬᠢ ᠶᠢᠨ ᠴᠠᠶᠢᠳᠠᠮ᠂ ᠡᠮᠤᠨᠡ ᠳᠠᠯᠠ ᠨᠢ ᠪᠠᠶᠠᠨ ᠴᠠᠶᠢᠳᠠᠮ᠂ ᠪᠠᠷᠠᠭᠤᠨ ᠳᠠᠯᠠ ᠨᠢ ᠬᠡᠷᠡᠩᠬᠡᠳᠤ ᠶᠢᠨ ᠴᠠᠶᠢᠳᠠᠮ ᠠᠴᠠ | ᠡᠷᠬᠡᠳᠤ ᠶᠢᠨ ᠤᠷᠤᠢ ᠬᠦᠷᠳᠡᠯᠡ 10 — 15 ᠭᠠᠵᠠᠷ ᠤᠨ ᠨᠠᠯᠠᠤ ᠦᠨᠳᠤᠷ ᠤᠷᠤᠢ ᠶᠤᠮ᠃ ᠠᠳᠠ ᠠᠴᠠ ᠲᠦᠷᠪᠡᠨ ᠵᠦᠭ ᠢ ᠪᠠᠷᠠᠭᠠᠯᠠᠪᠠᠯ᠂ ᠬᠤᠶᠢᠰᠢ ᠪᠠᠨ | ᠤᠷᠠᠨᠳᠦ᠋ᠰᠢ ᠶᠢᠨ ᠠᠭᠤᠯᠠ᠂ ᠵᠡᠬᠦᠨᠰᠢ ᠪᠠᠨ ᠮᠤᠨᠢ ᠶᠢᠨ ᠠᠭᠤᠯᠠ᠂ ᠡᠮᠤᠨᠡᠰᠢ ᠪᠠᠨ ᠪᠠᠢ ᠶᠢᠨ ᠴᠠᠭᠠᠨ ᠠᠭᠤᠯᠠ᠂ ᠪᠠᠷᠠᠭᠤᠨᠰᠢ ᠪᠠᠨ ᠢᠷᠭᠠᠢ ᠶᠢᠨ ᠬᠠᠷᠠ ᠠᠭᠤᠯᠠ | ᠵᠡᠷᠬᠡ ᠵᠠᠭᠤᠨ ᠪᠠᠷᠠ ᠶᠢᠨ ᠬᠤᠯᠠ ᠠᠴᠠ ᠰᠦᠨᠳᠡᠷᠯᠡᠨ ᠬᠠᠷᠠᠭᠳᠠᠳᠠᠭ ᠶᠤᠮ᠃ ᠡᠷᠬᠡᠳᠤ ᠬᠠᠶᠢᠷᠬᠠᠨ ᠨᠢ ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 1616 ᠮᠧᠲᠷ ᠦᠨᠳᠤᠷ᠂ | ᠤᠮᠠᠷᠠᠳᠤ ᠶᠢᠨ ᠦᠷᠬᠡᠷᠢᠭ ᠤᠨ 38°44'᠂ ᠵᠡᠬᠦᠨ ᠤᠷᠳᠤᠷᠢᠭ ᠤᠨ 109°12' ᠳᠤ ᠳᠤᠯᠤᠭᠠᠢ ᠶᠢᠨ ᠤᠷᠤᠢ ᠳᠡᠬᠡᠷᠡ ᠬᠠᠰ ᠡᠷᠳᠡᠨᠢ ᠶᠢᠨ ᠴᠠᠭᠠᠨ ᠯᠤᠤ | ᠴᠠᠭᠠᠷᠢᠭᠯᠠᠨ ᠵᠢᠷᠭᠠᠭᠰᠡᠨ ᠰᠢᠨᠵᠢᠳᠠᠢ ᠴᠠᠭᠠᠨ ᠬᠠᠳᠠᠨ ᠳᠤᠯᠤᠭᠠᠢ ᠶᠢᠨ ᠤᠷᠤᠢ ᠳᠡᠬᠡᠷᠡ 10 ᠳᠤᠬᠤᠢ ᠦᠨᠳᠤᠷ ᠦᠷᠬᠡᠨ ᠬᠠᠳᠠᠨ ᠠᠭᠤᠢ ᠳᠤᠳᠤᠷᠠ ᠬᠠᠷᠠ ᠬᠡᠬᠡᠷ | ᠮᠤᠷᠢ ᠤᠨᠤᠭᠰᠠᠨ᠂ ᠬᠠᠷᠠ ᠬᠠᠯᠳᠠᠷ ᠰᠠᠬᠠᠯ ᠲᠠᠢ᠂ ᠰᠢᠷᠠ ᠨᠤᠮᠤ᠂ ᠴᠠᠭᠠᠨ ᠰᠤᠮᠤ ᠡᠬᠦᠷᠦᠭᠰᠡᠨ ᠤᠪᠤᠭᠠᠨ ᠡᠵᠡᠨ ᠢᠶᠠᠨ ᠠᠷᠢᠬᠢ ᠤᠤᠭᠤᠯᠭᠠᠨ ᠰᠤᠭᠳᠤᠭᠠᠭᠰᠡᠨ | ᠢᠶᠠᠷ ᠲᠦᠷᠰᠤᠯᠡᠨ ᠵᠢᠷᠤᠵᠡᠢ᠃ ᠤᠪᠤᠭᠠ ᠪᠠᠨ ᠵᠠᠭᠤᠨ ᠨᠠᠢᠮᠠᠨ ᠡᠷᠳᠡᠨᠢ ᠶᠢᠨ ᠱᠠᠩ ᠲᠠᠢ ᠬᠠᠮᠳᠤ ᠤᠷᠤᠰᠢᠭᠤᠯᠤᠨ ᠳᠡᠬᠡᠷᠡ ᠨᠢ ᠬᠠᠨᠠᠨ ᠬᠡᠷ ᠤᠨ ᠴᠢᠨᠡᠬᠡᠨ ᠴᠠᠭᠠᠨ | ᠬᠠᠳᠠ ᠶᠢ ᠳᠡᠬᠡᠭᠰᠢ ᠦᠷᠤᠵᠤ ᠪᠤᠰᠬᠠᠨ᠂ ᠳᠡᠬᠡᠷᠡ ᠨᠢ ᠬᠤᠸᠠ ᠪᠤᠷᠭᠠᠰᠤᠨ ᠰᠠᠭᠰᠤᠭᠠᠢ ᠶᠢ ᠬᠠᠳᠠ ᠪᠠᠷ ᠬᠠᠰᠢᠵᠤ ᠪᠤᠰᠬᠠᠭᠠᠤᠨ ᠳᠡᠬᠦᠨ ᠠᠴᠠ ᠨᠢ ᠳᠠᠪᠤᠨ ᠦᠩᠬᠡ | ᠶᠢᠨ ᠯᠤᠩᠵᠢᠤᠨ᠂ ᠳᠠᠷᠴᠤᠭ᠂ ᠬᠠᠳᠠᠭ᠂ ᠰᠠᠮᠪᠠᠢ ᠡᠯᠬᠦᠳᠡᠭ᠃ ᠤᠪᠤᠭᠠᠨ ᠤ ᠠᠷᠤ ᠳᠠᠯᠠ ᠳᠤ ᠬᠤᠭᠤᠷᠤᠨᠳᠤ ᠪᠠᠨ ᠠᠯᠳᠠ ᠢᠯᠡᠬᠦᠤ ᠵᠠᠶᠢᠳᠠᠢ ᠪᠠᠭᠯᠢ ᠮᠤᠳᠤ ᠶᠢ | ᠬᠠᠳᠠ ᠪᠠᠷ ᠬᠠᠰᠢᠵᠤ ᠬᠤᠶᠢᠰᠢ ᠵᠢᠭᠳᠡᠷᠡᠬᠦᠯᠤᠨ ᠪᠤᠰᠬᠠᠭᠰᠡᠨ 12 ᠴᠡᠷᠢᠭ ᠤᠪᠤᠭᠠ ᠲᠠᠢ᠂ ᠡᠮᠤᠨᠡ ᠳᠠᠯᠠ ᠳᠤ ᠨᠢ ᠰᠠᠩ ᠳᠠᠯᠪᠢᠬᠤ ᠴᠢᠯᠠᠭᠤᠨ ᠱᠠᠩᠯᠤ᠂ ᠬᠦᠵᠢ | ᠵᠤᠯᠠ ᠡᠷᠬᠦᠬᠦ᠂ ᠰᠤᠭ ᠳᠡᠬᠡᠵᠢ᠂ ᠰᠢᠬᠦᠰᠤ ᠦᠤᠩᠡ ᠳᠠᠯᠪᠢᠬᠤ ᠵᠠᠰᠠᠮᠠᠯ ᠴᠢᠯᠠᠭᠤᠨ ᠳᠠᠪᠴᠠᠩ ᠲᠠᠢ᠃ ᠤᠪᠤᠭᠠᠨ ᠠᠴᠠ ᠵᠡᠬᠦᠨ ᠤᠷᠢᠳᠠᠢ᠂ ᠬᠡᠷ ᠮᠠᠶᠢᠬᠠᠨ ᠪᠠᠷᠢᠵᠤ | ᠨᠠᠶᠢᠷ ᠨᠠᠭᠠᠳᠤᠮ ᠬᠢᠬᠦ ᠦᠷᠬᠡᠨ ᠳᠠᠯᠠᠪᠠᠢ ᠲᠠᠢ᠃ ᠤᠪᠤᠭᠠᠨ ᠠᠴᠠ ᠪᠠᠷᠠᠭᠤᠨᠰᠢ 15 ᠭᠠᠵᠠᠷ ᠤᠨ ᠵᠠᠶᠢᠳᠠᠢ᠂ 150 ᠠᠯᠳᠠ ᠭᠠᠵᠠᠷ ᠤᠨ ᠦᠷᠬᠡᠨ ᠤᠷᠳᠤ᠂ ᠡᠷᠬᠢᠨ | ᠳᠤᠭᠤᠷᠢᠨ ᠮᠤᠳᠤ ᠪᠤᠷᠭᠠᠰᠤ ᠤᠷᠭᠤᠭᠰᠠᠨ ᠤᠢ ᠶᠢᠨ ᠳᠤᠮᠳᠠ ᠳᠤᠭᠤᠭᠠᠨ ᠳᠤ ᠬᠢᠭᠰᠡᠨ ᠴᠡᠪᠡᠷ ᠳᠤᠩᠭᠠᠯᠠᠭ ᠤᠰᠤ ᠮᠡᠳᠤ ᠳᠤᠯᠢᠨ ᠳᠤ ᠬᠡᠷᠡᠯᠳᠦᠭᠰᠡᠨ ᠠᠷᠢᠭᠤᠨ | ᠷᠠᠰᠢᠶᠠᠨ ᠠᠳᠠᠯᠢ᠂ ᠵᠤᠨ ᠰᠢᠷᠬᠢᠳᠡᠭ ᠦᠬᠡᠢ᠂ ᠡᠪᠤᠯ ᠬᠦᠯᠳᠡᠳᠡᠭ ᠦᠬᠡᠢ ᠲᠦᠮᠡᠨ ᠮᠠᠯ ᠤᠨ ᠤᠮᠳᠠ ᠪᠤᠯᠤᠭᠰᠠᠨ ᠤᠨᠠᠭᠠ ᠶᠢᠨ ᠪᠦᠷᠢᠳᠤ ᠬᠡᠳᠡᠭ ᠤᠰᠤ ᠪᠤᠢ᠃ | ᠡᠶᠢᠮᠤ ᠡᠯᠪᠡᠭ ᠪᠠᠶᠠᠯᠢᠭ ᠦᠵᠡᠰᠬᠦᠯᠡᠩ ᠰᠠᠶᠢᠬᠠᠨ ᠦᠨᠳᠤᠷ ᠬᠠᠶᠢᠷᠬᠠᠨ ᠢ ᠤᠳᠤᠭ ᠤᠨ ᠸᠠᠩ ᠨᠤᠶᠠᠨ᠄ ︽ᠬᠤᠶᠠᠷ ᠡᠷᠬᠡᠳᠤ ᠬᠠᠶᠢᠷᠬᠠᠨ ᠪᠤᠯ ᠳᠠᠯᠠᠯᠭᠠᠨ ᠱᠠᠩ | ᠮᠡᠳᠤ᠂ ᠬᠤᠶᠠᠷ ᠤᠪᠤᠭᠠ ᠨᠢ ᠳᠠᠯᠠᠯᠭᠠᠨ ᠰᠤᠮᠤ ᠠᠳᠠᠯᠢ︾ ᠬᠡᠵᠤ ᠪᠡᠯᠬᠡᠰᠢᠶᠡᠨ ᠤᠳᠤᠭ ᠤᠨ 5 ᠳ᠋ᠤᠭᠠᠷ ᠤᠪᠤᠭᠠ ᠪᠠᠨ ᠪᠤᠯᠭᠠᠵᠤ᠂ ᠬᠤᠰᠢᠭᠤ ᠶᠠᠮᠤᠨ ᠠᠴᠠ | ᠠᠯᠪᠠᠨ ᠪᠢᠴᠢᠭ ᠢᠶᠠᠷ ᠤᠪᠤᠭᠠᠨ ᠶᠠᠮᠤᠳᠠᠤᠨ ᠢ ᠳᠤᠮᠢᠯᠠᠨ ᠳᠠᠬᠢᠭᠤᠯᠳᠠᠭ ᠠᠵᠢ᠃ ᠡᠶᠢᠮᠤ ᠠᠴᠠ ᠡᠨᠡ ᠤᠪᠤᠭᠠ ᠶᠢ ᠸᠠᠩ ᠤᠪᠤᠭᠠ ᠴᠤ ᠬᠡᠳᠡᠭ᠃ | ᠤᠪᠤᠭᠠᠨ ᠳᠠᠭᠠᠭᠠᠮᠠᠯ ᠨᠢ ᠵᠠᠬᠠ ᠶᠢᠨ ᠵᠠᠷᠭᠤᠴᠢ ᠠᠮᠤᠷᠵᠢᠷᠭᠠᠯ᠂ ᠬᠤᠰᠢᠭᠤ ᠮᠠᠶᠢᠷᠠᠨ ᠤᠸᠠ᠂ ᠬᠠᠷᠢᠶᠠᠨ ᠵᠠᠯᠠᠨ ᠪᠤᠷᠤᠴᠢᠯᠠᠭᠤ᠂ ᠬᠤᠰᠢᠭᠤ ᠠᠮᠪᠠᠨ | ᠲᠦᠮᠡᠨᠪᠠᠶᠠᠷ᠂ ᠤᠪᠤᠭᠠᠨ ᠨᠠᠩᠰᠤ ᠯᠠᠮᠠ ᠰᠤᠭᠷᠠᠮᠪᠠ ᠵᠡᠷᠬᠡ 5 ᠬᠦᠮᠤᠨ ᠠᠯᠢᠪᠠ ᠳᠠᠬᠢᠯᠭᠠ ᠰᠢᠳᠤᠯᠬᠡ ᠶᠢ ᠬᠠᠮᠢᠶᠠᠷᠤᠨ ᠵᠠᠬᠢᠷᠳᠠᠭ᠃ ᠪᠠᠰᠠ ᠬᠠᠷᠢᠶᠠᠳᠤ ᠬᠠᠷᠢᠶᠠ | ᠰᠤᠮᠤᠨ ᠠᠴᠠ 8 ᠳᠠᠬᠢᠯᠭᠠ ᠶᠢᠨ ᠳᠠᠷᠤᠭᠠ ᠪᠤᠯᠤᠨ ᠳᠡᠮᠴᠢ ᠨᠢᠷᠪᠡ᠂ ᠳᠤᠭᠤᠭᠠᠴᠢ ᠶᠢ ᠡᠬᠡᠯᠵᠢ ᠪᠠᠷ ᠳᠤᠬᠢᠷᠠᠭᠤᠯᠳᠠᠭ᠃ | ᠳᠠᠬᠢᠯᠭᠠ ᠶᠢᠨ ᠯᠠᠮᠠ ᠬᠤᠸᠠᠷᠠᠭ ᠢ ᠡᠷᠬᠡᠳᠤ ᠶᠢᠨ ᠯᠠᠮᠠ ᠶᠢᠨ ᠰᠦᠮᠠ ᠶᠢᠨ ᠰᠤᠭᠳᠤᠢ ᠠᠴᠠ ᠬᠡᠪᠬᠦᠢ᠂ ᠤᠮᠵᠠᠤᠨ᠂ ᠭᠤᠨᠢᠷ ᠵᠡᠷᠬᠡ 8 ᠯᠠᠮᠠ ᠶᠢ ᠳᠤᠮᠢᠯᠠᠨ | ᠢᠷᠡᠬᠦᠯᠵᠤ ᠳᠠᠬᠢᠳᠠᠭ ᠪᠠᠶᠢᠵᠠᠢ᠃ | ᠡᠷᠬᠡᠳᠤ ᠶᠢᠨ ᠤᠪᠤᠭᠠ ᠨᠢ ᠵᠢᠯ ᠤᠨ ᠬᠤᠶᠠᠷ ᠤᠳᠠᠭᠠ ᠶᠢᠨ ᠳᠠᠬᠢᠯᠭᠠ ᠲᠠᠢ᠃ | ᠠᠩᠬᠠ ᠳᠠᠬᠢᠯᠭᠠ ᠨᠢ ᠴᠠᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠳᠤ ᠳᠠᠭᠠᠭᠠᠮᠠᠯ᠂ ᠭᠤᠨᠢᠷ ᠬᠤᠶᠠᠭᠤᠯᠠ ᠡᠬᠡᠯᠵᠢ ᠪᠠᠷ ᠢᠷᠡᠵᠤ ᠰᠤᠭ ᠳᠡᠬᠡᠵᠢ᠂ ᠴᠠᠭᠠᠨ | ᠢᠳᠡᠬᠡᠨ ᠢᠶᠠᠷ ᠵᠤᠯᠠ ᠬᠦᠵᠢ ᠡᠷᠬᠦᠵᠤ ᠰᠠᠩ ᠰᠠᠷᠵᠢᠮ ᠰᠠᠴᠤᠵᠤ ᠳᠠᠬᠢᠳᠠᠭ᠃ | ᠬᠤᠶᠠᠳᠠᠬᠢ ᠳᠠᠬᠢᠯᠭᠠ ᠨᠢ ᠨᠠᠢᠮᠠᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠳᠠᠪᠤᠨ ᠪᠤᠶᠤ ᠰᠢᠨᠠ ᠶᠢᠨ ᠳᠤᠯᠤᠭᠠᠨ ᠠᠴᠠ ᠤᠨᠠᠭᠠ ᠶᠢᠨ ᠪᠦᠷᠢᠳᠤ ᠶᠢᠨ ᠤᠰᠤᠨ ᠤ ᠡᠬᠢᠨ ᠳᠤ | ᠮᠠᠶᠢᠬᠠᠨ ᠪᠠᠷᠢᠵᠤ ᠡᠷᠬᠡᠳᠤ ᠶᠢᠨ ᠯᠠᠮᠠ ᠶᠢᠨ ᠰᠦᠮᠠ ᠶᠢᠨ ᠭᠠᠨᠵᠤᠤᠷ ᠢ ᠵᠠᠯᠠᠵᠤ 5 — 7 ᠡᠳᠤᠷ ᠤᠨ ᠠᠯᠳᠠᠨᠬᠡᠷᠡᠯ ᠤᠨ ᠪᠦᠳᠤᠬᠡᠬᠦᠯ ᠪᠦᠳᠤᠬᠡᠳᠡᠭ᠃ | ᠢᠩᠬᠢᠬᠡᠤᠨ ᠠᠷᠪᠠᠨ ᠭᠤᠷᠪᠠᠨ ᠤ ᠦᠷᠯᠤᠬᠡ ᠠᠴᠠ ᠡᠷᠬᠡᠳᠤ ᠶᠢᠨ ᠤᠪᠤᠭᠠᠨ ᠳᠤ ᠭᠠᠷᠴᠤ ᠤᠪᠤᠭᠠᠨ ᠤ ᠵᠡᠬᠦᠨ ᠳᠡᠷᠬᠡᠳᠠ ᠬᠡᠷ ᠮᠠᠶᠢᠬᠠᠨ ᠪᠤᠰᠬᠠᠵᠤ᠂ ᠳᠤᠯᠭᠠ | ᠵᠤᠤᠬᠠ ᠵᠠᠰᠠᠵᠤ᠂ ᠳᠠᠭᠠᠭᠠᠮᠠᠯ ᠳᠠᠷᠤᠭᠠ ᠪᠤᠯᠤᠨ ᠬᠠᠷᠢᠶᠠ ᠰᠤᠮᠤ᠂ ᠬᠡᠶᠢᠤᠨ ᠰᠦᠮᠠ᠂ ᠠᠶᠢᠯ ᠡᠷᠤᠬᠡ ᠠᠴᠠ 10 ᠭᠠᠷᠤᠢ ᠬᠤᠨᠢᠨ ᠦᠤᠩᠡ ᠰᠢᠬᠦᠰᠤ ᠬᠢᠬᠡᠤᠨ | ᠰᠤᠭ ᠳᠡᠬᠡᠵᠢ᠂ ᠴᠠᠭᠠᠨ ᠢᠳᠡᠬᠡᠨ᠂ ᠬᠠᠳᠠᠭ ᠰᠠᠮᠪᠠᠢ᠂ ᠵᠤᠭᠤᠰ ᠮᠦᠩᠬᠦ᠂ ᠮᠠᠯ ᠠᠳᠤᠭᠤ ᠵᠡᠷᠬᠡ ᠶᠢᠨ ᠶᠡᠭᠡ ᠡᠷᠬᠦᠯᠳᠠ ᠡᠷᠬᠦᠳᠡᠭ ᠪᠦᠬᠡᠤᠨ ᠭᠤᠮᠪᠤ ᠯᠾᠠᠮᠤ᠂ | ᠵᠠᠩᠭᠠᠨ ᠷᠠᠯᠾᠠ ᠳᠠᠬᠢᠵᠤ᠂ ᠨᠠᠮᠰᠠᠷᠠᠢ ᠶᠢᠨ ᠳᠠᠯᠠᠯᠭᠠ ᠳᠠᠯᠠᠯᠤᠨ᠂ ᠨᠠᠮᠳᠠᠭ ᠰᠠᠩ ᠤᠩᠰᠢᠵᠤ᠂ ᠬᠦᠵᠢ ᠵᠤᠯᠠ᠂ ᠰᠠᠩ ᠰᠠᠷᠵᠢᠮ ᠡᠷᠬᠦᠵᠤ ᠳᠠᠬᠢᠳᠠᠭ᠃ ᠶᠡᠭᠡ | ᠳᠠᠬᠢᠯᠭᠠ ᠳᠡᠬᠦᠰᠤᠮᠡᠭᠴᠡ ᠳᠡᠬᠢᠯ ᠤᠨ ᠬᠡᠰᠢᠭ ᠠᠴᠠ ᠨᠢᠬᠡ ᠬᠤᠨᠢᠨ ᠰᠢᠬᠦᠰᠤ ᠰᠤᠭ ᠳᠡᠬᠡᠵᠢ ᠲᠠᠢ ᠨᠢ ᠬᠠᠮᠳᠤ ᠨᠢᠬᠡ ᠳᠠᠭᠠᠭᠠᠮᠠᠯ ᠨᠢ ᠡᠬᠡᠯᠵᠢ ᠪᠠᠷ ᠮᠦᠨ ᠡᠳᠤᠷ | ᠲᠡᠭᠡᠨ ᠤᠳᠤᠭ ᠱᠠᠩ ᠳᠤ ᠬᠦᠷᠬᠡᠵᠤ ᠤᠴᠢᠳᠠᠭ᠃ ᠪᠤᠰᠤᠤᠨ ᠦᠯᠡᠳᠡᠬᠡᠭᠰᠡᠨ ᠰᠤᠭ ᠬᠡᠰᠢᠭ ᠢ ᠤᠪᠤᠭᠠᠨ ᠤ ᠬᠡᠰᠢᠭ ᠪᠤᠯᠭᠠᠨ ᠳᠠᠭᠠᠭᠠᠮᠠᠯ ᠳᠠᠷᠤᠭᠠ᠂ ᠳᠠᠬᠢᠯᠭᠠ | ᠶᠢᠨ ᠯᠠᠮᠠ ᠬᠤᠸᠠᠷᠠᠭ ᠪᠤᠯᠤᠨ ᠤᠯᠠᠨ ᠦᠭᠯᠢᠬᠡ ᠶᠢᠨ ᠡᠵᠡᠤᠨ ᠲᠤ ᠬᠤᠪᠢᠶᠠᠯᠴᠠᠨ ᠲᠦᠬᠡᠬᠡᠵᠤ ᠦᠭᠬᠦᠬᠡᠤᠨ ᠳᠠᠷᠠᠭᠠ ᠪᠠᠷ ᠨᠢ 36 ᠪᠦᠬᠡ ᠪᠠᠷᠢᠯᠳᠤᠬᠤ᠂ 62 | ᠮᠤᠷᠢ ᠤᠷᠤᠯᠳᠤᠬᠤ ᠤᠪᠤᠭᠠᠨ ᠨᠠᠶᠢᠷ ᠢ ᠰᠤᠨᠢᠷᠬᠠᠳᠠᠭ᠃ | ᠤᠪᠤᠭᠠᠨ ᠳᠤ ᠬᠤᠷᠢᠭᠤᠯ ᠪᠠ ᠴᠡᠬᠡᠷᠯᠡᠯ ᠬᠡᠵᠤ ᠪᠠᠶᠢᠳᠠᠭ᠃ | 1. ᠤᠪᠤᠭᠠᠨ ᠤ ᠤᠷᠤᠢ ᠳᠤ ᠠᠩ ᠬᠦᠷᠤᠬᠡ ᠬᠢᠵᠤ ᠠᠯᠠᠵᠤ ᠨᠢᠳᠤᠯᠬᠤ ᠠᠵᠢᠯᠯᠠᠭᠠ ᠬᠢᠵᠤ ᠪᠤᠯᠳᠠᠭ ᠦᠬᠡᠢ᠃ | 2. ᠤᠪᠤᠭᠠᠨ ᠤ ᠡᠷᠬᠢᠨ ᠳᠤᠭᠤᠷᠢᠨ 10 ᠭᠠᠵᠠᠷ ᠤᠨ ᠳᠤᠳᠤᠷᠠ ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠨ ᠳᠠᠷᠢᠶᠠ ᠳᠠᠷᠢᠵᠤ ᠪᠤᠯᠳᠠᠭ ᠦᠬᠡᠢ᠃ ᠡᠷᠳᠠ ᠤᠷᠢᠳᠤ ᠳᠡᠷᠬᠡᠳᠠᠢ | ᠳᠠᠷᠠᠰᠤᠳᠤ ᠶᠢᠨ ᠲᠦᠬᠦᠮ ᠢ ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠭᠠᠤᠨ ᠠᠶᠤᠯ ᠭᠠᠮᠰᠢᠭ ᠪᠤᠯᠤᠭᠰᠡᠨ ᠠᠴᠠ ᠬᠤᠶᠢᠰᠢ ᠶᠡᠭᠡ ᠴᠡᠬᠡᠷᠯᠡᠯ ᠲᠠᠢ ᠪᠤᠯᠤᠭᠰᠠᠨ ᠬᠡᠳᠡᠭ᠃ | 3. ᠰᠠᠷᠠ ᠳᠤ ᠰᠠᠭᠤᠭᠰᠡᠨ ᠠᠶᠢᠯ ᠡᠷᠤᠬᠡ ᠶᠢᠨ ᠬᠦᠮᠤᠰ ᠪᠤᠯᠤᠨ ᠬᠦᠮᠤᠨ ᠦᠬᠦᠬᠡᠤᠨ ᠵᠠᠭᠤ ᠬᠤᠨᠤᠭᠠᠳᠤᠢ ᠠᠶᠢᠯ ᠡᠷᠤᠬᠡ ᠶᠢᠨ ᠬᠦᠮᠤᠨ ᠬᠢᠬᠡᠤᠨ ᠡᠮᠡᠭᠳᠡᠢ | ᠪᠤᠯᠤᠨ ᠬᠢᠳᠠᠤᠨ ᠬᠦᠮᠤᠨ ᠢ ᠤᠪᠤᠭᠠᠨ ᠤ ᠳᠠᠬᠢᠯᠭᠠᠨ ᠳᠤ ᠢᠷᠡᠬᠦᠯᠳᠡᠭ ᠦᠬᠡᠢ᠃ ᠳᠠᠬᠢᠯᠭᠠ ᠶᠢᠨ ᠡᠳᠤᠷ ᠤᠳ ᠲᠤ ᠤᠪᠤᠭᠠᠨ ᠤ ᠳᠡᠷᠬᠡᠳᠠ ᠠᠷᠢᠬᠢ ᠳᠠᠮᠠᠬᠢ | ᠳᠠᠳᠠᠬᠤ ᠶᠢ ᠴᠢᠩᠭᠠ ᠴᠡᠬᠡᠷᠯᠡᠳᠡᠭ ᠪᠠᠶᠢᠵᠠᠢ᠃ | ᠳᠠᠷᠠ ᠦᠶᠡ ᠳᠤ ᠡᠷᠬᠡᠳᠤ ᠶᠢᠨ ᠤᠪᠤᠭᠠᠨ ᠤ ᠵᠢᠰᠠ ᠶᠢᠨ ᠬᠦᠷᠤᠩᠬᠡ ᠬᠡᠵᠤ ᠪᠠᠶᠢᠭᠰᠡᠨ ᠦᠬᠡᠢ᠂ ᠬᠠᠷᠢᠨ ᠤᠨᠠᠭᠠ ᠶᠢᠨ ᠪᠦᠷᠢᠳᠤ ᠶᠢᠨ ᠪᠦᠳᠤᠬᠡᠬᠦᠯ ᠤᠨ | ᠵᠢᠰᠠ ᠶᠢᠨ ᠬᠦᠷᠤᠩᠬᠡ ᠶᠢᠨ ᠬᠤᠨᠢ ᠢᠮᠠᠭᠠ ᠦᠬᠡᠷ ᠬᠡᠵᠤ ᠠᠷᠪᠢᠨ ᠪᠠᠶᠢᠵᠠᠢ᠃ | ᠡᠳᠤᠬᠡ ᠴᠤ ᠠᠮᠤᠷᠵᠢᠷᠭᠠᠯ ᠳᠠᠶᠢᠵᠢ ᠶᠢᠨ ᠬᠤᠶᠢᠴᠢᠰ ᠪᠤᠯᠬᠤ ᠪᠠᠳᠠᠷᠠᠯᠳᠤ᠂ ᠤᠪᠤᠭᠠᠨ ᠳᠤᠭᠳᠠᠬᠤ ᠳᠠᠶᠢᠵᠢ ᠶᠢᠨ ᠬᠤᠶᠢᠴᠢᠰ ᠪᠤᠯᠬᠤ ᠲᠠᠰᠢ ᠨᠠᠷ ᠤᠪᠤᠭᠠᠨ | ᠳᠠᠭᠠᠭᠠᠮᠠᠯ ᠤᠨ ᠳᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠨ᠂ ᠡᠷᠬᠡᠳᠤ ᠶᠢᠨ ᠯᠠᠮᠠ ᠶᠢᠨ ᠰᠦᠮᠠ ᠶᠢᠨ ᠶᠡᠭᠡ ᠤᠮᠵᠠᠤᠨ ᠳᠠᠮᠪᠢᠬᠤᠷᠯᠤ ᠤᠪᠤᠭᠠᠨ ᠨᠠᠩᠰᠤ ᠯᠠᠮᠠ ᠶᠢᠨ ᠳᠤᠰᠢᠶᠠᠯ ᠢ | ᠬᠠᠷᠢᠭᠤᠴᠠᠨ ᠤᠭ ᠤᠨ ᠤᠪᠤᠭᠠ ᠤᠷᠤᠤᠨ ᠢᠶᠠᠨ ᠳᠠᠬᠢᠨ ᠰᠢᠨᠡᠤᠨᠬᠡᠨ ᠵᠠᠰᠠᠵᠤ ᠰᠠᠶᠢᠳᠤᠷ ᠡᠷᠬᠢᠯᠡᠨ ᠳᠠᠬᠢᠭᠰᠠᠭᠠᠷ ᠪᠦᠬᠡᠤᠨ ᠡᠷᠬᠡᠳᠤ ᠰᠤᠮᠤᠨ ᠤ ᠶᠡᠭᠡ ᠡᠷᠬᠡᠳᠤ | ᠭᠠᠴᠠᠭᠠ᠂ ᠰᠦᠮᠡᠳᠤ ᠰᠤᠮᠤᠨ ᠤ ᠪᠠᠭᠠ ᠡᠷᠬᠡᠳᠤ ᠭᠠᠴᠠᠭᠠ᠂ ᠮᠠᠯᠠᠤᠨ ᠰᠤᠮᠤᠨ ᠤ ᠬᠡᠷᠡᠩᠬᠡᠳᠤ ᠭᠠᠴᠠᠭᠠ᠂ ᠪᠤᠷᠤᠬᠤᠰᠢᠭᠤ ᠰᠤᠮᠤᠨ ᠤ ᠪᠤᠷᠤᠬᠤᠰᠢᠭᠤ ᠭᠠᠴᠠᠭᠠ | ᠵᠡᠷᠬᠡ 4 ᠭᠠᠴᠠᠭᠠᠨ ᠤ ᠬᠡᠳᠤᠨ ᠵᠠᠭᠤᠨ ᠮᠠᠯᠴᠢᠨ ᠲᠦᠮᠡᠨ ᠰᠦᠰᠦᠭ ᠨᠢᠬᠡᠳᠤᠨ ᠡᠬᠡᠯᠵᠢ ᠪᠠᠷ ᠤᠪᠤᠭᠠᠨ ᠤ ᠦᠭᠯᠢᠬᠡ ᠶᠢᠨ ᠡᠵᠡᠨ ᠪᠤᠯᠵᠤ ᠵᠢᠯ ᠳᠤ ᠤᠭ ᠤᠨ | ᠵᠤᠷᠰᠢᠯ ᠶᠤᠰᠤᠭᠠᠷ ᠴᠠᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠳᠤ ᠰᠤᠭ ᠳᠡᠬᠡᠵᠢ ᠴᠠᠭᠠᠨ ᠢᠳᠡᠬᠡᠨ ᠢᠶᠠᠷ ᠳᠠᠬᠢᠵᠤ᠂ ᠨᠠᠢᠮᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠠᠴᠠ ᠤᠨᠠᠭᠠ ᠶᠢᠨ | ᠪᠦᠷᠢᠳᠤ ᠳᠡᠬᠡᠷᠡ ᠭᠠᠨᠵᠤᠤᠷ ᠵᠠᠯᠠᠵᠤ ᠪᠦᠳᠤᠬᠡᠬᠦᠯ ᠬᠤᠷᠠᠵᠤ᠂ ᠠᠷᠪᠠᠨ ᠭᠤᠷᠪᠠᠨ ᠠᠴᠠ ᠤᠪᠤᠭᠠᠨ ᠳᠤ ᠤᠴᠢᠵᠤ ᠠᠷᠪᠠᠭᠠᠤᠨ ᠬᠤᠨᠢᠨ ᠦᠤᠩᠡ ᠰᠢᠬᠦᠰᠤ ᠰᠤᠭ | ᠳᠡᠬᠡᠵᠢ ᠪᠠᠷ ᠳᠠᠬᠢᠵᠤ ᠰᠠᠩ ᠰᠠᠷᠵᠢᠮ ᠡᠷᠬᠦᠳᠡᠭ ᠪᠠᠶᠢᠨᠠ᠃ | ᠡᠨᠡ ᠤᠪᠤᠭᠠᠨ ᠤ ᠳᠤᠬᠠᠢ ᠠᠷᠠᠤᠨ ᠤᠨ ᠳᠤᠮᠳᠠ ᠡᠶᠢᠮᠤ ᠬᠡᠳᠤᠨ ᠳᠤᠮᠤᠭ ᠶᠠᠷᠢᠶᠠ ᠪᠠᠶᠢᠳᠠᠭ᠄ | ︽ᠡᠷᠳᠠ ᠤᠷᠢᠳᠤ ᠶᠢᠨ ᠴᠠᠭ ᠲᠤ ᠡᠷᠬᠡᠳᠤ ᠬᠠᠶᠢᠷᠠᠬᠠᠨ ᠤ ᠳᠤᠤᠷᠠᠳᠤ ᠬᠤᠷᠮᠤᠢ ᠪᠠᠷ ᠨᠢ ᠡᠷᠬᠢᠨ ᠳᠤᠭᠤᠷᠢᠨ ᠤᠰᠤ᠂ ᠪᠠᠯᠠᠷ᠂ ᠤᠢ ᠮᠤᠳᠤ ᠬᠦᠪᠴᠢᠯᠡᠵᠤ᠂ | ᠳᠡᠬᠡᠳᠤ ᠦᠷᠬᠡᠨ ᠰᠢᠯᠢ ᠳᠤ ᠨᠢ ᠠᠬᠢ ᠬᠢᠯᠠᠭᠠᠨᠠ ᠬᠦᠬᠡᠷᠡᠨ ᠤᠷᠭᠤᠭᠰᠠᠨ᠂ ᠡᠪᠤᠯ ᠵᠤᠨ ᠤ ᠲᠦᠷᠪᠡᠨ ᠤᠯᠠᠷᠢᠯ ᠳᠤ ᠵᠠᠭᠤᠨ ᠲᠦᠮᠡᠨ ᠠᠳᠤᠭᠤ ᠮᠠᠯ ᠨᠢ ᠤᠨᠠᠭᠠ | ᠶᠢᠨ ᠪᠦᠷᠢᠳᠤ ᠶᠢᠨ ᠤᠰᠤ ᠪᠠᠷ ᠤᠮᠳᠠᠯᠠᠨ ᠪᠡᠯᠴᠢᠬᠡᠷᠯᠡᠭᠰᠡᠨ ᠪᠠᠶᠠᠨ ᠡᠯᠪᠡᠭ ᠦᠨᠳᠤᠷ ᠬᠠᠶᠢᠷᠬᠠᠨ ᠪᠠᠶᠢᠵᠠᠢ᠃ ᠬᠡᠨᠡᠤᠨᠳᠠ ᠬᠤᠶᠢᠳᠤ ᠵᠦᠭ ᠤᠨ ᠨᠠᠢᠮᠠᠨ ᠴᠠᠭᠠᠨ | ᠠᠷᠰᠯᠠᠨ ᠢᠷᠡᠵᠤ ᠡᠷᠬᠡᠳᠤ ᠬᠠᠶᠢᠷᠬᠠᠨ ᠤ ᠠᠳᠤᠭᠤ ᠮᠠᠯ ᠳᠤ ᠠᠶᠤᠯ ᠬᠤᠤᠷᠯᠠᠯ ᠪᠤᠯᠵᠤ ᠬᠦᠮᠤᠨ ᠠᠮᠢᠳᠠᠨ ᠳᠤ ᠭᠠᠢ ᠭᠠᠮᠰᠢᠭ ᠪᠤᠯᠬᠤ ᠳᠤ ᠤᠪᠤᠭᠠᠨ ᠤ ᠡᠵᠡᠤᠨ ᠨᠢ | ᠬᠠᠷᠠ ᠬᠡᠬᠡᠷ ᠮᠤᠷᠢ ᠤᠨᠤᠵᠤ ᠰᠢᠷᠠ ᠨᠤᠮᠤ ᠰᠤᠮᠤ ᠪᠠᠨ ᠠᠭᠰᠠᠵᠤ ᠨᠠᠢᠮᠠᠨ ᠴᠠᠭᠠᠨ ᠠᠷᠰᠯᠠᠨ ᠢ ᠤᠷᠤᠭᠰᠢ ᠬᠠᠨᠳᠤᠭᠤᠯᠤᠨ ᠬᠦᠬᠡᠬᠡᠵᠤ ᠪᠠᠶᠢᠭᠰᠠᠭᠠᠷ ᠤᠳᠤ ᠶᠢᠨ | ᠤᠯᠠᠭᠠᠨ ᠨᠠᠭᠤᠷ ᠤᠨ ᠵᠡᠬᠦᠨ ᠬᠠᠵᠠᠭᠤ ᠳᠡᠬᠡᠷᠡ ᠨᠢᠬᠡ ᠠᠷᠰᠯᠠᠨ ᠢ ᠬᠠᠷᠪᠤᠵᠤ ᠠᠯᠠᠭᠰᠡᠨ ᠠᠴᠠ ᠴᠢᠰᠤ ᠨᠢ ᠤᠷᠤᠰᠤᠭᠠᠤᠨ ᠨᠠᠭᠤᠷ ᠲᠤ ᠤᠷᠤᠭᠰᠠᠨ ᠳᠤ ᠤᠯᠠᠭᠠᠨ | ᠨᠠᠭᠤᠷ ᠪᠤᠯᠵᠤ ᠬᠤᠪᠢᠷᠠᠪᠠ ᠬᠡᠨᠡ᠃ ᠶᠠᠰᠤᠨ ᠳᠡᠬᠡᠷᠡ ᠨᠢ ᠤᠪᠤᠭᠠ ᠪᠤᠰᠬᠠᠭᠰᠡᠨ ᠳᠠᠷᠠ ᠭᠠᠵᠠᠷ ᠲᠤ ᠡᠪᠡᠰᠤ ᠪᠡᠯᠴᠢᠬᠡᠷ ᠭᠠᠷᠳᠠᠭ ᠦᠬᠡᠢ ᠠᠴᠠ ᠶᠠᠷᠵᠠᠩ ᠤᠨ | ᠴᠠᠭᠠᠨ ᠤᠪᠤᠭᠠ ᠬᠡᠵᠤ ᠨᠡᠷᠡᠶᠢᠤᠨᠪᠡ︾ ᠬᠡᠨᠡ᠃ | ᠪᠠᠰᠠ ︽ᠤᠷᠳᠤᠰ ᠤᠨ ᠭᠠᠵᠠᠷ ᠤᠨ ᠨᠡᠷᠡ ᠶᠢᠨ ᠳᠤᠮᠤᠭ︾ ᠲᠤ ᠡᠶᠢᠮᠤ ᠬᠤᠶᠠᠷ ᠳᠤᠮᠤᠭ ᠪᠠᠶᠢᠳᠠᠭ᠃ | 1. ᠡᠷᠬᠡᠳᠤ ᠶᠢᠨ ᠤᠪᠤᠭᠠᠨ ᠠᠴᠠ ᠤᠷᠤᠭᠰᠢ ᠪᠠᠨ ᠪᠠᠶᠠᠨ ᠴᠠᠶᠢᠳᠠᠮ ᠬᠦᠷᠳᠡᠯᠡ ᠬᠤᠶᠠᠷ ᠳᠠᠯᠠ ᠪᠠᠷ ᠨᠢ ᠪᠠᠯᠠᠷ ᠮᠠᠩᠬᠠ ᠬᠦᠪᠡᠬᠡᠯᠡᠭᠰᠡᠨ ᠠᠷᠪᠠᠭᠠᠤᠨ ᠭᠠᠵᠠᠷ | ᠤᠨ ᠤᠷᠳᠤ ᠬᠤᠭᠤᠯᠠᠢ ᠶᠢ ︽ᠠᠪᠤᠷᠭᠤ ᠶᠢᠨ ᠬᠤᠭᠤᠯᠠᠢ︾ ᠬᠡᠳᠡᠭ᠃ | ᠡᠷᠳᠠ ᠤᠷᠢᠳᠤ ᠴᠠᠭ ᠲᠤ ᠬᠡᠨᠡ᠃ ᠦᠷᠠ ᠶᠢᠨ ᠭᠠᠭᠴᠠ ᠬᠦᠪᠡᠬᠦᠨ ᠲᠠᠢ ᠦᠬᠡᠶᠢᠬᠦᠤ ᠶᠠᠳᠠᠭᠤ ᠨᠢᠬᠡᠨ ᠡᠮᠡᠬᠡᠨ ᠳᠤᠭᠠ ᠲᠠᠢ ᠬᠡᠳᠤᠨ ᠮᠠᠯ ᠢᠶᠠᠨ ᠲᠦᠰᠢᠵᠤ᠂ | ᠳᠤᠭᠤᠭᠠ ᠳᠤᠯᠵᠤ ᠵᠦᠳᠡᠨ ᠠᠮᠢᠳᠤᠷᠠᠵᠤ ᠪᠠᠶᠢᠵᠠᠢ᠃ ᠢᠩᠬᠢᠬᠡᠤᠨ ᠡᠬᠡ ᠨᠢ ᠡᠳᠤᠷ ᠪᠦᠷᠢ ᠪᠤᠷᠤ ᠬᠡᠷ ᠪᠤᠭᠤᠨᠢ ᠰᠠᠷᠠᠪᠴᠢᠨ ᠳᠠᠭᠠᠨ ᠶᠠᠭᠠᠷᠠᠵᠤ᠂ ᠬᠦᠬᠡᠷᠤᠬᠦᠢ | ᠬᠦᠤ ᠨᠢ ᠬᠡᠳᠤᠨ ᠮᠠᠯ ᠢᠶᠠᠨ ᠳᠠᠭᠠᠵᠤ ᠳᠠᠷᠠ ᠬᠤᠭᠤᠯᠠᠢ ᠴᠠᠶᠢᠳᠠᠮ ᠤᠨ ᠤᠷᠴᠢᠮ ᠢᠶᠠᠷ ᠠᠳᠤᠭᠤᠯᠠᠳᠠᠭ ᠬᠡᠨᠡ᠃ ︽ᠭᠠᠢ ᠭᠠᠵᠠᠷ ᠳᠤᠤᠷᠠ ᠠᠴᠠ ᠭᠠᠯᠠᠭᠤ ᠤᠰᠤᠨ | ᠳᠤᠳᠤᠷᠠ ᠠᠴᠠ︾ ᠬᠡᠳᠡᠭᠴᠢᠯᠡᠨ ᠨᠢᠬᠡᠨ ᠡᠳᠤᠷ ᠡᠨᠡ ᠬᠦᠤ ᠴᠠᠶᠢᠳᠠᠮ ᠤᠨ ᠬᠤᠭᠤᠯᠠᠢ ᠳᠤ ᠬᠡᠳᠤᠨ ᠮᠠᠯ ᠢᠶᠠᠨ ᠬᠠᠷᠢᠭᠤᠯᠤᠨ ᠶᠠᠪᠤᠵᠤ ᠪᠠᠶᠢᠳᠠᠯᠠ ᠡᠷᠬᠡᠳᠤ ᠶᠢᠨ | ᠤᠪᠤᠭᠠᠨ ᠠᠴᠠ ᠨᠢᠬᠡᠨ ᠠᠪᠤᠷᠭᠤ ᠮᠤᠭᠠᠢ ᠢᠯᠴᠢᠳᠤ ᠨᠠᠷᠠᠨ ᠤ ᠬᠠᠯᠠᠭᠤᠨ ᠠᠴᠠ ᠵᠠᠶᠢᠯᠠᠵᠤ ᠪᠠᠶᠠᠨᠴᠠᠶᠢᠳᠠᠮ ᠳᠤ ᠢᠷᠡᠵᠤ ᠰᠡᠷᠢᠬᠦᠴᠡᠬᠦ ᠪᠠᠷ ᠶᠠᠪᠤᠵᠤ ᠪᠠᠶᠢᠭᠰᠡᠨ ᠨᠢ | ᠡᠨᠡ ᠬᠦᠤ ᠶᠠᠭᠤ ᠪᠤᠯᠬᠤ ᠶᠢ ᠰᠤᠨᠢᠷᠬᠠᠨ ᠭᠠᠶᠢᠬᠠᠵᠤ ᠪᠠᠶᠢᠳᠠᠯᠠ ᠠᠪᠤᠷᠭᠤ ᠮᠤᠭᠠᠢ ᠳᠤ ᠨᠢᠬᠡ ᠯᠠ ᠵᠠᠯᠬᠢᠭᠳᠠᠭᠰᠡᠨ ᠬᠡᠨᠡ᠃ ᠡᠬᠡ ᠨᠢ ᠬᠦᠤ ᠶᠢᠨ ᠢᠶᠠᠨ ᠠᠪᠤᠷᠭᠤ | ᠮᠤᠭᠠᠢ ᠳᠤ ᠵᠠᠯᠬᠢᠭᠳᠠᠭᠰᠡᠨ ᠢ ᠤᠯᠵᠤ ᠮᠡᠳᠡᠬᠡᠤᠨ ᠦᠷᠤ ᠵᠢᠷᠤᠬᠡ ᠪᠠᠨ ᠡᠮᠳᠡᠷᠡᠳᠠᠯᠠ ᠪᠠᠨ ᠵᠤᠪᠠᠵᠤ᠂ ᠦᠵᠡᠬᠦ ᠨᠢᠳᠤ ᠪᠠᠨ ᠰᠤᠬᠤᠷᠠᠳᠠᠯᠠ ᠪᠠᠨ ᠤᠬᠢᠯᠠᠭᠰᠡᠨ ᠴᠤ | ᠦᠴᠤᠬᠡᠨ ᠳᠤᠰᠠ ᠪᠤᠯᠤᠭᠰᠡᠨ ᠦᠬᠡᠢ ᠳᠤᠯᠠ ᠦᠬᠡᠷᠡ ᠨᠢᠬᠡᠨ ᠠᠷᠭᠠ ᠪᠤᠳᠤᠵᠤ ᠡᠳᠤᠷ ᠳᠤᠵᠢ ᠤᠯᠠ ᠡᠪᠡᠰᠤ ᠶᠢ ᠬᠤᠷᠮᠤᠢ ᠬᠤᠷᠮᠤᠢ ᠪᠠᠷ ᠳᠡᠬᠦᠵᠤ᠂ ᠦᠳᠡᠰᠢ | ᠪᠦᠷᠢ ᠳᠡᠬᠦᠨ ᠢᠶᠠᠨ ᠨᠤᠬᠤᠵᠤ ᠪᠦᠮᠪᠤᠬᠡᠯᠡᠬᠡᠤᠨ ᠡᠳᠤᠷ ᠤᠨ ᠤᠳᠠᠭᠠᠨ ᠳᠤ ᠨᠢᠬᠡᠨ ᠳᠤᠮᠤ ᠪᠦᠮᠪᠦᠭᠡ ᠪᠤᠯᠭᠠᠵᠤ᠂ ᠬᠦᠤ ᠶᠢ ᠨᠢ ᠬᠦᠨᠤᠬᠡᠭᠰᠡᠨ ᠳᠠᠷᠠᠭᠠ ᠵᠢᠯ ᠤᠨ | ᠳᠠᠷᠠ ᠡᠳᠤᠷ ᠨᠢ ᠡᠪᠡᠰᠤᠨ ᠪᠦᠮᠪᠦᠭᠡ ᠪᠠᠨ ᠠᠪᠴᠤ ᠠᠪᠤᠷᠭᠤ ᠮᠤᠭᠠᠢ ᠶᠠᠪᠤᠳᠠᠭ ᠵᠠᠮ ᠤᠨ ᠠᠮᠠ ᠶᠢ ᠰᠠᠬᠢᠵᠤ ᠪᠠᠶᠢᠳᠠᠯᠠ ᠦᠨᠤ ᠮᠤᠭᠠᠢ ᠤᠪᠤᠭᠠ ᠶᠢᠨ ᠬᠠᠵᠠᠭᠤ ᠶᠢ | ᠳᠠᠰᠢᠶᠠᠯᠳᠠᠨ᠂ ᠬᠠᠳᠠ ᠴᠢᠯᠠᠭᠤ ᠶᠢ ᠪᠦᠮᠪᠤᠷᠢᠬᠦᠯᠦᠭᠰᠡᠬᠡᠷ᠂ ᠬᠠᠭᠳᠠ ᠡᠪᠡᠰᠤ ᠶᠢ ᠢᠷᠠᠭᠰᠠᠭᠠᠷ᠂ ᠬᠤᠤᠷᠳᠤ ᠬᠡᠯᠡ ᠪᠠᠨ ᠬᠤᠯᠪᠤᠯᠵᠠᠭᠤᠯᠤᠭᠰᠠᠭᠠᠷ᠂ ᠬᠤᠨᠢ ᠮᠠᠯ ᠢ | ᠰᠤᠷᠤᠭᠰᠠᠭᠠᠷ ᠭᠠᠷᠴᠤ ᠢᠷᠡᠭᠰᠡᠨ ᠳᠤ ᠡᠮᠡᠬᠡᠨ ᠤᠯᠠ ᠡᠪᠡᠰᠤᠨ ᠪᠦᠮᠪᠤᠬᠡᠨ ᠳᠡᠭᠡᠨ ᠤᠯᠠᠭᠠᠨ ᠭᠠᠯ ᠵᠤᠯᠭᠠᠭᠤᠯᠵᠤ᠂ ᠠᠪᠤᠷᠭᠤ ᠮᠤᠭᠠᠢ ᠶᠢᠨ ᠵᠦᠭ ᠪᠦᠮᠪᠤᠷᠢᠬᠦᠯᠤᠨ | ᠶᠠᠪᠤᠭᠤᠯᠤᠭᠰᠡᠨ ᠳᠤ ᠬᠤᠤᠷᠳᠤ ᠮᠤᠭᠠᠢ ᠨᠢᠬᠡ ᠯᠠ ᠰᠤᠷᠤᠵᠤ ᠵᠠᠯᠬᠢᠭᠰᠡᠨ ᠳᠤ ᠬᠤᠤᠷᠳᠤ ᠮᠤᠭᠠᠢ ᠶᠢᠨ ᠬᠤᠳᠤᠭᠤᠳᠤ ᠬᠡᠳᠡᠰᠤ ᠨᠢ ᠰᠢᠳᠠᠭᠳᠠᠵᠤ᠂ ᠬᠤᠷᠤᠮᠬᠠᠨ | ᠵᠠᠭᠤᠷᠠ ᠭᠤᠶᠠᠳᠠᠭᠠᠤᠨ ᠦᠬᠦᠭᠰᠡᠨ ᠬᠡᠨᠡ᠃ ᠡᠬᠦᠨ ᠠᠴᠠ ᠬᠤᠶᠢᠰᠢ ᠡᠨᠡ ᠬᠤᠭᠤᠯᠠᠢ ᠶᠢ ︽ᠠᠪᠤᠷᠭᠤ ᠶᠢᠨ ᠬᠤᠭᠤᠯᠠᠢ︾ ᠬᠡᠮᠡᠨ ᠨᠡᠷᠡᠶᠢᠤᠨᠴᠤᠬᠦᠢ ᠬᠡᠨᠡ᠃ | 2. ᠪᠠᠰᠠ ᠡᠷᠬᠡᠳᠤ ᠶᠢᠨ ᠤᠪᠤᠭᠠᠨ ᠤ ᠪᠠᠷᠠᠭᠤᠨ ᠳᠡᠷᠬᠡᠳᠠ ᠨᠢᠬᠡᠨ ᠴᠤᠩᠬᠢᠶᠠᠯ ᠤᠰᠤ ᠪᠤᠢ᠃ | ᠡᠷᠳᠠ ᠨᠢᠬᠡᠨ ᠴᠠᠭ ᠲᠤ᠂ ᠪᠤᠷᠤᠳᠤᠬᠤᠢ ᠨᠤᠳᠤᠭ ᠲᠤ ᠳᠤᠰᠤᠯ ᠪᠤᠷᠤᠭᠠᠨ ᠦᠬᠡᠢ᠂ ᠭᠠᠵᠠᠷ ᠳᠡᠭᠷᠢ ᠭᠠᠯ ᠠᠪᠤᠯᠴᠠᠮᠠᠷ ᠭᠠᠶᠢᠬᠠᠯᠳᠠᠢ ᠶᠡᠭᠡ ᠭᠠᠩ ᠬᠠᠭᠰᠠᠷᠠᠭᠠᠨ | ᠪᠤᠯᠵᠤ ᠤᠤᠭᠤᠬᠤ ᠬᠤᠤᠨᠳᠤᠭ ᠤᠨ ᠤᠰᠤ ᠰᠢᠷᠬᠢᠵᠤ᠂ ᠤᠨᠳᠤᠷᠤᠮᠠᠯ ᠪᠤᠯᠠᠭ ᠤᠨ ᠡᠬᠢ ᠬᠠᠳᠠᠭᠠᠤᠨ᠂ ᠤᠨᠤᠭᠠ ᠮᠠᠯ ᠬᠤᠳᠠ ᠪᠠᠷ ᠬᠤᠷᠤᠭᠳᠠᠵᠤ᠂ ᠤᠷᠭᠤᠮᠠᠯ | ᠪᠤᠳᠠᠰ ᠦᠨᠳᠤᠰᠤ ᠪᠠᠷ ᠢᠶᠠᠨ ᠬᠤᠪᠬᠠᠶᠢᠷᠠᠭᠰᠠᠨ ᠳᠤ ᠨᠢᠬᠡᠨ ᠡᠳᠤᠷ ᠬᠠᠨ ᠬᠤᠷᠮᠤᠰᠳᠠ ᠳᠡᠭᠷᠢ ᠦᠪᠡᠷ ᠤᠨ ᠳᠤᠯᠤᠭᠠᠨ ᠬᠡᠤᠬᠡᠨ ᠤ ᠪᠠᠨ ᠤᠤᠭᠠᠨ ᠪᠤᠯᠬᠤ ᠡᠬᠦᠯᠡᠨ | ᠳᠠᠬᠢᠨᠢ ᠪᠠᠨ ᠳᠤᠤᠷᠠᠳᠤ ᠶᠢᠷᠳᠢᠨᠴᠤ ᠳᠤ ᠶᠠᠪᠤᠵᠤ ᠪᠤᠷᠤᠭᠠᠨ ᠪᠠᠭᠤᠯᠭᠠ ᠬᠡᠵᠤ ᠶᠠᠪᠤᠭᠤᠯᠵᠤ ᠬᠡᠨᠡ᠃ ᠢᠩᠬᠢᠬᠡᠤᠨ ᠡᠴᠢᠬᠡ ᠬᠠᠭᠠᠨ ᠤ ᠵᠠᠬᠢᠶᠠ ᠪᠠᠷ ᠡᠬᠦᠯᠡᠨ ᠳᠠᠬᠢᠨᠢ | ᠨᠢᠬᠡ ᠡᠮᠬᠦ ︽ᠮᠦᠩᠬᠡ ᠶᠢᠨ ᠷᠠᠰᠢᠶᠠᠨ︾ ᠤᠰᠤ ᠶᠢ ᠠᠮᠠᠨ ᠳᠠᠭᠠᠨ ᠡᠮᠬᠦᠵᠤ ᠡᠬᠦᠯᠡ ᠬᠦᠯᠬᠡᠯᠡᠨ ᠳᠤᠤᠷᠠᠳᠤ ᠶᠢᠷᠳᠢᠨᠴᠤ ᠶᠢᠨ ᠪᠤᠷᠤᠳᠤᠬᠤᠢ ᠤᠷᠳᠤᠰ ᠨᠤᠳᠤᠭ ᠲᠤ | ᠢᠷᠡᠬᠦ ᠳᠤ᠂ ᠬᠡᠨᠡᠤᠨᠳᠠ ᠴᠠᠬᠢᠯᠭᠠᠨ ᠳᠤ ᠴᠤᠬᠢᠭᠳᠠᠭᠰᠡᠨ ᠰᠢᠭ ᠬᠠᠮᠤᠭ ᠪᠡᠶᠡ ᠨᠢ ᠰᠤᠯᠠᠷᠠᠵᠤ ᠬᠠᠯᠠᠭᠤᠨ ᠳᠠᠮᠤ ᠳᠤ ᠤᠨᠠᠭᠰᠡᠨ ᠰᠢᠭ ᠠᠶᠤᠵᠤ ᠰᠠᠨᠳᠤᠷᠴᠤ ᠬᠡᠨᠡ᠃ | ᠢᠩᠬᠢᠬᠡᠤᠨ ︽ᠠᠶᠠ︾ ᠬᠡᠵᠤ ᠳᠠᠭᠤᠨ ᠠᠯᠳᠠᠭᠠᠤᠨ ᠠᠮᠠᠨ ᠳᠠᠭᠠᠨ ᠡᠮᠬᠦᠵᠤ ᠪᠠᠶᠢᠭᠰᠡᠨ ᠷᠠᠰᠢᠶᠠᠨ ᠤᠰᠤ ᠪᠠᠨ ᠡᠨᠡ ᠭᠠᠵᠠᠷ ᠲᠤ ᠠᠯᠳᠠᠵᠤ ᠠᠰᠬᠠᠭᠠᠤᠨ ᠦᠪᠡᠷ | ᠤᠨ ᠰᠢᠳᠢᠳᠤ ᠬᠡᠬᠦᠷ ᠢᠶᠠᠨ ᠴᠤ ᠠᠳᠠ ᠦᠯᠡᠳᠡᠬᠡᠵᠤ ᠬᠡᠨᠡ᠃ ᠳᠡᠬᠦᠨ ᠤ ︽ᠮᠦᠩᠬᠡ ᠶᠢᠨ ᠷᠠᠰᠢᠶᠡᠨ︾ ᠢᠶᠠᠨ ᠠᠰᠬᠠᠭᠰᠡᠨ ᠭᠠᠵᠠᠷ ᠳᠤᠤᠷᠠ ᠠᠴᠠ ᠪᠤᠯᠤᠷ | ᠳᠤᠩᠭᠠᠯᠠᠭ ᠤᠰᠤ ᠲᠠᠢ᠂ ᠪᠤᠮ ᠲᠦᠮᠡᠨ ᠠᠮᠢᠳᠠᠨ ᠤᠮᠳᠠᠯᠠᠬᠤ ᠪᠤᠯᠠᠭ ᠤᠷᠬᠢᠯᠤᠨ ᠭᠠᠷᠴᠤ ᠪᠦᠷᠢᠳᠤ ᠪᠤᠯᠤᠨ ᠳᠤᠭᠳᠠᠭᠰᠡᠨ ᠬᠡᠨᠡ᠃ ᠬᠤᠷᠮᠤᠰᠳᠠ ᠳᠡᠭᠷᠢ ᠶᠢᠨ | ᠳᠠᠬᠢᠨᠢ ᠶᠢᠨ ᠰᠢᠳᠤᠷᠭᠤ ᠰᠦᠨᠡᠰᠤ ᠶᠢᠰᠤᠨ ᠪᠤᠯᠠᠭ ᠤᠨ ᠳᠤᠤᠷᠠ ᠤᠷᠤᠵᠤ ᠯᠤᠤᠰ ᠤᠨ ᠬᠠᠭᠠᠨ ᠤ ᠠᠯᠳᠠᠨ ᠤᠨᠠᠭᠠ ᠪᠤᠯᠤᠨ ᠬᠤᠪᠢᠯᠤᠭᠠᠤᠨ ᠳᠠᠬᠢᠨ ᠨᠡᠷᠡᠳᠤ | ᠶᠢᠷᠳᠢᠨᠴᠤ ᠳᠡᠬᠡᠷᠡ ᠠᠯᠳᠠᠨ ᠤᠨᠠᠭᠠ ᠨᠤᠮᠢᠨ ᠪᠦᠷᠢᠳᠤ ᠶᠢᠨ ᠤᠰᠤᠨ ᠠᠴᠠ ᠳᠡᠭᠳᠡᠨ ᠭᠠᠷᠴᠤ ᠨᠤᠭᠤᠭᠠᠨ ᠳᠤᠷᠭᠠᠨ ᠵᠦᠯᠬᠡᠨ ᠳᠡᠬᠡᠷᠡ ᠡᠷᠬᠡ ᠳᠤᠷᠠ ᠪᠠᠷ ᠢᠨᠴᠠᠭᠠᠨ | ᠳᠤᠭᠯᠠᠭᠳᠠᠭ ᠢ ᠨᠢ ᠨᠤᠳᠤᠭ ᠤᠨ ᠬᠦᠮᠤᠰ ᠦᠵᠡᠬᠡᠤᠨ ᠬᠦᠬᠡᠷᠤᠬᠦᠨ ᠤᠨᠠᠭᠠᠨ ᠤ ᠪᠡᠯᠬᠡ ᠪᠠᠷ ᠳᠠᠷᠠ ᠬᠦ ᠬᠦᠨ ᠴᠡᠩᠬᠡᠯ ᠴᠤᠩᠬᠢᠶᠠᠯ ᠤᠰᠤᠨ ᠳᠠᠭᠠᠨ ︽ᠤᠨᠠᠭᠠ | ᠶᠢᠨ ᠪᠦᠷᠢᠳᠤ︾ ᠬᠡᠮᠡᠬᠦ ᠨᠡᠷᠡ ᠱᠠᠩᠨᠠᠭᠰᠡᠨ ᠬᠡᠳᠡᠭ᠃ |