| ᠰᠦᠮᠡᠳᠤ ᠶᠢᠨ ᠤᠪᠤᠭᠠ ᠪᠤᠯ ᠤᠳᠤ ᠶᠢᠨ ᠤᠳᠤᠭ ᠬᠤᠰᠢᠭᠤᠨ ᠤ ᠰᠦᠮᠡᠳᠤ ᠰᠤᠮᠤᠨ ᠤ ᠵᠠᠩᠭᠠᠨ ᠭᠠᠴᠠᠭᠠᠨ ᠤ ᠵᠠᠩᠭᠠᠨ ᠤᠷᠤᠢ ᠠᠴᠠ ᠪᠠᠷᠠᠭᠤᠨ ᠡᠮᠤᠨᠡ | 10 ᠺᠢᠯᠤᠮᠧᠲᠷ ᠵᠠᠶᠢᠳᠠᠢ᠂ ᠴᠠᠭᠠᠨ ᠤᠪᠤᠭᠠᠨ ᠰᠢᠯᠢ ᠠᠴᠠ ᠳᠠᠪᠤᠨᠳᠤᠯᠤᠭᠠᠢ ᠬᠦᠷᠳᠡᠯᠡ 10 ᠺᠢᠯᠤᠮᠧᠲᠷ ᠤᠨ ᠤᠷᠳᠤ ᠦᠷᠬᠡᠨ ᠬᠠᠶᠢᠯᠠᠰᠤ ᠬᠦᠢᠯᠡᠰᠤ᠂ ᠤᠯᠠᠭᠠᠨ | ᠴᠠᠭᠠᠨ ᠰᠢᠨᠳᠠᠨ ᠵᠡᠷᠬᠡ ᠬᠤᠪᠤᠷ ᠨᠠᠨᠳᠢᠨ ᠮᠤᠳᠤ ᠤᠷᠭᠤᠭᠰᠡᠨ᠂ ᠵᠡᠬᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠳᠠᠯᠠ ᠪᠠᠷ ᠪᠤᠳᠠ ᠪᠤᠷᠭᠠᠰᠤ ᠦᠪᠴᠢ ᠪᠦᠷᠬᠦᠭᠳᠡᠭᠰᠡᠨ ᠦᠨᠳᠤᠷ ᠰᠢᠯᠢ | ᠶᠢᠨ ᠤᠷᠤᠢ ᠳᠡᠬᠡᠷᠡ ᠪᠠᠶᠢᠷᠢᠰᠢᠵᠤ ᠪᠤᠢ᠃ ᠡᠨᠡ ᠨᠢ ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 1352 ᠮᠧᠲᠷ ᠦᠨᠳᠤᠷ᠂ ᠤᠮᠠᠷᠠᠳᠤ ᠦᠷᠬᠡᠷᠢᠭ ᠤᠨ 38。45、᠂ | ᠵᠡᠬᠦᠨ ᠤᠷᠳᠤᠷᠢᠭ ᠤᠨ 108。23、 ᠳᠤ ᠳᠡᠮᠡᠬᠡᠨ ᠤ ᠬᠤᠶᠠᠷ ᠪᠦᠬᠦ ᠮᠡᠳᠤ ᠪᠤᠰᠬᠠᠭᠰᠡᠨ 2 ᠤᠪᠤᠭᠠ ᠪᠢᠯᠡ᠃ ᠬᠤᠶᠢᠳᠤ ᠤᠪᠤᠭᠠ ᠨᠢ ᠡᠷᠡᠭᠴᠢᠨ ᠪᠦᠷᠬᠦᠤᠨ | ᠤᠷᠤᠭᠰᠢ ᠬᠠᠨᠳᠤᠨ ᠳᠠᠯᠠᠪᠴᠢ ᠪᠠᠨ ᠳᠡᠯᠬᠡᠭᠰᠡᠨ ᠮᠡᠳᠤ᠂ ᠡᠮᠤᠨᠡᠬᠢ ᠤᠪᠤᠭᠠ ᠨᠢ ᠡᠮᠡᠭᠴᠢᠨ ᠪᠦᠷᠬᠦᠤᠨ ᠬᠤᠶᠢᠰᠢ ᠬᠠᠨᠳᠤᠨ ᠦᠨᠳᠡᠭᠡ ᠳᠠᠷᠤᠵᠤ ᠬᠡᠪᠳᠡᠭᠰᠡᠨ ᠰᠢᠨᠵᠢ | ᠲᠠᠢ 2 ᠤᠪᠤᠭᠠ ᠶᠤᠮ᠃ | ᠡᠮᠤᠨᠡᠬᠢ ᠤᠪᠤᠭᠠ ᠨᠢ 5 ᠳᠠᠪᠬᠤᠷ ᠳᠡᠭᠳᠡᠷᠯᠡᠭᠰᠡᠨ 5 ᠮᠧᠲᠷ ᠤᠨ ᠦᠨᠳᠤᠷ ᠰᠤᠪᠤᠷᠭᠠᠨ ᠤ ᠬᠡᠯᠪᠡᠷᠢᠳᠠᠢ᠂ ᠤᠪᠤᠭᠠᠨ ᠤ ᠳᠡᠬᠡᠷᠡ ᠨᠠᠷᠠᠨ ᠰᠠᠷᠠᠨ ᠬᠢᠴᠠ ᠲᠠᠢ | ᠬᠠᠷᠠ ᠠᠵᠢᠷᠭᠠᠨ ᠳᠡᠯ ᠤᠨ ᠬᠦᠬᠦᠯ ᠵᠡᠬᠦᠭᠰᠡᠨ᠂ ᠭᠠᠭᠴᠠ ᠰᠠᠶᠢᠰᠤᠮ ᠢ ᠤᠯᠠᠭᠠᠨ ᠪᠤᠷᠭᠠᠰᠤᠨ ᠰᠠᠭᠰᠤᠭᠠᠢ ᠲᠠᠢ ᠬᠠᠮᠳᠤ ᠪᠤᠰᠬᠠᠵᠠᠢ᠃ ᠳᠡᠬᠦᠨ ᠤ 4 ᠳᠠᠯᠠ ᠳᠤ ᠨᠢ | 4 ᠰᠠᠶᠢᠰᠤᠮ ᠲᠠᠢ ᠪᠠᠭᠠᠨᠠ ᠶᠢ ᠪᠤᠰᠬᠠᠵᠤ ᠳᠠᠪᠤᠨ ᠦᠩᠬᠡ ᠶᠢᠨ ᠯᠤᠩᠵᠢᠤᠨ ᠳᠠᠷᠴᠤᠭ ᠢᠶᠠᠷ ᠬᠤᠯᠪᠤᠵᠤ ᠳᠠᠳᠠᠭᠰᠡᠨ ᠪᠦᠬᠡᠤᠨ ᠷᠠᠯᠾᠠ ᠪᠤᠷᠬᠠᠨ ᠪᠦᠳᠤᠬᠡᠭᠰᠡᠨ | ᠬᠠᠳᠠᠨ ᠤᠪᠤᠭᠠ ᠪᠤᠢ᠃ ᠤᠪᠤᠭᠠᠨ ᠤ ᠬᠤᠶᠠᠳᠤᠭᠠᠷ ᠳᠡᠭᠳᠡᠷ ᠤᠨ 4 ᠳᠠᠯᠠ ᠳᠤ ᠬᠦᠵᠢ ᠵᠤᠯᠠ ᠡᠷᠬᠦᠬᠦ 4 ᠬᠦᠩᠭᠠᠷᠠᠪᠠ ᠲᠠᠢ᠃ ᠤᠪᠤᠭᠠᠨ ᠤ ᠬᠤᠶᠢᠳᠤ ᠳᠠᠯᠠ ᠳᠤ | ᠬᠠᠷᠠ ᠠᠵᠢᠷᠭᠠᠨ ᠬᠦᠬᠦᠯ ᠬᠡᠯᠬᠢᠭᠰᠡᠨ ᠳᠠᠪᠤᠨ ᠦᠩᠬᠡ ᠶᠢᠨ ᠬᠡᠶᠢᠮᠤᠷᠢ ᠶᠢᠨ ᠯᠤᠩᠵᠢᠤᠨ ᠳᠠᠳᠠᠭᠰᠡᠨ 2 ᠰᠠᠩ ᠤᠨ ᠰᠦᠷᠤ ᠲᠠᠢ᠃ ᠳᠡᠬᠦᠨ ᠤ ᠳᠤᠮᠳᠠ ᠰᠠᠩ | ᠳᠠᠯᠪᠢᠬᠤ ᠬᠠᠳᠠᠨ ᠱᠠᠩᠯᠤ ᠲᠠᠢ᠃ ᠳᠡᠬᠦᠨ ᠠᠴᠠ ᠬᠤᠶᠢᠰᠢ ᠬᠤᠶᠢᠳᠤ ᠤᠪᠤᠭᠠ ᠬᠦᠷᠳᠡᠯᠡ ᠬᠠᠳᠠ ᠪᠠᠷ ᠬᠠᠰᠢᠵᠤ ᠪᠤᠷᠭᠠᠰᠤ ᠪᠠᠷ ᠬᠢᠭᠰᠡᠨ 13 ᠴᠡᠷᠢᠭ ᠤᠪᠤᠭᠠ | ᠲᠠᠢ᠃ | ᠬᠤᠶᠢᠳᠤ ᠤᠪᠤᠭᠠ ᠨᠢ 3 ᠳᠠᠪᠬᠤᠷ ᠳᠡᠭᠳᠡᠷᠯᠡᠭᠰᠡᠨ 3 ᠮᠧᠲᠷ ᠤᠨ ᠦᠨᠳᠤᠷ ᠤᠪᠤᠭᠠᠨ ᠤ ᠳᠡᠬᠡᠷᠡ ᠳᠤᠭ ᠵᠠᠮᠰᠠᠨ ᠢ ᠤᠯᠠᠭᠠᠨ ᠪᠤᠷᠭᠠᠰᠤᠨ ᠰᠠᠭᠰᠤᠭᠠᠢ ᠲᠠᠢ | ᠬᠠᠮᠳᠤ ᠪᠤᠰᠬᠠᠵᠤ ᠳᠡᠬᠦᠨ ᠤ 4 ᠳᠠᠯᠠ ᠳᠤ ᠨᠢ 4 ᠰᠠᠶᠢᠰᠤᠮ ᠲᠠᠢ ᠪᠠᠭᠠᠨᠠ ᠠᠴᠠ ᠳᠠᠪᠤᠨ ᠦᠩᠬᠡ ᠶᠢᠨ ᠯᠤᠩᠵᠢᠤᠨ ᠳᠠᠷᠴᠤᠭ ᠢᠶᠠᠷ ᠬᠤᠯᠪᠤᠵᠤ ᠳᠠᠳᠠᠭᠰᠡᠨ | ᠪᠦᠬᠡᠤᠨ ᠴᠠᠭᠠᠨ ᠭᠤᠮᠪᠤ ᠶᠢᠨ ᠲᠤᠷᠤᠪ ᠪᠦᠳᠤᠬᠡᠭᠰᠡᠨ ᠬᠠᠳᠠᠨ ᠤᠪᠤᠭᠠᠨ ᠤ ᠬᠤᠶᠠᠳᠤᠭᠠᠷ ᠳᠡᠭᠳᠡᠷ ᠤᠨ 4 ᠳᠠᠯᠠ ᠳᠤ ᠬᠦᠵᠢ ᠵᠤᠯᠠ ᠡᠷᠬᠦᠬᠦ 4 ᠬᠦᠩᠭᠠᠷᠠᠪᠠ ᠲᠠᠢ᠃ | ᠳᠡᠬᠦᠨ ᠤ ᠬᠤᠶᠢᠳᠤ ᠳᠠᠯᠠ ᠳᠤ ᠬᠠᠷᠠ ᠠᠵᠢᠷᠭᠠᠨ ᠬᠦᠬᠦᠯ ᠵᠡᠬᠦᠭᠰᠡᠨ ᠳᠠᠪᠤᠨ ᠦᠩᠬᠡ ᠶᠢᠨ ᠬᠡᠶᠢᠮᠤᠷᠢ ᠶᠢᠨ ᠯᠤᠩᠵᠢᠤᠨ ᠳᠠᠳᠠᠭᠰᠡᠨ 2 ᠰᠠᠩ ᠤᠨ ᠰᠦᠷᠤ ᠲᠠᠢ᠃ | ᠳᠡᠬᠦᠨ ᠤ ᠳᠤᠮᠳᠠ ᠰᠠᠩ ᠳᠠᠯᠪᠢᠬᠤ ᠬᠠᠳᠠᠨ ᠱᠠᠩᠯᠤ ᠲᠠᠢ᠃ ᠡᠨᠡ ᠬᠤᠶᠠᠷ ᠤᠪᠤᠭᠠ ᠬᠤᠭᠤᠷᠤᠨᠳᠤ ᠪᠠᠨ 50 ᠠᠯᠳᠠ ᠭᠠᠵᠠᠷ ᠤᠨ ᠵᠠᠶᠢᠳᠠᠢ᠃ ᠡᠮᠤᠨᠡᠬᠢ ᠤᠪᠤᠭᠠᠨ | ᠠᠴᠠ ᠤᠷᠤᠭᠰᠢ 30 ᠠᠯᠳᠠ ᠭᠠᠵᠠᠷ ᠤᠨ ᠵᠠᠶᠢᠳᠠᠢ ᠪᠤᠨᠳᠤᠭᠤᠷ ᠳᠤᠯᠤᠭᠠᠢ ᠶᠢᠨ ᠤᠷᠤᠢ ᠳᠡᠬᠡᠷᠡ ᠪᠤᠰᠤᠭᠠ ᠬᠦᠮᠤᠨ ᠲᠠᠢ ᠰᠠᠴᠠᠭᠤ ᠰᠠᠭᠰᠤᠭᠠᠢ ᠦᠬᠡᠢ ᠪᠤᠭᠳᠠ | ᠴᠠᠭᠠᠨ ᠡᠪᠤᠬᠡᠨ ᠤ ᠴᠠᠭᠠᠨ ᠴᠢᠯᠠᠭᠤᠨ ᠤᠪᠤᠭᠠ ᠲᠠᠢ᠃ ᠤᠪᠤᠭᠠᠨ ᠤ ᠬᠤᠶᠢᠳᠠᠢ ᠰᠠᠩ ᠰᠤᠯᠬᠡ ᠳᠠᠯᠪᠢᠬᠤ ᠰᠤᠭ ᠳᠡᠬᠡᠵᠢ ᠡᠷᠬᠦᠬᠦ ᠬᠠᠳᠠᠨ ᠳᠠᠶᠢᠰᠠ ᠲᠠᠢ᠃ | ᠬᠤᠶᠠᠷ ᠶᠡᠭᠡ ᠤᠪᠤᠭᠠᠨ ᠤ ᠪᠠᠷᠠᠭᠤᠨ ᠬᠠᠵᠠᠭᠤ ᠳᠡᠬᠡᠷᠡ ᠤᠷᠤᠭᠰᠢ ᠬᠠᠨᠳᠤᠭᠰᠡᠨ 3 ᠳᠠᠰᠤᠯᠭᠠ ᠰᠦᠮᠡ ᠲᠠᠢ᠂ ᠳᠡᠬᠦᠨ ᠤ ᠳᠤᠳᠤᠷᠠ ᠱᠤᠭᠤᠮᠠᠯ ᠯᠾᠠᠮᠤ᠂ | ᠭᠤᠮᠪᠤ᠂ ᠴᠠᠭᠠᠨ ᠬᠠᠯᠢᠭᠤᠨ ᠮᠤᠷᠢ ᠤᠨᠤᠭᠰᠠᠨ ᠷᠠᠯᠾᠠ ᠪᠤᠷᠬᠠᠨ ᠬᠢᠬᠡᠤᠨ ᠴᠠᠭᠠᠨ ᠨᠤᠭᠤᠭᠠᠨ ᠳ᠋ᠠᠷᠠ ᠡᠬᠡ ᠵᠡᠷᠬᠡ ᠶᠢᠨ ᠬᠦᠷᠦᠭ ᠵᠢᠷᠤᠭ ᠪᠠᠶᠢᠪᠠ᠃ ᠰᠦᠮᠠ ᠶᠢᠨ | ᠵᠡᠬᠦᠨᠳᠠᠢ ᠪᠠᠷᠠᠭᠤᠨᠰᠢ ᠬᠠᠨᠳᠤᠭᠰᠡᠨ 3 ᠳᠠᠰᠤᠯᠭᠠ ᠪᠤᠷᠭᠠᠰᠤᠨ ᠮᠤᠳᠤ ᠪᠠᠷ ᠬᠢᠭᠰᠡᠨ ᠳᠤᠭᠤᠭᠠᠨ ᠪᠠᠶᠢᠰᠢᠩ ᠲᠠᠢ᠃ ᠰᠦᠮᠠ ᠶᠢᠨ ᠪᠠᠷᠠᠭᠤᠨ ᠤᠷᠢᠳᠠᠢ ᠨᠠᠩᠰᠤ ᠵᠠᠮᠰᠤ | ᠯᠠᠮᠠ ᠶᠢᠨ ᠰᠠᠭᠤᠳᠠᠭ ᠤᠷᠤᠭᠰᠢ ᠬᠠᠨᠳᠤᠭᠰᠡᠨ 3 ᠳᠠᠰᠤᠯᠭᠠ ᠪᠤᠷᠭᠠᠰᠤᠨ ᠮᠤᠳᠤᠨ ᠪᠠᠶᠢᠰᠢᠩ ᠲᠠᠢ᠃ ᠳᠠᠷᠠ ᠦᠶᠡ ᠳᠤ ᠤᠪᠤᠭᠠᠨ ᠨᠠᠩᠰᠤ ᠯᠠᠮᠠ ᠵᠠᠮᠰᠤ | ᠦᠷᠬᠦᠯᠵᠢ ᠤᠪᠤᠭᠠᠨ ᠰᠦᠮᠠ ᠳᠡᠬᠡᠷᠡ ᠰᠠᠭᠤᠵᠤ ᠴᠠᠭ ᠦᠷᠬᠦᠯᠵᠢ ᠵᠤᠯᠠ ᠬᠦᠵᠢ ᠡᠷᠬᠦᠳᠡᠭ ᠪᠠᠶᠢᠵᠠᠢ᠃ ᠰᠦᠮᠠ ᠠᠴᠠ ᠡᠮᠤᠨᠡ ᠶᠠᠮᠤᠨ ᠲᠦᠬᠦᠮ ᠲᠠᠢ᠃ ᠰᠦᠮᠡ | ᠶᠢᠨ ᠪᠠᠷᠠᠭᠤᠨᠳᠠᠢ ᠬᠤᠶᠠᠷ ᠪᠤᠯᠠᠭ ᠬᠡᠳᠡᠭ ᠤᠰᠤ ᠪᠤᠢ᠃ ᠡᠨᠡ ᠨᠢ ᠤᠪᠤᠭᠠᠨ ᠤ ᠬᠦᠮᠤᠨ ᠮᠠᠯ ᠤᠨ ᠤᠰᠤ ᠤᠮᠳᠠ ᠶᠢ ᠬᠠᠩᠭᠠᠳᠠᠭ᠃ | ᠤᠪᠤᠭᠠᠨ ᠤ ᠲᠦᠷᠪᠡᠨ ᠵᠦᠭ ᠲᠤ 4 ᠪᠠᠶᠠᠨᠳᠤᠷᠵᠢ ᠶᠢᠨ ᠨᠠᠮᠰᠠᠷᠠᠢ ᠶᠢᠨ ᠱᠠᠩ ᠳᠠᠷᠤᠭᠰᠠᠨ 4 ᠤᠪᠤᠭᠠ ᠪᠤᠢ᠃ ᠡᠮᠤᠨᠡ ᠵᠦᠭ ᠲᠤ ᠳᠠᠪᠤᠨ ᠳᠤᠯᠤᠭᠠᠢ ᠶᠢᠨ | ᠬᠤᠶᠢᠳᠤ ᠤᠷᠤᠢ ᠳᠡᠬᠡᠷᠡ ᠲᠦᠬᠢ ᠶᠢᠨ ᠪᠠᠶᠠᠨᠳᠤᠷᠵᠢ ᠶᠢᠨ ᠤᠪᠤᠭᠠ ᠪᠠᠶᠢᠪᠠ᠃ ᠬᠤᠶᠢᠳᠤ ᠵᠦᠭ ᠲᠤ ᠴᠠᠭᠠᠨ ᠤᠪᠤᠭᠠᠨ ᠰᠢᠯᠢ ᠶᠢᠨ ᠣᠷᠣᠢ ᠳᠡᠬᠡᠷᠡ ᠬᠦᠨᠳᠤ ᠶᠢᠨ | ᠪᠠᠶᠠᠨᠳᠤᠷᠵᠢ ᠶᠢᠨ ᠤᠪᠤᠭᠠ ᠬᠡᠵᠤ ᠪᠠᠶᠢᠪᠠ᠃ ᠵᠡᠬᠦᠨ ᠵᠦᠭ ᠲᠤ ᠳᠠᠬᠢᠶᠠᠴᠢ ᠶᠢᠨ ᠤᠷᠤᠢ ᠳᠡᠬᠡᠷᠡ ᠪᠢᠴᠢᠬᠡᠴᠢ ᠪᠠᠶᠠᠨᠳᠤᠷᠵᠢ ᠶᠢᠨ ᠤᠪᠤᠭᠠ ᠬᠡᠵᠤ ᠪᠠᠶᠢᠪᠠ᠃ | ᠪᠠᠷᠠᠭᠤᠨ ᠵᠦᠭ ᠲᠤ ᠵᠢᠷᠤᠬᠡ ᠶᠢᠨ ᠠᠷᠤ ᠳᠠᠬᠢ ᠬᠡᠵᠢᠬᠡ ᠶᠢᠨ ᠤᠷᠤᠢ ᠳᠡᠬᠡᠷᠡ ᠠᠮᠤᠷᠪᠤᠶᠠᠨ ᠤ ᠪᠠᠶᠠᠨᠳᠤᠷᠵᠢ ᠶᠢᠨ ᠤᠪᠤᠭᠠ ᠬᠡᠵᠤ ᠪᠠᠶᠢᠵᠠᠢ᠃ | ᠳᠠᠷᠠ ᠦᠶᠡ ᠳᠤ ᠤᠪᠤᠭᠠᠨ ᠤ ᠳᠠᠭᠠᠭᠠᠮᠠᠯ ᠢ ᠤᠳᠤᠭ ᠬᠤᠰᠢᠭᠤᠨ ᠤ ᠶᠠᠮᠤᠨ ᠱᠠᠩ ᠠᠴᠠ ᠠᠯᠪᠠᠨ ᠪᠢᠴᠢᠭ ᠢᠶᠠᠷ ᠳᠤᠮᠢᠯᠠᠳᠠᠭ᠃ ᠡᠨᠡ ᠨᠢ ᠰᠦᠮᠡᠳᠤ ᠶᠢᠨ | ᠤᠪᠤᠭᠠᠨ ᠤ ᠤᠷᠴᠢᠮ ᠰᠠᠭᠤᠵᠤ ᠪᠠᠶᠢᠭᠰᠡᠨ ᠶᠡᠭᠡ ᠬᠠᠷᠢᠶᠠᠨ ᠵᠠᠯᠠᠨ ᠵᠠᠩᠬᠢ ᠪᠤᠷᠤᠴᠢᠯᠠᠭᠤ᠂ ᠰᠢᠪᠠᠭᠤᠴᠢᠨ ᠬᠠᠷᠢᠶᠠᠨ ᠤ ᠵᠠᠯᠠᠨ ᠵᠠᠩᠬᠢ ᠬᠠᠷᠠᠪᠠᠭᠠᠰᠤ ᠪᠤᠯᠤᠨ ᠵᠡᠬᠦᠨ | ᠨᠤᠳᠤᠭ ᠬᠤᠷᠢᠶᠠᠨ ᠤ ᠳᠠᠷᠤᠭᠠ ᠪᠠᠳᠤ᠂ ᠪᠠᠷᠠᠭᠤᠨ ᠨᠤᠳᠤᠭ ᠬᠤᠷᠢᠶᠠᠨ ᠤ ᠳᠠᠷᠤᠭᠠ ᠲᠦᠮᠡᠨᠳᠡᠯᠬᠡᠷ᠂ ᠤᠪᠤᠭᠠᠨ ᠤ ᠬᠠᠮᠪᠤ ᠯᠠᠮᠠ ᠵᠡᠷᠬᠡ 5 ᠳᠠᠭᠠᠭᠠᠮᠠᠯ ᠲᠠᠢ ᠪᠠᠶᠢᠵᠠᠢ᠃ | ᠠᠷᠠᠯ ᠤᠨ ᠰᠦᠮᠠ ᠶᠢᠨ ᠱᠠᠪᠷᠤᠩ ᠵᠠᠮᠶᠠᠩᠰᠢᠷᠠᠪ ᠤᠪᠤᠭᠠᠨ ᠬᠠᠮᠪᠤ ᠯᠠᠮᠠ ᠪᠠᠶᠢᠬᠤ ᠦᠶᠡ ᠳᠤ ᠡᠨᠡ ᠤᠪᠤᠭᠠ ᠶᠢ ᠡᠮᠤᠨᠡ ᠠᠴᠠ ᠬᠤᠶᠢᠰᠢ ᠬᠠᠨᠳᠤᠨ ᠳᠠᠬᠢᠵᠤ | ᠪᠠᠶᠢᠭᠰᠡᠨ ᠵᠤᠷᠰᠢᠯ ᠢ ᠡᠪᠳᠡᠵᠤ ᠬᠤᠶᠢᠨᠠ ᠠᠴᠠ ᠤᠷᠤᠭᠰᠢ ᠬᠠᠨᠳᠤᠨ ᠳᠠᠬᠢᠵᠤ 4 ᠪᠠᠶᠠᠨᠳᠤᠷᠵᠢ ᠪᠠᠷ 4 ᠳᠠᠯᠠ ᠶᠢᠨ ᠳᠠᠷᠤᠭᠠ ᠪᠤᠯᠭᠠᠵᠤ ᠪᠠᠶᠢᠵᠠᠢ᠃ ᠰᠡᠬᠦᠯ ᠳᠤ | ᠨᠢ ᠵᠢᠷᠤᠬᠡ ᠶᠢᠨ ᠰᠦᠮᠠ ᠶᠢᠨ ᠪᠠᠨᠳᠢᠳᠠ ᠯᠤᠪᠰᠠᠩᠬᠦᠨᠴᠦᠭᠴᠤᠶᠢᠰᠠᠨ ᠤᠪᠤᠭᠠᠨ ᠬᠠᠮᠪᠤ ᠯᠠᠮᠠ ᠪᠤᠯᠬᠤ ᠦᠶᠡ ᠳᠤ 7 ᠬᠦᠮᠤᠨ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠤᠪᠤᠭᠠᠨ | ᠳᠠᠭᠠᠭᠠᠮᠠᠯ ᠲᠠᠢ᠂ 8 ᠳᠠᠷᠤᠭᠠ ᠲᠠᠢ᠂ ᠪᠠᠰᠠ ᠳᠡᠮᠴᠢ᠂ ᠨᠢᠷᠪᠡ᠂ ᠪᠤᠱᠤᠭᠤ᠂ ᠭᠠᠯᠴᠢ ᠵᠡᠷᠬᠡ ᠨᠢᠵᠡᠬᠡᠤᠨ ᠬᠦᠮᠤᠨ ᠢ ᠶᠡᠭᠡ ᠬᠠᠷᠢᠶᠠᠨ ᠠᠴᠠ ᠳᠤᠮᠢᠯᠠᠨ | ᠳᠤᠬᠢᠷᠠᠭᠤᠯᠬᠤ ᠪᠤᠯᠵᠠᠢ᠃ ᠬᠡᠷᠪᠡ ᠦᠶᠡ ᠵᠠᠯᠭᠠᠮᠵᠢᠯᠠᠬᠤ ᠪᠠ ᠬᠠᠯᠠᠭᠳᠠᠬᠤ ᠰᠤᠯᠢᠭᠳᠠᠬᠤ ᠪᠤᠯᠪᠠᠯ ᠶᠡᠭᠡ ᠬᠠᠷᠢᠶᠠᠨ ᠠᠴᠠ ᠨᠠᠷᠠ ᠳᠠᠩᠰᠠ ᠶᠢ ᠨᠢ ᠤᠳᠤᠭ ᠬᠤᠰᠢᠭᠤᠨ | ᠳᠤ ᠮᠡᠳᠡᠬᠦᠯᠤᠨ ᠳᠠᠬᠢᠨ ᠳᠤᠮᠢᠯᠠᠭᠤᠯᠳᠠᠭ ᠪᠠᠶᠢᠵᠠᠢ᠃ ᠤᠪᠤᠭᠠᠨ ᠳᠠᠭᠠᠭᠠᠮᠠᠯ ᠨᠢ ᠤᠪᠤᠭᠠᠨ ᠤ ᠶᠡᠷᠤᠩᠬᠡᠢ ᠶᠠᠪᠤᠳᠠᠯ ᠤᠨ ᠡᠷᠬᠡ ᠳᠤᠰᠢᠶᠠᠯ ᠢ ᠡᠵᠡᠮᠰᠢᠨ ᠬᠠᠷᠢᠭᠤᠴᠠᠵᠤ᠂ | ᠳᠠᠷᠤᠭᠠ ᠨᠢ ᠤᠪᠤᠭᠠᠨ ᠤ ᠳᠠᠬᠢᠯᠭᠠ ᠰᠢᠳᠤᠯᠬᠡ ᠶᠢᠨ ᠠᠯᠢᠪᠡ ᠬᠡᠷᠡᠭ ᠶᠠᠪᠤᠳᠠᠯ ᠢ ᠬᠠᠮᠢᠶᠠᠷᠴᠤ᠂ ᠳᠡᠮᠴᠢ ᠨᠢᠷᠪᠡ ᠨᠢ ᠤᠪᠤᠭᠠᠨ ᠤ ᠡᠳ᠋ ᠪᠤᠳᠠᠰ ᠪᠤᠯᠤᠨ ᠳᠠᠬᠢᠯᠭᠠ | ᠶᠢ ᠪᠡᠯᠡᠤᠨᠬᠡᠳᠡᠭ᠃ | ᠰᠦᠮᠡᠳᠤ ᠶᠢᠨ ᠤᠪᠤᠭᠠ ᠨᠢ ᠵᠢᠯ ᠳᠤ 4 ᠤᠳᠠᠭᠠ ᠶᠢᠨ ᠳᠠᠬᠢᠯᠭᠠ ᠲᠠᠢ᠃ | ᠠᠩᠬᠠᠳᠠᠬᠢ ᠳᠠᠬᠢᠯᠭᠠ ᠨᠢ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠭᠤᠷᠪᠠᠨ ᠳᠤ ᠳᠠᠭᠠᠭᠠᠮᠠᠯ᠂ ᠳᠠᠷᠤᠭᠠ ᠨᠠᠷ ᠡᠬᠡᠯᠵᠢ ᠪᠠᠷ ᠤᠪᠤᠭᠠᠨ ᠳᠤ ᠭᠠᠷᠴᠤ ᠰᠤᠭ ᠳᠡᠬᠡᠵᠢ | ᠴᠠᠭᠠᠨ ᠢᠳᠡᠬᠡᠨ ᠢᠶᠠᠷ ᠳᠠᠬᠢᠵᠤ ᠨᠠᠮᠳᠠᠭ ᠰᠠᠩ ᠤᠩᠰᠢᠭᠤᠯᠵᠤ ᠵᠤᠯᠠ ᠬᠦᠵᠢ ᠠᠰᠠᠭᠠᠵᠤ ᠰᠠᠩ ᠰᠠᠷᠵᠢᠮ ᠡᠷᠬᠦᠳᠡᠭ᠃ | ᠬᠤᠶᠠᠳᠠᠬᠢ ᠳᠠᠬᠢᠯᠭᠠ ᠨᠢ ᠳᠠᠪᠤᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠭᠤᠷᠪᠠᠨ ᠳᠤ ᠳᠠᠭᠠᠭᠠᠮᠠᠯ ᠳᠠᠷᠤᠭᠠ ᠪᠤᠯᠤᠨ ᠦᠭᠯᠢᠬᠡ ᠶᠢᠨ ᠡᠵᠡᠨ ᠭᠤᠨᠢᠷ ᠲᠠᠢ ᠰᠤᠭ ᠳᠡᠬᠡᠵᠢ | ᠴᠠᠭᠠᠨ ᠢᠳᠡᠬᠡᠨ ᠢᠶᠠᠷ ᠭᠤᠷᠪᠠᠨ ᠤᠪᠤᠭᠠ ᠶᠢ ᠪᠠᠷᠤᠭ ᠨᠢᠬᠡ ᠡᠳᠤᠷ ᠳᠠᠬᠢᠵᠤ ᠵᠤᠯᠠ ᠬᠦᠵᠢ ᠰᠠᠩ ᠰᠠᠷᠵᠢᠮ ᠡᠷᠬᠦᠳᠡᠭ ᠪᠠᠶᠢᠵᠠᠢ᠃ | ᠭᠤᠷᠪᠠᠳᠠᠬᠢ ᠳᠠᠬᠢᠯᠭᠠ ᠨᠢ ᠨᠠᠢᠮᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠠᠴᠠ ᠳᠠᠭᠠᠭᠠᠮᠠᠯ᠂ ᠳᠠᠷᠤᠭᠠ᠂ ᠤᠪᠤᠭᠠᠨ ᠯᠠᠮᠠ ᠰᠤᠭᠳᠤᠢ ᠪᠦᠷᠢᠳᠤᠨ ᠴᠤᠭᠯᠠᠷᠠᠵᠤ ᠶᠠᠮᠠᠨᠳᠠᠭᠠ | ᠴᠠᠭᠠᠨ ᠭᠤᠮᠪᠤ ᠶᠢᠨ ᠳᠠᠷᠪᠠ ᠬᠤᠷᠠᠵᠤ ᠪᠦᠳᠤᠬᠡᠬᠦᠯ ᠪᠦᠳᠤᠬᠡᠬᠡᠤᠨ ᠠᠷᠪᠠᠨ ᠭᠤᠷᠪᠠᠨ ᠤ ᠦᠷᠯᠤᠬᠡ ᠠᠴᠠ ᠪᠤᠭᠳᠠ ᠴᠠᠭᠠᠨ ᠡᠪᠤᠬᠡᠨ ᠤ ᠤᠪᠤᠭᠠ ᠶᠢ ᠰᠤᠭ ᠳᠡᠬᠡᠵᠢ | ᠴᠠᠭᠠᠨ ᠢᠳᠡᠬᠡᠨ ᠢᠶᠠᠷ ᠳᠠᠬᠢᠵᠤ᠂ ᠳᠠᠷᠠᠭᠠ ᠪᠠᠷ ᠨᠢ ᠡᠮᠤᠨᠡᠬᠢ ᠶᠡᠭᠡ ᠤᠪᠤᠭᠠ ᠶᠢ 2 ᠢᠮᠠᠭᠠᠨ ᠰᠢᠬᠦᠰᠤ ᠪᠠᠷ ᠳᠠᠬᠢᠵᠤ᠂ ᠬᠤᠶᠢᠳᠤ ᠶᠡᠭᠡ ᠤᠪᠤᠭᠠ ᠶᠢ 2 ᠬᠤᠨᠢᠨ | ᠦᠤᠩᠡ ᠪᠠᠷ ᠳᠠᠬᠢᠳᠠᠭ᠃ ᠡᠨᠡ ᠦᠶᠡ ᠳᠤ ᠤᠪᠤᠭᠠᠨ ᠤ ᠳᠠᠷᠤᠭᠠ᠂ ᠳᠠᠭᠠᠭᠠᠮᠠᠯ᠂ ᠬᠠᠷᠢᠶᠠ ᠰᠤᠮᠤ᠂ ᠰᠦᠮᠡ ᠬᠡᠶᠢᠤᠨ᠂ ᠨᠤᠳᠤᠭ ᠤᠰᠤᠨ ᠤ ᠤᠯᠠᠨ ᠦᠭᠯᠢᠬᠡ | ᠶᠢᠨ ᠡᠵᠡᠨ ᠠᠴᠠ ᠡᠷᠬᠦᠭᠰᠡᠨ ᠰᠤᠭ ᠳᠡᠬᠡᠵᠢ᠂ ᠴᠠᠭᠠᠨ ᠢᠳᠡᠬᠡᠨ᠂ ᠬᠤᠨᠢ ᠢᠮᠠᠭᠠᠨ ᠤ ᠦᠤᠩᠡ ᠰᠢᠬᠦᠰᠤ ᠪᠡᠯᠡᠭ ᠰᠠᠯᠳᠠ ᠶᠢ ᠬᠤᠶᠠᠷ ᠤᠪᠤᠭᠠᠨ ᠤ ᠨᠢᠬᠡᠳᠤᠬᠡᠷ | ᠳᠡᠭᠳᠡᠷ ᠳᠡᠬᠡᠷᠡ ᠵᠡᠷᠬᠡᠴᠡᠬᠦᠯᠤᠨ ᠳᠠᠯᠪᠢᠵᠤ᠂ ᠳᠠᠭᠠᠭᠠᠮᠠᠯ ᠨᠢ ᠨᠢᠬᠡ ᠢᠮᠠᠭᠠᠨ ᠤ ᠵᠦᠪ ᠳᠠᠯᠠ ᠶᠢᠨ ᠬᠠ ᠮᠢᠬᠠ ᠶᠢ ᠲᠦᠬᠦᠬᠡᠢ ᠪᠠᠷ ᠪᠦᠰᠡᠨ ᠳᠡᠭᠡᠨ ᠰᠤᠶᠢᠷᠠᠵᠤ | ᠳᠤᠩ ᠪᠦᠷᠢᠶᠡ ᠳᠠᠳᠠᠬᠤ᠂ ᠴᠠᠩ ᠬᠡᠩᠬᠡᠷᠬᠡ ᠴᠤᠬᠢᠬᠤ᠂ ᠪᠢᠰᠬᠢᠬᠦᠷ ᠦᠯᠢᠶᠡᠬᠦ ᠵᠡᠷᠬᠡ ᠶᠢᠨ ᠠᠶᠢᠵᠠᠮ ᠳᠠᠭᠤᠨ ᠤ ᠳᠤᠮᠳᠠ ᠭᠤᠤᠯ ᠤᠨ 3 ᠤᠪᠤᠭᠠ ᠪᠤᠯᠤᠨ | ᠲᠦᠷᠪᠡᠨ ᠵᠦᠭ ᠤᠨ 4 ᠪᠠᠭᠠ ᠤᠪᠤᠭᠠ ᠲᠠᠢ ᠬᠠᠮᠳᠤ ᠳᠠᠬᠢᠵᠤ ᠵᠤᠯᠠ ᠬᠦᠵᠢ ᠡᠷᠬᠦᠵᠤ ᠨᠠᠮᠰᠠᠷᠠᠢ ᠶᠢᠨ ᠳᠠᠯᠠᠯᠭᠠ ᠳᠠᠯᠠᠯᠤᠨ᠂ ᠤᠪᠤᠭᠠ ᠪᠠᠨ ᠳᠠᠬᠢᠵᠤ | ᠳᠠᠭᠤᠰᠤᠮᠠᠭᠴᠠ ᠪᠠᠨ ᠮᠦᠨ ᠡᠳᠤᠷ ᠲᠡᠭᠡᠨ ᠤᠪᠤᠭᠠᠨ ᠤ ᠰᠤᠭ ᠳᠡᠬᠡᠵᠢ᠂ ᠬᠤᠨᠢᠨ ᠤᠭᠤᠴᠠ ᠳᠤᠯᠤᠭᠠᠢ ᠲᠠᠢ ᠨᠢ ᠤᠳᠤᠭ ᠬᠤᠰᠢᠭᠤᠨ ᠤ ᠶᠠᠮᠤᠨ ᠱᠠᠩ ᠳᠤ 2 | ᠮᠤᠷᠢᠨ ᠬᠦᠴᠤ ᠵᠠᠯᠭᠠᠵᠤ ᠬᠦᠷᠬᠡᠳᠡᠭ᠃ ᠬᠤᠰᠢᠭᠤᠨ ᠤ ᠶᠠᠮᠤ ᠱᠠᠩ ᠨᠢ ᠬᠠᠯᠠᠭᠤᠨ ᠢᠶᠠᠷ ᠤᠭᠳᠤᠨ ᠠᠪᠴᠤ ᠬᠦᠨᠳᠤᠤᠨᠬᠡᠨ ᠵᠤᠴᠢᠯᠠᠵᠤ 2 ᠴᠠᠢ᠂ 2 ᠳᠤᠷᠭᠠᠨ | ᠬᠠᠳᠠᠭ ᠤᠨ ᠬᠠᠷᠢᠭᠤ ᠪᠡᠯᠡᠭ ᠦᠭᠴᠤ ᠮᠤᠷᠳᠠᠭᠤᠯᠳᠠᠭ ᠪᠠᠶᠢᠵᠠᠢ᠃ | ᠪᠤᠰᠤᠤᠨ ᠨᠢ ᠰᠦᠮᠡ ᠶᠢᠨ ᠡᠬᠦᠳᠡᠨ ᠳᠠᠯᠠᠪᠠᠢ ᠳᠤ ᠴᠤᠭᠯᠠᠷᠠᠨ ᠤᠪᠤᠭᠠᠨ ᠤ ᠬᠡᠰᠢᠭ ᠢ ᠲᠦᠬᠡᠬᠡᠵᠤ᠂ ᠳᠠᠷᠠᠭᠠ ᠪᠠᠷ ᠨᠢ 36 ᠪᠦᠬᠡ ᠪᠠᠷᠢᠯᠳᠤᠵᠤ ᠤᠪᠤᠭᠠᠨ | ᠠᠴᠠ ᠡᠮᠤᠨᠡ ᠴᠢᠪᠠᠭᠠᠳᠤ ᠶᠢᠨ ᠤᠷᠤᠢ ᠠᠴᠠ 20 — 30 ᠮᠤᠷᠢᠨ ᠤ ᠤᠷᠤᠯᠳᠤᠭᠠᠨ ᠳᠠᠯᠪᠢᠬᠤ ᠵᠡᠷᠬᠡ ᠶᠢᠨ ᠤᠪᠤᠭᠠᠨ ᠨᠠᠶᠢᠷ ᠨᠠᠭᠠᠳᠤᠮ ᠢ ᠬᠢᠳᠡᠭ ᠪᠠᠶᠢᠵᠠᠢ᠃ | ᠲᠦᠷᠪᠡᠳᠡᠬᠢ ᠳᠠᠬᠢᠯᠭᠠ ᠨᠢ ᠠᠷᠪᠠᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠭᠤᠷᠪᠠᠨ ᠳᠤ ᠳᠠᠭᠠᠭᠠᠮᠠᠯ ᠳᠠᠷᠤᠭᠠ ᠬᠠᠮᠪᠤ ᠯᠠᠮᠠ ᠨᠠᠷ ᠪᠦᠷᠢᠳᠤᠨ ᠴᠤᠭᠯᠠᠷᠠᠵᠤ ᠬᠤᠶᠢᠳᠤ | ᠤᠪᠤᠭᠠᠨ ᠠᠴᠠ ᠰᠦᠮᠡ ᠳᠤ ᠬᠦᠷᠳᠡᠯᠡ ᠤᠯᠠᠭᠠᠨ ᠤᠳᠠᠰᠤ ᠳᠠᠳᠠᠵᠤ 10 ᠭᠠᠷᠤᠢ ᠯᠠᠮᠠ ᠨᠠᠷ 3 ᠡᠳᠤᠷ ᠤᠨ ᠭᠤᠩᠭᠠᠷ ᠬᠤᠷᠠᠵᠤ ᠬᠤᠨᠢᠨ ᠦᠤᠩᠡ ᠰᠢᠬᠦᠰᠤ᠂ | ᠰᠤᠭ ᠳᠡᠬᠡᠵᠢ᠂ ᠴᠠᠭᠠᠨ ᠢᠳᠡᠬᠡᠨ ᠢᠶᠠᠷ ᠳᠠᠬᠢᠵᠤ ᠳᠠᠭᠤᠰᠬᠠᠭᠠᠤᠨ ᠮᠦᠨ ᠡᠳᠤᠷ ᠲᠡᠭᠡᠨ ᠨᠢᠬᠡ ᠬᠠ ᠳᠤᠯᠤᠭᠠᠢ ᠲᠠᠢ ᠨᠢ ᠬᠤᠰᠢᠭᠤ ᠶᠠᠮᠤᠨ ᠱᠠᠩ ᠳᠤ ᠤᠭ ᠤᠨ | ᠳᠤᠭᠳᠠᠭᠠᠭᠰᠡᠨ ᠵᠤᠷᠰᠢᠯ ᠶᠤᠰᠤᠭᠠᠷ ᠬᠦᠷᠬᠡᠳᠡᠭ ᠪᠠᠶᠢᠵᠠᠢ᠃ | ᠰᠦᠮᠡᠳᠤ ᠶᠢᠨ ᠤᠪᠤᠭᠠᠨ ᠤ ᠤᠷᠤᠢ ᠠᠴᠠ ᠲᠦᠷᠪᠡᠨ ᠵᠦᠭ ᠤᠨ ᠤᠪᠤᠭᠠ ᠬᠦᠷᠳᠡᠯᠡ 10 ᠭᠠᠵᠠᠷ ᠤᠨ ᠳᠤᠳᠤᠷᠠ ᠠᠩ ᠠᠩᠨᠠᠵᠤ ᠪᠤᠯᠬᠤ ᠦᠬᠡᠢ᠂ ᠮᠤᠳᠤ | ᠪᠤᠷᠭᠠᠰᠤ ᠶᠢ ᠴᠠᠪᠴᠢᠵᠤ ᠪᠤᠯᠬᠤ ᠦᠬᠡᠢ᠂ ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠵᠤ ᠪᠤᠯᠬᠤ ᠦᠬᠡᠢ ᠵᠡᠷᠬᠡ ᠶᠢᠨ ᠬᠤᠷᠢᠭᠤᠯ ᠲᠠᠢ ᠪᠠᠶᠢᠵᠠᠢ᠃ | ᠪᠠᠰᠠ ᠳᠠᠬᠢᠯᠭᠠ ᠶᠢᠨ ᠡᠳᠤᠷ ᠤᠳ ᠲᠤ ᠤᠪᠤᠭᠠᠨ ᠤᠷᠤᠢ ᠳᠤ ᠠᠷᠢᠬᠢ ᠳᠠᠮᠠᠬᠢ ᠳᠠᠳᠠᠵᠤ ᠪᠤᠯᠬᠤ ᠦᠬᠡᠢ᠂ ᠬᠡᠷᠪᠡ ᠳᠡᠬᠡᠷᠡᠬᠢ ᠮᠡᠳᠤ ᠲᠦᠷᠢᠮ ᠢ ᠵᠦᠷᠢᠴᠡᠪᠡᠯ | ᠶᠠᠮᠤᠨ ᠳᠤ ᠠᠪᠠᠴᠢᠵᠤ ᠰᠢᠤᠨᠬᠡᠳᠡᠭ ᠪᠠᠶᠢᠵᠠᠢ᠃ | ᠳᠠᠷᠠ ᠦᠶᠡ ᠳᠤ ᠤᠪᠤᠭᠠᠨ ᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠮᠦᠩᠬᠦ ᠵᠤᠭᠤᠰ ᠵᠡᠷᠬᠡ ᠶᠢᠨ ᠵᠢᠰᠠ ᠲᠠᠢ ᠪᠦᠬᠡᠤᠨ ᠬᠤᠨᠢ ᠢᠮᠠᠭᠠ 200 ᠭᠠᠷᠤᠢ᠂ ᠦᠬᠡᠷ 40 ᠭᠠᠷᠤᠢ | ᠪᠠᠶᠢᠵᠠᠢ᠃ | ᠡᠳᠤᠬᠡ ᠰᠦᠮᠡᠳᠤ ᠰᠤᠮᠤᠨ ᠤ ᠤᠤᠨᠬᠠᠨᠪᠠᠪᠠ ᠤᠪᠤᠭᠠᠨ ᠤ ᠨᠠᠩᠰᠤ ᠶᠢᠨ ᠳᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠨ ᠪᠠᠶᠠᠨᠰᠦ᠋ᠮᠪᠤᠷ᠂ ᠠᠯᠳ᠋ᠬᠠᠠᠭᠤᠯᠠ ᠨᠠᠷ ᠤᠪᠤᠭᠠᠨ ᠤ | ᠳᠠᠭᠠᠭᠠᠮᠠᠯ ᠤᠨ ᠳᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠨ ᠤᠪᠤᠭᠠᠨ ᠯᠠᠮᠠ ᠨᠢ ᠴᠤᠭᠵᠢᠯ᠂ ᠳᠠᠮᠪᠠ ᠨᠠᠷ ᠡᠷᠬᠢᠯᠡᠨ ᠰᠦᠮᠡᠳᠤ ᠡᠷᠬᠡᠳᠤ 2 ᠨᠤᠳᠤᠭ ᠤᠰᠤᠨ ᠤ ᠤᠯᠠᠨ ᠲᠦᠮᠡᠨ ᠲᠠᠢ | ᠰᠦᠰᠦᠭ ᠬᠦᠴᠤ ᠪᠠᠨ ᠬᠠᠮᠳᠤᠤᠨᠬᠠᠵᠤ ᠬᠠᠭᠤᠴᠢᠨ ᠤᠪᠤᠭᠠ ᠤᠷᠤᠤᠨ ᠢᠶᠠᠨ ᠴᠦᠮ ᠰᠢᠨᠡᠤᠨᠬᠡᠨ ᠵᠠᠰᠠᠵᠤ᠂ ᠬᠠᠭᠤᠴᠢᠨ ᠰᠦᠮᠠ ᠶᠢᠨ ᠤᠷᠤᠮ ᠳᠡᠬᠡᠷᠡ 3 | ᠳᠠᠰᠤᠯᠭᠠ ᠤᠪᠤᠭᠠᠨ ᠰᠦᠮᠡ ᠶᠢ ᠪᠠᠶᠢᠭᠤᠯᠵᠤ ᠳᠤᠳᠤᠷᠠ ᠨᠢ ᠤᠭ ᠤᠨ ᠪᠠᠶᠢᠭᠰᠡᠨ ᠪᠤᠷᠬᠠᠨ ᠨᠤᠮ ᠰᠢᠳᠤᠬᠡᠨ ᠬᠢᠬᠡᠤᠨ ᠳᠠᠬᠢᠯ ᠤᠨ ᠬᠡᠷᠡᠭᠰᠡᠯ ᠢ ᠪᠦᠷᠢᠨ | ᠪᠦᠷᠢᠳᠤᠬᠦᠯᠦᠭᠰᠡᠨ ᠪᠦᠬᠡᠤᠨ ᠳᠡᠬᠦᠨ ᠤ ᠵᠡᠬᠦᠨ ᠳᠡᠷᠬᠡᠳᠠ 3 ᠳᠠᠰᠤᠯᠭᠠ ᠵᠢᠰᠠ ᠶᠢᠨ ᠪᠠᠶᠢᠰᠢᠩ᠂ 2 ᠳᠠᠰᠤᠯᠭᠠ ᠳᠤᠭᠤᠭᠠᠨ ᠬᠡᠷ ᠢ ᠪᠠᠷᠢᠵᠤ ᠯᠠᠮᠠ ᠬᠤᠸᠠᠷᠠᠭ ᠤᠨ | ᠰᠠᠭᠤᠬᠤ᠂ ᠬᠤᠯᠠ ᠤᠶᠢᠷᠠ ᠶᠢᠨ ᠵᠤᠴᠢᠨ ᠬᠡᠶᠢᠴᠢᠨ ᠦᠭᠯᠢᠬᠡ ᠶᠢᠨ ᠡᠵᠡᠤᠨ ᠢ ᠬᠦᠯᠢᠶᠡᠨ ᠠᠪᠴᠤ ᠤᠪᠤᠭᠠᠨ ᠤ ᠳᠠᠬᠢᠯᠭᠠ ᠰᠢᠳᠤᠯᠬᠡ ᠶᠢ ᠨᠢ ᠤᠭ ᠤᠨ ᠶᠤᠰᠤᠭᠠᠷ | ᠰᠡᠷᠬᠦᠬᠡᠨ ᠨᠠᠢᠮᠠᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠨᠢᠬᠡᠨ ᠠᠴᠠ ᠡᠬᠢᠯᠡᠨ ᠭᠠᠨᠵᠤᠤᠷ ᠵᠠᠯᠠᠵᠤ ᠪᠦᠳᠤᠬᠡᠬᠦᠯ ᠬᠤᠷᠠᠵᠤ ᠠᠷᠪᠠᠨ ᠭᠤᠷᠪᠠᠨ ᠠᠴᠠ ᠰᠦᠮᠡ ᠶᠢᠨ ᠡᠬᠦᠳᠠᠨ | ᠳᠠᠯᠠᠪᠠᠢ ᠳᠤ ᠴᠠᠮ ᠭᠠᠷᠭᠠᠵᠤ᠂ ᠳᠠᠷᠠᠭᠠ ᠪᠠᠷ ᠨᠢ ᠦᠤᠩᠡ ᠰᠢᠬᠦᠰᠤ᠂ ᠰᠤᠭ ᠳᠡᠬᠡᠵᠢ ᠪᠠᠷ ᠶᠡᠭᠡ ᠡᠷᠬᠦᠯᠳᠠ ᠡᠷᠬᠦᠵᠤ ᠤᠪᠤᠭᠠ ᠪᠠᠨ ᠳᠠᠬᠢᠳᠠᠭ᠃ ᠤᠪᠤᠭᠠ | ᠳᠠᠬᠢᠭᠰᠡᠨ ᠤ ᠳᠠᠷᠠᠭᠠ ᠪᠦᠬᠡ ᠪᠠᠷᠢᠯᠳᠤᠬᠤ᠂ ᠮᠤᠷᠢ ᠤᠷᠤᠯᠳᠤᠬᠤ᠂ ᠮᠤᠷᠢ ᠵᠢᠷᠤᠭᠠᠯᠠᠬᠤ ᠵᠡᠷᠬᠡ ᠤᠪᠤᠭᠠᠨ ᠤ ᠨᠠᠶᠢᠷ ᠨᠠᠭᠠᠳᠤᠮ ᠢ ᠰᠦᠷ ᠬᠦᠭᠵᠢᠶᠡᠨᠳᠠᠢ ᠬᠢᠳᠡᠭ | ᠪᠠᠶᠢᠨᠠ᠃ ᠪᠠᠰᠠ ᠤᠪᠤᠭᠠᠨ ᠳᠠᠬᠢᠯᠭᠠ ᠶᠢᠨ ᠡᠳᠤᠷ ᠤᠳ ᠲᠤ ᠤᠪᠤᠭᠠᠨ ᠳᠡᠷᠬᠡᠳᠠ ᠠᠷᠢᠬᠢ ᠳᠠᠮᠠᠬᠢ ᠳᠠᠳᠠᠬᠤ ᠶᠢ ᠳᠠᠰᠤ ᠴᠡᠬᠡᠷᠯᠡᠨ᠂ ᠳᠤᠭᠳᠠᠭᠠᠭᠰᠡᠨ ᠭᠠᠵᠠᠷ ᠲᠤ | ᠭᠠᠳᠠᠭᠠᠯᠠᠳᠠᠭ ᠵᠢᠷᠤᠮ ᠭᠤᠷᠢᠮᠳᠠᠢ ᠪᠠᠶᠢᠳᠠᠭ ᠶᠤᠮ᠃ | ᠡᠨᠡ ᠤᠪᠤᠭᠠᠨ ᠤ ᠳᠤᠬᠠᠢ ︽ᠠᠯᠳᠠᠨ ᠭᠠᠨᠳᠠᠷᠢ︾ ᠰᠡᠤᠨᠬᠦᠯ ᠳᠡᠬᠡᠷᠡ ᠡᠶᠢᠮᠤ ᠨᠢᠬᠡᠨ ᠳᠤᠮᠤᠭ ᠪᠠᠶᠢᠳᠠᠭ᠄ | ︽ᠡᠷᠳᠠ ᠦᠶᠡ ᠳᠤ ᠪᠠᠷᠠᠭᠤᠨ ᠭᠠᠵᠠᠷ ᠠᠴᠠ ᠨᠢᠬᠡᠨ ᠳᠠᠩᠭᠤᠤᠨ ᠯᠠᠮᠠ ᠢᠷᠡᠵᠤ ᠤᠳᠤ ᠶᠢᠨ ᠨᠤᠭᠤᠭᠠᠨ ᠪᠤᠯᠠᠭ ᠤᠨ ᠡᠬᠢᠨ ᠳᠡᠬᠡᠷᠡ ᠨᠤᠭᠤᠭᠠᠨ ᠵᠤᠤ ᠪᠠᠨ | ᠪᠠᠶᠢᠭᠤᠯᠵᠤ᠂ ᠨᠤᠮ ᠪᠢᠰᠢᠯᠭᠠᠨ ᠰᠠᠭᠤᠵᠤ ᠪᠠᠶᠢᠭᠠᠤᠨ ᠨᠢᠬᠡᠨ ᠪᠤᠳᠤᠯᠭᠠ ᠪᠤᠳᠤᠵᠤ ︿ᠰᠦᠮᠡ ᠪᠠᠶᠢᠭᠠᠤᠨ ᠤᠪᠤᠭᠠ ᠦᠬᠡᠢ ᠪᠠᠶᠢᠬᠤ ᠨᠢ ᠵᠤᠬᠢᠰ ᠦᠬᠡᠢ﹀ ᠬᠡᠵᠤ | ᠪᠤᠳᠤᠭᠠᠤᠨ ᠤᠶᠢᠷᠠ ᠤᠷᠴᠢᠮ ᠳᠤ ᠭᠠᠵᠠᠷ ᠦᠬᠡᠢ ᠳᠤᠯᠠ ᠨᠢᠬᠡᠮᠤᠰᠤᠨ ᠤᠳᠤ ᠶᠢᠨ ᠰᠦᠮᠡᠳᠤ ᠶᠢᠨ ᠤᠷᠤᠢ ᠳᠡᠬᠡᠷᠡ ᠤᠪᠤᠭᠠ ᠪᠠᠨ ᠪᠤᠰᠬᠠᠵᠤ ᠨᠤᠭᠤᠭᠠᠨ ᠵᠤᠤ ᠶᠢᠨ | ᠤᠪᠤᠭᠠ ᠬᠡᠮᠡᠨ ᠨᠡᠷᠡᠶᠢᠤᠨᠴᠤ ᠳᠠᠬᠢᠯᠭᠠ ᠰᠢᠳᠤᠯᠬᠡ ᠪᠠᠨ ᠬᠢᠵᠤ ᠬᠡᠨᠡ᠃ ᠢᠩᠬᠢᠵᠤ ᠪᠠᠶᠢᠳᠠᠯᠠ ᠬᠡᠨᠡᠤᠨᠳᠠ ᠭᠠᠢ ᠭᠠᠵᠠᠷ ᠳᠤᠤᠷᠠ ᠠᠴᠠ ᠭᠠᠯᠠᠭᠤ ᠤᠰᠤᠨ ᠳᠤᠳᠤᠷᠠ | ᠠᠴᠠ ᠬᠡᠳᠡᠭᠴᠢᠯᠡᠨ ᠨᠢᠬᠡᠨ ᠦᠶᠡ ᠳᠤ ᠨᠢᠩᠰᠢᠶᠠ ᠶᠢᠨ ᠬᠤᠳᠤᠩ ᠦᠨᠳᠤᠰᠤᠳᠠᠨ ᠤ ᠮᠠᠭᠤ ᠬᠤᠯᠠᠭᠠᠢ ᠢᠷᠡᠵᠤ ᠨᠤᠳᠤᠭ ᠤᠰᠤᠨ ᠢ ᠲᠤᠶᠢᠪᠡᠬᠡᠵᠤ ᠦᠪ ᠬᠦᠷᠤᠩᠬᠡ | ᠶᠢ ᠳᠡᠬᠡᠷᠡᠮᠳᠡᠨ᠂ ᠰᠦᠮᠡ ᠬᠡᠶᠢᠤᠨ ᠢ ᠲᠦᠯᠡᠬᠦ ᠳᠤ ᠨᠤᠭᠤᠭᠠᠨ ᠵᠤᠤ ᠰᠦᠮᠡ ᠴᠤ ᠲᠦᠯᠡᠭᠳᠡᠬᠡᠤᠨ ᠦᠨᠡᠰᠤᠨ ᠳᠤᠪᠷᠠᠭ ᠪᠤᠯᠵᠠᠢ᠃ ᠬᠤᠵᠢᠮ ᠨᠢ ᠡᠨᠡ ᠰᠦᠮᠡ ᠶᠢᠨ | ᠤᠷᠤ ᠶᠢ ᠨᠢ ᠰᠢᠯᠵᠢᠬᠦᠯᠤᠨ ᠤᠪᠤᠭᠠᠨ ᠤ ᠪᠠᠷᠠᠭᠤᠨ ᠬᠠᠵᠠᠭᠤ ᠳᠡᠬᠡᠷᠡ ᠨᠢ 3 ᠳᠠᠰᠤᠯᠭᠠ ᠰᠦᠮᠡ ᠪᠠᠶᠢᠭᠤᠯᠤᠭᠰᠡᠨ ᠠᠴᠠ ᠰᠦᠮᠡ ᠲᠠᠢ ᠤᠪᠤᠭᠠ ᠬᠡᠵᠤ ᠨᠡᠷᠡᠶᠢᠤᠨᠬᠦ | ᠪᠤᠯᠵᠠᠢ᠃ | ᠳᠠᠷᠠᠭᠠ ᠪᠠᠷ ᠨᠢ ᠤᠳᠤᠭ ᠬᠤᠰᠢᠭᠤᠨ ᠤ ᠸᠠᠩ ᠤᠨ ᠤᠷᠳᠤᠨ ᠠᠴᠠ ᠬᠤᠰᠢᠭᠤ ᠠᠷᠪᠠᠨ ᠭᠤᠷᠪᠠᠨ ᠤᠪᠤᠭᠠ ᠳᠠᠬᠢᠬᠤ ᠭᠠᠵᠠᠷ ᠨᠤᠳᠤᠭ ᠢ ᠰᠢᠨᠵᠢᠵᠤ | ᠶᠠᠪᠤᠭᠰᠠᠭᠠᠷ ᠰᠦᠮᠡ ᠲᠠᠢ ᠤᠪᠤᠭᠠᠨ ᠤ ᠭᠠᠵᠠᠷ ᠤᠨ ᠪᠠᠶᠢᠴᠠ ᠨᠢ ᠦᠨᠳᠤᠷ ᠰᠦᠷᠯᠢᠭ ᠦᠵᠡᠰᠬᠦᠯᠠᠩ ᠰᠠᠶᠢᠬᠠᠨ ᠢ ᠦᠵᠡᠬᠡᠤᠨ ︿ᠬᠤᠰᠢᠭᠤ ᠸᠠᠩ ᠤᠨ ᠤᠷᠳᠤᠨ ᠤ | ᠰᠢᠭᠤᠤᠨ ᠳᠠᠬᠢᠯᠭᠠ ᠶᠢᠨ ᠤᠪᠤᠭᠠ﹀ ᠪᠤᠯᠭᠠᠬᠤ ᠪᠠᠷ ᠡᠵᠡᠨ ᠵᠤᠷᠭᠠᠨ ᠳᠤ ᠮᠡᠳᠡᠬᠦᠯᠵᠤ ᠵᠦᠪᠰᠢᠶᠡᠷᠡᠬᠦᠯᠤᠬᠡᠤᠨ ᠬᠤᠰᠢᠭᠤ ᠠᠷᠪᠠᠨ ᠭᠤᠷᠪᠠᠨ ᠤᠪᠤᠭᠠᠨ ᠤ ᠨᠢᠬᠡ | ᠪᠤᠯᠭᠠᠵᠤ ᠳᠡᠷᠬᠡᠳᠡᠬᠢ ᠰᠦᠮᠠ ᠪᠠᠷ ᠨᠢ ᠰᠦᠮᠡᠳᠤ ᠶᠢᠨ ᠤᠪᠤᠭᠠ ᠬᠡᠵᠤ ᠨᠡᠷᠡᠶᠢᠳᠦᠭᠰᠡᠨ︾ ᠬᠡᠳᠡᠭ᠃ | |