| ᠦᠭᠦᠴᠡ ᠭᠠᠷᠭᠠᠬᠤ ᠴᠠᠭ ᠬᠤᠭᠤᠴᠠᠭᠠ ᠬᠢᠬᠡᠳ ᠪᠡᠯᠡᠳᠭᠡᠯ | ᠣᠷᠳᠣᠰ ᠲᠤ ᠪᠠᠭᠠ ᠮᠠᠯ ᠤᠨ ᠦᠭᠦᠴᠡ ᠶᠢ ᠪᠠᠷᠤᠭ ᠪᠠᠭᠠ ᠴᠠᠰᠣᠨ ᠤ ᠦᠶᠡ ᠳᠤ ᠲᠤᠬᠢᠶᠠᠯᠳᠣᠭᠤᠯᠤᠨ ᠭᠠᠷᠭᠠᠳᠠᠭ᠃ ᠡᠨᠡ ᠨᠢ ᠣᠷᠳᠣᠰ ᠤᠨ ᠬᠤᠪᠢ | ᠰᠠᠷᠠ ᠶᠢᠨ ᠦᠶᠡ ᠪᠤᠯᠤᠨᠠ᠃ ᠪᠤᠳᠠ ᠮᠠᠯ ᠤᠨ ᠦᠭᠦᠴᠡ ᠶᠢ ᠶᠡᠭᠡ ᠴᠠᠰᠣᠨ ᠤ ᠦᠶᠡ ᠪᠠᠷ ᠭᠠᠷᠭᠠᠳᠠᠭ᠃ ᠡᠨᠡ ᠦᠶᠡ ᠳᠤ ᠦᠭᠦᠴᠡ ᠭᠠᠷᠭᠠᠳᠠᠭ ᠨᠢ ᠨᠢᠭᠡ ᠳᠤ᠂ | ᠡᠪᠡᠰᠦᠨ ᠴᠢᠨᠠᠷ᠂ ᠵᠡᠮᠵᠢᠶᠡ ᠬᠤᠷᠤᠭᠳᠠᠬᠤ ᠠᠴᠠ ᠣᠷᠢᠳᠴᠢᠯᠠᠵᠤ᠂ ᠬᠤᠶᠠᠷ ᠲᠤ᠂ ᠳᠡᠭᠷᠢ ᠶᠡᠭᠡ ᠬᠦᠢᠳᠡᠷᠡᠵᠤ ᠮᠠᠯ ᠤᠨ ᠳᠠᠷᠭᠤ ᠬᠦᠴᠦ ᠰᠣᠯᠠᠷᠠᠬᠤ ᠠᠴᠠ | ᠪᠤᠯᠭᠤᠮᠵᠢᠯᠠᠵᠤ᠂ ᠭᠤᠷᠪᠠ ᠳᠤ᠂ ᠦᠭᠦᠴᠡᠨ ᠮᠢᠬᠠ ᠪᠠᠨ ᠬᠠᠳᠠᠭᠠᠯᠠᠵᠤ ᠬᠦᠯᠳᠡᠭᠡᠭᠦ ᠳᠤ ᠠᠮᠠᠷ ᠢ ᠪᠤᠳᠣᠭᠰᠡᠨ ᠬᠡᠷᠡᠭ ᠶᠤᠮ᠃ | ᠣᠷᠳᠣᠰᠴᠣᠳ ᠦᠭᠦᠴᠡ ᠭᠠᠷᠭᠠᠬᠤ ᠠᠴᠠ ᠡᠮᠤᠨᠡ᠂ ᠦᠭᠦᠴᠡᠨ ᠮᠠᠯ ᠢᠶᠠᠨ ᠡᠪᠡᠰᠦᠨ ᠤ ᠰᠣᠷ᠂ ᠣᠰᠣᠨ ᠤ ᠲᠤᠩᠭᠠᠯᠠᠭ ᠲᠤ ᠪᠡᠯᠴᠢᠭᠡᠷᠯᠡᠭᠦᠯᠵᠤ᠂ ᠬᠦᠴᠦ | ᠳᠠᠷᠭᠤ ᠰᠠᠶᠢᠳᠣᠷ ᠠᠪᠤᠭᠤᠯᠳᠠᠭ᠃ ᠳᠡᠷᠡᠴᠢᠯᠡᠨ ᠭᠡᠷ ᠤᠨ ᠪᠤᠳᠠᠳᠣ ᠪᠠᠶᠢᠳᠠᠯ᠂ ᠵᠠᠷᠤᠯᠭᠠ ᠭᠠᠷᠤᠯᠭᠠ ᠪᠠᠨ ᠦᠨᠳᠦᠰᠦᠯᠡᠨ᠂ ᠦᠭᠦᠴᠡᠯᠡᠬᠦ ᠮᠠᠯ ᠤᠨ ᠲᠤᠭᠠ ᠪᠠᠨ | ᠲᠤᠭᠳᠠᠭᠠᠳᠠᠭ᠃ ᠦᠭᠦᠴᠡ ᠬᠢᠬᠦ ᠴᠠᠭ ᠦᠢᠷᠠᠳᠬᠤ ᠳᠤ ᠦᠭᠦᠴᠡᠨ ᠮᠠᠯ ᠢᠶᠠᠨ ᠭᠡᠷ ᠤᠨ ᠢᠶᠠᠨ ᠦᠢᠷᠠ ᠵᠠᠭᠤᠷᠠ ᠠᠷᠠᠴᠢᠯᠠᠨ ᠳᠡᠵᠢᠭᠡᠵᠤ ᠪᠠᠶᠢᠳᠠᠭ᠃ ᠦᠭᠦᠴᠡ ᠬᠢᠬᠦ | ᠡᠳᠣᠷ ᠲᠤᠯᠤᠮᠠᠭᠴᠠ ᠬᠠᠮᠵᠢᠵᠤ ᠬᠠᠪᠰᠣᠷᠣᠭᠤᠯᠬᠤ ᠠᠶᠢᠯ ᠰᠠᠭᠠᠬᠠᠯᠳᠠ ᠶᠢᠨ ᠬᠦᠮᠦᠰ ᠢ ᠳᠠᠭᠤᠳᠠᠳᠠᠭ᠃ ᠦᠭᠦᠴᠡ ᠬᠢᠬᠦ ᠳᠤ ᠦᠭᠦᠴᠡᠨ ᠮᠠᠯ ᠢᠶᠠᠨ ᠣᠰᠣᠯᠠᠳᠠᠭ | ᠦᠭᠡᠢ᠂ ᠣᠰᠣᠯᠠᠪᠠᠯ ᠴᠢᠰᠣ ᠨᠢ ᠠᠷᠪᠢᠳᠴᠣ᠂ ᠮᠢᠬᠠ ᠠᠷᠠᠰᠣ ᠶᠢ ᠨᠢ ᠣᠯᠠᠶᠢᠯᠭᠠᠳᠠᠭ᠃ ᠮᠠᠯ ᠨᠢᠳᠣᠯᠬᠤ ᠠᠴᠠ ᠡᠮᠤᠨᠡ᠂ ᠮᠢᠬᠠᠨ ᠤ ᠡᠯᠭᠦᠭᠦᠷ᠂ ᠳᠡᠪᠢᠭᠦᠷ᠂ ᠸᠠᠭᠠᠷ | ᠰᠠᠪᠠ ᠪᠠᠨ ᠪᠦᠷᠢᠨ ᠳᠦᠭᠦᠷ ᠴᠡᠪᠡᠷᠯᠡᠨ᠂ ᠬᠢᠳᠤᠭᠠ ᠪᠠᠨ ᠪᠢᠯᠡᠭᠦᠳᠡᠵᠤ ᠢᠷᠯᠡᠳᠡᠭ᠃ ᠦᠭᠦᠴᠡᠨ ᠮᠠᠯ ᠤᠨ ᠢᠶᠠᠨ ᠰᠡᠭᠦᠯ ᠪᠤᠶᠤ ᠬᠦᠵᠦᠭᠦᠨ ᠤ ᠭᠡᠰᠡᠭ ᠠᠴᠠ ᠨᠢᠭᠡ | ᠣᠷᠢᠶᠠᠮᠠᠭ ᠣᠩᠭᠠᠰᠣ ᠦᠰᠦ ᠶᠢ ᠨᠢ ᠠᠪᠴᠣ ᠬᠤᠷᠢᠶᠠᠳᠠᠭ᠃ ᠡᠨᠡ ᠨᠢ ᠮᠠᠯ ᠤᠨ ᠢᠶᠠᠨ ᠪᠤᠶᠠᠨ ᠭᠡᠰᠢᠭ ᠢ ᠦᠯᠡᠳᠡᠭᠡᠵᠤ ᠠᠪᠴᠣ ᠪᠠᠶᠢᠬᠤ ᠬᠡᠷᠡᠭ ᠶᠤᠮ᠃ ᠦᠭᠦᠴᠡᠨ | ᠮᠠᠯ ᠢ ᠨᠢᠳᠣᠯᠬᠤ ᠪᠠᠷ ᠠᠯᠢ ᠪᠤᠯᠬᠤ ᠪᠠᠷ ᠮᠠᠯ ᠴᠦᠭᠡᠨ ᠨᠢᠳᠦᠯᠣᠭᠰᠡᠨ ᠵᠠᠯᠠᠭᠤ ᠬᠦᠮᠦᠨ ᠪᠠᠶᠢᠪᠠᠯ ᠰᠠᠶᠢᠨ᠃ ᠡᠶᠢᠮᠤ ᠬᠦᠮᠦᠨ ᠤ ᠨᠢᠳᠦᠯᠣᠭᠰᠡᠨ ᠮᠠᠯ ᠤᠨ ᠠᠮᠢ ᠨᠢ | ᠲᠦᠷᠭᠡᠨ ᠳᠠᠰᠣᠷᠠᠳᠠᠭ ᠪᠦᠭᠡᠳ ᠱᠦᠯᠦ ᠣᠰᠣ ᠨᠢ ᠴᠢᠩᠭᠠ ᠭᠡᠵᠤ ᠬᠡᠯᠡᠯᠴᠡᠳᠡᠭ᠂ ᠣᠷᠳᠣᠰ ᠲᠤ ᠦᠭᠦᠴᠡᠨ ᠮᠠᠯ ᠤᠨ ᠭᠡᠳᠡᠰᠣ ᠳᠣᠳᠣᠷ ᠢ ᠴᠡᠪᠡᠷᠯᠡᠬᠦ ᠳᠤ | ᠶᠡᠷᠤᠩᠭᠡᠢ ᠳᠤ ᠪᠠᠨ ᠡᠮᠡᠭᠳᠡᠢ ᠬᠦᠮᠦᠨ ᠣᠷᠣᠯᠴᠠᠳᠠᠭ ᠲᠤᠯᠠ ᠬᠦᠷᠦᠯᠴᠡᠭᠦ᠋ᠢᠴᠡ ᠴᠢᠳᠠᠪᠤᠷᠢᠳᠠᠢ ᠡᠮᠡᠭᠳᠡᠶᠢᠴᠣᠳ ᠪᠠᠶᠢᠬᠤ ᠴᠢᠬᠤᠯᠠ ᠲᠠᠢ᠃ |