| ᠳᠡᠭᠵᠢᠷᠬᠡᠨ ᠬᠡᠤᠬᠡᠨ ᠲᠦᠷᠤᠯᠬᠢ ᠲᠦᠯᠡᠢ ᠶᠠᠪᠠ ᠪᠠᠶᠢᠵᠤ ᠡᠮᠡᠭᠡ ᠡᠪᠦᠭᠡ ᠲᠠᠢ ᠪᠠᠨ ᠬᠠᠮᠳᠤ ᠦᠰᠴᠠᠢ᠃ ᠡᠪᠦᠭᠡ ᠡᠮᠡᠭᠡ ᠨᠢ ᠳᠡᠬᠦᠨ ᠢ ᠠᠷᠪᠢᠨ ᠭᠠᠵᠠᠷ | ᠡᠮᠨᠡᠬᠦᠯᠵᠤ ᠵᠠᠰᠠᠭᠰᠠᠨ ᠴᠤ ᠢᠯᠡᠷᠬᠡᠢ ᠬᠤᠪᠢᠷᠠᠯᠳᠠ ᠭᠠᠷᠤᠭᠰᠡᠨ ᠦᠬᠡᠢ᠃ ᠳᠠᠷᠠ᠂ ᠲᠦᠯᠠᠢ ᠶᠠᠪᠠ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠭᠤᠷᠪᠠᠨ ᠵᠢᠯ ᠰᠤᠷᠤᠯᠴᠠᠵᠤ᠂ | ᠬᠦᠬᠡᠬᠤᠳᠠ ᠶᠢᠨ ᠡᠷᠡᠬᠦᠯᠵᠢᠯ ᠤᠨ ᠰᠤᠷᠭᠠᠭᠤᠯᠢ ᠳᠤ ᠨᠢᠬᠡ ᠵᠢᠯ ᠰᠤᠷᠤᠯᠴᠠᠵᠠᠢ᠃ 2012 ᠤᠨ ᠳᠤ ᠪᠡᠬᠡᠵᠢᠩ ᠳᠤ ᠤᠴᠢᠵᠤ ᠴᠢᠬᠢᠨ ᠤ ᠵᠤᠬᠢᠶᠠᠮᠠᠯ ᠵᠠᠰᠠᠯ | ᠬᠢᠭᠰᠡᠨ ᠠᠴᠠ ᠪᠠᠭᠠ ᠰᠠᠭᠠ ᠰᠤᠨᠤᠷ ᠲᠠᠢ ᠪᠤᠯᠤᠭᠰᠠᠨ ᠢᠶᠠᠷ 2013 ᠤᠨ ᠳᠤ ᠤᠳᠤᠭ ᠤᠨ ᠡᠮᠤᠨᠡᠳᠤ ᠬᠤᠰᠢᠭᠤᠨ ᠤ ᠳᠤᠷᠰᠢᠯᠳᠠ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ | ᠡᠩ ᠤᠨ ᠬᠡᠤᠬᠡᠤᠨ ᠲᠠᠢ ᠠᠳᠠᠯᠢ ᠪᠠᠷ ᠪᠢᠴᠢᠭ ᠦᠵᠡᠵᠤ᠂ ᠵᠢᠷᠭᠤᠳᠤᠭᠠᠷ ᠤᠨ ᠢᠶᠠᠨ ᠠᠮᠵᠢᠯᠳᠠᠳᠠᠢ ᠳᠡᠬᠦᠰᠬᠡᠵᠡᠢ᠃ ᠳᠠᠷᠠᠭᠠ ᠨᠢ᠂ ᠤᠳᠤᠭ ᠤᠨ ᠡᠮᠤᠨᠡᠳᠤ | ᠬᠤᠰᠢᠭᠤᠨ ᠤ ᠠᠵᠢᠯ ᠮᠡᠷᠬᠡᠵᠢᠯ ᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠤᠷᠠᠯᠢᠭ ᠤᠨ ᠮᠡᠷᠬᠡᠵᠢᠯ ᠢ ᠰᠤᠷᠴᠤ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠳᠡᠭᠵᠢᠷᠬᠡᠨ ᠬᠡᠤᠬᠡᠨ ᠬᠡᠳᠤᠶᠢᠪᠡᠷ ᠴᠢᠬᠢ ᠰᠤᠨᠤᠰᠬᠤ ᠦᠬᠡᠢ᠂ ᠦᠬᠡ ᠬᠡᠯᠡᠵᠤ ᠳᠠᠶᠢᠯᠬᠦ ᠦᠬᠡᠢ ᠴᠤ ᠰᠤᠷᠬᠤ ᠳᠤᠷᠠᠳᠠᠢ᠂ ᠰᠤᠨᠢᠭᠤᠴᠢ᠂ ᠰᠡᠴᠡᠨ ᠰᠡᠷᠬᠦᠯᠠᠩ | ᠬᠡᠤᠬᠡᠤᠨ ᠪᠠᠶᠢᠵᠤ᠂ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠵᠢᠷᠤᠭ ᠵᠢᠷᠤᠬᠤ᠂ ᠪᠦᠵᠢᠭ ᠦᠰᠤᠷᠬᠦ ᠳᠠᠯᠠ ᠪᠠᠷ ᠤᠨᠴᠠᠭᠠᠢ ᠠᠪᠢᠶᠠᠰ ᠲᠠᠢ ᠬᠡᠤᠬᠡᠤᠨ ᠪᠠᠶᠢᠵᠠᠢ᠃ ᠳᠡᠬᠦᠨ ᠤ | ᠡᠨᠡ ᠬᠦ ᠬᠦᠰᠡᠯ ᠮᠦᠷᠤᠬᠡᠳᠤᠯ ᠢ ᠳᠡᠮᠵᠢᠭᠰᠡᠨ ᠬᠠᠮᠤᠭ ᠤᠨ ᠬᠦᠨᠳᠤᠳᠠᠢ ᠪᠠᠭᠰᠢ ᠨᠢ ᠪᠤᠯ ᠤᠳᠤᠭ ᠤᠨ ᠡᠮᠤᠨᠡᠳᠤ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠤᠤᠯ ᠤᠨ | ᠳᠤᠭᠯᠠᠭᠴᠢ᠂ ᠤᠳᠤᠭ ᠤᠨ ᠡᠮᠤᠨᠡᠳᠤ ᠬᠤᠰᠢᠭᠤᠨ ᠤ ᠠᠵᠢᠯ ᠮᠡᠷᠬᠡᠵᠢᠯ ᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠤᠷᠠᠯᠢᠭ ᠤᠨ ᠪᠠᠭᠰᠢ ᠲᠦᠮᠡᠨᠵᠠᠶᠠᠭᠠ ᠶᠤᠮ᠃ | ᠲᠦᠮᠡᠨᠵᠠᠶᠠᠭᠠ ᠪᠠᠭᠰᠢ ᠳᠡᠭᠵᠢᠷᠬᠡᠨ ᠢ ᠲᠦᠯᠠᠢ ᠶᠠᠪᠠ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠬᠤ ᠠᠴᠠ ᠡᠬᠢᠯᠡᠨ ᠴᠢᠯᠤᠬᠡᠨ ᠬᠤᠭᠤᠴᠠᠭᠠᠨ ᠳᠤ ᠨᠢ ᠳᠡᠬᠦᠨ ᠳᠤ ᠪᠦᠵᠢᠭ | ᠵᠢᠭᠠᠵᠤ ᠦᠭᠴᠡᠢ᠃ ᠳᠡᠭᠵᠢᠷᠬᠡᠨ ᠨᠢᠬᠡ ᠤᠳᠠᠭᠠ ᠦᠪᠡᠷ ᠤᠨ ᠲᠦᠯᠡᠢ ᠶᠠᠪᠠ ᠳᠤ ᠪᠠᠨ ᠭᠤᠮᠤᠷᠬᠠᠵᠤ᠂ ᠡᠪᠦᠭᠡ ᠡᠮᠡᠭᠡ ᠲᠠᠢ ᠪᠠᠨ ᠬᠡᠷ ᠲᠤ ᠪᠠᠨ ᠰᠠᠭᠤᠨᠠ ᠬᠡᠵᠤ | ᠤᠬᠢᠯᠠᠵᠤ ᠤᠨᠵᠠᠶᠢᠭᠰᠡᠨ ᠳᠤ ᠡᠪᠦᠭᠡ ᠡᠮᠡᠭᠡ ᠨᠢ ᠬᠠᠰᠢ ᠯᠠ ᠳᠡᠬᠦᠨ ᠤ ᠬᠠᠮᠤᠭ ᠤᠨ ᠳᠤᠷᠠ ᠪᠠᠭᠠ ᠲᠠᠢ ᠪᠦᠵᠢᠭ ᠢ ᠨᠢ ᠰᠤᠷᠭᠠᠬᠤ ᠪᠠᠷ ᠲᠦᠮᠡᠨᠵᠠᠶᠠᠭᠠ ᠪᠠᠭᠰᠢ | ᠳᠤ ᠨᠢ ᠨᠠᠶᠢᠳᠠᠵᠠᠢ᠃ ᠲᠦᠮᠡᠨᠵᠠᠶᠠᠭᠠ ᠪᠠᠭᠰᠢ ᠳᠡᠬᠦᠨ ᠢ ᠳᠤᠷᠠᠳᠠᠶᠢᠶᠠ ᠬᠦᠯᠢᠶᠡᠨ ᠠᠪᠴᠤ ︽ᠮᠢᠨᠤ ᠦᠬᠢᠨ᠂ ᠪᠦᠵᠢᠭ ᠢᠶᠠᠨ ᠰᠠᠶᠢᠨ ᠰᠤᠷᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ | ᠪᠠᠰᠠ ᠪᠢᠴᠢᠭ ᠡᠷᠳᠡᠮ ᠢ ᠴᠤ ᠪᠤᠰᠤᠤᠨ ᠬᠡᠤᠬᠡᠤᠨ ᠲᠠᠢ ᠠᠳᠠᠯᠢ ᠰᠤᠷᠬᠤ ᠬᠡᠷᠡᠭᠳᠠᠢ ᠰᠢᠤ︾ ᠬᠡᠵᠤ ᠵᠤᠷᠢᠭᠵᠢᠭᠤᠯᠤᠭᠰᠠᠨ ᠳᠤ ᠳᠡᠷᠡ ︽ᠮᠢᠨᠤ ᠦᠬᠢᠨ ᠡ︾ ᠬᠡᠵᠤ | ᠳᠠᠭᠤᠳᠠᠭᠰᠡᠨ ᠳᠤ ᠨᠢ ︽ᠪᠢ ᠠᠪᠤ ᠲᠠᠢ ᠪᠤᠯᠤᠯᠠ︾ ᠬᠡᠮᠡᠨ ᠬᠦᠯ ᠭᠠᠵᠠᠷ ᠬᠦᠷᠬᠦ ᠦᠬᠡᠢ ᠪᠠᠶᠠᠷᠯᠠᠵᠤ ᠬᠤᠶᠠᠷ ᠡᠳᠤᠷ ᠢᠨᠢᠶᠡᠭᠰᠡᠨ ᠶᠤᠮ ᠬᠡᠳᠡᠭ ᠪᠢᠯᠡ᠃ | ᠴᠢᠷᠮᠠᠶᠢᠯᠭᠠ ᠬᠦᠮᠤᠨ ᠢ ᠭᠤᠮᠤᠳᠠᠭᠠᠬᠤ ᠦᠬᠡᠢ ᠨᠢ ᠦᠨᠡᠨ᠃ ᠪᠦᠵᠢᠭ ᠦᠰᠤᠷᠬᠦ ᠳᠤ ᠬᠦᠭᠵᠢᠮ ᠤᠨ ᠠᠶᠠ ᠴᠤᠬᠢᠯᠭᠠ ᠳᠠᠭᠠᠬᠤ ᠬᠡᠷᠡᠭᠳᠠᠢ ᠪᠤᠯᠤᠨᠠ᠃ ᠨᠢᠬᠡ | ᠴᠢᠬᠢ ᠰᠤᠨᠤᠰᠬᠤ ᠦᠬᠡᠢ ᠬᠦᠮᠤᠨ ᠳᠤ ᠬᠦᠭᠵᠢᠮ ᠤᠨ ᠠᠶᠠ ᠪᠠᠷ ᠪᠦᠵᠢᠭ ᠰᠤᠷᠭᠠᠨᠠ ᠬᠡᠵᠤ ᠪᠠᠰᠠ ᠳᠠᠶᠢᠮᠤ ᠠᠮᠠᠷᠬᠠᠨ ᠠᠵᠢᠯ ᠪᠢᠰᠢ ᠬᠡᠳᠡᠭ ᠨᠢ ᠮᠡᠳᠡᠬᠡᠵᠢ᠃ | ᠬᠡᠪᠡᠴᠤ ᠲᠦᠮᠡᠨᠵᠠᠶᠠᠭᠠ ᠪᠠᠭᠰᠢ ᠬᠦᠭᠵᠢᠮ ᠤᠨ ᠠᠶᠠ ᠴᠤᠬᠢᠯᠭᠠ ᠶᠢ ᠬᠤᠷᠤᠭᠤᠨ ᠤ ᠳᠤᠬᠢᠶᠠ ᠪᠠᠷ ᠢᠯᠡᠤᠨᠬᠡᠵᠤ᠂ ᠳᠡᠭᠵᠢᠷᠬᠡᠨ ᠬᠡᠤᠬᠡᠨ ᠨᠢ ᠳᠠᠭᠤ ᠶᠢ ︽ᠨᠢᠳᠤ︾ | ᠪᠠᠷ ᠢᠶᠠᠨ ︽ᠰᠤᠨᠤᠰᠤᠨ︾ ᠪᠠᠶᠢᠵᠤ᠂ ᠪᠠᠭᠰᠢ ᠶᠢᠨ ᠬᠢᠨᠢ ᠬᠠᠯᠠᠰᠢᠷᠠᠯ ᠦᠬᠡᠢ ᠳᠡᠬᠢᠨ ᠳᠠᠪᠳᠠᠨ ᠵᠢᠭᠠᠨ ᠵᠢᠯᠤᠭᠤᠳᠤᠭᠰᠡᠨ ᠤ ᠪᠠ ᠳᠡᠭᠵᠢᠷᠬᠡᠨ ᠬᠡᠤᠬᠡᠨ ᠤ ᠮᠤᠬᠤᠰᠢ | ᠦᠬᠡᠢ ᠵᠤᠷᠢᠭ ᠢᠶᠠᠷ ᠰᠤᠷᠴᠤ ᠡᠵᠡᠮᠰᠢᠭᠰᠡᠨ ᠤ ᠬᠦᠴᠤ ᠪᠠᠷ ᠮᠤᠩᠭᠤᠯ ᠪᠦᠵᠢᠭ ᠪᠠ ᠤᠳᠤᠬᠢᠴᠢᠯᠠᠭᠰᠡᠨ ᠪᠦᠵᠢᠭ ᠤᠳ ᠢ ᠭᠤᠶᠤ ᠰᠠᠶᠢᠬᠠᠨ ᠦᠰᠤᠷᠴᠤ ᠰᠤᠷᠤᠭᠰᠡᠨ | ᠠᠴᠠ ᠤᠯᠠᠨ ᠤᠳᠠᠭᠠᠨ ᠤ ᠳᠤᠮᠤ ᠬᠡᠯᠪᠡᠷᠢ ᠶᠢᠨ ᠦᠳᠡᠰᠢᠯᠡᠭᠡ ᠳᠤ ᠪᠤᠶᠤ ᠤᠷᠤᠨ᠂ ᠬᠤᠳᠠ ᠶᠢᠨ ᠳᠡᠰ ᠤᠨ ᠪᠦᠵᠢᠭ ᠤᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠭᠠᠤᠨ | ᠱᠠᠩᠨᠠᠯ ᠬᠦᠬᠢᠬᠦᠯᠤᠯ ᠬᠦᠷᠳᠡᠵᠤ᠂ ᠤᠯᠠᠨ ᠳᠠᠶᠠᠭᠠᠷ ᠤᠨ ᠮᠠᠭᠳᠠᠭᠠᠯ ᠰᠠᠶᠢᠰᠢᠶᠠᠯ ᠪᠠ ᠪᠠᠭ᠋ᠠᠷᠬᠠᠯ ᠪᠢᠰᠢᠷᠡᠯ ᠢ ᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠪᠦᠬᠡᠤᠨ ᠤᠷᠤᠨ ᠬᠤᠳᠠ ᠶᠢᠨ | ᠳᠡᠰ ᠤᠨ ︽ᠮᠤᠷᠠᠯ ᠰᠤᠷᠳᠠᠯ ᠲᠠᠢ ᠪᠠᠭᠠᠴᠤᠤᠨ︾ ᠤᠨ ᠢᠷᠠᠭᠤ ᠠᠯᠳᠠᠷ ᠤᠨ ᠴᠤᠯᠠ ᠶᠢ ᠴᠤ ᠤᠯᠠᠨ ᠤᠳᠠᠭᠠ ᠬᠦᠷᠳᠡᠵᠤ ᠶᠠᠪᠤᠭᠰᠡᠨ ᠪᠠᠶᠢᠨᠠ᠃ ᠨᠠᠩ | ᠪᠠᠶᠠᠷᠯᠠᠭᠤᠰᠢᠳᠠᠢ ᠨᠢ ᠦᠨᠤ ᠵᠢᠯ ᠦᠪᠤᠷ ᠮᠤᠩᠭᠤᠯ ᠤᠨ ᠴᠡᠴᠡᠷᠯᠢᠭ ᠤᠨ ᠪᠠᠭᠰᠢ ᠶᠢᠨ ᠳᠡᠬᠡᠳᠤ ᠰᠤᠷᠭᠠᠭᠤᠯᠢ ᠳᠤ ᠵᠢᠷᠤᠭ ᠤᠨ ᠮᠡᠷᠬᠡᠵᠢᠯ ᠢᠶᠠᠷ ᠡᠯᠰᠡᠭᠳᠡᠭᠰᠡᠨ ᠨᠢ | ᠳᠡᠭᠵᠢᠷᠬᠡᠨ ᠬᠡᠤᠬᠡᠨ ᠪᠠ ᠳᠡᠬᠦᠨ ᠤ ᠬᠡᠷ ᠪᠦᠯᠢ ᠶᠢᠨ ᠬᠢᠨ ᠳᠤ ᠳᠤᠩ ᠶᠡᠭᠡ ᠪᠠᠶᠠᠷᠳᠤ ᠤᠴᠢᠷ ᠪᠤᠯᠵᠠᠢ᠃ | ᠪᠢᠳᠠ ᠳᠡᠭᠵᠢᠷᠬᠡᠨ ᠳᠤ ᠪᠠᠨ ᠪᠠᠶᠠᠷ ᠬᠦᠷᠬᠡᠵᠤ᠂ ᠳᠡᠬᠦᠨ ᠤ ᠬᠦᠮᠤᠨ ᠤ ᠠᠮᠢᠳᠤᠷᠠᠯ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠬᠦᠰᠡᠯ ᠮᠦᠷᠤᠬᠡᠳᠤᠯ ᠨᠢ ᠡᠷᠳᠡ ᠨᠢᠬᠡᠨ ᠡᠳᠤᠷ | ᠪᠡᠶᠡᠯᠡᠭᠳᠡᠬᠦ ᠶᠢᠨ ᠰᠠᠶᠢᠬᠠᠨ ᠵᠦᠩᠨᠡᠯ ᠢ ᠳᠡᠪᠰᠢᠬᠦᠯᠬᠦ ᠶᠢᠨ ᠬᠠᠮᠳᠤ ᠳᠡᠬᠦᠨ ᠢ ᠬᠠᠪᠰᠤᠷᠤᠨ ᠳᠡᠮᠵᠢᠭᠰᠡᠨ ᠪᠦᠬᠦᠶᠢᠯᠡ ᠬᠠᠶᠢᠷᠠ ᠬᠠᠯᠠᠮᠵᠢᠳᠤ ᠬᠦᠮᠤᠰ ᠲᠤ ᠪᠠᠨ | ᠬᠠᠯᠠᠭᠤᠨ ᠮᠡᠨᠳᠤᠴᠢᠯᠠᠯ ᠪᠠ ᠴᠢᠩ ᠰᠡᠤᠨᠬᠢᠯ ᠤᠨ ᠬᠦᠨᠳᠤᠤᠨᠬᠡᠯ ᠳᠡᠪᠰᠢᠬᠦᠯᠤᠶᠠ︕ | | | | | | | | | | | |