| ᠨᠠᠶᠠ ᠶᠢᠰᠥᠨ ᠤᠨ ᠤ ᠨᠠᠮᠤᠷ | | | ᠭᠥᠮᠥᠨ ᠤᠯᠠᠩᠬᠢ ᠤᠴᠢᠷ ᠤᠳ ᠢᠶᠠᠨ ᠬᠤᠨᠤᠭ ᠡᠳᠥᠷ ᠤᠨ ᠤᠳᠠᠭᠠᠨ ᠳᠤ ᠮᠠᠷᠳᠠᠴᠢᠬᠠᠳᠠᠭ ᠨᠢ ᠯᠠᠪ᠂ ᠭᠡᠭᠦ ᠳᠤ ᠤᠯᠠᠨ ᠵᠢᠯ ᠤᠨ ᠲᠡᠷᠳᠡᠭᠡ ᠳᠤ ᠪᠤᠯᠵᠤ | ᠥᠩᠭᠡᠷᠡᠭᠰᠡᠨ ᠵᠠᠷᠢᠮ ᠶᠠᠪᠤᠳᠠᠯ ᠬᠠᠷᠢᠨ ᠰᠡᠳᠬᠢᠯ ᠳᠤ ᠲᠡᠷᠡ ᠴᠢᠭ ᠢᠶᠠᠷ ᠥᠯᠡᠵᠤ ᠴᠡᠭᠡᠵᠢᠨ ᠳᠤ ᠬᠠᠳᠠᠭᠰᠢᠭᠰᠠᠨ ᠪᠠᠶᠢᠳᠠᠭ ᠢ ᠬᠡᠵᠢᠶᠡ ᠬᠤᠶᠢᠨᠠ ᠶᠠᠮᠠᠷ ᠨᠢᠭᠡᠨ ᠴᠠᠭ | ᠲᠤ ᠨᠢᠭᠳᠠᠯᠠᠨ ᠡᠷᠬᠢᠴᠡᠭᠦᠯᠭᠦᠳᠥ ᠲᠡᠷᠡ ᠪᠠᠷ ᠮᠠᠰᠢ ᠲᠤᠳᠤᠷᠬᠠᠢ ᠪᠤᠯᠵᠤ᠂ ᠥᠴᠥᠭᠡᠳᠥᠷᠭᠡᠨ ᠥᠩᠭᠡᠷᠡᠭᠰᠡᠨ ᠥᠢᠯᠡ ᠮᠡᠳᠤ ᠰᠠᠨᠠᠭᠠᠨ ᠳᠤ ᠲᠤᠳᠤᠷᠠᠨ ᠨᠢᠳᠥᠨ ᠳᠤ | ᠥᠵᠡᠭᠳᠡᠭᠦ ᠮᠡᠳᠤ ᠪᠤᠯᠳᠠᠭ ᠴᠤ ᠪᠤᠢ᠃ | ᠬᠡᠳᠤ ᠬᠤᠨᠤᠭ ᠤᠨ ᠤᠷᠢᠳᠠᠢ᠂ ᠨᠥᠭᠦᠳ ᠤᠨ ᠨᠠᠶᠢᠷ ᠲᠤ ᠪᠠᠭᠰᠢ ᠶᠢᠨ ᠢᠶᠠᠨ ᠲᠡᠷᠭᠡᠳᠡ ᠡᠨᠡ ᠲᠡᠷᠡ ᠶᠢ ᠶᠠᠷᠢᠯᠴᠠᠨ ᠰᠠᠭᠤᠬᠤ ᠵᠠᠭᠤᠷᠠ᠂ ᠪᠠᠭᠰᠢ ᠮᠢᠨᠢ᠄ | ︽ᠭᠥᠮᠥᠨ ᠭᠥᠮᠥᠨ ᠳᠤ ᠪᠠᠨ ᠲᠠᠰᠤᠨᠠ ᠭᠡᠭᠴᠢ ᠪᠠᠰᠠ ᠰᠠᠶᠢᠬᠠᠨ ᠤᠴᠢᠷ ᠰᠢᠤ᠃ ᠴᠢ ᠲᠡᠷᠡ ᠥᠵᠡᠭᠦᠢ᠂ ᠲᠡᠷᠡ ᠭᠡᠳᠤ ᠶᠢᠨ ᠪᠢᠵᠢᠬᠢᠨᠡᠵᠥ ᠪᠠᠶᠢᠬᠤ ᠶᠢ︕︾ | ᠭᠡᠵᠥ ᠵᠢᠭᠠᠭᠰᠠᠨ ᠢᠶᠠᠷ ᠭᠠᠷ ᠢ ᠨᠢ ᠲᠠᠭᠠᠭᠤᠯᠤᠨ ᠬᠠᠷᠠᠪᠠᠯ᠂ ᠲᠤᠭᠤᠷᠠ ᠡᠷᠬᠢᠵᠤ ᠠᠯᠳᠠᠭᠰᠠᠨ ᠨᠢᠭᠡ ᠶᠢ ᠪᠠᠨ ᠲᠠᠶᠢᠰᠠᠨ ᠳᠤ ᠲᠠᠭᠤᠤ ᠲᠠᠭᠤᠯᠠᠭᠤᠯᠬᠤ ᠭᠡᠵᠤ ᠬᠤᠶᠠᠷ | ᠨᠢ ᠰᠠᠭᠤᠳᠠᠯ ᠠᠴᠠ ᠨᠢ ᠴᠢᠷᠴᠤ ᠪᠠᠶᠢᠳᠠᠯᠠ ᠠᠷᠤ ᠠᠴᠠ ᠨᠢ ᠪᠠᠰᠠ ᠬᠤᠶᠠᠷ ᠤᠴᠢᠵᠤ ᠲᠥᠷᠪᠡᠭᠦᠯᠡ ᠨᠢᠭᠡ ᠶᠢ ᠪᠠᠨ ᠲᠥᠷᠪᠡᠨ ᠮᠥᠴᠢ ᠠᠴᠠ ᠨᠢ ᠲᠡᠭᠦᠵᠢᠯᠡᠵᠤ | ᠠᠪᠠᠴᠢᠬᠤ ᠪᠠᠷ ᠵᠠᠪᠳᠤᠵᠤ ᠪᠤᠢ ᠥᠵᠡᠭᠳᠡᠪᠡ᠃ ᠪᠠᠭᠰᠢ ᠮᠢᠨᠢ ᠵᠠᠯᠭᠠᠭᠠᠳ᠄ ︽ᠡᠨᠡ ᠰᠡᠴᠡᠨᠪᠤᠯᠠᠭ᠂ ᠲᠡᠷᠡ ᠥᠶᠡ ᠳᠤ ᠨᠢᠭᠡ ᠪᠠᠨᠳᠠᠶᠢᠭᠰᠠᠨ ᠲᠤᠯᠤᠭᠠᠢ ᠲᠠᠢ | ᠵᠤᠷᠤᠭᠤᠷ ᠪᠠᠨᠳᠢ ᠪᠠᠶᠢᠭᠰᠠᠨ᠂ ᠤᠳᠤ ᠨᠠᠷᠢᠨ ᠠᠵᠢᠪᠡᠯ ᠪᠡᠶᠡ ᠬᠠᠳᠠ ᠨᠢ ᠬᠤᠪᠢᠷᠠᠭᠰᠠᠨ ᠠᠴᠠ ᠪᠢᠰᠢ᠂ ᠲᠡᠷᠡ ᠲᠥᠷᠰᠥᠭᠦᠶᠢᠳᠡᠵᠤ ᠢᠨᠢᠶᠡᠵᠤ ᠪᠠᠶᠢᠭᠠ ᠴᠢᠷᠠᠢ ᠶᠢ ᠨᠢ | ᠬᠠᠷᠠᠪᠠᠯ ᠪᠠᠭᠠ ᠶᠢᠨ ᠲᠥᠷᠢ ᠨᠢ ᠵᠢᠭᠠᠬᠠᠨ ᠴᠦ ᠬᠤᠪᠢᠷᠠᠭᠰᠠᠨ ᠥᠭᠡᠢ ᠪᠠᠶᠢᠨᠠ ᠰᠢᠤ︕︾ ᠬᠡᠵᠤ ᠢᠨᠢᠶᠡᠯᠡ᠃ | ︽ᠪᠠᠭᠠ ᠶᠢᠨ ᠲᠥᠷᠢ︾ ᠭᠡᠵᠤ ᠨᠢᠭᠡ ᠶᠠᠭᠤᠮᠠ ᠪᠠᠶᠢᠳᠠᠭ ᠢ ᠰᠠᠨᠠᠵᠤ᠂ ᠢᠨᠢᠶᠡᠳᠤ ᠭᠥᠷ ᠪᠢᠯᠬᠠᠵᠤ ᠭᠥᠭᠵᠢᠯᠳᠥᠵᠤ ᠪᠠᠶᠢᠭᠠ ᠨᠥᠭᠦᠳ ᠢᠶᠠᠨ ᠰᠡᠮᠭᠡᠨ | ᠰᠠᠭᠤᠳᠠᠯ ᠲᠤᠭᠤᠷᠢᠭᠤᠯᠤᠨ ᠬᠠᠷᠠᠬᠤ ᠰᠠᠴᠠᠭᠤ᠂ ᠠᠳᠡ ᠪᠤᠢ ᠭᠥᠮᠥᠰ ᠤᠨ ᠴᠢᠷᠠᠢ ᠶᠢᠨ ᠡᠮᠥᠨᠡ ᠲᠡᠳᠡᠨᠤᠰ ᠤᠨ ᠬᠡᠥᠭᠡᠳ ᠠᠬᠤᠢ ᠴᠠᠭ ᠤᠨ ᠲᠥᠷᠢ ᠨᠦᠭᠦᠳ ᠨᠢ | ᠴᠤ ᠲᠠᠪᠬᠤᠷᠳᠠᠨ ᠬᠠᠷᠠᠭᠳᠠᠬᠤ ᠰᠢᠭ᠋ ᠪᠤᠯᠤᠯᠠ᠃ ᠲᠡᠷᠡᠭᠡᠨ ᠵᠠᠭᠤᠷᠠ᠂ ᠪᠢ ᠰᠤᠮᠤ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠠᠩᠬᠠ ᠶᠠᠭᠠᠬᠢᠵᠤ ᠤᠴᠢᠭᠰᠠᠨ ᠮᠠᠷᠳᠠᠰᠢ ᠥᠭᠡᠢ | ᠤᠴᠠᠷᠠᠯ ᠢᠶᠠᠨ ᠭᠥᠷᠳᠡᠯᠡ ᠡᠷᠬᠢᠴᠡᠭᠦᠯᠵᠤ ᠠᠮᠵᠢᠭᠰᠠᠨ ᠢ ᠠᠳᠡ ᠲᠤᠷᠠᠰᠤᠨ ᠲᠡᠮᠳᠡᠭᠯᠡᠶᠡ ᠃ | ᠲᠡᠷᠡ ᠵᠢᠯ ᠪᠢ ᠲᠤᠯᠤᠭᠠᠳᠠᠢ ᠪᠠᠶᠢᠭᠰᠠᠨ᠃ ᠮᠤᠳᠤᠨ ᠫᠤᠤ ᠡᠭᠦᠷᠴᠤ᠂ ᠪᠤᠷᠭᠠᠰᠤᠨ ᠮᠤᠷᠢ ᠵᠠᠶᠢᠳᠠᠯᠠᠭᠠᠳ ᠬᠤᠨᠢ ᠬᠤᠷᠠᠭᠠᠨ ᠳᠤ ᠶᠠᠪᠤᠬᠤ ᠨᠡᠷᠡ ᠪᠠᠷ ᠭᠥᠳᠡᠭᠡ | ᠭᠠᠷᠴᠤ ᠪᠥᠳᠥ ᠪᠥᠳᠥᠨ ᠡᠳᠥᠷ ᠢᠶᠠᠷ ᠲᠤᠭᠯᠠᠭᠠᠮ ᠳᠤ ᠪᠠᠨ ᠰᠢᠳᠠᠳᠠᠭ᠂ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠵᠤ ᠪᠢᠴᠢᠭ ᠥᠵᠡᠭᠦ ᠶᠢᠨ ᠲᠤᠬᠠᠢ ᠪᠤᠯ ᠠᠯᠢ ᠡᠷᠳᠡ | ᠰᠤᠨᠤᠰᠤᠭᠰᠠᠨ ᠪᠥᠭᠡᠳ ᠡᠭᠡᠰᠢᠭ ᠲᠤᠯᠤᠭᠠ ᠶᠢᠨ ᠤᠭ ᠲᠥᠷᠰᠤ ᠶᠢ ᠴᠡᠭᠡᠵᠢ ᠪᠠᠷ ᠪᠢᠴᠢᠴᠢᠭᠡᠳᠡᠭ᠂ ᠬᠤᠷᠢ ᠲᠤᠳᠤᠷᠠ ᠴᠡᠭᠡᠵᠢ ᠪᠠᠷ ᠨᠡᠮᠡᠵᠤ ᠬᠠᠰᠤᠵᠤ ᠴᠢᠳᠠᠳᠠᠭ᠂ | ᠨᠢᠭᠡ ᠵᠠᠭᠠᠯ ᠢᠮᠠᠭᠠ ᠨᠢᠭᠡ ᠬᠠᠷᠠᠯᠭᠠᠨ ᠨᠢᠳᠤ ᠲᠠᠢ ᠪᠤᠷᠤ ᠢᠰᠢᠭᠡᠨ ᠳᠤ ᠪᠠᠨ ᠶᠡᠭᠡ ᠬᠠᠶᠢᠷᠠᠳᠠᠢ᠂ ᠶᠡᠭᠡ ᠭᠥᠮᠥᠰ ᠠᠴᠠ ᠲᠠᠯᠳᠠ ᠪᠤᠯᠠᠭ ᠤᠨ ᠤᠰᠤᠨ ᠳᠤ ᠬᠠᠶᠠ | ᠤᠷᠤᠵᠤ ᠨᠤᠭᠤᠰᠤᠨ ᠲᠡᠭᠳᠡᠭᠡ ᠭᠥᠭᠡᠭᠡᠳᠡᠭ᠂ ᠬᠢᠭᠰᠡᠨ ᠭᠡᠷᠡᠭ ᠴᠤᠭᠤᠷᠠᠪᠠᠯ ᠡᠮᠡᠭᠡ ᠡᠵᠢ ᠶᠢᠨ ᠠᠷᠤ ᠪᠠᠷ ᠰᠢᠷᠭᠤᠵᠤ ᠭᠡᠮ ᠥᠭᠡᠢ ᠴᠢᠷᠠᠢ ᠭᠠᠷᠭᠠᠳᠠᠭ ᠰᠢᠭ᠋ ᠯᠠ ᠡᠷᠡ | ᠪᠠᠶᠢᠪᠠ᠃ | ᠲᠤᠬᠠᠢ ᠶᠢᠨ ᠥᠶᠡ ᠳᠤ ᠰᠤᠮᠤᠨ ᠠᠴᠠ ᠭᠠᠴᠠᠭᠠ ᠪᠠᠷᠢᠭᠠᠳᠠ ᠶᠢᠨ ᠬᠠᠷᠢᠭᠤᠴᠠᠯᠭᠠᠳᠠᠳ ᠲᠤ ᠠᠯᠪᠠ ᠪᠠᠭᠤᠯᠵᠤ᠂ ᠲᠠᠨ ᠤ ᠪᠠᠷᠢᠭᠠᠳᠠ ᠶᠢᠨ ᠠᠯᠢ ᠠᠶᠢᠯ ᠤᠨ | ᠭᠡᠨ ᠭᠡᠨ ᠨᠡᠷᠡ ᠲᠠᠢ ᠬᠡᠥᠭᠡᠳ ᠤᠳᠤ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠬᠤ ᠴᠠᠭ ᠲᠤᠯᠤᠭᠰᠠᠨ᠂ ᠡᠴᠢᠵᠤ ᠬᠡᠵᠢᠶᠡ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠬᠤ ᠶᠢ ᠨᠢ ᠮᠡᠳᠡᠭᠳᠡ ᠭᠡᠵᠤ | ᠵᠠᠬᠢᠳᠠᠭ ᠪᠠᠶᠢᠭᠰᠠᠨ ᠲᠥᠯᠥᠪᠳᠡᠢ᠃ ᠮᠥᠮᠥ ᠨᠠᠳᠠ ᠳᠤ ᠰᠢᠨᠡ ᠬᠤᠪᠴᠠᠰᠤ ᠤᠶᠤᠵᠤ᠂ ᠬᠤᠷᠤᠬᠠᠢ ᠪᠤᠭᠤᠷᠰᠤᠭ ᠬᠠᠭᠠᠷᠢᠭᠰᠠᠨ ᠪᠠ ᠡᠮᠡᠭᠡ ︽ᠡᠷᠳᠡᠮ ᠨᠤᠮ ᠤᠨ | ᠠᠴᠢ ᠲᠤᠰᠠ ᠁︾ ᠭᠡᠵᠤ ᠤᠯᠠᠨ ᠲᠠᠪᠢᠨ ᠶᠠᠭᠤᠮᠠ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠢ ᠰᠠᠨᠠᠵᠤ ᠪᠠᠶᠢᠨᠠ᠃ ᠲᠡᠭᠡᠭᠡᠳ ᠨᠠᠮᠤᠷ ᠤᠨ ᠨᠢᠭᠡ ᠡᠳᠥᠷ ᠮᠥᠮᠥ ᠡᠨᠡ ᠲᠡᠷᠡ ᠶᠢ | ᠠᠬᠤᠶᠢᠯᠠᠵᠤ ᠨᠠᠮᠠᠢᠢ ᠰᠤᠮᠤᠨ ᠳᠤ ᠭᠥᠷᠭᠡᠭᠦ ᠪᠠᠷ ᠪᠤᠯᠪᠠ᠃ ᠡᠭᠡᠴᠢ ᠠᠬᠠ ᠨᠠᠷ ᠤᠨ ᠨᠤᠮ ᠪᠢᠴᠢᠭ ᠥᠵᠡᠵᠤ᠂ ᠲᠡᠥᠭᠡ ᠥᠯᠢᠭᠡᠷ ᠶᠠᠷᠢᠯᠴᠠᠨ ᠮᠡᠷᠭᠡᠯᠡᠭᠦ ᠶᠢ ᠬᠠᠵᠠᠭᠤ | ᠠᠴᠠ ᠨᠢ ᠠᠳᠠᠭᠠᠳᠠᠢ ᠪᠠᠭ᠋ᠠᠷᠤᠨ ᠰᠤᠨᠤᠰᠴᠤ ᠪᠢᠴᠢᠭ ᠲᠠᠢ ᠪᠤᠯᠬᠤ ᠶᠢ ᠶᠡᠭᠡ ᠭᠥᠰᠡᠵᠤ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠬᠠᠰᠠᠭ ᠭᠥᠯᠥᠭᠰᠡᠨ ᠬᠠᠯᠳᠠᠷ ᠯᠠᠭᠤᠰᠠ ᠰᠥᠮᠡ ᠶᠢᠨ | ᠵᠠᠮ ᠢᠶᠠᠷ ᠲᠤᠭᠤᠷᠢᠮ ᠥᠩᠭᠡᠷᠡᠵᠤ ᠤᠯᠠᠨ ᠤᠯᠠᠭᠠᠨ ᠪᠤᠳᠤᠷᠭᠠᠨᠠ ᠶᠢᠨ ᠲᠤᠮᠳᠠ ᠤᠷᠤᠳᠠᠯᠠ ᠨᠠᠳᠠ ᠳᠤ ᠶᠠᠭᠤ ᠴᠤ ᠪᠤᠳᠤᠭᠳᠠᠭᠰᠠᠨ ᠥᠭᠡᠢ᠃ ᠰᠢᠷᠡ ᠲᠤᠯᠤᠭᠠᠢ | ᠶᠢᠨ ᠠᠷᠤ ᠪᠠᠷ ᠵᠡᠭᠦᠨᠰᠢ ᠪᠠᠭᠤᠬᠤ ᠰᠢᠬᠠᠬᠤ ᠳᠤ ᠪᠢ ᠬᠠᠰᠠᠭ ᠤᠨ ᠰᠡᠭᠦᠯ ᠲᠡᠭᠡᠷᠡ ᠬᠤᠶᠢᠰᠢ ᠬᠠᠨᠳᠤᠨ ᠰᠠᠨᠳᠠᠶᠢᠯᠠᠨ ᠰᠠᠭᠤᠭᠠᠳ ᠲᠤᠭᠯᠠᠵᠤ ᠥᠰᠥᠭᠰᠠᠨ ᠨᠤᠳᠤᠭ | ᠢᠶᠠᠨ ᠤᠳᠠᠭᠠᠨ ᠠᠵᠢᠪᠠᠯ ᠠᠷᠪᠠᠨ ᠭᠡᠳᠥᠨ ᠭᠠᠵᠠᠷ ᠤᠨ ᠬᠤᠯᠠ ᠠᠴᠠ ᠤᠯᠠᠭᠠᠨᠳᠤᠯᠤᠭᠠᠢ ᠶᠢᠨ ᠡᠩᠬᠡᠷ ᠤᠨ ᠭᠥᠭᠡ ᠲᠤᠪᠤᠩ ᠤᠳ ᠴᠤᠬᠤᠷᠯᠠᠨ᠂ ᠬᠠᠯᠵᠠᠨ ᠪᠤᠯᠠᠭ | ᠤᠨ ᠮᠤᠳᠤᠳ ᠪᠤᠯᠤᠨ ᠴᠠᠭᠠᠨ ᠬᠠᠳᠠᠳᠤ ᠶᠢᠨ ᠤᠷᠳᠤᠳ ᠤᠨ ᠪᠠᠷᠠ ᠬᠠᠷᠠᠯᠠᠨ ᠪᠥᠳᠡᠬᠢᠷᠡᠵᠤ᠂ ᠬᠠᠷᠠᠨᠳᠥ᠋ᠷ ︵ᠬᠠᠷᠠ ᠥᠨᠳᠥᠷ︶ ᠤᠨ ᠰᠥᠷᠯᠢᠭ ᠪᠠᠷᠠ ᠲᠥᠩᠭᠦᠶᠢᠨ | ᠬᠤᠯᠠᠳᠬᠤ ᠳᠤ ᠲᠤᠳᠤᠷᠠ ᠬᠠᠷᠢᠨ ᠡᠪᠬᠦᠶᠢᠷᠡᠵᠤ ᠰᠡᠮᠭᠡᠨ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠭᠰᠠᠨ ᠪᠢᠯᠡ᠃ | ᠬᠤᠶᠠᠷ ᠴᠠᠭ ᠢᠯᠡᠭᠦᠥ ᠶᠠᠪᠤᠭᠠᠳ ᠭᠥᠩᠱᠧ ᠭᠥᠷᠭᠦᠯᠡᠷ᠂ ᠰᠤᠮᠤᠨ ᠲᠥᠪ ᠲᠤ ᠨᠠᠭᠠᠳᠤᠮ ᠪᠤᠯᠵᠤ ᠪᠠᠶᠢᠬᠤ ᠰᠢᠭ᠋ ᠭᠥᠮᠥᠨ ᠤᠯᠠᠨᠳᠠᠢ ᠭᠥᠯ ᠭᠥᠭᠡᠷᠴᠡᠭ ᠪᠤᠯᠵᠤ | ᠪᠠᠶᠢᠪᠠ᠃ ᠬᠤᠰᠢᠭᠤᠨ ᠠᠴᠠ ᠤᠷᠤᠵᠤ ᠢᠷᠡᠳᠡᠭ ᠶᠡᠭᠡ ᠵᠠᠮ ᠤᠨ ᠵᠡᠭᠦᠨ ᠪᠡᠶᠡ ᠳᠤ ᠬᠠᠩᠭᠠᠨ ᠪᠤᠷᠤᠯᠠᠭᠤᠯᠬᠤ ᠬᠤᠷᠰᠢᠶᠠ ᠭᠡᠵᠤ ᠨᠢᠭᠡ ᠮᠥᠷ ᠰᠥᠮᠡᠨ ᠨᠢᠷᠤᠭᠤ ᠲᠠᠢ | ᠭᠥᠭᠡ ᠵᠥᠩ ᠪᠠᠶᠢᠰᠢᠩ ᠪᠠᠷᠠᠭᠤᠨᠰᠢ ᠬᠠᠨᠳᠤᠨ ᠰᠥᠷᠳᠡᠢ ᠵᠢᠭᠰᠠᠵᠤ᠂ ᠤᠨᠤᠭᠠ ᠲᠠᠪᠠᠭᠠ ᠲᠠᠢ ᠤᠯᠤᠰ ᠤᠳ ᠲᠡᠨᠳᠡ ᠤᠷᠤᠨ ᠭᠠᠷᠤᠨ ᠪᠠᠶᠢᠬᠤ ᠪᠥᠭᠡᠳ ᠤᠯᠠᠩᠬᠢ | ᠨᠢ ᠪᠥᠷ ᠭᠡᠥᠭᠡᠳ ᠲᠠᠭᠠᠭᠤᠯᠤᠭᠰᠠᠨ ᠪᠠᠶᠢᠯᠠ᠃ ᠰᠤᠷᠭᠠᠭᠤᠯᠢ ᠶᠢᠨ ᠭᠥᠷᠢᠶᠡᠨ ᠤ ᠪᠠᠷᠠᠭᠤᠨ ᠤᠷᠳᠤ ᠥᠨᠴᠥᠭ ᠲᠤ ᠲᠡᠪᠳᠠᠷ ᠬᠠᠷᠠᠨᠳᠠ ᠬᠤᠳᠠᠯᠳᠤᠵᠤ ᠪᠠᠶᠢᠪᠠ᠃ | ᠰᠤᠷᠭᠠᠭᠤᠯᠢ ᠶᠢᠨ ᠭᠥᠷᠢᠶᠡᠨ ᠤ ᠪᠠᠷᠠᠭᠤᠨ ᠬᠤᠶᠢᠳᠤ ᠬᠠᠪᠢᠷᠭᠠ ᠳᠤ ᠨᠢᠭᠡ ᠭᠥᠮᠥᠨ ᠪᠠᠭᠳᠠᠬᠤ ᠪᠠᠷ ᠬᠢᠷᠢ ᠲᠠᠢ ᠪᠠᠭᠠ ᠡᠭᠦᠳᠡ ᠪᠠᠶᠢᠳᠠᠭ ᠢᠶᠠᠷ ᠮᠥᠮᠥ ᠪᠢᠳᠠ | ᠬᠤᠶᠠᠭᠤᠯᠠ ᠰᠤᠷᠭᠠᠭᠤᠯᠢ ᠶᠢᠨ ᠭᠥᠷᠢᠶᠡᠨ ᠳᠤ ᠤᠷᠤᠭᠰᠠᠨ ᠶᠤᠮ᠃ ᠪᠠᠶᠢᠷᠢ ᠶᠢᠨ ᠭᠡᠷ ᠤᠨ ᠤᠶᠢᠷᠠᠯᠴᠠᠭᠠ ᠤᠯᠠᠨ ᠭᠡᠥᠭᠡᠳ ᠭᠥᠭᠡᠭᠡᠴᠡᠯᠳᠥᠨ ᠲᠤᠭᠯᠠᠵᠤ | ᠭᠥᠭᠵᠢᠯᠳᠡᠢ ᠪᠠᠷᠬᠢᠷᠠᠯᠳᠤᠵᠤ ᠪᠠᠶᠢᠭᠰᠠᠨ ᠴᠤ ᠨᠠᠳᠠ ᠪᠠᠶᠠᠷᠯᠠᠮᠠᠷ ᠶᠠᠭᠤᠮᠠ ᠪᠤᠳᠤᠭᠳᠠᠭᠰᠠᠨ ᠥᠭᠡᠢ᠃ ᠶᠤᠰᠤᠯᠠᠯ ᠤᠨ ᠲᠢᠩᠬᠢᠮ ᠤᠨ ᠡᠮᠥᠨᠡ ᠠᠰᠤᠷᠤ ᠲᠤᠮᠤ | ᠬᠠᠶᠢᠯᠠᠰᠤᠨ ᠮᠤᠳᠤ ᠯᠥᠭᠯᠥᠶᠢᠨ ᠤᠷᠭᠤᠵᠤ ᠰᠠᠯᠠᠭᠠ ᠨᠠᠮᠠᠭᠠ ᠨᠢ ᠲᠥᠷᠪᠡᠨ ᠵᠥᠭ ᠲᠤ ᠰᠠᠭᠰᠠᠶᠢᠵᠤ ᠰᠥᠷᠳᠡᠢ ᠪᠤᠯᠤᠭᠰᠠᠨ ᠢ ᠶᠠᠪᠤᠳᠠᠯ ᠲᠤᠮᠳᠠ ᠪᠠᠨ | ᠰᠤᠨᠢᠭᠤᠴᠢᠯᠠᠨ ᠠᠵᠢᠪᠠ᠃ ᠮᠥᠷ ᠮᠥᠷ ᠵᠢᠭᠳᠡᠷᠡᠭᠰᠡᠨ ᠠᠩᠬᠢ ᠶᠢᠨ ᠭᠡᠷ ᠤᠳ ᠤᠨ ᠭᠤᠤᠯ ᠢᠶᠠᠷ ᠭᠠᠷᠬᠤ ᠳᠤ ᠵᠠᠷᠢᠮ ᠠᠩᠬᠢ ᠶᠢᠨ ᠬᠢᠨ ᠡᠭᠦᠳᠡ ᠬᠠᠭᠠᠯᠭᠠ ᠪᠠᠨ | ᠤᠩᠭᠤᠶᠢᠯᠭᠠᠨ ᠤᠯᠠᠭᠠᠨ ᠪᠥᠴᠡ ᠲᠠᠢ ᠭᠡᠥᠭᠡᠳ ᠤᠳ ᠴᠡᠪᠡᠷᠯᠡᠭᠡ ᠬᠢᠵᠤ ᠥᠢᠮᠡᠯᠳᠤᠵᠤ ᠪᠠᠶᠢᠯᠠ᠃ ᠪᠠᠭᠰᠢ ᠨᠠᠷ ᠤᠨ ᠠᠯᠪᠠᠨ ᠭᠡᠷ ᠭᠡᠵᠤ ᠤᠯᠠᠭᠠᠨ ᠲᠤᠭᠤᠰᠬᠠᠨ | ᠪᠠᠶᠢᠰᠢᠩ ᠬᠠᠮᠤᠭ ᠡᠮᠥᠨᠡ ᠮᠥᠷ ᠲᠤ ᠪᠠᠶᠢᠭᠰᠠᠨ ᠢ ᠡᠷᠢᠵᠤ ᠭᠥᠷᠥᠭᠡᠳ ᠨᠢᠭᠡᠳᠥᠭᠡᠷ ᠤᠨ ᠤ ᠭᠡᠥᠭᠡᠳ ᠤᠨ ᠨᠡᠷᠡ ᠮᠡᠳᠡᠭᠦᠯᠭᠦ ᠭᠠᠵᠠᠷ ᠢ ᠰᠤᠷᠠᠵᠤ ᠪᠠᠶᠢᠵᠤ ᠤᠯᠵᠤ | ᠠᠪᠤᠭᠠᠳ ᠮᠥᠨ ᠥᠷᠥᠭᠡᠨ ᠳᠤ ᠨᠢ ᠤᠷᠤᠬᠤᠯᠠᠷ ᠭᠡᠳᠥᠨ ᠪᠠᠭᠰᠢ ᠰᠢᠷᠡᠭᠡ ᠲᠤᠭᠤᠶᠢᠯᠠᠭᠠᠳ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠮᠠᠨ ᠤ ᠬᠤᠶᠠᠷ ᠢ ᠥᠵᠡᠭᠡᠳ ᠪᠤᠰᠴᠤ | ᠤᠭᠳᠤᠨ ᠠᠪᠤᠯᠠ᠃ ᠥᠭᠡᠷᠡ ᠨᠡᠷᠡ ᠮᠡᠳᠡᠭᠦᠯᠵᠤ ᠪᠠᠶᠢᠬᠤ ᠭᠥᠮᠤᠨ ᠨᠢᠭᠡ ᠴᠤ ᠪᠠᠶᠢᠬᠤ ᠥᠭᠡᠢ ᠴᠠᠭ ᠲᠠᠭᠠᠷᠠᠵᠤ ᠳ᠋ᠠ᠃ | ᠪᠢ ᠲᠠᠭ ᠲᠠᠨᠢᠬᠤ ᠥᠭᠡᠢ ᠭᠥᠮᠥᠰ ᠠᠴᠠ ᠲᠤᠩ ᠴᠤ ᠪᠥᠱᠥᠭᠦᠷᠭᠡᠵᠤ᠂ ᠮᠥᠮᠥ ᠶᠢᠨ ᠠᠷᠤ ᠪᠠᠷ ᠰᠢᠷᠭᠤᠬᠤ ᠪᠠᠷ ᠯᠠ ᠰᠢᠷᠭᠤᠵᠤ ᠪᠠᠶᠢᠪᠠ᠃ ᠮᠡᠨᠳᠤ ᠰᠠᠶᠢᠨ | ᠢᠶᠠᠨ ᠮᠡᠳᠡᠯᠴᠡᠭᠡᠳ ᠪᠤᠯᠳᠠᠶᠢᠵᠤ ᠬᠠᠷᠠᠬᠤᠯᠠᠷ᠂ ᠨᠢᠭᠡ ᠥᠨᠳᠥᠷ ᠪᠡᠶᠡ ᠲᠠᠢ ᠬᠠᠳᠠᠩᠬᠢᠷ ᠬᠠᠷᠠ ᠭᠥᠮᠥᠨ᠄ ︽ᠵᠠ︕ ᠲᠠᠨ ᠤ ᠬᠢ ᠠᠯᠢ ᠪᠠᠷᠢᠭᠠᠳᠠ ᠶᠢᠨ ᠭᠡᠨ ᠤ ᠬᠢ | ᠪᠠᠶᠢᠨᠠ︖ ᠶᠠᠭ ᠥᠵᠡᠭᠰᠡᠨ ᠥᠭᠡᠢ ᠭᠥᠮᠥᠨ ᠪᠠᠶᠢᠨᠠ᠂ ᠬᠡᠥᠭᠡᠳ ᠤᠨ ᠨᠡᠷᠡ ᠨᠢ ᠭᠡᠨ ᠭᠡᠳᠡᠭ ᠪᠤᠢ︖ ᠡᠨᠡᠭᠦᠨ ᠤ ᠠᠬᠠ ᠡᠭᠡᠴᠢ ᠨᠢ ᠠᠳᠡ ᠰᠤᠷᠭᠠᠭᠤᠯᠢ ᠳᠤ | ᠰᠠᠭᠤᠵᠤ ᠪᠠᠶᠢᠪᠠ ᠤᠤ︖︾ ᠭᠡᠭᠦ ᠮᠡᠳᠤ ᠶᠢᠨ ᠶᠠᠭᠤᠮᠠ ᠠᠰᠠᠭᠤᠬᠤ ᠰᠢᠭ᠋ ᠪᠤᠯᠪᠠ᠃ ᠮᠥᠮᠥ ᠪᠠᠶᠢᠳᠤ ᠪᠠᠷᠢᠭᠠᠳᠠ ᠶᠢᠨ ᠭᠡᠨ ᠭᠡᠨ ᠤ ᠬᠢᠨ ᠪᠠᠶᠢᠨᠠ ᠭᠡᠵᠤ | ᠭᠡᠯᠡᠭᠦᠯᠡᠷ ᠲᠡᠷᠡ ᠭᠥᠮᠥᠨ᠄ ︽ᠪᠠᠳᠤᠰᠡᠷᠡᠩ ᠤᠨ ᠲᠡᠭᠦᠥ ᠪᠠᠶᠢᠨᠠ ᠰᠢᠳᠠ︕︾ ᠭᠡᠵᠤ ᠨᠠᠮᠠ ᠶᠢ ᠲᠠᠭᠤᠳᠠᠨ ᠰᠢᠷᠡᠭᠡᠨ ᠤ ᠲᠡᠷᠭᠡᠳᠡ ᠠᠪᠠᠴᠢᠵᠤ ᠵᠤᠭᠰᠤᠭᠠᠳᠠᠯᠠ᠂ | ᠲᠡᠷᠡᠭᠡᠨ ᠵᠠᠭᠤᠷᠠ ᠰᠢᠷᠡᠭᠡᠨ ᠤ ᠨᠥᠭᠦᠭᠡ ᠲᠠᠯᠠ ᠳᠤ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠨᠢᠭᠡ ᠵᠠᠯᠠᠭᠤᠬᠠᠨ ᠡᠮᠡᠭᠳᠡᠢ ᠪᠠᠭᠰᠢ ᠪᠤᠰᠴᠤ ᠵᠤᠭᠰᠤᠩᠭᠤᠳᠠ᠄ ︽ᠡᠨᠡ ᠭᠡᠥᠭᠡᠳ ᠢ ᠪᠢ | ᠠᠩᠬᠢ ᠳᠤ ᠪᠠᠨ ᠠᠪᠤᠨᠠ︕︾ ᠭᠡᠵᠤ ᠰᠢᠭᠤᠳ ᠪᠤᠯᠢᠶᠠᠯᠠ᠃ ᠲᠡᠭᠡᠭᠡᠳ ᠬᠤᠶᠠᠷ ᠪᠠᠭᠰᠢ ᠪᠠᠭ᠋ᠠᠨ ᠪᠤᠯᠢᠶᠠᠯᠳᠤᠭᠠᠳ ᠴᠢᠷᠠᠢ ᠤᠯᠠᠶᠢᠬᠤ ᠲᠥᠭᠦᠭᠰᠡᠨ ᠢᠶᠠᠨ ᠡᠴᠥᠰ | ᠲᠤ ᠨᠢ ᠡᠮᠡᠭᠳᠡᠢ ᠪᠠᠭᠰᠢ ᠲᠡᠶᠢᠯᠥᠭᠰᠡᠨ ᠪᠤᠯᠵᠤ ᠮᠢᠨᠤ ᠨᠡᠷᠡ ᠶᠢ ᠠᠩᠬᠢ ᠶᠢᠨ ᠢᠶᠠᠨ ᠭᠡᠥᠭᠡᠳ ᠤᠨ ᠨᠡᠷᠡᠰ ᠲᠤ ᠤᠷᠤᠭᠤᠯᠵᠤ ᠠᠪᠤᠪᠠ᠃ | ᠢᠩᠬᠢᠭᠡᠳ ᠪᠢ ᠬᠡᠳᠡᠭ ᠪᠥᠯᠳᠡᠭᠡᠨᠡᠭᠰᠡᠨ ᠵᠢᠭᠠᠬᠠᠨ ᠪᠤᠷᠤ ᠪᠠᠨᠳᠢ᠂ ᠨᠠᠮᠤᠷᠠ ᠭᠡᠳᠡᠭ ᠨᠡᠷᠡ ᠲᠠᠢ᠂ ᠭᠥᠭᠡ ᠥᠩᠭᠡ ᠶᠢᠨ ᠲᠠᠮᠢᠷ ᠤᠨ ᠬᠤᠪᠴᠠᠰᠤ ᠡᠮᠥᠰᠥᠭᠰᠡᠨ᠂ | ᠲᠤᠳᠤᠷᠠᠭᠤᠨ ᠬᠠᠷᠠ ᠭᠥᠮᠥᠰᠭᠡᠨ ᠲᠤᠤᠷᠠ ᠪᠠᠨ ᠬᠤᠷᠴᠠ ᠬᠠᠷᠠᠴᠠ ᠡᠷᠬᠢᠯᠳᠥᠭᠦᠯᠥᠭᠰᠡᠨ᠂ ᠡᠷᠡᠤ ᠬᠠᠵᠠᠭᠤ ᠳᠤ ᠪᠠᠨ ᠲᠤᠮᠤ ᠬᠠᠷᠠ ᠮᠡᠩᠭᠡ ᠲᠠᠢ ᠥᠨᠳᠥᠷ ᠴᠠᠭᠠᠨ | ᠡᠮᠡᠭᠳᠡᠢ ᠪᠠᠭᠰᠢ ᠶᠢᠨ ᠠᠩᠬᠢ ᠳᠤ ᠪᠢᠰᠢᠳ ᠲᠥᠴᠢᠨ ᠬᠤᠶᠠᠷ ᠬᠡᠥᠭᠡᠳ ᠤᠨ ᠬᠠᠮᠳᠤ ᠪᠤᠯᠠᠭ ᠰᠤᠮᠤᠨ ᠤ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠵᠢᠷᠠᠨ ᠲᠤᠯᠤᠳᠤᠭᠠᠷ | ᠪᠥᠯᠥᠭ ᠤᠨ ᠰᠤᠷᠤᠭᠴᠢ ᠪᠤᠯᠵᠤ ᠰᠠᠶᠢᠨ ᠪᠠᠭᠰᠢ ᠨᠠᠷ ᠤᠨ ᠢᠶᠠᠨ ᠰᠤᠷᠭᠠᠯ ᠲᠤᠳᠤᠮᠳᠠᠯ ᠢ ᠨᠢ ᠠᠳᠠᠯᠢᠬᠠᠨ ᠭᠥᠷᠳᠡᠵᠤ᠂ ᠡᠷᠳᠡᠮ ᠨᠤᠮ ᠤᠨ ᠮᠥᠷ ᠬᠠᠶᠢᠵᠤ ᠪᠢᠴᠢᠭ | ᠥᠵᠡᠵᠤ ᠡᠬᠢᠯᠡᠭᠰᠡᠨ ᠮᠠᠨᠢ ᠨᠠᠶᠠ ᠶᠢᠰᠥᠨ ᠤᠨ ᠤ ᠨᠠᠮᠤᠷ ᠤᠨ ᠤᠴᠢᠷ ᠪᠢᠯᠡ᠃ |