| ᠴᠠᠬᠠᠷ ᠪᠠᠳᠤ | | | ᠰᠡᠷᠢᠭᠦᠯᠭᠡ ᠶᠢᠨ ᠬᠤᠩᠬᠤ ᠥᠩᠬᠢᠨᠡᠨ ᠲᠤᠤᠭᠠᠷᠬᠤ ᠪᠠᠷ ᠪᠢ ᠨᠢᠭᠡᠨᠳᠡ ᠰᠡᠷᠢᠭᠰᠡᠨ ᠪᠤᠯᠪᠠᠴᠤ ᠥᠭᠦᠰᠢᠷᠡᠳᠡᠯᠡ ᠤᠨᠳᠠᠭᠰᠠᠨ ᠤ ᠤᠴᠢᠷ ᠥᠷᠯᠥᠭᠡ ᠥᠳᠡ ᠶᠢ | ᠨᠢᠭᠡᠨᠳᠡ ᠢᠯᠭᠠᠵᠤ ᠲᠡᠶᠢᠯᠭᠦ ᠪᠠᠨ ᠪᠠᠶᠢᠭᠰᠠᠨ ᠪᠠᠶᠢᠯᠠ᠃ ᠭᠠᠷ ᠤᠨ ᠠᠶᠠ ᠪᠠᠷ ᠭᠠᠷ ᠤᠳᠠᠰᠤ ᠪᠠᠨ ᠲᠡᠮᠳᠡᠷᠢᠨ ᠲᠠᠷᠤᠭᠠᠳ ᠵᠠᠯᠬᠠᠭᠤ ᠲᠠᠢ ᠪᠠᠷ ᠵᠤᠪᠬᠢ ᠪᠠᠨ ᠡᠷᠭᠦᠭᠦ | ᠳᠤ᠂ ᠰᠢᠷᠡ ᠥᠩᠭᠡ ᠶᠢᠨ ᠲᠡᠷᠡᠨ ᠠᠯᠴᠢᠭᠤᠷ ᠪᠤᠯᠤᠨ ᠰᠤᠨᠤᠭᠠᠵᠤ ᠲᠡᠷᠡᠯᠡᠭᠰᠡᠨ ᠵᠡᠭᠦᠨ ᠭᠠᠷ ᠤᠨ ᠮᠢᠨᠢ ᠠᠯᠠᠭᠠ ᠴᠠᠷᠪᠠᠭᠤ ᠥᠵᠡᠭᠳᠡᠭᠦ ᠪᠠᠷ ᠨᠢ᠂ ᠬᠤᠶᠢᠳᠤ | ᠥᠷᠥᠭᠡᠨ ᠭᠡᠷ ᠲᠤ ᠤᠨᠳᠠᠭᠰᠠᠨ ᠪᠠᠶᠢᠨᠠ᠂ ᠤᠳᠤ ᠥᠳᠡ ᠶᠢᠨ ᠬᠤᠶᠢᠨᠠ ᠶᠢᠨ 14 ᠴᠠᠭ 12 ᠮᠢᠨᠥ᠋ᠲ ᠭᠥᠷᠴᠤ ᠰᠡᠷᠢᠭᠦᠯᠭᠡ ᠴᠡᠴᠡᠷᠡᠭᠰᠡᠨ ᠶᠤᠮ ᠪᠠᠶᠢᠨᠠ ᠭᠡᠵᠥ | ᠪᠢ ᠤᠬᠠᠪᠠ᠃ ᠥᠳᠡ ᠶᠢᠨ ᠠᠮᠠᠷᠠᠯᠳᠠ ᠪᠠᠷ ᠭᠡᠥᠭᠡᠨ ᠲᠡᠭᠦᠤ ᠮᠠᠨ ᠤ ᠳᠤ ᠢᠷᠡᠵᠥ ᠬᠤᠭᠤᠯᠠ ᠢᠳᠡᠳᠡᠭ ᠪᠤᠯᠬᠤᠷ ᠡᠭᠡᠨᠡᠷ ᠭᠥᠤ ᠲᠠᠢ ᠴᠤᠭ ᠤᠷᠢᠳᠤ ᠲᠠᠯᠠ ᠶᠢᠨ | ᠶᠡᠭᠡ ᠥᠷᠥᠭᠡᠨ ᠳᠤ ᠠᠮᠠᠷᠠᠵᠤ᠂ ᠪᠢ ᠬᠤᠶᠢᠳᠤ ᠲᠠᠯᠠ ᠶᠢᠨ ᠥᠷᠥᠭᠡᠨ ᠳᠤ ᠠᠮᠠᠷᠠᠳᠠᠭ ᠶᠤᠮ᠃ | ᠬᠠᠪᠤᠷ ᠤᠨ ᠨᠤᠶᠢᠷ ᠭᠡᠭᠴᠢ᠂ ᠪᠢ ᠵᠤᠪᠬᠢ ᠪᠠᠨ ᠲᠠᠭᠠᠭᠠᠵᠤ ᠶᠠᠳᠠᠨ ᠲᠠᠬᠢᠨᠳᠠ ᠠᠨᠢᠪᠠ᠃ ᠭᠡᠰᠡᠨ ᠴᠤ᠂ ᠪᠠᠶᠢᠭᠤᠯᠭᠠ ᠳᠤ ᠡᠷᠭᠡᠪᠰᠢ 14 ᠴᠠᠭ ᠬᠠᠭᠠᠰ ᠠᠴᠠ | ᠡᠮᠥᠨᠡ ᠭᠥᠷᠴᠤ ᠭᠠᠷ ᠤᠨ ᠥᠰᠥᠭ ᠵᠢᠷᠤᠬᠤ ᠴᠢᠬᠤᠯᠠ ᠲᠠᠢ ᠪᠥᠭᠡᠳ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠠᠶᠢᠴᠠᠭᠠᠯᠳᠠ ᠶᠢᠨ ᠲᠤᠭᠤᠶᠢᠯᠠᠩ ᠤᠷᠳᠤᠰ ᠲᠤ ᠢᠷᠡᠵᠥ | ᠤᠳᠤ ᠶᠠᠭ ᠬᠤᠶᠠᠷ ᠤᠳᠤᠭ ᠤᠨ ᠠᠯᠪᠠᠨ ᠠᠵᠢᠯᠳᠠᠳ ᠤᠨ ᠭᠡᠮ ᠭᠤᠮ ᠢ ᠠᠩᠴᠢᠯᠠᠵᠤ ᠪᠠᠶᠢᠭᠠ ᠶᠢ ᠪᠤᠳᠤᠭᠠᠳ ᠵᠤᠷᠢᠭᠯᠠᠨ ᠪᠤᠰᠬᠤ ᠪᠠᠷ ᠵᠤᠪᠬᠢ ᠪᠠᠨ ᠠᠯᠭᠤᠷᠬᠠᠨ | ᠰᠡᠭᠦᠯᠡ︕ | ᠶᠠᠮᠠᠷ ᠤᠴᠢᠷ ᠪᠤᠯᠤᠭᠰᠠᠨ ᠢ ᠮᠡᠳᠡᠭᠰᠡᠨ ᠥᠭᠡᠢ᠂ ᠮᠢᠨᠥ ᠨᠢᠳᠤᠨ ᠳᠤ ᠵᠥᠪᠭᠡᠨ ᠰᠠᠶ᠋ᠢᠬᠠᠨ ᠤ ᠬᠠᠷᠠᠭᠰᠠᠨ ᠵᠡᠭᠦᠨ ᠭᠠᠷ ᠤᠨ ᠮᠢᠨᠢ ᠠᠯᠠᠭᠠ ᠴᠠᠷᠪᠠᠭᠤ ᠬᠤᠶᠠᠷ | ᠠᠴᠠ ᠥᠭᠡᠷᠡ ᠶᠠᠭᠤᠮᠠ ᠬᠠᠷᠠᠭᠳᠠᠬᠤ ᠥᠭᠡᠢ ᠨᠢ︕ ᠥᠭᠡᠢ᠂ ᠡᠨᠡ ᠶᠡᠷᠥ ᠶᠠᠭᠤ ᠪᠤᠯᠵᠤ ᠪᠠᠶᠢᠨᠠ ᠭᠡᠳ ᠠᠬᠢᠨ ᠲᠠᠬᠢᠨ ᠠᠨᠢᠪᠴᠠᠨ ᠬᠠᠷᠠᠪᠠᠴᠤ ᠮᠥᠨ ᠶᠠᠩᠵᠤ | ᠪᠠᠷ ᠢᠶᠠᠨ᠂ ᠬᠠᠷᠠᠭᠠ ᠮᠡᠳᠡᠷᠡᠯ ᠳᠤ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠥᠭᠡᠢ ᠵᠥᠪᠭᠡᠨ ᠵᠡᠭᠦᠨ ᠭᠠᠷ ᠤᠨ ᠠᠯᠠᠭᠠ ᠴᠠᠷᠪᠠᠭᠤ ᠬᠤᠶᠠᠷ ᠤᠨ ᠲᠥᠷᠰᠤ ᠠᠴᠠ ᠥᠭᠡᠷᠡ ᠶᠠᠭᠤ | ᠴᠤ ᠥᠵᠡᠭᠳᠡᠭᠦ ᠪᠠᠨ ᠪᠤᠯᠢᠭᠰᠠᠨ ᠪᠠᠶᠢᠪᠠ᠃ ᠠᠨᠢᠪᠠᠯ ᠲᠠᠭ ᠬᠠᠷᠠᠩᠭᠤᠢ᠂ ᠲᠠᠭᠠᠷᠠᠵᠤ ᠪᠠᠶᠢᠨᠠ᠃ ᠨᠢᠳᠤ ᠪᠠᠨ ᠨᠡᠭᠡᠭᠡᠪᠡᠯ ᠯᠠ ᠠᠯᠠᠭᠠ ᠴᠠᠷᠪᠠᠭᠤ ᠶᠢᠨ ᠲᠤᠭᠳᠠᠮᠠᠯ | ᠲᠥᠷᠰᠤ︕ | ᠪᠢ ᠰᠤᠴᠢᠨ ᠥᠨᠳᠡᠶᠢᠵᠤ ᠡᠶᠢᠰᠢ ᠲᠡᠶᠢᠰᠢ ᠴᠤᠩᠬᠤ ᠡᠭᠦᠳᠡ ᠴᠢᠭᠯᠡᠭᠦᠯᠥᠨ ᠬᠠᠷᠠᠭᠰᠠᠨ ᠴᠤ ᠶᠡᠷᠥ ᠢᠯᠭᠠᠭᠠ ᠥᠭᠡᠢ᠂ ᠨᠢᠳᠥᠨ ᠡᠮᠥᠨᠡ ᠵᠥᠭᠡᠷ ᠯᠠ ᠠᠯᠠᠭᠠ | ᠴᠠᠷᠪᠠᠭᠤ ᠬᠤᠶᠠᠷ ᠠᠴᠠ ᠥᠭᠡᠷᠡ ᠥᠵᠡᠭᠳᠡᠭᠦ ᠶᠠᠭᠤᠮᠠ ᠥᠭᠡᠢ︕ ᠪᠢ ᠤᠷᠤ ᠲᠡᠭᠡᠷᠡ ᠪᠠᠨ ᠰᠠᠨᠳᠤᠷᠤᠨ ᠲᠡᠮᠳᠡᠴᠢᠭᠦᠯᠡᠷ ᠬᠤᠪᠴᠠᠰᠤ ᠬᠤᠨᠠᠷ ᠭᠠᠷ ᠲᠤ ᠥᠭᠳᠡᠵᠥ | ᠪᠠᠶᠢᠪᠠᠴᠤ ᠥᠵᠡᠭᠳᠡᠭᠦ ᠶᠠᠭᠤᠮᠠ ᠭᠡᠭᠴᠢ ᠠᠯᠠᠭᠠ ᠴᠠᠷᠪᠠᠭᠤ ᠬᠤᠶᠠᠷᠬᠠᠨ᠃ ᠭᠠᠷ ᠤᠳᠠᠰᠤᠨ ᠮᠠᠰᠢᠨ ᠵᠠᠷᠢᠮ ᠳᠤ ᠪᠠᠨ ᠭᠡᠨᠡᠳᠳᠡ ︽ᠭᠥᠰᠢᠴᠢᠭᠡᠭᠦᠯᠡᠷ︾ ᠶᠠᠮᠠᠷ | ᠨᠢᠭᠡᠨ ᠲᠡᠯᠭᠡᠴᠡ ᠥᠵᠡᠭᠳᠡᠯ ᠳᠤ ᠲᠤᠭᠳᠠᠭᠠᠳ᠂ ᠲᠤᠶ᠋ᠢᠵᠤ ᠲᠠᠷᠤᠪᠠᠴᠤ ᠭᠡᠷᠡᠭ ᠥᠭᠡᠢ ᠪᠤᠯᠴᠢᠬᠠᠳᠠᠭ ᠰᠢᠭ᠋ ᠮᠢᠨᠥ ᠨᠢᠳᠥᠨ ᠳᠤ ᠰᠠᠷᠪᠠᠶᠢᠭᠰᠠᠨ ᠠᠯᠠᠭᠠ ᠰᠤᠨᠤᠭᠰᠠᠨ | ᠴᠠᠷᠪᠠᠭᠤ ᠬᠤᠶᠠᠷ ᠯᠠ ᠵᠢᠷᠤᠭ ᠲᠤᠭᠳᠠᠨ ᠬᠠᠷᠠᠭᠳᠠᠬᠤ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ | ︽ᠮᠡᠴᠢᠳ︕︾ ᠪᠢ ᠡᠭᠡᠨᠡᠷ ᠢᠶᠠᠨ ᠲᠠᠭᠤᠳᠠᠪᠠ᠃ ᠨᠢᠳᠤ ᠨᠢᠭᠤᠷ ᠢᠶᠠᠨ ᠲᠡᠮᠳᠡᠷᠢᠪᠡ᠃ ᠶᠠᠮᠠᠷ ᠴᠤ ᠪᠤᠷᠤᠭᠤ ᠮᠡᠳᠡᠭᠳᠡᠭᠦ ᠶᠠᠭᠤᠮᠠ ᠥᠭᠡᠢ᠃ ᠵᠡᠭᠦᠳᠥᠯᠡᠵᠥ | ᠪᠠᠶᠢᠭᠠ ᠪᠢᠰᠢ ᠪᠢᠵᠡ ᠭᠡᠳ ᠭᠠᠷ ᠢᠶᠠᠨ ᠭᠥᠴᠥᠯᠡᠨ ᠴᠢᠮᠬᠢᠵᠥ ᠥᠵᠡᠭᠦᠯᠡᠷ ᠡᠪᠡᠳᠴᠤ ᠪᠠᠶᠢᠨᠠ᠃ ᠰᠤᠨᠤᠰᠤᠭᠰᠠᠨ ᠥᠭᠡᠢ ᠪᠤᠯᠤᠯᠳᠠᠢ᠂ ᠲᠠᠬᠢᠭᠠᠳ ᠲᠠᠭᠤᠳᠠᠪᠠ᠂ | ᠬᠤᠭᠤᠯᠠᠢ ᠡᠷᠢᠶᠠᠨᠳᠤᠬᠦᠯᠤᠨ ᠬᠠᠰᠬᠢᠷᠤᠪᠠ᠃ ᠡᠭᠡᠨᠡᠷ ᠴᠢᠷᠥᠭᠦᠯ ᠱᠠᠬᠠᠢ ᠲᠤᠤᠭᠠᠷᠭᠠᠨ᠄ ︽ᠶᠠᠭᠠᠬᠢᠪᠠ︖ ᠡᠷᠢᠶᠡᠨ ᠰᠠᠷᠠᠯ ᠢᠶᠠᠷ ᠬᠠᠰᠬᠢᠷᠤᠭᠠᠳ᠂᠂᠂᠂᠂᠂ ᠭᠥᠥ | ᠶᠢ ᠴᠤ ᠰᠡᠷᠢᠭᠡᠴᠢᠭᠡᠯᠡ︕︾ ᠭᠡᠵᠤ ᠢᠷᠡᠭᠦ ᠳᠤ᠂ ᠪᠢ ᠪᠤᠯᠤᠭᠰᠠᠨ ᠤᠴᠢᠷ ᠢᠶᠠᠨ ᠠᠶᠤᠭᠰᠠᠨ ᠭᠥᠮᠥᠨ ᠡᠬᠢ ᠠᠳᠠᠭ ᠥᠭᠡᠢ ᠶᠠᠷᠢᠵᠤ ᠡᠮᠨᠡᠯᠭᠡ ᠳᠤ ᠶᠠᠪᠤᠬᠤ ᠪᠠᠷ | ᠪᠤᠯᠪᠠ᠃ ᠪᠢ ᠬᠤᠪᠴᠠᠰᠤ ᠪᠠᠨ ᠲᠡᠮᠳᠤᠴᠢᠨ ᠡᠮᠤᠰᠭᠦ ᠳᠤ ᠡᠭᠡᠨᠡᠷ ᠠᠳᠡ ᠲᠡᠨᠳᠡ ᠨᠢ ᠭᠠᠷᠴᠤ ᠬᠠᠮ ᠲᠡᠮ ᠪᠤᠯᠵᠤ ᠪᠠᠶᠢᠯᠠ᠃ ᠲᠡᠭᠡᠵᠥ ᠪᠠᠶᠢᠳᠠᠯᠠ ᠭᠥᠥ ᠢᠷᠡᠭᠰᠡᠨ | ᠪᠤᠯᠤᠯᠳᠠᠢ ︽ᠱᠤᠷ᠂ ᠴᠤᠷ︾ ᠭᠡᠭᠦ ᠴᠢᠮᠡᠭᠡ ᠭᠠᠷᠴᠤ᠂ ᠠᠬᠢᠭᠠᠳ᠄ ︽ᠠᠪᠠᠢ ᠶᠠᠭᠠᠬᠢᠭᠰᠠᠨ ᠪᠤᠢ︖︾ ᠭᠡᠵᠥ ᠨᠢᠯᠬᠠ ᠲᠠᠭᠤᠨ ᠢᠶᠠᠷ ᠠᠰᠠᠭᠤᠬᠤ ᠨᠢ᠃ ᠭᠤᠷᠪᠠᠨ | ᠨᠠᠰᠤ ᠲᠠᠢ ᠮᠠᠭᠤ ᠭᠥᠥ ᠪᠠᠨ ᠴᠤ ᠠᠬᠢᠭᠠᠳ ᠤᠯᠵᠤ ᠬᠠᠷᠠᠬᠤ ᠶᠢᠨ ᠵᠠᠶᠠᠭᠠ ᠪᠠᠶᠢᠬᠤ ᠡᠰᠡᠭᠦ ᠪᠠᠨ ᠪᠤᠳᠤᠭᠠᠳ ᠨᠢᠯᠪᠤᠰᠤ ᠭᠡᠭᠴᠢ ᠥᠪᠡᠷ ᠤᠨ ᠡᠷᠭᠡ ᠥᠭᠡᠢ | ᠪᠥᠮᠪᠥᠷᠢᠪᠡ᠃ ᠪᠢ ᠭᠥᠥ ᠪᠠᠨ ᠲᠡᠪᠡᠷᠢᠨ ᠠᠪᠴᠤ ᠡᠯᠢᠭᠡᠨ ᠳᠤ ᠪᠠᠨ ᠨᠠᠭᠠᠭᠠᠵᠤ ᠰᠠᠮ ᠮᠡᠭᠰᠢᠪᠡ᠃ ᠪᠠᠶᠢᠰᠬᠢᠭᠡᠳ ᠴᠢᠩᠨᠠᠬᠤᠯᠠᠷ᠂ ᠡᠭᠡᠨᠡᠷ ᠮᠢᠨᠢ ᠲᠡᠷᠡ ᠭᠡᠷ ᠲᠤ | ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ ᠡᠮᠥᠰᠭᠦ ᠪᠠᠷ ᠶᠠᠪᠤᠭᠰᠠᠨ ᠪᠢᠵᠡ᠂ ᠠᠨᠢᠷ ᠥᠭᠡᠢ ᠪᠠᠶᠢᠨᠠ᠃ ᠭᠥᠥ ᠪᠠᠨ ᠪᠢ ᠡᠪᠥᠷ ᠲᠡᠭᠡᠷᠡ ᠪᠠᠨ ᠠᠪᠴᠤ ᠵᠠᠪᠢᠯᠠᠨ ᠰᠠᠭᠤᠭᠠᠳ ᠨᠢᠯᠬᠠ | ᠶᠢᠨ ᠭᠥᠯᠥᠰᠤ ᠲᠠᠢ ᠲᠤᠯᠤᠭᠠᠢ ᠶᠢ ᠨᠢ ᠤᠳᠠᠭᠠᠨ ᠭᠡᠭᠴᠢ ᠥᠨᠥᠷᠯᠡᠵᠥ᠂ ᠡᠨᠡ ᠵᠠᠪᠰᠠᠷ ᠪᠤᠯᠵᠤ ᠥᠩᠭᠡᠷᠡᠭᠰᠡᠨ ᠤᠴᠢᠷ ᠢᠶᠠᠨ ᠨᠠᠷᠢᠨ ᠡᠷᠬᠢᠴᠡᠭᠦᠯᠪᠡ᠃ | ᠥᠨᠥᠳᠥᠷ ᠪᠤᠯ 2015 ᠤᠨ ᠤ 4 ᠰᠠᠷᠠ ᠶᠢᠨ 24᠂ ᠥᠴᠥᠭᠡᠳᠤᠷ ᠤᠷᠤᠢ ᠭᠡᠥᠭᠡᠨ ᠲᠡᠭᠦᠥ ᠪᠠᠶᠢᠭᠤᠯᠭᠠ ᠶᠢᠨ ᠬᠢᠨ ᠲᠠᠢ ᠪᠠᠨ ᠮᠤᠭᠠᠶᠢᠳᠤ ᠳᠤ ᠮᠤᠳᠤ | ᠲᠠᠷᠢᠬᠤ ᠪᠠᠷ ᠶᠠᠪᠤᠵᠤ᠂ ᠪᠤᠴᠠᠯᠭᠠᠨ ᠳᠤ ᠪᠠᠨ ᠬᠠᠪᠤᠷ ᠤᠨ ᠠᠩᠬᠠᠨ ᠤ ᠲᠠᠭᠠᠨᠠ ᠶᠢ ᠭᠡᠳᠥᠨ ᠠᠳᠬᠤ ᠲᠡᠭᠦᠵᠥ ᠠᠪᠴᠢᠷᠠᠭᠰᠠᠨ ᠢ ᠥᠳᠡ ᠳᠤ ᠬᠠᠳᠠᠭᠰᠠᠨ ᠮᠢᠬᠠ | ᠲᠠᠢ ᠬᠠᠭᠤᠷᠭᠠᠰᠢ ᠬᠠᠭᠤᠷᠴᠤ ᠢᠳᠡᠭᠰᠡᠨ︔ ᠥᠨᠥ ᠡᠳᠥᠷ 2014 — 2015 ᠤᠨ ᠤ NBA ᠶᠢᠨ ᠰᠡᠭᠦᠯᠴᠢ ᠱᠠᠳᠤ ᠶᠢᠨ ᠮᠡᠳᠭᠡᠭᠡᠨ ᠤ ᠠᠩᠬᠠᠨ ᠡᠭᠡᠯᠵᠢ | ᠳᠤ ᠠᠮᠧᠷᠢᠺᠠ ᠶᠢᠨ ᠪᠠᠷᠠᠭᠤᠨ ᠤᠷᠤᠨ ᠤ ᠪᠥᠯᠥᠭ ᠲᠤ ᠺᠠᠯᠢᠹᠤᠷᠨᠢᠶᠠ ᠶᠢᠨ ᠤᠺᠠᠯᠠᠨ ᠬᠤᠳᠠ ᠶᠢᠨ ᠵᠤᠷᠢᠭᠳᠤ ᠡᠷᠡᠰ ᠤᠨ ᠠᠩᠬᠢ ᠰᠢᠨᠡ ᠤᠷᠯᠧᠨ᠋ᠰ ᠬᠤᠳᠠ ᠶᠢᠨ | ᠬᠤᠳᠠᠨ ᠰᠢᠪᠠᠭᠤᠨ ᠤ ᠠᠩᠬᠢ ᠶᠢ ᠨᠡᠮᠡᠯᠳᠡ ᠲᠠᠯᠠᠪᠤᠷ ᠤᠨ ᠤᠷᠤᠯᠳᠤᠭᠠᠨ ᠢᠶᠠᠷ ᠢᠯᠠᠵᠤ᠂ ᠶᠡᠷᠥᠩᠭᠡᠢ ᠬᠤᠪᠢ ᠨᠢ 3᠄ 0 ᠪᠠᠷ ᠰᠠᠨᠠᠭᠠᠴᠢᠯᠠᠭᠠᠳᠤ ᠪᠠᠶᠢᠷᠢ ᠡᠵᠡᠯᠡᠭᠰᠡᠨ | ᠢ ᠺᠤᠮᠫᠢᠥ᠋ᠲ᠋ᠧᠷ ᠱᠠᠭᠠᠶᠢᠨ ᠥᠵᠡᠵᠥ ᠲᠠᠭᠤᠰᠬᠠᠭᠰᠠᠨ ᠢ ᠰᠠᠨᠠᠪᠠ᠃ ᠤᠨᠳᠠᠬᠤ ᠠᠴᠠ ᠡᠮᠥᠨᠡ ᠭᠠᠷ ᠤᠳᠠᠰᠤᠨ ᠰᠤᠨᠢᠨ ᠳᠤ ᠢᠯᠵᠡᠷᠡᠮᠡᠯ ᠨᠤᠶᠠᠳ ᠢ ᠲᠤᠩᠬᠠᠭᠯᠠᠨ | ᠵᠠᠷᠯᠠᠵᠤ ᠪᠠᠶᠢᠭᠰᠠᠨ ᠵᠡᠷᠭᠡ ᠶᠠᠮᠠᠷ ᠴᠤ ᠰᠠᠪᠠᠭᠠ ᠥᠭᠡᠢ ᠨᠤᠪᠰᠢ ᠶᠢᠨ ᠵᠥᠢᠯ ᠤᠳ ᠢ ᠲᠠᠭᠤᠰᠳᠠᠯᠠ ᠥᠵᠡᠭᠰᠡᠨ ᠢᠶᠠᠨ ᠭᠥᠷᠳᠡᠯᠡ ᠪᠤᠳᠤᠪᠠ᠃ ᠭᠥᠥ ᠡᠭᠡ ᠶᠢᠨ ᠢᠶᠠᠨ | ᠬᠤᠶᠢᠨᠠ ᠠᠴᠠ ᠲᠠᠷᠡ ᠭᠡᠷ ᠲᠤ ᠶᠠᠪᠤᠭᠰᠠᠨ ᠲᠤᠯᠠ ᠭᠠᠭᠴᠠᠭᠠᠷ ᠢᠶᠠᠨ ᠴᠢᠭᠯᠡᠯ ᠥᠭᠡᠢ ᠲᠡᠨᠡᠭᠯᠡᠨ ᠰᠢᠷᠳᠡᠵᠥ᠂ ᠨᠢᠳᠥᠨ ᠡᠮᠥᠨᠡ ᠲᠤᠭᠳᠠᠭᠰᠠᠨ ᠵᠡᠭᠦᠨ ᠭᠠᠷ ᠤᠨ | ᠠᠯᠠᠭᠠ ᠴᠠᠷᠪᠠᠭᠤ ᠢ ᠪᠠᠨ ᠬᠠᠷᠠᠨ ᠭᠥᠯᠢᠷᠡᠵᠥ ᠰᠠᠭᠤᠯᠠ᠃ | ᠪᠢ ᠰᠠᠶᠢᠨ ᠤ ᠵᠠᠶᠠᠭᠠ ᠪᠠᠷ ᠤᠳᠤᠭ ᠤᠨ ᠪᠠᠷᠠᠭᠤᠨ ᠵᠠᠬᠠ ᠶᠢᠨ ᠬᠠᠯᠵᠠᠨ ᠪᠤᠯᠠᠭ ᠭᠡᠭᠴᠢ ᠰᠠᠶᠢᠬᠠᠨ ᠨᠤᠳᠤᠭ ᠲᠤ ᠤᠷᠴᠢᠯᠠᠩ ᠤᠨ ᠨᠠᠷᠠ ᠶᠢ ᠠᠩᠬᠠ | ᠬᠠᠷᠠᠭᠰᠠᠨ᠃ ᠲᠥᠷᠥᠭᠰᠡᠨ ᠨᠤᠳᠤᠭ ᠤᠨ ᠢᠶᠠᠨ ᠲᠤᠷᠭᠠᠨ ᠭᠥᠷᠥᠰᠥᠨ ᠲᠡᠭᠡᠷᠡ ᠪᠠᠭᠠ ᠶᠢᠨ ᠨᠥᠭᠦᠳ ᠲᠠᠢ ᠪᠠᠨ ᠴᠤᠭ ᠲᠡᠷᠪᠡᠵᠥ᠂ ᠡᠴᠢᠭᠡ ᠡᠭᠡ ᠶᠢᠨ ᠢᠶᠠᠨ ᠭᠠᠷ | ᠲᠤ ᠡᠷᠭᠡᠯᠡᠨ ᠥᠨᠡᠷᠭᠡᠵᠥ ᠥᠰᠥᠭᠰᠡᠨ ᠶᠤᠮ᠃ ᠭᠥᠭᠰᠢᠨ ᠪᠤᠭᠤᠷᠤᠯ ᠠᠪᠤ ᠡᠵᠢ ᠮᠢᠨᠢ ᠡᠳᠥᠭᠡ ᠭᠥᠳᠡᠭᠡ ᠭᠡᠷ ᠲᠤ ᠪᠠᠨ ᠰᠠᠭᠤᠵᠤ᠄ ︽ᠠᠱ᠂ ᠮᠠᠭᠤ ᠰᠢᠷᠠ | ᠲᠤᠯᠤᠭᠠᠶᠢᠳᠤ ᠶᠢ ᠮᠢᠨᠢ ᠠᠪᠤᠭᠠᠳ ᠢᠷᠡᠳᠡᠭ ᠴᠤ ᠶᠤᠮ ᠪᠤᠯ ᠤᠤ︕ ᠮᠠᠭᠤ ᠲᠡᠭᠳᠡᠭᠡ ᠮᠢᠨᠢ ᠶᠠᠭᠤ ᠬᠢᠭᠡᠳ ᠤᠴᠤᠷ ᠤᠴᠤᠷ ᠭᠡᠵᠥ ᠪᠠᠶᠢᠬᠤ ᠪᠤᠯ ᠳ᠋ᠠ︖︾ | ᠭᠡᠵᠥ ᠭᠥᠥ ᠶᠢ ᠮᠢᠨᠢ ᠥᠭᠡᠶᠢᠯᠡᠵᠥ ᠰᠠᠭᠤᠵᠤ ᠪᠤᠢ ᠶᠢ ᠪᠤᠳᠤᠬᠤ ᠳᠤ ᠲᠤᠳᠤᠷᠠ ᠰᠢᠨᠠᠯᠤᠨ ᠵᠢᠷᠥᠭᠡ ᠡᠮᠵᠡᠭᠯᠡᠪᠡ᠃ ᠭᠠᠯᠠᠭᠤ ᠨᠤᠭᠤᠰᠤ ᠭᠠᠩᠭᠠᠨᠠᠯᠳᠤᠭᠰᠠᠨ ᠬᠠᠯᠵᠠᠨ | ᠪᠤᠯᠠᠭ ᠤᠨ ᠢᠶᠠᠨ ᠬᠠᠯᠢᠭᠤᠷᠠᠭᠰᠠᠨ ᠰᠠᠶᠢᠬᠠᠨ ᠲᠡᠷᠡᠰᠤ ᠶᠢ ᠰᠠᠨᠠᠪᠠ᠂ ᠪᠠᠭᠠ ᠵᠢᠭᠠᠬᠠᠨ ᠴᠠᠭ ᠲᠤ ᠲᠤᠭᠯᠠᠵᠤ ᠨᠠᠭᠠᠳᠴᠤ ᠶᠠᠪᠤᠭᠰᠠᠨ ᠪᠠᠯᠠᠷ ᠴᠠᠶᠢᠳᠠᠮ᠂ ᠰᠢᠯᠢ | ᠭᠥᠨᠳᠡᠢ ᠪᠠᠨ ᠰᠠᠨᠠᠪᠠ᠃ ᠭᠥᠳᠡᠭᠡ ᠪᠡᠯᠴᠢᠭᠡᠷ ᠲᠤ ᠬᠠᠶᠠᠭᠳᠠᠭᠰᠠᠨ ᠬᠤᠷᠠᠭᠠ ᠢᠰᠢᠭᠡ ᠶᠢ ᠪᠤᠰᠤᠳ ᠠᠴᠠ ᠤᠷᠢᠳ ᠤᠯᠵᠤ ᠬᠠᠷᠠᠭᠠᠳ ᠭᠥᠶᠥᠵᠥ ᠲᠡᠪᠡᠷᠢᠵᠥ | ᠢᠷᠡᠳᠡᠭ ᠢᠶᠠᠨ ᠴᠤ ᠪᠤᠳᠤᠪᠠ᠃ ᠤᠳᠤ ᠪᠤᠯᠬᠤ ᠳᠤ ᠡᠶᠢᠰᠢ ᠲᠡᠶᠢᠰᠢ ᠬᠠᠷᠠᠵᠤ ᠪᠥᠯᠳᠡᠶᠢᠪᠡᠴᠤ ᠵᠥᠭᠡᠷ ᠯᠠ ᠠᠯᠠᠭᠠ ᠴᠠᠷᠪᠠᠭᠤ ᠬᠤᠶᠠᠷ᠃ | ᠠᠯᠠᠭ ᠨᠢᠳᠥᠨ ᠤ ᠬᠠᠷᠠᠭᠠ ᠪᠠᠨ ᠠᠯᠳᠠᠪᠠᠯ ᠤᠳᠤ ᠶᠠᠭᠠᠬᠢᠨᠠ ᠪᠤᠢ ᠭᠡᠵᠥ ᠪᠢ ᠶᠡᠭᠡ ᠪᠤᠳᠤᠯᠬᠢᠯᠡᠪᠡ᠂ ᠥᠨᠡᠨ ᠳᠤ ᠪᠠᠨ ᠴᠤ ᠲᠤᠩ ᠲᠥᠪᠯᠡᠭᠦᠨ ᠴᠢᠬᠢᠮᠢ | ᠪᠠᠷ ᠪᠤᠳᠤᠯᠬᠢᠯᠠᠪᠠ᠃ ᠪᠠᠭᠠ ᠳᠤ ᠪᠠᠨ ᠥᠯᠢᠭᠡᠷ ᠲᠤ ᠲᠤᠷᠠᠯᠠᠵᠤ ᠡᠷᠡᠤ ᠲᠤᠯᠤᠨ ᠶᠡᠭᠡ ᠭᠥᠮᠥᠨ ᠤᠳ ᠤᠨ ᠥᠭᠡ ᠴᠢᠩᠨᠠᠳᠠᠭ ᠪᠠᠶᠢᠭᠰᠠᠨ᠂ ᠰᠠᠭᠦᠯᠡᠷ ᠪᠢᠴᠢᠭ | ᠨᠢᠳᠥᠯᠡᠭᠦ ᠲᠠᠢ ᠵᠡᠷᠭᠡ ᠤᠷᠤᠨ ᠭᠠᠷᠤᠨ ᠨᠤᠮ ᠰᠤᠭᠤᠪᠴᠢᠯᠡᠵᠥ᠂ ᠮᠠᠯ ᠬᠤᠢ ᠪᠠᠨ ᠠᠯᠳᠠᠭᠠᠳ ᠡᠮᠡᠭᠡ ᠪᠠᠷ ᠵᠠᠩᠨᠠᠭᠤᠯᠵᠤ ᠪᠠᠶᠢᠭᠰᠠᠨ᠂ ᠶᠡᠭᠡ ᠪᠤᠯᠤᠭᠠᠳ ᠲᠠᠩᠳᠠ | ᠲᠧᠯᠸᠢᠰ ᠱᠠᠭᠠᠶᠢᠵᠤ ᠠᠪᠤ ᠡᠵᠢ ᠪᠠᠷ ᠭᠡᠯᠡᠭᠦᠯᠵᠥ ᠪᠠᠶᠢᠭᠰᠠᠨ᠃ ᠠᠵᠢᠯ ᠳᠤ ᠤᠷᠤᠭᠰᠠᠨ ᠤ ᠲᠠᠷᠠᠭᠠ ᠠᠯᠪᠠᠨ ᠭᠡᠷᠡᠭᠴᠡᠭᠡ ᠠᠴᠠ ᠪᠤᠯᠤᠯᠠ ᠭᠡᠮᠡᠨ ᠰᠢᠯᠳᠠᠭᠯᠠᠵᠤ | ᠺᠤᠮᠫᠢᠥ᠋ᠲ᠋ᠧᠷ ᠤᠨ ᠲᠡᠯᠭᠡᠴᠡ ᠳᠤ ᠪᠠᠷᠤᠭ ᠤᠷᠤᠮᠠᠷ ᠤᠷᠤᠮᠠᠷ ᠪᠤᠯᠵᠤ ᠨᠢᠳᠤ ᠤᠯᠠᠮ ᠮᠠᠭᠤᠳᠠᠭᠰᠠᠨ᠂ ᠡᠨᠡ ᠬᠤᠶᠠᠷ ᠵᠢᠯ ᠠᠴᠠ ᠤᠶᠤᠨᠳᠤ ᠭᠠᠷ ᠤᠳᠠᠰᠤ ᠭᠡᠭᠴᠢ | ᠶᠠᠭᠤᠮᠠ ᠰᠢᠨᠠ ᠭᠠᠷᠴᠤ ᠢᠷᠡᠭᠦᠯᠡᠷ ᠭᠠᠷ ᠤᠳᠠᠰᠤ᠂ ᠬᠠᠪᠳᠠᠰᠤᠨ ᠺᠤᠮᠫᠢᠥ᠋ᠲ᠋ᠧᠷ ᠵᠡᠷᠭᠡ ᠶᠢ ᠶᠡᠭᠡ ᠶᠠᠭᠤᠮᠠ ᠪᠤᠯᠭᠠᠵᠤ ᠡᠳᠥᠷᠵᠢᠨ ᠰᠥᠨᠢᠵᠢᠨ ᠱᠠᠭᠠᠶᠢᠵᠤ᠂ | ᠬᠠᠷᠠᠭᠠ ᠪᠥᠷ ᠪᠤᠯᠬᠤ ᠪᠠᠨ ᠪᠤᠯᠢᠭᠰᠠᠨ ᠠᠴᠠ ᠨᠢᠳᠥᠨᠥᠨ ᠠᠴᠠ ᠭᠡᠳᠥ ᠤᠳᠠᠭᠠ ᠰᠢᠯ ᠤᠨ ᠢᠶᠠᠨ ᠭᠷᠠᠳᠥ᠋ᠰ ᠨᠡᠮᠡᠭᠰᠡᠨ ᠢ ᠬᠠᠷᠠᠮᠰᠠᠨ ᠡᠷᠬᠢᠴᠡᠭᠦᠯᠪᠡ᠃ ᠡᠴᠢᠭᠡ ᠡᠭᠡ | ᠠᠴᠠ ᠵᠠᠶᠠᠭᠠᠰᠠᠨ ᠡᠷᠳᠡᠨᠢᠳᠤ ᠰᠠᠶᠢᠬᠠᠨ ᠪᠡᠶᠡ ᠴᠤᠭᠴᠠ ᠶᠢ ᠡᠨᠡ ᠮᠡᠳᠤ ᠡᠰᠡᠨ ᠪᠤᠰᠠᠨ ᠥᠷᠡᠨ ᠲᠠᠷᠠᠨ ᠬᠢᠵᠥ ᠪᠠᠶᠢᠭᠠᠳ ᠯᠠ ᠬᠤᠶᠠᠷ ᠨᠢᠳᠤ ᠪᠠᠨ ᠰᠤᠬᠤᠯᠵᠤ | ᠠᠮᠠᠷᠠᠭᠰᠠᠨ ᠪᠠᠶᠢᠬᠤ ᠳ᠋ᠠ ᠭᠡᠵᠥ ᠥᠪᠡᠷ ᠢ ᠪᠠᠨ ᠵᠢᠮᠠᠯᠠᠨ ᠵᠢᠮᠠᠯᠠᠨ ᠰᠠᠭᠤᠯᠠ᠃ | ᠡᠭᠡᠨᠡᠷ ᠢᠷᠡᠵᠥ ᠭᠠᠷ ᠠᠴᠠ ᠭᠥᠳᠥᠯᠥᠨ ᠨᠠᠮᠠ ᠶᠢ ᠪᠤᠰᠬᠠᠪᠠ᠃ ᠬᠠᠴᠠᠷ ᠲᠠᠭᠠᠭᠰᠠᠨ ᠬᠠᠷᠠᠮᠰᠠᠯ ᠤᠨ ᠬᠠᠷᠠ ᠨᠢᠯᠪᠤᠰᠤ ᠠᠮᠠᠠ ᠳᠤ ᠤᠷᠤᠵᠤ ᠱᠤᠷᠪᠤᠭ | ᠠᠮᠳᠠᠭᠳᠠᠵᠤ ᠪᠠᠶᠢᠯᠠ᠃ ᠲᠤᠯᠤᠭᠠᠢ ᠲᠥᠩᠭᠦᠯᠵᠡᠭᠦ ᠰᠢᠭ ᠪᠤᠯᠬᠤ ᠳᠤ ᠪᠢ ᠲᠤᠬᠢᠶᠠ ᠥᠭᠴᠤ ᠵᠢᠭᠠᠬᠠᠨᠠᠨᠢᠵᠤ᠂ ᠪᠡᠶᠡ ᠪᠠᠨ ᠲᠤᠭᠳᠠᠭᠠᠬᠤ ᠶᠢ ᠪᠤᠳᠤᠪᠠ᠃ ᠨᠡᠯᠢᠶᠡᠳ | ᠤᠳᠠᠭᠠᠳ ᠨᠢᠳᠤ ᠪᠠᠨ ᠠᠯᠭᠤᠷᠬᠠᠨ ᠨᠡᠭᠡᠭᠡᠭᠦ ᠶᠢᠨ ᠲᠡᠷᠡ ᠭᠱᠠᠨ ᠳᠤ᠂᠂᠂᠂᠂᠂᠂ ᠡᠪᠡᠥ ᠬᠠᠶᠢᠷᠠᠬᠠᠨ᠂ ᠶᠠᠭᠤᠮᠠ ᠶᠠᠭᠤᠮᠠ ᠪᠠᠷ ᠢᠶᠠᠨ ᠥᠵᠡᠭᠳᠡᠵᠥ ᠡᠬᠢᠯᠡᠪᠡ︕ | ᠮᠠᠭᠤ ᠡᠭᠡᠨᠡᠷ ᠮᠢᠨᠢ ᠰᠤᠴᠢᠵᠤ ᠭᠠᠶᠢᠬᠠᠭᠰᠠᠨ ᠬᠠᠷᠠᠴᠠ ᠪᠠᠷ ᠰᠢᠷᠳᠡᠵᠥ ᠪᠠᠶᠢᠨᠠ᠂ ᠭᠥᠥ ᠮᠠᠯᠠᠭᠠᠢ ᠪᠠᠨ ᠵᠡᠭᠦᠴᠢᠭᠡᠭᠰᠡᠨ ᠭᠠᠷ ᠠᠴᠠ ᠭᠥᠳᠥᠯᠵᠥ ᠵᠤᠭᠰᠤᠨᠠᠮ ᠪᠥᠭᠡᠳ᠄ | ︽ᠠᠪᠠᠢ᠂ ᠠᠪᠠᠢ︕︾ ᠭᠡᠵᠥ ᠪᠠᠶᠢᠨᠠ᠃ ᠪᠤᠴᠠᠭᠠᠳ ᠤᠷᠤᠨ ᠲᠡᠭᠡᠷᠡ ᠪᠠᠨ ᠬᠢᠴᠢᠶᠡᠮᠵᠢᠳᠡᠶᠢᠭᠡᠨ ᠰᠠᠭᠤᠭᠰᠠᠨ ᠴᠤ ᠨᠢᠳᠤ ᠪᠠᠨ ᠲᠠᠬᠢᠨ ᠠᠨᠢᠵᠤ ᠴᠢᠳᠠᠭᠰᠠᠨ | ᠥᠭᠡᠢ᠃ ᠡᠭᠡᠨᠡᠷ ᠤᠷᠤᠭᠰᠢ ᠪᠥᠭᠦᠶᠢᠵᠥ ᠨᠢᠳᠤ ᠶᠢ ᠮᠢᠨᠢ ᠨᠠᠷᠢᠨ ᠠᠵᠢᠭᠯᠠᠭᠠᠳ᠄ ︽ᠨᠢᠳᠤᠨ ᠲᠤᠳᠤᠷᠠ ᠴᠢᠨᠢ ᠨᠢᠭᠡ ᠬᠠᠷᠠ ᠶᠠᠭᠤᠮᠠ ᠪᠠᠶᠢᠬᠤ ᠰᠢᠭ᠋᠃ ᠪᠠᠶᠢᠵᠠ | ᠪᠠᠶᠢᠵᠠ᠂ ᠨᠢᠭᠡ ᠲᠥᠷᠪᠡᠯᠵᠢᠪᠳᠥᠷ ᠬᠠᠷᠠ ᠶᠠᠭᠤᠮᠠ ᠪᠠᠶᠢᠨᠠ︕︾ ᠭᠡᠵᠥ ᠭᠠᠶᠢᠬᠠᠨ ᠭᠡᠯᠡᠪᠡ᠃ ᠥᠨᠡᠭᠡᠷ ᠨᠢᠭᠡ ᠬᠠᠷᠠ ᠶᠠᠭᠤᠮᠠ ᠨᠢᠳᠥᠨ ᠳᠤ ᠪᠥᠷᠥᠯᠵᠡᠭᠦ ᠮᠡᠳᠤ | ᠰᠠᠨᠠᠭᠳᠠᠬᠤᠯᠠᠷ ᠪᠢ ᠤᠬᠤᠰᠬᠢᠨ ᠪᠤᠰᠴᠤ ᠤᠬᠢᠶᠠᠯᠭᠠ ᠶᠢᠨ ᠥᠷᠥᠭᠡᠨ ᠤ ᠲᠤᠯᠢᠨ ᠳᠤ ᠤᠴᠢᠨ ᠵᠤᠪᠬᠢ ᠪᠠᠨ ᠤᠷᠪᠠᠭᠤᠯᠤᠨ ᠨᠢᠭᠳᠠᠯᠠᠨ ᠠᠵᠢᠪᠠ᠃ ᠨᠡᠭᠡᠷᠡᠨ︕ | ᠵᠢᠵᠢᠭ ᠬᠠᠷᠠ ᠲᠤᠯᠪᠤ ᠵᠡᠭᠦᠨ ᠨᠢᠳᠥᠨ ᠴᠡᠴᠡᠭᠡᠢ ᠶᠢᠨ ᠬᠠᠵᠠᠭᠤᠳᠠ ᠲᠤᠳᠤ ᠥᠵᠡᠭᠳᠡᠪᠡ᠃ ᠰᠠᠶᠢᠨ ᠠᠵᠢᠬᠤᠯᠠᠷ᠂ ᠪᠤᠷᠬᠠᠨ ᠮᠢᠨᠢ︕ ᠲᠡᠪᠡᠨᠡ ᠶᠢᠨ ᠰᠥᠪᠡ ᠶᠢᠨ | ᠬᠢᠷᠢ ᠨᠢᠭᠡ ᠬᠠᠷᠠ ᠥᠩᠭᠡ ᠶᠢᠨ ᠭᠠᠷ ᠤᠳᠠᠰᠤᠨ ᠮᠠᠰᠢᠨ ᠨᠢᠳᠥᠨ ᠲᠤᠳᠤᠷᠠ ᠮᠢᠨᠢ ᠪᠠᠳᠤᠳᠠᠢ ᠬᠠᠷᠠᠭᠳᠠᠪᠠ᠃ | ᠂᠂᠂᠂᠂᠂᠂ ᠭᠠᠷ ᠤᠳᠠᠰᠤ ᠥᠩᠬᠢᠨᠡᠨ ᠲᠤᠤᠭᠠᠷᠬᠤ ᠪᠠᠷ ᠪᠢ ᠰᠤᠴᠢᠨ ᠰᠡᠷᠢᠪᠡ᠃ 14 ᠴᠠᠭ 12 ᠮᠢᠨᠥ᠋ᠲ ᠪᠤᠯᠵᠤ ᠰᠡᠷᠢᠭᠦᠯᠭᠡ ᠴᠡᠴᠡᠷᠡᠭᠰᠡᠨ ᠪᠠᠶᠢᠬᠤ ᠨᠢ᠂ | ᠨᠢᠳᠤ ᠪᠠᠨ ᠲᠡᠮᠳᠡᠷᠢᠭᠦᠯᠡᠷ ᠨᠢᠯᠪᠤᠰᠤ ᠤᠷᠤᠰᠤᠭᠰᠠᠨ ᠨᠢ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠥᠭᠡᠢ ᠥᠨᠡᠨ ᠪᠠᠶᠢᠪᠠ᠃ ᠪᠢ ᠶᠠᠭᠠᠷᠠᠪᠴᠢᠯᠠᠨ ᠪᠤᠰᠴᠤ ᠨᠢᠭᠤᠷ ᠭᠠᠷ ᠢᠶᠠᠨ | ᠬᠠᠯᠳᠤ ᠮᠥᠯᠳᠤ ᠤᠬᠢᠶᠠᠭᠠᠳ ᠭᠠᠷ ᠤᠳᠠᠰᠤ ᠪᠠᠨ ᠬᠠᠷᠮᠠᠯᠠᠭᠠᠳ ᠠᠵᠢᠯ ᠳᠤ ᠪᠠᠨ ᠭᠠᠷᠤᠯᠠ᠃ |