| | ᠴᠢ᠊ · ᠭᠠᠩᠵᠣᠷᠢᠭᠲᠤ | | ᠥᠷᠯᠥᠭᠡ ᠶᠢᠨ ᠴᠠᠢ ᠪᠠᠨ ᠤᠤᠭᠤᠵᠤ ᠪᠠᠶᠢᠭᠰᠠᠨ ᠮᠢᠳᠤᠭᠮᠠ ᠭᠡᠨᠡᠳᠲᠡ ︽ᠬᠦᠢ︾ ᠭᠡᠵᠦ ᠳᠠᠭᠤ ᠠᠯᠲᠠᠨ ᠰᠠᠠᠳᠤᠷᠤᠨ ᠪᠣᠰᠴᠤ᠄ ︽ᠮᠡᠷᠭᠡᠨᠪᠠᠳᠤ ᠡ᠂ | ᠬᠤᠶᠠᠭᠤᠯᠠ ᠥᠨᠥᠳᠥᠷ ᠶᠠᠪᠤᠭᠳᠠᠬᠤ ᠵᠢᠭᠡ ᠬᠦᠦ ᠶᠢᠨ ᠢᠶᠠᠨ ᠬᠤᠷᠢᠮ ᠢ ᠮᠠᠷᠲᠠᠴᠢᠬᠠᠭᠰᠠᠨ ᠪᠠᠶᠢᠨᠠ ᠰᠢᠦ᠃ ᠠᠷᠪᠠᠨ ᠴᠠᠭ ᠲᠤ ᠡᠬᠢᠯᠡᠬᠦ ᠭᠡᠰᠡᠨ ᠰᠢᠦ︾ ᠭᠡᠪᠡᠯ᠂ | ᠮᠡᠷᠬᠡᠨᠪᠠᠲᠤ᠄ ︽ᠮᠠᠷᠲᠠᠴᠢᠬᠠᠨᠠ ᠭᠡᠭᠴᠢ ᠨᠢ ᠪᠠᠰᠠ ᠴᠦ ᠰᠠᠶᠢᠬᠠᠨ︾ ᠭᠡᠵᠦ ᠠᠵᠢᠭ ᠴᠦ ᠦᠭᠡᠢ ᠭᠡᠯᠡᠵᠤ ᠰᠠᠭᠤᠪᠠ᠃ | ᠮᠢᠳᠤᠭᠮᠠ ᠰᠠᠠᠳᠤᠷᠤᠨ᠄ ︽ᠦᠢ᠂ ︿ᠮᠠᠷᠲᠠᠴᠢᠬᠠᠨᠠ ᠭᠡᠭᠴᠢ ᠨᠢ ᠪᠠᠰᠠ ᠴᠦ ᠰᠠᠶᠢᠬᠠᠨ﹀ ᠭᠡᠳᠡᠭ ᠴᠢᠨᠢ ᠶᠠᠭᠤ ᠭᠡᠰᠡᠨ ᠦᠭᠡ ᠪᠤᠢ︖ ᠮᠠᠷᠲᠠᠵᠤ | ᠪᠣᠯᠬᠤ ᠦᠭᠡᠢ᠂ ᠬᠠᠶᠠᠵᠤ ᠪᠣᠯᠬᠤ ᠦᠭᠡᠢ᠂ ᠵᠠᠪᠠᠯ ᠣᠴᠢᠬᠤ ᠴᠢᠬᠤᠯᠠ ᠬᠤᠷᠢᠮ ᠰᠢᠦ᠃ ᠴᠢᠮᠠ ᠳᠤ ᠵᠣᠭᠤᠰ ᠪᠠᠶᠢᠨᠠ ᠦᠦ︖︾ ᠭᠡᠪᠡᠯ᠂ ᠮᠡᠷᠬᠡᠨᠪᠠᠲᠤ᠄ ︽ᠵᠠᠭᠤᠨ | ᠵᠣᠭᠤᠰ ᠪᠠᠶᠢᠨᠠ ᠃ ᠪᠢ ᠲᠡᠷᠭᠡᠨ ᠤ ᠪᠠᠨ ᠲᠥᠷᠪᠡᠨ ᠭᠥᠷᠳᠦ᠂ ᠲᠥᠷᠪᠡᠨ ᠰᠢᠯ᠂ ᠬᠤᠶᠠᠷ ᠳ᠋ᠧᠩ᠂ ᠬᠤᠶᠢᠨᠠᠬᠢ ᠳ᠋ᠧᠩ ᠂ ᠬᠤᠶᠠᠷ ᠲᠠᠯᠠ ᠶᠢᠨ ᠲᠣᠰᠬᠠᠯ ᠰᠢᠯ᠂ | ᠳᠣᠲᠣᠷᠠ ᠶᠢᠨ ᠳ᠋ᠧᠩ ᠂ ᠳᠣᠣᠭᠠᠷᠳᠠᠭ ᠯᠠᠪᠠ᠂ ᠳᠡᠪᠢᠰᠭᠡᠷ ᠣᠯᠪᠣᠭ ᠤᠳ ᠢ ᠪᠥᠭᠦᠳᠡ ᠶᠢ ᠨᠢ ᠰᠢᠨᠡᠳᠭᠡᠨ ᠰᠣᠯᠢᠭᠠᠳ ᠵᠣᠭᠤᠰ ᠢᠶᠠᠨ ᠪᠦᠷ ᠰᠠᠵᠢᠴᠢᠬᠠᠭᠰᠠᠨ᠃ | ᠴᠢᠮᠠ ᠳᠤ ᠵᠣᠭᠤᠰ ᠪᠠᠶᠢᠬᠤ ᠦᠭᠡᠢ ᠦᠦ︖︾ ᠭᠡᠪᠡᠯ᠂ ᠮᠢᠳᠤᠭᠮᠠ ᠄ ︽ᠲᠠᠪᠢᠨ ᠵᠣᠭᠤᠰ ᠪᠠᠶᠢᠨᠠ᠃ ᠪᠢ ᠲᠣᠯᠣᠭᠠᠢ ᠪᠠᠨ ᠣᠬᠢᠶᠠᠯᠭᠠᠨ᠂ ᠭᠡᠵᠢᠭᠡ ᠪᠠᠨ | ᠪᠣᠳᠣᠭᠤᠯᠵᠣ᠂ ᠭᠥᠮᠥᠰᠭᠡ ᠪᠠᠨ ᠵᠠᠰᠠᠭᠤᠯᠵᠤ᠂ ᠰᠣᠷᠮᠤᠤᠰᠤ ᠪᠠᠨ ᠳᠡᠭᠰᠢᠯᠡᠬᠦᠯᠵᠦ᠂ ᠬᠢᠮᠤᠰᠤ ᠪᠠᠨ ᠪᠣᠳᠣᠭᠤᠯᠵᠣ᠂ ᠲᠣᠭᠤᠵᠣ ᠳᠣᠷᠠᠭᠰᠠᠨ ᠠᠯᠲᠠᠨ ᠰᠤᠡᠳᠤᠷ᠂ | ᠲᠣᠩᠭᠠᠯᠠᠭ ᠨᠣᠭᠤᠭᠠᠨ ᠬᠠᠰ ᠪᠠᠭᠤᠪᠴᠢ ᠠᠪᠤᠭᠠᠳ ᠵᠣᠭᠤᠰ ᠢᠶᠠᠨ ᠪᠦᠷ ᠰᠠᠴᠤᠴᠢᠬᠠᠭᠰᠠᠨ︾ ᠭᠡᠪᠡ ᠃ | ᠮᠡᠷᠭᠡᠨᠪᠠᠲᠤ ᠰᠠᠠᠳᠤᠷᠴᠤ᠄ ︽ᠠᠶᠡ ᠂ ᠵᠢᠭᠡ ᠬᠥᠥ ᠶᠢᠨ ᠢᠶᠠᠨ ᠬᠤᠷᠢᠮ ᠳᠤ ᠣᠴᠢᠪᠠᠯ ᠬᠤᠶᠠᠭᠤᠯᠠ ᠨᠠᠭᠠᠲᠤ ᠵᠠᠬᠠ ᠳᠠᠭᠠᠨ ᠬᠤᠶᠠᠷ ᠮᠢᠩᠭᠠᠨ | ᠲᠥᠭᠦᠷᠢᠭ ᠲᠠᠯᠪᠢᠬᠤ ᠦᠭᠡᠢ ᠪᠣᠯᠬᠤ ᠦᠭᠡᠢ᠃ ᠴᠢᠨᠠᠭᠰᠢᠯᠠᠪᠠᠯ ᠂ ᠲᠡᠷᠭᠡᠨ ᠲᠤᠰᠤ᠂ ᠵᠠᠮ ᠥᠩᠭᠡᠷᠡᠬᠦ ᠰᠦᠢᠳᠭᠡᠯ᠂ ᠭᠡᠷ ᠤᠨ ᠳᠡᠭᠡᠵᠢ ᠪᠡᠯᠡᠭ ᠂ ᠤᠳᠠᠭᠠᠨ ᠵᠢᠯ | ᠣᠴᠢᠭᠰᠠᠨ ᠦᠭᠡᠢ ᠨᠠᠰᠤᠲᠠᠢ ᠡᠭᠡᠴᠢ ᠭᠥᠷᠭᠡᠨ ᠠᠬᠠ ᠳᠤ ᠪᠠᠨ ᠪᠠᠰᠠ ᠭᠥᠡᠳᠥ ᠪᠡᠯᠡᠭ ᠲᠠᠢ ᠤᠴᠢᠬᠤ ᠦᠭᠡᠢ ᠪᠣᠯᠬᠤ ᠦᠭᠡᠢ᠃ ᠶᠠᠭᠠᠬᠢᠵᠤ ᠪᠣᠳᠣᠭᠰᠠᠨ ᠴᠦ | ᠲᠥᠷᠪᠡᠨ ᠮᠢᠩᠭᠠᠨ ᠵᠤᠭᠤᠰ ᠪᠠᠶᠢᠬᠤ ᠦᠭᠡᠢ ᠪᠣᠯ ᠬᠤᠷᠢᠮ ᠳᠤ ᠶᠠᠪᠤᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠣᠯᠴᠢᠬᠠᠯᠠ ᠰᠢᠤ ︾ ᠭᠡᠪᠡ ᠃ | ᠮᠢᠳᠤᠭᠮᠠ᠄ ︽ᠳᠡᠭᠡᠵᠢ ᠪᠡᠯᠡᠭ ᠢ ᠬᠤᠶᠠᠭᠤᠯᠠ ︿ᠥᠡᠴᠥᠭ ᠤᠨ ᠳᠡᠯᠭᠡᠬᠦᠷ﹀ ᠠᠴᠠ ︿ᠲᠡᠮᠲᠡᠭᠯᠡᠵᠦ ﹀ ᠠᠪᠤᠭᠰᠠᠨ ᠴᠦ ᠪᠣᠯᠣᠨᠠ᠃ ᠲᠠᠨᠢᠯᠴᠠᠳᠠᠭ ᠭᠥᠮᠥᠰ | ᠶᠤᠮ ᠴᠢᠨᠢ᠃ ᠭᠡᠪᠡᠴᠦ ᠵᠣᠭᠤᠰ ᠢ ᠶᠠᠭᠠᠬᠢᠵᠤ ᠵᠢᠭᠡᠯᠡᠨᠡ ᠦᠦ︖ ᠪᠢ ᠬᠥᠮᠥᠨ ᠠᠴᠠ ᠵᠣᠭᠤᠰ ᠵᠢᠭᠡᠯᠡᠶᠡ ᠭᠡᠵᠦ ᠬᠡᠯᠡᠵᠤ ᠶᠠᠭ ᠴᠢᠳᠠᠬᠤ ᠦᠭᠡᠢ ᠂ ᠨᠢᠭᠤᠷ | ᠮᠢᠨᠢ ᠤᠯᠠᠶᠢᠨᠠ ︾ ᠭᠡᠪᠡᠯ᠂ ᠮᠡᠷᠭᠡᠨᠪᠠᠲᠤ᠄ ︽ᠪᠢ ᠪᠠᠰᠠ ᠬᠥᠮᠥᠨ ᠠᠴᠠ ᠵᠣᠭᠤᠰ ᠵᠢᠭᠡᠯᠡᠶᠡ ᠭᠡᠵᠦ ᠬᠡᠯᠡᠵᠦ ᠶᠠᠭ ᠴᠢᠳᠠᠬᠤ ᠦᠭᠡᠢ᠂ ᠮᠢᠨᠥ ᠨᠢᠭᠤᠷ ᠴᠦ | ᠤᠯᠠᠶᠢᠨᠠ︾ ᠭᠡᠪᠡ᠃ ᠮᠢᠳᠣᠭᠮᠠ ᠤᠳᠠᠵᠤ ᠤᠳᠠᠭᠠᠳ᠄ ︽ᠬᠤᠶᠠᠭᠤᠯᠠ ᠭᠠᠭᠴᠠ ᠭᠠᠭᠴᠠ ᠪᠠᠷ ᠢᠶᠠᠨ ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠯ ᠨᠡᠶᠢᠯᠡᠵᠤ ᠪᠠᠶᠢᠭᠠᠳ | ᠬᠡᠯᠡᠴᠢᠭᠡᠶᠡ᠃ ᠨᠢᠭᠤᠷ ᠮᠢᠨᠢ ᠤᠯᠠᠶᠢᠬᠤ ᠠᠴᠠ ᠠᠶᠤᠭᠰᠠᠨ ᠪᠣᠯ ᠬᠤᠶᠠᠭᠤᠯᠠ ᠪᠠᠨ ᠠᠮᠠᠪᠴᠢ ᠪᠠᠨ ᠵᠡᠭᠦᠵᠦ ᠪᠠᠶᠢᠭᠠᠳ ᠬᠡᠯᠡᠴᠢᠭᠡᠶᠡ᠃ ᠳᠡᠭᠡᠪᠡᠯ ᠬᠤᠶᠠᠭᠤᠯᠠ ᠶᠢᠨ | ᠣᠯᠠᠶᠢᠭᠰᠠᠨ ᠨᠢᠭᠤᠷ ᠭᠥᠮᠥᠨ ᠳᠤ ᠥᠵᠡᠭᠳᠡᠬᠦ ᠪᠠᠨ ᠪᠠᠶᠢᠴᠢᠬᠠᠨᠠ ᠰᠢᠦ︾ ᠭᠡᠪᠡ᠃ ᠮᠡᠷᠭᠡᠨᠪᠠᠲᠤ᠄ ︽ᠡᠨᠡ ᠠᠷᠭᠠ ᠬᠠᠷᠢᠨ ᠪᠣᠯᠬᠤ ᠠᠷᠭᠠ ᠪᠠᠶᠢᠨᠠ︾ ᠭᠡᠵᠦ | ᠵᠥᠪᠰᠢᠶᠡᠷᠡᠭᠰᠡᠨ ᠲᠤᠯᠠ ᠲᠡᠳᠡ ᠬᠤᠶᠠᠭᠤᠯᠠ ︽ᠥᠡᠴᠥᠭ ᠤᠨ ᠬᠤᠷᠰᠢᠶᠡᠨ︾ ᠳᠤ ᠣᠴᠢᠵᠤ ᠵᠣᠭᠤᠰ ᠵᠢᠭᠡᠯᠡᠬᠦ ᠪᠠᠷ ᠪᠣᠯᠣᠭᠰᠠᠨ ᠲᠤᠯᠠ ︽ᠠᠮᠠᠪᠴᠢ ᠪᠠᠨ | ᠵᠡᠭᠦᠵᠦ ︾ ᠂ ︽ᠲᠤᠯᠢᠨ ᠤ ᠡᠮᠥᠨᠡ ︾ ᠲᠥᠪ ᠵᠣᠭᠰᠣᠭᠠᠳ᠄ ︽ᠪᠢ ᠲᠠᠨ ᠠᠴᠠ ᠲᠥᠷᠪᠡᠨ ᠮᠢᠩᠭᠠᠨ ᠵᠣᠭᠤᠰ ᠵᠢᠭᠡᠯᠡᠶᠡ︕ ︾ ᠭᠡᠵᠦ ᠬᠡᠳᠥᠡᠳᠡ ᠪᠣᠯᠪᠠᠰᠤᠷᠠᠵᠤ | ᠬᠡᠯᠡᠬᠦ ᠦᠭᠡ ᠪᠠᠨ ᠨᠢᠭᠡᠳᠭᠡᠵᠤ ᠠᠪᠤᠭᠠᠳ ᠶᠠᠭ ᠭᠡᠷ ᠠᠴᠠ ᠪᠠᠨ ᠭᠠᠷᠬᠤ ᠭᠡᠵᠦ ᠪᠠᠶᠢᠳᠠᠯᠠ᠂ ᠭᠡᠨᠡᠳᠲᠡ ᠡᠮᠥᠨᠡ ᠲᠤᠭᠤᠷᠢᠭ ᠤᠨ ᠥᠵᠥᠮᠪᠠᠯ ᠪᠥᠰᠡᠬᠦᠢ | ᠴᠠᠬᠢᠯᠭᠠᠨ ᠮᠤᠲ᠋ᠤᠷ ᠢᠶᠠᠷ ᠢᠶᠠᠨ ᠶᠠᠭᠠᠷᠠᠯᠲᠠᠶᠢᠬᠠᠨ ᠢᠷᠡᠭᠡᠳ ᠄ ︽ᠠᠬᠠ᠂ ᠪᠡᠷᠭᠡᠨ ᠲᠠᠨᠤᠰ ᠭᠠᠳᠠᠭᠰᠢ ᠪᠠᠨ ᠶᠠᠪᠤᠬᠤ ᠭᠡᠵᠦ ᠪᠠᠶᠢᠬᠤ ᠶᠤᠮ ᠦᠦ︖ ᠵᠠ᠂ | ᠴᠣᠬᠤᠮ ᠤᠳᠠᠭᠠᠯᠠ᠂ ᠴᠣᠬᠤᠮ ᠮᠠᠭᠤᠬᠠᠢ ᠪᠣᠯᠣᠯᠠ᠃ ᠲᠡᠷᠡ ᠵᠢᠯ ᠤᠨ ᠡᠪᠥᠯ ᠲᠠᠨ ᠤ ᠬᠢ ᠨᠢᠭᠡ ᠦᠬᠡᠷ ᠤᠨᠠᠭᠠᠳᠠᠭ ᠪᠢᠯᠡ᠃ ᠪᠢ ᠨᠢᠭᠡ ᠪᠥᠯᠥᠭ | ᠦᠬᠡᠷ ᠤᠨ ᠮᠢᠬᠠ ᠪᠣᠯᠣᠨ ᠲᠤᠯᠤᠭᠠᠢ᠂ ᠰᠢᠬᠢᠷᠠ᠂ ᠲᠤᠲᠤᠷ ᠵᠢᠮᠰᠡ ᠶᠢ ᠨᠢ ᠪᠥᠷᠢ ᠠᠪᠤᠭᠠᠳ ᠨᠢᠭᠡ ᠮᠢᠩᠭᠠᠨ ᠵᠣᠭᠤᠰ ᠢ ᠴᠢᠨᠢ ᠬᠡᠳᠦᠨ ᠡᠳᠥᠷ ᠠᠴᠠ | ᠠᠪᠴᠢᠷᠠᠵᠤ ᠥᠭᠭᠦᠨᠡ ᠭᠡᠵᠦ ᠬᠡᠯᠡᠴᠢᠭᠡᠳ ᠰᠡᠭᠦᠯᠡᠷ ᠨᠢ ᠨᠢᠭᠡᠮᠥᠰᠦᠨ ᠮᠠᠷᠲᠠᠴᠢᠬᠠᠵᠠᠢ ᠃ ᠥᠨᠥᠳᠥᠷ ᠭᠡᠨᠡᠳᠲᠡ ᠰᠠᠨᠠᠭᠠᠨ ᠳᠤ ᠤᠷᠤᠭᠰᠠᠨ ᠲᠤᠯᠠ ᠭᠥᠷᠭᠡᠵᠦ | ᠢᠷᠡᠯᠡ ᠰᠢᠦ︾ ᠭᠡᠳ ᠮᠢᠩᠭᠠᠨ ᠵᠣᠭᠤᠰ ᠢᠶᠠᠨ ᠭᠠᠷᠭᠠᠵᠤ ᠥᠭᠭᠦᠭᠰᠡᠨ ᠳᠤ ᠮᠡᠷᠭᠡᠨᠪᠠᠲᠤ ᠬᠠᠷᠢᠭᠤ ᠳᠤ ᠨᠢ᠄ ︽ᠮᠠᠷᠲᠠᠴᠢᠬᠠᠨᠠ ᠭᠡᠭᠴᠢ ᠨᠢ ᠪᠠᠰᠠ ᠴᠦ | ᠰᠠᠶᠢᠬᠠᠨ︾ ᠭᠡᠵᠦ ᠢᠨᠢᠶᠡᠮᠰᠥᠭᠯᠡᠨ ᠬᠡᠯᠡᠪᠡ ᠃ | ᠲᠡᠳᠡ ᠬᠤᠶᠠᠷ ᠶᠠᠭ ᠭᠥᠳᠡᠯᠭᠦ ᠬᠡᠵᠦ ᠪᠠᠶᠢᠲᠠᠯᠠ ᠠᠷᠣ ᠳᠤ ᠨᠢ ︽ᠳ᠋ᠢᠳ︕︾ ᠭᠡᠵᠦ ᠲᠡᠷᠭᠡᠨ ᠯᠠᠪᠠ ᠲᠤᠤᠭᠠᠷᠪᠠ᠃ ᠭᠡᠨᠡᠳᠲᠡ ᠡᠯᠡᠰᠦᠲᠦ ᠭᠠᠴᠠᠭᠠᠨ ᠤ | ᠬᠠᠷᠠᠪᠠᠷᠰ ᠲᠡᠷᠭᠡᠨ ᠠᠴᠠ ᠪᠠᠨ ᠪᠠᠭᠤᠵᠤ ᠢᠷᠡᠭᠡᠳ᠄ ︽ᠦᠢ᠂ ᠮᠡᠷᠭᠡᠨᠪᠠᠲᠤ ᠠᠬᠠ ᠡ ᠂ ᠲᠡᠷᠡ ᠵᠢᠯ ᠤᠨ ᠬᠠᠪᠤᠷ ᠪᠢ ︿ᠲᠡᠷᠢᠶᠡᠨ ᠤ ᠥᠷᠡ﹀᠂ ︿ᠬᠢᠮᠢ ᠶᠢᠨ | ᠪᠤᠷᠳᠤᠭᠤᠷ﹀ ᠠᠪᠤᠨᠠ ᠭᠡᠳ ᠵᠣᠭᠤᠰ ᠭᠥᠷᠭᠦ ᠦᠭᠡᠢ ᠰᠥᠷᠡᠬᠡᠢ ᠮᠣᠬᠤᠷᠳᠠᠵᠤ ᠬᠤᠰᠢᠭᠤᠨ ᠳᠤ ᠣᠴᠢᠪᠠᠯ ᠤᠬᠠᠭᠠᠨ ᠪᠠᠶᠢᠳᠠᠭ ᠴᠦ ᠪᠢᠯᠢᠦ︖ ᠭᠡᠮᠡᠨ ︿ᠭᠤᠷᠪᠠᠨ | ᠭᠥᠷᠳᠥᠳᠥ ᠲᠷᠠᠺᠲ᠋ᠤᠷ﹀ ᠢᠶᠠᠨ ᠴᠢᠨᠡᠭᠡ ᠮᠡᠳᠡᠨ ᠪᠠᠭᠠᠬᠢᠭᠤᠯᠵᠤ ᠪᠠᠶᠢᠲᠠᠯᠠ ︿ᠵᠠᠰᠠᠮᠠᠯ ᠵᠠᠮ ᠤᠨ ᠭᠤᠴᠢᠨ ᠲᠠᠪᠤᠳᠤᠭᠠᠷ ᠺᠢᠯᠥᠮᠧᠲᠷ﹀ ᠲᠤ ᠲᠠᠨ ᠤ | ᠪᠠᠶᠢᠭᠤᠯᠤᠯᠭᠠ ᠶᠢᠨ ᠬᠢᠨ ᠶᠠᠭ ᠰᠠᠶᠢᠬᠠᠨ ᠴᠡᠪᠡᠷᠯᠡᠭᠡ ᠬᠢᠵᠦ ᠪᠠᠶᠢᠬᠤ ᠲᠠᠢ ᠲᠠᠭᠠᠷᠠᠯᠲᠤᠵᠤ ᠲᠠᠨ ᠳᠤ ︿ᠵᠣᠪᠠᠯᠠᠩ ᠢᠶᠠᠨ ᠲᠣᠭᠠᠴᠠᠭᠰᠠᠨ ﹀ ᠳᠤ ᠲᠠ ᠨᠠᠳᠠ ᠨᠢᠭᠡ | ᠮᠢᠩᠭᠠᠨ ᠲᠥᠭᠦᠷᠢᠭ ᠵᠢᠭᠡᠯᠡᠵᠦ ᠥᠭᠭᠦᠭᠰᠡᠨ ᠶᠤᠮ᠃ ᠲᠡᠷᠡ ᠬᠡᠮ ᠳᠡᠭᠡᠨ ᠪᠢ ᠨᠢᠭᠡᠮᠥᠰᠦᠨ ᠮᠠᠷᠲᠠᠴᠢᠬᠠᠵᠠᠢ᠃ ᠪᠢ ᠲᠠᠨ ᠤ ᠨᠢᠭᠡ ᠮᠢᠩᠭᠠᠨ ᠵᠣᠭᠤᠰ ᠢ ᠣᠳᠤ | ᠭᠥᠷᠭᠡᠵᠦ ᠢᠷᠡᠯᠡ ︾ ᠭᠡᠳ ᠨᠢᠭᠡ ᠮᠢᠩᠭᠠᠨ ᠵᠤᠭᠤᠰ ᠢᠶᠠᠨ ᠭᠠᠷᠳᠠᠭᠤᠯᠤᠭᠤᠰᠠᠨ ᠳᠤ ᠮᠡᠷᠬᠡᠨᠪᠠᠳᠤ ᠬᠠᠷᠢᠭᠤ ᠳᠤ ᠨᠢ᠄ ︽ᠮᠠᠷᠲᠠᠴᠢᠬᠠᠨᠠ ᠭᠡᠭᠴᠢ ᠨᠢ ᠪᠠᠰᠠ | ᠴᠦ ᠰᠠᠶᠢᠬᠠᠨ︾ ᠭᠡᠵᠦ ᠢᠨᠢᠶᠡᠮᠰᠥᠭᠯᠡᠨ ᠬᠡᠯᠡᠪᠡ ᠃ | ᠲᠡᠳᠡ ᠬᠤᠶᠠᠷ ᠶᠠᠭ ᠭᠥᠳᠡᠯᠭᠦ ᠬᠡᠵᠦ ᠪᠠᠶᠢᠲᠠᠯᠠ ᠭᠡᠨᠡᠳᠲᠡ ᠰᠢᠷᠠᠲᠤᠯᠤᠭᠠᠢ ᠭᠠᠴᠠᠭᠠᠨ ᠤ ᠪᠠᠲᠤᠬᠦᠥ ᠄ ︽ᠮᠡᠷᠭᠡᠨᠪᠠᠲᠤ ᠠᠬᠠ ᠡ᠂ ᠲᠡᠷᠡ ᠵᠢᠯ ᠤᠨ ᠡᠪᠥᠯ ᠤᠨ | ᠬᠢᠷᠠᠮᠠᠭ ᠴᠠᠰᠤ ᠲᠠᠢ ᠰᠥᠨᠢ ᠮᠢᠨᠥ ᠲᠡᠷᠬᠡ ᠨᠠᠷᠢᠨ ᠲᠣᠬᠤᠢ ᠶᠢᠨ ᠵᠠᠮ ᠳᠤ ᠡᠪᠳᠡᠷᠡᠴᠢᠭᠡᠭᠡᠳ ᠨᠠᠭᠠᠰᠢ ᠴᠦ ᠦᠭᠡᠢ᠂ ᠴᠠᠭᠠᠰᠢ ᠴᠦ ᠦᠭᠡᠢ ᠪᠣᠯᠴᠢᠬᠠᠪᠠ᠃ ᠪᠢ ᠶᠡᠭᠡ | ᠲᠡᠷᠭᠡ ᠭᠥᠯᠥᠰᠥᠯᠡᠨ ᠬᠤᠰᠢᠭᠤᠨ ᠳᠤ ᠬᠥᠷᠭᠡᠭᠦᠯᠥᠶᠡ ᠬᠡᠭᠦᠯᠡᠷ ᠲᠡᠷᠭᠡᠨ ᠵᠢᠯᠣᠭᠤᠴᠢ ᠨᠢ ᠨᠠᠳᠠ ᠠᠴᠠ ︿ᠬᠤᠶᠠᠷ ᠮᠢᠩᠭᠠᠨ ᠵᠣᠭᠤᠰ ᠠᠪᠤᠨᠠ﹀ ᠭᠡᠰᠡᠨ ᠳᠤ ᠪᠢ | ᠵᠣᠭᠤᠰ ᠦᠭᠡᠢ ᠰᠠᠠᠲᠤᠷᠴᠦ ᠪᠠᠶᠢᠲᠠᠯᠠ ᠬᠠᠷᠢᠨ ᠮᠡᠷᠬᠡᠨᠪᠠᠳᠤ ᠠᠬᠠ ᠲᠠ ᠲᠡᠷᠡ ᠰᠦᠨᠢ ᠨᠠᠷᠢᠨ ᠲᠣᠬᠤᠢ ᠪᠠᠷ ᠥᠩᠭᠡᠷᠡᠭᠦ ᠲᠠᠢ ᠲᠠᠭᠠᠷᠠᠯᠲᠤᠭᠠᠳ ᠲᠠᠨ ᠠᠴᠠ ᠪᠢ | ᠨᠢᠭᠡ ᠮᠢᠩᠭᠠᠨ ᠲᠠᠪᠤᠨ ᠵᠠᠭᠤᠨ ᠵᠣᠭᠤᠰ ᠵᠢᠭᠡᠯᠡᠳᠡᠭ ᠪᠢᠯᠡ ᠃ ᠲᠡᠷᠡ ᠬᠡᠮ ᠳᠡᠭᠡᠨ ᠪᠢ ᠨᠢᠭᠡᠮᠥᠰᠦᠨ ᠮᠠᠷᠲᠠᠴᠢᠬᠠᠵᠠᠢ︾ ᠭᠡᠳ ᠨᠢᠭᠡ ᠮᠢᠩᠭᠠᠨ ᠲᠠᠪᠤᠨ | ᠵᠤᠭᠤᠰ ᠢᠶᠠᠨ ᠭᠠᠷᠳᠠᠭᠤᠯᠤᠭᠰᠠᠨ ᠳᠤ ᠮᠡᠷᠭᠡᠨᠪᠠᠲᠤ ᠬᠠᠷᠢᠭᠤ ᠳᠤ ᠨᠢ ᠄ ︽ᠮᠠᠷᠲᠠᠴᠢᠬᠠᠨᠠ ᠭᠡᠭᠴᠢ ᠨᠢ ᠪᠠᠰᠠ ᠴᠦ ᠰᠠᠶᠢᠬᠠᠨ︾ ᠭᠡᠵᠦ ᠢᠨᠢᠶᠡᠮᠰᠥᠭᠯᠡᠪᠡ᠃ | ᠮᠢᠳᠤᠭᠮᠠ᠂ ᠮᠡᠷᠭᠡᠨᠪᠠᠲᠤ ᠬᠤᠶᠠᠷ ᠰᠠᠨᠠᠭᠠᠨ ᠳᠤ ᠦᠭᠡᠢ ᠶᠡᠭᠡ ᠵᠣᠭᠤᠰ ᠲᠠᠢ ᠪᠣᠯᠴᠢᠬᠠᠭᠰᠠᠨ ᠲᠤᠯᠠ ᠮᠠᠰᠢ ᠪᠠᠶᠠᠷᠲᠠᠢ ᠪᠠᠷ ᠬᠤᠷᠢᠮ ᠳᠤ ᠶᠠᠪᠤᠬᠤ ᠪᠠᠷ | ᠪᠣᠯᠪᠠ᠃ ᠮᠢᠳᠤᠭᠮᠠ᠄ ︽ᠴᠢ ᠴᠠᠬᠢᠯᠭᠠᠨ ᠳᠡᠪᠢᠰᠭᠡᠷ ᠤᠨ ᠢᠶᠠᠨ ᠤᠲᠠᠰᠤ ᠶᠢ ᠨᠢ ᠰᠠᠯᠭᠠᠭᠰᠠᠨ ᠦᠦ︖ ᠦᠭᠡᠢ ᠦᠦ︖ ᠬᠡᠳᠦᠨ ᠡᠳᠥᠷ ᠶᠠᠪᠤᠭᠠᠳ ᠢᠷᠡᠭᠦ ᠳᠤ | ᠭᠡᠷ ᠮᠢᠨᠢ ᠰᠢᠲᠠᠴᠢᠬᠠᠭᠰᠠᠨ ᠪᠠᠶᠢᠪᠠᠯ ᠴᠣᠬᠤᠮ ᠲᠥᠭᠦᠷᠥᠭᠰᠡᠨ ᠬᠡᠷᠡᠭ ᠪᠣᠯᠬᠤ᠃ ᠡᠶᠢᠮᠦ ᠤᠴᠢᠷ ᠭᠠᠷᠴᠣ ᠪᠠᠶᠢᠨᠠ ᠭᠡᠵᠦ ᠲᠧᠯᠸᠢᠰ ᠳᠡᠭᠡᠷᠡ ᠥᠵᠡᠬᠦᠯᠵᠦ | ᠪᠠᠶᠢᠭᠰᠠᠨ ᠰᠢᠳᠡ᠃ ᠴᠢᠨᠥ ᠴᠠᠬᠢᠯᠭᠠᠨ ᠳᠡᠪᠢᠰᠭᠡᠷ ᠤᠨ ᠤᠲᠠᠰᠣᠨ ᠤ ︿ᠵᠠᠯᠭᠠᠭᠤᠷ﹀ ᠨᠢ ᠬᠠᠮᠢᠭᠠᠭᠤᠷ ᠨᠢ ᠪᠠᠶᠢᠳᠠᠭ ᠪᠢᠯᠡ︾ ᠭᠡᠳ ᠡᠷᠡ ᠶᠢᠨ ᠢᠶᠠᠨ ᠳᠡᠪᠢᠰᠬᠡᠷ | ᠲᠤᠤᠭᠤᠷ ᠭᠠᠷ ᠢᠶᠠᠨ ᠰᠢᠷᠭᠤᠯᠠᠵᠤ ᠲᠡᠮᠲᠡᠷᠢᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠭᠡᠨᠡᠳᠲᠠ ᠭᠠᠶᠢᠬᠠᠨ ᠰᠣᠴᠢᠵᠤ᠄ ︽ᠮᠡᠷᠭᠡᠨᠪᠠᠲᠤ ᠡ᠂ ᠡᠨᠡ ᠶᠠᠭᠠᠬᠢᠭᠰᠠᠨ ᠵᠤᠭᠤᠰ ᠪᠤᠢ︖ | ᠡᠨᠡ᠂ ᠡᠨᠡ ᠂ ᠡᠨᠡ︾ ᠭᠡᠳ ᠭᠤᠷᠪᠠᠨ ᠠᠳᠬᠤ ᠵᠤᠭᠤᠰ ᠭᠠᠷᠭᠠᠨ ᠠᠪᠴᠦ ᠲᠤᠭᠠᠯᠠᠭᠠᠳ᠄ ︽ᠵᠠ᠂ ᠲᠠᠪᠤᠨ ᠮᠢᠩᠭᠠᠨ ᠵᠣᠭᠤᠰ ᠪᠠᠶᠢᠨᠠ᠃ ᠡᠨᠡ | ᠶᠠᠭᠠᠬᠢᠭᠰᠠᠨ ᠵᠣᠭᠤᠰ ᠪᠣᠯᠴᠢᠬᠠᠪᠠ︖︾ ᠭᠡᠪᠡᠯ᠂ ᠮᠡᠷᠭᠡᠨᠪᠠᠲᠤ᠄ ︽ᠥ᠂ ᠤᠷᠵᠢᠨᠣᠨ ᠡᠪᠥᠯ ᠬᠤᠶᠠᠭᠤᠯᠠ ᠵᠡᠬᠡᠯᠢ ᠠᠴᠠ ᠥᠭᠦᠴᠡ ᠲᠥᠭᠦᠭᠡᠷᠭᠦ ᠬᠡᠵᠦ | ᠪᠠᠶᠢᠳᠠᠯᠠ ᠮᠢᠨᠥ ᠠᠴᠢ ᠬᠥᠥ ᠂ ᠮᠢᠨᠥ ᠵᠢᠭᠡ ᠢᠷᠡᠭᠡᠳ ᠬᠤᠶᠠᠭᠤᠯᠠ ᠳᠤ ᠬᠤᠶᠠᠷ ᠬᠤᠶᠠᠷ ᠬᠤᠨᠢ ᠭᠥᠷᠭᠡᠵᠦ ᠥᠭᠭᠦᠭᠰᠡᠨ ᠪᠣᠯᠬᠤᠷ ᠲᠡᠷᠡ ᠵᠣᠭᠤᠰ ᠢ ᠵᠠᠷᠤᠭᠰᠠᠨ | ᠦᠭᠡᠢ ᠬᠡᠪ ᠢᠶᠠᠷ ᠨᠢ ᠲᠡᠡᠳᠡ ᠳᠠᠷᠤᠴᠢᠬᠠᠭᠰᠠᠨ ᠪᠠᠶᠢᠵᠠᠢ ᠰᠢᠦ ᠃ ᠮᠠᠷᠲᠠᠴᠢᠬᠠᠨᠠ ᠭᠡᠭᠴᠢ ᠨᠢ ᠪᠠᠰᠠ ᠴᠦ ᠰᠠᠶᠢᠬᠠᠨ︾ ᠭᠡᠪᠡᠯ᠂ ᠮᠢᠳᠤᠭᠮᠠ ᠬᠢᠵᠠᠭᠠᠷ ᠦᠭᠡᠢ | ᠪᠠᠶᠠᠰᠤᠨ ᠭᠥᠭᠰᠡᠵᠦ᠄ ︽ ᠵᠠ᠂ ᠣᠳᠤ ᠴᠦ ᠴᠣᠬᠤᠮ ᠭᠥᠯᠬᠦᠶᠢᠲᠡᠯᠡ ᠰᠠᠭᠤᠵᠤ ᠬᠤᠷᠢᠮ ᠢᠳᠡᠬᠦ ᠳᠡᠭᠡᠷᠡ ᠲᠤᠯᠴᠢᠬᠠᠯᠠ︾ ᠭᠡᠳ ᠡᠮᠥᠰᠥᠭᠡᠳᠦᠢ ᠤᠳᠠᠭᠰᠠᠨ | ᠨᠤᠭᠤᠭᠠᠨ ᠨᠢᠽᠠᠨ ᠳ᠋ᠠᠴᠠᠩ ᠢᠶᠠᠨ ᠭᠠᠷᠭᠠᠵᠤ ᠡᠮᠤᠰᠴᠢᠬᠡᠬᠡᠤᠨ ᠲᠣᠯᠢᠨ ᠳᠤ ᠵᠢᠰᠦ ᠪᠠᠨ ᠦᠵᠡᠨ ᠵᠣᠭᠰᠤᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠭᠡᠨᠡᠳᠲᠡ ᠳᠠᠭᠤ ᠲᠠᠯᠪᠢᠨ᠄ ︽ | ᠦᠢ᠂ ᠡᠨᠡ ᠶᠠᠭᠠᠬᠢᠭᠰᠠᠨ ᠵᠣᠭᠤᠰ ᠪᠣᠯᠴᠢᠬᠠᠪᠠ︖︾ ᠭᠡᠵᠦ ᠳ᠋ᠠᠴᠠᠩ ᠤᠨ ᠬᠠᠷᠮᠠᠨ ᠠᠴᠠ ᠪᠠᠨ ᠨᠢᠭᠡ ᠮᠢᠩᠭᠠᠨ ᠵᠤᠭᠤᠰ ᠮᠠᠯᠲᠠᠨ ᠭᠠᠷᠭᠠᠴᠢᠬᠠᠪᠠ᠃ | ᠮᠢᠳᠤᠭᠮᠠ ᠤᠳᠠᠲᠠᠯᠠ ᠪᠣᠳᠣᠭᠰᠠᠨ ᠢᠶᠠᠨ᠄ ︽ᠦᠢ᠂ ᠨᠢᠳᠤᠨᠤᠨ ᠴᠠᠭᠠᠨ ᠰᠠᠷᠠ ᠮᠠᠨ ᠤ ᠳᠤ ᠢᠷᠡᠭᠰᠡᠨ ᠠᠪᠠᠭᠠ ᠨᠠᠷ ᠨᠢ ᠂ ᠨᠠᠭᠠᠴᠤ ᠨᠠᠷ ᠨᠢ ᠮᠢᠨᠥ | ᠣᠮᠪᠣᠯ ᠳᠤ ᠥᠭᠭᠦᠭᠰᠡᠨ ᠭᠠᠷ ᠤᠨ ᠪᠡᠯᠡᠭ ᠪᠠᠶᠢᠨᠠ ᠰᠢᠦ᠃ ᠪᠢ ᠣᠮᠪᠣᠯ ᠤᠨ ᠢᠶᠠᠨ ᠭᠠᠷ ᠠᠴᠠ ᠠᠪᠴᠤ ︿ᠡᠵᠢ ᠨᠢ ᠴᠢᠮᠠ ᠳᠤ ᠬᠤᠷᠢᠶᠠᠵᠤ ᠪᠠᠶᠢᠶᠡ﹀ ᠭᠡᠳ | ᠨᠢᠭᠡᠮᠥᠰᠥᠨ ᠬᠤᠷᠢᠶᠠᠴᠢᠬᠠᠭᠰᠠᠨ ᠨᠢ ᠡᠨᠡ ᠪᠠᠶᠢᠨᠠ ᠰᠢᠦ︾ ᠭᠡᠪᠡᠯ᠂ ᠮᠡᠷᠭᠡᠨᠪᠠᠲᠤ ᠬᠠᠷᠢᠭᠤ ᠳᠤ ᠨᠢ ᠄ ︽︿ᠠᠶᠢᠯ ᠠᠴᠠ ᠡᠷᠢᠬᠦ ᠠᠴᠠ ᠠᠪᠳᠠᠷᠠ ᠠᠴᠠ ᠪᠠᠨ ᠡᠷᠢ﹀ | ᠭᠡᠳᠡᠭ ᠶᠤᠮ᠃ ᠮᠠᠷᠲᠠᠴᠢᠬᠠᠨᠠ ᠭᠡᠭᠴᠢ ᠨᠢ ᠪᠠᠰᠠ ᠴᠦ ᠰᠠᠶᠢᠬᠠᠨ︾ ᠭᠡᠪᠡ᠃ | ᠮᠡᠷᠭᠡᠨᠪᠠᠲᠤ ᠂ ᠮᠢᠳᠤᠭᠮᠠ ᠬᠤᠶᠠᠭᠤᠯᠠ ︽ᠶᠣᠸᠠᠨ ᠹᠧᠩ ᠲᠣᠮᠣ ᠬᠤᠳᠠᠯᠳᠤᠭᠠ︾ ᠳᠤ ᠣᠴᠢᠭᠠᠳ ᠡᠯᠪᠡᠭ ᠲᠡᠯᠪᠡᠭ ︽ᠲᠡᠭᠡᠵᠢ ᠪᠡᠯᠡᠭ︾ ᠢᠶᠠᠨ | ᠪᠠᠵᠠᠭᠠᠵᠤ ᠠᠪᠤᠭᠠᠳ ᠬᠤᠷᠢᠮ ᠳᠤ ᠮᠣᠷᠳᠠᠯᠠ᠃ ᠲᠡᠳᠡ ᠬᠤᠶᠠᠭᠤᠯᠠ ᠵᠣᠭᠤᠰ ᠲᠠᠢ ᠪᠣᠯᠴᠢᠬᠠᠭᠰᠠᠨ ᠳᠤ ᠪᠠᠨ ᠥᠩᠭᠡ ᠵᠢᠯᠭᠠ ᠨᠢ ᠤᠯᠠᠮ ᠨᠡᠮᠡᠭᠳᠡᠨ ᠂ ᠴᠤᠭ | ᠵᠢᠪᠬᠤᠭᠠ ᠨᠢ ᠤᠯᠠᠮ ᠪᠠᠳᠠᠷᠠᠵᠤ᠂ ᠪᠠᠶᠠᠷ ᠬᠦᠷ ᠲᠠᠢ ᠲᠠᠪᠬᠢᠭᠤᠯᠵᠤ ︽ᠮᠠᠷᠲᠠᠴᠢᠬᠠᠨᠠ ᠭᠡᠭᠴᠢ ᠨᠢ ᠪᠠᠰᠠ ᠴᠦ ᠰᠠᠶᠢᠬᠠᠨ︾ ᠪᠠᠶᠢᠳᠠᠭ ᠤᠨ ᠲᠤᠬᠠᠢ ᠠᠯᠢ ᠣᠯᠠᠨ | ᠭᠠᠶᠢᠬᠠᠮᠰᠢᠭᠲᠤ ᠲᠣᠬᠢᠶᠠᠯᠲᠤᠯ ᠪᠥᠬᠦᠨ ᠢᠶᠠᠨ ᠰᠣᠨᠢᠷᠬᠠᠯ ᠲᠠᠢ ᠵᠣᠭᠤᠭᠳᠠᠨ ᠶᠠᠪᠤᠬᠤ ᠵᠠᠭᠤᠷᠠ ᠮᠡᠷᠬᠡᠨᠪᠠᠲᠤ ᠄ ︽ᠠᠶᠡ ᠂ ᠮᠠᠷᠲᠠᠴᠢᠬᠠᠨᠠ ᠭᠡᠭᠴᠢ ᠨᠢ ᠪᠠᠰᠠ | ᠴᠦ ᠰᠠᠶᠢᠬᠠᠨ︾ ᠭᠡᠵᠦ ᠲᠠᠪᠲᠠᠵᠤ ᠶᠠᠷᠢᠪᠠᠯ ᠂ ᠮᠢᠳᠤᠭᠮᠠ ᠢᠨᠢᠶᠡᠮᠰᠥᠭᠯᠡᠨ ᠄ ︽ᠲᠡᠶᠢᠮᠦ ᠡ ᠂ ᠮᠠᠷᠲᠠᠴᠢᠬᠠᠨᠠ ᠭᠡᠭᠴᠢ ᠨᠢ ᠥᠨᠡᠭᠡᠷ ᠴᠦ ᠰᠠᠶᠢᠬᠠᠨ︾ ᠭᠡᠵᠦ | ᠨᠡᠮᠡᠵᠦ ᠬᠡᠯᠡᠬᠡᠳ ᠵᠢᠭᠡ ᠬᠥᠥ ᠶᠢᠨ ᠢᠶᠠᠨ ᠬᠤᠷᠢᠮ ᠢ ᠢᠳᠡᠬᠦ ᠪᠠᠷ ᠪᠠᠶᠠᠷ ᠲᠠᠢ ᠲᠤᠪᠲᠤᠯᠭᠠᠨᠠ ᠂᠂᠂᠂ |