| ᠤᠯᠠᠩᠭᠢ ᠥᠯᠢᠭᠡᠷ ᠤᠳ ᠪᠥᠷ ︽ᠡᠷᠳᠡ ᠤᠷᠢᠳᠤ ᠶᠢᠨ ᠴᠠᠭ ᠲᠤ ᠁︾ ᠭᠡᠳ ᠡᠬᠢᠯᠡᠳᠡᠭ ᠪᠠᠶᠢᠬᠤ ᠳᠤ ᠡᠨᠡ ᠥᠯᠢᠭᠡᠷ ᠬᠠᠷᠢᠨ ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ | ᠰᠡᠭᠦᠯᠴᠢ ᠪᠠᠷ ᠭᠠᠷᠤᠭᠰᠠᠨ ᠪᠠᠶᠢᠨᠠ᠃ ᠠᠮᠢᠳᠤᠷᠠᠯ ᠬᠠᠶᠢᠷᠠ ᠲᠡᠭᠡᠷᠡ ᠲᠤᠭᠳᠠᠳᠠᠭ ᠭᠡᠵᠥ ᠲᠠᠭᠤᠨ ᠳᠤ ᠭᠠᠷᠳᠠᠭ ᠢ ᠪᠢ ᠭᠥᠯᠢᠶᠡᠨ ᠵᠦᠪᠰᠢᠶᠡᠷᠡᠳᠡᠭ ᠮᠥᠷᠳᠡᠭᠡᠨ | ᠨᠡᠯᠢᠶᠡᠳ ᠬᠡᠪᠴᠢᠶᠡᠨ ᠳᠤ ᠬᠡᠷᠡᠭᠵᠢᠭᠦᠯᠥᠭᠳᠡᠵᠥ ᠪᠤᠢ ᠬᠡᠵᠥ ᠪᠤᠳᠤᠳᠠᠭ᠂ ᠴᠢᠨᠠᠭᠰᠢᠯᠠᠭᠠᠳ ᠠᠳᠤᠭᠤᠰᠤᠨ ᠳᠤ ᠴᠦ ᠠᠳᠠᠯᠢ ᠪᠠᠶᠢᠬᠤ ᠶᠤᠰᠤᠳᠡᠢ ᠭᠡᠵᠥ ᠰᠠᠨᠠᠭᠠᠳ | ᠥᠯᠢᠭᠡᠷ ᠢᠶᠠᠨ ᠡᠬᠢᠯᠡᠭᠦᠯᠥᠶᠡ᠃ | ᠡᠸᠥᠷᠥ᠋ᠫᠠ ᠮᠠᠶ᠋ᠢᠭ ᠤᠨ ᠪᠠᠷᠢᠯᠭᠠ᠂ ᠤᠳᠤᠬᠢᠴᠢ ᠶᠠᠩᠵᠤ ᠶᠢᠨ ᠵᠠᠮ ᠵᠡᠭᠡᠯᠢ ᠲᠠᠢ ᠴᠤ ᠠᠭᠠᠷ ᠨᠢ ᠴᠡᠩᠭᠡᠷᠭᠡᠨ᠂ ᠠᠮᠢᠰᠬᠤᠯᠠᠬᠤ ᠳᠤ ᠠᠶᠠᠳᠠᠶᠢᠬᠠᠨ᠂ ᠠᠵᠤ | ᠥᠢᠯᠡᠳᠪᠥᠷᠢ ᠶᠢᠨ ᠬᠤᠯᠠᠩ ᠤᠳ ᠠᠷᠠᠢ ᠴᠥᠭᠡᠭᠡᠨ ᠬᠢᠵᠠᠭᠠᠷ ᠤᠨ ᠡᠨᠡ ᠪᠠᠯᠭᠠᠰᠤᠨ ᠳᠤ ᠲᠠᠭᠤᠨ ᠤ ᠪᠠᠭᠰᠢ ᠵᠠᠶᠠᠭᠠ᠂ ᠭᠡᠷᠭᠡᠢ ᠤᠶᠤᠮᠠ ᠲᠠᠢ ᠪᠠᠨ ᠠᠵᠤ | ᠲᠥᠷᠥᠳᠡᠭ᠃ ᠲᠡᠳᠡᠨ ᠳᠤ ᠲᠤᠳᠠᠬᠤ ᠵᠥᠢᠯ ᠪᠠᠶᠢᠭᠰᠠᠨ ᠥᠬᠡᠢ᠂ ᠭᠠᠭᠴᠠ ᠥᠬᠢᠨ ᠨᠢ ᠵᠢᠷᠭᠠᠯ ᠡᠮᠴᠢ ᠶᠢᠨ ᠰᠤᠷᠭᠠᠭᠤᠯᠢ ᠲᠡᠭᠦᠰᠥᠭᠡᠳ ᠡᠳᠥᠭᠡ ᠠᠳᠡᠬᠢ ᠶᠢᠨ | ᠡᠮᠨᠡᠯᠬᠡ ᠳᠤ ᠲᠠᠳᠤᠯᠭᠠ ᠬᠢᠵᠤ ᠪᠤᠢ᠃ ᠵᠠᠶᠠᠭᠠ ᠭᠡᠵᠥ ᠥᠬᠡ ᠲᠠᠭᠤ ᠴᠥᠭᠡᠨᠳᠡᠢ ᠮᠥᠷᠳᠡᠭᠡᠨ ᠪᠠᠭ᠋ᠠᠨ ᠵᠥᠷᠢᠭᠦᠳ ᠪᠤᠷᠤ ᠭᠥᠮᠥᠨ ᠬᠡᠥᠬᠡᠳ ᠤᠳ ᠲᠤ ︽ᠵᠢ᠊ ᠪᠠᠭᠰᠢ︾ | ᠲᠠᠭᠤᠳᠠᠭᠤᠯᠤᠨ᠂ ᠥᠷᠯᠥᠭᠡ ᠠᠯᠪᠠᠯᠠᠬᠤ ᠪᠠᠷ ᠭᠠᠷᠤᠭᠠᠳ ᠤᠷᠤᠢ ᠨᠢ ᠰᠠᠶ᠋ᠢ ᠬᠠᠷᠢᠵᠤ ᠢᠷᠡᠨᠡ᠂ ᠥᠳᠡ ᠳᠤ ᠰᠤᠷᠭᠠᠭᠤᠯᠢ ᠲᠡᠭᠡᠷᠡ ᠪᠠᠨ ᠬᠤᠭᠤᠯᠠᠯᠠᠳᠠᠭ ᠠᠵᠠᠢ᠃ | ᠤᠶᠤᠮᠠ ᠭᠡᠷ ᠤᠨ ᠮᠤᠬᠤᠷ ᠰᠠᠬᠢᠵᠤ ᠡᠨᠡ ᠲᠡᠷᠡ ᠤᠶᠤᠵᠤ ᠰᠢᠳᠡᠨᠡ᠂ ᠪᠠᠰᠠ ᠲᠡᠭᠡᠭᠡᠳ ᠨᠤᠮ ᠵᠤᠬᠢᠶᠠᠯ ᠳᠤ ᠪᠠᠭ᠋ᠠᠳᠡᠢ ᠤᠴᠢᠷ ᠠᠵᠢᠯ ᠥᠬᠡᠶᠢᠳᠡᠳᠡᠭ ᠥᠭᠡᠢ | ᠪᠤᠯᠤᠯᠳᠠᠢ᠃ | ᠭᠤᠷᠪᠠᠭ᠋ᠠᠨ ᠬᠥᠮᠥᠨ ᠲᠠᠢ ᠪᠥᠭᠡᠳᠡᠯᠡ ᠪᠠᠨ ᠲᠠᠩᠳᠠ ᠪᠠᠨ ᠬᠤᠶᠠᠭᠤᠯᠠᠬᠠᠨ ᠢᠶᠠᠨ ᠪᠠᠶᠢᠳᠠᠭ ᠡᠳᠡᠨ ᠤ ᠠᠮᠢᠳᠤᠷᠠᠯ ᠳᠤ ᠰᠢᠨᠡ ᠭᠡᠰᠢᠭᠦᠨ ᠨᠡᠮᠡᠭᠳᠡᠵᠥ ᠪᠠᠶᠠᠷ | ᠬᠥᠭᠵᠢᠯ ᠲᠠᠷᠢᠵᠤ ᠡᠬᠢᠯᠡᠭᠰᠠᠨ ᠢ ᠲᠤᠭᠠᠴᠠᠪᠠᠯ 1997 ᠤᠨ ᠬᠠᠪᠤᠷ ᠠᠴᠠ ᠪᠤᠳᠤᠬᠤ ᠬᠡᠷᠡᠭᠳᠡᠢ ᠪᠠᠶᠢᠨᠠ᠃ ᠨᠠᠮ ᠲᠥᠯᠭᠡᠭᠡᠨ ᠨᠠᠭᠤᠷ ᠤᠨ ᠤᠰᠤᠨ ᠮᠡᠳᠤ ᠡᠳᠡᠨ ᠤ | ᠠᠮᠢᠳᠤᠷᠠᠯ ᠳᠤ ᠴᠢᠯᠠᠭᠤ ᠮᠡᠳᠤ ᠤᠷᠤᠵᠤ ᠢᠷᠡᠨ ᠠᠷ ᠲᠠᠳᠠᠭᠤᠯᠤᠭᠰᠠᠨ ᠨᠢ ᠨᠢᠭᠡ ᠬᠥᠯᠥᠭᠡ ᠪᠡᠶᠢᠪᠠ᠃ ᠶᠠᠭ ᠲᠡᠶᠢᠮᠥ᠂ ᠰᠡᠷᠡᠶᠢᠭᠰᠡᠨ ᠭᠤᠷᠪᠠᠯᠵᠢᠨ ᠴᠢᠬᠢ ᠲᠠᠢ᠂ | ᠭᠥᠯᠬᠡᠨᠡᠭᠰᠡᠨ ᠪᠤᠷᠴᠠᠭ ᠬᠠᠷᠠ ᠨᠢᠳᠤ ᠲᠠᠢ ᠫᠠᠭ᠋ᠤᠨᠴᠠᠭ ᠪᠤᠯᠤᠭᠰᠠᠨ ᠰᠢᠷᠠ ᠭᠥᠯᠥᠬᠡ ᠰᠢᠷᠢᠨ ᠭᠥᠵᠥᠭᠦᠪᠴᠢ ᠲᠠᠢ ᠫᠠᠯᠳᠠᠭᠴᠢᠨ ᠡᠷᠭᠢᠴᠡᠵᠥ ᠭᠥᠰᠡᠷ ᠢᠶᠠᠷ ᠶᠠᠭᠤᠮᠠ | ᠡᠷᠢᠭᠦ ᠮᠡᠳᠤ ᠪᠥᠭᠡᠳ ᠬᠠᠮᠠᠷ ᠢᠶᠠᠨ ᠪᠤᠯᠬᠤ ᠥᠭᠡᠢ ᠨᠢᠭᠡ ᠶᠠᠭᠤᠮᠠ ᠳᠤ ᠮᠥᠷᠭᠦᠵᠥ ᠶᠠᠩᠬᠢᠨᠠᠨᠠ᠃ ᠤᠶᠤᠮᠠ ᠶᠢᠨ ᠡᠭᠦᠳᠡ ᠲᠥᠰᠢᠨ ᠠᠭᠤᠷᠳᠠᠢ ᠬᠠᠷᠠᠭᠰᠠᠨ ᠢ | ᠤᠶᠢᠯᠠᠭᠠᠭᠰᠠᠨ ᠵᠠᠶᠠᠭᠠ ᠲᠠᠷᠤᠶᠢᠬᠠᠨ ᠲᠠᠶᠢᠯᠪᠤᠷᠢᠯᠠᠵᠤ ᠡᠬᠢᠯᠡᠪᠡ᠂ ᠲᠡᠷᠭᠡᠨ ᠥᠷᠳᠡᠭᠡᠨ ᠤ ᠭᠤᠳᠤᠮᠵᠢᠨ ᠳᠤ ᠤᠯᠤᠭᠰᠠᠨ᠂ ᠬᠤᠷᠢᠭᠰᠠᠨ ᠰᠢᠩᠬᠡᠯᠢᠭ ᠨᠢ ᠭᠠᠵᠠᠷ | ᠬᠡᠪᠳᠡᠨ ᠡᠪᠳᠡᠷᠡᠭᠰᠡᠨ ᠪᠠ ᠰᠢᠷᠠ ᠭᠥᠯᠥᠬᠡ ᠭᠠᠶᠢᠬᠠᠰᠢ ᠠᠯᠳᠠᠨ ᠥᠪᠡᠷ ᠢ ᠨᠢ ᠬᠠᠷᠠᠵᠤ ᠪᠠᠶᠢᠭᠰᠠᠨ ᠢ ᠶᠠᠭ ᠮᠥᠨ ᠢᠶᠠᠷ ᠨᠢ ᠬᠡᠯᠡᠪᠡ᠃ ᠡᠭᠡᠨᠡᠷ ᠴᠢᠷᠠᠢ ᠥᠭᠭᠦᠭᠰᠡᠨ | ᠥᠭᠡᠢ᠂ ᠡᠷᠭᠢᠵᠥ ᠥᠷᠥᠭᠡᠨ ᠳᠡᠭᠡᠨ ᠤᠷᠤᠭᠠᠳ ᠵᠤᠷᠪᠤᠰ ᠴᠠᠭᠠᠰᠤ ᠠᠪᠴᠢᠷᠠᠨ ᠨᠢᠳᠥᠨ ᠡᠮᠥᠨᠡ ᠨᠢ ᠲᠡᠯᠭᠡᠪᠡ᠃ ᠲᠥᠷᠪᠡᠳᠥᠭᠡᠷ ᠵᠤᠷᠪᠤᠰ ︽ᠭᠡᠷ ᠲᠤ ᠨᠤᠬᠠᠢ | ᠮᠤᠤᠷ ᠲᠡᠵᠢᠭᠡᠵᠥ ᠪᠤᠯᠬᠤ ᠥᠭᠡᠢ︕︾᠃ ᠵᠠᠶᠠᠭᠠ ᠪᠠᠭ᠋ᠠᠨ ᠡᠷᠡᠭᠡᠯᠵᠡᠭᠰᠡᠨ ᠢᠶᠠᠨ ᠭᠥᠯᠥᠬᠡ ᠪᠠᠨ ᠠᠪᠠᠴᠢᠵᠤ ᠬᠠᠵᠠᠭᠤ ᠶᠢᠨ ᠲᠠᠰᠥᠯᠭᠠᠨ ᠳᠤ ᠬᠤᠷᠢᠪᠠ᠃ | ︽ᠭᠠᠭᠴᠠᠬᠠᠨ ᠰᠥᠨᠢ︕ ᠭᠠᠭᠴᠠᠬᠠᠨ ᠰᠥᠨᠢ︕︾ ᠭᠡᠵᠥ ᠡᠬᠡᠨᠡᠷ ᠢᠶᠠᠨ ᠱᠠᠯᠠᠭᠰᠠᠭᠠᠷ ᠤᠨᠳᠠᠯᠭᠠ ᠶᠢᠨ ᠥᠷᠥᠭᠡᠨ ᠳᠡᠭᠡᠨ ᠤᠷᠤᠪᠠ᠃ | ᠭᠥᠯᠥᠬᠡ ᠡᠷᠭᠢᠨ ᠲᠤᠭᠤᠷᠢᠨ ᠢᠶᠠᠨ ᠬᠠᠷᠠᠪᠠ᠂ ᠪᠠᠭ᠋ᠠᠨ ᠥᠯᠥᠰᠭᠦ ᠰᠢᠭ᠂ ᠴᠠᠭᠠᠰᠤᠨ ᠬᠠᠶᠢᠷᠴᠠᠭ ᠢ ᠲᠡᠭᠡᠭᠰᠢ ᠬᠠᠷᠠᠭᠤᠯᠵᠤ ᠲᠠᠯᠪᠢᠭᠰᠠᠨ ᠲᠥᠷ ᠴᠠᠭ ᠤᠨ | ︽ᠭᠡᠷ︾ ᠲᠤ ᠬᠠᠭᠠᠭᠳᠠᠬᠤ ᠲᠤᠷᠠ ᠥᠭᠡᠢ᠃ ᠭᠥᠯᠥᠭᠡ ᠴᠢᠷᠮᠠᠶᠢᠪᠠ᠂ ᠲᠡᠶᠢᠯᠥᠭᠰᠠᠨ ᠥᠭᠡᠢ᠂ ᠲᠠᠬᠢᠨ ᠴᠢᠷᠮᠠᠶᠢᠪᠠ᠂ ᠴᠠᠭᠠᠰᠤᠨ ᠬᠠᠶᠢᠷᠴᠠᠭ ᠬᠠᠵᠠᠭᠤᠯᠳᠠᠨ ᠤᠨᠠᠵᠤ | ᠭᠥᠯᠥᠬᠡ ᠴᠢᠯᠥᠭᠡᠯᠡᠭᠳᠡᠪᠡ᠃ ᠡᠭᠦᠨ ᠲᠡᠭᠦᠨ ᠢ ᠥᠨᠥᠷᠯᠡᠡ ᠡᠪ ᠮᠠᠭᠤᠳᠠᠢ ᠠᠯᠬᠤᠪᠠ᠃ ᠬᠠᠵᠠᠭᠤ ᠶᠢᠨ ᠥᠷᠥᠬᠡ ᠲᠥᠭᠵᠢᠭᠰᠡᠨ ᠥᠬᠡᠢ ᠪᠠᠶᠢᠭᠰᠠᠨ ᠢ ᠬᠠᠮᠠᠷ ᠢᠶᠠᠨ | ᠰᠢᠷᠭᠤᠭᠤᠯᠤᠨ ᠲᠥᠯᠬᠢᠭᠰᠡᠨ ᠳᠤ ᠠᠶᠠᠷᠬᠠᠨ ᠨᠡᠭᠡᠭᠡᠭᠳᠠᠪᠡ᠂ ᠬᠡᠪᠢᠰᠥᠨ ᠲᠡᠭᠡᠷᠡᠬᠢ ᠲᠥᠷᠪᠡᠯᠵᠢᠨ ᠤᠷᠤ ᠲᠤᠭᠤᠶᠢᠯᠠᠨ ᠡᠷᠭᠢᠴᠡᠭᠰᠡᠨ ᠢᠶᠠᠨ ᠤᠨᠵᠠᠶᠢᠭᠰᠠᠨ ᠬᠥᠯ | ᠤᠯᠵᠤ ᠥᠵᠡᠭᠡᠳ ᠤᠴᠢᠵᠤ ᠲᠤᠯᠢᠶᠠᠬᠤᠯᠠᠷ ︽ᠤᠯᠤᠭᠠᠢ︕︾ ᠬᠡᠵᠥ ᠤᠶᠤᠮᠠ ᠪᠤᠰᠴᠤ ᠰᠠᠭᠤᠭᠠᠳ᠂ ᠵᠠᠶᠠᠭᠠ ᠰᠤᠴᠢᠵᠤ ᠰᠡᠷᠢᠭᠡᠳ ᠪᠥᠭᠡᠮ ᠴᠤᠤᠬᠢᠶᠠᠨ | ᠪᠤᠯᠪᠠ᠃ ︽ᠬᠠᠶᠢᠷᠠᠳᠤ ᠮᠢᠨᠢ ᠲᠠᠶᠢᠪᠤᠰᠢᠷᠠ︕︾ ᠵᠠᠶᠠᠭᠠ ᠰᠠᠶᠢᠬᠠᠨ ᠵᠠᠩ ᠲᠠᠢ ᠬᠥᠮᠥᠨ ᠪᠠᠶᠢᠪᠠ᠃ ᠤᠶᠤᠮᠠ ᠰᠠᠨᠠᠭᠠ ᠠᠯᠳᠠᠭᠰᠠᠨ ᠢᠶᠠᠨ ︽ᠬᠥᠯᠥᠬᠡ ᠪᠠᠨ | ᠲᠠᠷᠠ ᠭᠡᠷ ᠲᠤ ᠠᠪᠠᠴᠢ︕︾ ᠭᠡᠳ ᠡᠷᠭᠢᠵᠥ ᠤᠨᠳᠠᠪᠠ᠃ ᠮᠠᠷᠭᠠᠰᠢ ᠨᠢ ᠭᠠᠷᠠᠭ ᠤᠨ ᠠᠮᠠᠷᠠᠯᠳᠠ᠂ ᠲᠡᠷᠡ ᠰᠥᠨᠢ ᠵᠠᠶᠠᠭᠠ ᠨᠤᠶᠢᠷ ᠪᠠᠶᠢᠳᠠᠭ ᠥᠭᠡᠢ᠃ | ᠭᠥᠯᠥᠭᠡ ᠲᠡᠪᠡᠷᠢᠭᠰᠡᠨ ᠵᠠᠶᠠᠭᠠ ᠲᠡᠷᠭᠡᠨ ᠥᠷᠳᠡᠭᠡᠨ ᠤ ᠵᠢᠵᠢᠭᠦᠷ ᠤᠨ ᠭᠡᠷ ᠲᠤ ᠢᠷᠡᠨ ᠪᠠᠳᠤ ᠲᠠᠢ ᠵᠤᠯᠭᠠᠵᠤ ᠤᠴᠢᠷ ᠢᠶᠠᠨ ᠶᠠᠷᠢᠭᠠᠳ ︽ᠡᠨᠡ ᠭᠥᠯᠥᠭᠡ ᠶᠢ | ᠴᠤᠬᠤᠮ ᠶᠠᠮᠠᠷ ᠭᠥᠮᠥᠨ ᠭᠡᠭᠡᠭᠰᠠᠨ ᠪᠤᠯ᠂ ᠵᠠᠷ ᠲᠠᠯᠪᠢᠭᠠᠳ ᠥᠭᠭᠦ ᠤᠤ︖︾ ᠬᠡᠵᠥ ᠭᠤᠶᠤᠭᠠᠳ ᠭᠥᠯᠥᠭᠡ ᠪᠠᠨ ᠲᠡᠪᠡᠷᠢᠭᠰᠡᠨ ᠰᠡᠭᠦᠳᠡᠷ ᠢᠶᠠᠨ ᠭᠠᠷᠭᠠᠵᠤ ᠪᠠᠳᠤ | ᠳᠤ ᠭᠠᠷᠳᠠᠭᠤᠯᠪᠠ᠃ ᠪᠠᠳᠤ ᠬᠡᠵᠥ ᠲᠡᠷᠭᠡᠨ ᠥᠷᠳᠡᠭᠡᠨ ᠤ ᠮᠠᠨᠠᠭᠠᠴᠢ ᠶᠢᠨ ᠠᠵᠢᠯ ᠬᠢᠵᠥ ᠤᠯᠠᠨ ᠤᠨ ᠡᠯᠡᠭᠡᠭᠰᠠᠨ ᠭᠥᠮᠥᠨ᠃ ᠪᠠᠳᠤ ︽ᠪᠤᠤᠵᠠ ᠢᠳᠡᠭᠦ ᠤᠤ︖︾ | ᠭᠡᠳ ᠭᠠᠳᠠᠨᠠ ᠭᠠᠷᠴᠤ ᠡᠪᠥᠭᠡᠨ ᠲᠤᠷᠵᠢ ᠶᠢᠨ ᠪᠤᠤᠵᠠ ᠶᠢᠨ ᠲᠡᠷᠭᠡᠨ ᠲᠡᠷᠭᠡᠳᠡ ᠤᠴᠢᠪᠡ᠃ ᠲᠤᠷᠵᠢ ᠡᠪᠥᠭᠡᠨ ᠥᠷᠳᠡᠭᠡᠨ ᠤ ᠡᠭᠦᠳᠡᠨ ᠳᠤ ᠭᠤᠷᠪᠠᠨ | ᠲᠤᠭᠤᠶᠢᠯᠠᠪᠤᠷᠢ ᠲᠠᠢ ᠬᠠᠰᠠᠭ ᠲᠡᠭᠡᠷᠡ ᠤᠳᠠᠭᠠᠨ ᠵᠢᠯ ᠪᠤᠤᠵᠠ ᠬᠤᠳᠠᠯᠳᠤᠭᠰᠠᠨ ᠲᠡᠥᠬᠡ ᠲᠠᠢ᠂ ᠪᠤᠤᠵᠠ ᠨᠢ ᠠᠮᠳᠠᠳᠠᠢ᠂ ᠬᠥᠮᠥᠨ ᠨᠢ ᠱᠤᠭᠳᠠᠢ ᠪᠤᠯᠬᠤᠷ ᠡᠪᠥᠭᠡᠨ | ᠶᠠᠭᠠᠷᠠᠭᠠᠳ ᠯᠠ ᠪᠠᠶᠢᠳᠠᠭ᠃ ︽ᠪᠤᠤᠵᠠ ᠠᠪᠤᠶᠠ︕︾ ᠵᠠᠶᠠᠭᠠ ᠶᠢᠨ ᠭᠥᠯᠥᠭᠡ ᠡᠷᠡᠥ ᠠᠮᠠ ᠶᠢ ᠨᠢ ᠲᠤᠯᠢᠶᠠᠭᠠᠳ ᠰᠠᠯᠳᠠᠭ ᠥᠬᠡᠢ᠃ ︽ᠪᠤᠤᠵᠠ ᠶᠢᠨ ᠤᠷᠤᠨ | ᠳᠤ ᠨᠢ ᠬᠥᠯᠥᠬᠡ ᠥᠭᠬᠦᠶᠡ︕︾ ᠬᠡᠵᠥ ᠵᠠᠶᠠᠭᠠ ᠵᠠᠪᠳᠤᠭᠤᠯᠪᠠᠯ ᠲᠤᠷᠵᠢ ︽ᠥᠬᠡᠢ︕ ᠴᠢᠨᠤ ᠬᠥᠯᠥᠬᠡ ᠴᠢᠮᠠ ᠳᠤ ᠰᠠᠶᠢᠨ ᠪᠠᠶᠢᠵᠤ ᠲᠤᠯᠢᠶᠠᠳᠠᠭ ᠤᠨ ᠠᠳᠠᠯᠢ᠂ | ᠪᠢ ᠵᠤᠭᠤᠰᠤᠨ ᠳᠤ ᠨᠡᠩ ᠲᠤᠷᠠᠳᠠᠢ︾ ᠭᠡᠳ ᠬᠡᠳᠥᠭᠦᠯᠡ ᠭᠥᠬᠡᠷᠥᠯᠳᠥᠪᠡ᠃ ᠡᠪᠥᠭᠡᠨ ᠭᠥᠯᠥᠬᠡ ᠶᠢᠨ ᠲᠤᠯᠤᠭᠠᠢ ᠶᠢ ᠢᠯᠪᠢᠭᠡᠳ ︽ᠰᠠᠶᠢᠬᠠᠨ ᠠᠮᠢᠳᠠᠨ ᠪᠠᠶᠢᠨᠠ᠂ | ᠶᠠᠭᠠᠬᠢᠭᠠᠳ ᠭᠡᠭᠡᠭᠳᠡᠴᠢᠬᠡᠪᠡ ︖ ᠪᠢ ᠲᠥᠪᠡᠭᠰᠢᠶᠡᠵᠥ ᠪᠠᠶᠢᠬᠤ ᠪᠢᠰᠢ᠂ ᠶᠠᠭᠠᠷᠠᠭᠠᠳ ᠯᠠ ᠪᠠᠶᠢᠳᠠᠭ ᠭᠥᠮᠥᠨ ᠭᠡᠳᠡᠭ ᠢ ᠴᠢ ᠴᠤ ᠮᠡᠳᠡᠨᠡ᠃ ᠨᠤᠮ ᠤᠨ ᠲᠡᠯᠭᠡᠭᠦᠷ | ᠲᠤ ᠠᠪᠠᠴᠢᠵᠤ ᠥᠭᠴᠥ ᠥᠵᠡᠭᠦ ᠥᠬᠡᠢ ᠤᠤ︖ ᠤᠶᠤᠨ ᠠᠪᠬᠤ ᠮᠠᠭᠠᠳ︕︾ ᠭᠡᠵᠥ ᠡᠷᠡᠥ ᠪᠠᠷ ᠢᠶᠠᠨ ᠪᠠᠷᠠᠭᠤᠨᠰᠢ ᠲᠤᠬᠢᠪᠡ᠃ ᠤᠶᠤᠨ ᠭᠡᠵᠥ ᠪᠡᠯᠪᠡᠰᠥᠨ | ᠠᠪᠠᠭᠠᠢ ᠨᠢᠭᠡ ᠮᠤᠤᠷ ᠲᠠᠢ ᠪᠠᠨ ᠠᠳᠡ ᠥᠷᠳᠡᠭᠡᠨ ᠤ ᠨᠤᠮ ᠤᠨ ᠲᠡᠯᠭᠡᠭᠦᠷ ᠮᠠᠨᠠᠵᠤ᠂ ᠵᠠᠶᠠᠭᠠ ᠲᠠᠩᠳᠠ ᠪᠠᠨ ᠤᠴᠢᠵᠤ ᠨᠤᠮ ᠰᠡᠳᠭᠦᠯ ᠥᠵᠡᠳᠡᠭ ᠪᠤᠯᠬᠤᠷ ᠢᠶᠠᠨ | ᠲᠤᠷᠵᠢ᠂ ᠪᠠᠳᠤ ᠬᠤᠶᠠᠷ ᠲᠠᠢ ᠭᠠᠷ ᠠᠳᠬᠤᠭᠠᠳ ᠪᠠᠷᠠᠭᠤᠨᠰᠢ ᠠᠯᠬᠤᠪᠠ᠃ | ︽ᠤᠶᠤᠮᠠ︕ ᠥᠶ᠋ᠢ᠂ ᠤᠶᠤᠮᠠ︕ ᠬᠤᠷᠳᠤᠨ ᠰᠢᠷᠬᠠᠨ ᠡᠮ᠂ ᠪᠤᠭᠤᠯᠳᠠ ᠠᠪᠤᠭᠠᠳ ᠢᠷᠡ︕︾ ᠭᠡᠵᠤ ᠵᠠᠶᠠᠭᠠ ᠶᠢᠨ ᠬᠠᠰᠭᠢᠷᠤᠭᠰᠠᠨ ᠢ | ᠰᠤᠨᠤᠰᠤᠭᠰᠠᠨ ᠤᠶᠤᠮᠠ ᠬᠡᠯᠡᠭᠰᠡᠨ ᠢᠶᠠᠷ ᠨᠢ ᠲᠥᠷᠭᠡᠯᠡᠨ ᠰᠢᠷᠡᠭᠡᠨ ᠲᠡᠷᠭᠡᠳᠡ ᠢᠷᠡᠪᠡ᠃ ᠰᠢᠷᠠ ᠭᠥᠯᠥᠭᠡ ᠬᠠᠮᠠᠷ ᠢᠶᠠᠨ ᠰᠡᠳᠡ ᠮᠠᠭᠠᠵᠢᠭᠤᠯᠴᠢᠬᠠᠭᠰᠠᠨ᠂ ᠨᠢᠳᠥᠨ | ᠳᠡᠭᠡᠨ ᠨᠢᠯᠪᠤᠰᠤ ᠲᠥᠭᠦᠷᠭᠡᠴᠢᠭᠡᠭᠰᠡᠨ ᠵᠤᠪᠠᠨᠢᠯᠳᠡᠢ ᠨᠢ ᠠᠷᠭᠠ ᠥᠭᠡᠢ ᠬᠠᠷᠠᠴᠠ ᠪᠠᠷ ᠤᠶᠤᠮᠠ ᠶᠢ ᠤᠭᠳᠤᠪᠠ᠃ ᠵᠠᠶᠠᠭᠠ ︽ᠤᠶᠤᠨ ᠤ ᠮᠤᠤᠷ ᠬᠡᠴᠡᠭᠦᠥ | ᠠᠮᠢᠳᠠᠨ ᠪᠠᠶᠢᠨᠠ᠂ ᠮᠠᠭᠤ ᠨᠠᠢᠮᠠᠳᠡᠢ ᠶᠢ ᠮᠢᠨᠢ ᠠᠷᠡᠢ ᠬᠡᠳᠥᠷᠡᠭᠦᠯᠴᠢᠭᠡᠪᠡ ᠤᠤ︖︾ ᠭᠡᠭᠰᠡᠭᠡᠷ ᠰᠢᠷᠬᠠᠨ ᠳᠤ ᠨᠢ ᠡᠮ ᠲᠠᠯᠪᠢᠵᠥ᠂ ᠱᠠᠪᠤᠤ ᠪᠠᠷ ᠲᠠᠷᠤᠵᠥ ᠪᠤᠭᠤᠪᠠ᠃ | ︽ᠶᠠᠭᠠᠬᠢᠭᠰᠠᠨ ᠨᠢ ᠡᠨᠡ ᠪᠤᠢ︖︾ ᠭᠡᠪᠡᠯ ︽ᠤᠶᠤᠨ ᠡᠭᠦᠨ ᠢ ᠲᠡᠵᠢᠭᠡᠶᠡ ᠭᠡᠰᠡᠨ ᠴᠢᠨᠢ ᠮᠤᠤᠷ ᠨᠢ ᠵᠦᠪᠰᠢᠶᠡᠷᠡᠵᠤ ᠥᠭᠳᠡᠭ ᠥᠭᠡᠢ᠂ ᠬᠥᠯᠥᠬᠡ ᠤᠶᠤᠨ ᠢ | ᠨᠢᠭᠡ ᠲᠤᠯᠢᠶᠠᠭᠰᠠᠨ ᠴᠢᠨᠢ ᠮᠤᠤᠷ ᠥᠰᠥᠷᠴᠥ ᠢᠷᠡᠭᠡᠳ ᠬᠥᠯᠥᠬᠡ ᠳᠤ ᠮᠤᠳᠤᠷ ᠤᠨ ᠠᠳᠢᠰ ᠬᠥᠷᠳᠡᠭᠡᠭᠰᠡᠨ ᠨᠢ ᠡᠨᠡ ᠪᠠᠶᠢᠬᠤ ᠥᠭᠡᠢ ᠤᠤ︕︾ ᠭᠡᠳ ᠵᠠᠶᠠᠭᠠ | ᠰᠠᠨᠠᠭᠠ ᠠᠯᠳᠠᠵᠤ᠂ ᠤᠶᠤᠮᠠ ᠥᠷᠥ ᠡᠪᠡᠳᠴᠥ ᠭᠥᠯᠥᠬᠡ ᠶᠢᠨ ᠲᠤᠯᠤᠭᠠᠢ ᠶᠢ ᠨᠢ ᠢᠯᠪᠢᠶᠡ ᠬᠡᠭᠦ ᠳᠤ ᠨᠠᠮ ᠭᠠᠩᠭᠢᠨᠠᠵᠤ ᠨᠠᠪᠳᠠᠶᠢᠪᠠ᠃ ︽ᠴᠢ ᠰᠠᠶ᠋ᠢᠬᠠᠨ | ᠶᠠᠭᠠᠬᠢᠭᠰᠠᠨ ᠲᠤᠯᠤᠭᠠᠳᠡᠢ᠂ ᠨᠠᠢᠮᠠᠳᠡᠢ ᠭᠡᠳᠡᠭ ᠨᠢ ᠶᠠᠭᠤ ᠪᠤᠢ︖︾ ᠭᠡᠵᠥ ᠤᠶᠤᠮᠠ ᠭᠡᠨᠡᠳᠳᠡ ᠰᠠᠨᠠᠭᠠᠨ ᠳᠤ ᠤᠷᠤᠭᠰᠠᠨ ᠢᠶᠠᠨ ᠠᠰᠠᠭᠤᠪᠠᠯ ᠵᠠᠶᠠᠭᠠ | ︽ᠭᠥᠵᠥᠭᠦᠪᠴᠢᠨ ᠠᠴᠠ ᠨᠢ ᠲᠡᠭᠦᠵᠢᠯᠡᠭᠰᠠᠨ ᠮᠤᠳᠤᠨ ᠫᠠᠶᠢᠵᠠ ᠲᠡᠭᠡᠷᠡ ᠨᠢ ︽⑧︾ ᠭᠡᠵᠥ ᠰᠡᠶᠢᠯᠥᠭᠰᠡᠨ ᠪᠠᠶᠢᠨᠠ᠂ ᠴᠢ ᠥᠵᠡ︾ ᠭᠡᠳ ᠵᠠᠯᠭᠠᠵᠥ ︽ᠪᠤᠳᠤᠪᠠᠯ | ᠨᠢᠭᠡ ᠡᠭᠦᠷ ᠭᠥᠯᠥᠬᠡᠨ ᠤ ᠨᠠᠢᠮᠠᠳᠤᠭᠠᠷ ᠶᠤᠮ ᠤᠤ᠂ ᠡᠰᠡᠪᠡᠯ ᠨᠠᠢᠮᠠ ᠨᠡᠷᠡᠳᠡᠢ ᠴᠤ ᠶᠤᠮ ᠤᠤ᠂ ᠢᠩᠬᠢᠭᠡᠳ ᠪᠢ ᠨᠢᠭᠡᠮᠥᠰᠥᠨ ᠨᠠᠢᠮᠠᠳᠠᠢ ᠭᠡᠵᠤ ᠨᠡᠷᠡᠯᠡᠴᠢᠬᠡᠪᠡ︾ ᠭᠡᠪᠡ᠃ | ᠤᠶᠤᠮᠠ ᠲᠤᠯᠤᠭᠠᠢ ᠰᠠᠵᠢᠭᠠᠳ ᠬᠥᠯᠥᠭᠡ ᠶᠢ ᠥᠷᠥᠪᠳᠥᠩᠭᠦᠢ ᠬᠠᠷᠠᠪᠠ᠃ | ᠭᠥᠯᠥᠭᠡ ᠤᠪᠤᠭᠠ ᠲᠠᠰᠴᠤ ᠬᠥᠷᠢᠶᠡᠨ ᠳᠤ ᠪᠠᠯᠳᠠᠭ ᠪᠠᠯᠳᠠᠭ ᠭᠡᠵᠥ ᠭᠥᠶᠥᠳᠡᠭ ᠪᠤᠯᠪᠠ᠃ ᠵᠠᠶᠠᠭᠠ ᠠᠮᠢᠳᠡᠢ ᠶᠢᠨ ᠭᠡᠷ ᠤᠨ ᠬᠠᠵᠠᠭᠤ ᠳᠠᠬᠢ ᠮᠤᠳᠤᠨ ᠫᠧᠩ | ᠳᠤ ᠬᠡᠳᠥᠨ ᠰᠢᠷᠢᠳᠡᠭ ᠨᠤᠤᠰᠤᠨ ᠲᠠᠨᠽᠢ ᠲᠡᠪᠢᠰᠥᠭᠡᠳ᠂ ᠬᠡᠥᠬᠡᠨ ᠤ ᠪᠠᠨ ᠪᠠᠭᠠ ᠳᠤ ᠲᠤᠭᠯᠠᠵᠤ ᠪᠠᠶᠢᠭᠰᠠᠨ ︽ᠪᠤᠷᠤ ᠪᠠᠭᠠᠪᠠᠭᠠᠢ︾ ᠶᠢ ᠤᠷᠤᠨ ᠲᠡᠭᠡᠷᠡ ᠬᠠᠨᠢ | ᠪᠤᠯᠭᠠᠨ᠂ ᠰᠢᠷᠠ ᠬᠥᠯᠥᠭᠡ ᠡᠵᠡᠨ ᠲᠠᠢ ᠪᠤᠯᠤᠭᠰᠠᠨ ᠮᠥᠷᠳᠡᠭᠡᠨ ᠤᠷᠤᠨ ᠰᠠᠭᠤᠴᠠ ᠲᠠᠢ ᠪᠤᠯᠵᠤ᠂ ᠪᠠᠰᠠ ᠬᠠᠷᠠᠩᠭᠤᠢ ᠳᠤ ᠪᠠᠷᠠ ᠪᠤᠯᠳᠠᠭ ︽ᠬᠠᠨᠢ︾ ᠲᠠᠢ ᠪᠤᠯᠵᠠᠢ᠃ | ᠵᠢᠷᠭᠠᠯ ᠬᠠᠶᠠ ᠨᠢᠭᠡ ᠢᠷᠡᠨᠡ᠂ ᠬᠥᠯᠥᠭᠡ ᠢ ᠭᠤᠤᠴᠢᠯᠠᠵᠤ ᠲᠤᠭᠯᠠᠨᠠ᠃ ᠵᠢᠷᠭᠠᠯ ︽ᠠᠪᠤ ᠡᠨᠡ ᠬᠥᠯᠥᠬᠡ ᠶᠢ ᠨᠠᠳᠠ ᠥᠭᠴᠢᠭᠡ︾ ᠬᠡᠭᠦ ᠳᠤ ᠵᠠᠶᠠᠭᠠ ᠭᠥᠯᠥᠭᠡ | ᠪᠠᠨ ᠥᠭᠦᠭᠡᠷᠳᠡᠨ᠂ ︽ᠮᠠᠭᠤ ᠨᠠᠢᠮᠠᠳᠠᠢ ᠪᠠᠨ ᠬᠡᠨ ᠳᠤ ᠴᠤ ᠥᠭᠭᠦ ᠥᠭᠡᠢ︕︾ ᠭᠡᠳ ᠲᠤᠯᠤᠭᠠᠢ ᠶᠢ ᠨᠢ ᠢᠯᠪᠢᠨᠡ᠃ ᠭᠡᠰᠥᠭᠦᠯ ᠨᠤᠬᠠᠢ ᠴᠤᠭᠯᠠᠭᠤᠯᠳᠠᠭ ᠭᠠᠵᠠᠷ | ᠲᠤ ᠵᠤᠯᠪᠢᠩ ᠨᠤᠬᠠᠳ ᠢ ᠵᠤᠳᠤᠵᠤ ᠪᠠᠶᠢᠭᠰᠠᠨ ᠢ ᠵᠠᠶᠠᠭᠠ ᠥᠵᠡᠭᠡᠳ ᠬᠥᠯᠥᠭᠡ ᠪᠠᠨ ᠨᠢᠭᠡᠮᠥᠰᠥᠨ ᠥᠪᠡᠷ ᠢᠶᠠᠨ ᠲᠡᠵᠢᠭᠡᠶᠡ ᠬᠡᠵᠥ ᠵᠤᠷᠢᠭ ᠰᠢᠭᠤᠳᠤᠭᠰᠠᠨ ᠨᠢ ᠡᠨᠡ | ᠪᠠᠶᠢᠵᠠᠢ᠃ | ᠵᠠᠶᠠᠭᠠ ᠬᠥᠯᠥᠭᠡ ᠳᠤ ᠤᠨᠴᠠ ᠬᠠᠶᠢᠷᠠᠳᠠᠢ᠂ ᠬᠡᠵᠢᠶᠡᠳᠡ ᠲᠠᠭᠠᠭᠤᠯᠵᠤ ᠶᠠᠪᠤᠨᠠ᠃ ᠲᠠᠨᠢᠳᠠᠭ ᠨᠢᠭᠡᠨ ︽ᠡᠨᠡ ᠶᠠᠭᠠᠬᠢᠭᠰᠠᠨ ᠭᠥᠯᠥᠭᠡ ᠪᠤᠢ︖︾ ᠭᠡᠭᠦ ᠳᠤ | ᠵᠠᠶᠠᠭᠠ ︽ᠮᠢᠨᠤ ᠬᠠᠴᠢᠭᠦᠥ᠂ ᠰᠠᠶᠢᠨ ᠡᠭᠦᠯᠳᠡᠷ ᠤᠨ ᠨᠤᠬᠠᠢ᠂ ᠶᠠᠫᠤᠨ ᠤ ᠨᠡᠷᠡᠳᠤ ᠡᠭᠦᠯᠳᠡᠷ︾ ᠬᠡᠨᠡ᠃ ᠵᠠᠶᠠᠭᠠ ᠶᠢᠨ ᠡᠨᠡ ᠥᠭᠡ ᠬᠤᠳᠠᠯ ᠪᠢᠰᠢ᠃ | ᠰᠥᠯᠵᠢᠶᠡᠨ ᠲᠡᠭᠡᠷᠡ ᠠᠴᠠ ᠵᠢᠷᠭᠠᠯ ᠨᠢᠭᠡ ᠤᠳᠠᠭᠠ ︽ᠨᠠᠢᠮᠠᠳᠠᠢ︾ ᠶᠢᠨ ᠤᠳᠤᠮ ᠡᠭᠦᠯᠳᠡᠷ ᠤᠨ ᠲᠤᠬᠠᠢ ᠪᠥᠭᠡᠮ ᠤᠯᠵᠠ ᠲᠠᠢ ᠢᠷᠡᠵᠥ᠂ ︽ᠡᠨᠡ ᠪᠤᠯ ᠶᠠᠫᠤᠨ ᠤ | ᠤᠯᠠᠮᠵᠢᠯᠳᠤ ᠠᠩ ᠤᠨ ᠨᠤᠬᠠᠢ ᠶᠢᠨ ᠲᠥᠷᠥᠯ᠂ ᠤᠳᠤᠬᠠᠨ ᠤ ᠲᠡᠯᠡᠭᠡᠢ ᠶᠢᠨ ᠰᠤᠳᠤᠨ ᠲᠠᠶᠢᠭᠠ ᠶᠢᠨ ᠵᠠᠬᠠ ᠲᠡᠭᠡᠷᠡ ᠴᠤ ᠥᠨᠳᠥᠷ ᠥᠨᠡ ᠪᠠᠷ ᠲᠥᠷᠥᠭᠦᠨ ᠳᠤ | ᠵᠢᠭᠰᠠᠭᠳᠠᠳᠠᠭ᠂ ᠬᠤᠷᠴᠠ ᠰᠡᠷᠭᠡᠭ᠂ ᠪᠡᠶᠡ ᠪᠢᠯᠳᠡᠷ ᠭᠥᠳᠡᠷ᠂ ᠡᠵᠡᠨ ᠳᠡᠭᠡᠨ ᠥᠨᠡᠨᠴᠢ︾ ᠬᠡᠭᠦ ᠮᠡᠳᠤ ᠶᠢᠨ ᠤᠯᠠᠨ ᠶᠠᠭᠤᠮᠠ ᠶᠠᠷᠢᠵᠤ᠂ ᠵᠢᠷᠤᠭ ᠭᠥᠷᠥᠭ ᠢ ᠨᠢ | ᠥᠵᠡᠭᠦᠯᠵᠥ ᠵᠠᠶᠠᠭᠠ ᠶᠢ ᠪᠠᠶᠠᠰᠬᠠᠵᠠᠢ᠃ ᠡᠴᠢᠭᠡ ᠭᠡᠥᠭᠡᠨ ᠬᠤᠶᠠᠭᠤᠯᠠ ᠬᠠᠭᠠᠰ ᠡᠳᠥᠷ ᠶᠠᠷᠢᠯᠳᠤᠭᠠᠳ ᠬᠥᠯᠥᠭᠡ ᠶᠢᠨ ᠢᠶᠠᠨ ︽ᠨᠠᠢᠮᠠᠳᠠᠢ︾ ᠨᠡᠷᠡ ᠶᠢ ᠨᠢ | ︽ᠬᠠᠴᠢᠭᠦᠥ︾ ᠨᠡᠷᠡ ᠪᠠᠷ ᠰᠤᠯᠢᠬᠤ ᠪᠠᠷ ᠲᠤᠭᠳᠠᠵᠠᠢ᠃ ︽ᠬᠠᠴᠢ︾ ᠬᠡᠮᠡᠭᠴᠢ ᠶᠠᠫᠤᠨ ᠬᠡᠯᠡᠨ ᠤ ︽ᠨᠠᠢᠮᠠ︾ ᠪᠤᠯᠬᠤᠷ ᠲᠤᠤᠷᠡ ᠨᠢ ︽ᠭᠥᠥ︾ ᠵᠠᠯᠭᠠᠵᠤ᠂ | ᠰᠢᠷᠡ ᠭᠥᠯᠥᠭᠡ ︽ᠬᠠᠴᠢᠬᠦᠥ︾ ᠭᠡᠳᠡᠭ ᠮᠤᠩᠭᠤᠯᠵᠢᠭᠤ ᠶᠠᠫᠤᠨ ᠨᠡᠷᠡ ᠲᠠᠢ ᠪᠤᠯᠤᠭᠰᠠᠨ ᠨᠢ ᠡᠨᠡ ᠪᠢᠯᠡ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠵᠠᠶᠠᠭᠠ ᠬᠥᠯᠥᠭᠡ ᠪᠠᠨ ᠨᠠᠩ | ᠭᠥᠴᠥ ᠲᠠᠯᠪᠢᠨ ᠠᠷᠠᠴᠢᠯᠠᠵᠤ᠂ ᠤᠶᠤᠮᠠ ᠭᠥᠮᠥᠨ ᠳᠤ ︽ᠮᠠᠨ ᠤ ᠡᠪᠥᠭᠡᠨ ᠨᠤᠬᠠᠢ ᠳᠤ ᠪᠠᠨ ᠨᠠᠳᠠ ᠠᠴᠠ ᠢᠯᠡᠭᠦᠥ ᠬᠠᠶᠢᠷᠠᠳᠡᠢ᠂ ᠰᠥᠨᠢ ᠲᠡᠪᠡᠷᠢᠭᠡᠳ ᠬᠤᠨᠤᠳᠠᠭ︾ | ᠬᠡᠵᠥ ᠱᠤᠭ ᠪᠤᠯᠭᠠᠳᠠᠭ ᠪᠠᠶᠢᠭᠰᠠᠨ ᠢᠶᠠᠨ ᠨᠢᠭᠡ ᠮᠡᠳᠡᠭᠦ ᠳᠤ ᠥᠪᠡᠷ ᠢᠶᠠᠨ ᠴᠤ ᠭᠥᠯᠥᠭᠡ ᠳᠤ ᠡᠭᠡᠯᠢᠳᠡᠢ ᠪᠤᠯᠤᠭᠰᠠᠨ ᠪᠠᠶᠢᠪᠡ᠃ ᠵᠠᠶᠠᠭᠠ ᠵᠠᠷᠢᠮ ᠳᠤ ᠪᠠᠨ | ᠬᠥᠯᠥᠭᠡ ᠪᠠᠨ ᠲᠠᠭᠠᠭᠤᠯᠵᠤ ᠰᠤᠷᠭᠠᠭᠤᠯᠢ ᠳᠤ ᠤᠴᠢᠨᠠ᠂ ᠬᠡᠥᠬᠡᠳ ᠤᠳ ᠬᠤᠮᠤᠷᠤᠯᠳᠤᠨ ᠰᠤᠨᠢᠭᠤᠴᠢᠯᠠᠵᠤ ᠪᠢᠩᠭᠠᠨ ᠤ ᠬᠡᠯᠳᠡᠷᠭᠡᠢ ᠰᠢᠬᠢᠷ ᠥᠭᠭᠦᠨᠡ᠂ ᠭᠥᠯᠥᠭᠡ | ᠶᠡᠷᠥ ᠰᠢᠯᠢᠭᠦ ᠥᠭᠡᠢ ᠪᠥᠷ ᠢᠳᠡᠨᠡ᠃ ᠭᠥᠮᠥᠨ ᠪᠥᠵᠢᠭ ᠪᠤᠯᠪᠠᠰᠤᠷᠠᠪᠠᠯ ᠲᠡᠷᠡ ᠲᠤᠮᠳᠠ ᠨᠢ ᠡᠷᠬᠢᠴᠡᠨᠡ᠃ ᠠᠶᠤᠬᠤ ᠶᠠᠭᠤᠮᠠ ᠥᠭᠡᠢ᠂ ᠬᠥᠯᠥᠭᠡ ᠶᠢᠨ ᠬᠤᠪᠢ | ᠳᠤ ᠵᠠᠶᠠᠭᠠ ᠪᠠᠶᠢᠭᠠᠳ ᠪᠠᠶᠢᠪᠠᠯ ᠲᠩᠷᠢ ᠨᠤᠷᠠᠭᠰᠠᠨ ᠴᠤ ᠠᠶᠤᠬᠤ ᠥᠭᠡᠢ ᠮᠡᠳᠤ ᠪᠡᠶᠢᠪᠡ᠃ ᠵᠢᠯ ᠥᠩᠭᠡᠷᠡᠪᠡ᠃ ᠭᠥᠯᠥᠭᠡ ᠨᠡᠯᠢᠶᠡᠳ ᠥᠰᠴᠥ ᠰᠢᠷᠠ ᠥᠰᠥ ᠨᠢ | ᠴᠠᠶᠢᠪᠤᠷᠳᠤᠵᠤ ᠰᠠᠷᠠᠯ ᠰᠢᠭ᠋ ᠪᠤᠯᠵᠤ ᠮᠥᠴᠢ ᠨᠢ ᠤᠷᠳᠤᠰᠴᠤ ᠠᠯᠬᠤᠭᠠ ᠨᠢ ᠲᠥᠷᠭᠡᠰᠥᠭᠰᠡᠨ ᠢ ᠭᠠᠷᠭᠠᠪᠠᠯ ᠮᠥᠨ ᠯᠨ ᠯᠠᠩᠳᠤᠭᠠᠷ ᠲᠤᠯᠤᠭᠠᠢ ᠲᠠᠢ ᠬᠡᠪ ᠢᠶᠠᠷ ᠢᠶᠠᠨ | ᠮᠥᠷᠳᠡᠭᠡᠨ ᠵᠠᠶᠠᠭᠠ ᠠᠴᠠ ᠲᠥᠭᠡ ᠰᠠᠯᠬᠤ ᠲᠤᠷᠡ ᠥᠭᠡᠢ᠃ ᠭᠥᠮᠥᠰ ᠵᠤᠯᠭᠠᠪᠠᠯ ᠵᠠᠷᠢᠮ ᠨᠢ ᠵᠠᠶᠠᠭᠠ ᠲᠠᠢ ᠮᠡᠨᠳᠥᠯᠡᠭᠦ ᠠᠴᠠ ᠡᠮᠥᠨᠡ ᠨᠤᠬᠠᠢ ᠲᠠᠢ ᠨᠢ ᠮᠡᠨᠳᠥᠯᠡᠨᠡ᠂ | ︽ᠬᠠᠴᠢᠭᠦᠥ ᠰᠠᠶᠢᠨ︕︾ ᠂ ᠵᠠᠶᠠᠭᠠ ᠨᠤᠬᠠᠢ ᠶᠢᠨ ᠢᠶᠠᠨ ᠤᠷᠤᠨ ᠳᠤ ᠬᠠᠷᠢᠭᠤ ᠮᠡᠨᠳᠥᠴᠢᠯᠡᠨᠡ᠂ ᠲᠡᠭᠡᠭᠡᠳ ᠲᠤᠩ ᠪᠠᠶᠠᠷᠳᠡᠢ᠃ ᠬᠡᠥᠭᠡᠨ ᠨᠢ ᠠᠵᠢᠯ ᠤᠯᠵᠤ | ᠪᠠᠶᠢᠷᠢ ᠳᠤ ᠤᠷᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠬᠠᠴᠢᠭᠦᠥ ᠤᠶᠤᠮᠠ ᠠᠴᠠ ᠴᠤ ᠢᠯᠡᠭᠦᠥ ᠵᠠᠶᠠᠭᠠ ᠶᠢᠨ ᠰᠡᠳᠬᠢᠯ ᠢ ᠲᠠᠳᠠᠳᠠᠭ ᠪᠤᠯᠪᠠ᠂ ᠲᠡᠭᠡᠪᠡᠴᠥ ᠠᠯᠪᠠᠨ ᠤ ᠡᠳᠥᠷ | ᠨᠤᠬᠠᠢ ᠲᠠᠭᠠᠭᠤᠯᠵᠤ ᠪᠤᠯᠬᠤ ᠥᠭᠡᠢ᠃ ᠮᠤᠳᠤᠨ ᠫᠧᠩ ᠤᠨ ᠫᠠᠨᠰᠠᠨ ᠵᠠᠪᠰᠠᠷ ᠢᠶᠠᠷ ᠭᠥᠯᠥᠭᠡ ᠲᠡᠭᠷᠢ ᠶᠢᠨ ᠤᠳᠤᠳ ᠪᠠ ᠲᠡᠷᠳᠡᠭᠡ ᠬᠠᠷᠠᠭᠳᠠᠬᠤ ᠡᠵᠡᠨ ᠤ ᠪᠠᠨ | ᠤᠨᠳᠠᠯᠭᠠ ᠶᠢᠨ ᠥᠷᠥᠭᠡ ᠶᠢ ᠬᠠᠷᠠᠭᠠᠤᠨ ᠬᠡᠪᠳᠡᠳᠡᠭ᠂ ᠥᠭᠡᠷᠡ ᠲᠡᠶᠢᠰᠢ ᠶᠠᠭᠤᠮᠠ ᠬᠠᠷᠠᠳᠠᠭ ᠥᠭᠡᠢ᠃ | ᠵᠠᠶᠠᠭᠠ ᠲᠡᠷᠭᠡᠨ ᠥᠷᠳᠡᠭᠡᠨ ᠠᠴᠠ ᠤᠬᠤᠷ ᠵᠠᠢ ᠶᠢᠨ ᠠᠶᠠᠨᠴᠢᠳ ᠤᠨ ᠮᠠᠰᠢᠨ ᠢᠶᠠᠷ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠶᠠᠪᠤᠳᠠᠭ ᠪᠤᠯᠬᠤᠷ ᠨᠤᠬᠠᠢ ᠲᠠᠭᠠᠭᠤᠯᠤᠭᠰᠠᠨ | ᠲᠡᠷᠡ ᠪᠠᠳᠤ᠂ ᠤᠶᠤᠨ᠂ ᠲᠤᠷᠵᠢ ᠲᠠᠢ ᠲᠠᠩᠳᠠ ᠪᠠᠨ ᠵᠤᠯᠭᠠᠨᠠ᠃ ᠪᠠᠳᠤ ︽ᠴᠢ ᠴᠤ ᠨᠢᠭᠡ ᠰᠠᠶᠢᠨ ᠨᠤᠬᠠᠢ ᠲᠠᠢ ᠪᠤᠯᠵᠠᠢ᠂ ᠤᠶᠤᠮᠠ ᠪᠠᠨ ᠨᠠᠳᠠ ᠥᠭᠴᠢᠬᠡᠭᠦ | ᠥᠭᠡᠢ ᠤᠤ︖︾ ᠭᠡᠵᠥ ᠱᠤᠭᠯᠠᠨᠠ᠃ ᠵᠠᠶᠠᠭᠠ ᠶᠠᠭᠤᠮᠠ ᠬᠡᠯᠡᠭᠦ ᠥᠭᠡᠢ ᠵᠥᠭᠡᠷ ᠬᠠᠴᠢᠭᠦᠥ ᠶᠢᠨ ᠢᠶᠠᠨ ᠲᠤᠯᠤᠭᠠᠢ ᠶᠢ ᠢᠯᠪᠢᠨᠡ᠃ ᠲᠤᠷᠵᠢ ᠡᠪᠥᠭᠡᠨ ᠬᠡᠵᠢᠶᠡᠳᠡ | ︽ᠭᠥᠶ᠋ᠢ︕ ᠮᠢᠨᠤ ᠬᠠᠴᠢᠭᠦᠥ ᠪᠤᠤᠵᠠ ᠢᠳᠠ︾ ᠭᠡᠳ ᠬᠤᠶᠠᠷ ᠪᠤᠤᠵᠠ ᠥᠭᠭᠦᠨᠡ᠃ ᠬᠥᠯᠥᠭᠡ ᠡᠷᠡᠭᠡᠯᠡᠭᠦ ᠶᠤᠰᠤ ᠪᠠᠶᠢᠳᠠᠭ ᠥᠬᠡᠢ᠃ ᠯᠠᠩᠳᠤᠭᠠᠷ ᠲᠤᠯᠤᠭᠠᠢ | ᠲᠠᠢ ᠬᠠᠴᠢᠭᠦᠥ ᠲᠡᠷᠭᠡᠨ ᠥᠷᠳᠡᠭᠡᠨ ᠬᠠᠪᠢ ᠳᠤ ᠲᠠᠨᠢᠯ ᠤᠯᠠᠨ ᠪᠤᠯᠵᠤ᠂ ᠵᠥᠭ ᠪᠤᠯᠭᠠᠨ ᠠᠴᠠ ︽ᠭᠥᠶ᠋ᠢ᠂ ᠬᠠᠴᠢᠭᠦᠥ︕︾ ᠭᠡᠰᠡᠨ ᠴᠢᠮᠡᠭᠡ ᠢᠷᠡᠨᠡ᠃ ᠨᠢᠭᠡ | ᠡᠳᠥᠷ ᠵᠠᠶᠠᠭᠠ ᠤᠶᠤᠨ ᠤ ᠨᠤᠮ ᠤᠨ ᠲᠡᠯᠭᠡᠭᠦᠷ ᠲᠤ ᠤᠷᠤᠵᠤ ᠰᠢᠨᠡ ᠨᠤᠮ ᠥᠵᠡᠭᠦ ᠬᠡᠪᠡ᠃ ᠭᠥᠯᠥᠭᠡ ᠪᠤᠱᠤᠭᠠᠨ ᠴᠠᠭᠠᠳᠠᠢ ᠠᠴᠠ ᠡᠵᠡᠨ ᠢᠶᠠᠨ ᠭᠥᠯᠢᠶᠡᠵᠥ | ᠪᠠᠶᠢᠭᠰᠠᠨ ᠢᠶᠠᠨ ᠮᠤᠤᠷ ᠢ ᠥᠵᠡᠭᠰᠡᠨ ᠴᠤ ᠭᠥᠳᠡᠯᠥᠭᠰᠡᠨ ᠥᠭᠡᠢ᠂ ᠤᠶᠤᠨ᠄ ︽ᠵᠠᠶᠠᠭᠠ᠂ ᠴᠢᠨᠤ ᠨᠤᠬᠠᠢ ᠡᠨᠡ ᠮᠤᠤᠷ ᠤᠨ ᠥᠰᠢᠶᠡ ᠶᠢ ᠮᠠᠷᠳᠠᠴᠢᠬᠠᠭᠰᠠᠨ ᠴᠢᠷᠠᠢ᠂ | ᠬᠤᠷᠤᠰᠤᠭᠰᠠᠨ ᠮᠠᠶ᠋ᠢᠭ ᠥᠭᠡᠢ ᠪᠠᠶᠢᠨᠠ᠂ ᠨᠤᠬᠠᠢ ᠴᠢᠨᠢ ᠠᠷᠠᠢ ᠲᠡᠨᠡᠭ ᠶᠠᠭᠤᠮᠠ ᠪᠠᠶᠢᠬᠤ ᠪᠢᠰᠢ ᠪᠠ︖ ᠴᠢ ᠲᠡᠭᠦᠨ ᠳᠤ ᠤᠩᠭᠠᠰᠤᠨ ᠪᠥᠮᠪᠦᠭᠡ ᠭᠥᠭᠡᠭᠡᠬᠦ ᠶᠢ | ᠵᠢᠭᠠᠵᠤ ᠥᠭᠪᠡᠥ︖︾ ᠭᠡᠪᠡᠯ ᠵᠠᠶᠠᠭᠠ ᠲᠤᠯᠤᠭᠠᠢ ᠰᠡᠭᠰᠥᠷᠡᠪᠡ᠃ | ᠲᠠᠷᠠᠭᠠ ᠥᠷᠯᠥᠭᠡ ᠨᠢ ᠤᠶᠤᠮᠠ ᠴᠤᠩᠬᠤ ᠪᠠᠷ ᠭᠥᠭ ᠤᠨ ᠶᠠᠭᠤᠮᠠ ᠥᠵᠡᠵᠥ ᠠᠭᠤᠷᠯᠠᠬᠤ ᠢᠨᠢᠶᠡᠭᠦ ᠶᠢᠨ ᠠᠯᠢᠨ ᠢ ᠤᠯᠬᠤ ᠪᠠᠨ ᠮᠠᠷᠳᠠᠨ ᠠᠩᠭᠠᠶᠢᠵᠤ | ᠪᠢᠯᠡ᠃ ᠵᠠᠶᠠᠭᠠ ᠬᠥᠷᠢᠶᠡᠨ ᠲᠤᠮᠳᠠ ᠲᠤᠤᠷ ᠪᠥᠮᠪᠦᠭᠡ ᠪᠠᠷᠢᠭᠠᠳ ᠬᠡᠳᠤᠨ ᠠᠯᠬᠤᠮ ᠤᠨ ᠴᠠᠭᠠᠨᠠ ᠴᠤᠬᠢᠯᠠᠵᠤ ︽ᠬᠥᠶ᠋ᠢ᠂ ᠬᠠᠴᠢᠭᠦᠥ ᠪᠥᠮᠪᠦᠭᠡ ᠲᠡᠭᠦᠭᠡᠳ ᠠᠯᠢ᠂ | ᠬᠤᠷᠳᠤᠨ︕ ᠤᠬᠠᠭᠠᠨᠳᠠᠢ︕︾᠂ ᠭᠥᠯᠥᠭᠡ ᠵᠥᠭᠡᠷ ᠯᠠ ᠵᠠᠶᠠᠭᠠ ᠲᠠᠢ ᠨᠤᠤᠷᠠᠯᠳᠤᠨᠠ᠃ ᠵᠠᠶᠠᠭᠠ ᠠᠷᠭᠠ ᠶᠠᠳᠠᠭᠠᠳ ᠴᠤᠬᠢᠭᠰᠠᠨ ᠪᠥᠮᠪᠦᠭᠡ ᠪᠠᠨ ᠥᠪᠡᠷ ᠢᠶᠠᠨ | ᠮᠥᠯᠭᠦᠨ ᠬᠥᠭᠡᠭᠡᠵᠥ ᠬᠠᠵᠠᠭᠠᠳ ᠡᠷᠭᠢᠵᠥ ᠮᠥᠯᠭᠦᠨ ᠢᠷᠡᠪᠡ᠃ ᠭᠥᠯᠥᠭᠡ ᠲᠠᠭᠤᠷᠢᠶᠠᠵᠤ ᠬᠢᠭᠰᠡᠨ ᠥᠭᠡᠢ᠂ ᠪᠥᠮᠪᠦᠭᠡ ᠥᠩᠭᠦᠷᠢᠭᠡᠳ ᠶᠠᠪᠤᠵᠤ ᠪᠠᠶᠢᠪᠠᠯ ᠭᠥᠭᠡᠭᠡᠨᠡ᠂ | ᠵᠤᠭᠰᠤᠪᠠᠯ ᠤᠯᠬᠤ ᠪᠠᠨ ᠪᠠᠶᠢᠴᠢᠬᠠᠨᠠ᠃ ᠵᠠᠶᠠᠭᠠ ᠠᠭᠤᠷᠯᠠᠵᠤ ᠭᠥᠯᠥᠭᠡ ᠪᠠᠨ ᠬᠠᠷᠢᠶᠠᠪᠠ᠄ ︽ᠲᠡᠨᠡᠭ ᠨᠤᠬᠠᠢ︕ ᠮᠠᠭᠤ ᠨᠤᠬᠠᠢ︕ ᠰᠢᠷᠡ ᠭᠠᠭ᠋ᠠᠢ︕︾ | ᠭᠥᠯᠥᠭᠡ ᠰᠡᠭᠦᠯ ᠢᠶᠠᠨ ᠰᠢᠷᠪᠠᠨ ᠡᠷᠭᠡᠯᠡᠪᠡ᠃ ᠵᠠᠶᠠᠭᠠ ᠳᠤ ᠥᠭᠡᠷᠡ ᠡᠷᠳᠡᠮ ᠪᠠᠶᠢᠭᠰᠠᠨ ᠥᠭᠡᠢ᠂ ︽ᠪᠥᠮᠪᠦᠭᠡ ᠲᠡᠭᠦᠭᠦ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠪᠤᠯᠪᠠᠰᠤᠷᠠᠯ︾ | ᠠᠳᠡ ᠭᠥᠷᠥᠭᠡᠳ ᠲᠡᠭᠦᠰᠭᠦ ᠶᠤᠰᠤᠳᠠᠢ ᠪᠤᠯᠵᠠᠢ᠃ ᠰᠢᠷᠡ ᠭᠥᠯᠥᠭᠡ ᠵᠢᠷᠭᠠᠯ ᠤᠨ ᠬᠡᠯᠡᠭᠰᠠᠨ ᠮᠡᠳᠤ ︽ᠰᠡᠴᠡᠨ ᠰᠡᠷᠭᠦᠯᠡᠩ᠂ ᠪᠡᠶᠡ ᠪᠢᠯᠳᠡᠷ ᠢᠶᠠᠷ ᠭᠥᠳᠡᠷ᠂ ᠡᠵᠡᠨ | ᠳᠤ ᠪᠠᠨ ᠥᠨᠡᠨᠴᠢ︾ ᠶᠢᠨ ᠠᠯᠢ ᠨᠢᠭᠡᠨ ᠢ ᠴᠦ ᠪᠡᠶᠡᠯᠡᠭᠦᠯᠵᠥ ᠲᠡᠶᠢᠯᠭᠦ ᠮᠠᠶ᠋ᠢᠭ ᠥᠭᠡᠢ᠃ | ᠰᠢᠨᠡ ᠰᠤᠷᠤᠯᠭᠠ ᠶᠢᠨ ᠬᠤᠭᠤᠴᠠᠭᠠ ᠡᠬᠢᠯᠡᠭᠰᠡᠨ ᠪᠤᠯᠬᠤᠷ ᠵᠠᠶᠠᠭᠠ ᠡᠳᠥᠷᠵᠢᠨ ᠲᠤᠭᠯᠠᠳᠠᠭ ᠬᠠᠴᠢᠭᠦᠥ ᠪᠠᠨ ᠬᠥᠷᠢᠶᠡᠨ ᠳᠤ ᠪᠠᠨ ᠬᠠᠭᠠᠭᠠᠳ ᠬᠡᠷᠭᠡᠢ ᠳᠡᠭᠡᠨ | ᠵᠠᠬᠢᠭᠠᠳ ᠶᠠᠪᠤᠪᠠ᠃ ᠤᠶᠤᠮᠠ ᠨᠤᠬᠠᠢ ᠪᠠᠨ ᠤᠨᠤᠵᠤ ᠭᠥᠵᠥᠭᠦᠪᠴᠢᠨ ᠠᠴᠠ ᠨᠢ ᠪᠠᠷᠢᠭᠠᠳ ᠨᠡᠯᠢᠶᠡᠳ ᠵᠤᠭᠰᠤᠵᠤ᠂ ᠭᠥᠵᠥᠭᠦᠪᠴᠢ ᠶᠢ ᠨᠢ ᠲᠠᠯᠪᠢᠪᠠᠯ ᠰᠢᠷᠡ | ᠭᠥᠯᠥᠭᠡ ᠰᠥᠷᠳ᠋ ᠬᠢᠨ ᠪᠤᠰᠴᠤ ᠪᠤᠯᠤᠩ ᠠᠪᠠᠷᠢᠨ ᠭᠤᠳ ᠥᠰᠥᠷᠥᠨ ᠠᠯᠠᠭᠠ ᠪᠤᠯᠪᠠ᠃ ᠲᠡᠷᠭᠡᠨ ᠲᠡᠭᠡᠷᠡ ᠭᠠᠷᠤᠭᠰᠠᠨ ᠵᠠᠶᠠᠭᠠ ᠴᠠᠭ ᠢᠶᠠᠨ ᠱᠠᠭᠠᠶᠢᠭᠠᠳ | ᠲᠠᠬᠢᠭᠠᠳ ᠭᠠᠳᠠᠭᠰᠢ ᠨᠢᠭᠡ ᠬᠠᠷᠠᠬᠤ ᠳᠤ ᠬᠠᠴᠢᠭᠦᠥ ᠥᠷᠳᠡᠭᠡᠨ ᠤ ᠡᠮᠤᠨᠡᠬᠢ ᠴᠡᠴᠡᠭ ᠤᠨ ᠲᠠᠲᠠᠭᠠᠯ ᠤᠨ ᠲᠠᠷᠭᠡᠳᠡ ᠡᠰᠢ ᠲᠡᠰᠢ ᠤᠯᠠᠨ ᠬᠥᠮᠥᠨ ᠤ ᠲᠤᠮᠳᠠ ᠠᠴᠠ | ᠡᠵᠡᠨ ᠢᠶᠠᠨ ᠡᠷᠢᠵᠥ ᠡᠰᠢ ᠲᠡᠰᠢ ᠡᠷᠪᠡᠯᠵᠡᠨ ᠵᠤᠭᠰᠤᠵᠤ ᠪᠠᠶᠢᠬᠤ ᠶᠢ ᠤᠯᠵᠤ ᠬᠠᠷᠠᠪᠠ᠃ ᠵᠠᠶᠠᠭᠠ ᠠᠷᠭᠠ ᠪᠤᠰᠤ ᠪᠠᠭᠤᠵᠤ ᠢᠷᠡᠭᠡᠳ ᠨᠤᠬᠠᠢ ᠶᠢᠨ ᠭᠥᠵᠥᠭᠦᠪᠴᠢᠨ | ᠠᠴᠠ ᠨᠢ ᠠᠳᠬᠤᠵᠤ ︽ᠬᠠᠷᠢ᠂ ᠬᠠᠷᠢ︕︾ ᠭᠡᠳ ᠭᠡᠷ ᠥᠭᠡᠳᠡ ᠪᠠᠨ ᠪᠠᠭ᠋ᠠᠨ ᠭᠥᠳᠥᠯᠪᠠ᠃ ᠵᠠᠶᠠᠭᠠ ᠶᠠᠪᠤᠪᠠᠯ ᠱᠤᠭᠰᠢᠭᠠᠳ ᠲᠠᠭᠠᠨᠠ᠂ ᠵᠠᠶᠠᠭᠠ ᠵᠤᠭᠰᠤᠪᠠᠯ | ᠲᠠᠭ ᠵᠤᠭᠰᠤᠨᠠ᠃ ᠠᠷᠭᠠ ᠥᠭᠡᠢ ᠶᠢᠨ ᠡᠷᠭᠡᠨ ᠳᠤ ᠪᠠᠨ ᠵᠠᠶᠠᠭᠠ ᠨᠤᠬᠠᠢ ᠲᠠᠢ ᠪᠠᠨ ᠬᠠᠷᠢᠵᠤ ᠢᠷᠡᠪᠡ᠃ ᠡᠬᠡᠨᠡᠷ ᠨᠢ ᠬᠠᠷᠢᠶᠠᠯ ᠲᠠᠯᠪᠢᠭᠠᠳ ᠠᠷᠤᠨ ᠠᠴᠠ ᠨᠢ | ᠥᠪᠡᠷ ᠢᠶᠠᠨ ᠴᠤ ᠢᠨᠢᠶᠡᠪᠡ᠃ ᠨᠢᠭᠡᠨᠳᠡ ᠴᠢᠯᠥᠭᠡ ᠠᠪᠤᠭᠰᠠᠨ ᠵᠠᠶᠠᠭᠠ ᠨᠢᠭᠡ ᠥᠳᠡ ᠶᠢᠨ ᠡᠮᠥᠨᠡ ᠶᠢᠨ ᠴᠠᠭ ᠬᠡᠷᠡᠭᠯᠡᠵᠥ ᠨᠤᠬᠠᠢ ᠳᠠᠭᠠᠨ ᠪᠥᠮᠪᠦᠭᠡ ᠲᠡᠭᠦᠭᠦ ᠶᠢ | ᠵᠢᠭᠠᠭᠰᠠᠨ ᠴᠤ ᠪᠥᠮᠪᠦᠭᠡ ᠶᠢ ᠥᠪᠡᠷ ᠢᠶᠠᠨ ᠰᠢᠯᠥᠰᠥᠳᠥᠭᠰᠡᠨ ᠠᠴᠠ ᠥᠭᠡᠷᠡ ᠶᠠᠮᠠᠷᠴᠤ ᠤᠯᠵᠠ ᠤᠯᠤᠭᠰᠠᠨ ᠥᠭᠡᠢ᠃ ᠪᠥᠮᠪᠥᠭᠡᠨ ᠳᠤᠨᠢ ᠨᠤᠬᠠᠶᠢᠨ ᠰᠢᠳᠥᠨ ᠮᠥᠷ | ᠨᠢᠭᠡ ᠴᠤ ᠥᠭᠡᠢ᠂ ᠬᠠᠷᠢᠨ ᠬᠠᠴᠢᠭᠦᠥ ᠡᠩ ᠤᠨ ᠡᠳᠥᠷ ᠲᠠᠢ ᠠᠳᠠᠯᠢᠬᠠᠨ ᠪᠠᠶᠠᠷᠯᠠᠵᠤ᠂ ᠥᠰᠥᠷᠴᠥ ᠲᠡᠭᠳᠡᠵᠥ ᠯᠠ ᠪᠠᠶᠢᠪᠠ᠃ ᠥᠳᠡ ᠪᠤᠯᠬᠤ ᠳᠤ ᠤᠶᠤᠮᠠ | ᠬᠤᠶᠠᠷ ᠬᠥᠯ ᠲᠠᠢ ᠪᠠ ᠲᠥᠷᠪᠡᠨ ᠭᠥᠯ ᠲᠠᠢ ᠬᠤᠶᠠᠷ ᠨᠤᠬᠠᠢ ᠳᠤ ᠪᠠᠨ ᠬᠤᠭᠤᠯᠠ ᠪᠤᠯᠭᠤᠭᠠᠵᠤ ᠲᠡᠵᠢᠭᠡᠭᠡᠳ ᠰᠢᠷᠠ ᠶᠢ ᠪᠠᠨ ᠤᠶᠠᠬᠤ ᠪᠠᠷ ᠪᠤᠯᠪᠠ᠃ ᠮᠤᠳᠤᠨ | ᠫᠧᠩ ᠤᠨ ᠡᠭᠦᠳᠡᠨ ᠳᠤ ᠤᠶᠠᠭᠰᠠᠨ ᠭᠥᠯᠥᠭᠡ ᠥᠰᠥᠷᠤᠨ ᠴᠤᠪᠬᠤᠴᠢᠵᠤ ᠯᠠ ᠪᠠᠶᠢᠭᠰᠠᠨ ᠴᠤ ᠵᠠᠶᠠᠭᠠ ᠶᠠᠪᠤᠬᠤ ᠪᠠᠷ ᠢᠶᠠᠨ ᠶᠠᠪᠤᠵᠠᠢ᠃ ᠲᠠᠷᠠᠭᠠ ᠡᠳᠥᠷ ᠨᠢ | ᠵᠠᠶᠠᠭᠠ ᠮᠥᠨ ᠤᠶᠠᠭᠠ ᠲᠠᠢ ᠭᠥᠯᠥᠭᠡ ᠪᠠᠨ ᠲᠡᠪᠡᠷᠢᠵᠥ ᠄ ︽ᠰᠠᠶᠢᠨ ᠰᠠᠭᠤᠵᠤ ᠪᠠᠶᠢᠭᠠᠷᠠᠢ︕︾ ᠭᠡᠳ ᠬᠥᠷᠢᠶᠡᠨ ᠤ ᠪᠠᠨ ᠬᠠᠭᠠᠯᠭᠠ ᠪᠠᠨ ᠬᠠᠭᠠᠪᠠ᠃ | ᠤᠶᠤᠮᠠ ᠵᠡᠭᠡᠯᠢ ᠳᠤ ᠭᠠᠷᠤᠭᠠᠳ ᠥᠳᠡ ᠶᠢᠨ ᠬᠤᠶᠢᠨᠠ ᠢᠷᠡᠭᠰᠡᠨ ᠴᠢᠨᠢ ᠭᠥᠯᠥᠭᠡ ᠠᠯᠠᠭᠠ᠂ ᠨᠢᠯᠤᠨ ᠲᠡᠭᠡᠰᠥᠨ ᠲᠠᠰᠤᠷᠬᠠᠢ ᠨᠢ ᠪᠠᠶᠢᠨᠠ᠃ ᠰᠠᠨᠳᠤᠷᠴᠤ | ᠭᠡᠷ ᠤᠨ ᠭᠠᠳᠠᠨᠠ ᠲᠤᠳᠤᠨᠠ᠂ ᠠᠮᠢᠳᠠᠢ ᠶᠢᠨ ᠭᠡᠷ᠂ ᠮᠤᠳᠤᠨ ᠫᠧᠩ ᠢᠶᠠᠷ ᠪᠥᠷ ᠡᠷᠢᠪᠠ᠂ ᠤᠯᠳᠠᠭᠰᠠᠨ ᠥᠭᠡᠢ᠃ ᠤᠷᠤᠢ ᠨᠢ ᠵᠠᠶᠠᠭᠠ ᠨᠢᠭᠡ ᠶᠡᠭᠡ ᠭᠥᠭᠵᠢᠯ ᠲᠠᠢ | ︽ᠬᠠᠴᠢᠭᠦᠥ ᠰᠠᠶᠢᠨ︕︾ ᠭᠡᠰᠠᠨ ᠶᠠᠭᠤᠮᠠ ᠢᠷᠡᠵᠥ ᠤᠶᠤᠮᠠ ᠳᠠᠭᠠᠨ ᠪᠥᠭᠡᠮ ᠶᠠᠭᠤᠮᠠ ᠭᠥᠭᠡᠷᠥᠪᠡ᠃ ᠤᠤᠯ ᠨᠢ ᠭᠥᠯᠥᠭᠡ ᠲᠡᠷᠭᠡᠨ ᠥᠷᠳᠡᠭᠡᠨ ᠤ ᠡᠭᠦᠳᠡᠨ | ᠲᠡᠷᠭᠡᠳᠡᠭᠢ ᠴᠡᠴᠡᠭ ᠤᠨ ᠲᠠᠳᠠᠭᠠᠯ ᠤᠨ ᠲᠡᠭᠡᠷᠡ ᠤᠴᠤᠶᠢᠨ ᠪᠠᠶᠢᠵᠤ ᠬᠠᠶᠢᠷᠠᠳᠤ ᠡᠵᠡᠨ ᠢᠶᠠᠨ ᠤᠭᠳᠤᠭᠰᠠᠨ ᠪᠠᠶᠢᠵᠠᠢ᠃ ᠲᠠᠰᠤᠷᠬᠠᠢ ᠲᠡᠭᠡᠰᠥ ᠴᠢᠷᠴᠥ ᠭᠥᠵᠥᠭᠦᠥ | ᠡᠷᠡᠥ ᠨᠢ ᠪᠠᠭᠠ ᠰᠢᠯᠪᠤᠷᠠᠭᠰᠠᠨ ᠰᠢᠷᠠ ᠭᠥᠯᠥᠭᠡ ᠪᠠᠨ ᠥᠵᠡᠭᠡᠳ ᠵᠠᠶᠠᠭᠠ ᠥᠷᠥ ᠡᠪᠡᠳᠴᠥ ᠪᠠᠰᠠ ᠨᠢᠭᠡ ᠲᠠᠯᠠ ᠪᠠᠷ ᠭᠥᠬᠡᠷᠴᠥ ᠰᠥᠷᠡᠭᠡᠢ ᠶᠠᠷᠢᠶᠠ ᠲᠠᠢ ᠢᠷᠡᠭᠰᠡᠨ | ᠨᠢ ᠡᠨᠡ ᠪᠠᠶᠢᠪᠠ᠃ ᠭᠥᠯᠥᠭᠡ ᠶᠢᠨ ᠢᠶᠠᠨ ᠰᠢᠷᠬᠠ ᠶᠢ ᠰᠠᠶᠢᠬᠠᠨ ᠴᠡᠪᠡᠷᠯᠡᠵᠥ᠂ ᠬᠡᠪᠳᠡᠷᠢ ᠳᠤ ᠨᠢ ᠤᠷᠤᠭᠤᠯᠵᠤ ︽ᠤᠨᠳᠠᠭᠤᠯᠤᠭᠠᠳ︾ ᠵᠠᠶᠠᠭᠠ ᠢᠷᠡᠵᠥ ᠡᠬᠡᠨᠡᠷ | ᠲᠠᠢ ᠪᠠᠨ ︽ᠡᠭᠦᠨ ᠢ ᠲᠡᠬᠢᠵᠥ ᠤᠶᠠᠬᠤ ᠪᠠᠨ ᠪᠤᠯᠢᠶᠠ︾ ᠭᠡᠵᠤ ᠵᠥᠪᠳᠠᠭᠡᠳ᠂ ᠲᠡᠭᠡᠵᠥ ᠲᠤᠭᠳᠠᠵᠠᠢ᠃ ᠮᠠᠷᠭᠠᠰᠢ ᠨᠢ ᠭᠥᠯᠥᠭᠡ ᠪᠠᠨ ᠮᠥᠨ ᠭᠥᠷᠢᠶᠡᠨ ᠲᠤᠳᠤᠷᠠ | ᠲᠥᠭᠵᠢᠵᠥ ᠤᠷᠬᠢᠭᠠᠳ ᠵᠠᠶᠠᠭᠠ ᠲᠡᠷᠭᠡᠨ ᠥᠷᠳᠡᠭᠡᠨ ᠳᠤ ᠭᠥᠷᠭᠦ ᠳᠤ ᠭᠥᠯᠥᠭᠡ ᠮᠥᠨ ᠲᠠᠭᠠᠯᠳᠤᠨ ᠭᠥᠷᠥᠭᠰᠡᠨ ᠪᠠᠶᠢᠪᠠ᠃ ᠵᠠᠶᠠᠭᠠ ᠭᠥᠯᠥᠭᠡ ᠪᠠᠨ ᠲᠡᠪᠡᠷᠢᠵᠥ | ᠲᠤᠯᠤᠭᠠᠢ ᠶᠢ ᠨᠢ ᠢᠯᠪᠢᠭᠡᠳ᠂ ᠭᠡᠷ ᠵᠥᠭ ᠢᠶᠠᠨ ᠵᠢᠭᠠᠵᠤ ︽ᠬᠠᠷᠢ︕ ᠬᠠᠷᠢ︕︾ ᠭᠡᠰᠡᠨ ᠳᠤ ᠶᠡᠷᠥᠨᠢ ᠲᠡᠨᠡᠭ ᠪᠠᠶᠢᠭᠠᠳ ᠪᠠᠶᠢᠳᠠᠭ ᠭᠥᠯᠥᠭᠡ ᠡᠨᠡ ᠤᠳᠠᠭᠠ | ᠶᠠᠭᠤ ᠭᠡᠯᠡᠭᠰᠡᠨ ᠢ ᠨᠢ ᠪᠠᠷᠤᠭ ᠤᠨᠤᠵᠤ ᠭᠡᠷ ᠵᠥᠭ ᠢᠶᠠᠨ ᠡᠷᠭᠢᠨ ᠡᠷᠭᠢᠨ ᠬᠠᠷᠠᠭᠰᠠᠭᠠᠷ ᠲᠤᠷᠠ ᠮᠠᠭᠤᠳᠠᠢ ᠶᠠᠪᠤᠵᠠᠢ᠃ ᠬᠠᠵᠠᠭᠤ ᠳᠤ ᠨᠢ ᠪᠠᠶᠢᠭᠰᠠ ᠡᠪᠥᠭᠡᠨ ᠲᠤᠷᠵᠢ | ᠡᠷᠡᠭᠡᠢ ᠭᠤᠵᠤᠶᠢᠯᠭᠠᠵᠤ᠄ ︽ᠬᠠᠴᠢᠭᠦᠥ ᠰᠠᠶᠢᠨ ᠨᠤᠬᠠᠢ ᠶᠢᠨ ᠤᠳᠤᠮ ᠭᠡᠰᠡᠨ ᠢᠶᠠᠨ ᠭᠤᠳᠤᠭᠠᠭᠰᠠᠨ ᠥᠭᠡᠢ᠂ ᠥᠨᠡᠭᠡᠷ ᠮᠡᠷᠭᠡᠨ ᠠᠮᠢᠳᠠᠨ ᠪᠠᠶᠢᠨᠠ︕︾ ᠭᠡᠵᠥ | ᠮᠠᠭᠳᠠᠪᠠ᠃ ᠵᠠᠶᠠᠭᠠ ᠭᠥᠯᠥᠭᠡ ᠶᠢᠨ ᠡᠷᠭᠢᠵᠥ ᠢᠷᠡᠭᠦ ᠠᠴᠠ ᠵᠤᠪᠠᠭᠰᠠᠭᠠᠷ ᠲᠡᠷᠭᠡᠨ ᠳᠤ ᠭᠠᠷᠪᠠ᠃ ᠭᠥᠯᠥᠭᠡ ᠬᠠᠷᠢᠨ ᠶᠠᠭ ᠢᠷᠡᠭᠰᠡᠨ ᠥᠭᠡᠢ᠃ | ᠤᠷᠤᠢ ᠨᠢ ᠵᠠᠶᠠᠭᠠ ᠲᠡᠷᠭᠡᠨ ᠥᠷᠳᠡᠭᠡᠨ ᠤ ᠡᠭᠦᠳᠡ ᠪᠠᠷ ᠭᠠᠷᠤᠭᠠᠳ ᠭᠡᠷ ᠵᠥᠭ ᠢᠶᠠᠨ ᠡᠷᠭᠢᠳᠡᠯᠡ ᠭᠡᠨᠡᠳᠳᠡ ︽ᠬᠥᠪ︕ ᠭᠥᠪ︕︾ ᠬᠡᠵᠥ ᠬᠠᠴᠢᠭᠦᠥ | ᠶᠢᠨ ᠲᠠᠭᠤ ᠭᠠᠷᠪᠠ᠃ ᠵᠠᠶᠠᠭᠠ ᠡᠷᠭᠢᠵᠥ ᠬᠠᠷᠠᠪᠠᠯ ᠰᠢᠷᠠ ᠭᠥᠯᠥᠭᠡ ᠴᠡᠴᠡᠭ ᠤᠨ ᠲᠠᠲᠠᠭᠠᠯ ᠲᠡᠭᠡᠷᠡ ᠠᠴᠠ ᠥᠰᠥᠷᠥᠨ ᠪᠠᠭᠤᠵᠤ᠂ ᠤᠷᠴᠢᠯᠠᠩ ᠳᠤ ᠲᠡᠭᠦᠨ ᠠᠴᠠ | ᠢᠯᠡᠭᠦᠥ ᠪᠠᠶᠠᠷᠳᠡᠢ ᠠᠮᠢᠳᠠᠨ ᠪᠠᠶᠢᠬᠤ ᠥᠭᠡᠢ ᠮᠡᠳᠥ ᠶᠢᠨ ᠪᠠᠶᠢᠳᠠᠯ ᠲᠠᠢ ᠰᠡᠭᠦᠯ ᠬᠤᠷᠤᠶᠢᠯᠠᠨ ᠭᠥᠶᠥᠨ ᠢᠷᠡᠵᠥ ᠡᠷᠬᠢᠵᠤ ᠲᠤᠭᠯᠠᠵᠤ ᠰᠥᠢᠳ ᠪᠤᠯᠪᠠ᠃ ᠵᠠᠶᠠᠭᠠ | ᠡᠨᠡ ᠠᠳᠤᠭᠤᠰᠤᠨ ᠤ ᠮᠡᠷᠭᠡᠨ ᠢ ᠭᠠᠶᠢᠬᠠᠵᠤ᠂ ᠲᠡᠪᠡᠷᠢᠨ ᠠᠪᠴᠤ ᠤᠳᠠᠳᠠᠯᠠ ᠬᠠᠶᠢᠷᠠᠯᠠᠪᠠ᠃ ᠭᠡᠳᠡᠯᠡ᠂ ᠵᠠᠶᠠᠭᠠ ᠭᠤᠸᠠᠢ ᠬᠠᠴᠢᠭᠦᠥ ᠶᠢᠨ ᠢᠶᠠᠨ ᠬᠡᠳᠥᠢ ᠮᠡᠷᠭᠡᠨ | ᠬᠡᠳᠥᠢ ᠥᠨᠡᠨᠴᠢ ᠭᠡᠰᠡᠨ ᠢ ᠥᠪᠡᠷ ᠢᠶᠠᠨ ᠥᠵᠡᠵᠥ᠂ ᠪᠠᠶᠠᠰᠬᠤ ᠶᠢᠨ ᠲᠠᠪᠢᠯᠠᠩ ᠲᠠᠩᠴᠤ ᠪᠠᠶᠢᠭᠰᠠᠨ ᠥᠭᠡᠢ ᠭᠡᠳᠡᠭ ᠢ ᠤᠩᠰᠢᠭᠴᠢᠳ ᠲᠠ ᠪᠥᠭᠦᠳᠡ ᠮᠠᠨᠢ ᠤᠳᠠᠬᠤ | ᠥᠭᠡᠢ ᠮᠡᠳᠡᠴᠢᠭᠡᠭᠦ ᠶᠤᠮ᠃ | ᠰᠢᠷᠠ ᠭᠥᠯᠥᠭᠡ ᠵᠠᠶᠠᠭᠠ ᠶᠢ ᠲᠤᠭᠤᠷᠢᠨ ᠭᠥᠶᠥᠵᠥ ᠬᠤᠴᠠᠵᠤ᠂ ᠲᠠᠷᠠᠭᠠ ᠨᠢ ᠰᠡᠭᠦᠯ ᠢᠶᠠᠨ ᠠᠯᠢ ᠴᠤ ᠥᠶᠡ ᠠᠴᠠ ᠥᠨᠳᠥᠷ ᠡᠷᠭᠦᠵᠥ ᠡᠵᠡᠨ ᠤ ᠪᠠᠨ | ᠡᠮᠥᠨᠡ ᠭᠠᠷᠤᠨ ᠱᠤᠭᠰᠢᠵᠥ᠂ ᠪᠠᠶᠢᠨ ᠪᠠᠶᠢᠨ ᠡᠵᠡᠨ ᠢᠶᠠᠨ ᠭᠥᠯᠢᠶᠡᠵᠥ᠂ ᠪᠠᠰᠠ ᠤᠴᠢᠵᠤ ᠪᠠᠭ᠋ᠠᠨ ᠡᠷᠭᠡᠯᠡᠵᠥ᠂ ᠨᠠᠭᠠᠯᠳᠤᠵᠤ᠂ ᠱᠥᠷᠭᠦᠭᠡᠵᠥ᠂ ᠭᠥᠭᠵᠢᠯ ᠲᠠᠢ | ᠬᠤᠴᠠᠨ᠂ ᠡᠵᠡᠨ ᠨᠤᠬᠠᠢ ᠬᠤᠶᠠᠭᠤᠯᠠ ᠪᠠᠨ ᠪᠠᠶᠠᠷᠳᠠᠢ ᠬᠠᠷᠢᠪᠠ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠬᠠᠴᠢᠭᠦᠥ ᠡᠳᠥᠷ ᠪᠤᠯᠭᠠᠨ ᠲᠡᠷᠭᠡᠨ ᠥᠷᠳᠡᠭᠡᠨ ᠳᠤ ᠡᠵᠡᠨ ᠢᠶᠠᠨ | ᠭᠥᠷᠭᠡᠨᠡ᠂ ᠵᠠᠶᠠᠭᠠ ᠬᠠᠴᠢᠭᠦᠥ ᠪᠠᠨ ᠲᠠᠭᠠᠭᠤᠯᠤᠨ ᠶᠠᠪᠤᠬᠤ ᠳᠤ ᠪᠠᠨ ᠲᠤᠩ ᠪᠠᠶᠠᠷᠳᠠᠢ᠃ ᠡᠪᠥᠭᠡᠨ ᠲᠤᠷᠵᠢ᠂ ᠮᠠᠨᠠᠭᠠᠴᠢ ᠪᠠᠳᠤ ᠪᠥᠷ ᠬᠠᠴᠢᠬᠦᠥ ᠶᠢᠨ ᠬᠡᠳᠥᠢ | ᠲᠡᠭᠵᠢᠨ ᠰᠡᠷᠭᠦᠯᠡᠩ᠂ ᠡᠵᠡᠨ ᠢᠶᠠᠨ ᠭᠥᠷᠭᠡᠳᠡᠭ᠂ ᠲᠤᠰᠳᠠᠭ ᠢ ᠭᠥᠮᠥᠨ ᠥᠵᠡᠪᠡᠯ ᠬᠡᠯᠡᠵᠥ ᠮᠤᠳᠤ ᠥᠵᠡᠪᠡᠯ ᠪᠢᠴᠢᠨᠡ᠃ ᠬᠠᠴᠢᠬᠦᠥ ᠶᠢᠨ ᠠᠯᠳᠠᠷ ᠡᠶᠢᠨ ᠭᠥ᠋ | ᠮᠠᠨᠳᠤᠵᠠᠢ᠃ ᠵᠠᠷᠢᠮ ᠰᠤᠷᠤᠭᠴᠢᠳ ᠲᠤᠰᠬᠠᠢ ︽ᠵᠢ᠊ ᠪᠠᠭᠰᠢ︾ ᠶᠢᠨ ᠰᠢᠷᠠ ᠨᠤᠬᠠᠢ ᠶᠢ ᠥᠵᠡᠭᠦ ᠪᠠᠷ ᠢᠷᠡᠨᠡ᠂ ᠵᠠᠷᠢᠮ ᠠᠶᠠᠨᠴᠢᠳ ᠴᠡᠴᠡᠭ ᠤᠨ ᠲᠠᠲᠠᠭᠠᠯ ᠤᠨ | ᠲᠡᠷᠭᠡᠳᠡ ᠬᠠᠴᠢᠭᠦᠥ ᠲᠠᠢ ᠲᠥᠷᠰᠥ ᠠᠪᠤᠭᠤᠯᠤᠨᠠ᠃ ᠲᠤᠷᠵᠢ ᠠᠴᠠ ᠥᠭᠡᠷᠡ ᠭᠥᠮᠥᠨ ᠴᠦ ᠬᠠᠴᠢᠭᠦᠥ ᠳᠤ ᠢᠳᠡᠬᠦ ᠶᠠᠭᠤᠮᠠ ᠥᠭᠭᠦᠨᠡ᠂ ᠪᠠᠳᠤ ᠬᠠᠭᠤᠴᠢᠨ | ᠲᠡᠮᠥᠷ ᠭᠠᠳᠤᠷᠠ ᠶᠢ ᠲᠠᠲᠠᠭᠠᠯ ᠲᠤᠮᠳᠠ ᠲᠠᠯᠪᠢᠵᠤ ︽ᠠᠶᠠᠭᠠ︾ ᠪᠤᠯᠭᠠᠪᠠ᠃ ᠢᠳᠡᠭᠦᠷ ᠲᠤᠨᠢ ᠲᠠᠩᠳᠠ ᠢᠳᠡᠰᠢ ᠲᠠᠢ᠂ ᠤᠰᠤ ᠲᠠᠢ᠂ ᠪᠠᠰᠠ ᠤᠯᠠᠨ ᠭᠥᠮᠥᠰ | ᠱᠠᠭᠰᠢᠷᠠᠨ ᠮᠠᠭᠳᠠᠭᠰᠠᠨ ᠪᠠᠶᠢᠳᠠᠯ ᠲᠤᠤᠷᠠ ᠬᠠᠴᠢᠭᠦᠥ ᠡᠳᠥᠷ ᠪᠤᠯᠭᠠᠨ ᠡᠵᠡᠨ ᠢᠶᠠᠨ ᠭᠥᠯᠢᠶᠡᠨᠡ᠃ ᠲᠡᠷᠭᠡᠨ ᠥᠷᠳᠡᠭᠡᠨ ᠤ ᠡᠭᠦᠳᠡ ᠨᠡᠭᠡᠭᠡᠭᠳᠡᠨ ᠵᠠᠶᠠᠭᠠ ᠶᠢ ᠭᠠᠷᠴᠤ | ᠢᠷᠡᠭᠦ ᠶᠢᠨ ᠲᠡᠷᠡ ᠭᠱᠠᠨ ᠳᠤ ᠬᠠᠴᠢᠭᠦᠥ ᠶᠢᠨ ᠨᠠᠷᠠ ᠭᠠᠷᠤᠨᠠ᠃ ᠪᠠᠶᠠᠷ ᠪᠠᠶᠠᠰᠤᠯ᠂ ᠬᠠᠶᠢᠷᠡ ᠰᠡᠳᠬᠢᠯᠬᠡ ᠪᠠᠨ ᠥᠭᠡ ᠬᠡᠯᠡ ᠪᠠᠷ ᠢᠯᠡᠳᠭᠡᠵᠥ ᠪᠤᠯᠳᠠᠭ ᠪᠠᠶᠢᠭᠰᠠᠨ | ᠪᠤᠯ ᠰᠢᠷᠠ ᠭᠥᠯᠥᠭᠡ ᠬᠡᠨ ᠠᠴᠠ ᠴᠤ ᠲᠤᠳᠠᠬᠤ ᠥᠬᠡᠢ ᠰᠠᠶᠢᠬᠠᠨ ᠶᠠᠷᠢᠬᠤ ᠰᠢᠨᠵᠢᠳᠡᠢ᠂ ᠲᠡᠶᠢᠨ ᠭᠥ᠋ ᠲᠡᠷᠡ ᠮᠥᠴᠡ ᠳᠤ ᠲᠡᠷᠭᠡᠨ ᠥᠷᠳᠡᠭᠡᠨ ᠤ ᠡᠭᠦᠳᠡᠨ ᠲᠡᠭᠡᠷᠡ | ᠬᠠᠴᠢᠭᠦᠥ ᠪᠤᠯᠤᠨ ᠵᠠᠶᠠᠭᠠ ᠤᠷᠴᠢᠯᠠᠩ ᠳᠤ ᠬᠠᠮᠤᠭ ᠵᠢᠷᠭᠠᠯᠳᠠᠢ ᠬᠤᠶᠠᠷ ᠪᠤᠯᠵᠤ ᠵᠤᠯᠭᠠᠨᠠ᠂ ᠲᠤᠭᠯᠠᠨᠠ᠂ ᠲᠡᠭᠡᠭᠡᠳ ᠬᠠᠴᠢᠭᠦᠥ ᠬᠤᠶᠠᠷ ᠪᠤᠤᠵᠠ ᠤᠯᠵᠤ | ᠴᠤᠬᠢᠴᠢᠬᠠᠭᠠᠳ ᠬᠤᠶᠠᠭᠤᠯᠠ ᠪᠠᠨ ᠴᠤᠭ ᠬᠠᠷᠢᠨᠠ᠃ ᠠᠮᠢᠳᠤᠷᠠᠯ ᠬᠠᠶᠢᠷᠠ ᠲᠡᠭᠡᠷᠡ ᠲᠤᠭᠳᠠᠳᠠᠭ ᠠᠵᠠᠢ᠂ ᠨᠤᠬᠠᠢ ᠳᠤ ᠴᠦ ᠭᠡᠰᠡᠨ ᠡᠶᠢᠮᠥ ᠪᠠᠶᠢᠬᠤ ᠶᠤᠰᠤᠳᠠᠢ᠃ | ᠭᠡᠳᠡᠯᠡ ᠮᠥᠩᠭᠦ ᠴᠠᠭᠠᠨ ᠨᠢᠳᠤ ᠤᠯᠠᠭᠠᠨ ᠭᠡᠳᠡᠭ ᠢᠶᠠᠷ ᠤᠶᠤᠮᠠ ᠵᠤᠭᠤᠰ ᠲᠠᠢ ᠭᠥᠮᠥᠨ ᠲᠠᠭᠠᠵᠤ ᠵᠠᠶᠠᠭᠠ ᠪᠠᠭᠰᠢ ᠶᠢ ᠵᠢᠷᠭᠠᠯ᠂ ᠬᠠᠴᠢᠭᠦᠥ ᠲᠠᠢ ᠨᠢ ᠬᠠᠮᠳᠤ | ᠤᠷᠭᠢᠭᠠᠳ ᠬᠤᠳᠠ ᠤᠷᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠬᠠᠴᠢᠭᠦᠥ ᠵᠠᠶᠠᠭᠠ ᠶᠢᠨ ᠠᠮᠢ ᠪᠤᠯᠪᠠ᠃ ᠭᠥᠮᠥᠨ ᠤ ᠪᠠᠶᠠᠷ ᠭᠤᠨᠢᠭ ᠰᠢᠩᠭᠡᠭᠰᠡᠨ ᠬᠤᠳᠠ ᠶᠢᠨ ᠪᠤᠷᠤ ᠭᠤᠳᠤᠮᠵᠢᠨ | ᠳᠤ ᠭᠥᠮᠥᠨ ᠨᠤᠬᠠᠢ ᠬᠤᠶᠠᠷ ᠤᠨ ᠨᠥᠭᠦᠷᠯᠡᠯ ᠡᠨᠡ ᠮᠡᠳᠥ ᠪᠠᠷ ᠥᠷᠭᠦᠯᠵᠢᠯᠡᠵᠥ ᠪᠠᠶᠢᠪᠠ᠃ ᠵᠢᠷᠭᠠᠯ ᠤᠨ ᠬᠤᠷᠢᠮ ᠲᠡᠭᠡᠷᠡ ᠨᠡᠩ ᠤᠯᠠᠨ ᠭᠥᠮᠥᠨ ᠬᠠᠴᠢᠭᠦᠥ ᠶᠢ | ᠲᠠᠨᠢᠵᠤ᠂ ᠬᠠᠮᠳᠤ ᠶᠢᠨ ᠰᠡᠭᠦᠳᠡᠷ ᠲᠠᠲᠠᠬᠤ ᠳᠤ ᠪᠥᠷ ᠤᠷᠤᠯᠴᠪᠠ᠃ ᠰᠡᠭᠦᠯᠡᠷ ᠨᠢ ᠵᠢᠷᠭᠠᠯ ᠭᠡᠥᠭᠡᠳ ᠲᠠᠢ ᠪᠤᠯᠪᠠ᠂ ᠬᠡᠰᠡᠨ ᠴᠤ ᠰᠢᠷᠠ ᠭᠥᠯᠥᠭᠡ ᠡᠵᠡᠨ ᠢᠶᠠᠨ | ᠲᠤᠰᠴᠤ ᠬᠥᠷᠭᠡᠳᠡᠭ ᠬᠡᠪ ᠢᠶᠠᠷ ᠢᠶᠠᠨ᠃ | ︽ᠡᠵᠢ ᠶᠢᠨ ᠴᠠᠶᠢᠯᠭᠠᠨ ᠴᠠᠭᠠᠨ ᠰᠡᠳᠬᠢᠯ᠂ ᠡᠩᠭᠦᠷᠡᠢ ᠤᠶᠠᠬᠠᠨ ᠪᠥᠥᠪᠡᠢ ᠶᠢᠨ ᠲᠠᠭᠤᠤ᠂ ᠡᠷᠳᠡᠮ ᠤᠨ ᠬᠠᠷᠭᠤᠢ ᠳᠤ ᠡᠷᠭᠦᠭᠰᠡᠨ ᠰᠠᠴᠤᠯᠢ᠂ ᠡᠮᠵᠡᠭᠬᠡᠨ | ᠬᠠᠶᠢᠷᠠ ᠶᠢ ᠮᠡᠳᠡᠷᠡᠭᠰᠡᠨ ᠵᠢᠷᠥᠭᠡ ᠃ ᠠᠮᠢᠳᠤᠷᠠᠯ ᠬᠠᠶᠢᠷᠠ ᠲᠡᠭᠡᠷᠡ ᠲᠤᠭᠳᠠᠳᠠᠭ ᠬᠡᠵᠥ᠂ ᠠᠯᠠᠭᠬᠠᠨ ᠬᠤᠷᠸᠠ ᠬᠡᠯᠡᠭᠡᠳ ᠪᠠᠶᠢᠬᠤ ᠶᠤᠮ ᠁︾ ᠲᠠᠭᠤᠨ ᠤ | ᠬᠢᠴᠢᠶᠡᠯ ᠲᠡᠭᠡᠷᠡ ᠵᠠᠶᠠᠭᠠ ᠪᠠᠭᠰᠢ ᠡᠨᠡ ᠠᠶᠠ ᠶᠢ ᠭᠥᠭᠵᠢᠮᠳᠡᠪᠡ᠃ ︽ᠲᠠᠭᠤᠤ ᠭᠥᠭᠵᠢᠮ ᠢ ᠵᠥᠪᠬᠡᠨ ᠴᠢᠬᠢ ᠪᠠᠷ ᠢᠶᠠᠨ ᠪᠢᠰᠢ᠂ ᠬᠠᠷᠢᠨ ᠰᠡᠳᠬᠢᠯ ᠢᠶᠠᠷ ᠢᠶᠠᠨ᠂ | ᠪᠥᠷ ᠴᠤ ᠭᠥᠷᠡᠩ ᠵᠢᠷᠥᠬᠡ ᠪᠠᠷ ᠢᠶᠠᠨ ᠤᠴᠢᠵᠤ ᠤᠶᠢᠯᠠᠭᠠᠵᠤ ᠰᠤᠨᠤᠰᠬᠤ ᠬᠡᠷᠡᠭᠳᠡᠢ᠃ ᠡᠨᠡ ᠶᠡᠭᠡ ᠪᠥᠮᠪᠥᠷᠴᠡᠭ ᠲᠡᠭᠡᠷᠡ ᠡᠴᠥᠨᠠᠨ ᠲᠥᠴᠢᠨᠡᠨ ᠠᠷᠠᠰᠤᠳᠠᠨ | ᠶᠠᠰᠤᠳᠠᠨ ᠪᠠᠶᠢᠵᠤ᠂ ᠲᠡᠳᠡᠨ ᠤ ᠡᠯᠳᠡᠪ ᠵᠥᠢᠯ ᠤᠨ ᠥᠭᠡ ᠭᠡᠯᠡ ᠶᠢ ᠪᠢᠳᠠ ᠤᠶᠢᠯᠠᠭᠠᠵᠤ ᠲᠡᠶᠢᠯᠳᠡᠭ ᠥᠭᠡᠢ ᠴᠤ ᠭᠡᠰᠡᠨ ᠲᠠᠭᠤᠨ ᠤ ᠬᠢᠨᠢ ᠭᠥᠭ ᠠᠶᠠᠯᠭᠤ ᠶᠢ | ᠮᠡᠳᠡᠷᠡᠨ ᠤᠶᠠᠷᠠᠵᠤ ᠴᠢᠳᠠᠳᠠᠭ ᠢᠶᠠᠷ ᠢᠶᠠᠨ ︿ᠭᠥᠷᠡᠩ ᠵᠢᠷᠥᠭᠡ ᠶᠢ ᠤᠶᠠᠷᠭᠠᠨ ᠴᠢᠳᠠᠬᠤ ᠬᠥᠭᠵᠢᠮ ᠲᠠᠭᠤᠨ ᠳᠤ ᠤᠷᠴᠢᠭᠤᠯᠭᠠ ᠬᠡᠷᠡᠭ ᠥᠭᠡᠢ﹀ ᠭᠡᠰᠡᠨ ᠰᠡᠴᠡᠨ | ᠥᠭᠡ ᠪᠠᠶᠢᠳᠠᠭ ᠪᠠᠶᠢᠬᠤ ᠥᠭᠡᠢ ᠤᠤ︕︾ ᠭᠡᠵᠥ ᠶᠠᠷᠥ ᠠᠴᠠ ᠥᠭᠡ ᠲᠠᠭᠤ ᠴᠥᠭᠡᠨᠳᠡᠢ ᠪᠠᠶᠢᠳᠠᠭ ᠵᠠᠶᠠᠭᠠ ᠪᠠᠭᠰᠢ ᠠᠶᠢᠬᠤᠪᠳᠤᠷ ᠲᠤᠭᠳᠤᠯᠤᠨ ᠶᠠᠷᠢᠵᠤ | ᠪᠠᠶᠢᠭᠰᠠᠨ ᠢᠶᠠᠨ ᠰᠠᠭᠤᠵᠤ ᠴᠡᠭᠡᠵᠢ ᠪᠠᠨ ᠲᠠᠷᠤᠨ ᠪᠠᠭ᠋ᠠᠨ ᠠᠮᠤᠰᠬᠢᠬᠤ ᠮᠠᠶ᠋ᠢᠭ ᠭᠠᠷᠤᠭᠰᠠᠨ ᠢᠶᠠᠨ ᠭᠡᠨᠡᠳᠳᠡ ᠰᠤᠯᠠᠷᠠᠨ ᠤᠨᠠᠪᠠ ᠁ | ᠴᠡᠴᠡᠭ ᠤᠨ ᠲᠠᠲᠠᠭᠠᠯ ᠲᠡᠭᠡᠷᠡ ᠵᠤᠭᠰᠤᠭᠰᠠᠨ ᠬᠠᠴᠢᠭᠦᠥ ᠨᠢᠳᠤ ᠪᠠᠨ ᠴᠢᠯᠡᠳᠡᠯᠡ ᠬᠠᠷᠠᠵᠤ ᠲᠠᠪᠠᠭ ᠢᠶᠠᠨ ᠡᠪᠡᠳᠳᠡᠯᠡ ᠭᠥᠯᠢᠶᠡᠪᠡ᠂ ᠪᠥᠷᠥᠢ ᠪᠤᠯᠬᠤ ᠪᠠᠷ ᠪᠥᠷ | ᠬᠡᠪᠳᠡᠪᠡ᠂ ᠰᠥᠨᠢ ᠪᠤᠯᠪᠡ᠂ ᠡᠵᠡᠨ ᠨᠢ ᠢᠷᠡᠭᠰᠡᠨ ᠥᠭᠡᠢ᠃ ᠲᠠᠷᠠᠭᠠ ᠥᠷᠯᠥᠭᠡ ᠨᠢ ᠵᠢᠷᠭᠠᠯ ᠤᠨ ᠨᠥᠬᠦᠷ ᠨᠢ ᠢᠷᠡᠵᠥ ᠬᠠᠴᠢᠭᠦᠥ ᠶᠢ ᠲᠡᠪᠡᠷᠢᠨ ᠲᠡᠷᠭᠡᠨ ᠲᠡᠭᠡᠷᠡ | ᠪᠠᠨ ᠠᠪᠴᠤ ᠶᠠᠪᠤᠯᠠ᠃ ᠭᠡᠷ ᠲᠤ ᠢᠷᠡᠪᠡᠯ ᠥᠭᠡᠷᠡ ᠬᠥᠮᠥᠨ ᠥᠭᠡᠢ᠂ ᠭᠥᠯᠥᠭᠡ ᠬᠢᠵᠥ ᠥᠭᠭᠦᠭᠰᠡᠨ ᠬᠤᠭᠤᠯᠡ ᠶᠢ ᠢᠳᠡᠭᠦ ᠰᠠᠨᠠᠭᠠ ᠥᠭᠡᠢ ᠵᠥᠭᠡᠷ ᠡᠵᠡᠨ ᠢᠶᠠᠨ | ᠡᠷᠢᠪᠡ᠂ ᠲᠡᠭᠡᠭᠡᠳ ᠭᠤᠨᠢᠭᠳᠡᠢ ᠪᠠᠷ ᠬᠤᠶᠠᠷ ᠬᠤᠴᠠᠵᠤ ᠨᠢᠭᠡ ᠤᠯᠢᠪᠡ᠃ ᠲᠡᠷᠡ ᠰᠥᠨᠢ ᠡᠵᠡᠨ ᠨᠢ ᠪᠠᠰᠠ ᠢᠷᠡᠭᠰᠡᠨ ᠥᠭᠡᠢ᠂ ᠥᠨᠡᠨ ᠳᠤ ᠪᠠᠨ ᠡᠵᠡᠨ ᠨᠢ ᠢᠷᠡᠭᠦ | ᠠᠴᠠ ᠥᠩᠭᠡᠷᠡᠭᠰᠡᠨ ᠢ ᠡᠨᠡ ᠭᠥᠭᠡᠷᠥᠬᠦᠢ ᠠᠳᠤᠭᠤᠰᠤ ᠭᠡᠷᠭᠢᠨ ᠮᠡᠳᠡᠭᠦ ᠠᠵᠠᠢ᠂ ᠬᠡᠨ ᠲᠡᠭᠦᠨ ᠳᠤ ᠬᠡᠯᠡᠭᠦ ᠪᠤᠢ᠂ ᠬᠡᠯᠡᠭᠰᠡᠨ ᠴᠤ ᠶᠠᠭᠠᠬᠢᠨ ᠮᠡᠳᠡᠭᠦ ᠪᠤᠢ︕ ᠵᠥᠭᠡᠷ | ᠯᠠ ︽ᠡᠵᠡᠨ ᠮᠢᠨᠢ ᠶᠠᠭᠠᠬᠢᠭᠠᠳ ᠨᠠᠳᠠ ᠲᠠᠢ ᠲᠤᠭᠯᠠᠬᠤ ᠪᠠᠷ ᠢᠷᠡᠭᠦ ᠥᠭᠡᠢ ᠪᠤᠢ︖︾ ᠭᠡᠰᠡᠨ ᠪᠤᠳᠤᠯ ᠳᠤ ᠪᠠᠨ ᠠᠪᠳᠠᠨ᠂ ᠨᠤᠬᠠᠢ ᠶᠢᠨ ᠶᠤᠰᠤᠭᠠᠷ ᠰᠡᠳᠬᠢᠵᠥ᠂ | ᠨᠤᠬᠠᠢ ᠶᠢᠨ ᠶᠤᠰᠤᠭᠠᠷ ᠭᠤᠮᠤᠳᠠᠵᠤ᠂ ᠨᠤᠬᠠᠢ ᠶᠢᠨ ᠶᠤᠰᠤᠭᠠᠷ ᠵᠤᠪᠠᠭᠰᠠᠭᠠᠷ ᠬᠡᠪᠳᠡᠪᠡ᠃ | ᠬᠥᠭᠡᠷᠥᠬᠦᠢ᠂ ᠵᠠᠶᠠᠭᠠ ᠪᠠᠭᠰᠢ ᠲᠥᠴᠢᠨ ᠲᠤᠯᠤᠭᠠᠨ ᠬᠠᠪᠤᠷ ᠨᠠᠮᠤᠷ ᠢ ᠲᠤᠭᠤᠯᠵᠤ᠂ ᠠᠷᠠᠳ ᠤᠨ ᠬᠡᠥᠭᠡᠳ ᠤᠨ ᠲᠥᠯᠥᠭᠡ ᠬᠤᠷᠢᠨ ᠬᠡᠳᠥᠨ ᠵᠢᠯ | ᠵᠢᠳᠭᠦᠭᠡᠳ ᠵᠢᠭᠠᠬᠤ ᠲᠠᠪᠴᠠᠩ ᠲᠡᠭᠡᠷᠡ ᠪᠠᠨ ᠤᠸᠠ ᠶᠢᠨ ᠪᠢᠷ ᠤᠨ ᠲᠤᠭᠤᠰᠤ ᠲᠡᠷᠡᠯᠡᠨ ᠶᠢᠷᠳᠢᠨᠴᠥ ᠶᠢᠨ ᠮᠥᠩᠭᠡ ᠪᠤᠰᠤ ᠶᠢ ᠥᠵᠡᠭᠦᠯᠥᠭᠰᠡᠨ ᠪᠠᠶᠢᠵᠠᠢ᠃ ᠠᠯᠠᠭ | ᠲᠤᠯᠤᠭᠠᠢ ᠶᠢᠨ ᠡᠩᠭᠡᠷ ᠲᠤ ᠵᠠᠶᠠᠭᠠ ᠪᠠᠭᠰᠢ ᠶᠢ ᠤᠷᠤᠰᠢᠭᠤᠯᠬᠤ ᠳᠤ ᠲᠡᠷᠭᠡ ᠮᠠᠰᠢᠨ ᠤᠯᠠᠨ ᠴᠤᠭᠯᠠᠷᠠᠵᠤ᠂ ᠨᠥᠭᠦᠷ ᠰᠠᠯᠳᠠ᠂ ᠬᠠᠭᠤᠴᠢᠨ ᠰᠤᠷᠤᠭᠴᠢ ᠱᠠᠪᠢ᠂ | ᠠᠨᠳᠠ ᠨᠠᠶᠢᠵᠠ ᠤᠯᠠᠨ ᠭᠥᠮᠥᠨ ᠴᠤᠭᠯᠠᠷᠠᠨ ᠲᠠᠯᠢᠢᠭᠴᠢ ᠪᠠᠨ ᠭᠥᠳᠡᠭᠡᠯᠡᠭᠰᠡᠨ ᠪᠠᠶᠢᠨᠠ᠃ ᠬᠡᠯᠡᠯᠭᠡᠨ ᠥᠭᠡᠢ ᠡᠨᠡ ᠪᠥᠭᠦᠳᠡ ᠶᠢ ᠬᠠᠴᠢᠭᠦᠥ ᠶᠠᠭᠠᠬᠢᠨ ᠮᠡᠳᠡᠭᠦ ᠪᠤᠢ᠂ | ᠮᠡᠳᠡᠪᠡᠴᠥ ᠶᠠᠭᠠᠬᠢᠨ ᠢᠳᠡᠭᠡᠭᠦ ᠪᠢᠯᠡ︕ ᠡᠵᠡᠨ ᠮᠢᠨᠢ ᠢᠷᠡᠳᠡᠭ ᠴᠠᠭ ᠲᠠᠭᠠᠨ ᠲᠡᠷᠭᠡᠨ ᠥᠷᠳᠡᠭᠡᠨ ᠤ ᠡᠭᠦᠳᠡ ᠪᠠᠷ᠄ ︽ᠭᠥᠶ᠋ᠢ ᠬᠠᠴᠢᠬᠦᠥ︕ ᠮᠢᠨᠤ ᠮᠠᠭᠤ | ᠬᠠᠴᠢᠭᠦᠥ︕︾ ᠭᠡᠭᠰᠡᠭᠡᠷ ᠭᠠᠷᠤᠭᠠᠳ ᠢᠷᠡᠨᠡ ᠯᠠ ᠪᠠᠶᠢᠬᠠ ᠭᠡᠵᠥ ᠪᠤᠳᠤᠭᠰᠠᠭᠠᠷ᠂ ᠴᠡᠴᠡᠭ ᠤᠨ ᠲᠠᠲᠠᠭᠠᠯ ᠤᠨ ᠲᠡᠭᠡᠷᠡ ᠥᠨᠥ ᠯᠠ ᠤᠴᠤᠶᠢᠳᠠᠭ ᠭᠠᠵᠠᠷ ᠲᠠᠭᠠᠨ | ᠥᠷᠳᠡᠭᠡᠨ ᠤ ᠡᠭᠦᠳᠡᠨ ᠵᠥᠭ ᠴᠤᠩᠨᠤᠶᠢᠵᠤ ᠬᠡᠳᠥ ᠬᠤᠨᠤᠵᠠᠢ᠃ ᠪᠠᠳᠤ᠂ ᠲᠤᠷᠵᠢ ᠬᠤᠶᠠᠭᠤᠯᠡ ᠡᠨᠡ ᠠᠳᠤᠭᠤᠰᠤ ᠶᠢ ᠥᠵᠡᠭᠡᠳ ᠭᠡᠳᠥᠢ ᠥᠷᠥᠪᠳᠥᠵᠥ᠂ ᠢᠳᠡᠰᠢ | ᠬᠤᠭᠤᠯᠡ ᠶᠢ ᠨᠢ ᠤᠶᠢᠷᠠᠳᠤᠭᠤᠯᠪᠠᠴᠤ ᠲᠡᠭᠦᠨ ᠳᠤ ᠥᠨᠡᠨ ᠤᠴᠢᠷ ᠢ ᠨᠢ ᠮᠡᠳᠡᠭᠦᠯᠵᠥ ᠡᠰᠡ ᠴᠢᠳᠠᠨᠠ᠃ ᠬᠡᠯᠡ ᠥᠬᠡᠢ ᠪᠤᠯᠪᠠᠴᠤ ᠬᠡᠬᠡᠨ ᠤᠬᠠᠭᠠᠨ ᠲᠠᠢ᠂ ᠡᠵᠡᠨ | ᠳᠤ ᠪᠠᠨ ᠬᠢᠵᠠᠭᠠᠷ ᠥᠭᠡᠢ ᠥᠨᠡᠨᠴᠢ ᠠᠳᠤᠭᠤᠰᠤ ᠡᠳᠥᠷ ᠠᠴᠠ ᠡᠳᠥᠷ ᠲᠤᠷᠠᠵᠤ ᠪᠠᠶᠢᠬᠤ ᠶᠢ ᠥᠵᠡᠭᠡᠳ ᠲᠥᠪᠳᠡᠭᠦ ᠥᠭᠡᠢ᠃ ᠭᠠᠷᠠᠭ ᠤᠨ ᠲᠠᠷᠠᠭᠠ ᠵᠢᠷᠭᠠᠯ | ᠨᠥᠭᠦᠷ ᠲᠠᠢ ᠪᠠᠨ ᠠᠶᠢᠮᠠᠭ ᠤᠨ ᠲᠥᠪ ᠲᠤ ᠪᠠᠶᠢᠭᠠ ᠬᠠᠳᠠᠮ ᠤᠨ ᠢᠶᠠᠨ ᠲᠡᠨᠳᠡ ᠬᠠᠴᠢᠭᠦᠥ ᠶᠢ ᠠᠪᠠᠴᠢᠬᠤ ᠬᠡᠵᠥ ᠲᠡᠷᠭᠡᠨ ᠳᠤ ᠲᠠᠲᠠᠵᠤ ᠶᠠᠪᠤᠵᠠᠢ᠃ ᠲᠡᠨᠳᠡ | ᠬᠠᠴᠢᠭᠦᠥ ᠬᠢᠨᠵᠢ ᠲᠠᠢ᠂ ᠬᠤᠭᠤᠯᠠ ᠲᠠᠢ᠂ ᠭᠤᠨᠢᠭ ᠲᠠᠢ ᠪᠠᠷ ᠡᠳᠥᠷ ᠬᠤᠨᠤᠭ ᠢ ᠥᠩᠭᠡᠷᠡᠭᠡᠵᠥ ᠡᠬᠢᠯᠡᠪᠡ᠃ | ᠬᠡᠳᠥᠨ ᠭᠠᠷᠠᠭ ᠪᠤᠯᠤᠭᠰᠠᠨ ᠤ ᠲᠠᠷᠠᠭᠠ ᠬᠠᠴᠢᠭᠦᠥ ᠶᠢ ᠪᠠᠷᠤᠭ ᠲᠤᠭᠳᠠᠵᠤ ᠲᠠᠰᠤᠭᠰᠠᠨ ᠶᠤᠮ ᠪᠠᠶᠢᠯᠭᠦᠢ ᠬᠡᠵᠥ ᠪᠤᠳᠤᠭᠰᠠᠨ ᠡᠵᠡᠭᠳᠡᠢ ᠬᠢᠨᠵᠢ ᠶᠢ ᠨᠢ | ᠰᠤᠯᠠᠯᠠᠭᠠᠳ ᠬᠤᠭᠤᠯᠠ ᠤᠶᠢᠷᠠᠳᠤᠭᠤᠯᠳᠠᠯᠠ᠂ ᠨᠠᠭᠠᠳᠤ ᠵᠠᠬᠠ ᠨᠢ ᠬᠤᠭᠤᠯᠠ ᠶᠢ ᠨᠢ ᠥᠨᠥᠷᠯᠡᠭᠰᠡᠨ ᠴᠤ ᠥᠭᠡᠢ ᠭᠠᠷ ᠠᠯᠳᠠᠭᠤᠯᠤᠨ ᠭᠤᠳ ᠥᠰᠥᠷᠪᠡ᠃ ᠲᠡᠨᠳᠡ | ᠠᠴᠠ ᠭᠠᠷᠤᠮᠠᠭᠴᠠ ᠪᠠᠨ ᠵᠢᠷᠥᠬᠡ ᠰᠡᠳᠬᠢᠯ ᠤᠨ ᠮᠥᠷᠥᠭᠡᠰᠥᠯ ᠪᠤᠯᠤᠭᠰᠠᠨ᠂ ᠠᠮᠢ ᠨᠠᠰᠤᠨ ᠤ ᠬᠢᠨᠢ ᠬᠠᠮᠤᠭ ᠤᠨ ᠴᠢᠬᠤᠯᠠ ᠬᠥᠮᠥᠨ ᠪᠤᠯᠤᠭᠰᠠᠨ ᠡᠵᠡᠨ ᠤ ᠪᠠᠨ | ᠪᠠᠶᠢᠳᠠᠭ ᠪᠠᠶᠢᠭᠰᠠᠨ ᠲᠡᠷᠡ ᠪᠠᠯᠭᠠᠰᠤ ᠶᠢ ᠴᠢᠭᠯᠡᠨ ᠰᠤᠩᠭᠠᠭᠠᠨ ᠬᠠᠷᠠᠶᠢᠯᠭᠠᠪᠠ᠃ ᠬᠡᠳᠤ ᠬᠤᠨᠤᠭ ᠤᠨ ᠠᠶᠠᠨ ᠢ ᠥᠯᠥᠰᠴᠥ ᠤᠮᠳᠠᠭᠠᠰᠴᠤ ᠲᠤᠭᠤᠯᠤᠨ᠂ ᠵᠢᠯᠤᠭᠤᠴᠢ | ᠪᠠᠷ ᠬᠠᠷᠢᠶᠠᠯᠭᠠᠵᠤ᠂ ᠲᠥᠷᠰᠥᠭᠦᠢ ᠭᠡᠥᠭᠡᠳ ᠢᠶᠠᠷ ᠴᠢᠯᠠᠭᠤᠳᠠᠭᠤᠯᠤᠨ᠂ ᠬᠠᠮᠤᠭ ᠰᠡᠭᠦᠯ ᠳᠤ ᠨᠢ ᠲᠠᠪᠠᠭ ᠲᠤ ᠪᠠᠨ ᠥᠷᠭᠡᠰᠥ ᠰᠢᠭᠠᠯᠭᠠᠭᠤᠯᠤᠭᠰᠠᠨ ᠴᠤ ᠵᠤᠷᠢᠭᠰᠠᠨ | ᠭᠠᠵᠠᠷ ᠲᠤ ᠪᠠᠨ ᠬᠥᠷᠴᠥ ᠢᠷᠡᠵᠠᠢ᠃ ᠡᠪᠥᠭᠡᠨ ᠲᠤᠷᠵᠢ ᠬᠠᠴᠢᠭᠦᠥ ᠶᠢ ᠥᠵᠡᠭᠡᠳ ᠭᠠᠶᠢᠬᠠᠰᠢ ᠲᠠᠰᠤᠷᠠᠵᠤ ᠪᠤᠤᠵᠠ ᠥᠭᠪᠡᠯ ᠪᠥᠷ ᠬᠤᠪᠳᠤᠭᠯᠠᠨ ᠡᠮᠭᠦᠵᠡᠢ᠃ | ᠥᠷᠭᠡᠰᠥ ᠪᠠᠨ ᠠᠪᠬᠠᠭᠤᠯᠤᠭᠰᠠᠨ ᠤ ᠲᠠᠷᠠᠭᠠ ᠤᠭᠳᠤᠬᠠᠨ ᠴᠤ ᠲᠥᠳᠡᠭᠡᠯᠵᠡᠯ ᠥᠭᠡᠢ ᠪᠠᠷ ᠴᠡᠴᠡᠭ ᠤᠨ ᠲᠠᠳᠠᠭᠠᠯ ᠲᠡᠭᠡᠷᠡ ᠪᠠᠨ ᠥᠰᠥᠷᠥᠨ ᠭᠠᠷᠴᠤ᠂ ᠵᠡᠭᠦᠳᠥ | ᠭᠥᠰᠡᠯ ᠪᠤᠯᠤᠭᠰᠠᠨ ᠬᠠᠶᠢᠷᠠᠳᠤ ᠡᠵᠡᠨ ᠤ ᠪᠠᠨ ᠭᠡᠨᠡᠳᠳᠡ ᠢᠯᠡᠷᠡᠭᠦ ᠶᠢ ᠭᠥᠯᠢᠶᠡᠵᠥ᠂ ᠥᠷᠳᠡᠭᠡᠨ ᠤ ᠡᠭᠦᠳᠡ ᠡᠰᠡᠷᠭᠦᠯᠡᠨ ᠤᠴᠤᠶᠢᠪᠠ᠃ ᠵᠢᠷᠭᠠᠯ ᠲᠠᠬᠢᠨᠳᠠ ᠴᠢᠮᠡᠭᠡ | ᠠᠪᠴᠤ ᠢᠷᠡᠭᠰᠡᠨ ᠪᠤᠯᠪᠠᠴᠤ ᠡᠨᠡ ᠤᠳᠠᠭᠠ ᠠᠪᠴᠤ ᠶᠠᠪᠤᠵᠤ ᠴᠢᠳᠠᠭᠰᠠᠨ ᠥᠭᠡᠢ᠂ ᠭᠤᠨᠢᠭ ᠰᠢᠩᠭᠡᠭᠰᠡᠨ ᠨᠤᠮᠤᠬᠠᠨ ᠪᠤᠷᠤ ᠨᠢᠳᠤ ᠪᠠᠷ ᠢᠶᠠᠨ ᠥᠷᠳᠡᠭᠡᠨ ᠤ | ᠬᠠᠭᠠᠯᠭᠠ ᠰᠠᠭᠢᠭᠰᠠᠨ ᠡᠨᠡ ᠠᠮᠢᠳᠠᠨ ᠢ ᠠᠷᠭᠠ ᠥᠭᠡᠢ ᠪᠠᠳᠤ᠂ ᠲᠤᠷᠵᠢ ᠬᠤᠶᠠᠷ ᠲᠤ ᠨᠠᠶᠢᠳᠠᠭᠠᠳ᠂ ᠰᠠᠶᠢᠨ ᠰᠢᠭ ᠲᠡᠵᠢᠭᠡᠭᠡᠳ ᠥᠭᠭᠦᠨᠡ ᠤᠤ ᠬᠡᠵᠥ ᠪᠠᠭ᠋ᠠᠨ | ᠮᠥᠩᠭᠦ ᠥᠭᠭᠦᠭᠰᠡᠨ ᠢ ᠨᠢ ᠲᠡᠳᠡ ᠠᠪᠤᠭᠰᠠᠨ ᠥᠭᠡᠢ᠂ ᠠᠯᠪᠠ ᠪᠠᠷ ᠴᠢᠬᠢᠭᠦᠯᠡᠷ ᠨᠢ ᠠᠪᠴᠤ᠄ ︽ᠵᠠᠶᠠᠭᠠ ᠪᠠᠭᠰᠢ ᠶᠢᠨ ᠰᠠᠶᠢᠨ ᠨᠥᠭᠦᠷ᠂ ᠡᠨᠡᠭᠡᠨ ᠤᠴᠢᠷ ᠢ | ᠪᠡᠶᠡᠯᠡᠭᠦᠯᠭᠦ ᠳᠤ ᠬᠡᠮ ᠥᠭᠡᠢ᠂ ᠪᠢᠳᠠ ᠠᠳᠡ ᠨᠢᠭᠡ ᠭᠠᠵᠠᠷ ᠤᠯᠵᠤ ᠫᠧᠩ ᠰᠢᠭ ᠶᠠᠭᠤᠮᠠ ᠪᠤᠰᠬᠠᠭᠠᠳ ᠬᠤᠨᠤᠭᠤᠯᠤᠶᠠ︕︾ ᠭᠡᠵᠥ ᠬᠡᠯᠡᠭᠡᠳ ᠰᠠᠭᠤᠵᠠᠢ᠃ | ᠬᠡᠯᠡᠬᠦ ᠶᠢᠨ ᠠᠷᠭᠠ ᠥᠬᠡᠢ ᠶᠡᠭᠡ ᠮᠥᠷᠥᠭᠡᠳᠥᠯ ᠭᠤᠮᠤᠳᠠᠯ ᠳᠤ ᠠᠪᠳᠠᠭᠰᠠᠨ ᠭᠥᠭᠡᠷᠥᠭᠦᠢ ᠰᠢᠷᠡ ᠨᠤᠬᠠᠢ ᠠᠳᠡ ᠲᠤᠭᠳᠠᠭᠰᠠᠨ ᠴᠠᠭ ᠲᠤ ᠪᠠᠨ ᠢᠷᠡᠵᠥ | ᠬᠥᠯᠢᠶᠡᠳᠡᠭ ᠢᠶᠠᠨ ᠶᠡᠷᠥ ᠥᠭᠡᠷᠡᠴᠢᠯᠡᠭᠡ ᠥᠬᠡᠢ᠂ ᠨᠠᠪᠴᠢᠰ ᠪᠤᠳᠠᠷᠠᠨ ᠰᠢᠷᠭᠠᠯᠳᠤᠵᠤ᠂ ᠲᠠᠬᠢᠭᠠᠳ ᠴᠠᠰᠤᠨ ᠴᠡᠴᠡᠭ ᠯᠠᠪᠰᠠᠯᠠᠨ ᠪᠥᠵᠢᠭᠯᠡᠵᠥ᠂ ᠠᠬᠢᠭᠠᠳ ᠰᠢᠷᠠ | ᠰᠢᠷᠥᠢ ᠬᠤᠶᠢᠯᠠᠷᠠᠨ ᠲᠡᠭᠳᠡᠵᠥ᠂ ᠭᠠᠩ ᠤᠨ ᠨᠠᠷᠠᠨ ᠪᠠᠰᠠ ᠭᠠᠭ᠋ᠤᠨᠠᠭᠤᠯᠤᠨ ᠰᠢᠷᠠᠪᠠ᠃ ᠨᠠᠮᠤᠷ ᠤᠨ ᠰᠢᠪᠡᠷᠡᠭᠡ ᠪᠤᠷᠤᠭᠠᠨ ᠵᠥᠰᠡᠷᠡᠵᠥ᠂ ᠡᠪᠥᠯ ᠤᠨ ᠲᠡᠭᠵᠢᠨ | ᠤᠳᠤᠳ ᠠᠨᠢᠪᠴᠢᠵᠤ᠂ ᠬᠠᠪᠤᠷ ᠤᠨ ᠤᠷᠢᠬᠠᠨ ᠰᠠᠯᠬᠢᠨ ᠢᠯᠪᠢᠵᠥ᠂ ᠵᠤᠨ ᠤ ᠥᠳᠡᠰᠢ ᠶᠢᠨ ᠰᠠᠷᠠᠨ ᠲᠤᠶᠠᠭᠠᠷᠠᠪᠠ᠃ ᠠᠮᠢᠨ ᠬᠠᠶᠢᠷᠠ ᠶᠢᠨ ᠲᠥᠯᠥᠭᠡᠰᠥ | ᠪᠤᠯᠤᠭᠰᠠᠨ ᠵᠤᠪᠠᠯᠠᠩᠳᠤ ᠰᠢᠷᠡ ᠨᠤᠬᠠᠢ ᠶᠢᠨ ᠬᠠᠵᠠᠭᠤ ᠪᠠᠷ ᠠᠮᠢᠳᠤᠷᠠᠯ ᠤᠷᠤᠰᠳᠠᠭ ᠢᠶᠠᠷ ᠢᠶᠠᠨ ᠤᠷᠤᠰᠴᠤ᠂ ᠪᠠᠶᠠᠷᠳᠠᠶᠢᠬᠠᠨ ᠶᠢᠷᠳᠢᠨᠴᠥ ᠲᠠᠩᠴᠤ ᠲᠠᠭᠦᠨ ᠢ | ᠤᠪᠠᠶᠢᠯᠠᠭᠰᠠᠨ ᠥᠭᠡᠢ᠂ ᠡᠵᠡᠨ ᠳᠤ ᠪᠠᠨ ᠡᠷᠭᠡᠯᠡᠭᠰᠡᠨ ᠵᠢᠷᠭᠠᠯᠳᠤ ᠭᠥᠯᠥᠭᠡ ᠨᠦᠭᠦᠳ ᠤᠨ ᠵᠠᠯᠠᠭᠤᠬᠠᠨ ᠬᠤᠷᠸᠠ ᠭᠥᠭᠰᠢᠨ ᠰᠢᠷᠠ ᠨᠤᠬᠠᠢ ᠠᠴᠠ ᠪᠤᠯᠵᠤ | ᠤᠶᠢᠳᠬᠠᠷᠯᠠᠭᠠ ᠥᠭᠡᠢ᠃ ᠥᠩᠭᠡᠷᠡᠭᠦ ᠴᠠᠭ ᠤᠳ ᠤᠷᠤᠰᠬᠠᠯ ᠤᠰᠤᠨ ᠮᠡᠳᠤ ᠤᠨ ᠤᠨ ᠢᠶᠠᠷ ᠤᠳᠤᠵᠤ᠂ ᠵᠢᠷᠢᠯᠵᠢᠭᠦ ᠡᠳᠥᠷ ᠤᠳ ᠵᠡᠭᠡᠷᠡ ᠶᠢᠨ ᠰᠢᠯᠪᠢ ᠮᠡᠳᠥ | ᠵᠢᠯ ᠵᠢᠯ ᠢᠶᠠᠷ ᠵᠢᠯᠢᠢᠪᠡ᠂ ᠁ | ᠭᠥᠭᠡᠷᠥᠭᠦᠢ ᠡᠨᠡ ᠠᠳᠤᠭᠤᠰᠤᠨ ᠤ ᠢᠳᠡᠭᠡᠮᠡᠷ ᠥᠭᠡᠢ ᠥᠯᠢᠭᠡᠷ ᠢ ᠲᠤᠷᠵᠢ ᠡᠪᠥᠬᠡᠨ ᠭᠥᠮᠥᠨ ᠳᠤ ᠶᠠᠷᠢᠭᠰᠠᠨ ᠢ ᠰᠤᠷᠪᠤᠯᠵᠢᠯᠠᠭᠴᠢ ᠨᠢᠭᠡᠨ ᠵᠠᠯᠠᠭᠤ ᠡᠨᠡ | ᠰᠠᠶᠢᠬᠠᠨ ᠠᠮᠢᠳᠠᠨ ᠤ ᠰᠥᠨ ᠴᠠᠭᠠᠨ ᠰᠡᠳᠭᠢᠯ᠂ ᠭᠤᠶᠢᠪᠢᠰᠢ ᠥᠭᠡᠢ ᠢᠳᠡᠭᠡᠯ ᠤᠨ ᠲᠤᠬᠠᠢ ᠮᠡᠳᠡᠭᠡᠨ ᠲᠡᠭᠡᠷᠡ ᠨᠡᠶᠢᠳᠡᠯᠡᠵᠥ᠂ ᠰᠡᠭᠦᠯᠡᠷ ᠨᠡᠩ ᠴᠤ ᠲᠧᠯᠸᠢᠰ ᠲᠤ | ᠭᠠᠷᠭᠠᠭᠰᠠᠨ ᠢ ᠤᠯᠠᠨ ᠭᠥᠮᠥᠨ ᠥᠵᠡᠵᠥ᠂ ᠵᠠᠷᠢᠮ ᠨᠢ ᠲᠤᠰᠬᠠᠢ ᠰᠤᠷᠠᠭ ᠲᠠᠯᠪᠢᠵᠤ ᠢᠷᠡᠳᠡᠭ ᠪᠤᠯᠪᠠ᠃ | ᠰᠡᠷᠳᠡᠰ ᠭᠡᠭᠰᠡᠨ ᠴᠢᠨ᠋ᠸᠠ ᠶᠢᠨ ᠬᠤᠶᠠᠷ ᠴᠢᠬᠢ ᠨᠢ ᠯᠠᠪᠳᠠᠶᠢᠵᠤ᠂ ᠬᠢᠯᠠᠭᠠᠨᠠᠭᠰᠠᠨ ᠰᠤᠷ ᠲᠠᠢ ᠰᠢᠷᠠ ᠥᠰᠥ ᠨᠢ ᠰᠠᠷᠠᠯᠳᠤᠨ ᠪᠤᠭᠤᠷᠤᠯᠳᠤᠵᠤ ᠥᠩᠭᠡ ᠪᠠᠨ | ᠠᠯᠳᠠᠭᠠᠳ᠂ ᠯᠠᠩᠳᠤᠭᠠᠷ ᠲᠤᠯᠤᠭᠠᠢ ᠨᠢ ᠤᠯᠠᠮ ᠯᠠᠩᠳᠤᠶᠢᠭᠠᠳ᠂ ᠬᠡᠵᠢᠶᠡᠳᠡ ᠤᠮᠤᠭᠳᠡᠢ ᠡᠷᠭᠦᠵᠥ ᠶᠠᠪᠤᠳᠠᠭ ᠰᠡᠭᠦᠯ ᠨᠢ ᠲᠠᠭᠠᠬᠢᠷᠠᠨ ᠰᠡᠭᠯᠥᠶᠢᠵᠥ ᠤᠨᠵᠡᠶᠢᠨ | ᠯᠠᠪᠳᠠᠶᠢᠭᠰᠠᠨ ᠭᠥᠭᠰᠢᠨ ᠰᠠᠷᠠᠯ ᠨᠤᠬᠠᠢ ᠴᠡᠴᠡᠭ ᠤᠨ ᠲᠠᠳᠠᠭᠠᠯ ᠲᠡᠭᠡᠷᠡ ᠲᠡᠷᠭᠡᠨ ᠥᠷᠳᠡᠭᠡᠨ ᠤ ᠡᠭᠦᠳᠡ ᠮᠠᠨᠠᠨ ᠤᠴᠤᠶᠢᠵᠤ ᠪᠠᠶᠢᠭᠰᠠᠨ ᠢ ᠤᠯᠠᠨ ᠵᠢᠯ ᠤᠨ ᠲᠠᠷᠠᠭᠠ | ᠨᠤᠳᠤᠭ ᠢᠶᠠᠨ ᠡᠷᠭᠢᠭᠰᠡᠨ ᠤᠶᠤᠮᠠ ᠤᠯᠵᠤ ᠥᠵᠡᠪᠡ᠃ ᠲᠡᠷᠡ ᠪᠠᠷ ᠬᠥᠭᠡᠷᠥᠭᠦᠢ ᠡᠨᠡ ᠠᠳᠤᠭᠤᠰᠤ ᠶᠢ ᠤᠳᠠᠳᠠᠯᠠ ᠠᠵᠢᠭᠰᠠᠨ ᠢᠶᠠᠨ ᠲᠡᠷᠭᠡᠳᠡ ᠨᠢ ᠭᠥᠷᠪᠡᠯ᠂ | ᠬᠠᠴᠢᠭᠦᠥ ᠲᠠᠨᠢᠵᠤ ᠰᠡᠭᠦᠯ ᠢᠶᠠᠨ ᠰᠠᠵᠢᠬᠤᠶᠢᠴᠠ ᠪᠤᠯᠤᠭᠠᠳ ᠰᠤᠷᠤᠭᠰᠠᠨ ᠵᠠᠩ ᠢᠶᠠᠷ ᠢᠶᠠᠨ ᠭᠠᠷ ᠢ ᠨᠢ ᠲᠤᠯᠢᠶᠠᠪᠠ᠃ ᠠᠩᠬᠠᠨ ᠤ ᠬᠠᠶᠢᠷᠠ᠂ ᠪᠠᠶᠠᠷ ᠵᠢᠷᠭᠠᠯ ᠢᠶᠠᠨ | ᠬᠤᠪᠢᠶᠠᠯᠴᠠᠵᠤ ᠶᠠᠪᠤᠭᠰᠠᠨ ᠰᠠᠶᠢᠬᠠᠨ ᠬᠠᠨᠢ ᠶᠢᠨ ᠬᠢᠨᠢ ᠲᠡᠵᠢᠬᠡᠵᠥ ᠪᠠᠶᠢᠭᠰᠠᠨ ᠡᠨᠡ ᠨᠤᠬᠠᠢ ︽ᠡᠵᠡᠨ ᠮᠢᠨᠢ ᠡᠷᠭᠡᠪᠰᠢ ᠢᠷᠡᠨᠡ︕︾ ᠬᠡᠰᠡᠨ ᠪᠠᠳᠤ ᠢᠳᠡᠭᠡᠯ ᠢᠶᠠᠷ | ᠡᠨᠡ ᠡᠭᠦᠳᠡᠨ ᠳᠤ ᠪᠠᠷᠤᠭ ᠠᠷᠪᠠᠨ ᠵᠢᠯ ᠮᠠᠨᠠᠭᠰᠠᠨ ᠢ ᠲᠡᠷᠡ ᠲᠠᠮᠵᠢᠨ ᠭᠤᠨᠢᠭ ᠢᠶᠠᠨ ᠤᠬᠢᠶᠠᠭᠰᠠᠨ ᠤᠶᠤᠮᠠ ᠵᠡᠭᠦᠳᠥᠯᠡᠭᠡ ᠴᠤ ᠥᠭᠡᠢ ᠪᠠᠶᠢᠵᠠᠢ᠃ ᠠᠮᠢᠳᠤᠷᠠᠯ ᠳᠤ | ᠬᠠᠳᠠᠭᠤ ᠲᠤᠭᠯᠠᠭᠤᠯᠤᠭᠰᠠᠨ ᠤᠶᠤᠮᠠ᠂ ᠠᠳᠠᠯᠢᠬᠠᠨ ᠵᠤᠪᠠᠯᠠᠩ ᠥᠵᠡᠭᠰᠡᠨ ᠨᠤᠬᠠᠢ ᠪᠠᠨ ᠲᠡᠪᠡᠷᠢᠨ ᠴᠤᠷᠬᠢᠷᠠᠨ ᠤᠬᠢᠯᠠᠪᠡ᠃ ᠤᠴᠢᠷ ᠢ ᠨᠢ ᠮᠡᠳᠡᠭᠦ ᠥᠬᠡᠢ ᠵᠠᠷᠢᠮ | ᠨᠢ ᠰᠢᠪᠡᠨᠡᠯᠳᠥᠨ ᠶᠠᠷᠢᠯᠳᠤᠨᠠ᠂ ᠡᠪᠥᠭᠡᠨ ᠲᠤᠷᠵᠢ ᠭᠠᠯ ᠨᠢ ᠮᠠᠭᠤᠳᠠᠭᠰᠠᠨ ᠨᠢᠳᠤᠨ ᠠᠴᠠ ᠪᠠᠨ ᠴᠤᠪᠤᠭᠰᠠᠨ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠭᠠᠳ ᠶᠠᠮᠠᠷ ᠥᠯᠢᠭᠡᠷ ᠪᠤᠯᠤᠭᠰᠠᠨ | ᠢ ᠲᠡᠨᠳᠡ ᠴᠤᠭᠯᠠᠷᠠᠭᠰᠠᠨ ᠭᠡᠳᠤᠨ ᠵᠠᠯᠠᠭᠤᠰ ᠲᠤ ᠶᠠᠷᠢᠯᠠ᠃ ᠠᠮᠢᠳᠤᠷᠠᠯ ᠳᠤ ᠡᠵᠡᠨ ᠢᠶᠠᠷ ᠢᠶᠠᠨ ᠢᠯᠪᠢᠭᠦᠯᠵᠥ᠂ ᠬᠠᠵᠠᠭᠤ ᠪᠠᠷ ᠨᠢ ᠲᠡᠭᠳᠡᠨ ᠥᠰᠥᠷᠭᠦ ᠠᠴᠠ | ᠢᠯᠡᠭᠦᠥ ᠵᠢᠷᠭᠠᠯ ᠪᠠᠶᠢᠬᠤ ᠥᠬᠡᠢ ᠬᠡᠮᠡᠨ ᠪᠤᠳᠤᠵᠤ᠂ ᠰᠠᠶᠢᠨ ᠡᠵᠡᠨ ᠢᠶᠠᠨ ᠶᠠᠮᠠᠷ ᠨᠢᠭᠡᠨ ᠴᠠᠭ ᠲᠤ ᠢᠨᠢᠶᠡᠳᠥ ᠠᠯᠳᠠᠭᠰᠠᠭᠠᠷ ᠥᠷᠳᠡᠭᠡᠨ ᠤ ᠡᠭᠦᠳᠡ ᠪᠠᠷ ᠭᠠᠷᠴᠤ | ᠢᠷᠡᠨᠡ ᠬᠡᠮᠡᠭᠰᠡᠨ ᠪᠤᠳᠤᠯ ᠳᠤ ᠪᠠᠨ ᠭᠥᠨ ᠢᠳᠡᠭᠡᠭᠰᠡᠨ ᠬᠠᠴᠢᠭᠦᠥ᠂ ᠤᠶᠤᠮᠠ ᠶᠢᠨ ᠶᠠᠭᠤᠨ ᠤ ᠲᠥᠯᠥᠭᠡ ᠤᠬᠢᠯᠠᠭᠰᠠᠨ ᠢ ᠮᠡᠳᠡᠭᠦ ᠥᠭᠡᠢ ᠴᠤ ᠠᠷᠭᠠᠳᠠᠬᠤ ᠮᠡᠳᠤ | ᠨᠢᠯᠪᠤᠰᠥ ᠶᠢ ᠨᠢ ᠲᠤᠯᠢᠶᠠᠵᠤ ᠥᠭᠪᠡ᠃ | ᠬᠠᠶᠢᠷᠠᠳᠡᠢ ᠡᠵᠡᠨ ᠢᠶᠠᠨ ᠯᠠᠪᠳᠡᠢ ᠢᠷᠡᠨᠡ ᠬᠡᠵᠥ ᠢᠳᠡᠭᠡᠭᠰᠡᠨ ᠲᠡᠷᠡ ᠠᠳᠤᠭᠤᠰᠤ 2006 ᠤᠨ ᠤ ᠡᠪᠥᠯ ᠤᠨ ᠨᠢᠭᠡᠨ ᠪᠠᠭᠠᠬᠠᠨ ᠴᠠᠰᠤ ᠲᠠᠢ ᠰᠥᠨᠢ᠂ | ᠬᠥᠭᠰᠢᠷᠡᠵᠥ ᠮᠠᠭᠤᠳᠠᠭᠰᠠᠨ ᠨᠢᠳᠥ ᠪᠠᠨ ᠴᠠᠪᠴᠢᠯ ᠥᠭᠡᠢ ᠪᠠᠷ ᠥᠷᠳᠡᠭᠡᠨ ᠤ ᠬᠠᠭᠠᠯᠭᠠ ᠬᠠᠷᠠᠭᠰᠠᠭᠠᠷ ᠪᠠᠶᠢᠵᠤ ᠭᠥᠢᠳᠡᠨ ᠴᠢᠯᠡᠭᠤᠨ ᠲᠡᠭᠡᠷᠡ ᠬᠥᠰᠢᠵᠥ ᠤᠷᠬᠢᠵᠠᠢ᠃ | ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠨᠢᠮᠭᠡᠭᠡᠨ ᠴᠠᠰᠤᠨ ᠳᠤ ᠲᠠᠷᠤᠭᠳᠠᠵᠤ᠂ ᠨᠢᠭᠡ ᠴᠠᠭᠠᠨ ᠤᠪᠤᠭᠠ ᠪᠤᠯᠤᠭᠰᠠᠨ ᠭᠥᠭᠡᠷᠥᠬᠦᠢ ᠬᠥᠭᠰᠢᠨ ᠨᠤᠬᠠᠢ ᠶᠢ ᠡᠭᠦᠷ ᠲᠤ ᠪᠠᠨ ᠬᠠᠷᠢᠭᠰᠡᠨ | ᠥᠬᠡᠢ ᠶᠢ ᠨᠢ ᠮᠡᠳᠡᠵᠥ ᠭᠥᠯ ᠲᠠᠯᠪᠢᠭᠰᠠᠨ ᠲᠤᠷᠵᠢ ᠠᠴᠠ ᠥᠭᠡᠷᠡ ᠬᠡᠨ ᠴᠣ᠋ ᠮᠡᠳᠡᠭᠰᠡᠨ ᠥᠭᠡᠢ᠂ ᠬᠠᠵᠠᠭᠤ ᠪᠠᠷ ᠵᠥᠷᠢᠯᠳᠥᠬᠦ ᠠᠶᠠᠨᠴᠢᠳ ᠴᠤ ᠤᠪᠠᠶᠢᠯᠠᠭᠰᠠᠨ | ᠥᠬᠡᠢ᠃ | ᠤᠷᠢᠳᠤ ᠰᠥᠨᠢ ᠨᠢ ᠰᠢᠷᠠ ᠭᠥᠯᠥᠭᠡ ᠶᠠᠭᠤ ᠪᠤᠳᠤᠵᠤ᠂ ᠡᠰᠡᠪᠡᠯ ᠶᠠᠭᠤ ᠨᠢᠭᠡ ᠶᠢ ᠵᠡᠭᠦᠳᠥᠯᠡᠭᠰᠡᠨ ᠴᠤ ᠮᠠᠭᠠᠳ᠃ ᠶᠠᠳᠠᠬᠤ ᠥᠭᠡᠢ ᠪᠤᠯ ᠠᠨᠳᠧᠷᠰᠧᠨ ᠤ | ᠴᠥᠢᠳᠡᠩ ᠬᠤᠳᠠᠯᠳᠤᠭᠴᠢ ᠥᠬᠢᠨ ᠤ ᠮᠡᠳᠥ ᠥᠯᠡᠮᠵᠢ ᠶᠢᠨ ᠶᠡᠭᠡ ᠪᠠᠶᠠᠷ ᠵᠢᠷᠭᠠᠯ ᠤᠨ ᠲᠤᠮᠳᠠᠭᠤᠷ ᠬᠠᠶᠢᠷᠠᠳᠡᠢ ᠡᠵᠡᠨ ᠲᠠᠢ ᠪᠠᠨ ᠵᠤᠯᠭᠠᠵᠤ᠂ ᠡᠷᠭᠡᠯᠡᠨ ᠨᠠᠭᠠᠯᠳᠤᠵᠤ | ᠪᠠᠶᠠᠷ ᠲᠠᠢ ᠬᠤᠴᠠᠭᠰᠠᠨ ᠮᠥᠷᠳᠡᠭᠡᠨ ᠪᠥᠬᠦ ᠭᠤᠨᠢᠭ ᠵᠤᠪᠠᠯᠠᠩ ᠢᠶᠠᠨ ᠤᠮᠠᠷᠳᠠᠨ᠂ ᠬᠤᠶᠠᠭᠤᠯᠠ ᠨᠠᠷᠠ ᠲᠤᠶᠠᠭᠠᠷᠠᠭᠰᠠᠨ ᠵᠠᠮ ᠢᠶᠠᠷ ᠭᠡᠷ ᠵᠥᠭ ᠢᠶᠠᠨ ᠲᠤᠭᠯᠠᠨ | ᠭᠥᠶᠥᠭᠰᠠᠨ ᠴᠤ ᠮᠠᠭᠠᠳ᠂ ᠬᠡᠨ ᠮᠡᠳᠡᠭᠦᠪ᠃ ︽ᠨᠤᠬᠠᠢ ᠴᠤ ᠭᠡᠰᠡᠨ᠂ ᠭᠥᠮᠥᠨ ᠴᠤ ᠭᠡᠰᠡᠨ᠂ ᠨᠠᠷᠠᠳᠤ ᠶᠢᠷᠳᠢᠨᠴᠤ ᠶᠢᠨ ᠬᠡᠯᠡ ᠥᠬᠡᠢ ᠬᠠᠤᠯᠢ ᠳᠤ ᠵᠠᠬᠢᠷᠤᠭᠳᠠᠨ᠂ | ᠨᠠᠰᠢ ᠪᠠᠨ ᠬᠠᠨᠳᠤᠨ ᠢᠨᠢᠶᠡᠵᠥ᠂ ᠴᠠᠰᠢ ᠪᠠᠨ ᠬᠠᠷᠠᠨ ᠤᠬᠢᠯᠠᠳᠠᠭ︾ ᠬᠡᠵᠥ ᠴᠤᠶᠢᠨᠤᠮ ᠶᠠᠷᠢᠭᠰᠠᠨ ᠨᠢ ᠥᠨᠡᠨ ᠪᠠᠶᠢᠬᠠ᠃ ᠬᠠᠴᠢᠭᠦᠥ ᠤᠬᠢᠯᠠᠵᠥ ᠴᠢᠳᠠᠬᠤ ᠥᠭᠡᠢ | ᠴᠤ ᠭᠡᠰᠡᠨ ᠨᠠᠷᠠᠳᠤ ᠳᠤ ᠬᠠᠶᠢᠷᠠ ᠪᠠᠨ ᠥᠯᠡᠳᠡᠭᠡᠭᠰᠡᠨ ᠶᠤᠮ᠃ | ᠠᠮᠢᠳᠤᠷᠠᠯ ᠬᠠᠶᠢᠷᠠ ᠲᠡᠭᠡᠷᠡ ᠲᠤᠭᠳᠡᠳᠠᠭ ᠠᠵᠠᠢ︕ | ᠲᠡᠥᠭᠡᠨ ᠲᠡᠭᠡᠷᠡᠭᠢ ᠥᠨᠡᠨ ᠬᠠᠴᠢᠭᠦᠥ 1924 ᠤᠨ ᠳᠤ ᠲᠥᠷᠥᠭᠰᠡᠨ ᠪᠠᠶᠢᠨᠠ᠃ ᠲᠡᠷᠡ ᠪᠠᠷ ᠶᠠᠫᠤᠨ ᠤ ᠨᠡᠷᠡᠳᠤ ᠠᠩ ᠤᠨ ᠲᠠᠶᠢᠭᠠ ᠠᠺᠢᠲ᠋ᠠ ᠤᠳᠤᠮ ᠤᠨ | ᠨᠤᠬᠠᠢ ᠪᠠᠶᠢᠵᠠᠢ᠃ ᠡᠵᠡᠨ ᠨᠢ ᠲᠤᠤᠺᠢᠤ᠋ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠲᠠᠷᠢᠶᠠᠯᠠᠩ ᠤᠨ ᠤᠬᠠᠭᠠᠨ ᠤ ᠰᠠᠯᠪᠤᠷᠢ ᠶᠢᠨ ᠫᠷᠥᠹᠧᠰᠰᠤᠷ᠃ 1925 ᠤᠨ ᠳᠤ ᠫᠷᠥᠹᠧᠰᠰᠤᠷ | ᠭᠡᠨᠡᠳᠳᠡ ᠶᠢᠨ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ᠂ ᠬᠠᠴᠢᠭᠦᠥ ᠲᠡᠷᠭᠡᠨ ᠥᠷᠳᠡᠭᠡᠨ ᠤ ᠡᠭᠦᠳᠡ ᠶᠢ 1935 ᠤᠨ ᠤ 3 ᠰᠠᠷᠠ ᠭᠥᠷᠳᠡᠯᠡ ᠮᠠᠨᠠᠵᠤ | ᠪᠠᠶᠢᠵᠤ ᠠᠮᠢᠰᠬᠤᠭᠠ ᠬᠤᠷᠢᠶᠠᠭᠰᠠᠨ ᠪᠠᠶᠢᠨᠠ᠃ ᠲᠡᠭᠦᠨ ᠢ ᠲᠤᠷᠠᠰᠬᠠᠬᠤ ᠡᠭᠦᠳᠡᠨ ᠠᠴᠠ ᠬᠤᠳᠠ ᠶᠢᠨ ᠠᠷᠠᠳ 1947 ᠤᠨ ᠳᠤ ᠡᠵᠡᠨ ᠢᠶᠠᠨ ᠭᠥᠯᠢᠶᠡᠭᠰᠡᠨ | ᠭᠠᠵᠠᠷ ᠲᠤ ᠨᠢ ᠵᠠᠰ ᠱᠤᠭᠤᠮᠠᠯ ᠪᠤᠰᠬᠠᠵᠤ ᠮᠥᠷᠥᠭᠡᠳᠥᠨ ᠬᠠᠶᠢᠷᠠᠯᠠᠬᠤ ᠰᠡᠳᠬᠢᠯᠭᠡ ᠪᠠᠨ ᠢᠯᠡᠳᠭᠡᠪᠡ᠃ ᠡᠵᠡᠨ ᠢᠶᠠᠨ ᠬᠥᠯᠢᠶᠡᠭᠰᠡᠨ ᠥᠨᠡᠨᠴᠢ ᠨᠤᠬᠠᠢ ᠬᠠᠴᠢᠭᠦᠥ | ᠡᠳᠥᠺᠡ ᠪᠤᠯᠳᠠᠯᠠ ᠲᠡᠨᠳᠡ ᠨᠢᠭᠡ ᠯᠠ ᠰᠡᠳᠬᠢᠯ ᠢᠶᠠᠷ ᠴᠤᠩᠨᠤᠶᠢᠭᠰᠠᠭᠠᠷ ᠪᠤᠢ᠃ |