| —— ᠴᠠᠬᠠᠷ ᠪᠠᠳᠤᠴᠢᠯᠠᠭᠤ | | | ᠤᠵᠠᠭᠤᠷ ᠲᠤ ᠪᠠᠶᠢᠵᠠᠢ᠃ ᠡᠪᠤᠭᠡᠨ ᠡᠮᠡᠭᠡᠨ ᠬᠤᠶᠠᠷ ᠭᠡᠳᠥᠨ ᠮᠠᠯ ᠢᠶᠠᠨ ᠬᠠᠷᠠᠭᠠᠳ ᠰᠠᠭᠤᠳᠠᠭ ᠬᠡᠨᠡ᠃ ᠡᠪᠥᠭᠡᠨ ᠨᠢ ᠵᠠᠩ ᠮᠠᠭᠤ᠂ ᠥᠭᠳᠡᠰ ᠭᠡᠭᠰᠡᠭᠡᠷ | ᠮᠠᠭᠤ ᠡᠮᠡᠭᠡᠨ ᠢᠶᠠᠨ ᠪᠠᠷᠢᠵᠤ ᠠᠪᠤᠭᠠᠳ ︽ᠬᠡᠥᠭᠡᠳ ᠭᠠᠷᠭᠠᠭᠰᠠᠨ ᠥᠭᠡᠢ︕︾ ᠭᠡᠳ ᠬᠠᠷᠢᠶᠠᠭᠠᠳ ᠪᠠᠶᠢᠬᠤᠯᠠᠷ ᠡᠮᠡᠭᠡᠨ ᠨᠢ ᠴᠤᠬᠤᠮ ᠰᠠᠨᠠᠭᠠ ᠵᠤᠪᠠᠳᠠᠭ | ᠪᠠᠶᠢᠵᠠᠢ᠃ | ᠬᠠᠪᠤᠷ ᠤᠨ ᠨᠢᠭᠡ ᠡᠳᠥᠷ᠂ ᠡᠮᠡᠭᠡᠨ ᠨᠢ ᠬᠤᠨᠢ ᠪᠠᠨ ᠠᠳᠤᠭᠤᠯᠠᠭᠠᠳ ᠴᠠᠶᠢᠳᠠᠮ ᠪᠡᠯᠴᠢᠭᠡᠷ ᠲᠤ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠪᠢᠯᠠ ︵ᠴᠢᠨᠢ︶᠂ ᠲᠡᠷᠡᠰᠥᠨ | ᠲᠤᠤᠭᠤᠳᠠᠢ ᠨᠢᠭᠡ ᠲᠠᠤᠯᠠᠢ ᠶᠢᠨ ᠵᠤᠯᠵᠠᠭᠠ ᠤᠨᠳᠠᠵᠤ ᠪᠠᠶᠢᠬᠤ ᠶᠢ ᠤᠯᠤᠭᠠᠳ ᠥᠵᠡᠴᠢᠭᠡᠵᠠᠢ᠃ ᠴᠡᠭᠡᠭᠡᠳ ᠭᠡᠨᠡᠳᠳᠡᠭᠡᠨ ᠮᠡᠷᠭᠡᠨ ᠠᠷᠭᠠ ᠪᠤᠳᠤᠵᠤ ᠤᠯᠤᠭᠠᠳ | ᠲᠤᠯᠤᠭᠠᠢ ᠶᠢᠨ ᠠᠯᠴᠢᠭᠤᠷ ᠢᠶᠠᠨ ᠲᠠᠶᠢᠯᠵᠤ ᠠᠪᠤᠭᠠᠳ ᠰᠠᠶ᠋ᠢᠭᠢ ᠲᠠᠤᠯᠠᠢ ᠶᠢᠨ ᠵᠤᠯᠵᠠᠭᠠ ᠶᠢ ᠰᠡᠮᠡᠭᠡᠷ ᠡᠴᠢᠭᠡᠳ ᠲᠠᠷᠤᠭᠠᠳ ᠪᠠᠷᠢᠭᠠᠳ ᠠᠪᠴᠠᠢ᠃ ᠤᠷᠤᠢ ᠨᠢ | ᠡᠮᠡᠭᠡᠨ ᠭᠡᠷ ᠲᠡᠭᠡᠨ ᠬᠠᠷᠢᠭᠠᠳ᠄ ︽ᠥᠶ᠋ᠢ ᠥᠶ᠋ᠢ᠂ ᠡᠪᠥᠭᠡᠨ︕ ᠪᠢ ᠥᠨᠥᠳᠥᠷ ᠮᠠᠯ ᠳᠤ ᠶᠠᠪᠤᠵᠤ ᠪᠠᠶᠢᠭᠠᠳ ᠴᠢᠮᠠ ᠳᠤ ᠨᠢᠭᠡ ᠭᠥᠥ ᠭᠠᠷᠭᠠᠴᠢᠬᠠᠯᠠ᠂ ᠴᠢ | ᠢᠷᠡᠵᠤ ᠥᠵᠡᠭᠦᠢ︕︾ ᠭᠡᠰᠡᠨ ᠳᠤ ᠡᠪᠥᠭᠡᠨ ᠨᠢ ᠢᠨᠢᠶᠡᠳᠤ ᠭᠥᠷᠴᠤ᠄ ︽ᠬᠠᠮᠢᠭᠠ ᠪᠠᠶᠢᠨᠠ᠂ ᠬᠠᠮᠢᠭᠠ ᠪᠠᠶᠢᠨᠠ᠂ ᠥᠵᠡᠶᠡ︕︾ ᠭᠡᠳ ᠭᠥᠶᠥᠭᠡᠳ | ᠢᠷᠡᠵᠠᠢ᠃ | ᠡᠮᠡᠭᠡᠨ ᠨᠢ ᠠᠯᠴᠢᠭᠤᠷ ᠲᠤ ᠴᠤᠭᠯᠠᠭᠰᠠᠨ ᠲᠠᠤᠯᠠᠢ ᠭᠥᠥ ᠪᠠᠨ ᠲᠠᠶᠢᠯᠵᠤ ᠥᠵᠡᠭᠦᠯᠭᠦᠯᠡᠷ᠂ ᠡᠪᠥᠭᠡᠨ ᠨᠢ᠄ ︽ᠢ︕︖ ᠠᠪᠠᠢ ᠶᠢᠨ ᠲᠡᠭᠳᠡᠭᠡ ᠶᠠᠭᠠᠬᠢᠭᠠᠳ | ᠪᠥᠳᠥᠨ ᠪᠡᠶᠡ ᠥᠰᠥ ᠲᠠᠢ ᠪᠠᠶᠢᠬᠤ ᠶᠤᠮ︖︾ ᠭᠡᠰᠡᠨ ᠳᠤ ᠡᠮᠡᠭᠡᠨ ᠨᠢ᠄ ︽ᠲᠠᠭᠠᠷᠠᠴᠢᠬᠠᠬᠤ ᠶᠤᠮ ᠪᠠᠶᠢᠨᠠ ᠭᠡᠳ ᠲᠠᠬᠤ ᠲᠠᠢ ᠲᠥᠷᠥᠭᠰᠡᠨ ᠶᠤᠮ ᠡ︕︾ | ᠭᠡᠵᠤ᠂ ᠡᠪᠥᠭᠡᠨ ᠨᠢ ᠥ ᠥ ᠥ ᠭᠡᠵᠠᠢ᠃ ︽ᠢ︕︖ ᠠᠪᠠᠢ ᠶᠢᠨ ᠲᠡᠭᠳᠡᠭᠡ ᠶᠠᠭᠠᠬᠢᠭᠠᠳ ᠤᠷᠳᠤ ᠬᠤᠶᠠᠷ ᠴᠢᠬᠢ ᠲᠠᠢ ᠪᠠᠶᠢᠬᠤ ᠶᠤᠮ︖︾ ᠭᠡᠰᠡᠨ ᠳᠤ | ︽ᠥᠭᠡ ᠰᠠᠶᠢᠨ ᠰᠤᠨᠤᠰᠳᠠᠭ ᠭᠡᠥᠭᠡᠳ ᠪᠤᠯᠤᠶᠠ ᠭᠡᠳ ᠴᠡᠶᠢᠮᠤ ᠤᠷᠳᠤ ᠴᠢᠬᠢ ᠲᠠᠢ ᠪᠤᠯᠤᠭᠰᠠᠨ ᠶᠤᠮ ᠡ︾ ᠭᠡᠵᠤ ᠡᠮᠡᠭᠡᠨ ᠬᠡᠯᠡᠭᠦᠯᠡᠷ ᠡᠪᠤᠭᠡᠨ ᠨᠢ ᠪᠠᠰᠠ ᠥ ᠥ | ᠥ ᠭᠡᠵᠡᠢ᠃ ︽ᠢ︕︖ ᠠᠪᠠᠢ ᠶᠢᠨ ᠲᠡᠭᠳᠡᠭᠡ ᠶᠠᠭᠠᠬᠢᠭᠠᠳ ᠱᠥᠵᠥᠶᠢᠭᠰᠡᠨ ᠬᠤᠶᠠᠷ ᠰᠢᠳᠤ ᠲᠠᠢ ᠪᠠᠶᠢᠬᠤ ᠶᠤᠮ ᠪᠤᠢ︖︾ ᠭᠡᠰᠡᠨ ᠳᠤ ᠡᠮᠡᠭᠡᠨ᠄ ︽ᠮᠢᠬᠠ | ᠰᠠᠶᠢᠨ ᠢᠳᠡᠶᠡ ᠭᠡᠳ ᠴᠡᠶᠢᠮᠤ ᠤᠷᠳᠤ ᠰᠢᠳᠤ ᠲᠠᠢ ᠲᠥᠷᠥᠭᠰᠡᠨ ᠶᠤᠮ ᠡ︕︾ ᠭᠡᠭᠦᠯᠡᠷ ᠡᠪᠥᠭᠡᠨ ᠨᠢ ᠮᠥᠨ ᠥ ᠥ ᠥ ᠭᠡᠵᠠᠢ᠃ | ᠡᠪᠥᠭᠡᠨ ᠴᠡᠭᠡᠭᠡᠳ᠄ ︽ᠠᠯᠢᠵᠠᠢ᠂ ᠠᠪᠠᠢ ᠨᠢ ᠤᠤ᠋ — ᠪᠠ ᠬᠡᠶᠡ︕︾ ᠭᠡᠳ ᠲᠠᠤᠯᠠᠢ ᠶᠢᠨ ᠵᠤᠯᠵᠠᠭᠠ ᠶᠢ ᠠᠯᠠᠭᠠᠨ ᠳᠤ ᠪᠠᠨ ᠠᠪᠤᠭᠠᠳ᠂ ᠤᠷᠤᠭᠤᠯ | ᠢᠶᠠᠨ ᠴᠤᠷᠪᠤᠶᠢᠯᠭᠠᠳ ᠲᠠᠭᠠᠯᠠᠬᠤ ᠭᠡᠳᠡᠯᠡ ᠲᠠᠤᠯᠠᠢ ᠶᠢᠨ ᠵᠤᠯᠵᠠᠭᠠ ᠡᠪᠥᠭᠡᠨ ᠤ ᠤᠷᠤᠭᠤᠯ ᠢ ᠲᠠᠪ ᠭᠡᠳ ᠬᠠᠵᠠᠭᠠᠳ ᠠᠪᠴᠠᠢ᠃ ᠡᠪᠥᠭᠡᠨ᠄ ︽ᠠᠶᠠ︕︾ ᠭᠡᠳ | ᠲᠠᠤᠯᠠᠢ ᠭᠥᠥ ᠪᠠᠨ ᠠᠯᠳᠠᠭᠠᠳ᠂ ᠰᠠᠶ᠋ᠢᠬᠢ ᠨᠢ ᠪᠥᠭ ᠪᠥᠭ ᠭᠡᠳ ᠲᠤᠳᠠᠭᠠᠭᠠᠳ ᠠᠷᠢᠯᠵᠠᠢ᠃ | ᠴᠡᠭᠡᠭᠦᠯᠡᠷ ᠡᠮᠡᠭᠡᠨ ᠨᠢ ᠡᠪᠥᠭᠡᠨ ᠳᠡᠭᠡᠨ ᠵᠠᠩᠨᠠᠭᠰᠠᠨ ᠪᠠᠶᠢᠰᠢᠤ᠄ ︽ᠴᠢ ᠨᠡᠪᠳᠡ ᠨᠠᠮᠠ ᠶᠢ ᠬᠡᠥᠭᠡᠳ ᠭᠠᠷᠭᠠᠭᠰᠠᠨ ᠥᠭᠡᠢ ᠭᠡᠳ ᠬᠠᠷᠢᠶᠡᠯ ᠲᠠᠯᠪᠢᠳᠠᠭ | ᠪᠢᠰᠢᠶᠤ︖ ᠪᠢ ᠤᠳᠤ ᠠᠮᠠᠷ ᠥᠭᠡᠢ ᠴᠢᠮᠡ ᠳᠤ ᠨᠢᠭᠡ ᠭᠥᠥ ᠲᠥᠷᠥᠴᠢᠭᠦᠯᠡᠷ ᠨᠢ ᠴᠢ ᠥᠪᠡᠷ ᠢᠶᠠᠨ ᠠᠯᠳᠠᠭᠠᠳ ᠲᠠᠭᠤᠴᠢᠬᠠᠬᠤ᠂ ᠠᠮᠠᠷᠠᠯᠠ ᠪᠠ︖︕︾ | ᠭᠡᠰᠡᠨ ᠳᠤ ᠡᠪᠥᠭᠡᠨ ᠨᠢ᠄ ︽ ᠠᠱ︕ ᠮᠢᠨᠤ ᠮᠠᠭᠤ᠂ ᠮᠢᠨᠤ ᠮᠠᠭᠤ︕︾ ᠭᠡᠳ᠂ ᠲᠡᠷᠡᠭᠦᠨ ᠠᠴᠠ ᠬᠤᠶᠢᠰᠢ ᠲᠠᠬᠢᠵᠤ ᠶᠠ ᠡᠮᠡᠭᠡᠨ ᠢᠶᠠᠨ ᠬᠠᠷᠢᠶᠠᠬᠤ ᠪᠠᠨ | ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠬᠤᠶᠠᠭᠤᠯᠠ ᠴᠡᠭᠡᠭᠡᠳ ᠠᠮ ᠰᠠᠶᠢᠬᠠᠨ ᠵᠢᠷᠭᠠᠵᠤ ᠭᠡᠨᠡ︕ | ᠥᠨᠡᠨ ᠳᠤ ᠪᠠᠨ ᠮᠠᠯᠴᠢᠨ ᠤᠯᠤᠰ ᠤᠳ ᠲᠠᠤᠯᠠᠢ ᠶᠢᠨ ᠵᠤᠯᠵᠠᠭᠠ ᠶᠢ ᠲᠠᠨᠢᠯᠭᠦᠢ ᠶᠠᠭᠠᠬᠢᠬᠤ ᠪᠤᠢ᠃ ᠴᠡᠭᠡᠶᠡ᠂ ᠬᠡᠥᠭᠡᠳ ᠤᠨ ᠤᠴᠢᠷ ᠲᠤ ᠲᠠᠬᠢᠭᠠᠳ | ᠬᠠᠷᠢᠶᠠᠯᠴᠠᠬᠤ ᠥᠭᠡᠢ ᠶᠢᠨ ᠲᠥᠯᠥᠭᠡ ᠴᠡᠭᠡᠵᠤ ᠲᠤᠭᠯᠠᠭᠰᠠᠨ ᠪᠠᠶᠢᠰᠢᠤ᠂ ᠴᠡᠶᠢᠮᠤ ᠥᠯᠢᠭᠡᠷ᠃ | | ᠢᠷᠠᠯᠳᠠ᠄ ᠵᠣᠬᠢᠶᠠᠭᠴᠢ ᠠᠴᠠ | |