ᠬᠠᠭᠤᠴᠢᠯᠠᠵᠤ ᠬᠡᠯᠡᠬᠦ ᠬᠡᠳᠤᠨ ᠦᠬᠡ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2025/3/28
                                                                                                      —— ᠠ᠊  ᠰᠠᠶᠢᠨᠵᠢᠷᠭᠠᠯ     ᠬᠦᠮᠦᠨ ᠤ ᠨᠢᠭᠡ ᠨᠠᠰᠤᠨ ᠳᠤ ᠪᠠᠨ ᠶᠠᠪᠤᠵᠦ ᠦᠡᠭᠭᠡᠷᠡᠬᠦᠯᠦᠭᠰᠡᠨ ᠵᠠᠮ ᠮᠦᠷ ᠪᠠᠯᠠᠷ ᠬᠦᠳᠡᠭᠡ ᠶᠢᠨ ᠲᠤᠮᠳᠠᠭᠤᠷ ᠰᠦᠯᠵᠢᠯᠳᠤᠨ ᠲᠤᠤᠷᠯᠠᠭᠰᠡᠨ ᠲᠠᠤᠯᠠᠢ ᠶᠢᠨ ᠵᠢᠮ ᠮᠡᠳᠤ ᠰᠠᠨᠠᠭᠳᠠᠨ᠎ᠡ᠃ ᠵᠠᠷᠢᠮ ᠨᠢ ᠡᠪᠡᠰᠤᠨ ᠲᠡᠭᠡᠬᠦᠷ ᠰᠠᠯᠭᠢ ᠰᠢᠭ᠋ ᠰᠡᠪᠢᠯᠵᠡᠨ ᠦᠡᠭᠭᠡᠷᠡᠵᠦ ᠪᠠᠶᠢᠬᠤ ᠳᠤ ᠵᠠᠷᠢᠮ ᠨᠢ ᠰᠢᠷ᠎ᠡ ᠮᠠᠩᠬᠠᠨ ᠲᠡᠭᠡᠷ᠎ᠡ ᠮᠦᠷ ᠢᠶᠠᠨ ᠳᠤᠷᠠᠶᠢᠳᠠᠯ᠎ᠠ ᠦᠯᠡᠳᠡᠭᠡᠨ ᠤᠳᠤᠭᠰᠡᠨ ᠪᠠᠶᠢᠳᠠᠭ᠃ ᠵᠠᠷᠢᠮ ᠨᠢ ᠴᠠᠶᠢᠳᠠᠮ ᠵᠢᠯᠠᠭ᠎ᠠ ᠪᠠᠨ ᠲᠠᠭᠠᠵᠦ ᠠᠷᠭᠠᠮᠵᠢᠶᠠᠨ ᠤ ᠮᠤᠷᠢ ᠰᠢᠭ᠋ ᠡᠷᠬᠢᠯᠳᠦᠵᠦ ᠪᠠᠶᠢᠬᠤ ᠳᠤ ᠵᠠᠷᠢᠮ ᠨᠢ ᠮᠠᠩᠬᠠᠨ ᠲᠤᠪᠤᠴᠠᠭ ᠰᠢᠯᠢ ᠶᠢᠨ ᠤᠷᠤᠢ ᠲᠠᠪᠠᠭᠠᠳ ᠲᠡᠷᠳᠡᠭᠡ ᠬᠤᠯᠠ ᠳᠤ ᠤᠳᠤᠭᠰᠠᠨ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠵᠠᠮ ᠤᠳ ᠦᠪᠡᠷ ᠦᠪᠡᠷ ᠤᠨ ᠭᠡᠯᠪᠡᠷᠢ ᠲᠦᠷᠬᠦ ᠪᠠᠷ  ᠢᠶᠠᠨ ᠶᠠᠮᠠᠷ ᠨᠢᠭᠡᠨ ᠴᠠᠭ ᠲᠤ ᠶᠠᠮᠠᠷ ᠨᠢᠭᠡᠨ ᠭᠠᠵᠠᠷ ᠤᠷᠤᠨ ᠵᠡᠢ ᠳᠤ ᠴᠢᠮ᠎ᠡ ᠲᠠᠢ ᠬᠠᠯᠵᠠ ᠮᠦᠷᠬᠦᠯᠳᠦᠵᠦ᠂ ᠴᠢᠮ᠎ᠡ ᠲᠠᠢ ᠲᠡᠪᠡᠷᠢᠯᠳᠤᠨ ᠵᠤᠯᠭᠠᠵᠦ᠂ ᠡᠷᠭᠢᠭᠡᠳ ᠴᠢᠮ᠎ᠡ ᠶᠢ ᠲᠠᠭᠠᠭᠤᠯᠤᠨ ᠠᠶᠠᠨ ᠤ ᠵᠠᠮ ᠢᠶᠠᠨ ᠲᠠᠬᠢᠭᠠᠳ ᠯᠠ ᠡᠯᠬᠦᠴᠢᠭᠡᠳᠡᠭ᠃ ᠵᠠᠷᠢᠮ ᠳᠤ ᠪᠠᠨ ᠲᠡᠭᠡᠵᠦ ᠶᠠᠪᠤᠭᠰᠠᠭᠠᠷ ᠪᠠᠶᠢᠳᠠᠯ᠎ᠠ ᠪᠠᠯᠠᠷ ᠡᠯᠡᠰᠤᠨ ᠤ ᠲᠤᠮᠳᠠᠭᠢ ᠤᠢ ᠪᠤᠷᠭᠠᠰᠤ ᠤᠷᠤᠭᠤ ᠤᠷᠤᠭᠠᠳ ᠰᠢᠩᠭᠡᠴᠢᠭᠡᠳᠡᠭ᠃ ᠵᠠᠷᠢᠮ ᠳᠤ ᠪᠠᠨ ᠲᠠᠤᠯᠠᠢ ᠶᠢᠨ ᠵᠢᠮ ᠢ ᠲᠠᠭᠠᠵᠦ ᠶᠠᠪᠤᠭᠰᠠᠭᠠᠷ ᠪᠠᠶᠢᠳᠠᠯ᠎ᠠ ᠬᠤᠨᠢᠨ ᠤ ᠴᠤᠪᠤᠭ᠎ᠠ ᠵᠠᠮ ᠲᠠᠢ ᠨᠡᠶᠢᠯᠡᠬᠡᠤᠨ ᠤᠯᠠᠮ ᠶᠠᠪᠤᠭᠰᠠᠭᠠᠷ ᠲᠡᠷᠭᠡ ᠬᠠᠰᠠᠭ ᠤᠨ ᠵᠠᠮ ᠴᠤ ᠲᠠᠭᠠᠷᠠᠯᠳᠤᠭᠠᠳ ᠬᠤᠯᠠ ᠭᠠᠵᠠᠷ ᠠᠶᠠᠯᠠᠨ ᠤᠤᠨᠳᠠᠭ ᠢ ᠶᠠᠭᠠᠬᠢᠨ᠎ᠡ᠃     ᠪᠢ ᠭᠡᠳᠡᠭ ᠬᠦᠮᠦᠨ ᠭᠤᠴᠢ ᠭᠠᠷᠤᠢ ᠵᠢᠯ ᠠᠯᠪᠠᠨ ᠤ ᠠᠵᠢᠯ ᠦᠢᠯᠡᠰ ᠲᠤ ᠡᠷᠳᠡᠯᠡᠵᠦ ᠤᠷᠤᠶᠢᠯᠠᠨ ᠮᠠᠬᠠᠷᠠᠵᠦ ᠵᠢᠳᠬᠦᠵᠦ ᠶᠠᠪᠤᠭᠰᠡᠨ ᠪᠤᠯᠪᠠᠴᠤ ᠤᠳᠤᠭ ᠤᠨ ᠪᠠᠷᠠᠭᠤᠨ ᠵᠠᠬ᠎ᠠ ᠶᠢᠨ ᠬᠤᠶᠠᠷ ᠰᠤᠮᠤ ᠪᠠᠯᠭᠠᠰᠤ᠂ ᠭᠡᠳᠤᠨ ᠠᠯᠪᠠᠨ ᠪᠠᠶᠢᠭᠤᠯᠭ᠎ᠠ ᠶᠢᠨ ᠲᠤᠮᠳᠠ ᠨᠤᠳᠤᠭ ᠢᠶᠠᠨ ᠮᠠᠨᠠᠵᠦ ᠰᠢᠪᠠᠭ ᠪᠤᠷᠭᠠᠰᠤ ᠪᠠᠨ ᠲᠤᠭᠤᠷᠢᠠᠠᠰᠡᠨ ᠬᠦᠳᠡᠭᠡ  ᠶᠢᠨ ᠪᠤᠷᠤ ᠲᠠᠤᠯᠠᠢ ᠰᠢᠭ᠋ ᠡᠷᠬᠢᠯᠳᠦᠭᠰᠡᠭᠡᠷ ᠪᠠᠶᠢᠵᠤ ᠬᠠᠭᠠᠰ ᠨᠠᠰᠤ ᠪᠠᠨ ᠡᠯᠡᠭᠡᠴᠢᠭᠡᠭᠰᠡᠨ ᠲᠡᠳᠤᠢ᠃ ᠭᠠᠯ ᠵᠠᠯᠠᠭᠤ ᠶᠢᠨ ᠴᠠᠭ ᠲᠤ ᠤᠳᠤ ᠰᠢᠭ᠋ ᠬᠢᠯᠠᠯᠵᠠᠵᠦ ᠰᠤᠮᠤ ᠰᠢᠭ᠋ ᠰᠢᠭᠤᠷᠴᠤ ᠲᠡᠯᠡᠭᠡᠢ ᠶᠢ ᠲᠤᠭᠤᠷᠢᠵᠦ ᠶᠡᠭᠡ ᠦᠢᠯᠡ ᠪᠦᠳᠦᠭᠡᠨ᠎ᠡ ᠭᠡᠮᠡᠨ ᠤᠮᠤᠭᠯᠠᠩ ᠰᠠᠭᠰᠠᠭᠤ ᠶᠠᠪᠤᠭᠰᠡᠨ ᠴᠤ ᠡᠴᠤᠰ ᠲᠤ ᠪᠠᠨ ᠨᠤᠳᠤᠭ  ᠢᠶᠠᠨ ᠲᠤᠭᠤᠷᠢᠠᠠᠰᠡᠨ ᠲᠡᠷᠡ ᠲᠠᠤᠯᠠᠢ ᠶᠢᠨ ᠵᠢᠮ ᠤᠨ ᠪᠢᠳᠡᠬᠦᠦ ᠴᠠᠭᠠᠷᠢᠭ ᠠᠴᠠ ᠰᠠᠯᠵᠦ ᠵᠠᠶᠢᠳᠠᠵᠤ ᠴᠢᠳᠠᠭ᠎ᠠ ᠦᠭᠡᠢ᠂ ᠲᠡᠷᠳᠡᠭᠡ ᠠᠭᠤᠯᠠ ᠶᠢ ᠲᠠᠪᠠᠵᠦ᠂ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠳᠤ ᠬᠦᠷᠳᠡᠭ ᠲᠡᠷᠳᠡᠩ ᠰᠠᠷᠠᠭᠤᠯ ᠵᠠᠮ ᠢ ᠴᠤ ᠡᠷᠢᠵᠦ ᠤᠯᠤᠭ᠎ᠠ ᠦᠭᠡᠢ᠂ ᠵᠦᠪᠭᠡᠨ ᠯᠠ ᠬᠤᠨᠢᠨ ᠤ ᠵᠦᠷᠢᠭ᠂ ᠨᠤᠳᠤᠭ ᠤᠨ ᠰᠢᠷ᠎ᠡ ᠵᠠᠮ ᠢ ᠲᠠᠭᠠᠵᠦ᠂ ᠦᠪᠡᠷ ᠤᠨ ᠲᠠᠭᠤᠤ ᠪᠠᠨ ᠲᠠᠭᠤᠯᠠᠨ᠂ ᠦᠪᠡᠷ ᠨᠢ ᠦᠪᠡᠷ ᠲᠤ ᠪᠠᠨ ᠬᠠᠭᠠᠨ ᠶᠤᠮ ᠰᠢᠭ᠋ ᠨᠢᠭᠡ ᠯᠠ ᠶᠡᠭᠡ ᠢᠳᠡᠭᠡᠯ ᠤᠮᠤᠭ ᠲᠠᠢ ᠵᠠᠮᠨᠠᠭᠰᠠᠭᠠᠷ ᠪᠠᠶᠢᠵᠤ ᠡᠳᠦᠭᠡ ᠳᠤ ᠬᠦᠷᠦᠯ᠎ᠡ᠃ ᠠᠷᠤᠨᠰᠢ ᠪᠠᠨ ᠬᠠᠷᠠᠪᠠᠯ ᠲᠤᠭᠤᠰᠤ ᠮᠠᠨᠠᠷᠠᠭᠰᠡᠨ ᠨᠤᠳᠤᠭ ᠤᠨ ᠰᠢᠷ᠎ᠡ ᠵᠠᠮ ᠲᠡᠨᠳᠡ ᠪᠠᠨ ᠵᠤᠷᠠᠶᠢᠭᠰᠡᠨ ᠭᠡᠪ ᠢᠶᠠᠷ᠃ ᠤᠳᠤᠭ ᠤᠨ ᠪᠠᠷᠠᠭᠤᠨ ᠵᠠᠬ᠎ᠠ ᠶᠢᠨ ᠠᠭᠤᠯᠠ ᠲᠤᠯᠤᠭᠠᠳ᠂ ᠰᠢᠯᠢ ᠬᠦᠳᠡᠭᠡ᠂ ᠪᠠᠯᠠᠷ ᠮᠠᠩᠬ᠎ᠠ᠂ ᠤᠰᠤ ᠵᠠᠳᠠᠭᠠᠢ᠂ ᠨᠠᠭᠤᠷ ᠪᠦᠷᠢᠳᠤ ᠭᠡᠪ ᠢᠶᠠᠷ ᠢᠶᠠᠨ᠂ ᠤᠴᠠᠷᠠᠭᠰᠠᠨ ᠲᠠᠨᠢᠯᠴᠠᠭᠰᠡᠨ᠂ ᠤᠴᠠᠷᠠᠭ᠎ᠠ ᠦᠭᠡᠢ ᠲᠠᠨᠢᠯᠴᠠᠭ᠎ᠠ ᠦᠭᠡᠢ ᠬᠦᠮᠦᠨ ᠠᠷᠠᠳ ᠨᠢ ᠵᠠᠩᠭᠠᠷ ᠢᠶᠠᠨ᠂ ᠨᠢᠭᠡ ᠶᠡᠭᠡ ᠢᠳᠡᠴᠢᠭᠡᠮᠡᠷ ᠤᠤᠭᠤᠴᠢᠬᠠᠮᠠᠷ᠂ ᠬᠤᠷᠤᠮ ᠲᠡᠳᠤᠢ ᠵᠠᠶᠢᠳᠠᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠬᠠᠯᠠᠭᠤᠨ ᠲᠤᠳᠤᠨᠤ ᠨᠠᠶᠢᠵᠠ ᠬᠠᠨᠢ ᠭᠡᠮᠡᠷ ᠭᠡᠨ ᠨᠢᠭᠡᠨ ᠴᠤ ᠬᠤᠪᠤᠷᠬᠠᠨ᠂ ᠨᠢᠭᠡ ᠯᠠ ᠶᠡᠭᠡ ᠬᠤᠷᠤᠰᠴᠤ ᠭᠤᠮᠤᠳᠠᠵᠦ᠂ ᠵᠢᠭᠰᠢᠵᠦ ᠭᠤᠯᠤᠵᠦ᠂ ᠦᠵᠡᠪᠡᠯ ᠤᠷᠠᠯᠴᠠᠮᠠᠷ ᠬᠠᠷᠠᠪᠠᠯ ᠬᠠᠵᠠᠯᠴᠠᠮᠠᠷ ᠦᠰᠢᠶᠡᠳᠡᠨ ᠳᠡᠶᠢᠰᠤᠨ ᠭᠡᠳ ᠠᠯᠠᠭ᠎ᠠ᠃ ᠭᠤᠴᠢᠨ ᠭᠡᠳᠤᠨ ᠵᠢᠯ ᠠᠯᠪᠠᠳᠠᠨ ᠤ ᠡᠩᠨᠡᠭᠡᠨ ᠳᠤ ᠪᠠᠭᠳᠠᠯᠴᠠᠵᠦ ᠤᠯᠠᠨ ᠨᠢᠭᠡᠴᠢ ᠪᠠᠶᠢᠭᠤᠯᠭ᠎ᠠ ᠲᠡᠮᠵᠢᠨ ᠠᠮᠢ ᠠᠮᠢᠳᠤᠷᠠᠯ ᠤᠨ ᠲᠦᠯᠦᠭᠡ ᠶᠠᠭᠠᠷᠠᠤ ᠰᠠᠨᠳᠤᠷᠤᠤ ᠮᠤᠩᠬᠢᠨᠠᠵᠦ ᠶᠠᠪᠤᠭᠰᠡᠨ ᠴᠤ ᠲᠡᠨᠳᠡ ᠪᠠᠨ ᠬᠦᠮᠦᠨ ᠤ ᠨᠢᠳᠤᠨ ᠳᠤ ᠦᠵᠡᠭᠳᠡᠮᠡᠷ ᠤᠪᠤᠭᠠᠯᠠᠭᠠᠳ ᠲᠡᠯᠪᠢᠴᠢᠬᠠᠭᠰᠡᠨ ᠠᠮᠵᠢᠯᠳᠠ ᠪᠦᠳᠦᠭᠡᠯ ᠭᠡᠰᠡᠨ ᠶᠠᠭᠤᠮ᠎ᠡ ᠭᠡᠪᠡᠯ ᠬᠤᠪᠤᠷᠬᠠᠨ᠃ ᠭᠤᠴᠢ ᠲᠦᠴᠢᠨ ᠵᠢᠯ ᠤᠷᠠᠨ ᠵᠤᠬᠢᠶᠠᠯ ᠤᠨ ᠬᠤᠶᠢᠨ᠎ᠠ ᠠᠴᠠ ᠮᠦᠰᠬᠢᠯᠳᠦᠵᠦ᠂ ᠰᠢᠯᠦᠭ ᠵᠤᠬᠢᠶᠠᠯ ᠭᠡᠵᠦ ᠰᠤᠯᠢᠶ᠎ᠡ ᠡᠯᠢᠶ᠎ᠡ ᠲᠤᠰᠴᠢᠬᠠᠭᠰᠡᠨ ᠶᠤᠮ ᠰᠢᠭ᠋ ᠲᠡᠷᠪᠡᠵᠦ ᠶᠠᠪᠤᠭᠰᠡᠨ ᠴᠤ ᠤᠡᠭᠰᠢᠠᠠᠴᠢ ᠲᠦᠮᠡᠨ ᠤ ᠰᠡᠳᠬᠢᠯ ᠳᠤ ᠬᠦᠷᠦᠭᠰᠡᠨ ᠰᠠᠶᠢᠨ ᠪᠦᠳᠦᠭᠡᠯ᠂ ᠴᠠᠭ ᠦᠶ᠎ᠡ ᠶᠢᠨ ᠰᠢᠯᠭᠠᠯᠳᠠ ᠶᠢ ᠲᠠᠭᠠᠭᠠᠭᠰᠡᠨ ᠲᠤᠷᠪᠢᠳᠡᠢ ᠶᠠᠭᠤᠮ᠎ᠡ ᠪᠦᠳᠦᠭᠡᠵᠦ ᠳᠡᠶᠢᠯᠤᠬᠡ ᠦᠭᠡᠢ᠃ ᠲᠦᠷᠦ ᠶᠢᠨ ᠱᠠᠩᠨᠠᠯ ᠪᠠᠶᠢᠳᠤᠭᠠᠢ ᠤᠷᠤᠨ ᠤ ᠱᠠᠩᠨᠠᠯ ᠢ ᠴᠤ ᠲᠡᠮᠳᠡᠷᠢᠵᠦ ᠦᠵᠡᠭᠡ ᠦᠭᠡᠢ ᠡ᠃ ᠭᠡᠨ ᠨᠢᠭᠡᠨ ᠤ ᠭᠡᠯᠡᠳᠡᠭ ︽ᠱᠠᠩᠨᠠᠯ ᠤᠯᠴᠢᠬᠠᠯ᠎ᠡ ᠭᠡᠳ ᠶᠠᠭᠤ ᠯᠠ ᠪᠤᠯᠬᠤ ᠶᠤᠮ ᠪᠢᠯᠡ ᠳ᠋ᠤᠤ︖︾ ᠭᠡᠵᠦ ᠲᠠᠪᠠᠯᠠᠭᠰᠡᠨ ᠦᠭᠡᠨ ᠳᠤ ᠳᠠᠶᠢᠪᠤᠰᠢᠷᠠᠵᠤ᠂ ᠵᠦᠭᠡᠷ ᠯᠠ ᠨᠠᠶᠢᠷᠠᠭ ᠰᠢᠯᠦᠭ ᠢᠶᠠᠨ ᠬᠦᠮᠦᠨ ᠠᠷᠠᠳ ᠲᠤ ᠪᠠᠨ ᠤᠡᠭᠰᠢᠵᠦ᠂ ᠨᠤᠳᠤᠭ ᠤᠰᠤᠨ ᠤ ᠪᠠᠶᠢᠭᠠᠯᠢ ᠲᠡᠯᠡᠭᠡᠢ ᠳᠤ ᠤᠶᠠᠩᠭᠠᠯᠠᠨ᠂ ᠲᠠᠨᠢᠳᠠᠭ ᠮᠡᠳᠡᠳᠡᠭ ᠭᠡᠳᠤᠨ ᠬᠦᠮᠦᠨ ᠳᠤ ᠪᠠᠨ ᠮᠡᠷᠭᠡᠯᠡᠵᠦ ︽ᠵᠤᠬᠢᠶᠠᠯᠴᠢ ᠰᠢᠯᠦᠭᠴᠢ︾ ᠭᠡᠵᠦ ᠬᠤᠭᠤᠰᠤᠨ ᠮᠠᠯᠠᠭᠠᠢ ᠪᠠᠷ ᠨᠡᠷᠡᠯᠭᠡᠤ ᠰᠡᠳᠬᠢᠯ ᠤᠨ ᠴᠠᠩᠭᠠᠭ᠎ᠠ ᠪᠠᠨ ᠳᠠᠶᠢᠯᠵᠤ ᠶᠠᠪᠤᠯ᠎ᠡ ᠳ᠋ᠠ᠃ ᠬᠦᠮᠦᠨ ᠭᠡᠵᠦ ᠴᠠᠭ ᠤᠨ ᠬᠤᠨᠭ᠍ᠬᠢᠯ ᠳᠤ ᠬᠤᠷᠤᠮ ᠵᠠᠭᠤᠷ᠎ᠡ ᠡᠷᠬᠢᠯᠳᠤᠨ ᠦᠡᠭᠭᠡᠷᠡᠬᠦ ᠬᠤᠮᠠᠭᠢ ᠲᠤᠭᠤᠰᠤ ᠠᠵᠤᠭᠤ᠃ ᠤᠷᠴᠢᠯᠠᠩ ᠰᠠᠨᠰᠠᠷ ᠤᠨ ᠺᠧᠨ᠋ᠲ ᠶᠢᠨ ᠲᠠᠳᠠᠯᠴᠠᠯ ᠢᠶᠠᠷ ᠤᠵᠠᠭᠤᠷ ᠭᠠᠯᠪᠠ᠂ ᠡᠳᠦᠭᠡ ᠴᠠᠭ᠂ ᠬᠤᠵᠢᠮ ᠢᠷᠡᠭᠡᠳᠤᠢ ᠶᠢᠨ ᠲᠤᠮᠳᠠ ᠠᠶᠠᠯᠠᠨ ᠲᠡᠨᠦᠬᠦ ᠬᠤᠮᠡᠭᠢ ᠲᠤᠭᠤᠰᠤᠨ ᠤ ᠲᠡᠨᠦᠬᠦᠴᠢᠯᠡᠯ ᠪᠤᠯ ᠪᠢᠳᠠᠨ ᠤ ᠠᠮᠢ ᠨᠠᠰᠤᠨ ᠤ ᠭᠡᠯᠪᠠᠷᠢ᠃     ᠦᠨᠳᠦᠰᠦᠳᠡᠨ ᠱᠠᠰᠢᠨ ᠰᠤᠷᠳᠠᠬᠤᠨ ᠤ ᠭᠡᠷᠡᠭ ᠡᠷᠬᠢᠯᠡᠬᠦ ᠲᠤᠪᠴᠢᠶᠠᠨ ᠳᠤ ᠠᠵᠢᠯᠯᠠᠭᠰᠡᠨ ᠭᠤᠷᠪᠠᠨ ᠵᠢᠯ ᠪᠤᠯ ᠠᠮᠢ ᠨᠠᠰᠤᠨ ᠤ ᠤᠷᠳᠤ ᠠᠶᠠᠯᠠᠯ ᠤᠨ ᠲᠤᠮᠳᠠᠭᠢ ᠨᠢᠭᠡᠨ ᠦᠷᠳᠡᠭᠡ ᠪᠠᠶᠢᠭᠰᠠᠨ ᠶᠤᠮ᠃ ᠦᠨᠳᠦᠰᠦᠳᠡᠨ ᠤ ᠲᠦᠷᠦ ᠶᠢᠨ ᠪᠤᠳᠤᠯᠭ᠎ᠠ ᠶᠢ ᠲᠤᠭᠤᠰᠢᠯᠠᠭᠤᠯᠬᠤ᠂ ᠦᠨᠳᠦᠰᠦᠳᠡᠨ ᠤ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠳᠠ ᠶᠢ ᠠᠬᠢᠭᠤᠯᠬᠤ᠂ ᠱᠠᠰᠢᠨ ᠰᠤᠷᠳᠠᠬᠤᠨ ᠤ ᠬᠠᠮᠢᠶᠠᠷᠤᠯᠳᠠ᠂ ᠮᠤᠩᠭᠤᠯ ᠭᠡᠯᠡ ᠪᠢᠴᠢᠭ ᠤᠨ ᠠᠵᠢᠯ᠂ ᠰᠤᠳᠤᠷ ᠪᠢᠴᠢᠭ ᠡᠮᠭᠢᠳᠭᠡᠨ ᠴᠤᠭᠯᠠᠭᠤᠯᠬᠤ᠂ ᠨᠤᠮ ᠭᠡᠪᠯᠡᠯ᠂ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠭᠡᠳ ᠨᠡᠯᠢᠶᠡᠳ ᠤᠯᠠᠨ ᠠᠵᠢᠯ ᠡᠬᠦᠷᠭᠡ ᠲᠠᠢ ᠰᠡᠯᠡᠬᠦᠭᠡᠨ ᠪᠠᠶᠢᠳᠠᠯ᠎ᠠ ᠶᠠᠭᠠᠷᠠᠤ᠂ ᠬᠦᠮᠦᠨ ᠴᠦᠭᠡᠨᠳᠡᠢ ᠪᠤᠮᠪᠤᠷᠬᠠᠨ ᠠᠶᠢᠯ ᠨᠢᠭᠡᠴᠢ ᠪᠠᠶᠢᠯ᠎ᠠ᠃ ᠬᠠᠷᠢᠨ ᠱᠠᠰᠢᠨ ᠰᠤᠷᠳᠠᠬᠤᠨ ᠤ ᠠᠵᠢᠯ ᠭᠡᠳᠡᠭ ᠨᠢᠭᠡᠨ ᠲᠦᠪᠡᠭ ᠪᠤᠳᠤᠯᠢᠶᠠᠨᠳᠡᠢ ᠬᠦᠴᠢᠷ ᠪᠡᠷᠭᠡᠰᠢᠶᠡᠯ ᠲᠠᠢ ᠡᠬᠦᠷᠭᠡ ᠪᠢᠳᠠᠨ ᠤ ᠡᠮᠦᠨ᠎ᠡ ᠲᠠᠯᠪᠢᠭᠳᠠᠵᠦ ᠶᠡᠭᠡ ᠯᠠ ᠲᠤᠯᠤᠭᠠᠢ ᠡᠪᠡᠳᠭᠡᠵᠦ ᠪᠠᠶᠢᠭᠰᠠᠨ᠃ ᠱᠠᠰᠢᠨ ᠰᠤᠷᠳᠠᠬᠤᠨ ᠤ ᠭᠡᠷᠡᠭ ᠶᠠᠪᠤᠳᠠᠯ ᠢ ᠬᠠᠤᠯᠢ ᠶᠤᠰᠤᠭᠠᠷ ᠬᠠᠮᠢᠶᠠᠷᠴᠤ᠂ ᠰᠦᠮ᠎ᠡ ᠬᠡᠶᠢᠤᠨ ᠲᠤᠭᠠᠡᠭ ᠤᠨ ᠠᠵᠢᠯᠯᠠᠭ᠎ᠠ ᠶᠢ ᠭᠡᠪ ᠲᠦᠷᠢᠮᠵᠢᠬᠦᠯᠬᠦ ᠶᠢᠨ ᠲᠦᠯᠦᠭᠡ ᠦᠨᠳᠦᠰᠦᠳᠡᠨ ᠤ ᠠᠵᠢᠯ ᠤᠨ ᠨᠦᠬᠦᠦᠨ᠂ ᠢᠯᠠᠩᠭᠤᠶ᠎ᠡ ᠱᠠᠰᠢᠨ ᠰᠤᠷᠳᠠᠬᠤᠨ ᠢ ᠬᠤᠪᠢᠶᠠᠷᠢᠯᠠᠨ ᠬᠠᠷᠢᠭᠤᠴᠠᠵᠦ ᠪᠠᠶᠢᠭ᠎ᠠ ᠤᠳᠤᠷᠢᠳᠤᠯᠭ᠎ᠠ᠂ ᠳᠤᠬᠠᠶᠢᠯᠠᠭᠰᠡᠨ ᠠᠵᠢᠯ ᠤᠨ ᠺᠠᠳ᠋ᠷ ᠤᠳ ᠨᠦᠷᠢ ᠶᠡᠭᠡ ᠬᠦᠳᠡᠯᠮᠤᠷᠢ ᠵᠠᠷᠤᠴᠠᠭᠤᠯᠤᠨ ᠲᠠᠪᠴᠢᠶᠠᠷᠢ ᠲᠠᠭᠠᠭᠠᠴᠠ ᠲᠠᠢ ᠠᠵᠢᠯᠯᠠᠵᠦ ᠪᠠᠶᠢᠯ᠎ᠠ᠃ ᠮᠤᠩᠭᠤᠯ ᠭᠡᠯᠡ ᠪᠢᠴᠢᠭ ᠤᠨ ᠠᠵᠢᠯ ᠢ ᠲᠦᠷᠢᠮᠵᠢᠬᠦᠯᠵᠦ᠂ ᠵᠦᠪ ᠪᠢᠴᠢᠯᠭᠡ᠂ ᠪᠠᠷᠢᠮᠵᠢᠶ᠎ᠡ ᠠᠪᠢᠶ᠎ᠡ ᠶᠢ ᠲᠦᠭᠡᠮᠡᠯᠵᠢᠬᠦᠯᠬᠦ᠂ ᠨᠡᠶᠢᠬᠡᠮ ᠤᠨ ᠦᠡᠭᠭᠡᠨ ᠭᠡᠷᠡᠭᠯᠡᠭᠡᠨ ᠤ ᠫᠠᠶᠢᠰᠠ ᠢᠯᠡᠷᠬᠡᠶᠢᠯᠡᠯ ᠢ ᠬᠤᠶᠠᠷ ᠭᠡᠯᠡ ᠪᠠᠷ ᠪᠢᠴᠢᠵᠦ ᠭᠡᠷᠡᠭᠯᠡᠬᠦ ᠡᠬᠦᠷᠭᠡ ᠪᠠᠰᠠ ᠶᠡᠭᠡ ᠬᠦᠨᠳᠤ ᠪᠠᠶᠢᠭᠰᠠᠨ᠃ ᠮᠠᠨ ᠤ ᠠᠵᠢᠯᠳᠠᠳ ᠬᠤᠤᠰ ᠭᠡᠯᠡᠨ ᠤ ᠫᠠᠶᠢᠰᠠ ᠢᠯᠡᠷᠬᠡᠶᠢᠯᠡᠯ ᠢ ᠲᠦᠷᠢᠮᠵᠢᠬᠦᠯᠬᠦ ᠶᠢᠨ ᠲᠦᠯᠦᠭᠡ ᠵᠠᠷᠢᠮ ᠪᠠᠶᠢᠭᠤᠯᠭ᠎ᠠ ᠨᠢᠭᠡᠴᠢ ᠶᠢᠨ ᠲᠠᠷᠤᠭ᠎ᠠ ᠨᠤᠶᠠᠳ ᠲᠠᠢ ᠭᠠᠯ ᠪᠤᠳᠠᠷᠠᠳᠠᠯ᠎ᠡ ᠭᠡᠷᠡᠬᠦᠯᠳᠡᠵᠦ᠂ ᠨᠢᠭᠤᠷ ᠴᠢᠷᠡᠢ ᠤᠯᠠᠶᠢᠯᠴᠠᠵᠤ ᠪᠠᠶᠢᠭᠰᠠᠨ ᠨᠢ ᠨᠢᠭᠡ ᠪᠢᠰᠢ ᠤᠳᠠᠭ᠎ᠠ ᠲᠠᠢ᠃ ᠶᠠᠳᠠᠭᠤ ᠶᠢ ᠲᠡᠳᠬᠦᠬᠦ ᠲᠠᠯ᠎ᠡ ᠪᠠᠷ ᠭᠤᠤᠯᠳᠠᠭᠤ ᠪᠤᠷᠤᠪᠠᠯᠭᠠᠰᠤᠨ ᠤ ᠠᠷᠠᠯ ᠭᠠᠴᠠᠭ᠎ᠠ ᠶᠢᠨ ᠬᠠᠮᠳᠤ ᠶᠢᠨ ᠠᠵᠤ ᠠᠬᠤᠢ ᠶᠢ ᠰᠡᠷᠬᠦᠭᠡᠨ ᠮᠠᠨᠳᠤᠭᠤᠯᠬᠤ ᠭᠡᠮᠡᠨ ᠬᠢᠵᠠᠭᠠᠷ ᠲᠠᠢ ᠪᠡᠯᠡ ᠮᠦᠡᠭᠬᠦ ᠶᠢ ᠭᠤᠤᠯᠳᠠᠯᠭ᠎ᠠ ᠲᠠᠢ ᠭᠠᠵᠠᠷ ᠤᠷᠤᠨ ᠳᠤ ᠲᠦᠪᠯᠡᠷᠡᠬᠦᠯᠵᠦ᠂ ᠭᠠᠴᠠᠭ᠎ᠠ ᠨᠠᠶᠢᠳᠠ ᠳᠤ ᠨᠢ 100 ᠲᠦᠮᠡᠨ ᠲᠦᠬᠦᠷᠢᠭ ᠤᠨ ︵100 ᠲᠤᠯᠤᠭᠠᠢ︶ ᠰᠠᠶᠢᠨ ᠡᠬᠦᠯᠳᠡᠷ ᠤᠨ ᠮᠢᠬᠠᠨ ᠦᠭᠡᠷ ᠤᠷᠤᠭᠤᠯᠤᠨ ᠠᠪᠴᠢᠷᠠᠵᠦ᠂ ᠠᠶᠢᠯ ᠡᠷᠦᠭᠡ ᠳᠤ ᠨᠡᠬᠦᠳᠡᠯ ᠰᠦᠷᠦᠭ ᠤᠨ ᠭᠡᠯᠪᠡᠷᠢ ᠪᠠᠷ ᠲᠠᠭᠠᠭᠠᠴᠢᠯᠠᠨ ᠡᠵᠡᠩᠨᠡᠬᠦᠯᠵᠦ ᠮᠠᠰᠢ ᠰᠠᠶᠢᠨ ᠦᠷ᠎ᠡ ᠪᠦᠳᠦᠮᠵᠢ ᠤᠯᠪᠠ᠃ ᠠᠷᠠᠯ ᠭᠠᠴᠠᠭᠠᠨ ᠤ ᠵᠠᠮ ᠨᠡᠪᠳᠡᠷᠡᠯᠭᠡ ᠲᠦᠬᠦᠮ ᠦᠭᠡᠢ ᠪᠠᠶᠢᠳᠠᠯ ᠳᠤ ᠵᠦᠭᠯᠡᠬᠦᠯᠵᠦ᠂ ᠪᠢᠳᠠ ᠲᠤᠰᠬᠠᠢ ᠪᠡᠯᠡ ᠮᠦᠡᠭᠬᠦ ᠭᠤᠶᠤᠴᠢᠯᠠᠨ ᠤᠯᠵᠦ᠂ 19 ᠺᠢᠯᠦᠮᠧᠲᠷ ᠤᠨ ᠬᠠᠶᠢᠷ ᠴᠢᠯᠠᠭᠤᠨ ᠵᠠᠮ ᠢ ᠵᠠᠰᠠᠨ ᠨᠡᠪᠳᠡᠷᠡᠬᠦᠯᠵᠦ᠂ ᠮᠠᠯᠴᠢᠳ ᠤᠨ ᠠᠶᠠᠯᠠᠵᠦ ᠶᠠᠪᠤᠬᠤ᠂ ᠨᠤᠳᠤᠭ ᠤᠨ ᠭᠠᠷᠤᠯᠳᠠ ᠪᠠᠨ ᠵᠠᠬ᠎ᠠ ᠲᠡᠯᠭᠡᠬᠦᠷ ᠲᠤ ᠪᠤᠷᠤᠯᠠᠭᠤᠯᠬᠤ ᠳᠤ ᠶᠡᠭᠡᠭᠡᠨ ᠲᠤᠰᠠ ᠲᠦᠬᠦᠮ ᠦᠵᠡᠬᠦᠯᠪᠡ᠃     ᠦᠨᠳᠦᠰᠦᠳᠡᠨ ᠤ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠢ ᠬᠦᠭᠵᠢᠬᠦᠯᠬᠦ ᠲᠤᠰᠬᠠᠢ ᠪᠡᠯᠡ ᠮᠦᠡᠭᠬᠦ ᠨᠢ ᠲᠡᠷᠡ ᠭᠡᠳᠤᠨ ᠵᠢᠯ ᠤᠪᠤᠭ᠎ᠠ ᠤᠷᠤᠳ ᠢ ᠰᠡᠷᠬᠦᠭᠡᠨ ᠪᠤᠰᠬᠠᠬᠤ᠂ ᠮᠤᠷᠢᠨ ᠰᠤᠶᠤᠯ᠂ ᠨᠠᠶᠢᠷ ᠨᠠᠭᠠᠳᠤᠮ᠂ ᠦᠨᠳᠦᠰᠦᠳᠡᠨ ᠤ ᠤᠨᠴᠠᠯᠢᠭᠳᠤ ᠭᠠᠴᠠᠭ᠎ᠠ ᠲᠤᠰᠬᠤᠨ ᠢ ᠡᠬᠦᠳᠦᠨ ᠪᠠᠶᠢᠭᠤᠯᠬᠤ᠂ ᠨᠤᠮ ᠭᠡᠪᠯᠡᠯ ᠰᠤᠳᠤᠷ ᠪᠢᠴᠢᠭ ᠢ ᠡᠮᠬᠢᠳᠭᠡᠨ ᠴᠤᠭᠯᠠᠭᠤᠯᠬᠤ᠂ ᠦᠨᠳᠦᠰᠦᠳᠡᠨ ᠤ ᠤᠨᠴᠠᠯᠢᠭ ᠪᠦᠬᠦᠢ ᠭᠠᠷ ᠤᠷᠠᠯᠠᠯ ᠤᠨ ᠦᠢᠯᠡᠰ ᠢ ᠲᠡᠮᠵᠢᠨ ᠲᠡᠳᠬᠦᠬᠦ ᠪᠦᠬᠦ ᠵᠦᠢᠯ ᠳᠤ ᠶᠡᠭᠡᠭᠡᠨ ᠲᠤᠰᠠ ᠲᠡᠮ ᠪᠤᠯᠵᠦ᠂ ᠤᠳᠤᠭ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ᠪᠤᠰᠤᠤᠨ ᠭᠠᠵᠠᠷ ᠠᠴᠠ ᠤᠨᠴᠠᠯᠠᠨ ᠢᠯᠭᠠᠭᠳᠠᠬᠤ ᠨᠢᠭᠡᠨ ᠵᠦᠢᠯ ᠪᠤᠯᠵᠦ ᠪᠠᠶᠢᠯ᠎ᠠ᠃ ᠡᠨᠡ ᠲᠦᠷᠦ ᠶᠢᠨ ᠪᠤᠳᠤᠯᠭ᠎ᠠ ᠶᠢᠨ ᠪᠤᠶᠠᠨ ᠢᠶᠠᠷ ᠶᠡᠭᠡ ᠤᠯᠠᠨ ᠬᠦᠮᠦᠨ ᠨᠤᠮ ᠰᠤᠳᠤᠷ ᠢᠶᠠᠨ ᠭᠡᠪᠯᠡᠬᠦᠯᠵᠦ᠂ ᠵᠠᠷᠢᠮ ᠭᠠᠴᠠᠭ᠎ᠠ ᠰᠤᠮᠤ ᠨᠢ ᠨᠤᠳᠤᠭ ᠤᠨ ᠦᠢᠯᠠᠯᠭ᠎ᠠ᠂ ᠭᠡᠷ ᠤᠨ ᠴᠠᠳᠢᠭ ᠲᠡᠤᠭᠡ ᠪᠠᠨ ᠭᠡᠪᠯᠡᠬᠦᠯᠵᠦ᠂ ᠬᠤᠰᠢᠭᠤ ᠤᠪᠤᠭ᠎ᠠ ᠠᠴᠠ ᠠᠪᠤᠭᠠᠳ ᠨᠤᠳᠤᠭ ᠤᠰᠤᠨ ᠤ ᠤᠪᠤᠭ᠎ᠠ ᠬᠦᠷᠳᠡᠯ᠎ᠡ ᠰᠢᠨ᠎ᠡ ᠠᠮᠢᠯᠠᠯ ᠢᠶᠠᠨ ᠤᠯᠵᠦ᠂ ᠨᠠᠶᠢᠷ ᠨᠠᠭᠠᠳᠤᠮ ᠦᠷᠬᠦᠯᠵᠢᠯᠡᠵᠦ᠂ ᠦᠡᠭᠭᠡ ᠲᠠᠢ ᠦᠭᠡᠳᠡ ᠲᠠᠢ ᠬᠢᠯᠠᠷᠠᠵᠦ ᠶᠠᠪᠤᠯ᠎ᠡ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠪᠢᠳᠠ ᠪᠦᠬᠦ ᠤᠷᠤᠨ ᠤ ᠱᠠᠨᠰᠠ ᠬᠦᠭᠵᠢᠮ ᠤᠨ ᠤᠷᠤᠯᠳᠤᠭᠠᠨ᠂ ᠨᠠᠢᠮᠠᠨ ᠮᠤᠵᠢ ᠤᠷᠤᠨ ᠤ ᠢᠷᠦᠭᠡᠯ ᠮᠠᠭᠳᠠᠭᠠᠯ ᠤᠨ ᠤᠷᠤᠯᠳᠤᠭᠠᠨ᠂ ᠨᠠᠢᠮᠠᠨ ᠮᠤᠵᠢ ᠤᠷᠤᠨ ᠤ ᠬᠦᠳᠦᠯᠦᠭᠴᠢ ᠨᠡᠪᠳᠡᠷᠡᠬᠦᠯᠦᠭᠴᠢ ᠶᠢᠨ ᠤᠷᠤᠯᠳᠤᠭᠠᠨ᠂ ᠪᠦᠬᠦ ᠬᠤᠳᠠ ᠶᠢᠨ ᠠᠮᠠᠨ ᠦᠯᠢᠭᠡᠷ ᠤᠨ ᠤᠷᠤᠯᠳᠤᠭᠠᠨ᠂ ᠪᠦᠬᠦ ᠤᠯᠤᠰ ᠤᠨ ᠴᠢᠨᠠᠷᠳᠡᠢ ᠵᠤᠬᠢᠶᠠᠯ ᠨᠠᠶᠢᠷᠠᠭᠤᠯᠤᠯ ᠤᠨ ᠤᠷᠤᠯᠳᠤᠭᠠᠨ ᠭᠡᠳ ᠤᠯᠠᠨ ᠰᠠᠶᠢᠬᠠᠨ ᠤᠳᠬ᠎ᠠ ᠠᠭᠤᠯᠭ᠎ᠠ ᠲᠠᠢ ᠠᠵᠢᠯᠯᠠᠭ᠎ᠠ ᠨᠠᠶᠢᠷ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ ᠭᠢᠭᠡᠳ ᠨᠤᠳᠤᠭ ᠤᠰᠤᠨ ᠤ ᠨᠡᠷ᠎ᠡ ᠠᠯᠳᠠᠷ ᠢᠶᠠᠨ ᠮᠠᠨᠳᠤᠭᠤᠯᠵᠦ ᠶᠠᠪᠤᠯ᠎ᠡ᠃ ᠮᠤᠩᠭᠤᠯ ᠮᠤᠷᠢᠨ ᠤ ᠰᠤᠶᠤᠯ᠂ ᠨᠠᠭᠠᠳᠤᠮ ᠤᠨ ᠰᠤᠶᠤᠯ ᠢ ᠴᠢᠬᠤᠯᠠᠴᠢᠯᠠᠨ ᠠᠳᠬᠤᠵᠦ᠂ ᠮᠤᠷᠢ ᠲᠠᠢ  ᠠᠶᠢᠯ᠂ ᠲᠡᠮᠡᠭᠡ ᠲᠠᠢ ᠡᠷᠦᠭᠡ᠂ ᠨᠠᠶᠢᠷ ᠨᠠᠭᠠᠳᠤᠮ ᠡᠷᠬᠢᠯᠡᠭᠰᠡᠨ ᠭᠠᠴᠠᠭ᠎ᠠ ᠨᠢᠭᠡᠴᠢ᠂ ᠬᠤᠪᠢ ᠡᠷᠦᠭᠡ᠂ ᠬᠤᠷᠰᠢᠶᠠᠵᠢᠯ ᠤᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠳᠤ ᠬᠦᠷᠳᠡᠯ᠎ᠡ ᠲᠤᠭᠳᠠᠮᠠᠯ ᠨᠦᠬᠦᠪᠤᠷᠢ ᠤᠯᠭᠤᠵᠦ᠂ ᠮᠤᠷᠢ ᠲᠡᠮᠡᠭᠡ ᠦᠰᠭᠡᠨ ᠦᠷᠡᠵᠢᠬᠦᠯᠬᠦ᠂ ᠰᠢᠨ᠎ᠡ ᠮᠡᠷᠭᠡᠵᠢᠯ ᠰᠢᠨ᠎ᠡ ᠡᠬᠦᠯᠳᠡᠷ ᠢ ᠲᠡᠯᠭᠡᠷᠡᠬᠦᠯᠬᠦ᠂ ᠦᠨᠳᠦᠰᠦᠳᠡᠨ ᠤ ᠰᠢᠯᠢᠳᠡᠭ ᠰᠤᠶᠤᠯ ᠢ ᠰᠡᠷᠬᠦᠭᠡᠨ ᠮᠠᠨᠳᠤᠭᠤᠯᠬᠤ ᠳᠤ ᠬᠤᠪᠢ ᠵᠢᠳᠬᠦᠯ ᠢᠶᠠᠨ ᠨᠡᠮᠡᠷᠢᠯᠡᠵᠦ ᠶᠠᠪᠤᠭᠰᠠᠨ ᠪᠢᠯᠡ᠃     ᠭᠤᠷᠪᠠᠨ ᠵᠢᠯ ᠤᠨ ᠴᠠᠭ ᠬᠤᠭᠤᠴᠠᠭ᠎ᠠ ᠭᠡᠭᠴᠢ ᠨᠢᠭᠡ ᠵᠡᠬᠦᠳᠥᠯᠡᠭᠡᠳ ᠰᠡᠷᠡᠭᠰᠡᠨ ᠮᠡᠳᠤ ᠳᠡᠶᠢᠮᠤ ᠬᠤᠷᠳᠤᠬᠠᠨ ᠦᠡᠭᠭᠡᠷᠡᠵᠡᠢ᠃ ᠭᠢᠵᠦ ᠦᠡᠭᠭᠡᠷᠡᠬᠦᠯᠦᠭᠰᠡᠨ ᠠᠵᠢᠯ ᠬᠢᠳᠠᠯ ᠭᠡᠪᠡᠯ ᠨᠢᠭᠡ ᠶᠡᠭᠡ ᠱᠤᠤᠬᠢᠶᠠᠨ ᠲᠤᠤᠯᠢᠶᠠᠨ ᠲᠡᠭᠳᠡᠭᠡᠭᠰᠡᠨ ᠶᠠᠭᠤᠮ᠎ᠡ ᠴᠤ ᠦᠭᠡᠢ᠃ ᠴᠠᠳᠢᠭ ᠲᠡᠤᠭᠡᠨ ᠳᠤ ᠪᠢᠴᠢᠭᠡᠳ ᠦᠯᠡᠳᠡᠭᠡᠴᠢᠬᠡᠮᠡᠷ ᠵᠦᠢᠯ ᠴᠤ ᠠᠯᠠᠭ᠎ᠠ᠃ ᠲᠡᠷᠡ ᠲᠠᠢ ᠲᠡᠷᠡ ᠦᠭᠡᠢ ᠠᠵᠢᠯ ᠠᠯᠪᠠ ᠦᠪᠡᠷ ᠤᠨ ᠵᠢᠮ᠎ᠡ ᠪᠠᠷ ᠢᠶᠠᠨ ᠶᠠᠪᠤᠭᠳᠠᠨ᠎ᠡ᠃ ᠴᠢᠮ᠎ᠡ ᠲᠠᠢ ᠴᠢᠮ᠎ᠡ ᠦᠭᠡᠢ ᠨᠢᠭᠡᠨ ᠪᠠᠶᠢᠭᠤᠯᠭ᠎ᠠ ᠨᠢᠭᠡᠴᠢ ᠡᠷᠬᠢᠯᠳᠦᠬᠦ ᠪᠠᠷ  ᠢᠶᠠᠨ ᠡᠷᠬᠢᠯᠳᠦᠨ᠎ᠡ᠃ ᠤᠯᠠᠭᠠᠨ ᠲᠤᠭ ᠰᠦᠮ᠎ᠡ ᠬᠡᠶᠢᠤᠨ ᠲᠤᠭᠠᠡᠭ ᠪᠤᠯᠭᠠᠨ ᠤ ᠤᠷᠤᠢ ᠲᠡᠭᠡᠷ᠎ᠡ ᠮᠠᠨᠳᠤᠳᠠᠭ ᠢᠶᠠᠷ ᠢᠶᠠᠨ ᠮᠠᠨᠳᠤᠨ᠎ᠡ᠂ ᠤᠯᠤᠰ ᠲᠦᠮᠡᠨ ᠡᠪ ᠬᠠᠮᠳᠤ ᠨᠠᠮ  ᠢᠶᠠᠨ ᠲᠠᠭᠠᠵᠦ ᠲᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠳᠡᠨ ᠤ ᠬᠠᠮᠳᠤ ᠶᠢᠨ ᠴᠤᠭᠴᠠ ᠶᠢᠨ ᠢᠯᠠᠭᠤᠭᠰᠡᠨ ᠰᠢᠮᠹᠤᠨᠢ ᠪᠠᠨ ᠲᠠᠭᠤᠯᠠᠭᠰᠠᠭᠠᠷ ᠯᠠ ᠪᠠᠶᠢᠨ᠎ᠠ᠃      ᠪᠦᠬᠦ ᠶᠠᠭᠤᠮ᠎ᠡ ᠶᠠᠭ ᠦᠨᠡᠨ᠂ ᠪᠦᠬᠦ ᠶᠠᠭᠤᠮ᠎ᠡ ᠱᠠᠯ ᠬᠤᠳᠠᠯ᠂ ᠪᠦᠬᠦ ᠶᠠᠭᠤᠮ᠎ᠡ ᠡᠷᠡᠮᠳᠡᠭ ᠵᠡᠷᠡᠮᠳᠡᠭ᠂ ᠪᠦᠬᠦ ᠶᠠᠭᠤᠮ᠎ᠡ ᠲᠡᠬᠦᠰ ᠲᠡᠬᠦᠯᠳᠡᠷ᠃ ᠪᠦᠬᠦ ᠶᠠᠭᠤᠮ᠎ᠡ ᠠᠯᠠᠭᠠᠨ ᠤ ᠵᠢᠷᠦᠭᠠᠰᠤ ᠰᠢᠭ᠋ ᠲᠤᠪ ᠲᠤᠳᠤᠬᠠᠨ᠂ ᠪᠦᠬᠦ ᠶᠠᠭᠤᠮ᠎ᠡ ᠠᠯᠤᠰ ᠲᠤ ᠨᠠᠳᠤᠪᠠᠯᠵᠡᠬᠦ ᠤᠳᠤ ᠰᠢᠭ᠋ ᠪᠦᠷᠦᠭ ᠪᠠᠷᠤᠭ᠃ ᠬᠠᠷ᠎ᠡ ᠳᠤᠯᠤᠭᠠᠶᠢᠳᠤ ᠬᠦᠮᠦᠰ ᠶᠠᠪᠤᠭᠰᠠᠭᠠᠷ  ᠪᠠᠶᠢᠳᠠᠯ᠎ᠠ ᠦᠳᠡᠯᠦᠭᠡᠳ ᠵᠦᠨᠦᠴᠢᠭᠡᠨ᠎ᠡ᠂ ᠦᠬᠦᠭᠡᠳ ᠵᠢᠯᠢᠢᠴᠢᠬᠡᠨ᠎ᠡ᠃ ᠠᠷᠤ ᠳᠤ ᠨᠢ ᠦᠯᠡᠳᠡᠭᠰᠡᠨ ᠬᠦᠮᠦᠰ ᠰᠠᠶᠢᠨ ᠯᠠ ᠮᠠᠭᠤ ᠯᠠ ᠭᠡᠵᠦ ᠪᠤᠷᠤ ᠪᠢᠯᠵᠤᠤᠬᠠᠢ ᠰᠢᠭ᠋ ᠭᠡᠳᠤ ᠴᠤᠷᠬᠢᠯᠠᠭᠠᠳ ᠯᠠ ᠪᠠᠷᠠᠴᠢᠬᠠᠨ᠎ᠡ᠃ ᠬᠠᠶᠢᠷᠠᠨ ᠰᠠᠶᠢᠬᠠᠨ ᠨᠤᠳᠤᠭ ᠤᠰᠤ ᠬᠠᠷᠠᠭᠰᠠᠭᠠᠷ ᠪᠠᠶᠢᠳᠠᠯ᠎ᠠ ᠬᠤᠪᠢᠷᠠᠭᠠᠳ ᠲᠠᠨᠢᠭᠳᠠᠬᠤ ᠪᠠᠨ ᠪᠤᠯᠢᠴᠢᠬᠠᠨ᠎ᠡ᠃ ᠪᠦᠷ ᠬᠦᠮᠦᠨ ᠤ ᠬᠢ ᠪᠤᠯᠤᠭᠠᠳ ᠠᠷᠢᠯᠴᠢᠬᠠᠨ᠎ᠡ᠃ ᠭᠡᠨ ᠨᠢᠭᠡᠨ ᠨᠢ ᠡᠪᠴᠢᠬᠦᠦ ᠬᠡᠮᠡᠷᠳᠡᠭ ᠢᠶᠠᠨ ᠲᠠᠯᠠᠳᠦᠭᠡᠳ ᠡᠩᠭᠡᠷ ᠵᠠᠭᠠᠮ᠎ᠡ ᠪᠠᠨ ᠤᠷᠠᠯᠴᠠᠵᠦ᠂ ᠲᠡᠭᠷᠢ ᠳᠤ ᠲᠤᠯᠳᠠᠯ᠎ᠡ ᠬᠠᠰᠬᠢᠷᠪᠠᠴᠤ  ᠭᠠᠩ ᠲᠠᠢ ᠵᠤᠨ ᠤ ᠭᠡᠳᠤᠨ ᠲᠤᠰᠤᠯ ᠪᠤᠷᠤᠭ᠎ᠠ ᠰᠢᠭ᠋ ᠭᠠᠭᠴᠠ ᠬᠤᠶᠠᠷ ᠮᠦᠨᠳᠦᠷᠳᠡᠭᠡᠳ ᠯᠠ ᠲᠠᠭᠤᠰᠴᠢᠬᠠᠨ᠎ᠡ᠃ ᠶᠢᠷᠳᠢᠨᠴᠤ ᠡᠶᠢᠮᠤ ᠯᠠ ᠬᠤᠭᠤᠰᠤᠨ᠂ ᠡᠶᠢᠮᠤ ᠯᠠ ᠬᠤᠭᠤᠰᠤᠨ ᠶᠢᠷᠳᠢᠨᠴᠤ ᠳᠤ ᠪᠢᠳᠠ ᠪᠠᠰᠠ ᠢᠨᠢᠶᠡᠳᠤ ᠲᠠᠢ ᠲᠠᠭᠤᠤ ᠲᠠᠢ ᠶᠠᠪᠤᠵᠦ ᠯᠠ ᠪᠠᠶᠢᠯ᠎ᠠ ᠶᠠᠪᠤᠭᠰᠠᠭᠠᠷ ᠴᠤ ᠪᠠᠶᠢᠨ᠎ᠠ᠃ ᠵᠠ ᠵᠠ ᠤᠯᠢᠭᠤ ᠰᠤᠯᠢᠭᠤ ᠶᠠᠭᠤᠮ᠎ᠡ ᠶᠠᠷᠢᠯ᠎ᠡ᠂ ᠲᠤᠭᠯᠠᠭᠠᠮ ᠢᠶᠠᠷ ᠲᠦᠬᠦᠷᠦᠭᠰᠡᠨ ᠤᠷᠴᠢᠯᠠᠩ ᠳᠤ ᠬᠠᠶᠠ ᠲᠤᠭᠯᠠᠵᠦ ᠶᠠᠪᠤᠬᠤ ᠪᠠᠰᠠ ᠰᠠᠶᠢᠬᠠᠨ ᠰᠢᠤ᠃ ᠨᠠᠳᠠ ᠲᠠᠢ ᠬᠠᠮᠳᠤ ᠡᠨᠡ ᠭᠤᠷᠪᠠᠨ ᠵᠢᠯ ᠤᠨ ᠴᠠᠭ ᠬᠤᠭᠤᠴᠠᠭ᠎ᠠ ᠶᠢ ᠲᠤᠭᠤᠯᠤᠭᠰᠡᠨ ᠦᠨᠳᠦᠰᠦᠳᠡᠨ ᠤ ᠵᠦᠪᠯᠡᠯ ᠤᠨ ᠬᠠᠮᠳᠤ ᠤᠯᠠᠨ ᠳᠤ ᠪᠠᠨ ᠲᠠᠯᠠᠷᠬᠠᠯ᠎ᠡ᠃      ᠭᠠᠴᠢᠭ ᠴᠠᠭ ᠤᠨ ᠰᠠᠯᠬᠢ ᠰᠢᠭᠤᠷᠭᠠᠨ ᠢ ᠦᠯᠤ ᠲᠤᠭᠤᠮᠰᠠᠷᠯᠠᠨ ᠮᠦᠡᠭᠭᠡ ᠬᠦᠭᠡ ᠲᠡᠭᠷᠢ ᠶᠢᠨ ᠲᠤᠤᠷ᠎ᠡ ᠤᠷᠳᠤ ᠶᠢᠨ ᠲᠠᠭᠤᠤ ᠪᠠᠨ ᠠᠶᠠᠯᠵᠦ᠂ ᠤᠳᠤᠮ ᠤᠨ ᠢᠷᠦᠭᠡᠯ  ᠢᠶᠠᠨ ᠲᠠᠭᠤᠳᠠᠵᠦ ᠤᠶᠠᠩᠭ᠎ᠠ ᠰᠢᠯᠦᠭ ᠢᠶᠠᠨ ᠭᠡᠯᠬᠢᠵᠦ᠂ ᠨᠤᠳᠤᠭ ᠤᠰᠤ ᠬᠦᠮᠦᠨ ᠲᠦᠮᠡᠨ ᠢᠶᠠᠨ ᠳᠠᠶᠢᠤᠨᠬᠤᠷᠠᠭᠤᠯᠵᠤ ᠶᠠᠪᠤᠭᠰᠡᠨ ᠨᠠᠷᠠ ᠲᠠᠢ ᠨᠠᠷᠡ ᠦᠭᠡᠢ ᠡᠳᠤᠷ ᠬᠤᠨᠤᠭ ᠤᠳ ᠮᠢᠨᠢ ᠪᠠᠶᠠᠷᠳᠡᠢ︕ ᠠᠮᠢᠳᠤᠷᠠᠯ ᠤᠨ ᠮᠦᠴᠡ ᠪᠦᠬᠦᠨ ᠦᠪᠡᠷ ᠤᠨ ᠤᠴᠢᠷ ᠤᠳᠬ᠎ᠠ ᠲᠠᠢ᠂ ᠢᠨᠢᠶᠡᠵᠦ ᠶᠠᠪᠤᠭᠠᠷᠡᠢ᠂ ᠢᠨᠢᠶᠡᠵᠦ ᠯᠠ ᠶᠠᠪᠤᠭᠠᠷᠡᠢ᠃                             ᠢᠷᠠᠯᠳᠠ᠄ ︽ᠵᠢᠷᠠᠨ ᠬᠠᠶᠢᠯᠠᠰᠤ︾ ᠰᠡᠤᠨᠬᠦᠯ 
ᠢᠷᠡᠯᠲᠡ᠄ ᠣᠳᠤᠭ ᠤᠨ ᠡᠮᠦᠨᠡᠳᠦ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠵᠠᠰᠠᠭ ᠤᠨ ᠶᠠᠪᠣᠳᠠᠯ ᠤᠨ ᠮᠣᠩᠭᠤᠯ ᠬᠡᠯᠡᠨ ᠤ ᠰᠦᠯᠵᠢᠶ᠎ᠡ