| ᠡᠶᠢᠮᠦ ᠪᠠᠶᠢᠭᠰᠠᠨ ᠶᠤᠮ ᠦᠦ︖ | | | ᠴᠢ᠊ · ᠭᠠᠩᠵᠣᠷᠢᠭᠲᠤ | | ᠵᠣ ᠳᠠᠷᠤᠭᠠ ᠥᠨᠥᠳᠥᠷ ᠮᠠᠰᠢ ᠠᠭᠤᠷ ᠲᠠᠢ ᠪᠠᠷ ᠵᠤᠰᠠᠨᠠ ᠭᠡᠤᠭᠡᠨ ᠢ ᠠᠯᠪᠠᠨ ᠭᠡᠷ ᠲᠡᠭᠡᠨ ᠳᠠᠭᠤᠳᠠᠨ ᠠᠪᠴᠢᠷᠠᠭᠠᠳ ᠬᠠᠲᠠᠭᠤ ᠭᠡᠭᠴᠢ ᠲᠣᠩᠭᠤᠳᠣᠨ | ᠰᠢᠬᠦᠮᠵᠢᠯᠡᠪᠡ ᠃ | ᠵᠣ ᠳᠠᠷᠤᠭᠠ ᠵᠤᠰᠠᠨᠠ ᠶᠢᠨ ᠥᠭᠡᠳᠡ ᠄ ︽ ᠭᠥᠳᠡᠯᠮᠥᠷᠢ ᠥᠩᠭᠡ ᠭᠡᠷᠡᠯᠲᠡᠢ᠂ ᠭᠥᠳᠡᠯᠮᠥᠷᠢ ᠢᠷᠠᠭᠤ ᠠᠯᠳᠠᠷᠲᠠᠢ᠂ ᠭᠥᠳᠡᠯᠮᠥᠷᠢ ᠠᠯᠢᠪᠠ ᠶᠢ | ᠪᠥᠳᠥᠭᠡᠳᠡᠭ ᠬᠡᠰᠡᠨ ᠢ ᠴᠢ ᠪᠠᠷᠤᠭ ᠨᠠᠮᠠ ᠠᠴᠠ ᠢᠯᠡᠬᠦᠥ ᠮᠡᠳᠡᠬᠦ ᠪᠠᠶᠢᠬᠠ᠃ ᠪᠢᠳᠡ ᠪᠦᠷ ᠭᠥᠳᠡᠯᠮᠥᠷᠢᠴᠢᠨ ᠮᠠᠯᠴᠢᠳ ᠤᠨ ᠭᠡᠤᠭᠡᠳ ᠰᠢᠦ᠃ ᠴᠢ ᠮᠠᠨ ᠤ | ᠪᠠᠶᠢᠭᠤᠯᠭᠠ ᠳᠤ ᠢᠷᠡᠭᠡᠳ ᠨᠢᠭᠡ ᠵᠢᠯ ᠪᠣᠯᠴᠢᠬᠠᠯᠠ᠃ ᠴᠢ ᠡᠪᠯᠡᠯ ᠤᠨ ᠬᠡᠰᠢᠬᠦᠨ ᠰᠢᠦ᠃ ᠨᠢᠭᠡ ᠵᠢᠯ ᠤᠨ ᠲᠤᠷᠰᠢ ᠪᠢ ᠴᠢᠮᠠ ᠶᠢ ᠠᠩᠬᠠᠷᠤᠭᠠᠳ ᠪᠠᠶᠢᠬᠤᠯᠠᠷ | ᠭᠥᠳᠡᠯᠮᠥᠷᠢ ᠠᠴᠠ ᠬᠠᠯᠠᠰᠢᠷᠠᠵᠤ᠂ ᠭᠥᠡᠳᠥ ᠠᠵᠢᠯ ᠠᠴᠠ ᠵᠠᠶᠢᠯᠠᠵᠤ᠂ ᠪᠡᠶᠡ ᠪᠠᠨ ᠭᠠᠮᠨᠠᠵᠤ ᠪᠠᠶᠢᠬᠤ ᠨᠢ ᠡᠪᠯᠡᠯ ᠤᠨ ᠬᠡᠰᠢᠬᠦᠨ ᠤ ᠨᠥᠬᠦᠴᠡᠯ ᠳᠤ ᠭᠥᠷᠭᠦ ᠦᠭᠡᠢ | ᠪᠠᠶᠢᠬᠤ ᠴᠢᠨᠢ ᠢᠯᠡᠷᠬᠡᠢ ᠮᠡᠳᠡᠭᠳᠡᠵᠦ ᠪᠠᠶᠢᠨᠠ᠃ ᠠᠯᠢ ᠣᠳᠠᠭᠠ ᠪᠣᠯᠪᠠᠴᠤ ᠪᠢ ᠭᠥᠳᠡᠯᠮᠥᠷᠢ ᠶᠢᠨ ᠠᠬᠤᠢ ᠲᠠᠯᠠᠪᠤᠷ ᠲᠤ ᠣᠴᠢᠵᠤ ᠥᠵᠡᠬᠦᠯᠡᠷ ᠴᠢ ᠯᠠ ᠥᠷᠭᠦᠯᠵᠢ | ᠪᠤᠰᠤᠳ ᠤᠨ ᠬᠠᠵᠠᠭᠤ ᠳᠤ ᠵᠦᠭᠡᠷ ᠰᠠᠭᠤᠬᠤ ᠦᠭᠡᠢ ᠪᠣᠯ ᠭᠠᠷ ᠤᠲᠠᠰᠤ ᠪᠠᠨ ᠣᠷᠣᠯᠲᠣᠨ ᠪᠠᠶᠢᠳᠠᠭ ᠨᠢ ᠬᠠᠷᠠᠭᠳᠠᠳᠠᠭ ᠃ ᠮᠠᠨ ᠤ ᠪᠠᠶᠢᠭᠤᠯᠭᠠ ᠶᠢᠨ ᠡᠮᠡᠭᠲᠡᠢ | ᠠᠵᠢᠯᠲᠠᠳ ᠪᠥᠷᠢ ᠡᠷᠡᠭᠲᠡᠢ ᠠᠵᠢᠯᠲᠠᠳ ᠲᠠᠢ ᠠᠳᠠᠯᠢᠬᠠᠨ ᠭᠠᠪᠰᠢᠭᠠᠶᠢᠯᠠᠨ ᠠᠵᠢᠯᠯᠠᠵᠤ ᠪᠠᠶᠢᠭᠰᠠᠨ ᠢ ᠴᠢ ᠥᠵᠡᠭᠰᠡᠨ ᠪᠠᠶᠢᠬᠠ᠃ ᠢᠯᠠᠩᠭᠤᠶᠡ ᠳᠡᠭᠡᠷᠡ ᠤᠳᠠᠭᠠ | ᠴᠡᠪᠡᠷᠯᠡᠭᠡ ᠬᠢᠬᠦ ᠳᠤ ᠮᠠᠨ ᠤ ᠵᠠᠷᠢᠮ ᠠᠵᠢᠯᠲᠠᠨ ᠬᠡᠷᠡᠮ ᠠᠴᠠ ᠥᠡᠳᠥᠷ ᠮᠠᠩᠬᠠᠨ ᠳᠤᠪᠤᠴᠠᠭ ᠢ ᠶᠠᠭᠠᠬᠢᠵᠤ ᠰᠠᠶᠢᠬᠠᠨ ᠳᠡᠭᠰᠢᠯᠡᠭᠰᠡᠨ ᠪᠠᠶᠢᠯᠠ ᠳ᠋ᠠ᠃ ᠴᠢ ᠪᠠᠰᠠ | ᠯᠠ ᠪᠤᠰᠤᠳ ᠤᠨ ᠬᠠᠵᠠᠭᠤ ᠳᠤ ᠵᠦᠭᠡᠷ ᠰᠠᠭᠤᠬᠤ ᠪᠣᠶᠤ ᠭᠠᠷ ᠤᠲᠠᠰᠤ ᠪᠠᠨ ᠣᠷᠣᠯᠲᠣᠨ ᠵᠣᠭᠰᠣᠵᠤ ᠪᠠᠶᠢᠭᠰᠠᠨ ᠪᠢᠰᠢ ᠪᠢᠯᠢᠦ︖︾ ᠭᠡᠵᠦ ᠰᠢᠬᠦᠮᠵᠢᠯᠡᠵᠦ | ᠪᠠᠶᠢᠲᠠᠯᠠ ᠠᠴᠢᠲᠤ ᠡᠭᠦᠳᠡ ᠲᠣᠭᠰᠢᠨ ᠤᠷᠤᠵᠤ ᠢᠷᠡᠭᠡᠳ ᠵᠣᠭᠰᠤᠴᠢᠬᠠᠪᠠ᠃ ᠵᠣ ᠳᠠᠷᠤᠭᠠ ᠠᠴᠢᠲᠤ ᠶᠢᠨ ᠥᠭᠡᠳᠡ ᠬᠠᠨᠲᠤᠨ᠄ ︽ᠤᠴᠢᠷ ᠲᠠᠢ ᠦᠦ︖ | ᠲᠦᠷ ᠲᠡᠡᠳᠡ ᠪᠠᠷ ᠰᠠᠭᠤᠭᠠᠳ ᠭᠥᠯᠢᠶᠡᠵᠦ ᠪᠡᠢ︾ ᠭᠡᠳ ᠥᠷᠭᠦᠯᠵᠢᠯᠡᠨ ᠵᠤᠰᠠᠨᠠ ᠭᠡᠤᠭᠡᠨ ᠢ ᠰᠢᠭᠦᠮᠵᠢᠯᠡᠵᠦ ᠡᠬᠢᠯᠡᠪᠡ᠃ ᠵᠣ ᠳᠠᠷᠤᠭᠠ ᠵᠤᠰᠠᠨᠠ ᠶᠢᠨ ᠥᠭᠡᠳᠡ | ᠬᠠᠨᠳᠤᠨ ᠄ ︽ᠪᠢ ᠭᠥᠳᠡᠯᠮᠥᠷᠢ ᠶᠢᠨ ᠠᠬᠤᠢ ᠲᠠᠯᠠᠪᠤᠷ ᠲᠤ ᠣᠯᠠᠨ ᠤᠳᠠᠭᠠ ᠣᠴᠢᠯᠠ᠃ ᠭᠡᠪᠡᠴᠤ ᠴᠢᠨᠥ ᠭᠥᠷᠵᠡ ᠪᠠᠷᠢᠵᠤ᠂ ᠰᠢᠷᠪᠢᠬᠦᠯ ᠠᠳᠬᠤᠭᠰᠠᠨ ᠢ | ᠨᠢᠭᠡ ᠤᠳᠠᠭᠠ ᠴᠦ ᠥᠵᠡᠭᠰᠡᠨ ᠦᠭᠡᠢ᠃ ᠠᠯᠪᠠᠨ ᠭᠡᠷ ᠲᠤ ᠪᠣᠯᠪᠠᠴᠤ ᠥᠷᠭᠦᠯᠵᠢ ᠪᠡᠭᠡᠯᠡᠢ ᠵᠡᠭᠦᠭᠡᠳ ᠪᠠᠭᠠᠷᠲᠠᠭᠯᠠᠨᠠ ᠴᠢ᠃ ᠮᠠᠨ ᠤ ᠪᠠᠶᠢᠭᠤᠯᠭᠠ ᠶᠢᠨ | ᠲᠥᠷᠢᠮ ᠳᠤ ᠭᠥᠳᠡᠯᠮᠥᠷᠢ ᠶᠢᠨ ᠳᠣᠬᠠᠢ ᠠᠭᠤᠯᠭᠠ ᠶᠢ ᠲᠣᠲᠣᠷᠬᠠᠢ ᠪᠢᠴᠢᠵᠦ ᠣᠷᠣᠭᠤᠯᠣᠭᠰᠠᠨ ᠪᠠᠶᠢᠳᠠᠭ ᠰᠢᠦ᠃ ᠳᠠᠷᠠᠭᠠ ᠤᠳᠠᠭᠠ ᠴᠢ ᠭᠥᠳᠡᠯᠮᠥᠷᠢ ᠳᠤ | ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠬᠤ ᠦᠭᠡᠢ ᠪᠣᠯ ᠵᠢᠯ ᠤᠨ ᠡᠴᠥᠰ ᠲᠤ ᠲᠣᠷᠭᠠᠭᠤᠯᠢ ᠥᠵᠡᠬᠦᠯᠥᠨᠡ᠃ ᠢᠩᠬᠢᠭᠡᠳ ᠪᠠᠰᠠ ᠤᠬᠠᠮᠰᠠᠷᠠᠬᠤ ᠦᠭᠡᠢ ᠪᠣᠯ ᠴᠢ ᠥᠪᠡᠷ ᠢᠶᠠᠨ | ᠪᠠᠶᠢᠭᠤᠯᠭᠠ ᠪᠠᠨ ᠣᠯᠵᠤ ᠶᠠᠪᠤᠭᠠᠷᠠᠢ᠃ ᠮᠠᠨ ᠤ ᠪᠠᠶᠢᠭᠤᠯᠭᠠ ᠴᠢᠮᠠ ᠶᠢ ᠠᠪᠬᠤ ᠦᠭᠡᠢ ᠂ ᠮᠡᠳᠡᠪᠡ ᠦᠦ︖︾ ᠭᠡᠪᠡᠯ᠂ ᠵᠤᠰᠠᠨᠠ ᠭᠡᠤᠬᠡᠨ᠄ ︽ᠵᠣ | ᠳᠠᠷᠤᠭᠠ ᠡ᠂ ᠪᠢ ᠬᠤᠵᠢᠮ ᠤᠯᠠᠮ ᠰᠠᠶᠢᠨ ᠭᠥᠳᠡᠯᠮᠥᠷᠢᠯᠡᠨᠡ︾ ᠭᠡᠵᠦ ᠬᠡᠯᠡᠪᠡ᠃ ᠵᠣ ᠳᠠᠷᠤᠭᠠ ᠠᠭᠤᠷ ᠨᠢ ᠭᠥᠷᠴᠦ᠄ ︽ᠶᠠᠭᠤ ᠭᠡᠨᠡ︖ ᠤᠯᠠᠮ ᠰᠠᠶᠢᠨ | ᠭᠥᠳᠡᠯᠮᠥᠷᠢᠯᠡᠨᠡ ᠭᠡᠰᠡᠨ ᠴᠢᠨᠢ ᠶᠠᠭᠤ ᠭᠡᠰᠡᠨ ᠦᠭᠡ ᠪᠤᠢ︖ ᠭᠥᠷᠵᠡ ᠂ ᠰᠢᠷᠪᠢᠬᠦᠯ ᠪᠠᠷᠢᠬᠤ ᠶᠢ ᠣᠭᠲᠣ ᠮᠡᠳᠡᠬᠦ ᠦᠭᠡᠢ ᠪᠠᠶᠢᠭᠠᠳ ᠪᠠᠰᠠ ᠤᠯᠠᠮ ᠰᠠᠶᠢᠨ | ᠭᠥᠳᠡᠯᠮᠥᠷᠢᠯᠡᠨᠡ ᠭᠡᠨᠡ ᠰᠢᠦ᠃ ᠬᠢᠬᠦ ᠶᠢ ᠮᠡᠳᠡᠭᠦ ᠦᠭᠡᠢ ᠪᠠᠶᠢᠭᠠᠳ ᠬᠡᠯᠡᠬᠦ ᠨᠢ ᠶᠠᠭᠠᠬᠢᠭᠰᠠᠨ ᠰᠥᠷᠡᠬᠡᠢ ᠬᠥᠮᠥᠨ ᠪᠠᠶᠢᠨᠠ ᠴᠢ᠃ ᠵᠠ᠂ ᠠᠯᠪᠠᠨ ᠭᠡᠷ ᠲᠡᠭᠡᠨ | ᠣᠴᠢᠭᠠᠳ ᠠᠵᠢᠯ ᠢᠶᠠᠨ ᠰᠠᠶᠢᠨ ᠬᠢ ᠂ ᠮᠡᠳᠡᠪᠡ ᠦᠦ︖ ᠵᠢᠯ ᠤᠨ ᠡᠴᠥᠰ ᠴᠢᠮᠠ ᠲᠠᠢ ᠳᠠᠬᠢᠨ ᠬᠡᠯᠡᠯᠴᠡᠨᠡ ︾ ᠭᠡᠪᠡᠯ᠂ ᠵᠤᠰᠠᠨᠠ ᠭᠡᠤᠭᠡᠨ ᠣᠬᠢᠯᠠᠭᠠᠳ | ᠭᠠᠷᠪᠠ ᠃ | ᠵᠣ ᠳᠠᠷᠤᠭᠠ ᠠᠴᠢᠲᠤ ᠶᠢᠨ ᠵᠦᠭ᠄ ︽ᠤᠴᠢᠷ ᠲᠠᠢ ᠦᠦ︖︾ ᠭᠡᠪᠡᠯ᠂ ᠠᠴᠢᠲᠤ ᠄ ︽ᠵᠣ ᠳᠠᠷᠤᠭᠠ ᠡ᠂ ᠪᠢ ᠭᠤᠷᠪᠠᠨ ᠡᠳᠥᠷ ᠤᠨ ᠴᠢᠯᠥᠭᠡ | ᠠᠪᠤᠶᠡ ᠃ ᠮᠠᠨ ᠤ ᠲᠥᠷᠥᠯ ᠤᠨ ᠬᠤᠷᠢᠮ ᠳᠡᠭᠡᠷᠡ ᠨᠠᠮᠠ ᠶᠢ ᠰᠠᠭᠠᠳᠠᠭ ᠤᠨ ᠡᠷᠬᠢᠯᠡᠭᠴᠢ ᠪᠠᠷ ᠤᠷᠢᠴᠢᠬᠠᠯᠠ︾ ᠭᠡᠪᠡᠯ᠂ ᠵᠣ ᠳᠠᠷᠤᠭᠠ᠄ ︽ᠪᠣᠯᠣᠨᠠ᠂ | ᠪᠣᠯᠣᠨᠠ᠃ ᠴᠢ ᠲᠠᠰᠤᠭ ᠤᠨ ᠡᠷᠬᠢᠯᠡᠭᠴᠢ ᠳᠡᠭᠡᠨ ᠬᠡᠯᠡᠴᠢᠭᠡᠳ ᠶᠠᠪᠤ︾ ᠭᠡᠳ ᠠᠴᠢᠲᠤ ᠶᠢᠨ ᠴᠢᠯᠥᠭᠡ ᠭᠤᠶᠤᠬᠤ ᠪᠢᠴᠢᠭ ᠳᠡᠭᠡᠷᠡ ᠭᠠᠷ ᠤᠨ ᠥᠰᠦᠭ ᠢᠶᠠᠨ | ᠵᠢᠷᠤᠬᠤ ᠳᠠᠭᠠᠨ ︽ᠠᠴᠢᠲᠤ ᠡ᠂ ᠴᠢ ᠪᠣᠯ ᠮᠠᠨ ᠤ ᠪᠠᠶᠢᠭᠤᠯᠭᠠ ᠶᠢᠨ ᠴᠣᠬᠤᠮ ᠰᠠᠶᠢᠨ ᠭᠥᠳᠡᠯᠮᠥᠷᠢᠯᠡᠭᠴᠢ ᠰᠢᠦ︾ ᠭᠡᠵᠦ ᠮᠠᠭᠲᠠᠵᠤ ᠭᠠᠷᠪᠠ᠃ | ᠠᠴᠢᠲᠤ ᠠᠷᠭᠠ ᠨᠢ ᠪᠠᠷᠠᠭᠳᠠᠨ ᠲᠣᠯᠣᠭᠠᠢ ᠪᠠᠨ ᠮᠠᠭᠠᠵᠢᠨ᠄ ︽ᠶᠠᠭ ᠥᠨᠡᠨ ᠢ ᠨᠢ ᠬᠡᠯᠡᠪᠡᠯ ᠵᠤᠰᠠᠨᠠ ᠪᠣᠯ ᠮᠠᠨ ᠤ ᠪᠠᠶᠢᠭᠤᠯᠭᠠ ᠶᠢᠨ ᠬᠠᠮᠤᠭ ᠤᠨ | ᠰᠢᠯᠢᠳᠡᠭ᠂ ᠬᠠᠮᠤᠭ ᠤᠨ ᠭᠠᠪᠰᠢᠭᠠᠢ ᠭᠥᠳᠡᠯᠮᠥᠷᠢᠯᠡᠭᠴᠢ ᠰᠢᠦ︾ ᠭᠡᠪᠡ᠃ ᠵᠣ ᠳᠠᠷᠤᠭᠠ ᠶᠡᠭᠡ ᠭᠠᠶᠢᠬᠠᠨ ︽ ᠶᠠᠭᠠᠬᠢᠭᠠᠳ ᠪᠤᠢ︖︾ ᠭᠡᠪᠡᠯ᠂ ᠠᠴᠢᠲᠤ᠄ | ︽ᠪᠢ᠂ ᠵᠣ ᠳᠠᠷᠤᠭᠠ ᠳᠤ ᠵᠠᠷᠢᠮ ᠤᠴᠢᠷ ᠢ ᠬᠡᠯᠡᠵᠦ ᠪᠣᠯᠬᠤ ᠦᠦ︖ ᠦᠭᠡ ᠲᠣᠭᠤᠭᠰᠠᠨ ᠰᠢᠦ ᠶᠠᠭᠤᠮᠠ ᠪᠣᠯᠴᠢᠬᠠᠬᠤ ᠪᠢᠰᠢ ᠪᠠ︖︾ ᠭᠡᠪᠡᠯ᠂ ᠵᠣ | ᠳᠠᠷᠤᠭᠠ ᠄ ︽ᠬᠠᠮᠢᠶᠡ ᠦᠭᠡᠢ ᠃ ᠬᠡᠯᠡ᠂ ᠬᠡᠯᠡ᠃ ᠥᠨᠡᠨ ᠪᠠᠶᠢᠳᠠᠯ ᠢ ᠥᠨᠡᠨ ᠢᠶᠠᠷ ᠨᠢ ᠬᠡᠯᠡ︾ ᠭᠡᠪᠡᠯ᠂ ᠠᠴᠢᠲᠤ ᠡᠭ ᠮᠡᠭ ᠭᠡᠭᠰᠡᠭᠡᠷ᠄ ︽ᠵᠣ ᠳᠠᠷᠤᠭᠠ ᠡ᠂ | ᠮᠠᠨ ᠤ ᠪᠠᠶᠢᠭᠤᠯᠭᠠ ᠳᠤ ︿ ᠮᠡᠷᠭᠡᠯᠡᠭᠡᠳ﹀ ᠪᠠᠶᠢᠳᠠᠭ ᠴᠥᠭᠡᠨ ᠭᠡᠳᠦᠨ ᠭᠥᠮᠥᠨ ᠪᠠᠶᠢᠳᠠᠭ ᠰᠢᠦ᠃ ᠳᠠᠷᠤᠭᠠ ᠦᠭᠡᠢ ᠪᠣᠯᠣᠭᠰᠠᠭᠠᠷ ᠶᠠᠭᠤ ᠴᠦ ᠬᠢᠳᠡᠭ ᠦᠭᠡᠢ᠂ | ᠬᠤᠭᠤᠰᠣᠨ ᠦᠭᠡ ᠬᠡᠯᠡᠯᠴᠡᠭᠡᠳ ᠵᠦᠭᠡᠷ ᠰᠠᠭᠤᠭᠠᠳ ᠯᠠ ᠪᠠᠶᠢᠳᠠᠭ᠃ ᠳᠠᠷᠤᠭᠠ ᠶᠢᠨ ᠪᠠᠷᠠ ᠶᠢ ᠬᠤᠯᠠ ᠠᠴᠠ ᠥᠵᠡᠮᠡᠭᠴᠡ ᠬᠤᠰ ᠬᠠᠰ ᠥᠰᠥᠷᠥᠨ ᠪᠣᠰᠴᠤ | ᠢᠷᠡᠭᠡᠳ ᠄ ︽ᠦᠢ᠂ ᠵᠤᠰᠠᠨᠠ ᠡ ᠂ ᠴᠢ ᠠᠮᠠᠷᠠᠯᠲᠠ ᠦᠭᠡᠢ᠂ ᠠᠪ ᠰᠠᠪ ᠦᠭᠡᠢ᠂ ᠴᠣᠬᠤᠮ ᠰᠠᠶᠢᠨ ᠬᠢᠯᠡ᠃ ᠣᠳᠤ ᠵᠢᠭᠠᠬᠠᠨ ᠠᠮᠠᠷᠠᠵᠤ ᠪᠣᠯᠣᠨᠠ﹀ | ᠭᠡᠭᠰᠡᠭᠡᠷ ᠭᠥᠷᠵᠡ᠂ ᠰᠢᠷᠪᠢᠬᠦᠯ ᠢ ᠨᠢ ᠪᠤᠯᠢᠶᠠᠯᠳᠤᠨ ᠠᠪᠤᠭᠠᠳ ᠠᠪ ᠰᠠᠪ ᠦᠭᠡᠢ ᠬᠢᠳᠡᠭ ᠶᠤᠮ ᠰᠢᠦ᠃ ᠳᠠᠷᠤᠭᠠ ᠶᠠᠪᠤᠯᠠ ᠭᠡᠭᠰᠡᠭᠡᠷ ᠬᠦᠷᠵᠡ᠂ ᠰᠢᠷᠪᠢᠭᠦᠯ ᠢᠶᠠᠨ | ᠴᠣᠬᠢᠴᠢᠬᠠᠭᠠᠳ ᠵᠦᠭᠡᠷ ᠰᠠᠭᠤᠵᠠᠭᠠᠳᠠᠭ᠃ ᠳᠡᠭᠡᠷᠡ ᠤᠳᠠᠭᠠ ᠬᠡᠷᠡᠮ ᠠᠴᠠ ᠥᠡᠳᠥᠷ ᠮᠠᠩᠬᠠ ᠶᠢ ᠲᠡᠭᠰᠢᠯᠡᠬᠦ ᠳᠤ ᠶᠡᠭᠡ ᠬᠠᠭᠠᠰ ᠢ ᠨᠢ ᠵᠤᠰᠠᠨᠠ ᠮᠠᠯᠲᠠᠭᠰᠠᠨ | ᠶᠤᠮ ᠰᠢᠦ᠃ ᠡᠨᠡ ᠳᠣᠮᠳᠠ ᠭᠥᠷᠵᠡᠨ ᠡᠰᠢ ᠨᠢ ᠬᠤᠭᠤᠷᠣᠭᠠᠳ ᠵᠤᠰᠠᠨᠠ ᠶᠢᠨ ᠵᠡᠭᠦᠨ ᠠᠯᠠᠭᠠᠨ ᠳᠤ ᠨᠢ ᠪᠥᠳᠥᠭᠦᠨ ᠰᠢᠯᠭᠡᠳᠡᠰᠦ ᠭᠦᠨ ᠬᠠᠳᠬᠤᠨ ᠣᠷᠣᠭᠰᠠᠨ | ᠲᠤᠯᠠ ︿ᠮᠡᠰᠡᠨ ᠵᠠᠰᠠᠯ﹀ ᠬᠢᠯᠭᠡᠵᠤ ᠠᠪᠤᠭᠤᠯᠤᠭᠰᠠᠨ ᠶᠤᠮ᠃ ᠵᠤᠰᠠᠨᠠ ᠶᠢᠨ ᠵᠡᠭᠦᠨ ᠭᠠᠷ ᠨᠢ ᠣᠳᠤ ᠪᠣᠯᠲᠠᠯᠠ ᠺᠤᠮᠫᠢᠥ᠋ᠲ᠋ᠧᠷ ᠳᠠᠷᠤᠵᠤ ᠲᠡᠶᠢᠯᠬᠦ ᠦᠭᠡᠢ | ᠪᠠᠶᠢᠭᠰᠠᠭᠠᠷ ᠃ ᠵᠤᠰᠠᠨᠠ ᠰᠢᠨᠡ ᠢᠷᠡᠭᠰᠡᠨ ᠠᠵᠢᠯᠲᠠᠨ ᠪᠣᠯᠬᠤᠷ ᠠᠯᠢ ᠨᠢ ᠶᠠ ᠲᠡᠭᠦᠨ ᠳᠤ ᠵᠢᠭᠠᠬᠠᠨ ᠬᠠᠲᠠᠭᠤ ᠰᠢᠭ᠋ ᠬᠠᠨᠳᠣᠳᠠᠭ ᠶᠤᠮ ᠰᠢᠦ ︾ ᠭᠡᠪᠡ᠃ | | ᠵᠣ ᠳᠠᠷᠤᠭᠠ ᠠᠴᠢᠲᠤ ᠶᠢᠨ ᠶᠠᠷᠢᠬᠤ ᠶᠢ ᠰᠣᠨᠣᠰᠣᠭᠠᠳ ᠲᠤᠯᠤᠭᠠᠢ ᠤᠷᠤᠭᠤ ᠪᠠᠨ ᠬᠦᠢᠲᠡᠨ ᠤᠰᠤ ᠴᠢᠳᠬᠤᠭᠤᠯᠤᠭᠰᠠᠨ ᠮᠡᠳᠦ ᠪᠥᠬᠦ ᠪᠡᠶᠡ ᠨᠢ | ᠳᠠᠭᠵᠢᠵᠤ ᠠᠪᠤᠪᠠ᠃ ᠵᠤ ᠳᠠᠷᠤᠭᠠ ᠠᠴᠢᠲᠤ ᠶᠢᠨ ᠥᠭᠡᠳᠡ᠄ ︽ᠡᠶᠢᠮᠦ ᠪᠠᠶᠢᠭᠰᠠᠨ ᠶᠤᠮ ᠦᠦ︖︾ ᠭᠡᠰᠡᠨ ᠢᠶᠠᠨ ︽ᠶᠠᠪᠤᠭᠠᠷᠠᠢ ︾ ᠭᠡᠰᠡᠨ ᠭᠠᠷ ᠤᠨ | ᠲᠤᠬᠢᠶᠡ ᠥᠭᠭᠦᠭᠰᠡᠨ ᠳᠤ ᠠᠴᠢᠲᠤ ᠭᠠᠷᠴᠤ ᠶᠠᠪᠤᠯᠠ᠃ | ᠵᠤ ᠳᠠᠷᠤᠭᠠ ᠭᠥᠡᠳᠥ ᠪᠣᠳᠤᠯ ᠳᠤ ᠳᠠᠷᠤᠭᠳᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠵᠤᠰᠠᠨᠠ ᠳᠤ ᠤᠲᠠᠰᠤ ᠠᠪᠴᠦ᠄ ︽ ᠮᠢᠨᠥ ᠠᠯᠪᠠᠨ ᠭᠡᠷ ᠲᠤ ᠢᠷᠡᠭᠡᠷᠡᠢ︾ ᠭᠡᠵᠦ | ᠰᠤᠯᠠᠪᠲᠤᠷᠬᠠᠨ ᠳᠣᠣᠭᠠᠷᠪᠠ᠃ ᠵᠤᠰᠠᠨᠠ ᠮᠠᠭᠤ ᠴᠢᠷᠠᠶᠢᠯᠠᠨ ᠤᠷᠤᠵᠤ ᠢᠷᠡᠭᠡᠳ ᠵᠤ ᠳᠠᠷᠤᠭᠠ ᠶᠢᠨ ᠡᠮᠥᠨᠡ ᠭᠠᠵᠠᠷ ᠬᠠᠷᠠᠨ ᠵᠣᠭᠰᠤᠴᠢᠬᠠᠪᠠ᠃ ᠵᠣ ᠲᠠᠷᠤᠭᠠ᠄ | ︽ᠵᠤᠰᠠᠨᠠ ᠡ᠂ ᠲᠠ ᠪᠡᠭᠡᠯᠡᠢ ᠪᠠᠨ ᠠᠪᠴᠦ ᠬᠤᠶᠠᠷ ᠠᠯᠠᠭᠠ ᠪᠠᠨ ᠳᠡᠯᠭᠡᠭᠡᠷᠡᠢ︾ ᠭᠡᠪᠡᠯ ᠵᠤᠰᠠᠨᠠ ᠠᠷᠭᠠ ᠨᠢ ᠪᠠᠷᠠᠭᠳᠠᠨ ᠪᠡᠭᠡᠯᠡᠢ ᠪᠠᠨ ᠠᠪᠴᠦ ᠬᠤᠶᠠᠷ | ᠠᠯᠠᠭᠠ ᠪᠠᠨ ᠳᠡᠯᠭᠡᠨ ᠥᠵᠡᠭᠦᠯᠪᠡ᠃ ᠵᠤ ᠳᠠᠷᠤᠭᠠ ᠵᠤᠰᠠᠨᠠ ᠶᠢᠨ ᠬᠤᠶᠠᠷ ᠠᠯᠠᠭᠠ ᠶᠢ ᠨᠢ ᠠᠳᠬᠤᠭᠠᠳ ᠲᠡᠮᠲᠡᠷᠢᠵᠤ ᠥᠵᠡᠭᠰᠡᠨ ᠳᠤ ᠵᠤᠰᠠᠨᠠ ᠬᠡᠤᠭᠡᠨ ᠤ | ᠬᠤᠶᠠᠷ ᠠᠯᠠᠭᠠ ᠨᠢ ᠡᠪᠡᠷᠰᠢᠨ ᠬᠠᠲᠠᠭᠤᠷᠠᠵᠤ᠂ ᠶᠠᠷᠠᠰᠢᠵᠦ ᠪᠤᠭᠯᠠᠭᠠᠳ ᠣᠳᠤ ᠴᠠᠭ ᠤᠨ ᠬᠡᠤᠭᠡᠨ ᠭᠥᠮᠥᠨ ᠳᠤ ᠶᠡᠷᠦ ᠠᠴᠠ ᠪᠠᠶᠢᠵᠤ ᠪᠣᠯᠣᠰᠢ ᠦᠭᠡᠢ᠂ | ᠰᠠᠨᠠᠵᠤ ᠴᠦ ᠣᠯᠣᠰᠢ ᠦᠭᠡᠢ ᠂ ᠥᠯᠥ ᠲᠣᠬᠢᠷᠠᠬᠤ ᠬᠠᠲᠠᠭᠤ ᠰᠢᠷᠥᠬᠦᠨ ᠭᠠᠷ ᠪᠠᠶᠢᠯᠠ᠃ ᠬᠦᠷᠵᠡᠨ ᠡᠰᠢᠨ ᠤ ᠪᠥᠲᠥᠭᠦᠨ ᠰᠢᠯᠭᠡᠳᠡᠰᠦ ᠬᠠᠳᠬᠤᠭᠰᠠᠨ ᠠᠴᠠ | ᠮᠡᠰᠡ ᠵᠠᠰᠠᠯ ᠬᠢᠯᠭᠡᠭᠰᠡᠨ ᠤᠷᠲᠤ ᠲᠤᠮᠤ ᠰᠤᠷᠪᠢ ᠨᠢ ᠶᠠᠭ ᠯᠠ ︽ᠥᠰᠥᠲᠦ ᠬᠠᠷᠠ ᠬᠤᠷᠤᠬᠠᠢ ︾ ᠮᠡᠲᠦ ᠠᠶᠤᠳᠠᠰᠤ ᠲᠥᠷᠥᠭᠦᠯᠥᠨ ᠵᠢᠪᠡᠭᠦᠨ ᠬᠠᠷᠠᠭᠳᠠᠵᠤ | ᠪᠠᠶᠢᠯᠠ᠃ ᠵᠣ ᠳᠠᠷᠤᠭᠠ ᠡᠨᠡ ᠪᠥᠬᠦᠨ ᠢ ᠨᠢ ᠥᠵᠡᠭᠡᠳ ᠡᠰᠡ ᠯᠠ ᠳᠠᠭᠤ ᠲᠠᠯᠪᠢᠨ ᠣᠬᠢᠯᠠᠴᠢᠬᠠᠬᠤ ᠠᠯᠳᠠᠯᠠ᠃ ᠭᠡᠪᠡᠴᠤ ᠡᠷᠡ ᠭᠥᠮᠥᠨ ᠤ ᠵᠣᠷᠢᠭ ᠢᠶᠠᠷ | ᠨᠢᠯᠪᠤᠰᠤ ᠪᠠᠨ ᠲᠣᠲᠣᠭᠰᠢ ᠪᠠᠨ ᠵᠠᠯᠭᠢᠯᠠᠨ᠄ ︽ ᠵᠤᠰᠠᠨᠠ ᠡ᠂ ᠴᠢ ᠭᠡᠷ ᠲᠡᠭᠡᠨ ᠭᠥᠳᠡᠯᠮᠥᠷᠢ ᠬᠢᠳᠡᠭ ᠦᠦ︖ ᠶᠠᠮᠠᠷ ᠶᠠᠮᠠᠷ ᠠᠵᠢᠯ ᠢ ᠬᠢᠵᠤ ᠴᠢᠳᠠᠳᠠᠭ ᠪᠤᠢ︖︾ | ᠭᠡᠪᠡᠯ᠂ ᠵᠤᠰᠠᠨᠠ᠄ ︽ᠵᠣ ᠳᠠᠷᠤᠭᠠ ᠡ ᠂ ᠪᠢ ᠶᠠᠭᠤ ᠶᠢ ᠨᠢ ᠴᠦ ᠬᠢᠵᠦ ᠴᠢᠳᠠᠳᠠᠭ᠃ ᠲᠷᠠᠺᠲ᠋ᠣᠷ ᠵᠢᠯᠣᠭᠤᠳᠤᠨ ᠭᠠᠵᠠᠷ ᠲᠠᠷᠢᠵᠦ ᠴᠢᠳᠠᠨᠠ᠂ ᠮᠠᠰᠢᠨ ᠢᠶᠠᠷ | ᠡᠪᠡᠰᠦ ᠬᠠᠳᠤᠵᠤ ᠴᠢᠳᠠᠨᠠ᠂ ᠮᠠᠰᠢᠨ ᠢᠶᠠᠷ ᠡᠪᠡᠰᠦ ᠪᠣᠷᠳᠤᠭᠠ ᠨᠠᠶᠢᠷᠠᠭᠤᠯᠤᠨ ᠮᠠᠯ ᠰᠥᠷᠥᠭ ᠢᠶᠠᠨ ᠪᠣᠷᠲᠣᠵᠤ ᠴᠢᠳᠠᠨᠠ᠂ ᠡᠪᠳᠡᠷᠡᠭᠰᠡᠨ ᠮᠠᠰᠢᠨ ᠲᠣᠨᠣᠭᠯᠠᠯ ᠢ | ᠴᠦ ᠰᠡᠯᠪᠢᠨ ᠵᠠᠰᠠᠵᠤ ᠴᠢᠳᠠᠨᠠ᠃ ᠢᠮᠠᠭᠠ ᠪᠠᠨ ᠰᠠᠮᠨᠠᠵᠤ᠂ ᠬᠤᠨᠢ ᠪᠠᠨ ᠬᠠᠶᠢᠴᠢᠯᠠᠵᠤ ᠴᠢᠳᠠᠨᠠ᠂ ᠲᠥᠯ ᠲᠤᠰᠴᠤ ᠂ ᠰᠦ ᠰᠠᠭᠠᠯᠢ ᠪᠠᠷᠢᠵᠤ ᠴᠢᠳᠠᠨᠠ᠃ | ᠮᠥᠮᠥ ᠪᠠᠨ ᠬᠠᠪᠰᠤᠷᠤᠨ ᠶᠠᠭᠤ ᠶᠢ ᠨᠢ ᠴᠦ ᠬᠢᠳᠡᠭ ᠃ ᠪᠢ ᠮᠠᠨ ᠤ ᠭᠡᠷ ᠤᠨ ᠭᠠᠭᠴᠠ ᠭᠡᠤᠭᠡᠨ ᠶᠤᠮ︾ ᠭᠡᠪᠡ᠃ ᠵᠣ ᠳᠠᠷᠤᠭᠠ ᠭᠠᠶᠢᠬᠠᠰᠢ ᠲᠥᠷᠥᠨ ᠄ | ︽ᠠᠪᠡᠢ ᠴᠢᠨᠢ ᠶᠠᠭᠤ ᠬᠢᠵᠤ ᠴᠢᠳᠠᠳᠠᠭ ᠪᠤᠢ︖︾ ᠭᠡᠪᠡᠯ᠂ ᠵᠤᠰᠠᠨᠠ ᠭᠡᠤᠭᠡᠨ ᠳᠣᠭᠤᠢ ᠵᠣᠭᠰᠣᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠭᠡᠨᠡᠳᠲᠡ ᠄ ︽ᠮᠢᠨᠥ ᠠᠪᠡᠢ ᠨᠠᠮᠠ ᠶᠢ | ᠪᠠᠭᠠ ᠪᠠᠶᠢᠬᠤ ᠳᠤ ᠦᠭᠡᠢ ᠪᠣᠯᠴᠢᠬᠠᠭᠰᠠᠨ︾ ᠭᠡᠳ ᠮᠡᠭᠰᠢᠨ ᠣᠬᠢᠯᠠᠵᠤ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠵᠤ ᠯᠠ ᠪᠠᠶᠢᠯᠠ᠃ ᠵᠣ ᠳᠠᠷᠤᠭᠠ᠄ ︽ᠡᠶᠢᠮᠦ ᠪᠠᠶᠢᠭᠰᠠᠨ ᠶᠤᠮ | ᠦᠦ︖ ᠵᠤᠰᠠᠨᠠ ᠡ᠂ ᠠᠯᠪᠠᠨ ᠭᠡᠷ ᠲᠡᠭᠡᠨ ᠪᠤᠴᠠᠭᠠᠳ ᠤᠯᠠᠮ ᠰᠠᠶᠢᠨ ᠠᠵᠢᠯᠯᠠᠭᠠᠷᠠᠢ︾ ᠭᠡᠳ ᠵᠤᠰᠠᠨᠠ ᠬᠡᠤᠭᠡᠨ ᠤ ᠮᠥᠷᠥ ᠶᠢ ᠨᠢ ᠭᠥᠩᠭᠡᠭᠡᠨ ᠲᠥᠰᠢᠵᠦ ᠠᠯᠪᠠᠨ | ᠭᠡᠷ ᠠᠴᠠ ᠪᠠᠨ ᠦᠳᠡᠨ ᠭᠠᠷᠭᠠᠪᠠ᠃ ᠵᠣ ᠳᠠᠷᠤᠭᠠ ᠠᠯᠪᠠᠨ ᠭᠡᠷ ᠤᠨ ᠢᠶᠠᠨ ᠡᠭᠦᠳᠡ ᠶᠢ ︽ ᠴᠥᠳᠡᠵᠦ︾ ᠲᠠᠯᠪᠢᠴᠢᠬᠠᠭᠠᠳ ᠳᠡᠰᠬᠡᠯ ᠦᠭᠡᠢ ᠨᠢᠯᠪᠤᠰᠤ ᠤᠨᠠᠭᠠᠨ | ᠣᠬᠢᠯᠠᠬᠤ ᠳᠠᠭᠠᠨ᠄ ︽ ᠨᠠᠳᠠ ᠳᠤ ᠨᠤᠶᠠᠠᠴᠢ ᠰᠤᠷᠲᠠᠯ ᠭᠥᠡᠳᠥ ᠨᠣᠴᠢᠲᠠᠢ ᠣᠷᠣᠰᠢᠵᠤ ᠪᠠᠶᠢᠵᠠᠢ᠂ ᠪᠢ ᠥᠩᠭᠡᠨ ᠲᠠᠯᠠ ᠶᠢ ᠨᠢ ᠬᠠᠷᠠᠭᠠᠳ ᠥᠨᠡᠨ ᠪᠠᠶᠢᠳᠠᠯ ᠢ | ᠣᠭᠲᠣ ᠮᠡᠳᠡᠬᠦ ᠦᠭᠡᠢ ᠪᠠᠶᠢᠵᠠᠢ᠃ ᠪᠠᠶᠢᠴᠠᠭᠠᠨ ᠰᠣᠳᠣᠯᠣᠯᠲᠠ ᠬᠢᠭᠰᠡᠨ ᠦᠭᠡᠢ ᠪᠠᠷ ᠵᠤᠰᠠᠨᠠ ᠭᠡᠤᠬᠡᠨ ᠢ ᠴᠣᠬᠤᠮ ᠨᠢᠭᠡ ᠬᠢᠯᠢᠰᠳᠡᠬᠦᠯᠵᠡᠢ᠃ ᠵᠤᠰᠠᠨᠠ | ᠭᠡᠤᠭᠡᠨ ᠤᠤᠯ ᠠᠴᠠ ᠪᠠᠨ ᠰᠢᠯᠢᠳᠡᠭ ᠰᠠᠶᠢᠨ ᠭᠥᠳᠡᠯᠮᠥᠷᠢᠯᠡᠭᠴᠢ᠂ ᠤᠳᠣ ᠴᠠᠭ ᠤᠨ ᠣᠯᠠᠨ ᠠᠷᠪᠢᠨ ᠮᠠᠰᠢᠨ ᠲᠣᠨᠣᠭᠯᠠᠯ ᠢ ᠡᠵᠡᠮᠰᠢᠨ ᠬᠡᠷᠡᠭᠯᠡᠬᠦ᠂ ᠮᠥᠨ ᠴᠦ | ᠰᠡᠯᠪᠢᠨ ᠵᠠᠰᠠᠵᠤ ᠴᠢᠳᠠᠳᠠᠭ ᠴᠢᠳᠠᠪᠤᠷᠢᠲᠠᠨ ᠪᠠᠶᠢᠵᠠᠢ᠃ ᠠᠪᠡᠢ ᠪᠠᠨ ᠡᠷᠲᠡ ᠠᠯᠲᠠᠭᠰᠠᠨ ᠥᠨᠥᠴᠢᠨ ᠭᠡᠤᠭᠡᠨ ᠪᠠᠶᠢᠵᠤ ᠰᠢᠦ ᠃ ᠮᠠᠨ ᠤ ᠪᠠᠶᠢᠭᠤᠯᠭᠠ ᠳᠤ | ᠮᠢᠨᠥ ᠥᠢᠯᠠᠭᠠᠵᠤ ᠮᠡᠳᠡᠭᠡᠲᠦᠢ᠂ ᠢᠯᠡᠷᠡᠭᠦᠯᠵᠦ ᠲᠡᠶᠢᠯᠥᠭᠡᠲᠦᠢ ᠥᠭᠡᠷᠡ ᠪᠠᠰᠠ ᠮᠠᠰᠢ ᠠᠷᠪᠢᠨ ᠤᠴᠢᠷ ᠨᠢᠭᠤᠭᠳᠠᠵᠤ ᠪᠠᠶᠢᠵᠤ ᠮᠡᠳᠡᠨᠡ᠃ ᠰᠠᠶᠢᠨ ᠭᠥᠮᠥᠨ ᠢ | ᠭᠤᠮᠣᠳᠠᠭᠠᠵᠤ ᠪᠣᠯᠬᠤ ᠦᠭᠡᠢ᠂ ᠰᠠᠶᠢᠨ ᠤ ᠬᠠᠷᠢᠭᠤ ᠶᠢ ᠨᠢ ᠵᠠᠪᠠᠯ ᠣᠯᠭᠤᠬᠤ ᠭᠡᠷᠡᠭᠲᠡᠢ︾ ᠭᠡᠳ ᠰᠢᠷᠡᠭᠡ ᠪᠠᠨ ᠲᠥᠰᠢᠨ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠨ ᠪᠣᠳᠣᠯᠭᠠ | ᠪᠣᠯᠵᠤ ᠵᠣᠭᠰᠤᠵᠤ ᠪᠠᠶᠢᠲᠠᠯᠠ ︽ᠠᠯᠪᠠᠨ ᠤᠲᠠᠰᠤ ︾ ᠨᠢ ᠳᠤᠤᠭᠠᠷᠪᠠ ᠃ ᠵᠣ ᠳᠠᠷᠤᠭᠠ ᠤᠲᠠᠰᠤ ᠪᠠᠨ ᠲᠤᠰᠪᠠᠯ᠄ ︽ ᠵᠣ ᠳᠠᠷᠤᠭᠠ ᠰᠠᠶᠢᠨ ᠪᠠᠶᠢᠨᠠ ᠦᠦ︕ | ᠪᠢ ᠰᠢᠯᠢ ᠶᠢᠨ ᠤᠰᠤ ᠭᠠᠴᠠᠭᠠᠨ ᠤ ᠨᠠᠮ ᠤᠨ ᠡᠭᠦᠷ ᠤᠨ ᠱᠥᠵᠢ ᠪᠠᠶᠠᠷᠲᠤ ᠪᠠᠶᠢᠨᠠ᠃ ᠵᠣ ᠳᠠᠷᠤᠭᠠ ᠡ᠂ ᠮᠠᠨ ᠤ ᠭᠠᠴᠠᠭᠠᠨ ᠤ ᠵᠤᠰᠠᠨᠠ ᠬᠡᠰᠡᠨ ᠬᠡᠤᠭᠡᠨ ᠲᠠᠨ ᠤ | ᠪᠠᠶᠢᠭᠤᠯᠭᠠ ᠳᠤ ᠠᠵᠢᠯᠯᠠᠵᠤ ᠪᠠᠶᠢᠬᠤ ᠮᠥᠨ ᠦᠦ︖︾ ᠭᠡᠪᠡ᠃ ᠵᠣ ᠳᠠᠷᠤᠭᠠ ︽ᠲᠡᠶᠢᠮᠦ ᠡ︾ ᠭᠡᠪᠡᠯ᠂ ᠪᠠᠶᠠᠷᠲᠤ ᠱᠥᠵᠢ᠄ ︽ᠵᠣ ᠳᠠᠷᠤᠭᠠ ᠡ᠂ ᠪᠢ | ᠲᠠᠨ ᠳᠤ ᠡᠶᠢᠮᠦ ᠨᠢᠭᠡᠨ ᠤᠴᠢᠷ ᠢ ᠮᠡᠳᠡᠭᠲᠡᠶᠡ᠃ ᠮᠠᠨ ᠤ ᠭᠠᠴᠠᠭᠠᠨ ᠳᠤ ᠨᠠᠰᠤᠡᠮᠢᠳᠤᠭ ᠭᠡᠰᠡᠨ ᠰᠠ ᠡᠪᠡᠳᠴᠢᠨ ᠲᠠᠢ ᠡᠵᠢ ᠪᠤᠢ ᠃ ᠵᠤᠰᠠᠨᠠ ᠭᠡᠤᠭᠡᠨ ᠤ ᠬᠥᠳᠡᠭᠡ | ᠭᠡᠷ ᠲᠠᠢ ᠨᠢ ᠥᠢᠷᠠᠬᠠᠨ ᠰᠠᠭᠤᠵᠤ ᠪᠠᠶᠢᠳᠠᠭ᠃ ᠵᠤᠰᠠᠨᠠ ᠭᠡᠤᠬᠡᠨ ᠠᠵᠢᠯ ᠳᠤ ᠤᠷᠤᠭᠰᠠᠨ ᠠᠴᠠ ᠨᠠᠭᠠᠰᠢ ᠰᠠᠷᠠ ᠪᠥᠷᠢ ᠶᠢᠨ ᠴᠠᠯᠢᠩ ᠢᠶᠠᠨ ᠠᠪᠤᠮᠠᠭᠴᠠ | ᠨᠠᠰᠤᠡᠮᠢᠳᠤᠭ ᠡᠵᠢ ᠳᠤ ᠲᠠᠪᠢᠨ ᠵᠣᠭᠤᠰ ᠳᠡᠮᠵᠢᠵᠤ ᠪᠠᠶᠠᠷᠯᠠᠭᠤᠯᠤᠭᠰᠠᠭᠠᠷ ᠢᠷᠡᠵᠡᠢ ᠃ ᠢᠳᠡᠵᠦ ᠤᠤᠭᠤᠬᠤ ᠵᠦᠢᠯ ᠠᠪᠴᠦ ᠥᠭᠭᠦᠭᠰᠡᠨ ᠢ ᠨᠢ ᠨᠤᠭᠤᠯᠵᠤ | ᠪᠣᠳᠣᠪᠠᠯ ᠰᠠᠷᠠ ᠪᠥᠷᠢ ᠵᠠᠭᠤ ᠭᠠᠷᠤᠢ ᠵᠣᠭᠤᠰ ᠵᠠᠷᠤᠴᠠᠭᠤᠯᠵᠤ ᠢᠷᠡᠵᠡᠢ᠃ ᠡᠨᠡ ᠤᠴᠢᠷ ᠢ ᠪᠢᠳᠡ ᠣᠭᠲᠣ ᠮᠡᠳᠡᠭᠰᠡᠨ ᠦᠭᠡᠢ ᠪᠠᠶᠢᠯᠠ᠃ ᠳᠡᠭᠡᠷᠡ ᠭᠠᠷᠠᠭ ᠮᠠᠨ ᠤ | ᠭᠠᠴᠠᠭᠠᠨ ᠤ ᠪᠥᠷᠢᠯᠳᠥᠭᠦᠨ ᠨᠠᠷ ᠡᠷᠬᠢᠵᠦ ᠥᠵᠡᠬᠦ ᠪᠠᠷ ᠣᠴᠢᠭᠰᠠᠨ ᠳᠤ ᠨᠠᠰᠤᠡᠮᠢᠳᠤᠭ ᠡᠵᠢ ᠠᠯᠴᠢᠭᠤᠷ ᠲᠠᠭᠠᠨ ᠴᠤᠭᠯᠠᠵᠤ ᠲᠠᠯᠪᠢᠭᠰᠠᠨ ᠵᠤᠰᠠᠨᠠ ᠬᠡᠤᠭᠡᠨ ᠤ | ᠥᠭᠭᠦᠭᠰᠡᠨ ᠵᠣᠭᠤᠰ ᠢᠶᠠᠨ ᠮᠠᠨᠤᠰ ᠲᠤ ᠭᠠᠷᠭᠠᠨ ᠥᠵᠡᠬᠦᠯᠵᠦ᠄ ︽ᠮᠠᠨ ᠤ ᠪᠠᠷᠠᠭᠤᠨ ᠠᠶᠢᠯ ᠤᠨ ᠵᠤᠰᠠᠨᠠ ᠬᠡᠤᠭᠡᠨ ᠴᠣᠬᠤᠮ ᠤᠬᠠᠭᠠᠨ ᠲᠠᠢ᠂ ᠰᠠᠶᠢᠨ ᠭᠡᠤᠭᠡᠨ | ᠰᠢᠦ︾ ᠭᠡᠵᠦ ᠵᠤᠰᠠᠨᠠ ᠭᠡᠤᠭᠡᠨ ᠤ ᠲᠣᠬᠠᠢ ᠮᠠᠰᠢ ᠠᠷᠪᠢᠨ ᠰᠡᠳᠭᠢᠯ ᠭᠥᠳᠡᠯᠭᠡᠭᠰᠡᠨ ᠥᠢᠯᠡ ᠠᠵᠢᠯᠯᠠᠭᠠ ᠶᠢ ᠨᠢ ᠲᠣᠭᠠᠴᠠᠨ ᠶᠠᠷᠢᠭᠠᠳ ᠪᠠᠶᠠᠷᠯᠠᠬᠤ ᠳᠠᠭᠠᠨ | ᠣᠬᠢᠯᠠᠵᠤ ᠪᠠᠶᠢᠯᠠ ᠃ ᠨᠠᠰᠤᠡᠮᠢᠳᠤᠭ ᠡᠵᠢ᠄ ︽ ᠵᠤᠰᠠᠨᠠ ᠭᠡᠤᠭᠡᠨ ᠪᠠᠰᠠ ᠨᠠᠳᠠ ᠳᠤ ᠡᠶᠢᠮᠦ ᠨᠢᠭᠡᠨ ︿ᠢᠯᠢᠨ ᠨᠤᠬᠤᠯᠠᠬᠤ ᠵᠢᠵᠢᠭ ᠮᠠᠰᠢᠨ﹀ ᠠᠪᠴᠦ ᠥᠭᠪᠡ᠃ | ᠬᠠᠭᠠᠰ ᠵᠢᠯ ᠰᠢᠬᠠᠮ ᠵᠠᠷᠤᠭᠰᠠᠨ ᠠᠴᠠ ᠮᠢᠨᠥ ᠬᠤᠶᠠᠷ ᠭᠠᠷ ᠤᠨ ᠭᠡᠳᠦᠨ ᠬᠤᠷᠤᠭᠤ ᠤᠳᠣ ᠬᠠᠷᠢᠨ ᠬᠠᠩᠭᠢ ᠭᠥᠳᠡᠯᠳᠡᠭ ᠪᠣᠯᠣᠯᠠ ᠰᠢᠦ ︾ ᠭᠡᠵᠦ ᠵᠣᠰᠠᠨᠠ | ᠭᠡᠤᠭᠡᠨ ᠢ ᠠᠮᠠᠯᠠᠬᠤ ᠶᠢᠨ ᠲᠤᠭᠠ ᠪᠠᠷ ᠨᠢᠯᠪᠤᠰᠤ ᠤᠨᠠᠭᠠᠵᠤ ᠪᠠᠶᠢᠯᠠ᠃ ᠨᠠᠰᠤᠡᠮᠢᠳᠤᠭ ᠡᠵᠢ ᠶᠢᠨ ᠭᠥᠰᠡᠯ ᠢ ᠥᠡᠳᠥᠰᠥᠯᠡᠨ᠂ ᠮᠠᠨ ᠤ ᠭᠠᠴᠠᠭᠠᠨ ᠤ ᠨᠠᠮ ᠤᠨ ᠡᠭᠦᠷ | ᠪᠣᠯᠣᠨ ᠭᠠᠴᠠᠭᠠᠨ ᠤ ᠵᠥᠪᠯᠡᠯ ᠠᠴᠠ ᠶᠠᠷᠢᠯᠴᠠᠭᠠᠳ ᠰᠢᠯᠢ ᠶᠢᠨ ᠤᠰᠤ ᠭᠠᠴᠠᠭᠠᠨ ᠤ ᠨᠡᠷᠡ ᠪᠠᠷ ᠵᠤᠰᠠᠨᠠ ᠭᠡᠤᠬᠡᠨ ᠳᠤ ︿ᠬᠡᠮᠡᠷᠯᠢᠭ ᠲᠤᠭ ﹀ ᠪᠣᠯᠣᠨ | ᠳᠤᠷᠠᠰᠬᠠᠯ ᠤᠨ ᠪᠤᠳᠠᠰ ᠭᠥᠷᠬᠡᠵᠦ ᠵᠣᠷᠢᠭᠵᠢᠭᠤᠯᠬᠤ ᠪᠠᠷ ᠲᠣᠭᠲᠠᠯᠠ᠃ ᠮᠠᠨ ᠤ ᠭᠠᠴᠠᠭᠠᠨ ᠠᠴᠠ ᠵᠤᠰᠠᠨᠠ ᠭᠡᠰᠡᠨ ᠡᠶᠢᠮᠦ ᠨᠢᠭᠡᠨ ᠰᠠᠶᠢᠨ ᠭᠡᠤᠭᠡᠨ ᠭᠠᠷᠪᠠ᠃ | ᠲᠠᠨ ᠤ ᠪᠠᠶᠢᠭᠤᠯᠭᠠ ᠴᠦ ᠵᠤᠰᠠᠨᠠ ᠭᠡᠰᠡᠨ ᠡᠶᠢᠮᠦ ᠨᠢᠭᠡᠨ ᠰᠠᠶᠢᠨ ᠠᠵᠢᠯᠲᠠᠨ ᠲᠠᠢ ᠪᠣᠯᠪᠠ᠃ ᠡᠨᠡ ᠨᠢ ᠮᠠᠨ ᠤ ᠭᠠᠴᠠᠭᠠ ᠪᠣᠯᠣᠨ ᠲᠠᠨ ᠪᠠᠶᠢᠭᠤᠯᠭᠠ ᠶᠢᠨ | ᠬᠠᠮᠲᠤ ᠶᠢᠨ ᠣᠮᠣᠭᠰᠢᠯ ᠮᠥᠨ ︕ ᠦᠳᠡ ᠶᠢᠨ ᠬᠤᠶᠢᠨᠠ ᠪᠢᠳᠡ ᠵᠤᠰᠠᠨᠠ ᠶᠢᠨ ᠮᠥᠮᠥ ᠶᠢ ᠨᠢ ᠳᠠᠭᠠᠭᠤᠯᠵᠤ ᠣᠴᠢᠬᠤ ᠪᠠᠷ ᠪᠣᠯᠪᠠ︾ ᠭᠡᠪᠡᠯ᠂ ᠵᠣ ᠳᠠᠷᠤᠭᠠ᠄ | ︽ᠡᠶᠢᠮᠦ ᠪᠠᠶᠢᠭᠰᠠᠨ ᠶᠤᠮ ᠦᠦ︖ ᠪᠣᠯᠣᠨᠠ᠂ ᠪᠣᠯᠣᠨᠠ᠃ ᠪᠢ ᠦᠳᠡ ᠶᠢᠨ ᠬᠤᠶᠢᠨᠠ ᠪᠠᠶᠢᠭᠤᠯᠭᠠ ᠶᠢᠨ ᠶᠡᠭᠡ ᠬᠤᠷᠠᠯ ᠲᠠᠢ ᠭᠡᠵᠦ ᠠᠯᠪᠠᠨ ᠭᠡᠷ ᠲᠤ | ᠮᠡᠳᠡᠭᠳᠡᠴᠢᠭᠡᠶᠡ ︾ ᠭᠡᠳ ᠤᠲᠠᠰᠤ ᠪᠠᠨ ᠳᠠᠷᠤᠪᠠ᠃ | ᠵᠣ ᠳᠠᠷᠤᠭᠠ ᠶᠢᠨ ᠨᠢᠭᠤᠷ ᠨᠢ ᠨᠢᠯᠴᠢᠬᠢᠨᠡᠵᠤ ᠡᠬᠢᠯᠡᠪᠡ᠃ ᠵᠣ ᠳᠠᠷᠤᠭᠠ ᠬᠦᠢᠲᠡᠨ ᠤᠰᠤᠨ ᠳᠤ ᠠᠯᠴᠢᠭᠤᠷ ᠨᠣᠷᠭᠠᠵᠤ ᠨᠢᠭᠤᠷ ᠢᠶᠠᠨ ᠠᠷᠴᠢᠵᠤ ᠠᠪᠤᠭᠠᠳ | ᠠᠮᠠᠨ ᠲᠣᠲᠣᠷᠠ ᠪᠠᠨ᠄ ︽ᠦᠳᠡ ᠶᠢᠨ ᠬᠤᠶᠢᠨᠡ ᠶᠠᠪᠤᠭᠳᠠᠬᠤ ᠶᠡᠭᠡ ᠬᠤᠷᠠᠯ ᠳᠡᠭᠡᠷᠡ ᠨᠢᠭᠡ ᠳᠤ᠂ ᠰᠢᠯᠢ ᠶᠢᠨ ᠤᠰᠣ ᠭᠠᠴᠠᠭᠠᠨ ᠠᠴᠠ ᠵᠣᠰᠠᠨᠠ ᠭᠡᠤᠬᠡᠨ ᠳᠤ | ︿ᠬᠡᠮᠡᠷᠯᠢᠭ ᠲᠤᠭ ᠪᠠ ᠳᠤᠷᠠᠰᠬᠠᠯ ᠤᠨ ᠪᠤᠳᠠᠰ﹀ ᠭᠠᠷᠳᠠᠭᠤᠯᠵᠤ᠂ ᠵᠣᠰᠠᠨᠠ ᠶᠢᠨ ᠰᠡᠳᠭᠢᠯ ᠭᠥᠳᠡᠯᠭᠡᠭᠰᠡᠨ ᠰᠠᠶᠢᠨ ᠥᠢᠯᠡ ᠠᠵᠢᠯᠯᠠᠭᠠ ᠶᠢ ᠨᠢ ᠲᠠᠨᠢᠯᠴᠠᠭᠤᠯᠤᠨᠠ᠃ | ᠬᠤᠶᠠᠷ ᠲᠤ᠂ ᠪᠢ ᠵᠣᠰᠠᠨᠠ ᠭᠡᠤᠭᠡᠨ ᠤ ᠬᠤᠶᠠᠷ ᠭᠠᠷ ᠢ ᠨᠢ ᠣᠯᠠᠨ ᠳᠤ ᠥᠵᠡᠭᠦᠯᠵᠦ᠂ ᠭᠥᠮᠥᠨ ᠪᠣᠯᠭᠠᠨ ᠢᠶᠠᠷ ᠪᠠᠷᠢᠭᠤᠯᠵᠤ᠂ ᠬᠥᠮᠥᠨ ᠪᠥᠬᠦᠨ ᠢᠶᠠᠷ | ᠲᠡᠮᠲᠡᠷᠢᠬᠦᠯᠵᠦ ᠥᠵᠡᠬᠦᠯᠥᠨᠡ᠃ ᠭᠤᠷᠪᠠ ᠳᠤ᠂ ᠪᠢ ᠪᠠᠶᠢᠴᠠᠭᠠᠨ ᠰᠣᠳᠣᠯᠣᠯᠲᠠ ᠬᠢᠭᠰᠡᠨ ᠦᠭᠡᠢ᠂ ᠥᠡᠳᠥᠰᠥ ᠪᠠᠷᠢᠮᠲᠠ ᠦᠭᠡᠢ ᠪᠠᠷ ᠵᠤᠰᠠᠨᠠ ᠭᠡᠤᠭᠡᠨ ᠢ | ᠬᠢᠯᠢᠰᠳᠡᠭᠦᠯᠥᠨ ᠰᠢᠭᠦᠮᠵᠢᠯᠡᠭᠰᠡᠨ ᠪᠥᠬᠦᠶᠢᠯᠡ ᠶᠠᠪᠤᠴᠠ ᠪᠠ ᠰᠢᠭᠦᠮᠵᠢᠯᠡᠭᠰᠡᠨ ᠠᠭᠤᠯᠭᠠ ᠪᠠᠨ ᠣᠭᠲᠣ ᠨᠢᠭᠤᠯ ᠦᠭᠡᠢ ᠶᠠᠷᠢᠵᠤ᠂ ᠣᠯᠠᠨ ᠤ ᠡᠮᠥᠨᠡ ᠵᠣᠷᠢᠭ | ᠲᠠᠢ ᠪᠠᠷ ᠪᠡᠶᠡ ᠶᠢᠨ ᠪᠠᠶᠢᠴᠠᠭᠠᠯᠲᠠ ᠬᠢᠨᠡ᠃ ᠲᠥᠷᠪᠡ ᠳᠤ᠂ ᠪᠠᠶᠢᠭᠤᠯᠭᠠ ᠳᠠᠶᠠᠭᠠᠷ ᠲᠤ ᠵᠣᠰᠠᠨᠠ ᠭᠡᠤᠭᠡᠨ ᠤ ᠲᠡᠷᠢᠬᠦᠨ ᠤ ᠨᠡᠶᠢᠳᠡᠯᠢᠭ ᠥᠢᠯᠡ ᠠᠵᠢᠯᠯᠠᠭᠠ | ᠠᠴᠠ ᠲᠠᠭᠠᠨ ᠰᠣᠷᠣᠯᠴᠠᠵᠤ᠂ ᠲᠡᠷᠢᠭᠦᠨ ᠤ ᠬᠢ ᠶᠢ ᠨᠢ ᠱᠠᠩᠨᠠᠨ ᠬᠥᠬᠢᠭᠦᠯᠵᠦ᠂ ᠨᠠᠵᠠᠭᠠᠢ ᠶᠢ ᠨᠢ ᠰᠢᠬᠦᠮᠵᠢᠯᠡᠨ ᠭᠥᠮᠥᠵᠢᠬᠦᠯᠵᠦ᠂ ᠠᠵᠢᠯ ᠥᠢᠯᠡᠰ ᠢᠶᠠᠨ | ᠳᠡᠭᠡᠲᠥᠯᠡᠵᠦ᠂ ᠠᠮᠵᠢᠯᠲᠠ ᠪᠥᠲᠥᠭᠡᠯ ᠭᠠᠷᠭᠠᠬᠤ ᠰᠢᠨᠡ ᠥᠷᠨᠢᠯᠲᠡ ᠶᠢ ᠪᠤᠢ ᠪᠣᠯᠭᠠᠨᠠ᠃ ᠲᠠᠪᠤ ᠳᠤ᠂ ᠤᠳᠤᠷᠢᠲᠤᠯᠭᠠ ᠲᠡᠷᠢᠬᠦᠯᠡᠨ ᠨᠣᠶᠠᠠᠴᠢ ᠰᠤᠷᠲᠠᠯ ᠢ | ᠡᠰᠡᠷᠭᠦᠴᠡᠵᠦ᠂ ᠪᠡᠶᠡ ᠪᠠᠷ ᠢᠶᠠᠨ ᠬᠡᠪ ᠲᠥᠷᠢᠮ ᠪᠣᠯᠵᠤ ᠭᠥᠳᠡᠯᠮᠥᠷᠢ ᠳᠤ ᠢᠳᠡᠪᠬᠢᠲᠡᠢ ᠤᠷᠤᠯᠴᠠᠨᠠ᠃ ᠵᠢᠷᠭᠤᠭᠠ ᠳᠤ᠂ ᠥᠨᠡᠨ ᠦᠭᠡ ᠬᠡᠯᠡᠵᠦ᠂ ᠥᠨᠡᠨ ᠠᠵᠢᠯ | ᠬᠢᠵᠦ᠂ ᠥᠨᠡᠨᠴᠢ ᠭᠥᠮᠥᠨ ᠪᠣᠯᠵᠤ ᠥᠩᠭᠡᠪᠴᠢ ᠥᠵᠡᠯ ᠢ ᠡᠰᠡᠷᠭᠦᠴᠡᠵᠦ᠂ ᠪᠠᠶᠢᠴᠠᠭᠠᠨ ᠰᠣᠳᠣᠯᠣᠯᠲᠠ ᠬᠢᠳᠡᠭ ᠠᠵᠢᠯ ᠤᠨ ᠰᠤᠷᠲᠠᠯ ᠢ ᠪᠤᠢ ᠪᠣᠯᠭᠠᠨᠠ᠃ | ᠳᠣᠯᠤᠭᠠ ᠳᠤ᠂ ᠭᠥᠮᠥᠨ ᠪᠥᠭᠦᠨ ᠤᠯᠤᠰ ᠲᠥᠷᠥ ᠶᠢ ᠡᠷᠬᠢᠮᠯᠡᠵᠦ᠂ ᠰᠠᠬᠢᠯᠭᠠ ᠪᠠᠲᠤ ᠶᠢ ᠰᠠᠬᠢᠵᠤ᠂ ᠲᠤᠬᠠᠶᠢᠯᠠᠭᠰᠠᠨ ᠠᠵᠢᠯ ᠢᠶᠠᠨ ᠰᠠᠶᠢᠨ ᠬᠢᠵᠦ᠂ ᠨᠡᠶᠢᠲᠡ ᠶᠢᠨ | ᠭᠥᠳᠡᠯᠮᠥᠷᠢ ᠳᠤ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠵᠤ ᠵᠣᠷᠢᠭᠲᠠᠢ ᠡᠭᠦᠷᠭᠡᠯᠡᠨ᠂ ᠵᠣᠷᠢᠭᠲᠠᠢ ᠪᠡᠶᠡᠯᠡᠭᠦᠯᠳᠡᠭ ᠪᠠᠶᠢᠭᠤᠯᠭᠠ ᠶᠢᠨ ᠰᠢᠨᠡ ᠬᠡᠪ ᠰᠤᠷᠲᠠᠯ ᠢ ᠪᠥᠬᠦ ᠲᠠᠯᠠ ᠪᠠᠷ | ᠪᠤᠢ ᠪᠣᠯᠭᠠᠨᠠ︾ ᠭᠡᠵᠦ ᠶᠠᠷᠢᠶᠠᠨ ᠤ ᠰᠡᠲᠥᠪ ᠢᠶᠠᠨ ᠰᠡᠳᠭᠢᠯ ᠲᠣᠲᠣᠷᠠ ᠪᠠᠨ ᠨᠠᠶᠢᠷᠠᠭᠤᠯᠤᠨ ᠪᠣᠯᠪᠠᠰᠤᠷᠠᠭᠤᠯᠵᠤ ᠠᠪᠤᠯᠠ᠃ | ᠵᠣ ᠳᠠᠷᠤᠭᠠ ᠡᠮᠥᠨᠡᠰᠢ ᠪᠠᠨ ᠠᠯᠬᠤᠯᠠᠨ ᠠᠯᠪᠠᠨ ᠭᠡᠷ ᠤᠨ ᠢᠶᠠᠨ ᠴᠤᠩᠬᠤ ᠶᠢ ᠨᠡᠭᠡᠭᠡᠭᠰᠡᠨ ᠳᠤ ᠰᠢᠨᠡ ᠰᠣᠷᠭᠤᠭ ᠠᠭᠤᠷ ᠠᠮᠢᠰᠬᠤᠯ ᠰᠡᠩᠬᠢᠨᠡᠨ | ᠥᠯᠢᠶᠡᠵᠦ ᠢᠷᠭᠡᠳ ᠵᠣ ᠳᠠᠷᠤᠭᠠ ᠶᠢᠨ ᠣᠷᠮᠠ ᠰᠡᠳᠬᠢᠯᠭᠡ ᠶᠢ ᠨᠢ ᠶᠡᠬᠡᠪᠡᠷ ᠭᠥᠭᠵᠢᠭᠡᠵᠦ ᠪᠠᠶᠢᠯᠠ ᠂᠂᠂᠂᠂ | ᠢᠷᠠᠯᠳᠠ᠄ ᠵᠤᠬᠢᠶᠠᠭᠴᠢ ᠠᠴᠠ | |