| ᠬᠠᠯᠳᠠᠪᠤᠷᠢᠳᠤ ᠴᠢᠨᠠᠷᠳᠠᠢ ᠢᠳᠡᠭᠡᠳᠤ ᠴᠥᠪᠥᠷᠢᠭᠦᠦ ᠶᠢᠨ ᠸᠢᠷᠥ᠋ᠰ ᠬᠠᠯᠳᠠᠪᠤᠷᠢᠯᠠᠭᠰᠠᠨ ᠠᠴᠠ ᠡᠭᠦᠰᠥᠭᠰᠡᠨ | ᠬᠤᠷᠠᠭᠠᠨ ᠤ ᠠᠮᠠᠨ ᠪᠥᠷᠬᠦᠪᠴᠢ ᠶᠢᠨ ᠥᠷᠪᠢᠰᠥᠯ ᠢ ᠠᠮᠠᠷᠠᠤ ᠭᠡᠳᠡᠭ᠃ ᠰᠥᠷᠥᠭ ᠢᠶᠠᠷ ᠡᠭᠦᠰᠬᠦ ᠨᠢ ᠤᠯᠠᠨ᠂ | ᠢᠳᠡᠰᠢᠯᠡᠬᠦ ᠶᠢ ᠨᠥᠯᠥᠭᠡᠯᠡᠵᠤ᠂ ᠬᠤᠷᠠᠭᠠᠨ ᠤ ᠥᠰᠥᠨ ᠪᠤᠶᠢᠵᠢᠯᠳᠠ ᠶᠢ ᠬᠥᠨᠳᠤ ᠨᠤᠴᠢᠳᠠᠢ ᠬᠠᠷᠰᠢᠯᠠᠳᠠᠭ᠃ ᠬᠦᠨᠳᠦ | ᠰᠢᠭ ᠨᠢ ᠪᠠᠰᠠ ᠥᠬᠦᠳᠡᠭ᠃ ᠲᠤᠰ ᠸᠢᠷᠥ᠋ᠰ ᠨᠢ ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠨᠡᠯᠢᠶᠡᠳ ᠴᠢᠩᠭᠠ ᠡᠰᠡᠷᠭᠦᠴᠡᠬᠦ | ᠴᠢᠳᠠᠯ ᠲᠠᠢ᠃ ᠳᠠᠪᠤᠭᠠᠰᠤᠨ ᠲᠤᠳᠤᠷᠠᠬᠢ ᠸᠢᠷᠥ᠋ᠰ ᠢ ᠵᠤᠨ ᠤ ᠨᠠᠷᠠᠨ ᠳᠤ 30～60 ᠡᠳᠥᠷ ᠢᠯᠡ ᠲᠠᠯᠪᠢᠪᠠᠯ | ᠰᠠᠶ᠋ᠢ ᠬᠠᠯᠳᠠᠪᠤᠷᠢᠯᠠᠬᠤ ᠴᠢᠨᠠᠷ ᠢᠶᠠᠨ ᠠᠯᠳᠠᠳᠠᠭ᠃ ᠲᠤᠰ ᠸᠢᠷᠥ᠋ᠰ ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠳᠡᠭᠡᠷᠡ ᠡᠪᠦᠯᠵᠢᠭᠡᠳ᠂ | ᠳᠠᠷᠠᠭᠠ ᠬᠠᠪᠤᠷ ᠲᠤᠨᠢ ᠮᠥᠨ ᠬᠠᠯᠳᠠᠪᠤᠷᠢᠯᠠᠬᠤ ᠴᠢᠨᠠᠷ ᠲᠠᠢ ᠪᠠᠶᠢᠳᠠᠭ᠃ ᠡᠶᠢᠮᠤ ᠠᠴᠠ ᠵᠢᠯ ᠳᠠᠷᠠᠭᠠᠯᠠᠨ ᠬᠢᠯᠪᠠᠷᠬᠠᠨ | ᠡᠭᠦᠰᠴᠤ᠂ ᠬᠥᠨᠳᠤ ᠶᠡᠭᠡ ᠬᠤᠬᠢᠷᠠᠯ ᠠᠪᠴᠢᠷᠠᠳᠠᠭ᠃ ︹ ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ ︺ ᠨᠢᠭᠤᠭᠳᠠᠮᠠᠯ | ᠬᠤᠭᠤᠴᠠᠭᠠ ᠨᠢ 4～7 ᠡᠳᠥᠷ᠂ ᠬᠠᠯᠳᠠᠪᠤᠷᠢᠯᠠᠬᠤ ᠨᠢ ᠲᠥᠷᠭᠡᠨ᠃ ᠬᠡᠮᠨᠡᠭᠰᠡᠨ ᠬᠤᠷᠠᠭᠠᠨ ᠤ ᠵᠠᠪᠠᠵᠢ᠂ | ᠤᠷᠤᠭᠤᠯ ᠤᠨ ᠭᠠᠳᠠᠷᠭᠤ ᠪᠤᠯᠤᠨ ᠬᠠᠮᠠᠷ ᠤᠨ ᠲᠤᠯᠢ ᠲᠡᠭᠡᠷᠡ ᠤᠷᠢᠳ ᠢᠶᠠᠷ ᠴᠥᠪᠥᠷᠢᠭᠦᠦ ᠶᠢᠨ ᠬᠡᠯᠪᠡᠷᠢᠳᠡᠢ ᠵᠢᠵᠢᠭ | ᠤᠯᠠᠭᠠᠨ ᠲᠤᠯᠪᠤ ᠭᠠᠷᠴᠤ᠂ ᠤᠳᠠᠯ ᠦᠭᠡᠢ ᠤᠰᠤᠨ ᠴᠥᠪᠥᠷᠢᠭᠦᠦ᠂ ᠢᠳᠡᠭᠡᠳᠤ ᠴᠥᠪᠥᠷᠢᠭᠦᠥ ᠪᠤᠢ ᠪᠤᠯᠳᠠᠭ᠃ | ᠵᠠᠯᠭᠠᠭᠠᠳ ᠢᠳᠡᠭᠡᠳᠤ ᠴᠥᠪᠥᠷᠢᠭᠦᠥ ᠬᠠᠭᠠᠷᠠᠵᠤ ᠢᠯᠪᠤᠷᠠᠬᠤ ᠶᠢ ᠳᠠᠭᠠᠯᠳᠤᠨ ᠰᠢᠷᠠ ᠬᠥᠷᠡᠩ ᠥᠩᠭᠡᠳᠡᠢ ᠳᠠᠪᠤᠭᠠᠰᠤ | ᠪᠤᠯᠤᠨ ᠬᠤᠪᠢᠷᠠᠳᠠᠭ᠃ ᠬᠦᠩᠭᠡᠨ ᠰᠢᠭ ᠪᠤᠯ ᠳᠠᠪᠤᠭᠠᠰᠤ ᠨᠢ ᠥᠷᠭᠡᠵᠢᠨ ᠵᠤᠵᠠᠭᠠᠷᠠᠵᠤ ᠬᠠᠳᠠᠭᠠᠳ ᠬᠤᠭᠵᠢᠷᠠᠨ | ᠤᠨᠠᠵᠤ᠂ 1～2 ᠭᠠᠷᠠᠭ ᠤᠨ ᠳᠠᠷᠠᠭᠠ ᠠᠶᠠᠨᠳᠠᠭᠠᠨ ᠡᠳᠡᠭᠡᠷᠡᠳᠡᠭ᠃ ᠬᠥᠨᠳᠤ ᠬᠡᠮᠨᠡᠭᠰᠡᠨ ᠬᠤᠷᠠᠭᠠᠨ ᠤ ᠢᠳᠡᠭᠡᠳᠤ | ᠴᠥᠪᠥᠷᠢᠭᠦᠦ ᠨᠢ ᠬᠠᠭᠠᠷᠠᠵᠤ ᠢᠯᠪᠤᠷᠠᠭᠰᠠᠨ ᠤ ᠳᠠᠷᠠᠭᠠ ᠬᠠᠷᠢᠯᠴᠠᠨ ᠵᠠᠯᠭᠠᠯᠳᠤᠵᠤ᠂ ᠳᠡᠭᠡᠷᠡ ᠳᠤᠤᠷᠠ ᠤᠷᠤᠭᠤᠯ᠂ | ᠬᠠᠮᠠᠷ ᠤᠨ ᠲᠤᠯᠢ ᠶᠢᠨ ᠭᠠᠳᠠᠷᠭᠤ ᠠᠴᠠ ᠨᠢᠳᠦᠨ ᠤ ᠠᠨᠢᠰᠬᠠ᠂ ᠴᠢᠬᠢᠨ ᠤ ᠭᠠᠳᠠᠷᠭᠤ ᠬᠦᠷᠳᠡᠯᠡ ᠬᠠᠯᠳᠠᠪᠤᠷᠢᠯᠠᠳᠠᠭ᠃ | ᠢᠩᠬᠢᠭᠡᠳ ᠶᠡᠭᠡ ᠬᠡᠪᠴᠢᠶᠡ ᠪᠠᠷ ᠠᠷᠰᠠᠶᠢᠵᠤ ᠤᠰᠤᠭᠰᠠᠨ᠂ ᠴᠢᠰᠤ ᠳᠠᠭᠠᠭᠠᠪᠤᠷᠢᠯᠠᠭᠰᠠᠨ ᠵᠤᠵᠠᠭᠠᠨ ᠬᠠᠳᠠᠭᠤᠯᠢᠭ | ᠳᠠᠪᠤᠭᠠᠰᠤ ᠪᠠ ᠬᠠᠪᠤᠳᠠᠷ ᠪᠤᠯᠳᠠᠭ᠃ ᠡᠪᠡᠳᠴᠢᠨ ᠨᠢ ᠬᠦᠨᠳᠦᠷᠡᠪᠡᠯ ᠤᠷᠤᠭᠤᠯ᠂ ᠬᠠᠮᠠᠷ ᠤᠨ ᠨᠥᠬᠡᠨ ᠤ ᠬᠠᠪᠢ ᠨᠢ | ᠪᠦᠬᠦᠨ ᠢᠶᠠᠷ ᠢᠶᠠᠨ ᠬᠠᠪᠤᠳᠴᠤ ᠭᠠᠳᠠᠭᠰᠢ ᠪᠠᠨ ᠤᠷᠪᠠᠶᠢᠬᠤ ᠮᠥᠷᠳᠡᠭᠡᠨ ᠭᠥᠵᠡᠯᠵᠡᠭᠡᠨᠡ ᠶᠢᠨ ᠬᠡᠯᠪᠡᠷᠢ ᠲᠠᠢ | ᠬᠦᠳᠦ᠋ᠢᠨ ᠭᠠᠷᠴᠤ᠂ ᠪᠤᠶᠢᠯᠠ ᠨᠢ ᠤᠯᠠᠶᠢᠨ ᠬᠠᠪᠤᠳᠴᠤ ᠢᠯᠪᠤᠷᠠᠨ᠂ ᠬᠤᠷᠠᠭᠠ ᠬᠦᠬᠦᠬᠦ ᠪᠤᠶᠤ ᠡᠪᠡᠰᠦ ᠢᠳᠡᠬᠦ | ᠠᠷᠭᠠ ᠦᠭᠡᠢ ᠪᠤᠯᠭᠠᠵᠤ᠂ ᠡᠳᠥᠷ ᠢᠷᠡᠬᠦᠶᠡ ᠲᠤᠷᠠᠵᠤ ᠮᠠᠭᠤᠳᠠᠳᠠᠭ᠃ ᠬᠡᠷᠪᠡ ᠳᠠᠷᠦ᠋ᠢᠬᠠᠨ ᠡᠮᠨᠡᠨ ᠵᠠᠰᠠᠬᠤ ᠦᠭᠡᠢ | ᠪᠤᠯ ᠥᠯᠪᠡᠷᠥᠨ ᠥᠬᠦᠳᠡᠭ᠃ ᠬᠡᠮᠨᠡᠭᠰᠡᠨ ᠬᠤᠷᠠᠭᠠ ᠡᠬᠡ ᠪᠠᠨ ᠬᠦᠬᠦᠬᠦ ᠦᠶᠡᠰ ᠲᠡᠭᠡᠨ ᠠᠮᠠᠷᠠᠤ ᠪᠠᠨ ᠡᠬᠡ ᠳᠡᠭᠡᠨ | ᠬᠠᠯᠳᠠᠪᠤᠷᠢᠯᠠᠳᠠᠭ ᠠᠴᠠ ᠬᠤᠨᠢᠨ ᠤ ᠬᠦᠬᠦᠨ ᠲᠤᠪᠴᠢ ᠳᠤ ᠡᠪᠡᠳᠴᠢᠨ ᠡᠭᠦᠰᠴᠦ᠂ ᠬᠠᠪᠤᠳᠴᠤ ᠡᠪᠡᠳᠬᠦ ᠲᠤᠯᠠ | ᠬᠤᠷᠠᠭᠠ ᠪᠠᠨ ᠬᠦᠬᠦᠬᠦᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃ ︹ ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠬᠦ ︺ ᠲᠤᠰ ᠡᠪᠡᠳᠴᠢᠨ | ᠭᠤᠤᠯᠳᠠᠭᠤ ᠰᠢᠷᠬᠠᠳᠤᠯ ᠠᠴᠠ ᠬᠠᠯᠳᠠᠪᠤᠷᠢᠯᠠᠳᠠᠭ᠃ ᠬᠤᠷᠠᠭᠠᠨ ᠤ ᠠᠮᠠᠨ ᠬᠦᠨᠳᠡᠢ ᠶᠢᠨ ᠰᠠᠯᠢᠰᠤᠳᠤ ᠪᠥᠷᠬᠦᠪᠴᠢ | ᠨᠢᠮᠬᠡᠨ ᠵᠥᠭᠡᠯᠡᠨ ᠲᠤᠯᠠ ᠴᠢᠳᠠᠬᠤ ᠶᠢᠨ ᠲᠤᠳᠤᠷᠠ ᠤᠷᠤᠭᠤᠯ ᠤᠨ ᠠᠷᠠᠰᠤᠨ ᠤ ᠰᠠᠯᠢᠰᠤᠳᠤ ᠪᠥᠷᠬᠦᠪᠴᠢ ᠶᠢ ᠨᠢ | ᠭᠡᠮᠳᠥᠯ ᠳᠤ ᠤᠴᠠᠷᠠᠭᠤᠯᠬᠤ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠬᠡᠷᠡᠭᠳᠡᠢ᠃ ᠲᠥᠯᠯᠡᠬᠦ ᠦᠶᠡᠰ ᠡᠮᠡ ᠬᠤᠨᠢᠨ ᠤ ᠬᠦᠬᠦ ᠪᠤᠯᠤᠨ | ᠪᠡᠶᠡ ᠶᠢᠨ ᠬᠤᠶᠢᠳᠤ ᠬᠡᠰᠡᠭ ᠲᠤ ᠨᠠᠭᠠᠯᠳᠤᠭᠰᠠᠨ ᠬᠤᠨᠢᠨ ᠵᠠᠩᠭᠤᠤ ᠵᠡᠷᠭᠡ ᠥᠷᠭᠡᠰᠤ ᠲᠠᠢ ᠪᠤᠳᠠᠰ ᠢ ᠠᠷᠢᠯᠭᠠᠨ | ᠬᠠᠶᠠᠵᠤ᠂ ᠰᠢᠷᠬᠠᠳᠤᠯ ᠢᠶᠠᠷ ᠬᠠᠯᠳᠠᠪᠤᠷᠢᠯᠠᠬᠤ ᠲᠤᠬᠢᠶᠠᠯ ᠢ ᠪᠠᠭᠠᠰᠬᠠᠨᠠ᠃ ᠬᠤᠷᠠᠭᠠ ᠶᠢ ᠡᠪᠡᠰᠥᠨ ᠪᠤᠷᠳᠤᠭᠠ ᠪᠠᠷ | ᠲᠡᠵᠢᠭᠡᠬᠦ ᠳᠡᠭᠡᠨ ᠴᠠᠷᠭᠠᠰᠤ᠂ ᠬᠤᠩᠭᠤᠷᠴᠤᠭᠳᠤ ᠮᠤᠳᠤᠨ ᠤ ᠨᠠᠪᠴᠢ᠂ ᠬᠤᠸᠠᠱᠧᠩ ᠤᠨ ᠨᠠᠪᠴᠢ ᠵᠡᠷᠭᠡ ᠵᠥᠭᠡᠯᠡᠨ | ᠨᠢᠯᠵᠠᠷᠠᠢ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠶᠢ ᠰᠤᠩᠭᠤᠬᠤ ᠬᠡᠷᠡᠭᠳᠡᠢ᠃ ᠨᠠᠷᠢᠯᠢᠭ ᠪᠤᠷᠳᠤᠭᠠ ᠪᠠᠷ ᠲᠡᠵᠢᠭᠡᠬᠦ ᠳᠡᠭᠡᠨ | ᠤᠷᠢᠳ ᠢᠶᠠᠷ ᠬᠡᠮᠬᠡᠯᠵᠤ᠂ ᠤᠰᠤᠨ ᠳᠤ ᠲᠡᠪᠳᠡᠭᠡᠨ ᠵᠥᠭᠡᠯᠡᠷᠡᠭᠦᠯᠥᠨᠡ᠃ ᠬᠠᠰᠢᠶᠠ ᠰᠠᠷᠠᠪᠴᠢᠨ ᠲᠤᠳᠤᠷᠠ | ᠥᠷᠭᠡᠰᠤ ᠲᠠᠢ ᠪᠠ ᠪᠥᠳᠦᠭᠦᠯᠢᠭ ᠬᠠᠳᠠᠭᠤ ᠡᠪᠡᠰᠤ ᠳᠡᠪᠢᠰᠴᠤ ᠪᠤᠯᠬᠤ ᠦᠭᠡᠢ᠃ ᠬᠡᠮᠨᠡᠭᠰᠡᠨ ᠬᠤᠷᠠᠭᠠ ᠶᠢ | ᠲᠤᠰᠠᠭᠠᠷᠯᠠᠨ ᠲᠡᠵᠢᠭᠡᠵᠤ ᠠᠷᠠᠴᠢᠯᠠᠨᠠ᠃ ᠬᠡᠮᠨᠡᠭᠰᠡᠨ ᠬᠤᠷᠠᠭᠠᠨ ᠳᠤ ᠬᠡᠷᠡᠭᠯᠡᠬᠦ ᠬᠠᠰᠢᠶᠠ ᠰᠠᠷᠠᠪᠴᠢ᠂ ᠪᠠᠭᠠᠵᠢ | ᠬᠡᠷᠡᠭᠰᠡᠯ ᠢ 3% ᠶᠢᠨ ᠡᠪᠡᠰᠤ ᠮᠤᠳᠤᠨ ᠤ ᠥᠨᠡᠰᠦ᠂ 20% ᠶᠢᠨ ᠲᠥᠭᠦᠬᠡᠢ ᠴᠤᠬᠤᠢ ᠶᠢᠨ ᠴᠢᠢᠳᠡᠮᠡᠭ ᠪᠤᠶᠤ | 2% ᠤᠨ ᠤᠰᠤᠮᠠᠭᠳᠤ ᠨᠠᠳ᠋ᠷᠢ ᠪᠠᠷ ᠰᠥᠷᠴᠢᠨ ᠠᠷᠢᠭᠤᠳᠬᠠᠵᠤ ᠭᠡᠮ ᠬᠢᠵᠢᠭ ᠳᠡᠯᠭᠡᠷᠡᠬᠦ ᠠᠴᠠ ᠰᠡᠷᠭᠡᠶᠢᠯᠡᠨᠡ ᠃ | ︹ ᠡᠮᠴᠢᠯᠡᠭᠡ ︺ ᠬᠥᠩᠭᠡᠨ ᠬᠡᠮᠨᠡᠭᠰᠡᠨ ᠬᠤᠷᠠᠭᠠᠨ ᠤ ᠡᠪᠡᠳᠴᠢᠳᠡᠢ ᠭᠡᠰᠡᠭ ᠢ 2%～3% ᠶᠢᠨ ᠯᠠᠶᠢᠰᠤᠷ ᠤᠨ | ᠠᠭᠤᠰᠤᠮᠠᠯ ᠢᠶᠠᠷ ᠣᠬᠢᠶᠠᠨ ᠠᠷᠢᠭᠤᠳᠬᠠᠵᠤ᠂ ᠬᠢᠮᠰᠠ ᠪᠠᠷ ᠳᠠᠪᠤᠭᠠᠰᠤ ᠶᠢ ᠨᠢ ᠠᠷᠢᠯᠭᠠᠭᠰᠠᠨ ᠤ ᠳᠠᠷᠠᠭᠠ | 2%～3% ᠶᠢᠨ ᠢᠤᠳ᠋ ᠬᠠᠨᠳᠠ ᠳᠡᠭᠡᠷᠡ ᠭᠯᠢᠼᠧᠷᠢᠨ ᠨᠡᠮᠡᠵᠤ ᠨᠠᠶᠢᠷᠠᠭᠤᠯᠤᠭᠰᠠᠨ ᠳ᠋ᠢᠶᠠᠨ ᠭᠠᠨ ᠶᠢᠤ ᠶᠢ | ᠡᠪᠡᠳᠴᠢᠳᠡᠢ ᠬᠡᠰᠡᠭ ᠲᠤ ᠳᠥᠷᠬᠢᠨᠡ᠃ ᠳᠤᠮᠳᠠ ᠬᠡᠮᠵᠢᠶᠡ ᠪᠠᠷ ᠬᠡᠮᠨᠡᠭᠰᠡᠨ ᠬᠤᠨᠢᠨ ᠳᠤ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ | ᠠᠷᠭᠠ ᠶᠢ ᠬᠡᠷᠡᠭᠯᠡᠬᠦ ᠠᠴᠠ ᠭᠠᠳᠠᠨᠠ᠂ ᠲᠠᠬᠢᠵᠤ ᠬᠡᠰᠡᠭᠳᠤ ᠬᠦᠬᠦᠷ ᠬᠦᠴᠢᠯ ᠤᠨ ᠵᠡᠰ ᠢᠶᠠᠷ ᠡᠪᠡᠳᠴᠢᠳᠡᠢ ᠬᠡᠰᠡᠭ ᠢ | ᠱᠥᠷᠭᠦᠭᠡᠨ ᠢᠳᠡᠭᠳᠡᠭᠦᠯᠵᠤ᠂ ᠳᠡᠭᠡᠷᠡ ᠨᠢ ᠳ᠋ᠢᠶᠠᠨ ᠭᠠᠨ ᠶᠢᠤ ᠲᠥᠷᠬᠢᠨᠡ᠃ ᠬᠥᠨᠳᠤ ᠬᠡᠮᠨᠡᠭᠰᠡᠨ ᠬᠤᠨᠢᠨ ᠤ ᠪᠤᠶᠢᠯᠠ | ᠵᠡᠷᠭᠡ ᠢᠯᠪᠤᠷᠠᠭᠰᠠᠨ ᠡᠪᠡᠳᠴᠢᠳᠡᠢ ᠬᠡᠰᠡᠭ ᠢ ᠮᠡᠰᠡ ᠵᠠᠰᠠᠯ ᠤᠨ ᠬᠠᠶᠢᠴᠢ ᠪᠠᠷ ᠠᠮᠢᠳᠤ ᠮᠢᠬᠠᠨ ᠳᠤᠨᠢ ᠬᠥᠷᠳᠡᠯᠡ | ᠬᠠᠶᠢᠴᠢᠯᠠᠨ ᠬᠠᠶᠠᠵᠤ᠂ ᠳᠠᠠᠷᠠᠭᠠ ᠳᠤᠨᠢ ᠬᠦᠬᠦᠷ ᠬᠦᠴᠢᠯ ᠤᠨ ᠵᠡᠰ ᠢᠶᠠᠷ ᠢᠳᠡᠭᠳᠡᠭᠦᠯᠥᠭᠰᠡᠨ ᠤ ᠳᠠᠷᠠᠭᠠ ᠳ᠋ᠢᠶᠠᠨ | ᠭᠠᠨ ᠲᠥᠷᠬᠢᠵᠤ ᠲᠠᠯᠪᠢᠪᠠᠯ ᠠᠭᠠᠵᠢᠮ ᠢᠶᠠᠷ ᠡᠳᠡᠭᠡᠷᠡᠳᠡᠭ᠃ | | |