ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠠᠰᠪᠤᠷ ᠪᠤᠯᠤᠳ ᠵᠠᠯᠢᠳᠤ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018-06-08
     ᠨᠢᠭᠡᠨ ᠰᠢᠳᠤᠷᠭᠤ ᠲᠡᠨᠡᠭ ᠭᠥᠮᠥᠨ ᠪᠠᠷ ᠭᠠᠵᠠᠷ ᠴᠤᠭᠤᠷᠠᠭᠰᠠᠨ ᠤ ᠲᠤᠳᠤᠷᠠᠴᠠ‌ᠡᠷᠳᠡ ᠴᠠᠭ ᠤᠨ ᠭᠥᠮᠥᠨ ᠤ ᠪᠤᠯᠠᠭᠰᠠᠨ ᠠᠯᠳᠠᠨ ᠤ ᠰᠠᠩ ᠤᠯᠤᠭᠠᠳ ᠥᠪᠡᠷ ᠢᠶᠠᠨ ᠡᠰᠡ ᠲᠠᠨᠢᠭᠰᠠᠨ ᠤ ᠲᠤᠯᠠ᠂  ᠠᠷᠭᠠᠳᠤ ᠭᠡᠷᠰᠡᠤ ᠭᠡᠮᠡᠭᠳᠡᠭᠦ ᠨᠥᠭᠦᠷ ᠶᠦᠭᠡᠨ ᠤᠳᠤᠷᠢᠳᠤᠨ ᠥᠵᠡᠭᠦᠯᠥᠭᠰᠡᠨ᠎ᠡ ᠲᠡᠷᠡ ᠪᠠᠷ ᠠᠯᠳᠠ ᠮᠥᠨ ᠬᠡᠮᠡᠪᠡᠢ᠃ ᠲᠡᠭᠦᠨᠴᠡ᠂ ᠲᠡᠨᠡᠭ ᠭᠥᠮᠥᠨ  ᠪᠠᠷ ᠡᠳᠥᠭᠡ ᠪᠢᠳᠠ ᠬᠤᠶᠠᠭᠤᠯᠠ ᠡᠭᠦᠨ ᠢ ᠬᠤᠪᠢᠶᠠᠵᠤ ᠠᠪᠰᠤᠭᠠᠢ ᠭᠡᠮᠡᠭᠡᠳ᠂ ᠠᠪᠴᠤ ᠢᠷᠡᠭᠦᠢ ᠳᠤᠷ ᠭᠡᠷᠰᠡᠤ ᠨᠡᠷᠡᠳᠤ ᠥᠭᠦᠯᠡᠷᠥᠨ᠂ ᠪᠢᠳᠠᠠ ᠤ ᠬᠡᠷᠳᠡ ᠭᠠᠳᠠᠨ᠎ᠠ ᠶᠢᠨ ᠭᠥᠮᠥᠨ ᠢᠷᠡᠭᠦ ᠪᠤᠯᠵᠢᠶ᠎ᠠ ᠥᠭᠡᠢ ᠲᠤᠯᠠ᠂ ᠠᠯᠳᠠᠨ ᠢ ᠡᠳᠥᠭᠡ ᠨᠢᠭᠡᠨ ᠭᠠᠵᠠᠷ᠎ᠠ ᠨᠢᠭᠤᠵᠤ ᠲᠠᠯᠪᠢᠭᠠᠳ ᠮᠠᠷᠭᠠᠳᠠ ᠢᠷᠡᠵᠥ ᠠᠪᠰᠤᠭᠠᠢ ᠭᠡᠮᠡᠭᠡᠳ ᠬᠡᠯᠡᠯᠴᠡᠨ ᠤᠯᠤᠯᠴᠠᠵᠤ᠂ ᠨᠢᠭᠡᠨ ᠪᠥᠳᠥᠭᠦᠨ ᠮᠤᠳᠤᠨ ᠤ ᠢᠷᠤᠭᠠᠷ᠎ᠠ ᠪᠤᠯᠠᠵᠤ ᠲᠠᠯᠪᠢᠭᠠᠳ ᠬᠠᠷᠢᠪᠠᠢ᠃ ᠰᠥᠨᠢ᠂ ᠭᠡᠷᠰᠡᠤ ᠭᠡᠮᠡᠭᠳᠡᠭᠦ ᠲᠡᠷᠡ ᠵᠠᠯᠢᠳᠤ ᠨᠥᠭᠦᠷ ᠢᠨᠤ ᠪᠤᠴᠠᠵᠤ ᠬᠠᠷᠢᠭᠠᠳ ᠴᠥᠮ ᠢ ᠰᠢᠯᠵᠢᠭᠦᠯᠥᠨ ᠠᠪᠠᠴᠢᠵᠤ᠂ ᠮᠠᠷᠭᠠᠳᠠ ᠥᠷᠯᠥᠭᠡ ᠢᠨᠤ ᠬᠤᠶᠠᠭᠤᠯᠠ ᠢᠷᠡᠭᠦᠢ ᠳᠤᠷ ᠠᠯᠳᠠ ᠠᠯᠠᠭ᠎ᠠ ᠪᠤᠯᠤᠭᠰᠠᠨ ᠢ ᠥᠵᠡᠵᠥ᠂  ᠭᠡᠷᠰᠡᠤ  ᠥᠭᠦᠯᠡᠷᠥᠨ  ᠴᠢ  ᠬᠤᠯᠠᠭᠤᠭᠰᠠᠨ  ᠪᠤᠶ᠎ᠡ᠂ ᠡᠭᠦᠨ ᠢ ᠮᠡᠳᠡᠭᠦ ᠭᠥᠮᠥᠨ ᠴᠢᠮᠠᠴᠠ ᠥᠪᠡᠷ᠎ᠡ ᠥᠭᠡᠢ ᠪᠥᠯᠥᠭᠡ ᠭᠡᠮᠡᠭᠦᠢ ᠳᠤᠷ ᠲᠠᠨᠡᠭ ᠪᠠᠷ᠂ ᠪᠢ ᠭᠠᠭᠴᠠᠭᠠᠷ ᠠᠪᠬᠤ ᠪᠤᠯᠪᠠᠰᠤ ᠠᠩᠬ᠎ᠠ ᠲᠡᠷᠢᠭᠦᠨ ᠴᠢᠮᠠᠯᠤᠭ᠎ᠠ ᠬᠤᠪᠢᠶᠠᠰᠤᠭᠠᠢ ᠭᠡᠮᠡᠭᠦ ᠤᠴᠢᠷ ᠥᠭᠡᠢ ᠭᠡᠮᠡᠵᠥ ᠡᠰᠡ ᠭᠥᠯᠢᠶᠡᠭᠰᠡᠨ᠎ᠡ᠂ ᠠᠷᠭᠠᠳᠤ ᠭᠡᠷᠰᠡᠤ ᠪᠠᠷ ᠬᠠᠨ ᠳᠤᠷ ᠤᠳᠴᠤ ᠵᠠᠭᠠᠯᠳᠤᠵᠤᠬᠤᠢ᠃ ᠬᠠᠨ ᠪᠠᠷ ᠲᠠᠨ ᠤᠳ ᠲᠤᠷ ᠭᠡᠷᠡᠴᠢ ᠵᠥᠢᠯ ᠥᠭᠡᠢ ᠲᠤᠯᠠ ᠲᠡᠷᠡ ᠪᠤᠯᠠᠭᠰᠠᠨ ᠮᠤᠳᠤᠨ ᠤ ᠲᠡᠷᠭᠡᠳᠠ ᠤᠴᠢᠵᠤ ᠰᠢᠨᠵᠢᠯᠡᠭᠦ ᠭᠡᠷᠡᠭᠳᠡᠢ ᠪᠠᠶᠢᠨᠠᠮ᠂ ᠮᠤᠳᠤᠨ ᠤ ᠰᠠᠬᠢᠭᠤᠰᠤ ᠠᠴᠠ ᠠᠰᠠᠭᠤᠰᠤᠭᠠᠢ ᠭᠡᠮᠡᠭᠡᠳ ᠴᠠᠭ ᠢ ᠬᠥᠯᠢᠶᠡ ᠭᠡᠮᠡᠨ ᠵᠠᠬᠢᠭᠰᠠᠨ᠎ᠠ᠂ ᠠᠷᠭᠠᠳᠤ ᠭᠡᠷᠰᠡᠤ ᠭᠡᠷ ᠲᠡᠭᠡᠨ ᠬᠠᠷᠢᠵᠤ ᠡᠴᠢᠭᠡ ᠳᠤ ᠪᠠᠨ ᠲᠡᠷᠡ ᠮᠤᠳᠤᠨ ᠭᠥᠨᠳᠡᠢ ᠳᠤᠷ ᠨᠢᠭᠤᠵᠤ ᠵᠠᠷᠭᠤ ᠶᠢ ᠢᠯᠭᠠᠨ ᠥᠭᠦᠯᠡ ᠭᠡᠮᠡᠨ ᠨᠢᠭᠤᠴᠠ ᠪᠠᠷ ᠵᠠᠬᠢᠪᠠᠢ᠃ ᠪᠤᠯᠵᠤᠭᠰᠠᠨ ᠡᠳᠥᠷ ᠬᠠᠨ᠂ ᠲᠥᠰᠢᠮᠡᠳ ᠶᠤᠭᠠᠨ ᠲᠠᠭᠠᠭᠤᠯᠤᠨ ᠲᠡᠷᠡ ᠶᠡᠭᠡ ᠮᠤᠳᠤᠨ ᠤ ᠲᠤᠤᠷ᠎ᠠ ᠴᠢᠭᠤᠯᠠᠵᠤ ᠮᠤᠳᠤᠨ ᠤ ᠰᠠᠬᠢᠭᠤᠰᠤ ᠠᠴᠠ᠂ ᠲᠠ ᠡᠨᠡ ᠬᠤᠶᠠᠷ ᠭᠥᠮᠥᠨ ᠤ ᠶᠠᠪᠤᠳᠠᠯ ᠢ ᠮᠡᠳᠡᠭᠦ ᠪᠥᠭᠡᠰᠤ ᠠᠶᠢᠯᠠᠳᠬᠠᠨ ᠰᠤᠶᠤᠷᠬ᠎ᠠ ᠭᠡᠮᠡᠨ ᠵᠠᠷᠯᠢᠭ ᠪᠤᠯᠬᠤᠶ᠎ᠠ ᠬᠡᠷᠰᠡᠤ ᠶᠢᠨ ᠡᠴᠢᠭᠡ ᠮᠤᠳᠤᠨ ᠤ ᠲᠤᠳᠤᠷᠠᠴᠠ᠂ ᠲᠡᠨᠡᠭ ᠬᠤᠯᠠᠭᠤᠪᠠᠢ ᠭᠡᠮᠡᠨ ᠲᠠᠭᠤᠨ ᠭᠠᠷᠤᠭᠰᠠᠨ᠎ᠠ᠂ ᠬᠠᠨ ᠪᠠᠷ ᠲᠡᠨᠡᠭ ᠢ ᠠᠯᠠᠭᠳᠤᠨ ᠭᠡᠮᠡᠪᠡᠢ᠃ ᠲᠡᠭᠦᠨ᠎ᠡ ᠲᠡᠨᠡᠭ ᠪᠠᠷ᠂ ᠪᠢ ᠬᠤᠯᠠᠭᠤᠭᠰᠠᠨ ᠥᠭᠡᠢ ᠪᠥᠭᠡᠳᠡᠯ᠎ᠡ ᠡᠨᠡ ᠮᠤᠳᠤᠨ ᠤ ᠰᠠᠬᠢᠭᠤᠰᠤ ᠬᠤᠳᠠᠯ ᠬᠡᠯᠡᠭᠰᠡᠨ ᠲᠤᠯᠠ ᠪᠢ ᠡᠭᠦᠨ ᠢ ᠤᠷᠢᠳ ᠲᠥᠯᠡᠰᠥᠭᠡᠢ᠂ ᠲᠡᠭᠦᠨ ᠤ ᠰᠡᠭᠦᠯ ᠳᠤᠷ ᠨᠠᠮᠠᠢᠢ ᠠᠯᠠᠭᠳᠤᠨ ᠭᠡᠮᠡᠭᠦᠢ   ᠳᠤᠷ  ᠭᠡᠷᠰᠡᠤ  ᠰᠠᠨᠳᠤᠷᠴᠤ  ᠥᠭᠦᠯᠡᠷᠥᠨ᠂ ᠡᠨᠡ ᠢᠨᠤ ᠰᠠᠬᠢᠭᠤᠰᠤ ᠲᠤᠯᠠ ᠲᠥᠯᠡᠪᠡᠰᠤ ᠴᠢᠮᠠᠳᠤᠷ ᠮᠠᠭᠤ ᠪᠤᠯᠤᠮᠤᠢ᠂ ᠪᠤᠤ ᠲᠥᠯᠡ ᠬᠡᠮᠡᠪᠡᠴᠤ ᠲᠡᠨᠡᠭ ᠪᠠᠷ᠂ ᠡᠳᠥᠭᠡ ᠨᠠᠳᠠᠳᠤ ᠥᠭᠦᠭᠦ ᠠᠴᠠ ᠢᠯᠡᠭᠦᠥ ᠮᠠᠭᠤ ᠥᠭᠡᠢ ᠭᠡᠮᠡᠭᠡᠳ ᠮᠤᠳᠤᠨ ᠤ ᠢᠷᠤᠭᠠᠷ᠎ᠠ ᠲᠥᠯᠡᠭᠡ ᠬᠤᠷᠢᠶᠠᠨ ᠰᠢᠳᠠᠭᠠᠨ ᠡᠭᠦᠰᠭᠡᠭᠰᠡᠨ᠎ᠡ ᠡᠪᠤᠭᠡᠨ ᠮᠠᠩᠳᠠᠵᠤ ᠮᠤᠳᠤᠨ ᠤ ᠲᠤᠳᠤᠷᠠᠴᠠ ᠨᠢᠯᠪᠤᠰᠤᠨ ᠠᠰᠬᠠᠷᠠᠭᠤᠯᠤᠨ ᠬᠠᠨᠢᠶᠠᠭᠰᠠᠭᠠᠷ ᠭᠠᠷᠴᠤ ᠢᠷᠡᠭᠦᠶ᠎ᠡ ᠥᠵᠡᠪᠡᠰᠤ ᠭᠡᠷᠰᠡᠤ ᠶᠢᠨ ᠡᠴᠢᠭᠡ ᠠᠵᠤᠭᠤ᠃ ᠲᠡᠭᠦᠨ ᠤ ᠤᠴᠢᠷ ᠢ ᠬᠠᠨ ᠲᠤᠳᠤᠯᠠᠨ ᠮᠡᠳᠡᠵᠥ᠂ ᠭᠡᠷᠰᠡᠤ ᠶᠢ ᠠᠯᠠᠭᠠᠳ᠂ ᠡᠪᠥᠭᠡᠨ ᠢ ᠲᠤᠩᠭᠤᠳᠴᠤ ᠬᠠᠷ᠎ᠠ ᠭᠡᠷ ᠲᠤᠷ ᠲᠠᠷᠤᠭᠠᠳ᠂ ᠠᠯᠳᠠᠨ ᠢ ᠲᠡᠨᠡᠭ ᠲᠤᠷ ᠥᠭᠭᠦᠯᠥᠭᠡ ᠭᠡᠮᠡᠵᠤᠬᠦᠢ᠃     ᠲᠡᠶᠢᠮᠤ ᠲᠤᠯᠠ᠂ ᠰᠠᠨᠠᠭ᠎ᠠ ᠮᠠᠭᠤ ᠪᠤᠯᠪᠠᠰᠤ ᠵᠠᠶᠠᠭ᠎ᠠ ᠪᠠᠷᠠᠭᠳᠠᠬᠤ ᠭᠡᠮᠡᠭᠦ ᠶᠤᠰᠤᠨ ᠡᠶᠢᠮᠤ ᠪᠤᠶᠤ᠃            
  
ᠢᠷᠡᠯᠲᠡ᠄ ︽ᠡᠷᠳᠡᠨᠢ ᠶᠢᠨ ᠰᠠᠩ ᠰᠤᠪᠠᠰᠢᠳᠢ︾ ᠠᠴᠠ​
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠮᠠᠭᠤ ᠬᠢᠭᠰᠡᠨ ᠤ ᠬᠠᠷᠢᠭᠤ ᠥᠪᠡᠷ ᠲᠤᠷ ᠪᠤᠯᠪᠠᠰᠤᠷᠠᠬᠤ ᠭᠡᠮᠡᠭᠦ ᠢᠨᠤ
ᠬᠤᠳᠳᠤᠭ ᠵᠢᠭᠡᠯᠡᠭᠴᠢ ᠬᠠᠭᠠᠨ
ᠠᠷᠭᠠᠳᠤ ᠲᠠᠤᠯᠠᠢ ᠠᠷᠰᠯᠠᠨ ᠢ ᠲᠡᠶᠢᠯᠥᠭᠰᠠᠨ ᠭᠡᠮᠡᠭᠦ ᠢᠨᠥ
ᠭᠥᠴᠥᠨ ᠭᠠᠷᠬᠤ ᠬᠢᠭᠡᠳ ᠢᠨᠴᠠᠭᠯᠠᠬᠤ
ᠲᠤᠯᠤᠭᠠᠨ ᠪᠥᠭᠡᠰᠤ ᠨᠢᠭᠡ ᠨᠤᠬᠠᠢ ᠪᠥᠭᠡᠰᠥᠨ ᠯᠦᠭᠡ ᠨᠥᠭᠦᠷᠯᠡᠭᠰᠡᠨ ᠭᠡᠮᠡᠭᠦ ᠢᠨᠤ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号