| ᠤᠷᠢᠳᠤ ᠴᠠᠭ᠂ ᠲᠠᠬᠢᠯᠭᠠᠴᠢ ᠪᠢᠷᠠᠮᠠᠨ ᠮᠠᠯ ᠤᠨ ᠵᠠᠬᠠ ᠠᠴᠠ ᠢᠮᠠᠭᠠᠨ ᠨᠢᠭᠡᠨ ᠢ ᠬᠤᠳᠠᠯᠳᠤᠨ ᠠᠪᠤᠭᠠᠳ | ᠲᠡᠭᠷᠢ ᠲᠠᠬᠢᠷᠠ ᠭᠥᠳᠥᠯᠥᠨ ᠶᠠᠪᠤᠬᠤᠢ ᠶᠢ ᠲᠠᠷᠠ ᠭᠠᠵᠠᠷ ᠤᠨ ᠬᠤᠯᠠᠭᠠᠶᠢᠴᠢ ᠮᠡᠳᠡᠭᠡᠳ ᠮᠠᠭᠤ ᠶᠠᠪᠤᠳᠠᠯᠳᠤ ᠲᠠᠪᠤᠨ | ᠨᠥᠭᠦᠳ ᠶᠦᠭᠡᠨ ᠴᠤᠭᠯᠠᠭᠤᠯᠵᠤ ᠠᠷᠭᠠ ᠭᠡᠯᠡᠯᠴᠡᠵᠥ᠂ ᠪᠢᠷᠠᠮᠠᠨ ᠤ ᠤᠳᠬᠤ ᠵᠠᠮ ᠳᠤᠷ ᠨᠢᠭᠡᠨ ᠨᠢᠭᠡᠨ ᠢᠶᠠᠷ ᠶᠠᠪᠤᠬᠤ | ᠮᠡᠳᠤ ᠪᠠᠶᠢᠭᠰᠠᠨ ᠠᠴᠠ ᠪᠢᠷᠠᠮᠠᠨ ᠪᠠᠷ ᠶᠠᠪᠤᠭᠰᠠᠭᠠᠷ᠂ ᠠᠩᠬᠠᠨ ᠤ ᠭᠥᠮᠥᠨ ᠢ ᠲᠠᠭᠠᠷᠢᠵᠤ ᠭᠠᠷᠬᠤᠢ ᠳᠤᠷ ᠲᠡᠷᠡ | ᠬᠤᠯᠠᠭᠠᠶᠢᠴᠢ ᠪᠠᠷ᠂ ᠠᠶᠠ ᠶᠢᠷᠳᠢᠨᠴᠤ ᠳᠤᠷ ᠨᠤᠬᠠᠢ ᠭᠥᠳᠥᠯᠥᠭᠰᠡᠨ ᠪᠢᠷᠠᠮᠠᠨ ᠴᠤ ᠪᠤᠢ ᠠᠵᠤᠭᠤ ᠭᠡᠮᠡᠨ ᠠᠯᠢᠶᠠᠯᠠᠬᠤ | ᠮᠡᠳᠤ ᠥᠭᠦᠯᠡᠭᠦᠢ ᠶᠢ ᠲᠡᠷᠡ ᠪᠢᠷᠠᠮᠠᠨ ᠪᠠᠷ ᠬᠡᠷᠡᠭ ᠲᠤᠷ ᠠᠪᠤᠯ ᠥᠭᠡᠢ ᠶᠠᠪᠤᠪᠠᠢ᠃ ᠬᠤᠶᠠᠳᠤᠭᠠᠷ ᠬᠤᠯᠠᠭᠠᠶᠢᠴᠢ | ᠯᠤᠭᠠ ᠤᠴᠠᠷᠠᠬᠤᠢ ᠳᠤᠷ ᠰᠠᠶᠢᠨ ᠨᠤᠬᠠᠢ ᠪᠠᠶᠢᠨᠠᠮ ᠭᠡᠮᠡᠭᠡᠳ ᠤᠳᠪᠠᠢ᠂ ᠭᠤᠳᠠᠭᠠᠷ ᠪᠠ ᠲᠥᠳᠥᠭᠡᠷ ᠭᠥᠮᠥᠨ ᠴᠤ | ᠮᠥᠨ ᠬᠥ᠋ ᠲᠡᠭᠦᠨᠴᠢᠯᠡᠨ ᠡᠯᠳᠡᠪ ᠢᠶᠠᠷ ᠭᠠᠶᠢᠬᠠᠭᠴᠢᠨ ᠰᠤᠴᠢᠭᠴᠢᠨ ᠪᠤᠯᠵᠤ ᠥᠭᠦᠯᠡᠭᠦᠢ ᠳᠤᠷ ᠪᠢᠷᠠᠮᠠᠨ ᠰᠡᠵᠢᠭ | ᠲᠥᠷᠥᠵᠥ ᠲᠡᠷᠡ ᠭᠥᠳᠥᠯᠭᠦ ᠢᠮᠠᠭᠠ ᠶᠤᠭᠠᠨ ᠡᠷᠬᠢᠴᠡᠭᠦᠯᠥᠨ ᠰᠠᠶᠢᠳᠤᠷ ᠠᠵᠢᠪᠠᠰᠤ ᠨᠤᠬᠠᠢ ᠳᠤ ᠪᠠᠶᠢᠳᠠᠭ ᠤᠷᠳᠤ | ᠰᠡᠭᠦᠯ ᠬᠢᠭᠡᠳ ᠬᠢᠮᠤᠰᠤ ᠲᠡᠷᠢᠭᠦᠳᠡᠨ ᠥᠭᠡᠢ ᠪᠥᠭᠡᠳ ᠢᠮᠠᠭᠠᠨ ᠳᠤ ᠪᠠᠶᠢᠳᠠᠭ ᠡᠪᠡᠷ ᠪᠠ ᠰᠠᠬᠠᠯ ᠲᠡᠷᠢᠭᠦᠳᠡᠨ | ᠪᠠᠶᠢᠬᠤ ᠮᠡᠳᠤ ᠲᠤᠯᠠ᠂ ᠢᠮᠠᠭᠠ ᠮᠥᠨ ᠭᠡᠮᠡᠨ ᠰᠠᠨᠠᠭᠠᠳ ᠬᠡᠳᠡᠷᠭᠦ ᠬᠠᠷᠠᠨ ᠬᠠᠷᠠᠨ ᠭᠥᠳᠥᠯᠵᠤ ᠶᠠᠪᠤᠪᠠᠢ᠃ ᠲᠡᠳᠥᠢ | ᠳᠤᠷ᠂ ᠲᠠᠪᠤᠳᠤᠭᠠᠷ ᠬᠤᠯᠠᠭᠠᠶᠢᠴᠢ ᠪᠠᠷ ᠪᠢᠷᠠᠮᠠᠨ ᠢ ᠥᠵᠡᠭᠡᠳ᠂ ᠠᠶᠤᠬᠤ ᠮᠡᠳᠤ ᠶᠠᠮᠪᠠᠷ ᠰᠥᠷᠡᠭᠡᠢ ᠤᠯᠠᠭᠠᠨ | ᠨᠢᠳᠤᠳᠤ ᠪᠥᠳᠥᠭᠦᠨ ᠨᠤᠬᠠᠢ ᠪᠤᠢ ᠬᠡᠮᠡᠨ ᠶᠡᠭᠡᠳᠡ ᠰᠡᠵᠢᠭᠯᠡᠭᠴᠢ ᠪᠤᠯᠤᠨ ᠤᠪᠯᠠᠵᠤ ᠬᠤᠯᠠᠭᠤᠷ ᠲᠤᠭᠤᠶᠢᠯᠠᠵᠤ | ᠶᠠᠪᠤᠬᠤᠶᠠ ᠪᠢᠷᠠᠮᠠᠨ ᠪᠠᠷ ᠮᠥᠨ ᠶᠡᠭᠡᠳᠠ ᠰᠡᠵᠢᠭᠯᠡᠭᠰᠡᠨ ᠠᠪᠠᠴᠤ ᠮᠥᠨ ᠭᠥᠳᠥᠯᠵᠤ ᠶᠠᠪᠤᠪᠠᠢ᠃ ᠡᠴᠥᠰ ᠤᠨ | ᠬᠤᠯᠠᠭᠠᠶᠢᠴᠢ ᠵᠠᠮ ᠳᠤᠷ ᠲᠥᠯᠭᠡᠴᠢ ᠭᠡᠮᠡᠨ ᠬᠠᠭᠤᠷᠴᠤ ᠪᠢᠷᠠᠮᠠᠨ ᠢ ᠥᠵᠡᠮᠡᠭᠴᠡ ᠬᠤᠯᠠ ᠠᠴᠠ᠂ ᠨᠤᠬᠠᠢ | ᠭᠥᠳᠥᠯᠥᠭᠴᠢ ᠴᠢᠨᠤ ᠵᠠᠶᠠᠭᠠᠨ ᠡᠨᠡ ᠨᠤᠬᠠᠢ ᠠᠴᠠ ᠪᠤᠯᠵᠤ ᠮᠠᠭᠤᠳᠠᠬᠤ ᠪᠥᠯᠥᠭᠡ ᠭᠡᠮᠡᠭᠡᠳ ᠴᠢᠨᠠᠭᠰᠢ ᠡᠷᠬᠢᠵᠤ | ᠲᠠᠭᠤᠨ ᠥᠭᠡᠢ ᠤᠳᠬᠤᠢ ᠳᠤᠷ ᠪᠢᠷᠠᠮᠠᠨ ᠪᠠᠷ᠂ ᠡᠭᠦᠨ ᠢ ᠤᠴᠠᠷᠠᠭᠰᠠᠨ ᠭᠥᠮᠥᠨ ᠪᠥᠭᠦᠳᠡ ᠨᠤᠬᠠᠢ ᠭᠡᠮᠡᠯᠳᠥᠭᠦᠢ ᠪᠠᠷ | ᠰᠢᠨᠵᠢᠯᠡᠪᠡᠰᠤ ᠨᠠᠳᠠ ᠠᠴᠠ ᠪᠤᠰᠤᠳ ᠤᠯᠤᠰ ᠲᠤᠷ ᠨᠤᠬᠠᠢ ᠥᠵᠡᠭᠳᠡᠭᠦ ᠪᠤᠯᠪᠠᠴᠤ ᠮᠢᠨᠤ ᠨᠢᠳᠥᠨ ᠳᠤᠷ ᠭᠠᠭᠴᠠ | ᠢᠮᠠᠭᠠ ᠪᠤᠯᠵᠤ ᠬᠠᠷᠠᠭᠳᠠᠭᠴᠢ ᠠᠵᠤᠭᠤ᠂ ᠰᠠᠨᠠᠪᠠᠰᠤ ᠶᠠᠮᠪᠠᠷ ᠨᠢᠭᠡᠨ ᠶᠠᠭᠴᠠᠰ ᠪᠠᠷ ᠮᠢᠨᠤ ᠲᠠᠬᠢᠯ ᠢ ᠢᠳᠡᠰᠥᠭᠡᠢ | ᠭᠡᠮᠡᠨ ᠬᠤᠪᠢᠯᠤᠭᠰᠠᠨ ᠪᠤᠯᠤᠯᠳᠠᠢ ᠭᠡᠮᠡᠨ ᠪᠤᠳᠤᠭᠠᠳ ᠮᠥᠨ ᠲᠠᠨᠳᠠ ᠤᠷᠬᠢᠭᠠᠳ ᠶᠠᠪᠤᠭᠰᠠᠨ ᠢ ᠤᠯᠠᠨ ᠬᠤᠯᠠᠭᠠᠶᠢᠴᠢ | ᠨᠠᠷ ᠴᠤᠭᠯᠠᠵᠤ᠂ ᠢᠮᠠᠭᠠ ᠶᠢ ᠢᠨᠥ ᠠᠪᠠᠴᠢᠭᠠᠳ ᠢᠳᠡᠵᠥᠭᠦᠢ ᠭᠡᠮᠡᠵᠥᠭᠦᠢ᠃ | ᠲᠡᠭᠦᠨᠴᠢᠯᠡᠨ᠂ ᠥᠵᠡᠳᠡᠯᠡ ᠥᠨᠡᠨ ᠪᠥᠭᠡᠳ ᠨᠤᠳᠠ ᠪᠠᠶᠢᠭᠴᠢ ᠵᠥᠢᠯ ᠢ ᠥᠷᠭᠦᠯᠵᠢᠳᠡ ᠮᠠᠭᠤᠯᠠᠨ ᠤᠯᠠᠨᠳᠠ | ᠬᠤᠪᠯᠠᠪᠡᠰᠤ᠂ ᠤᠯᠳᠤᠢ ᠵᠠᠷᠢᠮ ᠠᠨᠤ ᠪᠠᠳᠤ ᠶᠤᠭᠠᠨ ᠠᠯᠳᠠᠵᠤ ᠡᠪᠡᠷᠳᠤ ᠢᠮᠠᠭᠠᠨ ᠢ ᠭᠥᠷᠳᠡᠯᠡ ᠰᠤᠶᠤᠭᠠᠳᠤ ᠨᠤᠬᠠᠢ | ᠭᠡᠮᠡᠨ ᠰᠡᠵᠢᠭᠯᠡᠭᠦ ᠪᠤᠯᠤᠶᠤ ᠭᠡᠮᠡᠨ ᠥᠭᠦᠯᠡᠭᠴᠢ ᠡᠶᠢᠮᠤ ᠥᠯᠢᠭᠡᠷ ᠪᠤᠶᠤ᠃ | |